مبروك لمصر...الافريقية

منذ احتكار السعودى صالح الكامل لحقوق بث المباريات الاقليمية والعالمية, بطنى طمت من الكورة,مع انى من معجبيها المتعصبين. سبتها لكرشه, الذى سيسأل يوم يقوم الناس لرب العالمين(لو قاموا), من اى سحت "رياضى" اطعمه.
السبب التانى للطمام وما يترتب عليه, هو تعليق بعض (العرب؟) على المباريات, وجعلهم النزال الرياضى محض دواس بين عرب وافارقة, وتحت تحت(عبيد!), بمعنى, كيف اولاد ال... القال عنهم ابو(الفرج؟) الاصفهانى ما قال, ياخدو كاسهم بيدهم(يبدر لذهنى شئ قبيح, وهو ان هذا الكاس يمثل شيئا ما, رمزى لهؤلاء الاعراب, المهووسين بهذا الشئ).
السبب التالت للطمام, هو ان لعيبة المنتخب المصرى يسجدون بدون وضؤ(اذ ربما ضرط احدهم اثناء هجمة مرتدة), عند احراز هدف, رغم ان اللاعب بذل مجهودا مقدرا لاحراز هذا الهدف, اذن لا داعى لهذه الحركة الغريبة.
السبب الرابع والاخير, هو ارتباط مباراة السودان ومصر بحركة ابو تريكة البهلوانية, يعنى الزول دة ادانى احساس كانوا القون دة دخل فى اولمرت, واشعر بحرج شديد وانا اتجول فى شوارع يلبس فيها الاطفال فنايل فيها ما كتبه(او كتب له) ابو تريكة فى فانلته, وزعمى ان ما كتب, كتب له, هو ان هذه الفنايل حققت اعلى مبيعات.
يعنى طلعناماسكين قرون تحلبها راسمالية اسلامية عروبية متعفنة, عفونة معتبرة على مر التاريخ!
بالمناسبة "الشيخ" المزواج صالح الكامل, بكرهو ساكت كدة, كراهيتى للوهابيين والسعوديين, وتحيا مصر الافريقية!

بعيد(شوفو العربى دة كيف) نهاية المباراة, خرجت لأهنى اول مصرى افريقى اصادفه, بطيب خاطر, باغتنى الفرارجى: ايه يا سمارة! انت زعلان ولا ايه!
انا: لا وحياتك يا ابو محمد, مبروك ياخى!
الفرارجى: ومالها مبروك دى طالعة من اخر حنكك, ما تبطلو أر ياخى!
بعدها استلمت رسالة من معتصم سيد احمد بخصوص المباراة, ورديت باحسن منها.