Post: #1 Title: الحب الحب الحب سرقتو والله Author: امنة عبد الكريم Date: 02-10-2008, 07:45 AM Parent: #0
سارقاهو كلو...
اقراها جيدا
نصيحة قبل ان تحب
لاتندم على حب عشته...حتى ولو صارت ذكرى تؤلمك
فإذا كانت الزهور قد جفت وضاع عبيرها ولم يبقى منها
غير الأشواك فلا تنسى انها منحتك عطراً جميلاً أسعدك
***
لا تكسر ابداً كل الجسور مع من تحب
فربما شاءت الأقدار لكما يوماً لقاء يوماً آخر
يعيد مامضى ويصل مانقطع...فإذا كان العمر الجميل قد رحل
فمن يدري ربما انتظرك عمر أجمل
***
وإذا قررت يوما أن تترك حبيباً فلا تترك له جرحاً
فمن اعطانا قلباً لايستحق ابداً منا ان نغرس فيه سهماً
او نترك له لحظه الم تشقيه
وما أجمل أن تبقى بيننا لحظات الزمن الجميل
***
وإذا فرقت الايام بينكما فلا تتذكر لمن كنت تحب
غير كل احساس صادق
ولاتتحدث عنه إلا بكل ماهو رائع ونبيل
فقد اعطاك قلباً...واعطيته عمر وليس
هناك اغلى من القلب
والعمر في حياة الانسان
***
واذا جلست يوماً وحيداً تحاول ان تجمع حولك
ظلال ايام جميلة عشتها مع من تحب، اترك بعيداً
كل مشاعر الالم والوحشة التي فرقت بينكما
حاول ان تجمع في دفاتر اوراقك كل الكلمات الجميله
التي سمعتها ممن تحب
وكل الكلمات الصادقة التي قلتها لمن تحب
*** واجعل في ايامك مجموعة من الصور الجميلة
لهذا الانسان الذي سكن قلبك يوماً...ملامحه
وبريق عينيه الحزين...وابتسامته في لحظة صفاء
ووحشته في لحظه ضيق...والامل الذي كبر بينكما يوماً
وترعرع حتى وإن كان قد ذبل ومات
*** إذا سألوك يوماً عن انسان احببته فلا تقل سراً كان بينكما
ولا تحاول ابداً تشويه الصورة الجميلة لهذا الانسان
الذي احببته اجعل من قلبك مخبأ سرياً لكل اسراره وحكاياته
فالحب اخلاق قبل ان يكون مشاعر
*** وإذا شاءت الأقدار واجتمع الشمل يوماً فلا تبدأ بالعتاب والهجاء
والشجن وحاول أن تتذكر آخر لحظه حب بينكما
لكي تصل الماضي بالحاضر ولا تفتش عن اشياء مضت
لان الذي ضاع ...ضاع...والحاضر اهم
كثيراً من الماضي
ولحظة اللقاء اجمل بكثير من ذكريات وداع موحش
واذا اجتمع الشمل مرة آخرى
حاول أن تتجنب اخطاء الامس التي فرقت بينكما
لأن الأنسان لابد أن يستفيد من تجاربه
***
ولاتحاول ابداً تصفي حسابات أو تثأر من انسان اعطيته قلبك
لأن تصفية الحسابات عملة رخيصة
في سوق المعاملات العاطفية ، والثأر ليس من اخلاق العشاق
ومن الخطا أن تعرض مشاعرك في الاسواق
وأن تكون فارساً بلا اخلاق
واذا كان ولا بد من الفراق فلا تترك للصلح باباً الا مضيت فيه
***
اذا اكتشفت ان كل الابواب مغلقة
وأن الرجاء لا أمل فيه
وأن من أحببت يوماً أغلق مفاتيح قلبه
والقاها في سراديب النسيان...هنا فقط اقولك
إن كرامتك أهم كثيراً من قلبك الجريح
حتى وإن غطت دماؤه سماء هذا الكون الفسيح
فلن يفيدك أن تنادي حبيباً لايسمعك
وأن تسكن بيتاً لم يعد يعرفك أحد فيه
وأن تعيش على ذكرى انسان فرط فيك بلا سبب
في الحب لا تفرط فيمن يشتريك...ولاتشتري من باعك
ولاتحزن عليه
وكمان لو في زول سارقلو حب يورينا
كلام جميل لكم فايق الحب والاحترام
Post: #2 Title: Re: الحب الحب الحب سرقتو والله Author: مجدي عبدالرحيم فضل Date: 02-10-2008, 08:21 AM Parent: #1
بوست موفق أختي أمنة عبدالكريم
وكريمٌ منك أن تفسحي أول مساحة بالمنبر للحب وسوف يبادلك بحب مثله
وأن كانت نسمة الصباااح من الحبيب فالنحياء سحر المساء عن قريب ،،،،
Quote: ولاتتحدث عنه إلا بكل ماهو رائع ونبيل
قمة الوفاء بعد الفراق ونبيل المشاعر أبد ا لا تجف مواعينه وتبقي بالأناء لزٌوجة العسل دائما.
،،،،أبوقصى،،،،
Post: #5 Title: Re: الحب الحب الحب سرقتو والله Author: امنة عبد الكريم Date: 02-11-2008, 03:43 PM Parent: #2
استاذنا ابو قصي..
انا ما قدر كلامك السمح ده
وبعدين انتو النهر البسقينا وانتو المدخل للبستان الفيهو زهورنا ورياحينا
لك الود ايها الرائع دوما..
Post: #3 Title: Re: الحب الحب الحب سرقتو والله Author: هاشم أحمد خلف الله Date: 02-11-2008, 01:35 PM Parent: #1
Quote: لاتندم على حب عشته...حتى ولو صارت ذكرى تؤلمك
Quote: وإذا قررت يوما أن تترك حبيباً فلا تترك له جرحاً
فمن اعطانا قلباً لايستحق ابداً منا ان نغرس فيه سهماً
او نترك له لحظه الم تشقيه
Quote: إذا سألوك يوماً عن انسان احببته فلا تقل سراً كان بينكما
ولا تحاول ابداً تشويه الصورة الجميلة لهذا الانسان
الأخت العزيزة أمنه شكراً جميلاً لهذه الوصايا ودمتي محبة للناس والوفاء لمن تحبين .
Post: #4 Title: Re: الحب الحب الحب سرقتو والله Author: بابكر التوم Date: 02-11-2008, 02:09 PM Parent: #3
أمنة بداية مفعمة باحساس جميل يدعو للتفائل بغد اجمل لحد الاندهاش كم سعادتنا بك وكسير تقيل ولك هذة الوردة وواصلى الابداع .
Post: #7 Title: Re: الحب الحب الحب سرقتو والله Author: امنة عبد الكريم Date: 02-11-2008, 09:16 PM Parent: #4
بابكر اخوي كيفنك
مشكور علي والرود ونردها ليك في الجميل انشاء الله
ابقي واصل..
لك الود..
Post: #6 Title: Re: الحب الحب الحب سرقتو والله Author: امنة عبد الكريم Date: 02-11-2008, 09:05 PM Parent: #3
هاشم اخوي كيفنك
نرجو فقط من مثل هذه العبارات ان نشد من ازر الاوفياء
وان يبلغ بنا التواصل محله
حتي نحصل علي اليوتوبيا التي نصبو اليها
ودمتم
لك الود..
Post: #8 Title: Re: الحب الحب الحب سرقتو والله Author: Muna Khugali Date: 02-11-2008, 11:08 PM Parent: #6
ازيك يا حلوه ولطيفه..
Post: #14 Title: Re: الحب الحب الحب سرقتو والله Author: امنة عبد الكريم Date: 02-12-2008, 04:44 PM Parent: #8
ازيك انتي يامنوية يا عسل
Post: #9 Title: Re: الحب الحب الحب سرقتو والله Author: Naji A.Moniem Date: 02-12-2008, 00:41 AM Parent: #1
امنة عبد الكريم
سلامات سلامات
غايتو كلامك ده Has touched me so deeply
ويدعو للتأمل ويحض على التسامى فوق الألم وكم هو عظيم ذاك الألم
Post: #15 Title: Re: الحب الحب الحب سرقتو والله Author: امنة عبد الكريم Date: 02-12-2008, 04:50 PM Parent: #9
ناجي اخوي كيفنك
دعنا نشاركك علنا نخفف بعض الامك
ابقي واصل
لك الود..
Post: #10 Title: Re: الحب الحب الحب سرقتو والله Author: د.محمد حسن Date: 02-12-2008, 06:16 AM Parent: #1
Quote: وإذا قررت يوما أن تترك حبيباً فلا تترك له جرحاً
فمن اعطانا قلباً لايستحق ابداً منا ان نغرس فيه سهماً
او نترك له لحظه الم تشقيه
وما أجمل أن تبقى بيننا لحظات الزمن الجميل
وقفت هنا
Post: #11 Title: Re: الحب الحب الحب سرقتو والله Author: هاشم أحمد خلف الله Date: 02-12-2008, 06:32 AM Parent: #10
آمونة صورتك كده كيف !! انسخيها علي بروفايلك
Post: #12 Title: Re: الحب الحب الحب سرقتو والله Author: معتز القريش Date: 02-12-2008, 07:26 AM Parent: #11
لا يا هاشم
كدا أحلا
ولا شنو يا أمونة
Post: #18 Title: Re: الحب الحب الحب سرقتو والله Author: امنة عبد الكريم Date: 02-12-2008, 05:16 PM Parent: #12
معتز اخوي كيفنك
شكرا لاهتمامك
والله الصورة زي ماتحب انا بعملها
خليك قريب مننا
لك الود..
Post: #17 Title: Re: الحب الحب الحب سرقتو والله Author: امنة عبد الكريم Date: 02-12-2008, 05:08 PM Parent: #11
هاشم اخوي كيفنك
تسلم يا راقي
والله انا ما عارفة اودي جمايلك دي وين
لك الود الابدي..
Post: #16 Title: Re: الحب الحب الحب سرقتو والله Author: امنة عبد الكريم Date: 02-12-2008, 04:59 PM Parent: #10
ابو حميد اخوي كيفنك
معليش طبعا لرفع التكليف لكن انا بحب اتعامل كده
ولا رايك شنو
بعدين ما وريتنا الوقفك هنا شنو بالضبط
دايرين باقي القصة
لك الود..
Post: #13 Title: Re: الحب الحب الحب سرقتو والله Author: بدرالدين يعقوب Date: 02-12-2008, 07:45 AM Parent: #1
Quote: لاتندم على حب عشته...حتى ولو صارت ذكرى تؤلمك
فإذا كانت الزهور قد جفت وضاع عبيرها ولم يبقى منها
غير الأشواك فلا تنسى انها منحتك عطراً جميلاً أسعدك
الذكري الجميلة دائما تكون مغروسة في الدواخل حتي لو كانت مؤلمة,,,والحب الحقيقي بعيش ياحبيبي
بعلمنا نسامح وبنسينا امبارح,,,, وبفضل دائما وابدا جواناحتي لو كان الطريق ملي بالاشواك .
دمتي اختي امنة وانتي تعطرين صفحات هذا البوست بكل ماهو جميل
Post: #19 Title: Re: الحب الحب الحب سرقتو والله Author: امنة عبد الكريم Date: 02-12-2008, 05:21 PM Parent: #13
بدر الدين اخوي كيفنك
يا الراقي احساسك سلام
Post: #20 Title: Re: الحب الحب الحب سرقتو والله Author: حسين محي الدين Date: 02-13-2008, 03:17 PM Parent: #1
كلام جميل وبذكري الاغنية البتقول "في حب يا أخوانا أكتر من كدة"
امنة اولا.. فاتني أن أرحب بك في المنبر وحقيقة بحيي فيك هذا النشاط
مزيدا من الجمال
مودتي،،،
Post: #21 Title: Re: الحب الحب الحب سرقتو والله Author: امنة عبد الكريم Date: 02-14-2008, 08:19 AM Parent: #20
حسين اخوي كيفنك
شكرا للمرور
خلينا نشوفك
لك الود...
Post: #22 Title: Re: الحب الحب الحب سرقتو والله Author: عماد محمود علي Date: 02-14-2008, 10:04 AM Parent: #21
الأخت الكريمة آمنة بنت عبد الكريم
يسعدك صباحك بكل خير ، ، ،
Quote: لاتندم على حب عشته...حتى ولو صارت ذكرى تؤلمك
فإذا كانت الزهور قد جفت وضاع عبيرها ولم يبقى منها
غير الأشواك فلا تنسى انها منحتك عطراً جميلاً أسعدك
هسه عليك الله شوف جنس الكلام ده ، يا أختي مالك علينا كلما نقول نضمد جروحنا بالنسيان أو التناسي إن صح التعبير تجوا تفتحوا الجرح من جديد .. كلامك روعة × روعة بس منو البسمع .... سامع يا ........... ،
لك كل التقدير والاحترام
عماد
Post: #24 Title: Re: الحب الحب الحب سرقتو والله Author: امنة عبد الكريم Date: 02-15-2008, 10:22 PM Parent: #22
Post: #23 Title: Re: الحب الحب الحب سرقتو والله Author: طارق جبريل Date: 02-14-2008, 10:18 AM Parent: #1
بت عبد الكريم صلي علي النبي انت مالك طوالي بديتي بالشواكيش الله يستر من الطفيق
Post: #25 Title: Re: الحب الحب الحب سرقتو والله Author: امنة عبد الكريم Date: 02-15-2008, 10:32 PM Parent: #23
Quote: بت عبد الكريم صلي علي النبي انت مالك طوالي بديتي بالشواكيش الله يستر من الطفيق
د.طارق جبريل بي جلالة قدرو عندي هنا
والله دي ولا في الاحلام
انا لو عارفة الكلام دي بجيبك جاي من زمان كنت فتحتو
لك الود استاذي الرائع..
Post: #26 Title: Re: الحب الحب الحب سرقتو والله Author: Alsa7afa_30 Date: 02-15-2008, 11:10 PM Parent: #1
Quote: لاتندم على حب عشته...حتى ولو صارت ذكرى تؤلمك
فإذا كانت الزهور قد جفت وضاع عبيرها ولم يبقى منها
غير الأشواك فلا تنسى انها منحتك عطراً جميلاً أسعدك
مرحباً بكِ آمنة ،،
و البداية تنبئ عن جميل قادم ..
. .
تحية و تقدير ..
Post: #28 Title: Re: الحب الحب الحب سرقتو والله Author: امنة عبد الكريم Date: 02-16-2008, 10:31 PM Parent: #26
الصحافة 30 ذاتها
ازيك يا ود سنترها
عليك الله خش بوست نت ساكن وين في السودان ووصف لينا بيتكم
عشان نجيك
يا حسام...
Post: #27 Title: Re: الحب الحب الحب سرقتو والله Author: بكري الخير Date: 02-16-2008, 09:41 AM Parent: #1
أمونة اختي كيفنك؟؟
دا كلام سمح خلاس
لا تكسر ابداً كل الجسور مع من تحب
فربما شاءت الأقدار لكما يوماً لقاء يوماً آخر
يعيد مامضى ويصل مانقطع...فإذا كان العمر الجميل قد رحل
فمن يدري ربما انتظرك عمر أجمل
ودا بيزكرني مثل البير القديمة
Post: #29 Title: Re: الحب الحب الحب سرقتو والله Author: خالد حاكم Date: 02-17-2008, 01:34 AM Parent: #27
امنة... ازيك كلامك زى العسل ... انتى من متين فى المحطة دى؟!
Post: #30 Title: Re: الحب الحب الحب سرقتو والله Author: Tragie Mustafa Date: 02-17-2008, 01:48 AM Parent: #29
صار عندنا آمنتين كل واحده احلى من الثانيه آمنه مختار و آمنه عوض الكريم مرحب بك يا غاليه.
واجمل ما قرأته عن الحب بنظري شعر نزار قباني:
الحب ليس رواية شرقيه بختامها يتزوج الابطال لكنه الابحار دون سفينة وشعورنا ان الوصول محال هو ان تظل على الاصابع رعشة و على الشفاه المطبقات سؤال هو هذه الكف التي تغتالنا ونقبل الكف التي تغتال.
دومي محبه وربنا يمتعك بقرب من تحبين.
Post: #32 Title: Re: الحب الحب الحب سرقتو والله Author: امنة عبد الكريم Date: 02-18-2008, 08:11 AM Parent: #30
تراجي يا عسل ازيك
Quote: صار عندنا آمنتين كل واحده احلى من الثانيه آمنه مختار و آمنه عوض الكريم مرحب بك يا غاليه
مرحب بيك انتي
دايرة منك طلب
لمن تفتحي بوست جديد وريني
ممكن؟؟؟؟؟
Post: #31 Title: Re: الحب الحب الحب سرقتو والله Author: امنة عبد الكريم Date: 02-18-2008, 08:05 AM Parent: #29
خالد اخوي
دي من محطاتي الاولي
انت كنت وين يا راقي
بس تشوف مواضيع الدساتير وكدا ولا شنو
لك الود يا راقي..
Post: #34 Title: Re: الحب الحب الحب سرقتو والله Author: إدريس البدري Date: 02-18-2008, 08:58 AM Parent: #31
Quote: الحب الحب الحب سرقتو والله
يا أمنة ...الله من غير حليفة كتل الخليفة
بس لكن السرقة عندك والله..........كتري منها
تحياتي
Post: #35 Title: Re: الحب الحب الحب سرقتو والله Author: امنة عبد الكريم Date: 02-18-2008, 09:11 AM Parent: #34
ادريس اخوي كيفنك
ورينا سرقاتك
Post: #33 Title: Re: الحب الحب الحب سرقتو والله Author: امير عوض الجمري Date: 02-18-2008, 08:49 AM Parent: #1
آمنة كيفنك
Quote: لا تكسر ابداً كل الجسور مع من تحب
فربما شاءت الأقدار لكما يوماً لقاء يوماً آخر
يعيد مامضى ويصل مانقطع...فإذا كان العمر الجميل قد رحل
فمن يدري ربما انتظرك عمر أجمل
والله آآ زولة جيتيني في محلّي .. والناس يقولوا لي انت مالك ماسك العصاية من نصها!!! هي يا جماعة عصاية شنو هو الحب ده فوقو عصي!!!
الحب ده امانة مو حلو وانا ساظل احب احب احب لمن اموت واحب وااتشاكل واخلي عشان اصالح .. والله يا آمنة كمان صلح الحب ده طاعم طعم ...
Post: #36 Title: Re: الحب الحب الحب سرقتو والله Author: امنة عبد الكريم Date: 02-18-2008, 09:15 AM Parent: #33
امير كيفنك
Quote: الحب ده امانة مو حلو وانا ساظل احب احب احب لمن اموت واحب وااتشاكل واخلي عشان اصالح .. والله يا آمنة كمان صلح الحب ده طاعم طعم ...
زي الداير تحكي لينا حاجة كده
Post: #37 Title: Re: الحب الحب الحب سرقتو والله Author: امير عوض الجمري Date: 02-18-2008, 09:20 AM Parent: #1
Quote: طارق اخوي كيفنك
Quote: صار عندنا آمنتين كل واحده احلى من الثانيه آمنه مختار و آمنه عوض الكريم مرحب بك يا غاليه
الكلام ده خطير بعدين امنة مختار ما ترضي المقارنة دي
آمنة يا مطرطشة دي تراجي ما طارق يللا عدليها وانا بسحب دي وللا بعدلها بترك مساحة شااااااااااسعة لحب قديم
Post: #40 Title: Re: الحب الحب الحب سرقتو والله Author: امنة عبد الكريم Date: 02-19-2008, 03:19 AM Parent: #37
Quote: آمنة يا مطرطشة
ود الجمري الحق البرنامج
Post: #38 Title: Re: الحب الحب الحب سرقتو والله Author: امير مصطفى احمد Date: 02-18-2008, 10:12 AM Parent: #1
الحق يا دكين
Post: #39 Title: Re: الحب الحب الحب سرقتو والله Author: emad altaib Date: 02-18-2008, 11:25 AM Parent: #1
ـــــــــــــــــــ امونه بت عبد الكريم اولا : مرحبا بيك في المنبر ... ثانيا : انتِ (الاحمر)ده سارقاه من وردة (الحب) ولا من المريخ..!! لانو في ناس كثار مابيشجعوا المريخ علشان عندنا الهلال والمورده وحي العرب واهلي ودمدني والفريق القومي وده برضة ماحب .. ارحب بك للمره الثانية في المنبر ولك كل الود
Post: #41 Title: Re: الحب الحب الحب سرقتو والله Author: امنة عبد الكريم Date: 02-19-2008, 03:25 AM Parent: #39
Quote: انتِ (الاحمر)ده سارقاه من وردة (الحب) ولا من المريخ..!!
مريخابية
ومن وردة الحب كمان
ود الطيب ما تحكها
Post: #42 Title: Re: الحب الحب الحب سرقتو والله Author: هجو الأقرع Date: 02-19-2008, 07:41 PM Parent: #41
Post: #43 Title: Re: الحب الحب الحب سرقتو والله Author: امنة عبد الكريم Date: 02-19-2008, 09:00 PM Parent: #42
هجوكيفنك
مشيت شفتو ضحكت لمن دمعت
لك الود
عدلت حرفين اتكتبوا غلط
Post: #44 Title: Re: الحب الحب الحب سرقتو والله Author: هجو الأقرع Date: 02-19-2008, 10:41 PM Parent: #43
بنتاامونه كيفك ، بصراحة لو اتصال من عمو دينق ما كنت جايب خبر ، كثير خيرك .
Post: #45 Title: Re: الحب الحب الحب سرقتو والله Author: امنة عبد الكريم Date: 02-21-2008, 08:46 AM Parent: #44
هجو كيفنك
تسلم يا رب
Post: #46 Title: Re: الحب الحب الحب سرقتو والله Author: ismeil abbas Date: 02-21-2008, 12:30 PM Parent: #1
ألأخت/آمنة عبدالكريم.... مودتى.......
قلتى إنتى ساكنة وين؟
يا راقية بوستك جميل وراقى...لو كلمتى أخونا محمد عثمان عضو البورد الجميل يتحفك بى غنوة تناسب
البوست...والله زول فنان خلاص....بقترح ليهو أغنية..محمد احمد عوض ...يدوم سعدك ما غيرى وبملآ شبابك العافية(((((((حبيبى فاكرك معاى))))))))))))
مودتى...
إسماعيل محمد احمد عباس...........
Post: #47 Title: Re: الحب الحب الحب سرقتو والله Author: امنة عبد الكريم Date: 02-21-2008, 10:01 PM Parent: #46
اسماعيل عباس كيفنك
Quote: لو كلمتى أخونا محمد عثمان عضو البورد الجميل يتحفك بى غنوة تناسب
البوست...والله زول فنان خلاص....بقترح ليهو أغنية..محمد احمد عوض ...يدوم سعدك ما غيرى وبملآ شبابك العافية(((((((حبيبى فاكرك معاى))))))))))))
انشاء الله يسمعنا...
تحياتي واحترامي...
Post: #48 Title: Re: الحب الحب الحب سرقتو والله Author: Sabri Elshareef Date: 02-22-2008, 08:25 PM Parent: #1
Quote: لا يا هاشم
كدا أحلا
ولا شنو يا أمونة
ود القريش ان شاء الله ما تقع في حبالك لانك عندك خانة واحة فاضية وتكمل الاربعه زوجات لكن ما عندك مشكلة فهمك للدين والشريعه بتعطيك حق ملك اليمين وهو سلك سلك
الاخت امنه
كلام جميل ويا ريت كل من حب وانقطع عنه صلته بالحبيبة او الحبيب يدلي بدلوه
ما اجمل سنوات الحب والحقيقة الحياة حلوة
Post: #49 Title: Re: الحب الحب الحب سرقتو والله Author: امنة عبد الكريم Date: 02-23-2008, 00:41 AM Parent: #48
صبري اخوي كيفنك
Quote: الاخت امنه
كلام جميل ويا ريت كل من حب وانقطع عنه صلته بالحبيبة او الحبيب يدلي بدلوه
ما اجمل سنوات الحب والحقيقة الحياة حلوة
اكتب لينا عنها يا صبري
ما انا زي ما قال صلاح كتبت ليك لا بيني بينك ريدة لا قصة غرام
Post: #50 Title: Re: الحب الحب الحب سرقتو والله Author: عبدالرحمن الحلاوي Date: 02-25-2008, 07:13 AM Parent: #49
هذا ما كتبه دينق :
Quote: بعدين لو داخل بوستات أختنا أمنة دي لازم تكون ماخد خبرة في الدفر والرفس.
.. ضحكت وتذكرت بهدلة الباصات في السودان زمان !! الله يستر ما يقع واحد ضحية رفساً أودفراً .
Post: #51 Title: Re: الحب الحب الحب سرقتو والله Author: امنة عبد الكريم Date: 02-25-2008, 11:56 AM Parent: #50
Quote: ضحكت وتذكرت بهدلة الباصات في السودان زمان !! الله يستر ما يقع واحد ضحية رفساً أودفراً .
عبد الرحمن كيفنك الله يستر
Post: #52 Title: Re: الحب الحب الحب سرقتو والله Author: أسامة خلف الله مصطفى Date: 02-25-2008, 01:06 PM Parent: #51
أختى أمنة
سلام الله يغشاك...
Quote: الحب الحب الحب
عليك الله بى راحة على الجماعة هنا اصلهم ما متعودين على جنس الكلام ده... أحسن فى ناس هنا بتجيهم صدمة... صدقى معظمنا نسى إنو فى كلمة ذى دى موجودة فى القاموس...
مفاجا...مش لقيت صديقى الساكن فى الإمتداد....أخوه من زوار بوستاتك التى تجمع الناس الغلبانه والباحثة عن واحة....
ودعناك الله قبال ما يجو ناس دينق ونيكدوها علينا....
Post: #53 Title: Re: الحب الحب الحب سرقتو والله Author: emad altaib Date: 02-25-2008, 01:30 PM Parent: #1
ـــــــــــــ امونه بت عبد الكريم ازيك : بالله ده اسمو كلام .. من تشجيع المريخ ...
تمشي الي تشجيع الهلال الشيعي ...ماكان الهلال السوداني افضل
هم اصلا اللي بيشجعوا النجمة الحمراء دائما ما عندهم مبادي
Post: #54 Title: Re: الحب الحب الحب سرقتو والله Author: امنة عبد الكريم Date: 02-25-2008, 02:45 PM Parent: #53
عمدة ازيك ياخ
Quote: هم اصلا اللي بيشجعوا النجمة الحمراء دائما ما عندهم مبادي
ياخي ما تقول كده الكلام ده بجيب زعل.. ...
بعدين يا فردة انا غيرت الصورة لانوا الاولي دي كانت صورة قديمة ليها سنتين ثلاثة والصورة الاخيرة دي قريب ده وقلنا ندي الناس آخر اصدار عشان لو زول لاقاني يعرفني طوالي لكن انا متاكدة لو في زول شايل الصورة القديمة وقالوا ليهوا فتش ما حيلقاني حتي لو قاعدة قداموا
لك الود..
Post: #55 Title: Re: الحب الحب الحب سرقتو والله Author: برير اسماعيل يوسف Date: 02-25-2008, 03:19 PM Parent: #54
سلام للجميع ... و عمتم مساءا... و حفظتكم الآلهة!!
سؤالي للمشايخ ... هل هذا هو (الحب الحلال)؟ أم انه الحب المطلق ؟ ام ماذا؟
في واحد بيقول : حرموني( الحب الحلال)... ؟؟؟؟ و هذا يعني ان هنالك (حب حرام) !! اليس كذلك؟
Post: #56 Title: Re: الحب الحب الحب سرقتو والله Author: WadAker Date: 02-25-2008, 03:52 PM Parent: #1
نقول مرحبا على الدخول بثلاثية غاية فى الروعة و... رائع ....ان تظل على الاصابع رعشة و على الشفاه المطبقات سؤال
Post: #57 Title: Re: الحب الحب الحب سرقتو والله Author: امنة عبد الكريم Date: 02-25-2008, 04:54 PM Parent: #56
ود عكير(كتبتها صاح) كيفنك
Quote: نقول مرحبا على الدخول بثلاثية غاية فى الروعة و... رائع ....ان تظل على الاصابع رعشة و على الشفاه المطبقات سؤال
تتمثل الروعة في اللة الادبية الرفيعة المستخدة في مداخلتكم
لك الود ايها المرهف..
Post: #58 Title: Re: الحب الحب الحب سرقتو والله Author: راشد جبريل Date: 02-25-2008, 06:06 PM Parent: #1
Quote: لاتندم على حب عشته...حتى ولو صارت ذكرى تؤلمك
فإذا كانت الزهور قد جفت وضاع عبيرها ولم يبقى منها
غير الأشواك فلا تنسى انها منحتك عطراً جميلاً أسعدك
اختنا امنة وبت حلتنا سلامى ...
كلام جميل وقفت هنا وواصلى حديثك ونحنا فى انتظار
المزيد
Post: #59 Title: Re: الحب الحب الحب سرقتو والله Author: امنة عبد الكريم Date: 02-25-2008, 09:17 PM Parent: #58
Quote: لاتندم على حب عشته...حتى ولو صارت ذكرى تؤلمك
فإذا كانت الزهور قد جفت وضاع عبيرها ولم يبقى منها
غير الأشواك فلا تنسى انها منحتك عطراً جميلاً أسعدك
اختنا امنة وبت حلتنا سلامى ...
كلام جميل وقفت هنا وواصلى حديثك ونحنا فى انتظار
المزيد
راشد ود جبرين كيفنك اخوي انا في انتظار تعبيراتك الجميلة عن بعض اللحظات الرومانسية التي عشتها وذكرياتك مع الحب (شواكيش بس).. لو الحب عرض مستمر ما معانا
تسلم يا غالي
Post: #60 Title: Re: الحب الحب الحب سرقتو والله Author: دينا خالد Date: 02-25-2008, 09:18 PM Parent: #58
(اموووووونة !! صورتك قبل سنتين ،،، قبل تلاتة ....... يووم ولدوك كلها بتسيب الركب ) انتهى
Post: #61 Title: Re: الحب الحب الحب سرقتو والله Author: امنة عبد الكريم Date: 02-25-2008, 09:32 PM Parent: #60
دينا يا عسل مشتاقين
Quote: صورتك قبل سنتين ،،، قبل تلاتة ....... يووم ولدوك كلها بتسيب الركب ) انتهى
ده من ذوقك يا عسل تسلمي
Quote: دا نقلا عن صديقى قال ما قادر يدخل هنا خجلان اولا
وخايف من الشلاليت تانيا ،،،
قولي ليهو قرب تعال ما تبتعد الشلاليت دي كان مقصود بيها زول معين وشكلو طفش الله لا عادو
Quote: امونة خلينى امرق بعدين شلتى سمح ؟؟؟؟؟؟
والله حسستيني عديل كده
Post: #62 Title: Re: الحب الحب الحب سرقتو والله Author: دينا خالد Date: 02-25-2008, 10:09 PM Parent: #61
يا سلام ياسلام يامونة
بت مفتحة !
Quote: وشكلو طفش الله لا عادو
شلاليت ذى السم ...
ما تتحسسى امونة انا برضو قاصداهو هو ما انتى ...
انتى من الليلة ما فيك اى كلام !
Post: #63 Title: Re: الحب الحب الحب سرقتو والله Author: امنة عبد الكريم Date: 02-26-2008, 05:53 AM Parent: #62
Quote: يا سلام ياسلام يامونة
بت مفتحة !
Quote: وشكلو طفش الله لا عادو
شلاليت ذى السم ...
ما تتحسسى امونة انا برضو قاصداهو هو ما انتى ...
انتى من الليلة ما فيك اى كلام !
انشاء الله يكون طفش ما يقوم يجينا ناطي بعد شوية تاني
Post: #64 Title: Re: الحب الحب الحب سرقتو والله Author: عبدالله كع Date: 02-26-2008, 06:25 AM Parent: #1
Quote: اقراها جيدا
اختنا امنه صباحك ورد لي كم يوم داير ادخل البوست ده
تجيني ليك شغل تودرني .اااااااااي قريتو تمام التمام
مااظن في كلام حيكون احسن واحلي من كدا
Quote: فإذا كانت الزهور قد جفت وضاع عبيرها ولم يبقى منها
غير الأشواك فلا تنسى انها منحتك عطراً جميلاً أسعدك
الله الله
Quote: ظلال ايام جميلة عشتها مع من تحب، اترك بعيداً
كل مشاعر الالم والوحشة التي فرقت بينكما
حاول ان تجمع في دفاتر اوراقك كل الكلمات الجميله
التي سمعتها ممن تحب
الله يخليك .... رجعتي فينا احلي ايام مضت وما احلي زكرياتنا
ماخد لي كعايه صغيرة كدا
Post: #65 Title: Re: الحب الحب الحب سرقتو والله Author: امنة عبد الكريم Date: 02-26-2008, 04:03 PM Parent: #64
عبد الله اخوي كيفنك مساك نور
Quote: ماخد لي كعايه صغيرة كدا
فضفض ساااااي انا البوست ده مارقاهو للربا والتلاف
Post: #66 Title: Re: الحب الحب الحب سرقتو والله Author: WadAker Date: 02-26-2008, 04:57 PM Parent: #1
Quote: فضفض ساااااي انا البوست ده مارقاهو للربا والتلاف
... وايضا للتآلف /الف "النص" الف آمنة/ .... كيفنك ________ التصحيح لوضع الف المد فى موضعه الصحيح
Post: #67 Title: Re: الحب الحب الحب سرقتو والله Author: امنة عبد الكريم Date: 02-26-2008, 09:44 PM Parent: #66
Quote: وايضا للتآلف /الف "النص" الف آمنة/
من اي قاسم مشترك او شبه التشابة بدخلك
Post: #68 Title: Re: الحب الحب الحب سرقتو والله Author: HAYDER GASIM Date: 02-26-2008, 10:21 PM Parent: #67
الأخت آمنة ... تسلمي,
كلام جميل عن الحب ومخلفاته وتداعياته وإحتمال إنبعاثاته. ويبدو أن وراء هذا الكلام عن الحب تجربة صادقة وردت قلبا صادقا, فكانت كل هذه الروعة.
Quote: فالحب اخلاق قبل ان يكون مشاعر
وهو كذلك
مع مودتي
Post: #71 Title: Re: الحب الحب الحب سرقتو والله Author: امنة عبد الكريم Date: 02-27-2008, 01:31 PM Parent: #68
Quote: ويبدو أن وراء هذا الكلام عن الحب تجربة صادقة وردت قلبا صادقا, فكانت كل هذه الروعة.
حيدر ايها الرائع سلامات تشكر علي الكلام الجميل لك الود..
Post: #69 Title: Re: الحب الحب الحب سرقتو والله Author: WadAker Date: 02-27-2008, 11:21 AM Parent: #1
كيفنك
Quote: من اي قاسم مشترك او شبه التشابة بدخلك
طالما فى انثى تعى مثل هذا التداعى الجميل اذن نحن الرجال بخير* _______ فيما يخص الجندرة سدى دى بى طينه وديك ايضا بى طينه او احذيفها فى التناول الخاص ++++++ *الاجابه: طالما فى من يعى مثل هذا التداعى الجميل اذن نحن بخير
Post: #70 Title: Re: الحب الحب الحب سرقتو والله Author: برير اسماعيل يوسف Date: 02-27-2008, 11:42 AM Parent: #69
طيب ما دام المشايخ صهينوا من سؤالي ... ساقوم بتوجيه السؤال الي الاخت /امنة عبد الكريم صاحبة الجلد و الرأس في هذا الخيط...
هل هذا هو (الحب الحلال)؟ و هل هنالك (حب حلال و آخر حرام)؟ ام ان الحب لا علاقة له بالحلال و الحرام... اي انه لا يخضع لمثل هذه المفاهيم؟
و يا ريت الجماعة يدونا شويه روائع عن حديث الشعراء السودانيين في قصائدهم الغنائية عن الحب الطاهر و الحب الحلال ...الخ
يا جماعة بطلوا الصهينة ...البتسوا فيها دي...
Post: #73 Title: Re: الحب الحب الحب سرقتو والله Author: امنة عبد الكريم Date: 02-27-2008, 01:35 PM Parent: #70
Quote: يا جماعة بطلوا الصهينة ...البتسوا فيها دي...
الاخ/برير كيفنك ليس هناك صهينة ولا حاجة بس سؤالك ير محدد المعالم اشرح اكثر لمزيد من التوضيح
لك الود وفي انتظارك
Post: #72 Title: Re: الحب الحب الحب سرقتو والله Author: امنة عبد الكريم Date: 02-27-2008, 01:33 PM Parent: #69
Quote: *الاجابه: طالما فى من يعى مثل هذا التداعى الجميل اذن نحن بخير
نحن بخير مادام مثلكم يعطر سماواتنا بالابداع
__________________________________ *طنشت موضوع الجندر عشان خاطرك بس المرة دي
Post: #74 Title: Re: الحب الحب الحب سرقتو والله Author: برير اسماعيل يوسف Date: 02-27-2008, 02:07 PM Parent: #72
Quote: الاخ/برير كيفنك ليس هناك صهينة ولا حاجة بس سؤالك ير محدد المعالم اشرح اكثر لمزيد من التوضيح
الاخت/ امنة عبد الكريم
سلام
اذا كانت هذه ليست بصهينة ... فالله لا يجيب يوم صهينتكم!!
يا جماعة عنوان البوست الحب الحب الحب... و في داخل البوست كلام جميل جدا عن الحب ... طرحنا سؤال صغير ... جئنا به من ميراثنا (الثقافي الكبير) ... فقلنا هل هذا هو (الحب الحلال) ؟ ام انه (الحب الطاهر) ؟ و هل هنالك (حب حلال و آخر حرام)؟ بمعني آخر هل يخضع الحب للمواريث الثقافية ؟ و نزيد و نقول هل يخضع الحب للدين مثلا اي ان كان هذا الدين ...؟ بعد ده انا اشرح اكثر من كده اقول شنو؟
Post: #75 Title: Re: الحب الحب الحب سرقتو والله Author: Shamael Elnoor Date: 02-27-2008, 02:11 PM Parent: #72
آمنة
على الطلاق دا شاكوش ود الناس الطلع منك حكيمة دا
لكن يبدو انك لسه غرقااااااااااااااااااااااااانة،،، ياربي بيستاهل
Post: #76 Title: Re: الحب الحب الحب سرقتو والله Author: امنة عبد الكريم Date: 02-27-2008, 02:19 PM Parent: #75
Quote: على الطلاق دا شاكوش ود الناس الطلع منك حكيمة دا
لكن يبدو انك لسه غرقااااااااااااااااااااااااانة،،، ياربي بيستاهل
شمائل يا عسل ازيك منورة البوست بالمناسبة دي خواطر غير مرتبطة بتجربة معينة ولكنها تراكمات تجارب بعض من اعرف ومن لا اعرف _____________ مافي شاكوش ولا حاجة الزول لسه محتفظ بي مقعدوا علي كرسي العرش والله بستاهل الله يخليهو ______________________ هسي في داعي تدردقيني في الكلام كده
لك الود..
Post: #77 Title: Re: الحب الحب الحب سرقتو والله Author: WadAker Date: 02-27-2008, 02:42 PM Parent: #1
كيفنك طق خاص ثلاثة مكيفات تنبح - مرسلة - برزاز بارد احيانا قاعةاو سمها صالة ان شئت , تحتوينى فى هذه اللحظة,, وانا انفرد ب11 طربيزة وعشرة اجهزة حاسوب انا .. خلف حاسوبى ... حاسوبى المفتوح على ثلاثة نوافذ.... الاولى على هذا البوح الجميل والثانيه موقع لتبادل الصراحة والود والثالث مفتوح على قرف العالم واخر خبر "الروسية كوزنتسوفا في الدور الثالث لبطولة دبي للتنس" بجانب نافذة القلب المفجوع حبا وشوقا على وطن فارقناه عشقا... وعيون تحاول لملمة هذه التنافر العجيب ما استطاعت الاصابع ملت الكتابة واتجهت بصورة درامية نحو الجوال لتسمعنى / راحت عليك/
Post: #78 Title: Re: الحب الحب الحب سرقتو والله Author: برير اسماعيل يوسف Date: 02-27-2008, 02:49 PM Parent: #77
عزيزنا/ ود عكر
يا اخي هل أنت في الامارات العربية المتحدة و في ابي ظبي تحديدا؟ انا بسأل من اخينا اسامة عثمان محمد الحسن من اولاد شندي ... شقيق المهندس خالد عثمان محمد الحسن ... عاوز تلفونه لأنه ضاع مني ... اسامة شغال في التدريس ... و في شندي بيسكن في حي الزهور ... لك الود .
Post: #79 Title: Re: الحب الحب الحب سرقتو والله Author: ebrahim_ali Date: 02-27-2008, 03:15 PM Parent: #78
سلام يا أهل الدار أنتو البوست دا كان غرقان ويييييييين اندفن كده يا سلام ياروعة يا كلك جاذبية وحاجات كده ياساااااااااتر وبس
وبعدين انتو النهر البسقينا وانتو المدخل للبستان الفيهو زهورنا ورياحينا دا الكلام ولا بلاش قمة في اللغة قمة في الاختيار قمة في التناسق تسلمي يا أمونة
Post: #84 Title: Re: الحب الحب الحب سرقتو والله Author: امنة عبد الكريم Date: 02-27-2008, 04:23 PM Parent: #79
Quote: وبعدين انتو النهر البسقينا وانتو المدخل للبستان الفيهو زهورنا ورياحينا دا الكلام ولا بلاش قمة في اللغة قمة في الاختيار قمة في التناسق تسلمي يا أمونة
يا ابراهيم ازيك والله بعدين اصدق واعمل فيها شاعرة واجيكم رابطة مكنة الفيتوري وكده ما تجامل
شكرا للمرور ونتمني عودتك
Post: #83 Title: Re: الحب الحب الحب سرقتو والله Author: امنة عبد الكريم Date: 02-27-2008, 04:21 PM Parent: #77
ود عكير انا كوبسة انت كيف
Quote: ثلاثة مكيفات تنبح - مرسلة - برزاز بارد احيانا قاعةاو سمها صالة ان شئت , تحتوينى فى هذه اللحظة,, وانا انفرد ب11 طربيزة وعشرة اجهزة حاسوب انا .. خلف حاسوبى ... حاسوبى المفتوح على ثلاثة نوافذ.... الاولى على هذا البوح الجميل والثانيه موقع لتبادل الصراحة والود والثالث مفتوح على قرف العالم واخر خبر "الروسية كوزنتسوفا في الدور الثالث لبطولة دبي للتنس" بجانب نافذة القلب المفجوع حبا وشوقا على وطن فارقناه عشقا... وعيون تحاول لملمة هذه التنافر العجيب ما استطاعت الاصابع ملت الكتابة واتجهت بصورة درامية نحو الجوال لتسمعنى / راحت عليك/
كلام جميل.. انت عارف انا كنت مفكرة افتح بوست واكتب فيهو يوميات وخواطر وكنت محتاجة لي زول (ثابت) يشاركني فيهو ويكون عندو الزمن الكافي للتواصل قدر المستطاع...يا ريت لو تكون انت الزول ده...شوف برنامجك ووريني...لو بقيت موافق عشان نناقش طريقة طرح البوست وافكارو ةاسمو والحاجات التانية المتعلقة بيهو.. المهم..كان عندك افكار تانية وريني مشكور يا ود عكير
Post: #80 Title: Re: الحب الحب الحب سرقتو والله Author: WadAker Date: 02-27-2008, 03:24 PM Parent: #1
اخونا برير احترامى
Quote: يا اخي هل أنت في الامارات العربية المتحدة و في ابي ظبي تحديدا؟ انا بسأل من اخينا اسامة عثمان محمد الحسن من اولاد شندي ... شقيق المهندس خالد عثمان محمد الحسن ... عاوز تلفونه لأنه ضاع مني ... اسامة شغال في التدريس ... و في شندي بيسكن في حي الزهور ... لك الود .
ياريت والله كان شوفتو ليك وين .. تعرف اخر مره زرت ابوظبى كان 2001م بس ممكن اسال الاخ فيصل نوبى فى دبى يشوف لينا اى معرفة فى ابوظبى واذا وجدت خبر حا افيدك عبر هذا البوست , كما يمكن الاستعانه ببورداب الامارات / ابوظبى وهم من خيرة الشباب.... وربنا يسمعك صوت اسامة
Post: #81 Title: Re: الحب الحب الحب سرقتو والله Author: برير اسماعيل يوسف Date: 02-27-2008, 03:32 PM Parent: #80
كتر خيرك يا ود عكر ... الله يديك العافية.
Post: #82 Title: Re: الحب الحب الحب سرقتو والله Author: صلاح الأحمر Date: 02-27-2008, 03:43 PM Parent: #81
آمنه بت عبد الكريم بوستك زي العسل يا ستو وأعتذر عن الخلط في اسمك الكريم مع الأخت آمنه مختار. وارجعي تاني لي بوستي(نفسك في شنو) عشان تعرفي السبب. ولك التحيه والتقدير.
Post: #85 Title: Re: الحب الحب الحب سرقتو والله Author: امنة عبد الكريم Date: 02-27-2008, 04:24 PM Parent: #82
Quote: بوستك زي العسل يا ستو وأعتذر عن الخلط في اسمك الكريم مع الأخت آمنه مختار. وارجعي تاني لي بوستي(نفسك في شنو) عشان تعرفي السبب. ولك التحيه والتقدير.
الرائع صلاح البينا اكبرمن تلومني واعتذر ما بيناتنا يا سوداني يا اصيل لك الود والاحترام..
شكرا للزيارة
Post: #86 Title: Re: الحب الحب الحب سرقتو والله Author: امنة عبد الكريم Date: 02-28-2008, 09:59 PM Parent: #1
أنا لاأدري ما اصابني بالضبط.. أري دائره تدور ونحن بداخلها..ولا نستطيع الخروج.. فقط نتحرك في شكل دائري يسرع وتقل سرعته.. يفعل و لا يفتح لنا منفذا للخروج.. ارانا وقد عجزنا عن أي شيء..استسلمنا او زاد غباءنا..لا يهم..سيان.. فمازلنا نقول نفس الكلام.. ونقدم نفس التحليل..ونبتسم بغباء ونحن نكتب أوراقا تكرر أفكارها ونلعن من جوعنا وشردنا ومرضنا وقتل أغلبنا ثم نرفع أكفنا دعاءا عليهم.. ونرخي النظر آمين.. ثم ندور مع الدائرين في نفس الدائره اللعينه!
Post: #87 Title: Re: الحب الحب الحب سرقتو والله Author: عصام دقداق Date: 02-28-2008, 10:34 PM Parent: #1
احم احم سلام عليكم ياناس هنا كدي زحوا لي غادي
امونة كيفك
Post: #91 Title: Re: الحب الحب الحب سرقتو والله Author: امنة عبد الكريم Date: 03-03-2008, 11:15 PM Parent: #87
كيفك انت يا عصام انشاء الله طيب
Post: #88 Title: Re: الحب الحب الحب سرقتو والله Author: WadAker Date: 02-29-2008, 11:25 AM Parent: #1
Quote: زول (ثابت) يشاركني فيهو ويكون عندو الزمن الكافي للتواصل
كيفنك منذ ايام يحاول الصافى ابعاد طيف الحبيبة الحبيبة الطيف تجبره على الثبات وفق نفس المعايير والشروط وهو يريد الرحول الشروط الغربة ... الغربه والشرط الجزائى للرحيل... ادفع ترحل والا... ارجعناك الى ..الى اين لايدرون!! الرحيل .... سادفع شرطه بعدا اخرا على الوطن الحبيبة ... الوطن طن حب ومحطات للسفر وشى من الصياعة الصافى لاوهامه ...سارحل سادتى وسيكون لى وتدا فى ارضا صخريه .. مكتوب عليها هنا انا الصافى الجعلى ود السره وللوطن والحب ساكتب واقول .... عند غياب الشهر,,,, سابدا فى النهوض نافضا تعب الرحيل
Post: #92 Title: Re: الحب الحب الحب سرقتو والله Author: امنة عبد الكريم Date: 03-03-2008, 11:16 PM Parent: #88
Quote: منذ ايام يحاول الصافى ابعاد طيف الحبيبة الحبيبة الطيف تجبره على الثبات وفق نفس المعايير والشروط وهو يريد الرحول الشروط الغربة ... الغربه والشرط الجزائى للرحيل... ادفع ترحل والا... ارجعناك الى ..الى اين لايدرون!! الرحيل .... سادفع شرطه بعدا اخرا على الوطن الحبيبة ... الوطن طن حب ومحطات للسفر وشى من الصياعة الصافى لاوهامه ...سارحل سادتى وسيكون لى وتدا فى ارضا صخريه .. مكتوب عليها هنا انا الصافى الجعلى ود السره وللوطن والحب ساكتب واقول .... عند غياب الشهر,,,, سابدا فى النهوض نافضا تعب الرحيل
ده قبول مبطن انا غايتو ح اعتبروا كده
المزيد نواصل
امونة
Post: #89 Title: Re: الحب الحب الحب سرقتو والله Author: woroorrook Date: 02-29-2008, 12:48 PM Parent: #1
تحياتي
الإمضاء:- عضو منظمة {فهم كثرٌ} السودانية
Post: #90 Title: Re: الحب الحب الحب سرقتو والله Author: mustafa bashar Date: 02-29-2008, 04:34 PM Parent: #1
سيبي الجرسه
Post: #94 Title: Re: الحب الحب الحب سرقتو والله Author: امنة عبد الكريم Date: 03-03-2008, 11:24 PM Parent: #90
Quote: سيبي الجرسه
يا مصطفي يا خوي اسيبها لي منو والله انا كان ما الكيبورد ده كان طقيت تل
بس كتير خير بكري(كسير تلج)
Post: #93 Title: Re: الحب الحب الحب سرقتو والله Author: تبارك شيخ الدين جبريل Date: 03-03-2008, 11:23 PM Parent: #1
كثرة الشواكيش لا تفسد للود قضية!
المهم ...
Post: #95 Title: Re: الحب الحب الحب سرقتو والله Author: امنة عبد الكريم Date: 03-04-2008, 01:07 PM Parent: #93
Quote: كثرة الشواكيش لا تفسد للود قضية!
ياخي حمدلله علي السلامة
Post: #96 Title: Re: الحب الحب الحب سرقتو والله Author: mustafa bashar Date: 03-05-2008, 10:13 AM Parent: #1
كل سندان بما فيه ينتح
Post: #97 Title: Re: الحب الحب الحب سرقتو والله Author: امنة عبد الكريم Date: 03-05-2008, 10:05 PM Parent: #1
Post: #98 Title: Re: الحب الحب الحب سرقتو والله Author: WadAker Date: 03-07-2008, 04:55 PM Parent: #1
تحححححححح عووووووووك الناس دى كسرت وين ________
كدى آ جنا شوف الباب السغير
Post: #99 Title: Re: الحب الحب الحب سرقتو والله Author: امنة عبد الكريم Date: 03-07-2008, 09:48 PM Parent: #98
ود عكير يا معاين من الشباك يا احلي زول شفناك نشكر مرورك الكريم ولكن.. احس ببعض الماء في فيك يمنعك من ان تدلي باعتراف اكاد اراه من بين سطور كتاباتك احك لنااخي العزيز عن بعض الحب المسروق نحن في انتظار بوحك الجميل
لك ودي الاكيد
امنة
Post: #100 Title: Re: الحب الحب الحب سرقتو والله Author: امنة عبد الكريم Date: 03-08-2008, 08:25 AM Parent: #1
لاتندم على حب عشته...حتى ولو صارت ذكرى تؤلمك
فإذا كانت الزهور قد جفت وضاع عبيرها ولم يبقى منها
غير الأشواك فلا تنسى انها منحتك عطراً جميلاً أسعدك
امنة
Post: #101 Title: Re: الحب الحب الحب سرقتو والله Author: ebrahim_ali Date: 03-08-2008, 09:07 AM Parent: #100
يا ابراهيم ازيك والله بعدين اصدق واعمل فيها شاعرة واجيكم رابطة مكنة الفيتوري وكده ما تجامل
امونة كيف الحال قلنا نجي تاني نسلم ونشوف الشاعرة المرهفة اللسع ما ركبت مكنة الفيتوري ولا سند تحياتي الجماعة وين شردوا عرفوا شيء ولا شنو الحصل!!!!!!!!!!!
Post: #102 Title: Re: الحب الحب الحب سرقتو والله Author: WadAker Date: 03-08-2008, 03:56 PM Parent: #1
آمنة .. كيفنك
طارطشه ... الصافى يجلس بين بينيين " يعنى 2 بين بين" شعرة بيضاء نافرة وحيدة اعلى مرفق يده اليمنى وخيبات المشاوير الفاشله تتوسد شطره الايسر وهو يتساءل /كمؤشر الميزان/ كيف اعدل؟ ....... ارتباط وجدانى بين الشعرة البيضاء .. فارة الحاسوب وشفع الحلة شفع تجدهم فى اوقات خاصة وتفتقدهم فى مراسيل خاصة لم ينسوا الصافى رغم غربته الطويله .. وجلسته الطويله مستندا الى العمود فى نفس المكان الذى اطلق عليه المعهد الحجرى العمود صار الان كرسيا وثيرا مكان الحجرالمعهد شهقت بناية بها متاجر وشقق واجزخانه.... .... مات عم ادريس الذى تحمل ضحكات المراهقة و... تفاصيل الرجوله... "كانوا يفرون الى بوابة عم ادريس طلبا للدفء والخصوصية.." تعود الصافى ان يتوسط الشلة على عتبة باب عم ادريس الكبير باب الضيوف الرجال "ولما زهج من جلوسهم اغلق الباب بالطبله والجنزير وصب على عتبته كثيرا من الزيت /الراجع / ...لكنهم نظفوه و... صار باب عم ادريس ا لصغير هو المدخل الرئيس... يدخل ويخرج منه الجميع .. حتى الكدايس الكلاب وهويدا الشافعة المسترجلة" ..... .... مات ادريس الرجل الطيب وباع الورثه البيت وصار بناية تحتها بقالة وعدد من بائعى السجاير وستات الشاى وضاربى الاورنيش ... طالت غربته... وكبر الاطفال/ المرسال ... نسى بعضهم ولم ينسوه .... فمنهم من نال صفعته ومنهم من تزوق صحبته الا .... ابراهيم ..... فقد صار ابنها
Post: #103 Title: Re: الحب الحب الحب سرقتو والله Author: امنة عبد الكريم Date: 03-08-2008, 06:02 PM Parent: #102
العزيز ود عكير ارجو ان تقوم بزيارتي في الحوش .... لو تذكر انني كنت ابحث عن من يكتب معي بصورة ثابتةفي البوست ولكنني نقلت الفكرة الي بوست اخر ارجو مشاركتك الفاعلة
...... بالمناسبة الفكرة جميلة وطريقة سردك جذابة حاول ان تواصل
.....
اهي مدخل لقصة ام مجرد نقرشات علي جدار الذكريات .... لا تنسي انني بانتظارك هنــــــــــا حوش عبد الكريم..اتفضلوا..
....
امنة
Post: #104 Title: Re: الحب الحب الحب سرقتو والله Author: WadAker Date: 03-09-2008, 11:20 AM Parent: #1
>>> هى فى طور التشكيل والتشكل وحسب اللياقة والمحفزات ... جدا حانتظرك فى الناصية التانية وقت المسلسل حيث لاشفع و.... لاكلاب لا تتاخرى فقد بلغ العمر حد الصبر
Post: #105 Title: Re: الحب الحب الحب سرقتو والله Author: امنة عبد الكريم Date: 03-09-2008, 05:12 PM Parent: #104
فب انتظارك يا ود عكير وقت الكلام يصبح دهب وقت العيون بيغشاها النعاس والموج يكسر في البيوت سكت الرباب واصبح صباح الحي مزخرف بالدموع ما سكتك...
