العوض.البنزين البنزين لو سمحت.دينق.

اخوتي الكرام
استجابة لطلب الاخ دينق
ونصيحته الذي يطاردني ويلاحقني بها
كلما دخلت علي اي مشاركه
وهي:

Quote: العوض. البنزين البنزين لو سمحت. دينق.

عليه ساعود شاكرا وممتنا له بهذه النصيحه الغاليه
الي الرقه واهل الادب والفن
واسال الله ان يطيب مقامي مع اهل الفن والعلم الحلو والذوق العالي

ولا حد عبر ولا قال شئ
خلاص دينق اخوي
الناس لسه ما وافقوا علي شئ
خلاااااااااص
اوكي
نصبر شويه ونشوف

يا ود المسلمى ... حبوباتنا يقولن ليك خصمتك بالنبى كما وريتنى
.... وانا كمان والله داير أعرف حكاية البنزين البنزين بتاعة ود خالتى دينق دى شنو ؟؟؟
عشان ما أكون أطرش فى الزفة أكثر من كدا ولا رايك شنو يا دينق يا خوى ؟؟؟؟

اخي الرشيد تحيه ود وتقدير

Quote: وانا كمان والله داير أعرف حكاية البنزين البنزين بتاعة ود خالتى دينق دى شنو ؟؟؟

الفهمته انا من هذا الكلام الذي بداه
اخي محمد البشري بان اعمل حسابي شويه في الكتابه والرد
يعني اكتب بدون سخونه في الرد
او كما اعتقد ذلك
وتحياتي

Quote: عليه ساعود شاكرا وممتنا له بهذه النصيحه الغاليه الي الرقه واهل الادب والفن واسال الله ان يطيب مقامي مع اهل الفن والعلم الحلو والذوق العالي

!!!!


العوض.

أرحم نفسك.


دينق.

الاخ دينق

Quote: العوض. أرحم نفسك. دينق

بصراحه يا دينق انت تظلمني
بهذه الردود الافتراضيه
وكمان انا لست عدو او خصم لك
علي الاقل نسعي لحماية المواطن في اي بقعه من ارض السودان
والهدف واحد
بس مهم جدا ان لاتبني علاقتك وارائك علي افتراضات

وتحياتي

يا العوض أخوي انت بتفتح كم بوست في اليوم الواحد
عيوننا زغللت
ما قادرين نركز معاك


العبرة بالكيف و ليس بالكم يا خوي.

أفتح ليك بوست واحد كدا و جضموا كدا لمن يعمل 3 صفحات
وبعداك شوف غيرو.

بصراحة بوستاتك زي اعلانات المحاكم في الجرايد الواحد
طوالي يفطها و يمشي لأنو الصياغة واحده بس الاختلاف في
الأسماء.

أنا لي شهرين بجمع في المواد و الصور و الأغاني عشان
أفتح لي بوست و لسه ما جاهز.


ما تزعل من كلامي دا أنا داير مصلحتك يا زول

الاخ معاويه تحياتي وشكري

Quote: أفتح ليك بوست واحد كدا و جضموا كدا لمن يعمل 3 صفحات وبعداك شوف غيرو.

شكرا معاويه
وانشاء الله سافعل ذلك

Quote: يا ود المسلمى ... حبوباتنا يقولن ليك خصمتك بالنبى كما وريتنى .... وانا كمان والله داير أعرف حكاية البنزين البنزين بتاعة ود خالتى دينق دى شنو ؟؟؟ عشان ما أكون أطرش فى الزفة أكثر من كدا ولا رايك شنو يا دينق يا خوى ؟؟؟؟

قريبي البصيلي.

والله أنا ما عندي أي علاقة بالتعبير ده أنا مستلفه من جماعة كده في البورد، وطبعا أخونا العوض بخاف يقرب منهم، والمسكين فاكر دينق حيطة قصيرة.

وبعدين هو عامل زعلان منذ أن حط قلمه هنا بالبورد لأنني أستقبلتوا بي بوست كارب كده ما عجبوا، ولسه بحاول يقنع الديك ويدعي بأنه ليس بكوز.



دينق.

Quote: قريبي البصيلي. والله أنا ما عندي أي علاقة بالتعبير ده أنا مستلفه من جماعة كده في البورد، وطبعا أخونا العوض بخاف يقرب منهم، والمسكين فاكر دينق حيطة قصيرة.

والله يا دينق مع عوض الله يجازى محنكم ..... وحسب تفسيرى يا دينق انت رافع راية البنزين دى فى وجه أخوى المسلمى ...على مقياس العيار الما يصبش يدوش .... ولا أقول ليك ..الخُلاعة.... البتخلع ( الهوّاب ) ودى عبارة عن قطعة قماش تربط كالعمامة على عود خشبى فى شكل صليب ملبس جلابية يتم تنصيبه فى وسط المزرعة.... بعدين يا خوى دينق اى زول حاول يدخل المزرعة عشان يخمش ليهو بطيخة او عنكوليبة بتفكر انو صاحب المزرعة موجود ويحصل كب الزوغة عشان كدا ان عرفت البنزين دا قابضنوا لعوض المسلمى فى شنو.......لكن يبدو لى عوض المسلمى حريف....لانو بتاعين البنزنس ديل يبيعو جلابيتك فى رقبتك وتكون ماك دارى ....انا ما باعوك فى حد ذاتك...


رجعتونا خمسة وعشرين سنة لوراء...... زكريات أيام الجهالة...

الاخ الرشيد مليون تحيه

Quote: .......لكن يبدو لى عوض المسلمى حريف....لانو بتاعين البنزنس ديل يبيعو جلابيتك فى رقبتك وتكون ماك دارى ....انا ما باعوك فى حد ذاتك..

الرشيد اخوي البزنس شئ غير الذي تتحدث عنه
هذا منبر سياسي صح؟

تحياتي

الاخ دينق اكرر ترحيبي بك

Quote: والله أنا ما عندي أي علاقة بالتعبير ده أنا مستلفه من جماعة كده في البورد، وطبعا أخونا العوض بخاف يقرب منهم، والمسكين فاكر دينق حيطة قصيرة.

كلامك صح
هو تعبير الاخ ود البشري وله من الف تحيه

متي افتكرت انك حيطه قصيره ؟
لا والله ليس طبعي ولا ادبي ان اقلل من شان احد فكيف انت اخ كريم
وبصراحه ليس بينك الا الخير الذي اتمناه لك
والخير لاعضاء المنبر
وارجو ان تفهمني صاح
فانا اقدرك جدا

وتحية لك ولاخوتي المارين بهذا البوست

العوض

تعاملوا مع الشاب دينق كسياسى
وليس كتاجر
حتى يثبت العكس

اخي الجيلي تحياتي

Quote: تعاملوا مع الشاب دينق كسياسى وليس كتاجر حتى يثبت العكس

انا لست بالتاجر الكبير ولا المحترف ولكني امارسها كسبا للرزق
اما السياسه فلا اتعاطاها الا بقدر ما يهمني من حال البلد واحوال الناس

وتحيه لك

بمأ إنئ رووكى فى ألبورد, فسوف آتريث قليلأ في إصدأر ألحكم في قصة ألبنزين هذه.
This is a test on Arabic keyboard Deng.

الاخ زكريا تحياتي واحترامي

Quote: بمأ إنئ رووكى فى ألبورد, فسوف آتريث قليلأ في إصدأر ألحكم في قصة ألبنزين هذه.

وانا رضيان بما تحكم به او تراه هو الصواب
ومشكووورجدا علي المرور
وفي انتظارك دوما

Quote: بمأ إنئ رووكى فى ألبورد, فسوف آتريث قليلأ في إصدأر ألحكم في قصة ألبنزين هذه. This is a test on Arabic keyboard Deng.

الاخ زكريا

مبروك الكي بورد العربي.


دينق.

الاخ زكريا تحيه اخري
واقول مثل اخي دينق

Quote: الاخ زكريا مبروك الكي بورد العربي.

Quote: الفهمته انا من هذا الكلام الذي بداه اخي محمد البشري بان اعمل حسابي شويه في الكتابه والرد يعني اكتب بدون سخونه في الرد او كما اعتقد ذلك وتحياتي

العوض بنزين.

إذا كنت أنت تعلم أن الاخ ود البشرى هو الذي أطلق عليك هذا العبارة، قلماذا أنت تخصني بهذا البوست من دون الاخرين؟

بعدين دعني أقول لك بأن المقصود ليس "سخونة" في الردود كما تفضلت ولكن لمداخلاتك الكثيرة والغير مفيدة ولا تعكس عن موقف أو رأي معين في الموضوع

المطروح، وهي مداخلات كثيرة ومن غير طعم أو لون. المعروف هو. العضو الجديد يتريث في المشاركات الكثيرة في البداية ولكن أخونا العوض دايس على البنزين من

قولة تيت.

Quote: الرشيد اخوي البزنس شئ غير الذي تتحدث عنه هذا منبر سياسي صح؟

العوض المسلمي.

منوا القال لك أن هذا المنبر سياسي فقط؟

ما شايف أصحاب المواضيع الاخرى مثل الثقافة والفن والرياضة وناس الحب؟

علشان كده يا العوض لازم تروق شوية وتخفف رجلك من البنزين.


دينق

شكرا دينق علي النصيحه

يا ود المسلمى انا زول ما عندى علاقة بالسياسة لا من بعيد ولا من قريب وكمان ايه رأيك و الله ما بدورها تب ... وارجع لمشاركاتى كلها وشوفا وجيب لى منها شئ عندو علاقة بالسياسة غير الدعوة الى الوطن وحب الوطن ..... لكن قالوا وقال فلان وانا موقفى كدا ..... دا انا ما عندى يا خوى ود المسلمى ...... أنا قوميا بحتا ..... كل أبناء السودان إخوتى .... وحتى الذى ينظر إليّ بغير ذلك إعتبر نفسى الأخ الأكبر .... لأن الأخ الأكبر كثيرا ما تقع على عاتقة المسئوليات بشتى صنوفها وما عليه إلا التحمّل وهذا ما وجدناه فى أدبيات أجدادنا .....

ومن ما سمعته عن جدى على ود الشيخ الآتى:

- أخوك لو سوى ليك الشينة سويلى السمحة وخليهو .
- الرجالة طولة بال.
- زرع المحبة بين الأخوان للبسويها دخرى.
- الناس عيدان حشاش وما ضعيف إلا القايل نفسو حر على رفايقو.
(عيدان حشاش يعنى سواسية ) على وقع كأسنان المشط.

و هذا المربع هو منظارى الذى أرى به جميع أخوتى السودانيين بدون تفريق أو تحيّز.

ولك العتبى حبيبنا ود المسلمى ..... ولك عند شك شوف أولاد خيرى ....بتلقى الخبر الأكيد

العوض يا اخوي ولا يهمك دوس البنزين للاخر نحن بقينا دولة بنزينية اقصد بترولية يعني مافي مشكلة ومكناتنا سته سيلندر يعني افتح فتح جد
وخليك من الناس الحاسدين قدر ما تدوس البنزين تلاقانا معاك وارمي قدام ورا مؤمن

اخي ناصر الف شكر علي التامين والطمانينه

Quote: وارمي قدام ورا مؤمن

كلام كيزان عدييييل كده

العـــوض


كيف حالك

أقولك حاجتين

حاجة أولى
في قصة البنزين دي

دوس بي راحتك
البنزين ده حقك ومافي زول مشتريهو ليك


حاجة تانية

Quote: هذا منبر سياسي صح؟

أبدا .. ده منبر عااااام
يا تتعلم العوم فيهو يا تغرق


أخوي الرشيد

Quote: - الناس عيدان حشاش وما ضعيف إلا القايل نفسو حر على رفايقو.

... وكفى



دينق أزيك .. الطرمبة هديك

الاخ محمد عبد الماجد
تحياتي وودي

Quote: دوس بي راحتك البنزين ده حقك ومافي زول مشتريهو ليك

الحق ما قولت