Post: #7 Title: Re: في عيد الحب.... Author: Rasha Hatim Date: 02-14-2008, 08:36 AM Parent: #5
Quote: رندا....
كدة انتي مرفودة بهناك...
وانا قبلت بالمنصب
Post: #9 Title: Re: في عيد الحب.... Author: Rasha Hatim Date: 02-14-2008, 08:38 AM Parent: #7
يا اخواني انتو دي شنو الحركات الجديدة البقى يعمل لينا فيها بكري دي؟؟
ايه اللي منتديات السكري والفوركس والحركات البتشوش علي المستمعين دي
Post: #12 Title: Re: في عيد الحب.... Author: Randa Hatim Date: 02-14-2008, 08:51 AM Parent: #7
Quote: وانا قبلت بالمنصب
اها ... شوف القص دا ... الحاله "اخيتي"
عافية ليك ياقمر بوبا .. جيب "قلوبيتك" وتعال.
Post: #10 Title: Re: في عيد الحب.... Author: Randa Hatim Date: 02-14-2008, 08:41 AM Parent: #5
يعني انت يا قمر بوبا ليه بتعمل لي كدا .؟؟؟ يزرزروك بي هناك تجي تتفش فيني انا ... عاد ما حيطتك القصيرة ..
وبعدين انا بآزر في "اخيتي" هسي انت في ذمتك ما عندك "اخيات" تآزرهم ...
جنس لبدي غايتو ... عالم شايله قلوبياتها وحايمة ...
Post: #8 Title: Re: في عيد الحب.... Author: محمد أبوالعزائم أبوالريش Date: 02-14-2008, 08:37 AM Parent: #1
كل الجمال أتيتي به *** سلم لك الجمال وسلمتى ابنة حاتما
لقيتيني كيف ..... أشتر؟
كل عام والجميع بخير
Post: #11 Title: Re: في عيد الحب.... Author: Rasha Hatim Date: 02-14-2008, 08:41 AM Parent: #8
Quote: كل الجمال أتيتي به *** سلم لك الجمال وسلمتى ابنة حاتما
لقيتيني كيف ..... أشتر؟
عاد لكن ما بسألك يا ابو العزائم
دة هسي نوزنو ليك بياتو ميزان بس؟
غايتو بنشيلو منك بسعر الكسر لكن
Post: #13 Title: Re: في عيد الحب.... Author: Rasha Hatim Date: 02-14-2008, 09:32 AM Parent: #11
اها يا اخوانا نواصل ليكم في موضوع الحب دة
ونفتح ملف الحب
كم كنت استغرب التعبير عن الحب بلفظ "وقع في الحب" لانني لم احس بأي الم ساعة الوقوع فيه... كل الامي تبدأ ساعة الفراق...
كنت لفترة اعتقد, بل ولدي قناعة, ان الحب احد انواع التعود... اما الان فلدي قناعة اضافية جديدة,, وهي تعريف روبرت هيلين للحب في كتابه "غريب في ارض غريبة"... حيث قال:
"ان الحب هو هذه الحالة التي تصبح فيها سعادة شخص اخر ضرورية ومهمة بالنسبة لك"
وكل عام وانتم الحب
Post: #14 Title: Re: في عيد الحب.... Author: Rasha Hatim Date: 02-14-2008, 09:36 AM Parent: #13
اها جبت ليكم احلى دراسة متعمقة عن الحب من الالف الى الياء وبالمناسبة في النهاية في اختبار حربي ونتيجتو ما تخرش المية
ما الذي يحفز الناس ليسعوا وراء الحب؟؟؟ (دة الكلام الكتل اشراقة زاااااتو )
الحافز الاساسي بالنسبة لنا ككائنات بشرية هو اثبات ذواتنا وتطويرها.. وزيادة قدرتنا وفعاليتها.. واحدى اهم الطرق التي نستطيع من خلالها تحقيق هذا الامر هي علاقاتنا مع الاخرين...
نحن نقع عموما في حب الشخص الذي نجده جذابا ولطيفا.. ولكننا بنفس القدر قد نحب بالمقابل من ينجذب الينا ويحبنا.... (الكلام دة بعتمد علي الحنك السنين بالمناسبة )
Post: #15 Title: Re: في عيد الحب.... Author: GamarBoBa Date: 02-14-2008, 09:42 AM Parent: #14
داير نتكلم
بس
خايفين من رندة
Post: #19 Title: Re: في عيد الحب.... Author: Rasha Hatim Date: 02-14-2008, 09:48 AM Parent: #15
Quote: داير نتكلم
بس
خايفين من رندة
جنس كبكبة
خلاص يا قمر اقطع وشك بالله ما تجيب ليناالسقط في السخانة دي
Post: #21 Title: Re: في عيد الحب.... Author: Randa Hatim Date: 02-14-2008, 09:52 AM Parent: #15
Lockheed U-2 spy plane
سمعت بيها؟؟؟
الليلة بس "كح" .. خلي تتكلم..
Post: #30 Title: Re: في عيد الحب.... Author: GamarBoBa Date: 02-14-2008, 10:56 AM Parent: #21
Quote: Lockheed U-2 spy plane
عرفت انو طائرة تجسس...لكن مداها...بدون طيار...والماركة ديل ما عارفهم للضمان كدة قبل الاحد ما بتكلم.....
Post: #17 Title: Re: في عيد الحب.... Author: Rasha Hatim Date: 02-14-2008, 09:44 AM Parent: #14
ما هي افضل الظروف التي يمكن ان تتيح لنا الوقوع في الحب؟؟
عندما تلتقي بشخص في ظروف غير عادية, تظاهرة سياسية,, فوضى,, الخ,, فيجب ان تحترس لمشاعرك لانك تكون حينها في وضع اثارة وحماس واكثر عرضة للشعور بالانجذاب نحو الاخر بشكل قوي. لذا يجب الا نخلط بين الاثارة التي تولدها حالة معينة وبين الشخص الذي نقع في حبه ورغبتنا في توسيع ذاتنا.
وعلى خلاف ما يعتقده كثير من الناس, فإن اغلب الاشخاص يقعون في حب اناس تعرفوا اليهم منذ فترة من الزمن, وان نسبة الاشخاص الذين يقعون في الحب من اول نظرة لا تتعدى ال40% فقط!!
والان, على افتراض اننا وجدنا شريكنا الروحي....
كيف تصبح واحدا في علاقة تضم اثنين؟؟
يقول اريك فروم في كتابه "فن الحب" ان الحب الناضج هو " الاتحاد بين اثنين الذي يتوافر فيه ان يحتفظ كل منهما بتكامله, بهويته, بتفرده ".
تحتوي كل علاقة حب ناضجة على عنصرين اساسيين وهما الاهتمام والاحترام,, وبدونهما يصبح الانجذاب الى اي شخص حبا مزيفا, من الممكن ان نطلق عليه اي شيء الا كلمة حب.
بالنسبة للاحترام الذي يجب ان يكون في كل علاقة حب فإن فروم يعبر عنه بقوله:
" انا اريد لحبيبي ان ينمو وان يترعرع لمصلحته هو, وبطريقته هو, وليس من اجلي وبطريقتي ولا لغرض خدمتي"
احييييا الرز, شوف جنس الكلام دة ميتين سااااي احنا والله
Post: #16 Title: Re: في عيد الحب.... Author: محمد أبوالعزائم أبوالريش Date: 02-14-2008, 09:43 AM Parent: #1
Quote: دة هسي نوزنو ليك بياتو ميزان بس؟
حاولي اتصرفي معاهو ياخ ... إنشاء الله ميزان العفش!! إنتي قايلة كل الناس بيعرفوا يقولوا جنس كلامك ده؟
Post: #20 Title: Re: في عيد الحب.... Author: Rasha Hatim Date: 02-14-2008, 09:51 AM Parent: #16
Quote: حاولي اتصرفي معاهو ياخ ...
ما اتصرفنا ليك يااااخ
شكلك ما بتشتري دهب كتير, خلاص دي فرصة زاتو تمشي تشتري
خاتم هدية للمدام, بس اوعى يكون كسر
Post: #18 Title: Re: في عيد الحب.... Author: Safia Mohamed Date: 02-14-2008, 09:47 AM Parent: #1
استاذة رشا ازيك
Quote: نحرت ورود الحب فيه فأجدبـا ** مـن ذا يقـول بـأن ورده مورقـا؟
لقيتك زيي لكن قايلة زوحي براي
Post: #22 Title: Re: في عيد الحب.... Author: Rasha Hatim Date: 02-14-2008, 09:54 AM Parent: #18
Quote: لقيتك زيي لكن قايلة روحي براي
خبر السواد يا صفية
انتي زاتك اجدبتي يا كافي البلا؟
اريتك كان بقيتي براك هسي تكوني انتي العاديتيني
Post: #24 Title: Re: في عيد الحب.... Author: Rasha Hatim Date: 02-14-2008, 09:57 AM Parent: #22
الفرق بين الحب والادمان:
اذا افتقدت علاقة الحب للاهتمام والاحترام فهي مثلها مثل ادمان الكحوليات او المخدرات. فحينها يصبح الحب في الحقيقة اعتيادا وليس ارتباطا عاطفيا حميما.
فعندما يذهب شخص الى اخر بغرض ملء فراغ نفسه, تتحول العلاقة سريعا الى ان تصبح مركزا او محورا لحياته.. وتقدم هذه العلاقة العزاء او السلوى التي تتناقض بحدة مع ما يجده في اي مكان اخر.. ولذلك فهو يعود اليها كل حين ويرتبط بها اكثر فاكثر حتى تقتحم عليه حياته..
وعندما يصبح التعرض المستمر لشيء هو الضروري لكي تصبح الحياة محتملة, فإننا نتكلم عن الادمان مهما كانت رومانسية العلاقة.. ان الادمان وفقدان هذه العلاقة يؤدي بالشخص الى نفس الاعراض التي تظهر على المدمن حين تسحب منه المخدرات.
يقول العالمان بيل وبرودسكي اننا نستطيع ان نفرق بين الحب كعلاقة حقيقية فيها الاهتمام والاحترام, او الحب كاعتياد او ادمان من خلال الاسئلة التالية:
- هل تملك الثقة في قيمتك كحبيب؟
- هل تشعر بالتحسن والارتقاء من خلال علاقتك؟
- هل تحتفظ باهتماماتك وعلاقاتك خارج اطار العلاقة؟
-هل تعتبر علاقتك علاقة تكامل اكثر منها علاقة تعويض؟
- هل تهتم او تغير على نجاح الاخر وتميزه؟
- هل انتما صديقان بالاضافة لكونكما حبيبان ايضا؟
Post: #26 Title: Re: في عيد الحب.... Author: Rasha Hatim Date: 02-14-2008, 10:07 AM Parent: #24
يصنف الحب الى ثلاثة انواع:
اولا: علاقة الحب الامنة: وهي التي لا ينزعج فيها الطرفان من المستقبل فلا يفزعان من هجر او انفصال, ولا يقلقان ايضا من اقتراب شخص بصورة حميمية من احد اطراف هذه العلاقة.
ثانيا: علاقة التجنب: وهي التي ينكمش فيها الطرفان او احدهما ويصبح غير مستريح لاقتراب شخص اخر او للتخوف من عدم ملائمة الطرف الاخر, وهي علاقة مصابة بانيميا الثقة.
ثالثا: علاقة القلق: او ازدواج المشاعر وهي التي يكون فيها الطرفان غير امنين على العلاقة ويظلان في حالة انزعاج دائم وقلق مزمن وسؤال مستمر "ترى هل ما زال حبيبي على نفس درجة الحب القديمة؟",, "هل سيبقى معي حتى النهاية؟", وبالرغم من هذه الاسئلة التي تعكس الاهتمام بالعلاقة نفسها الا ان الطرفين يكونان مصابين بداء التعالي والغرور لدرجة التطفيش
بالله اي زول رصد نوع اخر يجي يفتو لينا هنا
Post: #23 Title: Re: في عيد الحب.... Author: قرشـــو Date: 02-14-2008, 09:56 AM Parent: #1
العزيزة رشا حاتم
لك التحية
مع هذا الابداع وكل هذا الجمال لا يسعنى الا ان اهديك هذه الباقة من الورد
ولان الشىء بالشىء يذكر فانا استغرب لاعداء الحب ولاعداء دعوات الحب لان النقيض لذلك هو الدعوة للكراهية ؟؟؟ ويبين ذلك برفض دعوة الحب كراهية فى قديس ما سمى فلنتاين ...
دعينا فى الحب عزيزتى ولنتمنى ان يسود الحب بين كل بنى البشر بمختلف سحناتهم والوانهم
وكل سنة وانتى محبة ومحبوبة ...
Post: #25 Title: Re: في عيد الحب.... Author: Rasha Hatim Date: 02-14-2008, 10:03 AM Parent: #23
Quote: ولان الشىء بالشىء يذكر فانا استغرب لاعداء الحب ولاعداء دعوات الحب لان النقيض لذلك هو الدعوة للكراهية ؟؟؟ ويبين ذلك برفض دعوة الحب كراهية فى قديس ما سمى فلنتاين ...
دعينا فى الحب عزيزتى ولنتمنى ان يسود الحب بين كل بنى البشر بمختلف سحناتهم والوانهم
وكل سنة وانتى محبة ومحبوبة ...
جعل الله كل ايامنا حبا ومودة ورحمة يا قرشو
وحقا لنحتفل بالحب في دواخلنا مع كل اطلالة صبح جديد
جعلنا الله واياكم من عباده المتحابين فيه والذين يظلهم بظله بإذن الله
Post: #27 Title: Re: في عيد الحب.... Author: محمد البشرى الخضر Date: 02-14-2008, 10:27 AM Parent: #1
آل حاتم كل سنة وانتوا طيبين
Quote: التوقيع: اخت سليكة بنت السلكة البطحانية ..
يا خي ما تقولو القصة كدا من الأول جهجهتوا باكاتنا ساي
يعني تاني الواحد يراجع الإسبلنق مرة مرتين قبل ما يرد
وكدا
بجي راجع لموضوع البوسـ(ط) بعدين شكلو يحلو فيه التنظير ( قبل عماد عبدالله يجي يستلمو )
Post: #28 Title: Re: في عيد الحب.... Author: Randa Hatim Date: 02-14-2008, 10:32 AM Parent: #27
Post: #32 Title: Re: في عيد الحب.... Author: Rasha Hatim Date: 02-14-2008, 11:10 AM Parent: #29
Quote: تعريف بسيط وجميل .. ولما تنقلب نفس الحالة .. عند الطرف التانى .. تبدأ الحياة ..
لكن كان ما انقلبت يكون سنبك كبير خلاس
وانت طيب يا رافت, امنياتي لك بقلبة تبدأ معها الحياة
Post: #31 Title: Re: في عيد الحب.... Author: Rasha Hatim Date: 02-14-2008, 11:05 AM Parent: #27
Quote: يعني تاني الواحد يراجع الإسبلنق مرة مرتين قبل ما يرد
وكدا
انت بس لو ركزت لي علي دندون البالجنبة دي ما بتجيك عوجة
Quote: بجي راجع لموضوع البوسـ(ط) بعدين شكلو يحلو فيه التنظير
اااااااي التنظير اخير من الحملات برضو
Post: #33 Title: Re: في عيد الحب.... Author: محمد البشرى الخضر Date: 02-14-2008, 11:36 AM Parent: #1
تنظيرة صغيرة
Post: #39 Title: Re: في عيد الحب.... Author: Rasha Hatim Date: 02-14-2008, 12:57 PM Parent: #33
Quote: تنظيرة صغيرة
جلت يا بلة
بالله ورونا الشي دة شغال والا نعمل رايحين بعد كدة
Post: #52 Title: Re: في عيد الحب.... Author: Rasha Hatim Date: 02-14-2008, 07:02 PM Parent: #33
امانة الليلة انا ما اتلومت مع تنظيرتك يا ود البشرى
سئيلي الله قبيل في المكتب ما كنت فاتحة الساوند
واااخجلتي الرديت علي يسرا ببلة الدق الرقم جلة
رااااااقي لكن طلعت والله..
فرحت قلبي واسعدت يومي يا ود البشرى
طالبني واحدة كدة وخت لي لنك الحفظ تكون طالبني اتنين
Post: #57 Title: Re: في عيد الحب.... Author: محمد البشرى الخضر Date: 02-14-2008, 08:15 PM Parent: #52
Quote: واااخجلتي الرديت علي يسرا ببلة الدق الرقم جلة
والله يا ام دينا انا زاتي ما فهمت الحاصل شنو لكن اعتبرتها شتارة معتادة ومشيتها على كدا لكن في حاجتين حيروني أولا إنتي ما سمعتيها طيب رديتي عليها على اي اساس واعتبرتيها ياتو غنية التانية دي
Quote: طالبني واحدة كدة وخت لي لنك الحفظ تكون طالبني اتنين
ليه إتنين بس الحساب القديم سكو
Post: #58 Title: Re: في عيد الحب.... Author: Rasha Hatim Date: 02-14-2008, 09:21 PM Parent: #57
Quote: والله يا ام دينا انا زاتي ما فهمت الحاصل شنو لكن اعتبرتها شتارة معتادة ومشيتها على كدا لكن في حاجتين حيروني أولا إنتي ما سمعتيها طيب رديتي عليها على اي اساس واعتبرتيها ياتو غنية التانية دي
غايتو انتهيت من سنين خبرتي الاسفيرية
لكن وحاة الله انا لما سمعتها ذبت خجلا من سغرة وشي في تلك اللحظة
وبعدين ما تقيف كتير في سبب بلة دة لأنو في حاجات كتيرة مجلية الايامات دي
Post: #34 Title: Re: في عيد الحب.... Author: محمد يوسف الزين Date: 02-14-2008, 11:39 AM Parent: #1
كدي رحبو بينا بالاول بعدين نشوف الفالانتاين. شعر جميل يا رشا..
remember me
Post: #35 Title: Re: في عيد الحب.... Author: tmbis Date: 02-14-2008, 11:49 AM
إن شاء الله كل يومين تــلاتة يكون في عيد حــب في الدنيا دي وفي البورد دا بالذات .. عشان تجي يا رشــا حاتم ..
ــــــ بين ليلة .. ومطـــر يسكن قلب شرختـه العشيقات بالهروب الطويل وأوصدت بابه أمراة التقيتها صدفة في الأسافير (نصار الحاج)
Post: #36 Title: Re: في عيد الحب.... Author: GamarBoBa Date: 02-14-2008, 12:06 PM Parent: #35
Quote: تنظيرة صغيرة
علي اليمن دي قوية عديل....
شفت هدف مرادونا من السنتر بس ياهو غنيتك دي...
شكلي بديت احس يا ود البشري
ولا كلمة يا رندة
Post: #40 Title: Re: في عيد الحب.... Author: Rasha Hatim Date: 02-14-2008, 01:00 PM Parent: #36
Quote: علي اليمن دي قوية عديل....
شفت هدف مرادونا من السنتر بس ياهو غنيتك دي...
شكلي بديت احس يا ود البشري
ولا كلمة يا رندة
بالمناسبة مافي شي غتس حجر امريكا الا سياسة الحرب الباردة دي
Post: #38 Title: Re: في عيد الحب.... Author: Rasha Hatim Date: 02-14-2008, 12:52 PM Parent: #35
Quote: إن شاء الله كل يومين تــلاتة يكون في عيد حــب في الدنيا دي وفي البورد دا بالذات .. عشان تجي يا رشــا حاتم ..
والا نجي؟ مطااااااار ابوظبي
Post: #37 Title: Re: في عيد الحب.... Author: Rasha Hatim Date: 02-14-2008, 12:39 PM
Quote: كدي رحبو بينا بالاول بعدين نشوف الفالانتاين. شعر جميل يا رشا..
remember me
هو انت تتنسي؟
ياااااااااااااا حليلك
الشوق بحر والريدة كتاااااااااااااااااحة
غايتو لكن يا فلان ماااااا بسألك
Post: #41 Title: Re: في عيد الحب.... Author: Sahar Yousif Date: 02-14-2008, 01:13 PM Parent: #1
عزيزتي رشا كل عام وا نتي الحب ،، كل عام و انتي تنثري عطاباك علينا ياريت كل ايامنا اعياد عشان ناخذ منك هدايا ا اعجبني كثيرا
Quote: ويهيجُ بي شوقٌ تؤجـج نـاره ** مـا اشرقـت شمـسٌ ولا نجـمٌ خبـا
ما كان يُرضي الروح بعدا إنما ** عجزت يمين الحب عن وصلِ السمـا
زيدنا ... زيدنا
Post: #44 Title: Re: في عيد الحب.... Author: Rasha Hatim Date: 02-14-2008, 01:33 PM Parent: #41
Quote: كل عام وا نتي الحب ،، كل عام و انتي تنثري عطاباك علينا ياريت كل ايامنا اعياد عشان ناخذ منك هدايا
دايرة تفلسي بي موش؟؟
يا ستي ولا يهمك
ساهديك في كل صبح بعض نور من سنا اشراقكِ
Post: #42 Title: Re: في عيد الحب.... Author: Maawya Hussein Date: 02-14-2008, 01:13 PM Parent: #1
ممكن نتفرج معاكم في عيدكم دا
ولا الا نقطع تزاكر
Post: #43 Title: Re: في عيد الحب.... Author: قاسم المهداوى Date: 02-14-2008, 01:25 PM Parent: #42
عيد سعيد وحب اسعد
Post: #46 Title: Re: في عيد الحب.... Author: Rasha Hatim Date: 02-14-2008, 01:46 PM Parent: #43
Quote: عيد سعيد وحب اسعد
يفرح قلوب كل الحزانى
Post: #48 Title: Re: في عيد الحب.... Author: قاسم المهداوى Date: 02-14-2008, 01:56 PM Parent: #46
Quote: ] يفرح قلوب كل الحزانى
ده تصريح خطير ... فى زول قال ليك ولا شنو !!! ولكن آآآآآآآآآآآآآآمين يا رب, شفتى آآآآمين دى طويلا كيف !
Qasi
Post: #45 Title: Re: في عيد الحب.... Author: Rasha Hatim Date: 02-14-2008, 01:41 PM Parent: #42
Quote: ممكن نتفرج معاكم في عيدكم دا
ولا الا نقطع تزاكر
انت بالذات بالتذاكر ماف ليك
امشي عامك البهناك داك
Post: #47 Title: Re: في عيد الحب.... Author: Ishraga Mustafa Date: 02-14-2008, 01:54 PM Parent: #45
يارشوية..
اجمل عيد حب الجابك!!
فالنتين انستر معانا وجاب لينا اجمل الورود واعتقها
كل يوم وانت محبة ومحبوبة
Quote: التوقيع: اخت سليكة بنت السلكة البطحانية ..
بنت السلكة اخت السليكة.... دى ما انا ذاتها!!
Post: #56 Title: Re: في عيد الحب.... Author: Rasha Hatim Date: 02-14-2008, 07:31 PM Parent: #47
Quote: يارشوية..
اجمل عيد حب الجابك!!
فالنتين انستر معانا وجاب لينا اجمل الورود واعتقها
كل يوم وانت محبة ومحبوبة
اااااي يا اشراقة
وانتي الجمال بتسكري وجوة القلوب بتعسكري
وكل ثانية وانتي كل الحب
Post: #49 Title: Re: في عيد الحب.... Author: معاوية الطيب Date: 02-14-2008, 03:21 PM Parent: #1
Quote: مرج الفراتُ العذبُ والملح الأجاج ** هل يَعجز الاِبصار الا من بعينيه عما؟
رشا لم اكن اعرف لماذا يقولون ان الحب اعمى ولكن بعد حين عرفت وامنت بذلك ......
فى عيد الحب شكرا لحضورك وشكرا لحلاوة شعرك وعودتك المبصرة و المستنيرة
Post: #53 Title: Re: في عيد الحب.... Author: Rasha Hatim Date: 02-14-2008, 07:10 PM Parent: #49
Quote: رشا لم اكن اعرف لماذا يقولون ان الحب اعمى ولكن بعد حين عرفت وامنت بذلك ......
فى عيد الحب شكرا لحضورك وشكرا لحلاوة شعرك وعودتك المبصرة و المستنيرة
معاوية
انما الحب اعمى لأنه يعجزنا عن ادراك قيمته الا بعد فقده
فنبكيه دما لا دموعا ونبقيه بالدواخل نضرا وان عز الوصال
Quote: ويهيجُ بي شوقٌ تؤجج نـاره ** مـا اشرقـت شمـسٌ ولا نجـمٌ خبـا
ما كان يُرضي الروح بعدا إنما ** عجزت يمين الحب عن وصلِ السمـا
كل الود
Post: #50 Title: Re: في عيد الحب.... Author: Soumeta Date: 02-14-2008, 03:38 PM Parent: #1
Happy One for you Rasha..
Post: #51 Title: Re: في عيد الحب.... Author: نادية عثمان Date: 02-14-2008, 05:30 PM Parent: #50
كل عيد حب والجميع بالف خير وحب يارب
Post: #55 Title: Re: في عيد الحب.... Author: Rasha Hatim Date: 02-14-2008, 07:23 PM Parent: #51
Quote: كل عيد حب والجميع بالف خير وحب يارب
الحب من عينيك بدا
والريد كمل
يابنية من زمن الجمال
الشوق بحر
Post: #54 Title: Re: في عيد الحب.... Author: Rasha Hatim Date: 02-14-2008, 07:13 PM Parent: #50
Quote: Happy One for you Rasha
..
ولك يا سوميتا سعادة كل ايام العمر
جعله الله عمرا من حب
Post: #59 Title: Re: في عيد الحب.... Author: دينا خالد Date: 02-14-2008, 09:56 PM Parent: #54
رشا اخت رندا !! ولا هى رندا الاختك ؟؟ كل سنة وعيدكم حب ...
اتضح انو انا بس الهاملة فى البورد دا ؟؟
Quote: او ازدواج المشاعر وهي التي يكون فيها الطرفان غير امنين على العلاقة ويظلان في حالة انزعاج دائم وقلق مزمن وسؤال مستمر "ترى هل ما زال حبيبي على نفس درجة الحب القديمة؟",, "هل سيبقى معي حتى النهاية؟", وبالرغم من هذه الاسئلة التي تعكس الاهتمام بالعلاقة نفسها الا ان الطرفين يكونان مصابين بداء التعالي والغرور لدرجة التطفيش
غايتو يا رشروش دا نوع شايع جدا وهو قنبلة موقوتة من العلاقات لو لاقاك تزحى منو بعيد
بدل تكونى ما عارفة ميقات الانفجار وتترقبى !!! كل المطلوب تبطلى تتكسرى ى ى شديد
قلت لى الزولة البيمين دا اسمو منو ؟؟؟
Post: #60 Title: Re: في عيد الحب.... Author: تيسير عووضة Date: 02-15-2008, 10:49 AM Parent: #1
Quote: بجي راجع لموضوع البوسـ(ط) بعدين
ود البشرى .. الكلام دا زي مرّ على قبل كدا ..
بس أوعى يكون
يا لَهوي (وضربت بيدها على صدرها)
Post: #61 Title: Re: في عيد الحب.... Author: محمد البشرى الخضر Date: 02-15-2008, 01:44 PM Parent: #60
كلامك صاح يا بت عووضة اكتشفت بعد النقة الكتيرة الفوق دي إني ما رجعت لموضوع البوسـ(ط) الأساسي وقضيتها إنصرافية ساي راجع إن شاء الله
Quote: (وضربت بيدها على صدرها)
اها إن شاء الله ما تكون الضربة وجعتها بس
Post: #62 Title: Re: في عيد الحب.... Author: انعام عبد الحفيظ Date: 02-15-2008, 01:57 PM Parent: #1
رشا حاتم
بركة الفي عيد الحب الجابك
كل سنة وانتي في كل الحب
Post: #63 Title: Re: في عيد الحب.... Author: محمد البشرى الخضر Date: 02-16-2008, 09:37 AM Parent: #1
Quote: لأنو في حاجات كتيرة مجلية الايامات دي
يا لطيف يا لطيف
Post: #64 Title: Re: في عيد الحب.... Author: معاوية الطيب Date: 02-16-2008, 10:36 AM Parent: #1
