|
بكره الســمايه ,,, الدعوه للجميع ,,,
|
تجدونى والله فى غاية السعاده والانبساط , لاستجابة الاخ بكرى اخيرا بتغيير اسمى من كمال على
الى كمال سالم ,, الاسم الذى اعتز به كثيرا ,, خاصة وانى كنت اتخيل غضب المرحوم والدى سالم
وهو فى قبره , وهو يظن اننى وبكامل ارادتى قد تنازلت عن اسمه الذى اعتز وافخر به .
الا أنه يرحمه الله لايدرى كم اجتهدت وناضلت خلال ثمانيه أشهر هى عمرى فى المنبر , وياريته يعرف
كم من البوستات قد فتحت , وكم من المداخلات قد استغليت مواضيعها وحشرت قضيتى فيها , رحمه
الله لم يعلم بعدد الايميلات التى ارسلتها لاخونا بكرى ,
فالحمد لله يأأبى نم قرير العين الان , فأسمك صار يجر اسمى ويبخر به فى عباب أكبر المواقع
الاسفيريه السودانيه على الاطلاق ,,
شكرا بكرى ابوبكر ( سبحان الله الواحد الزمن ده بقى يشكر الناس فى حقو ) ,, شكرا بكرى أبوبكر
ولن تتخيل سعادتى وأنا أرى اسمى هكذا ( كمــال ســـالم ) .
دعوه : ________
أبوساندرا , عمر سعد , هارون دياب ,, وكل بورداب الدوحه ,, السمايه بكره الجمعه بأصدقاء
البيئه ,, عادل التجانى جهز الخروف ,,,
|
|
|
|
|
|
|
|
Re: بكره الســمايه ,,, الدعوه للجميع ,,, (Re: كمال سالم)
|
( لاحول الله ) يابكرى ,,
أتارى التمن غالى كده ,, تعب سنينى وشقى عمرى كلوا راح ,,, وين مشاركاتى ,, وين بوستاتى ,, وين مداخلاتى ,,
حتى تاريخ تسجيلى بقى بتاريخ التعديل ,,ده ماكان تعديل ده ,,,
الحقنى يابكرى ,,,,,
| |
|
|
|
|
|
|
Re: بكره الســمايه ,,, الدعوه للجميع ,,, (Re: كمال سالم)
|
Quote: تعب سنينى وشقى عمرى كلوا راح ,,, وين مشاركاتى ,, وين بوستاتى ,, وين مداخلاتى
{ تي } دي راجعة لمنو يا معلم ل كمال سالم أم ل كمال علي ؟ !
يا زول أنت إسمك كمال سالم ماعندك أي { تي } سابقآ ال { تي }دي رادجعة للمرحوم كمال علي
فبطل السلبطة |
| |
|
|
|
|
|
|
Re: بكره الســمايه ,,, الدعوه للجميع ,,, (Re: أبو ساندرا)
|
حمدلله على السلامة الاخ كمال على تغير الاسم على فكرة بقيت مشهور بتغير الاسم.. امس اتصل بي اخوك عادل جزاءه الله خير بخصوص اخي كمال فقال لي انااخوى كمال فطوالي عرفتك انت الكنت زاري بكري في الزقاق داك تطالبة بتغير اسمك
اخي مرة ثانية حمدلله على السلامة مرة تانية...
تحياتي
الامين
| |
|
|
|
|
|
|
Re: بكره الســمايه ,,, الدعوه للجميع ,,, (Re: أبو ساندرا)
|
كمال ود سالم
طيب ايه رايك في دي؟
مبروك رجوعك الي قواعدك سالما يا ود سالم وان شاء الله الحبيب عادل التيجاني اذن ليك في أضانك.
ومن ناحية قانـــونيـــة ما دام الاسم نزل في المنبر فلا داعــي لتنزيله في الجريدة الرسمية ( الغازيتة ).
وبعدين الاسم أهم من التاريخ والمشاركات والمداخلات ودي كلها ممكن تعوضها بأسرع فرصة خاصة وانت ما شاء الله من النشطين .
أكرر التهنئة وخروف ود التيجاني ما لحقناه وعايزين خروف تاني.
| |
|
|
|
|
|
|
Re: بكره الســمايه ,,, الدعوه للجميع ,,, (Re: كمال سالم)
|
كمال علي مساء الخير يازعيييييييييييييييييم ونحنا قبيل شن قلنا ....ماقلنا حتضحوا بي 362 مشاركه . ويابكري الله يجازي محنك ....ياهو ده زاتو البعد ماشاب دخلوا الكتاب . الزعيم كلوا يبقي في الروضة .....جنس محن ....! خلي ابو ساندرا يقسم ليك حبه من كومه الكبيييييييير . حاسب البوهيه.....! الراجل طوفش واللي كان ....كان . مبروك الاسم الجديد ياكمال علي . هارون دياب
| |
|
|
|
|
|
|