قروشك ديل كهمن ، والانقضى منهن كمهو ، والباقي بقضي قدر شنو؟؟؟؟؟؟؟؟؟؟؟

قروشك ديل كهمن ، والانقضى منهن كمهو ، والباقي بقضي قدر شنو؟؟؟؟؟؟؟؟؟؟؟؟؟؟؟؟

الجملة دي اطلقتها احداهن بعد ان فاض بها الكيل من زوجها الكهل

تحكي الحكاية انه في احد الازمان توفيت زوجة الرجل السمن (70 عاما) وفكر اولاده بضرورة تزويجه من اخرى لترعاه وبعد البحث الم
سنفيض تم تزويجه من (ح) وهي امراة في الثلاثين من عمرها (تعتبر عانس في سياقها القروي) لذا تم اختيارها لتقوم برعاية الرجل المسن لحد هنا والقصة عادية وروتينية
لكن المراة ضاقت زرعا بطلبات الزواج وتنكيله لها في اي عمل تعمله اواتهامها باطلا بكثير من الاشياء
وفي نقاش احتد بينهما قالت
يا حاج انا ما بدورك
ما بدوريني كيفن
كدة بس انا بدور افوت اهلي
ما ممكن هو على كيفك
ليه ما على كيفي
انا ما دافع فيك قروش
وردت هي :
قروشك ديل كهمن ، والانقضى منهن كمهو ، والباقي بقضي قدر شنو؟؟؟؟

هذا يفتح لنا بابا على عدة مستويات منها ما هو شخصي ومنها ما هو عام فلنبعد قليلا عن شخصنة الاشياء ونبحث في عامها
جدالية العلاقة بين الرجل والمراة وموازين القوى بينهما ودور العامل الاقتصادي في ذلك؟
يا مجتمعنا الرجالي (الذكوري) قرشوكن ديل كمهن والانقضى كمهو والباقي بيقضي قدر شنو عشان نرجع نحن لحالة ال (Matriarchy) أو على الاقل نصل لنقطة وسط بين ال Matriarchy والPatriarchy

تجكي الحكاية في غابر الزمان الغابر اوي انه كانت توجد هناك مجتمعات أموية (Matriarchy) وحصل التطور التدريجي للمجتمعات الى ان تحولت المجتمعات إلى الذكورية (Patriarchy)حدث هذا التحول في فترة تاريخية محددة (هذه المعلومات مثيرون يؤيدونها وآخرون يروون انها كانت في افريقيا فقط وكثيرون ينفوها
دقيقة بجي راجعة للحكاية
ماشة اذاكر للاولاد

صفية

Quote: يا مجتمعنا الرجالي (الذكوري) قرشوكن ديل كمهن والانقضى منهن كمهو والباقي بيقضي قدر شنو عشان نرجع نحن لحالة ال (Matriarchy) أو على الاقل نصل لنقطة وسط بين ال Matriarchy والPatriarchy

صفيه تحياتي
نعم اختي فالعلاقه بين الرجل والمراه لاتحسب بمال
او تقدر بهذا المبلغ المدفوع
العقد الذي يربط بين الرجل والمراه عقد يقوم علي الاحترام والتقدير
والموده والرحمه فما بينهما ليس بيع وشراء وكم دفع وكم تبقي
كثير من الحالات الزوجيه قامت علي فلس الزوج وفقره وتحمل للمراه لهذه الظروف
وبعد ذلك فتح الله عليهم فاصبحوا احسن حالا
يعني دخول المال في الحياة الزوجيه لا معني له ابدا

وتحياتي

Quote: قروشك ديل كهمن ، والانقضى منهن كمهو ، والباقي بقضي قدر شنو؟؟؟؟؟؟؟؟؟؟؟

صفية والله قصتك قصة , تعالي نحكي ليك القصة دي
قالوا في واحد مسطول ( قالوا ) لكن بيني وبينك ماكان مسطول
مسك عقد الزواج وبداء يقراء فيهو ولمدة طويلة ولمن زوجته
شافت المسألة طولت قالت ليهو يا راجل مالك ؟؟ بتعمل في شنو ؟؟
قال ليها ماعايز اشوف العقد ده بنتهي متين قديمة مش كده ؟

صفية سلامات

عندي واحد من جدودي حصل ليهو نفس السيناريو بتاع زوجة اتوفت و اولاد عرسو ليهو
و بنفس السياق القروي القلتيهو

و عروس جدي الجديده كانت من التفائل بمكان ان ظنت انها عروس لشاب وسيم جميل
و اظنها حسبت جدي صاحب الستون عاما صبيا غض الإهاب و عريس تحسدها عليه النساء

العروس صحت من النوم يوم صباحيتها و بنظره خفيضه و صوت رقيق همست
صباح الخير يا حاج

تلفت جدي يمنه و يسره و تمتم بصوت عال
المرة دي جنت ولا شنو ؟

الله يحمينا من جهجهة الكبر

استاذ هاشم
كيفك ياخي وحمد الله على سلامة العودة

Quote: صفية والله قصتك قصة , تعالي نحكي ليك القصة دي قالوا في واحد مسطول ( قالوا ) لكن بيني وبينك ماكان مسطول مسك عقد الزواج وبداء يقراء فيهو ولمدة طويلة ولمن زوجته شافت المسألة طولت قالت ليهو يا راجل مالك ؟؟ بتعمل في شنو ؟؟ قال ليها ماعايز اشوف العقد ده بنتهي متين قديمة مش كده ؟

هن جنس قصص عاد يا ود امي
انا اتخيل لي باقي النكتة كالاتي المرة برضو قاعدة تقرا في القسيمة وتفتش لشروط الاخلال بالعقد وعينها على مؤخر الصداق يعني القصة قصة قروش تمكن الاكثر مالا من السيطرة ولا رايك شنو
خليك قريب

خارج النص
رسلت ليك ايميل جاني راجع غيرتو ولا شنو
صفية

استاذ عوض ازيك

والله ما ذكرته يعتبر مثالي والى حد ما المفروض تكون العلاقة انسانية بالدرجة الأولى لكن تقول شنو في النس المتجذرة عندهم نوعية العلاقة ومجسدة لديهم في صورة موازين قوى وتجكم هذه الموازين في الاسا الامكانات الاقتصادية يعني زي البجي اقول ليك اخدت لي مرة والله المرة دي كلفتني كدة وفي سايق آخر النساء يطلق عليهن اسم مكالف بمعنى انهن مكلفات او يحتاجن للكلف والكلف معروف انه تغذية الحيوان.
بجد كدة الموضوع يؤرقني ودايرة اعرف هل فعلا القصة هي موازنات قوى اقتصادية واذا تمكن النساء اقتصاديا ممكن ان يضعن حدا لمعاناتنه اللا محدودة ؟
شكرا ليك للتداخل
خليك معانا نفكر انه هو صحي القصة توازنات قوى اقتصادية ولا علاقات انسانية تحكمها قيم انسانية
صفية

استاذ خدر
ازيك

Quote: العروس صحت من النوم يوم صباحيتها و بنظره خفيضه و صوت رقيق همست صباح الخير يا حاج تلفت جدي يمنه و يسره و تمتم بصوت عال المرة دي جنت ولا شنو ؟

ضحكتنيوالله زولك ولا على باله
شكرا ليك على المرور
شفية

أستاذ حيدر
ازيك

Quote: الله يحمينا من جهجهة الكبر

أميين
شكرا ليك
صفية

Quote: قروشك ديل كهمن ، والانقضى منهن كمهو ، والباقي بقضي قدر شنو؟؟؟؟

سؤال صعب جداً جداً
ولا يمكن بأي حال الوصول إلي رقم محدد بالضبط
بخصوص

Quote: والانقضى منهن كمهو

بكم يا صفية تقدر أيام وشهور وسنين حياة إنسان؟؟؟؟؟؟

حقيقي أسفت جداً لمنطق هذا الرجل وأعجبت جداً
بقوة منطق المرأة

أستاذ فضل
ازيك

Quote: بكم يا صفية تقدر أيام وشهور وسنين حياة إنسان؟؟؟؟؟؟

بجد شي محير ولكن هذ هو المنطق السائد لدى الغالبية من الناس ، وانا دوما اتسائل لماذا هن راضيات باوضاع لا تسرهن لماذا يتحملن القهر ؟؟ غايتو انا في راي (في حالة غياب البعد الانساني للعلاقات) تبقى القصة توازنات قوى يلعب فيها العامل الاقتصادي الدور الاكبر وبالتالي الأقوى هو الذي يقهر اكيد لا يوجد تعميم ولكن.......................... توجد شواهد كثييرة
فعلا عمر الانسان المفروض لا يقدر بثمن ودي كمان بدخلنا في العلاقات الانسانية عموما والعلاقات الزوجية خاصة لماذا هذا البعد عن الجوانب اللامادية في علاقاتنا والتركيز على المحسوس منها بحساب الربح والخسارة ليه ابتدينا نبتعد عن اسس تقييم الانسان بما يمتلكه من مقومات غير مادية وابتدا التقييم يبدا ويتنهي بما تملك معاك فلس تسوي فلس مامعاكش ما تسواشش خسارة كبيرة بجد نحتاج لوقفات كبيرة مع ذاتنا لترسيخ قيم انسانية بعيدة عن اللهث ورا المادة. اكيد كل هذه الاشياء مرتبطة بالابعاد التانية لحياة الانسان من ثقافية اجتماية وسياسية وغيرها.

حقيقي منطق المراة يعجب
شكرا ليك صفية

Quote: شكرا ليك صفية

فعلاً شكراً ليك يا صفية
علي اللفتة والإنتباهة لقيمة الإنسان
ولعلك تعرفين أنه في المحاسبة المالية
والفكر الإداري المتقدم ، فإن العنصر البشري يعتبر من أصول الشركة
ولكن غاية الصعوبة تحديد قيمة هذا الأصل

إنها اشياء لا تشتري ، علي قول أمل دنقل

Quote: والفكر الإداري المتقدم ، فإن العنصر البشري يعتبر من أصول الشركة

شكرا ليك مرة اخرى

اضف الى ذلك الابحاث والدراسات في العلوم الجندرية حول الجندر والاقتصاد دي بيشمل نواحي كتيرة منها Gender Budget and human Capital
وغيره من الجوانب لكن فعلا قصة الهيومان كابيتال دي بتصب في صلب الموضوع حول تقييم قيمة انتاج انسان موشح بقيم ومبادئ ومعرفة
بجيك راجعة للكتابة كثيرا حول الهيومان كابيتال لكن بجد توازنات القوى بحكم القوي من يمتلك مالا اكثر
شكرا ليك

صفية

الأخت صفية ،،

أتفق معك بأن القيمة المثلى هى العلائق الإنسانية بجميع صورها بين الزوج والزوجة ،،، ولكن دائماَ وأبداَ عند بدء العلاقة وإستمراريتها فإن المادة تمد عنقها إن شئت أم أبيت ،، وهى التى تحدد سمو هذه العلاقة أو هدمها فى مرحلة ما ،، وقد تؤثر أيضاَ بصورة كبيرة فى إعمال شرخ غائر فى علاقتهما مع البعض وقد تؤدى إلى نهايات محزنة،، الحب وحده والإنسجام لا يبنيان السعادة فى تصورى الشخصى .

خالص مودتى ،،،

ماهر

أستاذ ماهر
اهلا بيك

Quote: أتفق معك بأن القيمة المثلى هى العلائق الإنسانية بجميع صورها بين الزوج والزوجة ،،، ولكن دائماَ وأبداَ عند بدء العلاقة وإستمراريتها فإن المادة تمد عنقها إن شئت أم أبيت ،، وهى التى تحدد سمو هذه العلاقة أو هدمها فى مرحلة ما ،، وقد تؤثر أيضاَ بصورة كبيرة فى إعمال شرخ غائر فى علاقتهما مع البعض وقد تؤدى إلى نهايات محزنة،، الحب وحده والإنسجام لا يبنيان السعادة فى تصورى الشخصى .

شكرا ليك على الاضافة واامن على اعتقادك ان العامل الاقتصادي يلعب الدور الاكبر في ذلك وعشان النسوان (طبع ما كلهن لكن في الغالب هن الاقل مالا تلقى الرجل يهيمن عليهن

لي عودة
شكرا ليك مرة تانية

صفية

up
??????????
كمهن يا ناس افيدونا؟؟؟؟

يا صفية الحكاية ما قروش
ويا ريت عمنا ده يفهم إنو
( إنت لو داير تسيبنا حتي باقي العمر شيلو)
الله يرحم هاشم ميرغني ويحسن إليه