Post: #1
Title: أتمنى فوز مصر على الكاميرون في النهائيات
Author: AnwarKing
Date: 02-10-2008, 03:26 PM
Parent: #0
|
Post: #2
Title: Re: أتمنى فوز مصر على الكاميرون في النهائيات
Author: AnwarKing
Date: 02-10-2008, 03:30 PM
Parent: #1
|
Post: #3
Title: Re: أتمنى فوز مصر على الكاميرون في النهائيات
Author: Raja
Date: 02-10-2008, 03:41 PM
Parent: #2
أنور يا ملك..
الفريق المصري أحسن فريق أفريقي حتى الآن. ويستحق الفوز بجدارة
التحية لأبوتريكة وزيدان وبقية الشباب الزي الورد
ولا عزاء لصمويل أتو ورفاقه الذين يلعبون على المجد القديم..
* شجعت وأشجع الفريق المصري لمعرفتي ومتابعتي لمستواه الممتاز. لكن بيني وبينك خفت أعلن يقوموا يوؤدوني ويودوني ورا الشمس .
ودي
|
Post: #5
Title: Re: أتمنى فوز مصر على الكاميرون في النهائيات
Author: AnwarKing
Date: 02-10-2008, 03:50 PM
الحبيبة رجاء،
سلام وتحايا وأشواق ممتدة، من هنا، الى حيث أنت.
| Quote: لكن بيني وبينك خفت أعلن يقوموا يوؤدوني ويودوني ورا الشمس |
تخافي من منو؟
الناس هنا بتشجع على مستوى الرئاسة الأمريكية زاتــــــــــــها. بكل ما تحمله أمريكا من قبح تجاه بلادنا السودان!
فضل شئ بعد ده؟
الفوز لفريق ابناء النيل
مع خالص مودتي
ودمت بخير
|
Post: #4
Title: Re: أتمنى فوز مصر على الكاميرون في النهائيات
Author: haroon diyab
Date: 02-10-2008, 03:50 PM
Parent: #1
انور
مساء الخير
جاييك برواقة بعد نهائة الكورة
وعشان خاطرك ....هاك دي......
اتمني فوز الكاميرون 5/ صفر ......وبلا نيل ولا نيله .....!
وباذن الله هزيمة تذكرك هزائم الكوكب من الوطن والنيلين( ياولاد الراحات ) طبعا المصطلح ده مابعرفوه غير اولاد كوريا مونج .
التحايا
هارون دياب
|
Post: #7
Title: Re: أتمنى فوز مصر على الكاميرون في النهائيات
Author: AnwarKing
Date: 02-10-2008, 03:54 PM
Parent: #4
العزيز هارون...
يبدو انك لا تعلم مقدار الحميمية بين شعوب وادي النيل
شعبي السودان ومصر يشربان من نفس الماء، وإن كنّا لا نشرب منه في ديم شاطئ (الكوكب) وديم كوريا (الوطن).
علاقتنا أبدية...لذلك وفي هذا النهائي، أتمنى فوز مصر من كل قلبي
ناس بتلعب بوطنية حقة، أتمنى ان يصيبنا منها ولو البسيط
أنور
|
Post: #6
Title: Re: أتمنى فوز مصر على الكاميرون في النهائيات
Author: Hatim Salih
Date: 02-10-2008, 03:52 PM
Parent: #1
ويييين بشاشا
...........ما شايف شغلو الليلة
|
Post: #8
Title: Re: أتمنى فوز مصر على الكاميرون في النهائيات
Author: AnwarKing
Date: 02-10-2008, 03:55 PM
Parent: #6
العزيز حاتم صالح...
بشاشا ليهو علاقة خاصة بمصر...أتمنى ان يجئ ويحدثنا عنها هنا...قزقزة أثناء المباراة
|
Post: #9
Title: Re: أتمنى فوز مصر على الكاميرون في النهائيات
Author: Tragie Mustafa
Date: 02-10-2008, 04:05 PM
Parent: #8
خلاص كملت حملتك الانتخابيه و استعراض العضلات قبلت على المصريين؟؟
تها المصريين ديل قالوا عليكم فحولتكم فيها مشكلة
وكتبوها عاليا لوم يخافوا وسموكم معيز الجديان
وبرضوا جارين ورائهم عرفتوا المثل بتاع الكلب بردي خناقه.
عالم ما تجيش الا بالجزمة.
و ان شاء الله المصريين يدوكم بالجزمة القديمة طوالي و انت تغنوا بحبهم.
بقينا في النفاق البمس الجغرافيا ايضا:
Quote: شعبي السودان ومصر يشربان من نفس الماء، وإن كنّا لا نشرب
منه في ديم شاطئ (الكوكب) وديم كوريا (الوطن).
|
النيل ده جايك من وين يا انور كنج؟؟؟
مش كثر خير يوغندا وتنزانيا و اثيوبيا المخلنه منساب لعندك؟؟
وبعدين خوة شنو البتجي من المويه ما شاربين مع اليوغندين وين خوتكم ليهم؟؟؟
صحيح الاختشوا ماتو.
يازول عايز تحبهم حبهم وصرح بحبهم زي ما عايز
لكن محاولات شرح حبك و اسبابها كلها غير منطقيه.
قال شاربين مويه واحده قال!!
|
Post: #10
Title: Re: أتمنى فوز مصر على الكاميرون في النهائيات
Author: AnwarKing
Date: 02-10-2008, 04:08 PM
Parent: #9
Quote: تها المصريين ديل قالوا عليكم فحولتكم فيها مشكلة
وكتبوها عاليا لوم يخافوا وسموكم معيز الجديان
وبرضوا جارين ورائهم عرفتوا المثل بتاع الكلب بردي خناقه. |
المصري الحقيقي لا يكتب هذا في أخوانو
وزي ما في مصريين عنصريين وحاقدين ويحملو شحنات كبيرة من الحقد
عندنا برضو موجودين...
الفحولة دي حاجة شخصية جداً ، موش؟
|
Post: #11
Title: Re: أتمنى فوز مصر على الكاميرون في النهائيات
Author: Tragie Mustafa
Date: 02-10-2008, 04:23 PM
Parent: #10
تسألهم هم ولا تسألني انا منها؟؟؟
هل انا من رآت انها حاجة تعير بها الشعوب؟؟؟
| Quote: الفحولة دي حاجة شخصية جداً ، موش؟ |
بعدين لعلمك بيبدأ الكلام بالفحولة وبينتهي بدعارة النساء
فالمصري الذي تحدث عن عدم فحولة السودانين سيكملها غدا بان يتحدث
عن دعارة السودانيات لعدم فحولة رجالهن.
بعدين ده اعلامي مش اي زول
جيب لي اعلامي سوداني بيكتب في صحيفه رسميه ممكن يكتب كلام عبيط زي ده.
ثانيا:
الافراقه كل يوم و الثاني بيغلبوا فينا
حصل زول كتب كلام فارغ زي ده او غيره عننا؟؟؟
عارف ليه؟؟
لانهم يعلموا حدود الكورة و الاخلاق الرياضيه
اما هؤلاء المصريين فاستغرب رغبتهم المستمرة في اضطهاد السودانين و التريقه عليهم.
Quote:
الناس هنا بتشجع على مستوى الرئاسة الأمريكية زاتــــــــــــها.
بكل ما تحمله أمريكا من قبح تجاه بلادنا السودان!فضل شئ بعد ده؟
|
ايه التعبيرات الغبيه دي؟؟هو سودان شنو الشغاله بيه امريكا ذاته؟؟؟
بعدين ما تسأل اسيادك المصريين ديل ليه متابعين انتخابات الرئاسة الامريكيه؟؟؟
بعدين زي ما عامل انك موضوعي وبتفرق بين المصريين الصالح و الطالح
ليه بتصادر هذا الحق من البعض في التعامل مع الامريكان؟؟؟؟
انت يا زول كوز ولا شنو؟؟؟
هات آخرتك وخلصنا.
قال قبح قال!!
|
Post: #12
Title: Re: أتمنى فوز مصر على الكاميرون في النهائيات
Author: AnwarKing
Date: 02-10-2008, 04:31 PM
Parent: #11
لما القاكي بتسألي سؤال، بتكييف 
لكن سرعان ما ينتهي فرحي...
لأنك بتجاوبي على السؤال بنفسك
طبعاً وبصفتك شاتمة كل السودانيين وواصفهام بالجبن....لا نستغرب ابداً ان تكوني شايفة أمريكا ملاك الرحمة علينا...
أقري هنا...
http://www.sudadev.net/embargo/index.html
وتعالي علقي بعد داك...
عشان تعرفي ليه الشباب السوداني من خريجي الكمبيوتر وتقنية المعلومات مظلومين بمثل تلك القوانين العنصرية يا عنصرية!
بالمناسبة، تلويحك بتهمة كوز دي، لا تهز ولا شعرة من شعر الزول القاعد في آخر الأتوبيس، عارفة ليه؟
أترك لك الإجابة
|
Post: #13
Title: Re: أتمنى فوز مصر على الكاميرون في النهائيات
Author: AnwarKing
Date: 02-10-2008, 04:38 PM
Parent: #12
Quote: بعدين لعلمك بيبدأ الكلام بالفحولة وبينتهي بدعارة النساء
فالمصري الذي تحدث عن عدم فحولة السودانين سيكملها غدا بان يتحدث
عن دعارة السودانيات لعدم فحولة رجالهن. |
الله!!!
يا تراجي انت قبل كده، بطلكم عبد المنعم سليمان مش كتب:
| Quote: شبق الشماليات وفحولة الغرابي |
وهو يجد منك كل الإحتفاء والتقدير!
هل توافقيه في هذا المقال؟
الدعارة بالمناسبة زاتها مسألة شخصية...موش؟
|
Post: #14
Title: Re: أتمنى فوز مصر على الكاميرون في النهائيات
Author: الطيب عبدالرازق النقر
Date: 02-10-2008, 06:58 PM
Parent: #13
بصراجة اجد نفسى متفقا مع منخوبة الفكر وحاملة جرثومة العنصرية البغيضة فى محراب بكرى
ان الله ابتلانا بجيران لا مثيل لهم وبخاصة اخوتنا فى العقيدة المصريين الذين لا هاجس لهم
سوى حبك الاراجيف والتقليل من شاننا
انهم ما زالوا ينظروا لنا كما ينظر الرجل لى قلامة ظفره
اخطا انور واصابت تشادى عفو اقصد تراجى
اتمنى من صميم فؤادى هزيمة نكراء لمن عبثت جحافل جيشهم فى تراب بلادى
|
Post: #15
Title: Re: أتمنى فوز مصر على الكاميرون في النهائيات
Author: AnwarKing
Date: 02-10-2008, 07:04 PM
Parent: #14
العزيز ود النقر، تحياتي
طبعاً نظراتي للموضوع من زاوية مغايرة تماماً,,,
فلو فرضنا ان وقوفك مع الكاميرون من زاوية أفريقية، فأعتقد ان النقاط ستكون في صالح المنتخب المصري
مدربه ومعظم نجومه يلعبون في الدور المحلي المصري، عكس منتخب الكاميرون صاحب المدرب الالماني ولعيبته كلهم محترفين
في الخارج...
أذن نحن ندعم منتخب مصر...وبذلك ندعم القارة الأفريقية في الترويج لقوتها المحلية...
وبعد إختلافنا ده...الود ممتد، لا حقد ولا سباب وشتائم بين ابناء السودان، وهو ما نعيبه على العنصرية تراجي
موش كده؟
مودتي
أنور
|
Post: #16
Title: Re: أتمنى فوز مصر على الكاميرون في النهائيات
Author: AnwarKing
Date: 02-10-2008, 07:56 PM
Parent: #15
مبرووووووووووووووووووووووووك لمصر
وعقبالنا في البطولات القادمة ان شاء الله
أنور
|
Post: #17
Title: Re: أتمنى فوز مصر على الكاميرون في النهائيات
Author: رأفت ميلاد
Date: 02-10-2008, 08:04 PM
Parent: #15
| Quote: أتمنى فوز مصر على الكاميرون في النهائيات |
يوم زى سكن الدوكة
عندنا واحد فى الحلة كتل ليه زول .. لما قبضوه عمنا سراج سعيد الله يرحمو أداه كف وقال ليه كان بتقدر تكتل كان تكتل نميرى
هسة دى أمنية دى
انشاء الله بالساحق والماحق
|
Post: #19
Title: Re: أتمنى فوز مصر على الكاميرون في النهائيات
Author: AnwarKing
Date: 02-10-2008, 08:19 PM
Parent: #17
الحبيب رأفت ميلاد...
مشتاقين يا رجل، وان شاء الله الغيبة في خير!
| Quote: عندنا واحد فى الحلة كتل ليه زول .. لما قبضوه عمنا سراج سعيد الله يرحمو أداه كف وقال ليه كان بتقدر تكتل كان تكتل نميرى |
ذكرتني عندنا صديق هنا في كوريا، حكاويه كلها، كان عندنا مشكلة صغيرة كده: واحد كاتل ليهو واحد
مبروك مجدداً لأهلنا في مصر...والعقبى لنا في المسرات
|
Post: #18
Title: Re: أتمنى فوز مصر على الكاميرون في النهائيات
Author: محمد عبد الماجد الصايم
Date: 02-10-2008, 08:09 PM
Parent: #1
مــبــروك يا عــمـــكـــ
مصر تستاهل
بوجهة نظر كروية بحتة المنتخب المصري الوحد الذي
أدى مبارياته بمستوى ثابت ومتصاعد من مباراة إلى أخرى
عدا الروح القتالية للاعبين
|
Post: #20
Title: Re: أتمنى فوز مصر على الكاميرون في النهائيات
Author: AnwarKing
Date: 02-10-2008, 08:20 PM
Parent: #18
الله يبارك فيك يا أبو أحميد...
وان شاء الله العقبى لينا في القادمات، والأيام حبلى بكل جميل
مودتي
أنور
|
Post: #21
Title: Re: أتمنى فوز مصر على الكاميرون في النهائيات
Author: Raja
Date: 02-10-2008, 09:22 PM
Parent: #20
أنور يا ملك..
سلام تاني..
مبروك للفريق المصري كأس أفريقيا..
وأتمنى ان تكون مشاركتنا في هذا العام بداية للتفكير الجاد في إصلاح حال الكرة والمنتخب..
مع امل أن نشارك في المرة التانية مشاركة مشرًفة..
ألا نستحق والمصريون والأثيوبيون أن تكون هذه الكاس من نصيبنا؟
فنحن من اسسنا لها..
التحية لمصر وهي تحافظ على مشاركاتها وتتعدى مرات حصولها للكأس كل الدول..
فمن جد وجد..
والكرة خطط ولعب وليس شيئا آخر
دمت..
|
Post: #23
Title: Re: أتمنى فوز مصر على الكاميرون في النهائيات
Author: motaz
Date: 02-10-2008, 09:57 PM
Parent: #21
الف مبروك لمصر
والعقبال عندينا
قولوا آمييييييييييييين
|
Post: #22
Title: Re: أتمنى فوز مصر على الكاميرون في النهائيات
Author: شهاب الفاتح عثمان
Date: 02-10-2008, 09:49 PM
Parent: #1
الف مبروك لشعــب ارتدى ابـنائـــه الوطـــنيه دهب
|
|