Post: #1 Title: دكتورة عفاف الصادق حمد النيل .. Author: معتصم دفع الله Date: 02-11-2008, 08:15 AM
الدكتورة عفاف الصادق حمد النيل إسم يلمع كالماس في دنيا الثقافة السودانية من خلال أعمالها الأدبية وأشعارها الجميلة وبرامجها الإذاعية الشيقة ( ظلال في حياة إنسان – الشنطة – الإذاعة والمستمع – الدروب الضائعة ) .. نستمع إلى كلماتها من خلال الفنان الجميل أبوعركي البخيت زوجها المصون والذي تغنى بالكثير من أشعارها .. (سماح عينيك) يشيل ويزيد شقى الأيام .. ويرسم لينا لي قدام .. بكل حنان يزغرد لينا زين وعديل .. ونغني معاهم (غنوة العيد والفرح) في يوم ميلاد فرحهم .. ونغنى معاهم (غناء الأيام الجاية) و (سمار دمي) .. وفي ليلة حزن صيفية غطت سماء السودان كتبت والدموع تبلل خد الوطن الجريح .. يالكحلت عيون الدنيا بلون الغنوه يالضفرت ضفاير احساس الكلمه الحلوه يالشتت نجوم الليل في وش النيل عقدا فوق القمره بيقدح فينا الضو يالطقطقت اصابع السحب الشالن جو دفق عسل المطره و نقط .. كبت شو نضمت.. غنت.. سكتت.. صنت مرقت.. دخلت.. قامت.. قعدت شن بتسو ؟ هكذا كان لسان حالها وهي ترثي ود سيد أحمد المقبول مصطفى الإنسان مصطفى الفنان .. يقول عركي في لحظة سفر .. لحظة سفر وقف الزمن .. والليل أسدل ستايرو عليّ .. حسيت بأنو الكون ملبدّ بالغيوم .. نزل المطر حزنان عليّ .. ورغم المطر بنزل عشان فرح الأحبة .. أنا كنت قايلو ببكي ليّ .. في كل مقبض باب بحس بنبضو عفاف .. كل همسة ناي بحس صوتك معاي .. يا منبع الطيبة الحنون .. يا سر وجود وكون هناي .. وهي تحط رحالها بأرض نجد بعد أن أخذتها الغربة عن الوطن ومن تحب فهي تعمل الآن رئيسة قسم التربية وعلم النفس بجامعة جيزان بالمملكة العربية السعودية ..
نرحب بها عضوة في سودانيز أون لاين وبمقدمها الميمون .. وفي إنتظار كتاباتها الراقية ومساهماتها ..
أهلاً بالدكتورة عفاف الصادق حمدالنيل وألف مرحباً بك ..
Post: #2 Title: Re: دكتورة عفاف الصادق حمد النيل .. Author: احمد العمار Date: 02-11-2008, 08:22 AM Parent: #1
معتصم كيفك
والله خبر جميل جدا
الف مرحب بالدكتورة / عفاف
واكيد موعودن بابداع راقى ورقيق
شكرا معتصم
أحمد العمار
Post: #18 Title: Re: دكتورة عفاف الصادق حمد النيل .. Author: معتصم دفع الله Date: 02-11-2008, 03:01 PM Parent: #2
الله يديك العافية يا أبوحميد .. بالتأكيد الدكتورة عفاف هي الإبداع كله ..
لك ولها كل الحب والتقدير ..
Post: #3 Title: Re: دكتورة عفاف الصادق حمد النيل .. Author: معتصم دفع الله Date: 02-11-2008, 08:29 AM Parent: #1
سماح عينيك
في عينيك دنيا غريبه .. دنيا ملانه بهجة وطيبه .. مره تدفع .. ومره تجمع .. ومره تاخد كل أعماقنا تابا تجيبا .. وأنا اتحيرت .. شلت الخطوه .. حتى الخطوه لما نشوف جمال عينيك .. تبقى ترجع .. وليك بتتطّلع .. قصة صوره في عينيك حروفا رهيبه .. فصوله بتحكي للأيام عيد ميلاد حبيب وحبيبه .. وتروي كلام مطابق ليك .. نابع وحيو من عينيك .. و سماح عينيك عاد يعمينا .. فيها حديث جميل ورقيق .. وبدي الناس جمال احساس اصيل وعريق .. وخاطراً يطيب .. يخت في الكون حلاوة لون .. جديد في طابعه متفرد .. وبي مضمون أصيل وعريق ومتعدد .. وديمه عليهو متجدد .. وسماح عينيك عاد يعمينا .. زين ليها ما شفناه .. لا في الريل ولا إنسان .. ولا الجدي السمح بالحيل .. ولا الماس البقولو عليه .. سماح عينيك يشيل ويزيد شقى الأيام .. ويرسم لينا لي قدام .. بكل حنان يزغرد لينا زين وعديل ..
Post: #4 Title: Re: دكتورة عفاف الصادق حمد النيل .. Author: ابو جهينة Date: 02-11-2008, 08:38 AM Parent: #3
نرحب بها عضوة في سودانيز أون لاين وبمقدمها الميمون .. وفي إنتظار كتاباتها الراقية ومساهماتها ..
أهلاً بالدكتورة عفاف الصادق حمدالنيل وألف مرحباً بك ..
شكرا معتصم
Post: #20 Title: Re: دكتورة عفاف الصادق حمد النيل .. Author: معتصم دفع الله Date: 02-11-2008, 03:19 PM Parent: #4
Post: #5 Title: Re: دكتورة عفاف الصادق حمد النيل .. Author: badr alkalika Date: 02-11-2008, 08:41 AM Parent: #3
الغريبة امبارح طاف بي الخيال عن قصة عركي وعفاف
وتسالت اين عفاف
لماذا لا تبحث الاذاعة عن عفاف لماذا لا تغريها بالعودة كنت احسبها يضمها الوطن الجريح ولكن امثال عفاف لا يعيش وسط الجراح فخرجت لان الوطن سكنته الرياح اجتاحته جنازير دبابات قطاع الطرق اتوه من الادغال ومن الوديان لا يعرفون غير لغة البندقية عفاف الصادق حمد النيل اسم اسعدني تواجده هنا اتمنى ان نكتب لنا دون ملل وان تعود اكتبي يا عفاف باسترسال فقد رحل محمود مدني بصمت
رحل محمود مدني وفي سرادق العزاء اخبروني لم يكن هنالك غير عركي
غير عركي وتحياتي
Post: #6 Title: Re: دكتورة عفاف الصادق حمد النيل .. Author: مجدي عبدالرحيم فضل Date: 02-11-2008, 09:25 AM Parent: #5
أهلا بالعفاف الفائقه رقه قلما بيننا
شكرا معتصم دفع الله
،،،،أبوقصى،،،،
Post: #24 Title: Re: دكتورة عفاف الصادق حمد النيل .. Author: معتصم دفع الله Date: 02-11-2008, 05:10 PM Parent: #6
وأهلاً بك أخي أبوقصي مرحباً بالدكتورة عفاف الصادق ..
مع خالص شكري وتقديري ..
Post: #23 Title: Re: دكتورة عفاف الصادق حمد النيل .. Author: معتصم دفع الله Date: 02-11-2008, 04:50 PM Parent: #5
لقد أخذها جناح الغربة محلقاً بها بعيداً عن أرض الوطن لتغرد خارجه .. إنه قدر المبدعين في بلد يئن من الجراح وفي قبضة سطوة أعداء الإبداع والجمال .. نسعد معك أخي بدر الخليفة بوجود الدكتورة عفاف بيننا ..
خالص تحياتي ومودتي ..
Post: #7 Title: Re: دكتورة عفاف الصادق حمد النيل .. Author: معتصم دفع الله Date: 02-11-2008, 09:27 AM Parent: #1
مصطفـــى ..
يالكحلت عيون الدنيا بلون الغنوه يالضفرت ضفاير احساس الكلمه الحلوه يالشتت نجوم الليل في وش النيل عقدا فوق القمره بيقدح فينا الضو يالطقطقت اصابع السحب الشالن جو دفق عسل المطره و نقط ..كبت شو نضمت..غنت ..سكتت ..صنت مرقت ..دخلت ..قامت ..قعدت شن بتسو ؟
تقشقش فوق رقراق الدمع الكاسي العين بهدمة دم كل ما اتعرى يجدد توبو يضاري الريحه الكست الجو تساسك بين تيار الموج الكسر الجدول ودفق شو تسارق فوق نجماتا برقن هجن لجن .. باتن قو تضاير فوق وديانا شبعن .. رضعن ضرع السحب الشالن برا .. جو تصنت غنوة سيره عريسه مهقد ..مكسي ..مجرتك يفوح الصندل .. وعطر المحلب منو مدفق امو تعدل ..واختو الرقصت .. وخالو يبشر .. وعمو بيعرض وسط السهله .. وخيرو مدفق غنوه بتعزف نغم اتشتت .. رعدا صفق بردا هز اتباطن صوتو اتطانن حر لوح و هوا وظهرا فارسا تب ما اتلوى وزغرد ليك ايقاع المطر اتلبب حضن الارض ونام
ود سيد احمد دق المحلب جوه الفكره
وخت الذكرى ذكرى الليله وذكرة بكره ابيه و حره مبدأ و عزه سيما وعبره درايا و خبره شموخ بيت عازه الما بتهزه برغم الضيم
وليد ضكران هز و رز , تب ما فز اتقطر نز ادفق ضي ود سيد احمد شال الريشه ورسم اللوحه وشتت لونها وتيرب بيهو سما السودان
وكانت النبته عصارة الغنوه الفيها ثقافه .. وحب .. وسياسه مزيجها بلدنا وفيها ولدنا اتعطن الريد والبت الحلوه .. الوطن الغالي وسرج بيهو و شد ضهر سودانا القام
وكيف بتفوت وكيف بتفوت .. يالولد الغنى وشنا ورنا وخالدا حي ما بتتضارى بشوفك قاعد بين الرمش الفوق عيني يالدفيت اعضاء الكلمه في ليل البرد ..الريح ..الصي يالنديت اغصان الحرف بصيفا حرا و شد الكي وكيف بتفوت يالولد الضوا وشيشو قليب الوتر الغنا وطربا غطى فجاج الحي
تمرق بين ورتاب الزرع الفرهد تمرق بين حبات المطر الطقطق نقط يحضن ليلا سود ..هج ..وهود تمرق بين النيل الكتر ادفق و نمرق تمرق بين الوترالصفق غنا و زغرد تمرق بين صفقات الشجر اخضر و ورق قام اتشابى و عانق كتف الليل اتطاول باس القمره و قبل عين الشمس
كيف نبكيك يا راجل الليله و بكره و امس كيف نبكيك ونحنا بنسمع صوتك سرا.. وجهرا .. وهمس كيف نبكيك و انت معانا تشيل و تخت ترص و تقص تفج السهله وتحكي الغنوه اللبست صوتك وشالت حسك ..ونفسك ..وروحك وسمحت زي
وانت معانا بقيت جوانا و ماك بتفوت حتلت حنينا جوه القلب بصمت عليهو وجود موجود ..برغم الموج وسفر الجسد الما محدود غلبت تفوت كسرت الحاجز الراكز جسرو على المسدود رقعت الهدم الراسي خيوطو على المقدود مسحت ..مسحت البعد الارضي المامحدود نسفت مسافة الزمن الروح و مامعدود سكنت مسامة النغم المن ايقاع النبض بقيت الدم .. والروح .. والقلب هزمت الموج .. غلبت تفوت
تفوت لي وين ؟؟ وانت الزول الباقي وحي انت النور الوج الضي وانت البحر الدفق ري تفوت على وين ؟؟..ونحنا زرعنا لسع ني
النيل الابيض لاقى و عانق حضن الازرق باس الابيض خد الزنجي اتقلدوا.. اتقادوا اتوحدوا ..فاتوا مات العنصر و داب الفارق من بيناتن
صدر العين اتملى بالعبره اتنهد نفس الكلمه الحلوه ..اتأوه آهة طفت القمره و نفخت قلب الجمره وكبت فينا ضلام يا انسان .. يا فنان يالقاومت الذاكره و النسيان دخلت بوين ؟ سكنت الدم الجاري على الشريان لوليت جوانا عصاية الكلمه ..الشرف ..العزه العايش فينا في كل زمان جرجرت علينا حروف النغم الطربا يهز يفرح كل مكان ختيت الرأي صريح قولا و فعلا و فكرا سجل اكتب يا تاريخ
يا استاذ .. يا ممتاز ختيت الدرس مفيد و صحيح درسا ما دايرلو وسايلا للتوضيح ونحنا فهمنا كتبنا درسنا على الكراس انتهت الحصه و ناحن سكلبن الاجراس مرقت صحيح ؟؟؟ مشيت بي وين ؟؟ وكيف خليتنا بدون تصحيح ؟!؟ نصحح وين !!؟ شلنا الهم نصحح وين جينا الكم نصحح وين وكل اقلامنا تقطر دم كمل احمر دفق لونها فحم ونحنا كبرنا وعينا و زدنا فهم عرفنا اهداف الدرس تمام ختينا النقطه ,الهمزه ,الشوله ,الاستفهام خلصنا خلاص جمعنا قلمنا حبرنا كتابنا مع الكراس يالوحدت بسفرك كل الناس يامقياس يا ميراث واساس المعنى الحب ..المبدأ .. والاحساس نعم الارث الباقي و اعظم ساس
وكيف بتفوت و افتش ليك انا جاي بي جاي و أهلك و ناسك مرقوا يكوسو عليك معاي وانادي عليك ارتى عليا فوت بي وشك ارجع جاي وفجأه ...و فجأه بتطلع من جواي متل النور الضوا حداي وموج النيل الرايح جاي وهج العين الفكر الراي ومن الشمس بريق ضواي وصدر الام الليك غطاي حديثها يناغم فيك لولاي وصوتها يهدهد فيك هداي
هوها..يا هوها واحد ..اتنين ..تلاته ابرة الخياطه فيها م وفيها ص وفيها ط و ف وفيها جميع المصطفى
Post: #15 Title: Re: دكتورة عفاف الصادق حمد النيل .. Author: A.Razek Althalib Date: 02-11-2008, 12:11 PM Parent: #7
د. عفاف الصادق..
Post: #26 Title: Re: دكتورة عفاف الصادق حمد النيل .. Author: معتصم دفع الله Date: 02-11-2008, 06:01 PM Parent: #15
عبدالرازق انت جيت ..
مرحبتين حبابك ..
Post: #8 Title: Re: دكتورة عفاف الصادق حمد النيل .. Author: البشير دفع الله Date: 02-11-2008, 10:11 AM Parent: #1
التحية والود اخي معتصم دفع الله
عميق امتناني وتقديري للدكتورة عفاف الصادق
وانضمامها لكوكبة الأون لاين بالسعودية
وجيزان تقع جنوب المملكة العربية السعودية
مرحى بها من جيرة
Post: #27 Title: Re: دكتورة عفاف الصادق حمد النيل .. Author: معتصم دفع الله Date: 02-11-2008, 06:14 PM Parent: #8
Post: #9 Title: Re: دكتورة عفاف الصادق حمد النيل .. Author: Alsa7afa_30 Date: 02-11-2008, 10:18 AM Parent: #1
ده خبر جميل يا معتصم ..
. .
ألـ1000ـف مرحب بالدكتورة عفاف الصادق ..
Post: #28 Title: Re: دكتورة عفاف الصادق حمد النيل .. Author: معتصم دفع الله Date: 02-11-2008, 06:31 PM Parent: #9
والأجمل إحتفائيتك دي وحضورك يا صحافة .. جمل الله أيامك ..
شكري وتقديري ..
Post: #10 Title: Re: دكتورة عفاف الصادق حمد النيل .. Author: معتصم دفع الله Date: 02-11-2008, 10:26 AM Parent: #1
أقسي لحظة تمر علي لما انت تكون مسافر .. تبقي هي المر الحقيقة .. وبحسب الزمن البعدي بينا بالثانية والدقيقة .. *** ويوم تقول داير تسافر بستف الحب بين ملابسك .. شان يلامســك،،، كل هدماً ترتديهو.. تلاقي فيهو قليبي حارسك .. ولما تهدأ فوق وسادتك تلقي روحي ملت جوانحك .. ولما تغمض رمش عينيك أبقي في نومك أزاحمك،،، ولما تبقي امام مرايتـك تلقي صورتي كست ملامحك،، وكل موقف من مواقفك أبقي قــدرك .. وأبقي فيهو أنا البشابهك ولما تمرق لي صحابك وكل زول بشوق يسالمك .. تلقي في إيديهو إيـدي ولمحة من عينيّ تصابحـك .. حتي في نغمة كلامو تلقي صوتي مزج سلامو وتحس بي ،، أنا البصافحــك .. *** وين تسافر مني تمشي وين تقبل مني تبــري ياني فيك أنا امتزجت بمزج النفس البيطلع مرة شهقة .. ومرة زفرة اكون الدم في عروقك وامشي في شريانك ابري مسلك الحب في وريدك فيه بغرق ومنه بروي ياني ندك... وليك نديدك عنك أكتب ومنك أقرأ .. *** وإلتزاماَ بالقضية والتمسك بالمبادي والمبادي هي الحقيقة والحقيقة العندي هي لا مساومة لا مساومة في المقاومة بي مداومــة والتزاما حق تماماَ أنا البريدك انا البريدك وين بتمشي بلايا درباَ وكل درباَ تمشي فيه .. لي بيودي وكل حدود الدنيا عندك هي حـــدي وين ما قبلت تلقي إنك إنت مني ليّ وإنك .. إنت كل مــا عنــــدي ..
Post: #11 Title: Re: دكتورة عفاف الصادق حمد النيل .. Author: ود الباوقة Date: 02-11-2008, 10:41 AM Parent: #10
شكرا الشفيف معتصم ..
دكتورة عفاف منورة الرياض والله الف مرحب بحضورك الجميل ..
ود الباوقة
Post: #12 Title: Re: دكتورة عفاف الصادق حمد النيل .. Author: Amira Elsheikh Date: 02-11-2008, 10:48 AM Parent: #11
معتصم دفع الله ..
ادسيت ونحن نسال منك بهناك..
عافين ليك مادامت غطست وجيتنا بالدرر..
دى فرصة خلينى اقول للاستاذة عفاف انها بحبها شديد..
مرحب بيها اضافة نوعية ...
تحياتى
Post: #14 Title: Re: دكتورة عفاف الصادق حمد النيل .. Author: هاشم أحمد خلف الله Date: 02-11-2008, 11:34 AM Parent: #12
الشاب الأنيق معتصم دفع الله صائد الجمال اينما كان !!! والله افرحتني كتير جداً بهذا الخبر السعيد وإنشاء الله نلتقي بها , فهي إنسانة رائعة ومتفردة .
Post: #41 Title: Re: دكتورة عفاف الصادق حمد النيل .. Author: معتصم دفع الله Date: 02-12-2008, 09:01 AM Parent: #14
تسلم يا هاشم .. أكيد اليوم موعودين بلقاء الدكتورة عفاف .. في حفل بهيج وجامع ..
شكراً لحفاوة الترحاب ..
Post: #36 Title: Re: دكتورة عفاف الصادق حمد النيل .. Author: معتصم دفع الله Date: 02-12-2008, 08:09 AM Parent: #12
موووش لي العذر عليك الله يا أميرة .. جايييكن بي هناك بس خلوني أحتفي وأرحب بالدكتورة عفاف .. هي من الذين يدخلون القلوب بدون إستئذان لذلك جديرة بكل هذا الحب ..
شكراً لأنك هنا يا أميرة .. وأكيد ح أكون معاكن هناك ..
Post: #34 Title: Re: دكتورة عفاف الصادق حمد النيل .. Author: معتصم دفع الله Date: 02-12-2008, 07:31 AM Parent: #11
Post: #13 Title: Re: دكتورة عفاف الصادق حمد النيل .. Author: ماجدة عوض خوجلى Date: 02-11-2008, 11:26 AM Parent: #1
اهلا مرحبتين بيها وبختنا احنا بالناس الحلوين كترو فى المنبر شكرا يامعتصـم انت كيف كويس .. تســلم يارب ...
Post: #16 Title: Re: دكتورة عفاف الصادق حمد النيل .. Author: سلمى الشيخ سلامة Date: 02-11-2008, 01:02 PM Parent: #13
عفاف الصادق حمد النيل تخرجت فى المعهد العالى للموسيقى والمسرح 01979
وهى من خريجى قسم النقد والدراسات المسرحية نفس القسم الذى تخرجت فيه وتخرجت فيه لاحقا الدكتورة نجاة محمود (بيان) من ابناء دفعتها عبد العزيز العميرى خطاب حسن احمد وهما من خريجى التمثيل والاخراج لكن من تخرج معها فى النقد عبد القادر نصر (يعمل الان فى الاذاعة ) جعفر نصر والد سوميتا عملت عفاف بالاذاعة اول تخرجها ثم تخرجت بعد ذلك حائزة درجة الدكتوراه من الجامعة الافريقية
شاعرة وناقدة من الطراز الاول كاتبة برامج ومعدة ومخرجة لها ابداعها الذى يحمل عبقا خاصا اكثر برامجها العالقة بالذهن ما كانت تكتبه باللهجة المحلية لدارفور من اخراج كمال عبادى
تعرفت اليها قبل ان ادخل المعهد وامتدت تلك المعرفة وشيجة اعتز بها ابدا مرحبا بك اختنا وصديقتنا عفاف
Post: #46 Title: Re: دكتورة عفاف الصادق حمد النيل .. Author: معتصم دفع الله Date: 02-12-2008, 03:37 PM Parent: #16
سلمى بت الشيخ السلامة .. ازيك يا وريفة .. دائماً تأتين محمله بأريج الكلام .. هذه المساحة أتاحت لنا قراءة ومتابعة الكثير من الإبداع السوداني ومبدعيه .. وهاهي المبدعة الدكتورة عفاف تحط رحالها هنا .. نقدر إسهاماتها وأعمالها القيمة وفي إنتظار مدنا بالمزيد من ما تحمله من إبداع ..
لك ولها كل المحبة ..
Post: #44 Title: Re: دكتورة عفاف الصادق حمد النيل .. Author: معتصم دفع الله Date: 02-12-2008, 03:07 PM Parent: #13
ازيك يا ماجدة .. إن شاء الله طيبة وبخير .. نسعد بكل الحلوين هنا وبكتاباتهم الجميلة ..
كوني كما أنتِ أجمل ..
Post: #17 Title: Re: دكتورة عفاف الصادق حمد النيل .. Author: ismeil abbas Date: 02-11-2008, 01:25 PM Parent: #1
ألأخ/معتصم
يا بشارة الخير..
مرحبآ بالدكتورة عفاف بيننا.............
فى الرياض وفى المنبر....
إسماعيل محمد احمد عباس................
Post: #52 Title: Re: دكتورة عفاف الصادق حمد النيل .. Author: معتصم دفع الله Date: 02-14-2008, 08:09 AM Parent: #17
ومرحباً بك محتفلاً بالجمال أخي إسماعيل .. نحن موعودين بإبداعات الدكتورة عفاف على صفحات المنبر .. فأهلاً بها وبك ..
شكراً جميلاً ..
Post: #19 Title: Re: دكتورة عفاف الصادق حمد النيل .. Author: معتصم دفع الله Date: 02-11-2008, 03:07 PM Parent: #1
Post: #21 Title: Re: دكتورة عفاف الصادق حمد النيل .. Author: Osman Musa Date: 02-11-2008, 03:22 PM Parent: #19
حباب ام محمد شرفتى كتير بالتوفيق انشاءالله .. تحياتى أخ معتصم دفع الله
Post: #53 Title: Re: دكتورة عفاف الصادق حمد النيل .. Author: معتصم دفع الله Date: 02-14-2008, 08:19 AM Parent: #21
حباب أخي عثمان .. وشكراً على حفاوة الترحاب .. ننتظر الكثير من إبداع أم محمد ..
لك ولها كل المحبة ..
Post: #25 Title: Re: دكتورة عفاف الصادق حمد النيل .. Author: ateif abdoon Date: 02-11-2008, 05:10 PM Parent: #19
مرحبا د. عفاف الصادق
Quote: أقسي لحظة تمر علي لما انت تكون مسافر .. تبقي هي المر الحقيقة .. وبحسب الزمن البعدي بينا بالثانية والدقيقة ..
بصوت الفنانه اسيا ربيع
... .. .
Post: #59 Title: Re: دكتورة عفاف الصادق حمد النيل .. Author: معتصم دفع الله Date: 02-14-2008, 06:51 PM Parent: #25
شكراً يا عاطف .. ولصوت آسيا ربيع وحفاوة الترحاب .. لكما التحيات النضرات ..
محبتي لكما وتقديري ..
Post: #22 Title: Re: دكتورة عفاف الصادق حمد النيل .. Author: انعام عبد الحفيظ Date: 02-11-2008, 04:48 PM Parent: #1
ونحن منتظرين حديث جميل ورقيق
جديد في طابعه متفرد
وبى مضمون أصيل وعريق ومتعدد
وديمة عليهو متجدد
يا سلااااااااااام على الإحساس العالي
ح تنوري المنبر أكيد لأنك إضافة متميزة
شكراً يا معتصم لكل الجمال
Post: #29 Title: Re: دكتورة عفاف الصادق حمد النيل .. Author: abdulhalim altilib Date: 02-11-2008, 07:39 PM Parent: #22
الأخ الشفيف معتصم ،
تحياتي ،
وشكراً لهذا الخبر المفرح بانضمام دكتورة عفاف لوطن بكري الماهل ، بعدما ضاق بها الحال في وطنها الحدادي مدادي (!؟) فانفلتت بقامتها الأدبية السامقة وبديع شعرها لتحط الرحال في جنوب المملكة . مرحباً بها إضافة فاعلة ومؤثرة وإضاءة قوية في حوش بكري.
وعيني باردة عليك وصنو روحك تمبس ، وشكراً لكما .. فقد بشرنابانضمام دكتور كسلا ، وأنت بشرتنا بانضمام دكتورة عفاف . وأخشى على نفوسنا من حسد أنفسنا !!
و .. كانت ضربة البداية من دكتورتنا أمسية احتفال الملتقى الثقافي الاجتماعي الرياضي بعيد الاستقلال حيث امتعتنا برائع شعرها وجميل نظمها وعظيم إلقائها ، وأسرت بذلك كل الحضور ، وفي انتظار المزيد منها. شكراً ليك ، وربنا يمتعها بالصحة والعافية ودوام التوفيق في عملها .
ألف مرحب بالدكتورة عفاف .
مودتي ،
( ليمو )
Post: #67 Title: Re: دكتورة عفاف الصادق حمد النيل .. Author: معتصم دفع الله Date: 02-16-2008, 11:33 AM Parent: #29
قدر المبدعين أن يحطوا رحالهم خارج أرض الوطن .. والدكتورة عفاف ساقتها خطاها إلى أرض نجد القريبة .. وكنا من المحظوظين بلقائها .. فقد أثرت ليالينا وجملتها بإبداعها ..
شكراً ليمو على حفاوة الترحاب ورقيق الكلام .. فأنت دوماً حاضراً بحروفك وكلماتك الجميلة ..
كن بألف خير ..
Post: #66 Title: Re: دكتورة عفاف الصادق حمد النيل .. Author: معتصم دفع الله Date: 02-16-2008, 10:03 AM Parent: #22
وين بتمشي بلا درباً .. كل درباً تمشي فيهو .. ليّ بودي .. كل حدود الدنيا عندك .. هي حدي ..
انعام يا صديقة .. شكراً لأنك هنا .. بالتأكيد موعودين بكتابة راقية .. وحديث جميل ورقيق ..
لك الأماني الطيبة ..
Post: #30 Title: Re: دكتورة عفاف الصادق حمد النيل .. Author: Tumadir Date: 02-11-2008, 10:40 PM Parent: #1
عفاف يا صديقتى الماهلة ...
ادخليها بسلام آمنة ...
عفاف انت المرأة التى كل ما ذكر الحب والحنان ذكر اسمها ...
وزعت قلبك وجدا وجدا على المحيطين بك ..وعلمت ابنائك الاحترام والفن والحب ..
تحلصين لمن صادقوك الى حد القربى ...
تكتبين حتى تنام الكلمات فى حضنك
تبحصين فى العلوم حتى تتهجد فى محرابك ..
تقدسين العطاء الفنى وتفرشى له حقولا من السنابل ..فيتسربل حتى يعانق النجم ..
يا ماهلة القلب والروح يا صادقة ...
كل البراحات لك ...وكل الأيادى تمتد لتحتضن وجودك الثر ...
فادخليها بسلام ...
واعلم أنك لن تتوقفي عن العطاء لانه اسمك الثانى ...وعنوان بيتك ...
اهــــــــــــــلا بك ....
Post: #31 Title: Re: دكتورة عفاف الصادق حمد النيل .. Author: عاصم الطيب قرشى Date: 02-12-2008, 06:56 AM Parent: #30
معتصم دفع الله والعشيرة
سلمتم من كل بلاء عفاف الصادق إسم له دلالاته إسمٌ له دلالاتُه, رقمٌ ليس بالهين أن يُحصى كرُمت وكرُم من يكرم سيرتها. أهلا وسهلا بها انتهز السانحة لأعزيها فى وفاة والد الاستاذ أبو عركى
عاصم الطيب
Post: #32 Title: Re: دكتورة عفاف الصادق حمد النيل .. Author: بكرى ابوبكر Date: 02-12-2008, 07:01 AM Parent: #31
أهلاً بالدكتورة عفاف الصادق حمدالنيل وألف مرحباً بك ..
Post: #33 Title: Re: دكتورة عفاف الصادق حمد النيل .. Author: احمد العربي Date: 02-12-2008, 07:24 AM Parent: #32
إنحناء وتقدير لك الود ولها السماء والنجوم عاطر المحبه
Post: #71 Title: Re: دكتورة عفاف الصادق حمد النيل .. Author: معتصم دفع الله Date: 02-17-2008, 10:35 AM Parent: #33
أحمد العربي يا فنان .. نسعد كثيراً بكل أدباء وفناني بلادي وبكتاباتهم وأعمالهم .. تهانينا مره أخرى لعرسك الجميل ..
محبتي ..
Post: #35 Title: Re: دكتورة عفاف الصادق حمد النيل .. Author: tmbis Date: 02-12-2008, 07:36 AM Parent: #32
دكتورة عفاف الصادق حمد النيل.. كمنا نسمع عنها .. ونستمع لها خلال البرامج الإذاعية .. وكنا نختلس الدهشة لنرى هذا الوجه الإعلامي المميز المتمكن من ناصية الاعلام .. والكلمة الطيبة .. لي عظيم الشرف ان التقيك يا دكتورة عفاف ولاول مرة عن قرب .. وأن امتع نفسي بالكثير مما كتبتيه وحديثك العذب الذي يخترق الوجدان .. وقلبك الكبير .. سعيدين ان تكوني بيننا في هذا المكان الرحب الفسيح الذي اختصر الكثير من المسافات والقيم المعرفية التي اصبحت متاحة لتداولهــا,, احييك يا معتصم على حرصك لاحتواء الموقف ونشر هذه الثروة القومية من خلال الموقع .. وحرصك مرة اخرى بأن نحتفل بدكتورة عفــاف الطيبة .. الشكر موصول ليك يا بكري ..
Post: #72 Title: Re: دكتورة عفاف الصادق حمد النيل .. Author: معتصم دفع الله Date: 02-17-2008, 02:44 PM Parent: #35
تامبا يا صاحب .. بالله شفت نحن محظوظين كيف .. بين تغلبات طقس هذه المدنية في صيفها وشتائها .. تطل علينا دكتورة عفاف لتحيل كل الأجواء إلى ربيع .. سعدنا بحكاويها عن فاطنة السمحة وكتاباتها الراقية وأغنياتها الجميلة .. ولنا أن نفرح وهي تقيم معنا هنا في هذا الوطن سودانيز أون لاين ..
فألف مرحباً بها .. ولك محبتي الدائمة ..
Post: #70 Title: Re: دكتورة عفاف الصادق حمد النيل .. Author: معتصم دفع الله Date: 02-17-2008, 10:16 AM Parent: #32
شكراً ريس بكري على حفاوة الترحاب وكرمك الفياض ..
يديك العافية ..
Post: #69 Title: Re: دكتورة عفاف الصادق حمد النيل .. Author: معتصم دفع الله Date: 02-16-2008, 05:24 PM Parent: #31
الزول الفنان عاصم الطيب .. تحياتي يا زول يا زين .. وعبرك التحية لكل مبدعي بلادي .. فهم لهم دين على أعناقنا وواجب علينا تكريمهم ..
محبتي بلا حدود ..
Post: #68 Title: Re: دكتورة عفاف الصادق حمد النيل .. Author: معتصم دفع الله Date: 02-16-2008, 04:43 PM Parent: #30
تماضر قريبتي .. ازيك .. لعلك طيبة وعلى أحسن حال ..
كلام صادق وجميل .. لإنسانة صادقة ومبدعة .. وكلاكما مبدع .. وجود دكتورة عفاف بسودانيز أون لاين إضافة حقيقية له .. وكلنا إنتظار لقلمها الأنيق وكتاباتها الرائعة ..
لكما كل الحب والتقدير ..
Post: #37 Title: Re: دكتورة عفاف الصادق حمد النيل .. Author: Shawgi Sulaiman Date: 02-12-2008, 08:16 AM Parent: #1
بحق إنها رائعة وشفافة يمكنك أن ترى ما خلف ظهرها ، لها التحية أين ما حلت
Post: #38 Title: Re: دكتورة عفاف الصادق حمد النيل .. Author: الطيب شيقوق Date: 02-12-2008, 08:33 AM Parent: #37
نرحب بها عضوة وصديقة في منتدى سودانيز أون لاين ومرحب بمقدمها الميمون ..
وفي إنتظار كتاباتها المتميزة
أهلاً بالدكتورة عفاف الصادق حمدالنيل وألف مرحباً بك ..
غايتو يا المعتصم الدكتورة دى من اسمها ده مو رطانية ويغلب انها من اهلي العركيين مرحب بيك يا قريبتنا وهلا وهلا على الرطانة .
شكرا تاني يا المعتصم الجميل .
Post: #74 Title: Re: دكتورة عفاف الصادق حمد النيل .. Author: معتصم دفع الله Date: 02-17-2008, 04:41 PM Parent: #38
تحياتي أخي الطيب شيقوق .. شكراً لحفاوة الترحاب .. الدكتورة عفاف كوم إبداع وكلنا لهفة لقلمها وكتاباتها .. بالتأكيد هي إضافة حقيقية للمنبر ومكسب كبير ..
فأهلاً بها .. وألف شكر لك ..
Post: #73 Title: Re: دكتورة عفاف الصادق حمد النيل .. Author: معتصم دفع الله Date: 02-17-2008, 03:39 PM Parent: #37
Post: #39 Title: Re: دكتورة عفاف الصادق حمد النيل .. Author: حمزاوي Date: 02-12-2008, 08:41 AM Parent: #1
أهلاً بالدكتورة عفاف الصادق حمدالنيل وألف مرحباً بك الابن معتصم دائماً مقدم الحاجات الحلوة لينا الاستاذة الدكتورة عفاف الصادق كلماتها من الواقع ويحرك الوجدان وفعلاً كما قيل سمح القول من خشم سيدو وكما تعلم ابني معتصم حضرنا سوياً احتفال الملتقى باعياد الاستقلال التي القت فيها الدكتورة عفاف تلك القصيدة العصماء فالقاءها اعطت للقصيدة البعد الحقيقي لمضمون القصيدة وحلقت بنا في اجواء أسرية ريفية سودانية . نفرش الورود والياسمين للاستاذة لتبدع لنا اينما حلت . ولكم تحياتي
Post: #75 Title: Re: دكتورة عفاف الصادق حمد النيل .. Author: معتصم دفع الله Date: 02-18-2008, 10:17 AM Parent: #39
الخال حمزاوي .. إفتقدناك في تلك الليلة .. والتي تجلت فيها الدكتورة عفاف وأبدعت .. أو كما قال دكتور محمد رأينا القمر بيننا في أبهى صوره .. شكراً وأكيد ح تكون هناك مزيد من الليالي الجميلة ..
تقديري ..
Post: #40 Title: Re: دكتورة عفاف الصادق حمد النيل .. Author: نادر Date: 02-12-2008, 08:54 AM Parent: #1
ماأحلى مفاجآتك يا معتصم يا رائع .. كيفنك وكيف أخبارك؟ سائلين عنك ... سافر تنقو وفتحتو للشرقية كبري ... مرحب بالشاعرة الانسانة دكتورة عفاف ... معتصم طلب خاص: لينك الحفظ لـ(سماح عينيك) ولو اتكرمته ورسلتها على nadirabas(at)yahoo.com أكون ممتن جداً جداً
Post: #76 Title: Re: دكتورة عفاف الصادق حمد النيل .. Author: معتصم دفع الله Date: 02-18-2008, 03:21 PM Parent: #40
نادر .. كيفك يا حبيب .. والله ليكم وحشة شديدة .. الشرقية لم تغب عن بالنا ولكم بزيارة قريبة إن شاء الله .. عبرك نرسل التحايا للعم تنقو .. راجع أيميلك بالنسبة للأغنية .. شكراً لحفاوة الترحاب ..
تقديري ..
Post: #42 Title: Re: دكتورة عفاف الصادق حمد النيل .. Author: awad okasha Date: 02-12-2008, 09:09 AM Parent: #1
هنيئاً لبورداب الرياض ... وكافة زملاء وزميلات المنبر بهذه الدُرة ... كسب جديد ... وخبر سعيد ... تحياتي معتصم
Post: #43 Title: Re: دكتورة عفاف الصادق حمد النيل .. Author: خالدة البدوي Date: 02-12-2008, 03:00 PM Parent: #42
معتصم
ما أجملها د/ عفاف الصادق تلك الوريفة
الشفيفة ذات الوجدان المتدفق ،،
تفيض حباً وحناناً تشبه كل جميل حي ،،
تنبض نبض يحس به كل الكون حتى الشجر ،،
كنا نسمع بها ولكن عرفناها من قرب
نعيشها هذة الايام ونتنفس عبقها في
الرياض تملؤنا بروح الجمال وببعض
الروعة التي امتدادها يطمئننا ،،
وهي تنضم لهذة المساحة العامرة
شكراً بكري شكراً معتصم على البشارة
مليون اهلاً الجميلة / عفاف الصادق ،،
فيض ودي ،،،
Post: #78 Title: Re: دكتورة عفاف الصادق حمد النيل .. Author: معتصم دفع الله Date: 02-18-2008, 06:04 PM Parent: #43
لا زلنا في إنتظار أن تطل علينا سيدة الروعة .. بروحها الحلوة وقلمها الأنيق ..
شكراً خالدة .. وأظنك شفتي الدهشة في أعمالها الجميلة وهي حضور بيننا ..
لك الود ..
Post: #77 Title: Re: دكتورة عفاف الصادق حمد النيل .. Author: معتصم دفع الله Date: 02-18-2008, 05:04 PM Parent: #42
سلام يا عوض .. فعلاً الدكتورة مكسب كبير للبورد .. مالك طولت الغياب ..
أبقى أظهر ..
Post: #45 Title: Re: دكتورة عفاف الصادق حمد النيل .. Author: kamal ali Date: 02-12-2008, 03:17 PM Parent: #1
اهلا ببت المسلميه
وبت نيالا
وبت أمدرمان ,,
تصدقوا انها رضعت من ثقافات هذه الثلاثه مدن المدهشه ,,,
اهلا بها وبصوتها الذى لم يعبر مثله بعدها فى هنا أم درمان ,,
Post: #47 Title: Re: دكتورة عفاف الصادق حمد النيل .. Author: salma subhi Date: 02-12-2008, 03:48 PM Parent: #45
أهلاً بالدكتورة عفاف الصادق حمدالنيل وألف مرحباً بك ..
ــــــــــــــــ
الأخ الفاضل معتصم دفع الله.... عاطر التحايا وعساك بألف خير
Post: #49 Title: Re: دكتورة عفاف الصادق حمد النيل .. Author: نهال الطيب Date: 02-12-2008, 04:29 PM Parent: #47
دي الفي عينيها دنيا جميلة
دنيا ملانة محنة وطيبة
شرفت ونورت
وشكراً معتصم على الخبر الرائع
Post: #82 Title: Re: دكتورة عفاف الصادق حمد النيل .. Author: معتصم دفع الله Date: 02-19-2008, 04:47 PM Parent: #49
Quote: ومره تاخد كل أعماقنا تابا تجيبا .. وأنا اتحيرت .. شلت الخطوه .. حتى الخطوه لما نشوف جمال عينيك .. تبقى ترجع .. وليك بتتطّلع ..
كيفك يا نهال .. تحيات كتاااار .. وشكراً على حفاوة الترحاب ..
محبتي ..
Post: #81 Title: Re: دكتورة عفاف الصادق حمد النيل .. Author: معتصم دفع الله Date: 02-19-2008, 02:52 PM Parent: #47
العزيزة سلمى صبحي سلاااام .. شكراً لحفاوة الترحاب .. وفي إنتظار قلمها الأنيق ليعطر هذا المكان ..
محبتي ..
Post: #79 Title: Re: دكتورة عفاف الصادق حمد النيل .. Author: معتصم دفع الله Date: 02-18-2008, 09:31 PM Parent: #45
Post: #48 Title: Re: دكتورة عفاف الصادق حمد النيل .. Author: مهدى الصادق السيد Date: 02-12-2008, 04:29 PM Parent: #1
مرحب بى بت البلد الاصيلة د/ عفاف ام احمد التى تجمع اصالة القرية وطيبة اهلها (عبد الجليل وودسليمان ) والتى لم تتعالى ولم تترفع رقم كل الدرجات التى وصلتها من العلم والمعرفة والثقافة والمكانة الاجتماعية . اهلا بها بيننا واتمنى ان تخرج الكثير مما تختزنه فالجميع يتتطلع الى الذى لم يرى النور بعد شكرا بكرى ابو بكر شكرا الاخ معتصم دفع الله ونأسف اننا لم نحتفل معكم بوجود الاستاذة عفاف الصادق لظروف قاهرة وحقيقة لم نكن نعلم بوجودها اتمنى ان تتاح لنا الفرصة مرة اخرى لنحتفل بها .
Post: #50 Title: Re: دكتورة عفاف الصادق حمد النيل .. Author: wesamm Date: 02-13-2008, 05:14 AM Parent: #48
Post: #85 Title: Re: دكتورة عفاف الصادق حمد النيل .. Author: معتصم دفع الله Date: 02-20-2008, 09:04 AM Parent: #50
شكراً وسام على الفيديو ..
تحياتي ..
Post: #51 Title: Re: دكتورة عفاف الصادق حمد النيل .. Author: خالد سمارة Date: 02-13-2008, 08:22 AM Parent: #48
انة يوم جميل وفرح قادم .مرحبا بك وبحضورك بيننا
Post: #86 Title: Re: دكتورة عفاف الصادق حمد النيل .. Author: معتصم دفع الله Date: 02-20-2008, 09:05 AM Parent: #51
شكراً أخ خالد على حفاوة الترحاب ..
تحياتي ..
Post: #83 Title: Re: دكتورة عفاف الصادق حمد النيل .. Author: معتصم دفع الله Date: 02-20-2008, 08:19 AM Parent: #48
جميل يا أبوالصادق إنك إحتفلت معنا بالدكتورة عفاف .. لم يفوتك شي من إبداعها فقد كانت ليلة مشهودة بالتأكيد ..
لك ولها كل الحب ..
Post: #54 Title: Re: دكتورة عفاف الصادق حمد النيل .. Author: ملكة سبأ Date: 02-14-2008, 08:38 AM Parent: #1
يــــاسلام !!
Post: #87 Title: Re: دكتورة عفاف الصادق حمد النيل .. Author: معتصم دفع الله Date: 02-21-2008, 07:10 AM Parent: #54
يا سلاااااام أنا منك آآآآآه ..
وتاني سلااااام يا ملكي ..
Post: #55 Title: Re: دكتورة عفاف الصادق حمد النيل .. Author: عثمان دغيس Date: 02-14-2008, 11:03 AM Parent: #1
أهلا ومرحبا بالقمة الدكتورة عفاف الصادق..
فهي إضاقة نوعية من نواحي متعددة ..
فهي من مبدعات بلادي القلائل ..
اللائي كأني بهن قد خلقن لكي يعلمن نساء الدنيا كيف هو الإبداع ...
وهي صنو وزوج العملاق الصادق الفنان أبو عركي ...
أكيد موعودين بإبداع يفوق الوصف ...
هنيئاً لنا ولكل قراء المنبر وأعضاءه بيراعك الدافئ الصادق
يا بت الصادق ...
Post: #88 Title: Re: دكتورة عفاف الصادق حمد النيل .. Author: معتصم دفع الله Date: 02-21-2008, 07:50 AM Parent: #55
الدكتورة عفاف إبداع لا متناهي .. فهنيئاً لبلادي بمبدعة مثلها .. وحق علينا أن نفخر بها وبكل مبدعينا ..
شكراً أخي عثمان على رقيق الكلام ..
تقديري ..
Post: #56 Title: Re: دكتورة عفاف الصادق حمد النيل .. Author: يوسف السماني يوسف Date: 02-14-2008, 03:16 PM Parent: #1
د. عفاف الصادق حمدالنيل مرحبأ بك نفرش بساط الحب ونزينة بورد المحبة ليستقبل قدومك ودخولك لهذا الوطن الرحب سودانيز اون لاين لان مشاعل قلمك تقشع مسارب الظلام .
Post: #57 Title: Re: دكتورة عفاف الصادق حمد النيل .. Author: El Dukhri Date: 02-14-2008, 05:16 PM Parent: #56
الحبيب / معتصم
مرحبا بالدكتورة عفاف الصادق حمد النيل في هذا الفضاء الاسفيري ، انها إضافة من العيار الثقيل لهذا المنبر ، لقد كانت إطلالتها اضافة حقيقية لليالي الرياض وامسياتها لقد اعطتها طعماوبعدا خاصا ، و كانت كلماتها عميقة ومعبرة بعمق ادراكها ووعيها التقافي والاجتماعي . نحييها حقا بيننا ،،
Post: #90 Title: Re: دكتورة عفاف الصادق حمد النيل .. Author: معتصم دفع الله Date: 02-21-2008, 08:38 AM Parent: #57
تحياتي أخي الحبيب الدخري .. فعلاً ليالي الرياض كانت جميلة بإطلالتها علينا .. فقد تزودنا بابداعاتها وقراءاتها الرائعة ..
شكراً جميلاً ..
Post: #89 Title: Re: دكتورة عفاف الصادق حمد النيل .. Author: معتصم دفع الله Date: 02-21-2008, 08:18 AM Parent: #56
يديك العافية أبو رامي .. وشكراً على إحتفائية الثلاثاء المشهودة .. فالدكتورة عفاف تستحق التكريم والإحتفاء بها ..
تقديري ..
Post: #58 Title: Re: دكتورة عفاف الصادق حمد النيل .. Author: معتصم دفع الله Date: 02-14-2008, 06:04 PM Parent: #1
يوم أمس الأول كانت غير ذي عهد .. فكان القمر قمرين أضاء ليالي الرياض وبدل عتمتها .. وكانت دكتورة عفاف بحضورها البهي .. وكلماتها الصادقة غسلت أحزان التعب والغربة ورتبت عصب الدواخل ودوزنته .. لله درك يا عفاف الصادق .. فقد كنت وكان الإبداع حاضراً معك ..
Post: #60 Title: Re: دكتورة عفاف الصادق حمد النيل .. Author: الفاتح الجنيد Date: 02-14-2008, 07:39 PM Parent: #58
تحية وتقدير وترحيب حار بالدكتورة عفاف وانت تفردين عطائك الناصع البياض على عتبات هذا المنبر
شكرا معتصم وانت تنتقى الدر لتنثره على هذا البساط
Post: #91 Title: Re: دكتورة عفاف الصادق حمد النيل .. Author: معتصم دفع الله Date: 02-21-2008, 08:42 AM Parent: #60
شكراً جميلاً أخي الفاتح على حفاوة الترحاب .. ليكم شوق شديد يعلم الله ..
سلام وتحايا ..
Post: #61 Title: Re: دكتورة عفاف الصادق حمد النيل .. Author: فتحي الصديق Date: 02-14-2008, 09:03 PM Parent: #58
أهلا بيها يا المعتصم..أضافة رائعة لهذا الفضاء الرائع.ننتظرها بشوق لاحد له..ويا ريت لو تفتح بوست خاص للحوار معها..غير بوست الترحيب هذا..سنسعد كثيرا بها ..
Post: #92 Title: Re: دكتورة عفاف الصادق حمد النيل .. Author: معتصم دفع الله Date: 02-21-2008, 08:43 AM Parent: #61
تحياتي أخي فتحي .. في إنتظار الدكتورة عفاف وقلمها الأنيق .. لتعطر به هذا المكان وتحكي لينا عن تجربتها الإبداعية ..
لك الود ..
Post: #62 Title: Re: دكتورة عفاف الصادق حمد النيل .. Author: أبووجيدة Date: 02-15-2008, 01:52 PM Parent: #1
الغالي / مو
تحياتي بلا حدود وأنت دوما تزرع فينا الفرح ...
ألف مرحــب د . عفاف الصادق بيننا ..
... لك مـــــــــــودتي ...
Post: #63 Title: Re: دكتورة عفاف الصادق حمد النيل .. Author: نادية عثمان Date: 02-15-2008, 06:52 PM Parent: #62
د. عفاف الصادق وجه مشرّف من وجوه العلم والفن والأبداع في بلادي
لها مليون وردة ولها كل التجلّة والتقدير
شكرا معتصم العزيز لهذا الاحتفاء الذي صادف أهله حقا ..
خارج النص:
زعلانة منك وانت عارف ليه ياممو ياخ !!
Post: #64 Title: Re: دكتورة عفاف الصادق حمد النيل .. Author: azhary awad elkareem Date: 02-15-2008, 07:44 PM Parent: #63
الأخ معتصم دفع الله,, سلامات.. لا شك أن الأخت عفاف ستثرى منبرنا بالكثير المثير الخطر,,
إطلعت على يوست بورداب الرياض قبل هذاالبوست..
فتداخلت فيه موجهاً سؤالاً للأخ بكرى الذى كان قد تداخل قبلى عن ماذا فعل لأجل إنضمام الدكتورة عفاف.. ولم أدر وقتها أنه قد فعل.
عفواً لتلك (الخفة واللفة).. وشكراً بكرى,, ومرحباً بالدكتورة الرائعة عفاف,, وعقبال لما يجينا أبو عركى ومحمد بقية العقد النضيد..
محبتى لكل من مر/ت منه هنا
Post: #95 Title: Re: دكتورة عفاف الصادق حمد النيل .. Author: معتصم دفع الله Date: 02-21-2008, 09:51 AM Parent: #64
تحياتي أخي أزهري .. وشكراً على طلب العضوية للدكتورة عفاف وترحابك بها .. والتحية للريس بكري وهو يفتح أبوابه لمبدعي بلادي .. وتحية عبرك لأبي عركي ومحمد وكل المبدعين .. وفي إنتظار أن نراهم هنا ..
محبتي وتقديري ..
Post: #94 Title: Re: دكتورة عفاف الصادق حمد النيل .. Author: معتصم دفع الله Date: 02-21-2008, 09:23 AM Parent: #63
Post: #93 Title: Re: دكتورة عفاف الصادق حمد النيل .. Author: معتصم دفع الله Date: 02-21-2008, 09:12 AM Parent: #62
الحبيب أبووجيدة .. سلام الله يغشاك .. في الليلة ديك كان القمر في أبهى حلله .. وكان كل شي جميل بها وبكم ..
تسلم يا صديق ..
Post: #65 Title: Re: دكتورة عفاف الصادق حمد النيل .. Author: عمر أحمد Date: 02-15-2008, 07:45 PM Parent: #1
الجمال في ابهى صوره
شكرا عفاف شكرا معتصم
Post: #96 Title: Re: دكتورة عفاف الصادق حمد النيل .. Author: معتصم دفع الله Date: 02-21-2008, 10:03 AM Parent: #65
تحياتي عمر .. وألف مرحباً بك هنا مره ثانية .. شكراً على حفاوة الترحاب ..
تقديري ..
Post: #99 Title: Re: دكتورة عفاف الصادق حمد النيل .. Author: عماد محمود علي Date: 02-21-2008, 10:15 AM Parent: #96
صديقي الجميل الأنيق مووو
كل الحب والتقدير والتحايا عزيزي
الجميل دائماً لا يأتي إلا بكل جميل وجمال معروف عزيزي وجئت لنا بعزيزة غالية تمنينا رؤيتها على أرض الواقع وليس عبر المسموع أو المقروء او عبر البث . أهلاُ بيك يا دكتورة ونورتي البورد . شكراً باشمهندس بكري ...
أهلاً يا دكتورة
شكراً مووو
مودتي
عما
Post: #101 Title: Re: دكتورة عفاف الصادق حمد النيل .. Author: معتصم دفع الله Date: 02-21-2008, 03:13 PM Parent: #99
عمدة يا صديقي .. سعيد بأنك هنا بطلاتك الحلوة وكتابتك الأنيقة .. وجميل أنو دكتورة عفاف معانا هنا في س أون لاين .. ننتظر منها كثير الحكي وجميل الشعر ..
أبقى طيب وفي أحسن حال ..
Post: #100 Title: Re: دكتورة عفاف الصادق حمد النيل .. Author: محي الدين جبريل Date: 02-21-2008, 10:19 AM Parent: #96
العزيز معتصم لك الود والورد
حقيقة انتم كنتم فى نعمة ، هذه الرائعة الدكتورة عفاف الصادق ، كانت لنا معها أيام فى حوش الإذاعة فى أم درمان ولا أنسى تلك الساعات الجميلة التى كنا نقضيها معها وهى تؤمنا فى منتدى الأربعاء الأسبوعى بالإذاعة ... كل حاجاتها رائعة طريقة الحكى ، إدارة أمورها فى مركز التدريب الإذاعى ، أما إذا دخلت الاستديو فهذا شان آخر . ربنا يحفظها..
Post: #102 Title: Re: دكتورة عفاف الصادق حمد النيل .. Author: معتصم دفع الله Date: 02-21-2008, 03:31 PM Parent: #100
يا ألف مراحب بالأخ الحبيب محي الدين .. نسعد بطلتك دائماً على الشاشة البلورية .. بالتأكيد جميلة هي ذكرياتكم مع الدكتورة عفاف بين دهاليز الإذاعة والتلفزيون .. كنا دائماً نستمع لبرامجها ونسعد بما نسمعه من أغنيات كتبتها وتغنى بها الرائع عركي .. شكراً جميلاً أنك هنا ..
خالص محبتي ..
Post: #80 Title: Re: دكتورة عفاف الصادق حمد النيل .. Author: نها محسن أبورأس Date: 02-19-2008, 01:06 AM Parent: #1
أخي الرائع معتصم
Quote: حتى الخطوه لما نشوف جمال عينيك .. تبقى ترجع .. وليك بتتطّلع ..
كم أحسدنكم وقد كنتم في حضرة ذلك الجمال وتلك الروعة... الدكتورة عفاف شاعرة فذة وحساسة وجميلة
ربنا يحلي أيامك
مودتي
Post: #84 Title: Re: دكتورة عفاف الصادق حمد النيل .. Author: Ishraga Mustafa Date: 02-20-2008, 08:27 AM Parent: #80
يا الف مرحب بقدوم المرأة المبدعة د. عفاف الصادق حمد النيل
وشكرا يامعتصم
Post: #98 Title: Re: دكتورة عفاف الصادق حمد النيل .. Author: معتصم دفع الله Date: 02-21-2008, 10:10 AM Parent: #84
تحياتي أم واصل .. وألف مرحب بكل مبدعي ومبدعات بلادي ..
شكراً جميلاً ..
Post: #97 Title: Re: دكتورة عفاف الصادق حمد النيل .. Author: معتصم دفع الله Date: 02-21-2008, 10:07 AM Parent: #80
مرحبتين حبابك أختي نهى .. نتمنى يرجع كل مبدع وكل طائر غرد خارج الوطن .. وتكون بلدنا في أحسن حال يعمها الخير والسلام .. شكراً للذوق الجواك .. وحفاوة الترحاب ..
محبتي ..
Post: #103 Title: Re: دكتورة عفاف الصادق حمد النيل .. Author: غادة عبدالعزيز خالد Date: 02-21-2008, 03:56 PM Parent: #97
الأخ العزيز معتصم
كانت لفتة حلوة منكم، والدكتورة عفاف تستاهل هذا الحب الذي يحيط بها ويرفرف على سماء زوجها الفنان الكبير لك خالص مودتي... يا شفيف
غادة
Post: #104 Title: Re: دكتورة عفاف الصادق حمد النيل .. Author: معتصم دفع الله Date: 02-23-2008, 09:29 AM Parent: #103
غادة ازيك .. الدكتورة عفاف تستاهل التكريم وهذا أقل ما نفعله تجاه مبدعة حقيقية .. وفي إنتظار أن تتحفنا بكتاباتها وأعمالها الرائعة ..
شكراً يا شفيفة .. خالص محبتي ..
Post: #105 Title: Re: دكتورة عفاف الصادق حمد النيل .. Author: وحيد Date: 02-23-2008, 02:34 PM Parent: #104
هلا ماما عفاف .....
يا بخيت بلادنا وبختنا الليلة عيد ميلاد طفلنا انا وحبيبتي ومن زمان عشنا ريدتنا وسنينا بنزرع الحب في صغيرنا كلمة كلمة وخطوة خطوة وريدة من اخر ضميرنا وقبل ما نضع الجنين قبل ما نعرف هو مين كان كلامنا عن المبادى وعنك انتي يا بلادي وعن فصلية دمك انتي ودمنا ولية بنزف من جراحك وانتي ودمناااااااااا ولية بنفرح لما تفرحي كلنا اهو دي العلاقة المستحيلة الممكنة وعشان تعيش في قليبو عزة وعشان نشوف في عيونو عزه ياما راضعانهو حبك من البدايةوللنهاية وعشان ترابك يابلد كانت اول كلمة اسمك وللنهاية
من اشعار عز الدين هلالي والحان وغناء ابوعركي البخيت وياريت لو احد الاعضاء معه التسجيل وينزلو
Post: #106 Title: Re: دكتورة عفاف الصادق حمد النيل .. Author: معتصم دفع الله Date: 02-26-2008, 03:11 PM Parent: #105
وحيد ازيك .. وشكراً لأنك هنا من المرحبين بالدكتورة عفاف .. لو لقيت التسجيل دا ح أجيبو هنا ..
