هجــــين الأســئله .....؟

مـرقَـ..ـتْ من الغـيبْ
حننْت ضَـهر الأصابِع بالطمي
سِـكرت حواسـنا الفِينا
إنبهــلت كلام ..
طولّتَ مِنِّك بالتمام
من موسِـم المطر الهمِي
وكان يا سـلام ...
ما تشرحينا وتفلحي الروض ياسمين
من فكره تفضح محتواك
يبداك .. ويفتكرك حبيب
من ذا الذى بيديه يعترك المآثر كلها
يثني علي الفرح المسائىُّ الخميل
والباقى مِنَّك للوصول
حولين ودهراً مستحيل
ثمْ المسافةَ جلّها
عبرتْ نخاشيش المسام
لأنها غيب الغياهب
سـرّ غايتها السكون
البرقُ غافلنى تراعد ماطراً
فغسلت أدعيتي على كف العُجالةِ
لما جاني الليل وفرهدت الغصون
مرقـتْ تبشّـر إبتسام
يا ... الله أمنحني الثبات
ملأتني رغباتى إلى عنق الزجاجةَِ
فاستفاضت فى المدى الأهلي
محدثةً ضجيجاً فى المفازةِ كاللهيب
لمْ يكنْ بداً ..
إذا ما الدهر ماطَلَنى الوُصول
يادوب وداك سِـحّر المغارب
والرعونة سِحّنة العيبْ
المخارج أوّصدتْ نفَسَ الصدى
وكان المُثول قِدام عِينيك
لبيك لمنْ يبدأ الكلام ...
من يا ســلام
يا كيف ومين .. ؟
وهـ..ـجين طُروح الأَسئله
دخلَت لأعماقى مصادفةً
شعاع آخر غروب
وحلفتْ ليك ... بي الله
لا ... بنْســاكِ
لا ... ببقــاكِ يوم القاكِ أمنيةً
ولا بقدر أتوب
ما أصلو سويتك حُجا
ونسـّـتَ بيك سهري العجيب
صديت سهامِك ...
من غرامِك جانى مسَّـك فى الوعى
جاريت لحونِك
لما دوزنتى النِـدا
ناديت عليك ...
يبقالَّى أحسلَّك تجــى
وخلَّينى فى الغيب
أحتمي بسُكر الحواس

لا ... ببقــاكِ يوم القاكِ أمنيةً
ولا بقدر أتوب
ما أصلو سويتك حُجا
ونسـّـتَ بيك سهري العجيب
صديت سهامِك ...
من غرامِك جانى مسَّـك فى الوعى
جاريت لحونِك
لما دوزنتى النِـدا
ناديت عليك ...
يبقالَّى أحسلَّك تجــى
وخلَّينى فى الغيب
أحتمي بسُكر الحواس

وخلينا نغرق معاك بسكر الحروف ياداش ..
تسلم مشاعرك ..

شاهدتْ فى الأحلام نِعاس
كان البحر غرقان
يفتش لليباس
لما النجوم مرقتْ
على مركب نجاه
ولبّست جلاليب الصلاه
ندهتْ عليك



من وين وكيف
مدخل .. هجين الأسئله

هند العزيزه


تشكرك كل الحواس

يستمر جمالك سائراً في ذات الدرب صعوداً صاحبي الأنيق داش
سلمت

أتأرجح بين حالات لاتبشر بخير
هى إنحدارات واحله
لا أقوى على كثبانها
لعلها مماطله أخرى لكسب المزيد
لإفراغ الوقت من محتواه
هى مناورات لا تجدى نفعاً
ولكنه القلق

ود الفاضل

كن كما اود

لتعديل بخير

Quote: طولت مِنّك بالتمام من موسِـم المطر الهمِـي .... صديت سهامِك ... من غرامِك جانى مسَّـك فى الوعي .... يبقالي أحسلَّك تجــي

Quote: سِـكرت حواسـنا الفِينا إنْبهــلت كلام .. لبيك لمنْ يبدأ الكلام ... من يا ســلام يا كيف ومين .. ؟ جاريت لحونِك لما دوزنتى النِـدا ناديت عليك ...

Quote: ونسـّـتَ بيك سهري العجيب صديت سهامِك ... من غرامِك جانى مسَّـك فى الوعى جاريت لحونِك لما دوزنتى النِـدا ناديت عليك ... يبقالَّى أحسلَّك تجــى

دااش..

الق بطعم الليل..

شكرا للاحرف الملونة..

يديك العاافية...

للقصيدة مخلب نسر
يصطادك فتضحى فريسة للنهم
تطارد الحروف
مزج اخر بين الدارجة والفصصحى
لكنه غير مخل
له نفس انسياب اللغة فى كليهما الفصحى والدارجة
يسوقانك الى حيث يجرى نيل ما
وتشتم عطر الانثى فواحا

لكن ثمة اخطاء مطبعية عليك تداركها يا حبيب
الكلمة لها مذاق اخر حين تكون واقعة تحت بند الخطا غير المقصود

لك وافر مودتى ابدا

دائماً أكون هائماً
بى من العجاله ما يكفى
وسطورى أعلاه ولدت فى منتصف نعاس
وكان الشوف بين بين
وكان ما كان
وفى يوم ما .. ح روح فى خبر كان
بسسب البرد البيخلى الزول يهبش الألف ( أ ) فى الكي بورد يجليها عادي
ويا دار ما دخلك شر

وبعدين تنتبه إنو العالم دا مليان ناس
بس ناس يايتو ناس ...!
ناس سمحين زى سماحتك دى
يورّوك الغلط من الصاح
ولأنك دايما صاح
أنا صححت القدرت عليهو
والما انشاف بى العين
شكيتو ليك ..
أصلو قالو الليل بغطّى الجبال
ولا ما كدي ..؟


وبعدين يا بت الشيخ

هسااا أقول شنو !!

ولا أدعو ليك بالحاجات السمحه كيف ..؟
دى زاتاااا ما أسئله ...
وإنتى بعيده هناك وقريبه هِناااا

الله يوديك الجنه فى الفوج الأولانى

قولى آمين بس ...

بوحميد

يا صاحب السجن

الليل وما أدراك ما الغياب

إنه ( زى دا )

لا ينوم ولا يلولِينا فى فى شِـقفة لحاف

ثم البرد يا صديقى

أسكت خليهو ساكت ...

لك الموده كلها

وشكراً

Quote: <عبرتْ نخاشيش المسام لأنها غيب الغياهب سـرِّ غايتها السكون البرقُ غافلنى تراعد ماطراً فغسلت أدعيتي على كفَّ العُجاله

بعد هذه الكفارة

تيقنت انه اتاك

نص فخيم

-

د/ محمد حسن


بنصب ليك شرك مفخخ
فى نص الحنين
وبعد داك
يحِلك ..

Quote: تيقنت انه اتاك

وهو كذلك

لك الود

يا داش

كلما الزول يشوفك

يا يلقاك مارق من الضوء

تبشر بالعطر

يا كمان شايل مفاتيح الحديقة

وتعزم فى الملائكة والناس

فيأتوك

سمحين ومؤتلقين زيك

يا زول يا دعاش

عبد الله

سلام مهجن بكل اللغات

Quote: مرقـتْ تبشّـر إبتسام يا ... الله أمنحني الثبات ملأتني رغباتى إلى عنق الزجاجةَ فاستفاضت فى المدى الأهلىُّ

هذه الأسئلة الهجين .. لها إجابة آحادية الجينات :

حكي يملأ الوجدان حتى غرغرة الحنجرة و كتْم الأنفاس

ابو جهينه العزيز


سلام بالرطابه

وتحت تحت بأى لهجه وأسئله

وجينات مهجّنه
من خطاوى البال وصول
ولون الطواقي الحمرا
فى الإيد اليمين
مرفوعه ليك بالكَسَرا
خالفت العدول
لو تملا جواى باليقين





لك وافر التقدير
ياريس

والمعزّه التى تعرف

لم يزل فى شروقٍ بهي


صديقى المطر
كلما حاصرتُ نافذتي لتمنحني الدعاش
خيراً تطل على مداخلها
رزازاً يعطّر أرجائها

ثم يا صاحبي

سعدت بيك
لمنْ لقيتك فى المكان
وفردت ليك أفق المدى
وعِرفت إنك ...
أسئلة ظرف الزمان
باقى الحروف تتحمدك
شكراً

أبا ذر المطر

داش يا جميل

هجن لي سؤالي دا


تروقني حروفك وحسك قبلها

تمسح على موضع الآلم وكأنك

تحمل عصا موسى ..

تسكرنابخيال يحلق بنا في أودية

تغاث بماء عذب هطل عن سحيبات حبلى

لترويء ظماء مساماتها ..

ولكن تظل ظماء وتقول هل من مذيد

لماذا؟


ابقى كما أنت بدهشتك ..

خــالده

إنتى صحبتيها معاي ( خالس خالس )

كيف ...؟

Quote: هجن لي سؤالي دا

دى واحده من المصاعب الهجين
نوصى بحفظ الملف فى ذاكره نشطه

Quote: هنا فى كلام ماطر وتريان يخلي الزول يمشي حفيان عشان ما يعّفص الندى فى صفق الخدار

Quote: لماذا؟

لشئ فى نفس يعقوب

سعدت بيك بالجد
وحسيت بالدفا

أبقى كما يجب

داش

يا رائع ياجميل

جاتنى فكرة أشترى خروف وأغير إسم القصيدة دى من هجين ألأسئلة..لى سكر الحواس...

إسم العنوان مليان هجين وقوات الهجين وقوات مشتركة ..جاتنى أحاسيس بالشكل ده ولما قريت القصيدة

بصراحة أسكرت حواسى....

مودتى يا أخى...

إسماعيل محمد احمد عباس...........

الحبيب ...

ودعباس

أقول ليك حاجه ...

اها أنا مستنى الخروف دا ...

ونشويهو زى ما الأشواق شوتّنا

ونجيب شربوت زى بتاع العيد داك

ونقيف نأشر للمحطات الغلط

فى عينها جوااا هناك ...

وبعد داك اليبقا يبقى

لا أخفيك كل ما دلفت إلى الحنين

يخيفنى بأسئله متفرعه تنتهى بأسئله ملونه

ومنها كانت حكايتنا

ليك الموده كله ياوريف

Quote: شاهدتْ فى الأحلام نِعاس كان البحر غرقان يفتش لليباس لما النجوم مرقتْ على مركب نجاه ولبّست جلاليب الصلاه ندهتْ عليك

ندهت ليك

وما كت براي

كان معاي كل التفاصيل الجواي

وطربانة بي خيط الغنا

الباشا هوي لافي العنابر

دكتورنا هوي ...

وشيتن كتر

نزلني للاوعي

لي حتة بين العقل والحلم السراب

وضهري متكول للهوى

وسرحانة فيك

ومشدوه في الحرف الزلال

كايسة الروى

داش دايما تعزف على العصب الداخل

ليك الله

منى الحسن العزيزه


ما شفتَ منِك
أو خيول عصبك نشاز
لا تبتِ منِك بالصريح
لاقِدرت أعفيك من سماى


وما الهوى ...
والسجال الذى فى بداياته كالرماح
الخناجر مثل وميض عجيب
اما نحن ...
ندور ولا نتهى بإنتهاء
ولا واحده ...
كلها مثل أمس
الخطئة ترفل فى وحل السيئه
فى التيه فى المنحنى
أيها الغارقون ..
لا ذنب للبحر من فعلكم
أيها العارفون
إذا ألتئم الجرح من ناره وإنطفأ
أيها المنتبه ..
ما إجابة هذا النزيف ..
قل لى :
أينما وجدت إجابات السؤال

Quote: من ذا الذى بيديه يعترك المآثر كلها يثني علي الفرح المسائىُّ الخميل

داش ..

Quote: طولّتَ مِنِّك بالتمام من موسِـم المطر الهمِي وكان يا سـلام ...

هذا ما أسميه شعر كامل الدسم
لك الود يا صديقي

حسون


وكلام الليل العدد الخامس

كدى ورينى

من أبتديك ...


حليل الزمن الفارق

الزمن الألف ...

مش كدا عليك الله

زمن كان البحر أخدر ...

والقهوه العجيبه



تحياتى يا وريف

عبد الله داش..

سكرت حواسنا الفينا..
انبهلت كلام..

ياخي رحمة بنا..

اهلاً بالأميره


دا اول حاجه ....

أوفزتني أخيلة الليل الدامس
رعباً وحُمــى...
دلفت إلى اليقين لأحتمي ..
من شر ما صنعت يداي

وبعدين ...

ياااخ سعيد بي جيّتك
وتفريخ السؤال أكتر

انت يا عبدالله قايل المجننا شنو ..
ما ياهو زي جنس أسئلتك دي الما عارفين ليها باب ..
أو من وين ندخله ..
كان مرقت من الغيب ..
أو دخلت بطن الواطـة ..
وجاتنا دعاااااش ..


داش ..
لك كل المحبة ..
وعطر الأماني البتشتهيك ..

مرقت ولم تعد حتى الآن
أوصافها مثل يوم أمس
دافئه ترتدى قفاطين
من عصور البهجه
تنتعل الماء
وترسمه على خدها حناء بكل تفاصيلها
على من يتعرف عليها إخطارنا
لأنها تخصنا وحدنا


التوقيع ...

المجانين

Quote: انت يا عبدالله قايل المجننا شنو ..

أهايا معتصم شـنو ..؟؟

Quote: المجننا شنو

انتا مجنناك الأسئلة ولا انك ما لاقي أجوبة للأسئلة؟؟ ما هو يا تعرس يا تشوف ليك شماعة تانية غير قصائد الناس ترمي عليها سبب جنك

يا داش القصيدة جميلة وحتبقى أجمل لما نخلص من موضوعنا بتاع أصل الشوايقة منتظركم خميس وجمعة بجايي بس المجنون دا ما تجيبو معاك

Quote: لا ... ببقــاكِ يوم القاكِ أمنيةً ولا بقدر أتوب ما أصلو سويتك حُجا ونسـّـتَ بيك سهري العجيب صديت سهامِك ... من غرامِك جانى مسَّـك فى الوعى

عبدالله .. شر المس ما كان في الوعي
أي في القلب، لكنها الحياة يا أخي
نسعد بزلازلنا.. واصل حتى تأتي إليك
حاملة اليقين ولن تطمئن.

أغلب الإحتمالات ُتبشْــر بإتيانها

بكامل زينتها

تزهو كطواويس ترقص رقصة التزاوج

تفرد ريشها ألواناً من الإدهاش لإمتاع البصر

أزعم أن الشمس عجّلت الغروب

فما أن طوت الأصيل لتستريح

حسبتُ يوماً من العمر يمضى سريعاً

وهى فى غيابها المستديم

وأنا فى وحدتى التى تعرف



العزيز الغالى

محمد عبد الجليل


لك معزتى وإحترامى ...

سارق من الزمن المحن
خشيت وعوره مسفلته
وسارق من اللحظه الزمن
ما ... قلت ليك
زمنك غلط

يا بدرى كيف ..


ما قلت ليك زمنك غلط
شوف العيون
لبست قزاز الدهشه
بتلوُك فى الصبر
طعم الهواء المغسول مطر
يابس يفتش سكه تدينا السلام

Quote: منتظركم خميس وجمعة

ونحنا منتظرّنك فى جوانا وبس
والله جايينك بس خليك مترقب

تسلـم حواسَك الستة ..

تســــلم يا صحافه



اليومين دى شايفك مشغول

مش كدا ...!

اوعا تكون مضروب سفتاري

زى حكايتنا دى


شكراً بصدق

ولك الود

الأديبُ الصَّديقُ / عبد الله داش ..

نُصُوصُكَ دَوْمَاً بها صورٌ جميلةٌ

تَخْتَزِنُ فيها طاقاتٍ فكريَّةٍ عميقة ،

وتعْطِي القاريءَ إمكانيَّةَ

التَّأويلْ ،

شُكْرَاً لأنَّكَ

دائماً متفَرِّدٌ بكتاباتِكَ يا صديقي ..

ولقدْ صَدَقَ أحدُهُمْ

حينَ قالَ :

" إنَّ الأُسْلُوبَ هُوَ لِبَاسُ الفكرةِ

وجلدُ الكاتبِ " ..


لكَ احترامي مشْفُوعٌ بكثيرِ

عُفَاةٍ ووُدٍّ ..






أخوك / مُحمَّد زين ...

محمد زين الزين

الرجل العارف ...

يا صااااحبى انا زول سااااى

ما قدر كلامك دا ..

ولا أقوى على تربيتك على كتفى

فهزيمتى تعنى قْدرى الذى أعرف

فلك ودى وحبى

Quote: من ذا الذى بيديه يعترك المآثر كلها يثني علي الفرح المسائىُّ الخميل والباقى مِنَّك للوصول حولين ودهراً مستحيل

حينما يجتمع الضدان تألتف الحروف وتتناغم الحواس لتروعي دوحة الابداع فتثمر ورود واشواكاً احياناً فيبتهج حاملي الورود ويحزن المفترشون اشواك ادراكهم .

صديقي الجميل نبتهج في زمن المآسي حينما يهطل علينا وابل الابداع من ساحبات عبقر .

مزيدا من الامتاع

وقتذاك كان السكون يلف الحواس

والرعشه فى أوجها

ثم ماذا ..؟

بعدما طغى النسيان على الذاكره

وتسربت أحزاننا دمعاً تكثّف كى يكون

غمائم السحب المطر

حينها بلغنا إنها العافيه

وبشرى حمامات السلام

بهيةً بيضاء

يا وريف ...

يا أجمل الأنبياء

شكراً ..

وشكرا جميلً

Quote: مـرقَـ..ـتْ من الغـيبْ حننْت ضَـهر الأصابِع بالطمي سِـكرت حواسـنا الفِينا إنبهــلت كلام .. طولّتَ مِنِّك بالتمام من موسِـم المطر الهمِي

الله عليك يا ولد يا داش الله يحفظك من العين
كلمات عميقة جداً ورؤيانة .

لو تعلمي معني الوله

الكامن فى جواي

بتْوسم فيكِ رحيق الريد

بتْسلف منِك فرح الكون

مسترسل لسه بونّس بيكِ الفكره

وتبقى تهانى العيد

يا متْجمهره فيني ضجيج

ومعفّره سكة وصلي

وماشيه لحّدت وين...؟

ما إنتِ السكه

ووجهة ريح اللُقيا مناي



ياهاشم ...



لو تعلم كمّ الفرح الفيني

ح تقبل عذر الشوق

Quote: وسطورى أعلاه ولدت فى منتصف نعاس وكان الشوف بين بين وكان ما كان وفى يوم ما .. ح روح فى خبر كان

داش ....

ماااااا منك من العليك

أخي الحبيب عبدالله

سلام على روحك الطيبة

من حق الحب عليك أن تعترف بوجود معاناة تسكبها قريضاً تى تنعش ذاكرتنا وأرواحنا وهذا ما فعلته بنا حروفك وسطورك كعشاق كتاب وكلمة ليس علينا إلآ أن نسلم بانبهار لهذا الجمال الذي كان بمثابة جمال الفراشات التي تطير في بستانٍ ضوعه حروفك الياسمين لترتشف الرحيق.. تحياتي

ابوبكر
العزيز


نِشفت دواية الروح خلاص

وكل المدى الممشوق وِقف

عشمي الفضل ...

أن يبلل الربيع ثغر الورد بالندى

يتنفس عبقاً يُسكر لإحساسى الرابع

يفسِــح مجالاً لها أن تحتفل معى

بعوده المطر والنوارس



شكراً لحضورك المضئ

إنحزّت ليك
كمّل خُطاك
بى سرعة إشعاع الشموس
قبال يضيع منى الأثر
سايق خُطاى عايز أجيك

ورغم اللى كان
بتقول أكيد

Quote: من العليك

بوحميد

مرحب بيك معاى

لك الود

واسوق كلامِِِِِك للقليب

غيمة مطر

تهطل عليو تسقيو حنان

يابس واحتك من زمان

مسكين صبر

راجي الحنين يعطف عليو

قطرة كلام تنعش جفاف

حزنو الفتر


...................

عبد الله

روعة لا توصف

ما زن الجمّال


الجميل


ما تقول نسيتك إلا بس خليها فى سِرك
الايام السهر قناطير قناطير
فرحانين بــ/ د/ عفاف الصادق حمد النيل
وما نحن إلا سرب فراش
نطارد الزهر من حقلٍ إلى حقل
اولاً خلينى أقولّك مرحب بيك معاى
ثم إنى كائنٌ ليلى
لذلك كان الليل يخص الإبتهاج
بتلك الماجده


لك المودات
البتشبه موسم المطر

داش

إنت زول راقي .. في كل شي


من شفتك اليوم داك
دخلت القلب تووووش

زيك وزي المشينا ليهو واحد

ود الصايم

مشــينا مشــينا ( مشــينا)

تســلم يا الحبيب

أصلكم أنتو محتالين إحتيال لذيذ
وبتخلو الزول يهرد قلبو وراكم
يا عصابة آخر الليل

على قول صاحبى الوهم داك

إنشاء الله ما ينفعكم


أها شنو ليك ...

Quote: البرقُ غافلنى تراعد ماطراً فغسلت أدعيتي على كف العُجالةِ لما جاني الليل وفرهدت الغصون مرقـتْ تبشّـر إبتسام يا ... الله أمنحني الثبات

لماذا تحملنا وزر الاصغاء لهجين اسئلة الكلام ياداش ؟؟


يبقالي احسلك تجي

عمر أحمد

سعيد بك وأنت تعلم ذلك ..

سعيد بمرورك وإصغائك

فحمّلنى عناء السِفر ...

فمردّه يعنى بإنك كنت فى قلب الحدث



لك موتى

الحبيب عبدالله داش

Quote: وحلفتْ ليك ... بي الله لا ... بنْســاكِ لا ... ببقــاكِ يوم القاكِ أمنيةً ولا بقدر أتوب ما أصلو سويتك حُجا ونسـّـتَ بيك سهري العجيب صديت سهامِك ... من غرامِك جانى مسَّـك فى الوعى جاريت لحونِك لما دوزنتى النِـدا ناديت عليك ... يبقالَّى أحسلَّك تجــى وخلَّينى فى الغيب أحتمي بسُكر الحواس

أى تعليق من قبلى سيكون نشاذا
لهذا (العجين ) من الإبداع ،
سلمت .

مصدّق الفنان

انا فى غاية الإنشــراح

إذا خصّنى الورد شيئاً من الطل

فشكراً ..

فيد القلب تبسط راحتها للعناق

فأهلاً تفضّل إلى النبض والدفق

الهوداهوس .. داش
المتوَّج في إمبراطورية الهيدراهوداهو ..
وليد الأسئلة الهجين!
(مرقت من ضهر الغيب .. حننت ضهر الأصابع بالطمي .....
من ذا الذي يعترك المآثر كلها .. يثني على الفرح المسائي الخميل .... والباقي منك للوصول؟ ...؟
..
الأسئلة هي الحرب المعلنة على طلاسم الوجـود ..
الأجوبة هي النصف الآخر للحلم المفقـود ..
والحرب كما تعلم تمرين عقلي لاستدراج النفس إلى صلح مع القلق والصراع والخوف .. أليس هذا ما يقوله صديقك المشاغب سليم بركات في محاولته لإعادة الواقع لخياله وإتيانه في مظانه ومآتيه واحتماله ..؟؟
والشعر يا صديقي ..
الشعر غزال جميل في غابة متوحشة عقـور ..
..
(ثمْ المسافةَ جلّها
عبرتْ نخاشيش المسام
لأنها غيب الغياهب
سـرّ غايتها السكون ......)
إنه صراع الأزل ..
بل اليأس على عتبات الوصول .. هكذا يقولها بركات "سأرحل بعائلتي عن هذه الأرض .. سأفني في قلبي حنين المكان" ..
والحلم النصف يبحث عن النصف في رحلة البحث عن "التطابق النبيل" .. يقيناً في عالم النواقص أن الحلم الكامل مستحيل ..

صديقي داش .. أيها الهوداهوس "الهادئ كظل في زاوية" ..
مات الأمير ثيوني .. ترمَّلت انيكساميدا .. مات خانياس المهرِّج كالحشائش تحت صراع الأفيال .. وتاهت انستوميس العاشقة ترعى الإوز على ضفاف نهر سيتام ..
الأصل يا صديقي هو الرحيل على "هذه البيداء التي تمر عليها الحياة مر الظلال" ..
ولكن علينا أن لا نعيش المأساة ...
قالها طاغور منذ فجرٍ قـــديم ..
"الزهرة تذبل وتمــوت ... وعلى من يحمل الزهرة ألا يبكيها طويـــلا ..

تحياتي ..
والود على نواصيك معقــود ..
صلاح / شتات

Quote: الأسئلة هي الحرب المعلنة على طلاسم الوجـود ..

أي والله .. هو أن تظل على الأصابع رعشة
وعلى الشفاه المطبقات سؤال

أخاف أكثر ما أخاف من الأسئلة التي تفتح
الطريق إلى الهاوية

قالت أظنك قد نسيت؟ فقلت لا ..
ما كنت بالناس ولا المتناسي
لكن جرحا كلما ضمدته
غمر القنوط جوارحي وحواسي
لو انه في القلب كنت ضمدته
لكنه في القلب لا في الرأس

طلسموا الأشياء .. وموهو بالرؤى
فـ (أجمل ما في الهوى التضمين)

إن الشجاعة أن تموت من الظمأ
ليس البطولة أن تعب الماء

وأتقوا الأسئلة بالتغافل .. فشيخنا
محمد أحمد محجوب يقول:

قالت وقد أمعنت في تقبيلها
ماذا برك تنفع القبلات؟

فخطفت كالطير المغرد قبلة
ضحكت لرنة وقعها النونات

والنونات في اللغة حفر صغيرة
تعترى الخدود فتكسبها سحرا
والله يا داش وشتات إنتو عايزين
تدوشونا وتشتتونا فأوغلوا في جب
الأسئلة برفق

يا أيها الجميل

لم أك مطبقاً للصمت حين يهزني شدوك

فإني فى مضارب وجهتي ألقاك ومضاً أو بشارةَ من دلالات المطر

وحين يحتدّ النشيد تفكُ أحزمة الحصار

فذاك عهدك والتواريخ التى منها تعلِمنا مزارات الحروف

من هنا للسابلين على رصيف الأمكنه

غنوا هتافاً يرسُــم الكلمات فى حِــجر الصدى ليكون

أو ليكون رمزاً للإجابة من مضامين السؤال الآن .

فما من لجةٌ سكنتْ براح الخوف إلا هادنتها المعركه

وما من صيف إلا بعده يأتي الخريف

يا سيدى قاموس معرفتى يضيق

ولم أزل فى البدء من خطوي

وحاصرني الزمان ....

ياسيدى الناموس ارفق ...


ثم ماذا بعد ..!


صديقى وأستاذى

م عبد الجليل




ــــــــــــــــــــــــــــــــــــــــــــ
أنت تعلم ما مدى أهليتى فعلاً حين يغمرنى الشذىً



ً

إنها العاصفه

يا شتات



لم تمضى رحلتهم للصيد فى أودية الماء مثل إذ يشتهون ...

فهناك ممالك الهلام وعفاريت لم نسمع بها فى أحاجى الزمان من لعنة الســحِر والساحرات

تُهـلكهم قبل بدء النزال ..

فيا صاحبى لعنة الخوف من رؤية فى المنام تملأنى مثل بحر المحــيط

ففى شاطــئيه تعــج المراسى بما لم يكن فى الحســاب . والكائنات البديعات والموج والدرّ واللون

والحلم ُ ثم نداء الخفاء هلموا إلينا ولا تأمنوه ..

فأرقص من شدة الوجد لاكنها العافيه ...

عرفت سليم الذى يؤسس إلى كتابه تحتمل فضاءً لا يعترف بالحدود

يرسم خطوطه كما يخيطها فى خياله الفنتازّى البعيد

ففى موتى مبتدئون كانت البدايه

وتمرّحلت إلى كهوف هايدراهوس وثادريميس وأشياء أخــرى

تحدى فيها نفسه أولاً ثم رمانا بجذوة من لهيب

وسهام عشق من نِبال ..



يا صديقى العجيب


لماذا تدهشنى هكذا
فالســلام عليك