Post: #2 Title: Re: احمد ربشة Author: Saber Abdelhadi Date: 02-08-2008, 08:42 AM
الوسيط ماشغال يافردة.. واحد صومالي قعدت أحكيلو ساعتين عن ربشة.. وفي الآخر قلت ليهو الراجل الله يرحمو مات السنة الفاتت في لندن .. قال لي (الـــلـــه .... سوء الخاتمة).. قلت ليهو (سوء الخاتمة إنت ده) ..
Post: #4 Title: Re: احمد ربشة Author: عبدالله وداعه الامين Date: 02-09-2008, 03:54 AM Parent: #2
Quote: الوسيط ماشغال يافردة.. واحد صومالي قعدت أحكيلو ساعتين عن ربشة.. وفي الآخر قلت ليهو الراجل الله يرحمو مات السنة الفاتت في لندن .. قال لي (الـــلـــه .... سوء الخاتمة).. قلت ليهو (سوء الخاتمة إنت ده) ..
الاخ العزيز صابر
تحية واحترام
الرابط انا عندي شغال
اتاكد تاني وحاول اولا ايقاف الاغنيتين واضغط بعد ذلك زرالتشغيل وبتفتح معاك
ولك كامل الود والمحبة
Post: #3 Title: Re: احمد ربشة Author: abubakr Date: 02-08-2008, 09:42 AM
ذاك الفاره العود الجميل الطلعة والصوت لقد جعل ليالينا في سبعينات قرن ماضي ندية ..عليه الرحمة
Post: #5 Title: Re: احمد ربشة Author: عبدالله وداعه الامين Date: 02-09-2008, 03:58 AM Parent: #3
Quote: ذاك الفاره العود الجميل الطلعة والصوت لقد جعل ليالينا في سبعينات قرن ماضي ندية ..عليه الرحمة
غني لنا "يافرح قرب ويا دموع عدي "
حبيبنا الغالي والانسان الجميل ابوبكر
تحية ومودة لك عزيزي الفاضل
رحم الله الفنان الجميل ربشة رحمة واسعة
وشكرا لك جدا على الاغنية الرائعة
واجمل شيئ اني رفعتا امس نفس الاغنية وكنت اود اضافتها الى هذا البوست
وقد قمت انت بالواجب
كامل مودتي ومحبتي
ودمت بخير
Post: #6 Title: Re: احمد ربشة Author: يسرى صلاح Date: 02-09-2008, 11:16 AM Parent: #5
راقي احمد ربشة زوقك عالي ياعبدالله بس ياريت لو يكون لديك المزيد من التسجيلات لربشة بالمناسبة لاحظ لطريقة الغناء عند احمد ربشة ولاحظ الشباب الان بيحاولو يغنو بنفس الطريقة...
مدرسة احمد ربشة رغم اننا ماسمعنا ليه الكتير
شكرا عبدالرحمن وربنا يرزقنا حسن الخاتمة
Post: #7 Title: Re: احمد ربشة Author: محمد سنى دفع الله Date: 02-09-2008, 12:17 PM Parent: #6
وداعه لك كل المنى صابر ايامك تطول وربنا سماك صابر عشان تصبر على الجهل البقابلك كل يوموناس سوءالخاتمة اولهم ابونا الذي علمنا السحر والجمال ابوبكر ربشة كان نقطة تحول في اداء الأغنيات يسري محبتي كلامك صاح ربشة بداية التحول في ولوج المغنيين طريقة اداء مغايرة واول المتأثرين الهادي حامد ( ود الجبل ) كنا عندما نريد ان ننبهج نذهب الى الملحن الطروب عمر الشاعر الفنان ندخل ثلاثتنا موسى الأمير وربشة للنبهج واول البهجة انو ربشة اعمل رز برياني الزمن داك لم نكن نعرف من السواحل الحضرمية ( حضرموت ) سوى اغانيها الشجية وسحرها الجمالي اما نوع الغذاء الهندي واثره على الخليج لم نعرفه الا من ربشه والى حين وصول الطعام كان العود يتنقل بين ربشة والشاعر ونحن نقول اه اه اه وفي بعض المرات وااااي عديل كده اشيلنا الطرب لي دنيا تانية ربشة فنان خلانا نكتشف جمال الغنى بتاعنا كان بضيف حلياتتجنن حليات وبسيطة وفي كلمات بي طريقة نطقو ليها بتكون ناعمة وشفيفة زي كلمة الطنابير الحزينة ولمن اقعد كلمة بتريدنا بتريدنا ده مع طريقة عزفو الفريده للعود ربشة وابوعركي هم الغيروا طريقة عفق وضغط الوتر لمن تسمع طريقة الفنانيين العباقرة زي احمد المصطفى وحسن عطية ده امير العود برعي محمد دفع الله بشير عباس محمد الأمين زمن طويل سيطرة طريقة مدرسة ود الأمين على مزاجنا الخاص لانها مغايرة للمدارس الفبلها لكن في تاريخ النغم المقابل التاريخ سوف يكتب العبقرية لهولاء الرواد ومعهم الفنان النوبي المتفرد همزة علاء الدين وهو فنان عالمي في وسط هولاء العمالقة ظهر ابوعركي وربشة في طرقة عزفهم المجودة للتطريب وتدفق النغم الصعب يسهولة عركي بعزف باليمين وربشة بعزف بالشمال لونوا وجدان الأمة بجميل الألحان وشجي النغم له الرجمةوالمغفرو وليكم متعة البهجة الممتدة في مقبل الأيام وداعه ليك شكر السنين صحيت فينا شجن السنين وفرحتنا بي انغام حتكون صاحية وخالدة في اجيالنا الجاية مودتي
Quote: راقي احمد ربشة زوقك عالي ياعبدالله بس ياريت لو يكون لديك المزيد من التسجيلات لربشة بالمناسبة لاحظ لطريقة الغناء عند احمد ربشة ولاحظ الشباب الان بيحاولو يغنو بنفس الطريقة...
مدرسة احمد ربشة رغم اننا ماسمعنا ليه الكتير
شكرا عبدالرحمن وربنا يرزقنا حسن الخاتمة
الاخ العزيز يسري
تحية لك ايها العزيز وشكرا لحضورك البهي
نعم لدي مجموعة تسجيلات لهذا الرجل القمة ولدي بعض ما كتب عنه