Post: #1
Title: مقطع أول .... يا زوله صاح ...!!!
Author: awad okasha
Date: 02-09-2008, 05:38 PM
Parent: #0
** ( مقطع أول ) **
يا زوله صاح ...
من بعدك أدمنتَ التباريح ....
صادقتَ أصناف النواح ...
ما كان لزومو الليل يطول ...
والفجر يغفل في ارتياح ..
ترحل غماماتو القبيل ..
من غير هطول ...
عندك براح ... كامل سماح ...
خليكي عرض ... والدنيا طول ...
بتذكرك ...
في مرة أشهرتي السلاح ...
مطر ( الفصول ) ...هدّم فصول ...
لون الذهول ... مدن الجراح ...
يا زوله ... صاح ...
|
Post: #2
Title: Re: مقطع أول .... يا زوله صاح ...!!!
Author: محمد عثمان
Date: 02-09-2008, 09:44 PM
Parent: #1
Quote: من بعدك أدمنتَ التباريح ....
صادقتَ أصناف النواح ...
ما كان لزومو الليل يطول ...
والفجر يغفل في ارتياح ..
ترحل غماماتو القبيل ..
من غير هطول ... |
الاخ عوض...
و طول ياا ليل...
شكرا للكلااام السمح
يديك العاافية...
|
Post: #3
Title: Re: مقطع أول .... يا زوله صاح ...!!!
Author: هاشم أحمد خلف الله
Date: 02-09-2008, 09:51 PM
Parent: #2
Quote: يا زوله صاح ...
من بعدك أدمنتَ التباريح ....
صادقتَ أصناف النواح ...
ما كان لزومو الليل يطول ...
والفجر يغفل في ارتياح ..
ترحل غماماتو القبيل ..
من غير هطول ...
عندك براح ... كامل سماح ...
خليكي عرض ... والدنيا طول ...
بتذكرك ...
في مرة أشهرتي السلاح ...
مطر ( الفصول ) ...هدّم فصول ...
لون الذهول ... مدن الجراح ...
يا زوله ... صاح .... |
صح لسانك يا زول يا صاح
عوض عكاشة والله حريف حرفنة
القصيدة دي تسميتها ( تسعة + مربوطة ) = سيك عديل .
|
Post: #4
Title: Re: مقطع أول .... يا زوله صاح ...!!!
Author: سلمى الشيخ سلامة
Date: 02-09-2008, 10:02 PM
Parent: #1
نوع من القصائد جديد على
اعجبنى القول
خليك عرض الدنيا طول
يبدو انها لم تكن اول قصائدك
لان الكتابة راسخة ومتمكنة
اللغة تدخل الى القلب مباشرة
الحبيبة هى المقصودة
دون الاحتماء بالمذكر
فى سياق النص
رغم انها كما تقول اول تجاربك
لكنها تجربة ناضجة
|
Post: #5
Title: Re: مقطع أول .... يا زوله صاح ...!!!
Author: awad okasha
Date: 02-09-2008, 11:35 PM
Parent: #1
الاخ محمد عثمان
تثير كلماتك الصافية دوما ....
سعادتي ودهشتي ...
دمت عاشقا للجمال ...
وانيسا لطوال الليالي ...
مودتي الجلية
|
Post: #6
Title: Re: مقطع أول .... يا زوله صاح ...!!!
Author: awad okasha
Date: 02-10-2008, 00:09 AM
Parent: #1
Quote:
صح لسانك يا زول يا صاح
عوض عكاشة والله حريف حرفنة
|
العزيز ابو احمد
تسلم على الكلمات الطيبات ...
التي تجود بها دوما ....
وعلى التواصل المستمر ....
| Quote: القصيدة دي تسميتها ( تسعة + مربوطة ) = سيك عديل . |
حريييف في الشغلة دي ومتخصص في صاحبك ( الكيشة ) عبد الله داش 
شكري ومودتي
|
Post: #7
Title: Re: مقطع أول .... يا زوله صاح ...!!!
Author: awad okasha
Date: 02-10-2008, 00:39 AM
Parent: #1
؟؟ 
|
Post: #8
Title: Re: مقطع أول .... يا زوله صاح ...!!!
Author: awad okasha
Date: 02-10-2008, 09:39 AM
Parent: #1
Quote: نوع من القصائد جديد على
اعجبنى القول
خليك عرض الدنيا طول
يبدو انها لم تكن اول قصائدك
لان الكتابة راسخة ومتمكنة
اللغة تدخل الى القلب مباشرة
الحبيبة هى المقصودة
دون الاحتماء بالمذكر
فى سياق النص
رغم انها كما تقول اول تجاربك
لكنها تجربة ناضجة
|
حينما يأتي مثل هذا الرأي ..
من اصحاب التجربة ...
وذوي التخصص ..
تتمدد وتتجذر الكثير من الرؤى ...
ترتفع مؤشرات البهجة...
وتتعالى مقاييس الدهشة ...
شكرا سلمى الشيخ ...
|
Post: #9
Title: Re: مقطع أول .... يا زوله صاح ...!!!
Author: أميرة فاروق عبد العال
Date: 02-10-2008, 10:32 AM
Parent: #1
يازول والله صاح شديد..
تسلم..
|
Post: #10
Title: Re: مقطع أول .... يا زوله صاح ...!!!
Author: awad okasha
Date: 02-10-2008, 03:12 PM
Parent: #1
أميرة فاروق ...
فرحتي بالجية الورود ...
إتراقص الفُل والزهر ...
يديكي العافية
|
Post: #11
Title: Re: مقطع أول .... يا زوله صاح ...!!!
Author: awad okasha
Date: 02-10-2008, 10:09 PM
Parent: #1
مبروك للمنتخب المصري الحصول على الكأس ....
|
Post: #12
Title: Re: مقطع أول .... يا زوله صاح ...!!!
Author: عبدالله داش
Date: 02-11-2008, 01:40 PM
Parent: #1
مقطع تانى
من بداية الكلام خرجتُ ناصعاً
يا زول تريان
الكلام دا مولود بقرونو
قصيده ترقص وحدها ...
فقط زدنا ليكتمل النصاب
ويا زوله صااااح
|
Post: #13
Title: Re: مقطع أول .... يا زوله صاح ...!!!
Author: هاشم أحمد خلف الله
Date: 02-11-2008, 01:49 PM
Parent: #12
QuoteQuote: : القصيدة دي تسميتها ( تسعة + مربوطة ) = سيك عديل .
حريييف في الشغلة دي ومتخصص في صاحبك ( الكيشة ) عبد الله داش
شكري ومودتي |
والله لكن يا عوض إتلومتا عديل كده يعني تذيع وعلي الهواء انك
متخصص في داش وشوف المسكين كتب ليك شنو !!!
| Quote: فقط زدنا ليكتمل النصاب |
يعني صاحبك عايز ليهو سيك تانية
|
Post: #14
Title: Re: مقطع أول .... يا زوله صاح ...!!!
Author: عبد العظيم احمد
Date: 02-11-2008, 02:02 PM
Parent: #13
عوض سلام
كلامك سمح
’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’
مابين الهاجس والهاجس ,,,هاجس
والهاجس وساوس
والوساوس نص الحقيقة
والحقيقة
هنا
ظل الغياب
والغياب
رؤية
والرؤية
حلم صادق
والاحساس الصادق
عنوان
|
Post: #15
Title: Re: مقطع أول .... يا زوله صاح ...!!!
Author: awad okasha
Date: 02-11-2008, 05:47 PM
Parent: #1
داش ...
على قدر المعاناة تـأتي المعاني ...
وانت .. ( وأخرى ) ...
تدركان حجمها ...
ظلت عوالما ساكنة ...
تخبيء وجهها حياء ...
من شموس ليلية ..
راهنت عليها ...
وكان ما كان ...
يا زول ....
ممتن حد الامتنان
|
Post: #16
Title: Re: مقطع أول .... يا زوله صاح ...!!!
Author: awad okasha
Date: 02-12-2008, 07:42 AM
Parent: #1
Quote: والله لكن يا عوض إتلومتا عديل كده يعني تذيع وعلي الهواء انك
متخصص في داش وشوف المسكين كتب ليك شنو !!! |
ابو احمد ياخ انا قايلك زول حريف
قعدة ( الطربيزة ) ما بتتحمل ....
يا تكون حريف و ( تسيك ) ...
ولا ( تاخدا ) ويبشعوا بيك ...
ده اجمل ما في ( الويست ) ...
يا زول جيب زميلك وتعال ...
بلعب معاك ( بالفريق ) التاني ....
لانو حيكون زميلي زولك ذاتو
رأيك شنو ؟؟
|
Post: #17
Title: Re: مقطع أول .... يا زوله صاح ...!!!
Author: awad okasha
Date: 02-12-2008, 03:58 PM
Parent: #1
سمحة طلتك عبد العظيم ...
سمّح الله ايامك ...
خليك قريب ...
مقطع آخر قادم ..
فيض موداتي
|
Post: #18
Title: Re: مقطع أول .... يا زوله صاح ...!!!
Author: awad okasha
Date: 02-13-2008, 06:25 PM
Parent: #1
**( مقطع 2 ) **
سافرتَ ليك ....
عبر السواحل والجُزر ...
كملتَ فيك لغة المداد ...
أرهق دواياتي الصبُر ...
سهم السهاد ....
خُصلات بهية ..
وقصيدة للاحزان مقر ...
آنستَ بيك ...
كُل تفاصيلي الخفية ...
شُفتك مخارج من جروح ..
نازفة تتكالب عليّ ...
كيّ لي ندوب ...
غمرت حواف الروح ...
والباقي من وجع القضية ...
آه ... يا عصية ...
يا زوله ...صاح ...
|
|