الحاصل شنو

انا ما قادرة ادخل المنبر العام الحاصل شنو

وإنتي كلامِك دا كاتباهو في حِيطة مزيرة؟

Quote: وإنتي كلامِك دا كاتباهو في حِيطة مزيرة؟

الأخ رباطابي

ياود الجيران كيفنك
والله تعليقك مبااااااااااااااااااالغة
انا فعلا عندي مشكلة الدخول بالسيرفر الجديد من جهازي
وبالصدفة حاولت اسع من جهاز تاني عندي في المركز
لقيت الموقع شغال
وفي امانة الله
كان لمن نزلت البوست دا بديني الصفحة القديمة بتاعة السيرفر القديم اللي كان يوم الخميس واللي فيه اعلان اغلاق المنبر يومي الخميس والجمعة
ولليوم ما بدخلني
والان احتمال المشكلة من الجهاز لاني داخلة الان زي ما برد ليك من جهاز تاني عندي في المركز
والله حاجة تحير عديييييييييييييييييييييييييييل
شكرا يا حبوب على المرور وتعليق الرباطاب دا

ميادة.

يعني فاتحة لك بوست طول وعرض علشان تقولي زي كلامك ده؟




دينق.

الاخ محمد البشري
والاخ دينق
سلماااااااااااااات
شوفلي حل لبكري دا
تمبس الشين وسطناه ما نفع
سبحانه الله يوم السبت هو ومجموعة شباب كان عندهم نفس المشكلة
والعبد الفقير واللي هو انا طبعا نزلت ليهم بوست طول وعرض عشان انبه ليهم بكري
جيت انا من يوم الاحد واجهتني نفس المشكلة
عمك تمبس ناقشته في المشكلة خلع وما قدم اي رد جميل
شفتو الولد بياع كيف
اليصبر لي مردودة ليه في فزعة تانية ان شاء الله
مودتي ليكم كللللللللللللللكم
وشكرا على المرور

Quote: انا فعلا عندي مشكلة الدخول بالسيرفر الجديد من جهازي

ميادة.

السيرفر الجديد.

أنا محرشو على الكيزان أعملي حسابك.


دينق.

يا دينق يا حبيبنا
انا مصدق كلام الحاجة تراجي ولا شنو
تعرف حكاية الكوزة دي
ضاراني شديد
يعني انا المفروض اتعين في الجامعة محاضر في كلية العلوم السياسية
لاني حاصلة على ماجستير دراسات استراتيجية وعلوم سياسية بامتياز الدرجة الاولى
تم رفضي بسبب الكيزان لانهم ما بيعينوا بنت
وكمان دايرين واسطة عشان يعينوني بي درجتي
والضرر الثاني انو الناس بتحكم بي شكل الزول
انا حجابي دا ما عنده علاقة بالكيزان
دا امر ربناني وشرعي انا ملتزمة بيه
ولو كوزة يا دينق عليييييييييييييك الله حاقعد اشتغل في معهد كمبيوتر وانا حاصلة على ماجستير علوم سياسية ودراسات استرايتيجية وبي امتياز كمان
بالله تصدق
مودتي

Quote: يا دينق يا حبيبنا انا مصدق كلام الحاجة تراجي ولا شنو تعرف حكاية الكوزة دي ضاراني شديد يعني انا المفروض اتعين في الجامعة محاضر في كلية العلوم السياسية لاني حاصلة على ماجستير دراسات استراتيجية وعلوم سياسية بامتياز الدرجة الاولى تم رفضي بسبب الكيزان لانهم ما بيعينوا بنت وكمان دايرين واسطة عشان يعينوني بي درجتي والضرر الثاني انو الناس بتحكم بي شكل الزول انا حجابي دا ما عنده علاقة بالكيزان دا امر ربناني وشرعي انا ملتزمة بيه ولو كوزة يا دينق عليييييييييييييك الله حاقعد اشتغل في معهد كمبيوتر وانا حاصلة على ماجستير علوم سياسية ودراسات استرايتيجية وبي امتياز كمان بالله تصدق مودتي

ميادة.

ماشالله عليكي صاحبة أعمال كمان!!

ماشة معاكم والله.

طيب أنتي دايرة شنوا بالتدريس أصلا؟

بعدين الكيزان درجات أجتماعية طبعا، بما أنك من أقصى شمال السودان فأنتي لا يمكن الائتمان بك، لازم تكوني كوزة درجة أولى علشان تتمتعي بنفس الامتيازات.

ولا تنسي بأنك كأ أنسة فلن تحظي بنفس معاملة الزكور. يعني بقن عليك أتنين يا ميادة، حلفاوية وأمرأة. ما عندك طريقة الى أن تنضمي الى قوى الهامش.

أو كوسي درب القلب النابض قالو قاعدة في القصر الجمهوري، وبلغيها تحيات دينق وقولي لها "البياكل براهو بيخنق".


دينق.

دينق ..

يا اخوي بلاش تصنيف دا كوز ودا ارجوز . هناك قضايا اهم من هذه التصنيفات التي لا تستند الى اي دليل مادي ..

ركز معانا شوية ..

ميادة كيفك ..


ود الباوقة

ود الباوقة
سلمااااااااااااات

ماشفت لي زيادة زلات لسان لي سياسيين سودانيييين
ان شاء الله هنا من عندينا في البورد

Quote: كان لمن نزلت البوست دا بديني الصفحة القديمة بتاعة السيرفر القديم اللي كان يوم الخميس واللي فيه اعلان اغلاق المنبر يومي الخميس والجمعة

أنا برضو لمن أدخل على http://www.sudaneseonline.com/

بيزوزي وما بركز معايا وبيقولي

Quote: This page has moved. If your browser does not automatically redirect you in a few seconds, click here to go to the new page.

إلاّ قوقلتو ومسكتو من أضانو الشمال http://72.52.225.36/

يكون المنبر ده بايته معاهو لسه ما فكت!

Quote: Quote: كان لمن نزلت البوست دا بديني الصفحة القديمة بتاعة السيرفر القديم اللي كان يوم الخميس واللي فيه اعلان اغلاق المنبر يومي الخميس والجمعة أنا برضو لمن أدخل على http://www.sudaneseonline.com/ بيزوزي وما بركز معايا وبيقولي Quote: This page has moved. If your browser does not automatically redirect you in a few seconds, click here to go to the new page. إلاّ قوقلتو ومسكتو من أضانو الشمال http://72.52.225.36/[/QUOTE] الاخ الفاضل العوض سلماااااااااااااااااااات دي نفس مشكلتي وقولي اتحلت كيف لاني خاشة من جهاز تاني غير جهازي وبصراحة تعودت عليه ياريت ترسل لي الحل شكرا على اهتمامك ومرورك على البوست اختك ميادة

---

Post: #12 Title: Re: الحاصل شنو Author: Frankly Date: 02-12-2008, 06:04 PM Parent: #1 الأخت الفاضلة ميادة كمال الخلل يرجع لملفات الكوكيز القديمة التي تعود للأيبي أدرس القديم حاولي أعمل الآتي بعد إغلاق كل صفحات الإنترنت والبرامج الأخرى أذهبي إلى Start =>Run أكتبي %temp% واضغطي على Enter حاولي حذف كل الملفات الموجود بهذا المجلد نعم كل الملفات وذلك بالضغط على Ctrl + A إذا وجدتي ملف لا يمكن حذفه عليك بالضغط على Ctrl وانتي ضاغطة على Ctrl انفري بالماوس على الملف الذي لا يمكن حذفه (عادة أول ملف في التظليل بالأزرق) فيخرج بذلك من مجموع الملفات المراد حذفها وافعلي نفس الشيء كلّما ظهر ملف لا يمكن حذفه وهذا يعني أنّ هذا الملف يتمّ استخدامه حالياً من قبل الجهاز بعدها أذهبي إلى Start => Control Panel Internet Options إذا لم تجدي Internet Options فعليك بتغير طريقة مشاهدة الجدول أو صفحة الكنترول بانل بالضغط على الركن الأعلى بيسار الصفحة على Classic View وامسحي ال Internet Temp Files + Cookies وعاودي فتح صفحة المنبر هذه العملية ينصح بها كل مستخدم كمبيوتر ولو مرّة كل شهر تحياتي كمال

---

Post: #15 Title: Re: الحاصل شنو Author: mayada kamal Date: 02-13-2008, 09:10 AM Parent: #12 حبيبنا كمال كيفك ساقوم باتباع الاموار التي ذكرتها لي واشكرك كثيييييييييييييييييير عليها ما نجاملك في حاجة شينة ابدا وقشة ما تعتر ليك شكرا ياابوي ميادة كمال