Post: #1
Title: ما هو موقف الاحزاب من غزوة انجمينا الكبرى ؟؟؟؟
Author: Zoal Wahid
Date: 02-04-2008, 03:54 PM
غالبية الشعب السوداني مغيب تماما ومضلل ايضا.
فما بال القيادات الحزبية لم تتفوه بكلمة حتى الان؟
الحركة الشعبية
الاتحادي بكل مسمياته
الامة بكل مسمياته
الشيوعي بكل مسمياته
الليبرالي
الشرق
الغرب
الشعبي
.
.
.
.
.
.
.
وعلماء الاسلام الذين يتحدثون عن وحدة المسلمين
واخرون
|
Post: #2
Title: Re: ما هو موقف الاحزاب من غزوة انجمينا الكبرى ؟؟؟؟
Author: Tragie Mustafa
Date: 02-04-2008, 04:12 PM
Parent: #1
والله بوست في الصميم يا زول واحد
فعلا لنسمع من الاحزاب
والتي تدعي معرفتها بالانقاذ ظاهرا وباطنا.
نود ان نسمع عن اهدار مواردنا
ونود ان نسمع عن رايهم في محاولة تغيير حكومة ادريس دبي بالقوة
واتمنى من اي من يكتب عن دكتاتوريته فاننا نملك ادلة تحجب عين الشمس
عن تعاملهم جميعا مع دكتاتوريات افريقيه .
فاحزاب التجمع التي ارتضت مصر منطلقا لها تعرف جيدا قمع مبارك لشعبه
و الذين ارتضوا ارتريا منطلقا لهم تعلم جيدا قمع اسياس لشعبه
وقبلهم الحركه الشعبيه تعرف جيدا قمع منقسو لشعبه وقمع موسفيني لشعبه
وقمع اراب موي لشعبه فاليحدثونا عن تورط هذه الحكومة وصرف اموالنا في
مغامرات غريبه تجاه دول شقيقيه.
ونعدهم اننا سنحلل كلماتهم جميعا ولابدين بصراحة لاي عنصريه
عربيه تبدو في خطاب البعض.
ادريس دبي دكتاتور فعلا
ولكنه دكتاتور اكثر ممن؟؟؟؟
من البشير مثلا؟؟؟
وهل فعلا صمت الاحزاب مقبول ؟؟
ام هو من باب الصمت عن كل ماهو افريقي؟؟؟؟
المدينين التشاد الذين قتلوا مسؤلية من؟؟؟؟
اطفال تشاد الذي سيكبرون بذكريات ان ابي مات
ايام الغزو السوداني لبلادنا مسؤلية من؟؟؟
ومسؤليتنا كمدنين في حماية اهلنا وكسياسين
ماذا اذا استباح دبي عاصمتنا الخرطوم؟؟؟
وقتها هل سنهب ونقول قتلونا التشادين؟؟؟
الم نتعدى عليهم في بلادهم؟؟؟؟
من من الاحزاب سيتجرأ وينكر ان عبد الرحيم احمد
حسين كان يدير المعارك من الجنينه؟؟؟
انسيتم انه عهد تسجيل مكالمات الموبيلات عالميا؟؟
انسيتم انه عهد اختراق اجهزة الردار؟؟؟
كله مكشوف للعالم
فهل ستدعي احزابنا انها لا تعلم وانها تصدق حكومة الخرطوم؟؟؟
ننتظر اراء حركة حق باقسامها المختلفه
الليبرالي
الشيوعي
الامه باقسامه
الاتحادي باقسامه
المؤتمر الوطني باقسامه
الحركه الشعبيه
الحزب القومي
حركات دارفور جميعها
حركات الشرق جميعها.
عشان نحن كشعب نعرف راسنا من رجلينا
ولا تسنوا انه عهد التوثيق
و المحاكمات لاحقا باي كلام غير مسؤل.
شكرا زول واحد.
|
Post: #6
Title: Re: ما هو موقف الاحزاب من غزوة انجمينا الكبرى ؟؟؟؟
Author: Zoal Wahid
Date: 02-05-2008, 05:41 AM
Parent: #2
Quote: لنسمع من الاحزاب
والتي تدعي معرفتها بالانقاذ ظاهرا وباطنا.
نود ان نسمع عن اهدار مواردنا |
| Quote: ونود ان نسمع عن رايهم في محاولة تغيير حكومة ادريس دبي بالقوة |
Quote: وهل فعلا صمت الاحزاب مقبول ؟؟
ام هو من باب الصمت عن كل ماهو افريقي؟؟؟؟ |
Quote: المدينين التشاد الذين قتلوا مسؤلية من؟؟؟؟
اطفال تشاد الذي سيكبرون بذكريات ان ابي مات
ايام الغزو السوداني لبلادنا مسؤلية من؟؟؟ |
اين الاحزاب من نخوة الشعب السوداني التي نفاخر بها؟ هل وصل
التطبيع الى هذه المرحلة فيعجز الكل عن قول بغم
بعد 5 ايام من الاقتتال؟
تحياتي و تشكراتي
|
Post: #3
Title: Re: ما هو موقف الاحزاب من غزوة انجمينا الكبرى ؟؟؟؟
Author: Tragie Mustafa
Date: 02-04-2008, 05:29 PM
Parent: #1
.
|
Post: #4
Title: Re: ما هو موقف الاحزاب من غزوة انجمينا الكبرى ؟؟؟؟
Author: Tragie Mustafa
Date: 02-05-2008, 04:16 AM
Parent: #1
لعناية الملتزمين حزبيا.
|
Post: #5
Title: Re: ما هو موقف الاحزاب من غزوة انجمينا الكبرى ؟؟؟؟
Author: AMNA MUKHTAR
Date: 02-05-2008, 04:23 AM
Parent: #1
صمت مريب فعلا يا أخ زول واحد ويا تارجى..!!!!
|
Post: #7
Title: Re: ما هو موقف الاحزاب من غزوة انجمينا الكبرى ؟؟؟؟
Author: Zoal Wahid
Date: 02-05-2008, 05:46 AM
Parent: #5
| Quote: صمت مريب فعلا يا أخ زول واحد ويا تارجى..!!!! |
الاخت امنة
انه الصمت في وقت الكلام.
تشكري على مرورك العطر
|
Post: #8
Title: Re: ما هو موقف الاحزاب من غزوة انجمينا الكبرى ؟؟؟؟
Author: Zoal Wahid
Date: 02-05-2008, 08:03 AM
Parent: #1
فوق
| Quote: لعناية الملتزمين حزبيا. |
|
Post: #9
Title: Re: ما هو موقف الاحزاب من غزوة انجمينا الكبرى ؟؟؟؟
Author: Zoal Wahid
Date: 02-06-2008, 06:22 AM
Parent: #8
مرة اخرى، فوق
| Quote: لعناية الملتزمين حزبيا. |
|
Post: #10
Title: Re: ما هو موقف الاحزاب من غزوة انجمينا الكبرى ؟؟؟؟
Author: Tragie Mustafa
Date: 02-06-2008, 06:57 AM
Parent: #1
يبود يا خال اننا سننتظر كثيرا
ولكن لنبقيه عاليا لاحراجهم.
|
Post: #11
Title: Re: ما هو موقف الاحزاب من غزوة انجمينا الكبرى ؟؟؟؟
Author: Zoal Wahid
Date: 02-06-2008, 07:09 AM
Parent: #10
Quote: يبود يا خال اننا سننتظر كثيرا
ولكن لنبقيه عاليا لاحراجهم.
|
هل كل الاحزاب يطعمها المؤتمر الوطني فتستحي؟
|
Post: #12
Title: Re: ما هو موقف الاحزاب من غزوة انجمينا الكبرى ؟؟؟؟
Author: Tragie Mustafa
Date: 02-07-2008, 03:50 AM
Parent: #1
فوق
|
Post: #13
Title: Re: ما هو موقف الاحزاب من غزوة انجمينا الكبرى ؟؟؟؟
Author: Abdel Aati
Date: 02-09-2008, 01:15 AM
Parent: #12
العزيز زول واحد والاختين تراجي وآمنة ..
فيما يخحتص بالحزب الليبرالي فقد اصدر بيانا مساء اول امس - الخميس 7-2-2008 - طرح فيه موقفه من الاحداث وقد ارسل البيان كالعادة للصحف ومواقع الانترنت؛ وفي الحقيقة يتأخر نشر كثير من بياناتنا لاسباب لا نعلمها ومرات لا تنشر اصلا وخصوصا من قبل الصحف في الخرطوم .
تأخر اصدار البيان رغبة في التنسيق ومعرفة التفاصيل والتحاور مع الزميل الممسك بملف دارفور في الحزب؛ اما بالنسبة لعدم نشر البيان هنا فهو مرتبط بتوزيع جديد للمهام في مكتب الاعلام التابع لامانة الاعلام في الحزب؛ نحو مزيدا من المؤسسية؛ وتكليف عناصر بعينها بانزال بيانات الحزب في الانترنت
عموما هذا هو البيان ورابطه من موقع الحزب:
Quote: موقف الحزب الليبرالي السوداني من الاحداث في تشاد
المواطنين والمواطنات:
تشهد الجارة تشاد نزاعا دمويا على السلطة، وجد أقصى انفجاره في الايام والاسابيع الاخيرة، وراح ضحيته مئات بل والاف الضحايا من المدنيين التشاديين والسودانيين، في خضم المعارك الجنونية بين نظام الرئيس دبي وقوات المعارضة المدعومة من نظام الخرطوم.
وقد اتضح تدخل النظام السوداني بما لا يدع مجالا للشك، في تلك الاحداث الماساوية في تشاد، سواء عبر التمويل او التسليح، او تجنيد عناصر سودانية وتشادية تقيم في السودان، للاشتراك في الحملة المجنونة – للمرة الثانية خلال اقل من عام – لاجتياح انجمينا وتغيير نظام الحكم فيها بالقوة، ولو كان الثمن موت الاف المواطنين المدنيين.
ان الحزب الليبرالي السوداني يدين بشدة تورط النظام السوداني في الاحداث في تشاد، ويعتبر انها تشكل عودة للمربع الاول الذي ظن الناس ان نظام الخرطوم قد تحرك منه، وهو مربع التدخل في الشؤون الداخلية للبلدان المجاورة، بدءا من محاولة اغتيال الرئيس حسني مبارك في اديس اببا، ودعم الحركات المعارضة الارترية والاثيوبية، ودعم جيش الرب للمقاومة في اوغندا، وغيرها من التدخلات الفظة في شؤون الجيران الآخرين.
كما يعتبر الحزب الليبرالي الصراع الجاري في تشاد شأناً داخلياً خاصا بالشعب التشادي الكريم، وينصح الاطراف المتصارعة هناك بحل ازمة الحكم عن طريق الحوار السلمي بين جميع الاطراف المعنية، باتجاه توسيع قاعدة الحكم وبناء المؤسسات الدستورية وتوفير حقوق المواطنين التشاديين في الحرية والديمقراطية والتنمية المتوازنة والمشاركة العادلة في السلطة.
ان هدف النظام في الخرطوم من التدخل في تشاد هو تعطيل دخول القوات الدولية لشرق تشاد ودارفور لحماية المدنيين هناك، ومحاولة لاضعاف الحركات المسلحة في دارفور عن طريق تنصيب نظام موال له في انجمينا، وهي للحق سياسة انتحارية وغير مسؤولة، توضح اصرار النظام على تحدي الشرعية الدولية ورغبته في تمديد معاناة المواطنين وخلق بؤر جديدة للتوتر، بدلا من حل النزاعات القائمة التي خلقها او عمل على تصعيدها.
ان حزبنا ينادي في المقام الاول بحماية المدنيين السودانيين في تشاد ودارفور، وكذلك المدنيين التشاديين، ويدعو لايقاف العمليات المسلحة فورا في تشاد، والبدء في حوار بلا شروط بين الاطراف المتصارعة هناك، تمهيدا للوصول لحل مرض بعيدا عن تدخلات النظام السوداني، كما يدعو المؤسسات الدولية للقيام بواجبها في ادانة تورط النظام السوداني في القضايا الداخلية للجارة تشاد وعمله المتواصل لعدم السماح بدخول القوات المكلفة بحماية المدنيين في دارفور وشرق تشاد، والمساعدة في حل الازمة السياسية هناك.
كما يؤكد حزبنا ايضا على ضرورة الا تربط المعارضة الدارفورية والسودانية نفسها باي محاور اجنبية حاكمة، اذا لم تكن تلتزم بالدستورية وتعتمد على الشرعية والقبول الشعبي والاعتراف الدولي، وذلك كي لا يصبح الصراع صراع انظمة، تضيع في طياته قضايا المواطنين الحقيقية.
مكتب الاعلام / الحزب الليبرالي السوداني
7/2/2008
|
http://liberalsudan.org/index.php?option=com_content&task=view&id=71
|
Post: #18
Title: Re: ما هو موقف الاحزاب من غزوة انجمينا الكبرى ؟؟؟؟
Author: Tragie Mustafa
Date: 02-09-2008, 03:25 PM
Parent: #14
الاخ عادل عبد العاطي وعضوية الحزب الليبرالي
هذا ما توقعناه منكم وما عودتمونا عليه
وهو الحرص على تحديد موقف من كل الاحداث
العظام التي تمر ببلادنا وشعبنا وليس التجاهل
و الصمت الذي يلجأ له البعض لمترير مواقفهم المايعه.
شكرا لكم.
|
Post: #15
Title: Re: ما هو موقف الاحزاب من غزوة انجمينا الكبرى ؟؟؟؟
Author: Zoal Wahid
Date: 02-09-2008, 02:28 PM
Parent: #1
الاخ عادل
رغم حداثة حزبكم فانني كنت اتوقع منه موقفا واضحا حيال عمل يسجله التاريخ
كاقبح اعمال الخيانة و سوء الجوار
لم تخيبوا ظني فيكم.
فالى الامام.
|
Post: #16
Title: Re: ما هو موقف الاحزاب من غزوة انجمينا الكبرى ؟؟؟؟
Author: Biraima M Adam
Date: 02-09-2008, 02:53 PM
Parent: #15
الأخ زول واحد
بالنسبة لى ..
أبصم بالعشرة .. والمرة الجاية سوف يتكون لواء من جيمع ألوية الجيش السودانى، ليدخل أنجمينا ضحى، ويرفع العلم السودانى فى العاصمة هناك ويشيل النشيد الوطنى، نحن جند الله جند الوطن .. كما فعلنا فى أريتريا .. ثم يسلم الجيش السودانى الحكومة لأصدقاءنا فى المعارضة التشادية.
يا أخوانا وجع الراس فى شنو؟ خلصونا !!
---------------------------------
أنا سودانى وطنى وبس ..
بريمة
|
Post: #17
Title: Re: ما هو موقف الاحزاب من غزوة انجمينا الكبرى ؟؟؟؟
Author: Tragie Mustafa
Date: 02-09-2008, 03:13 PM
Parent: #16
بريمه المنافق قول انت مؤتمر وطني ايها الكاذب قال سوداني وطني
اها فاتني ان ابلغك ايها المريض بكراهية بعضنا ان عربك الماهريه
رزيقات التشاد كانوا يقاتلون بشراسة الي جانب قوات الجيش التشادي!!
اها انت المفروض تنتحر مش نحن النخلصلك.
ولعلمك قوات حكومتك ما قدرت تعمل حاجة في ارتريا بلا فصاحة فارغة معاك.
كلما يكتب امثالك ..مثل هذا كلما ..توحد التشادين امام جبروتكم وتعديكم على الجيران :
Quote:
الأخ زول واحد
بالنسبة لى ..
أبصم بالعشرة .. والمرة الجاية سوف يتكون لواء من جيمع ألوية الجيش السودانى، ليدخل أنجمينا ضحى، ويرفع العلم السودانى فى العاصمة هناك ويشيل النشيد الوطنى، نحن جند الله جند الوطن .. كما فعلنا فى أريتريا .. ثم يسلم الجيش السودانى الحكومة لأصدقاءنا فى المعارضة التشادية.
يا أخوانا وجع الراس فى شنو؟ خلصونا !!
---------------------------------
أنا سودانى وطنى وبس ..
بريمة
|
|
Post: #19
Title: Re: ما هو موقف الاحزاب من غزوة انجمينا الكبرى ؟؟؟؟
Author: Biraima M Adam
Date: 02-09-2008, 03:27 PM
Parent: #17
ناطه ذى ضباناية الملاح .. جلوووك تقع تبوظ للناس الأكل ..
أنا أقترح أنتم الواقفين معى ديبى .. تقلبوا عدييل تعملوا جواز تشادى والسلام!
| Quote: اها فاتني ان ابلغك ايها المريض بكراهية بعضنا |
الخرمجة دى تعنى شنو؟
بريمة
|
Post: #20
Title: Re: ما هو موقف الاحزاب من غزوة انجمينا الكبرى ؟؟؟؟
Author: Tragie Mustafa
Date: 02-09-2008, 03:42 PM
Parent: #19
الخرمجه تعني مرضك بكراهية الزغاوة و الذي لا يخفى على احد:
Quote: ناطه ذى ضباناية الملاح .. جلوووك تقع تبوظ للناس الأكل ..
أنا أقترح أنتم الواقفين معى ديبى .. تقلبوا عدييل تعملوا جواز تشادى والسلام!
| Quote: اها فاتني ان ابلغك ايها المريض بكراهية بعضنا |
الخرمجة دى تعنى شنو؟
بريمة |
لما تعمل انت جوز سفر فلسطيني بنعمل نحن تشادي اوكي
بعدين امثلتك المتخلفه زيك دي لمها عليك.
|
Post: #21
Title: Re: ما هو موقف الاحزاب من غزوة انجمينا الكبرى ؟؟؟؟
Author: Biraima M Adam
Date: 02-09-2008, 03:53 PM
Parent: #20
تراجى
| Quote: بعدين امثلتك المتخلفه زيك دي لمها عليك. |
هو فى متخلف أكثر منك، معقوله يا تراجى تقولى الحركات تحارب جنباً إلى جنب مع قوات إدريس ديبى!!
مثل هذه التهمة أنكرها د. جون قرنق طوال حياته وبسبب رفض القائد كاربينو كوانين الأنصياع للحرب مع الجيش الأثيوبى تم سجنه وتعذيبه من 1987-1992م.
شفتى لماذا أحترم القائد كاربينو كوانين، ولماذا أنتم مرتزقة ساكت!
لقد هوت بكم الريح من مكان سحيق ... دووووووووول.
أين أنا ذكرت الزغاوة .. أم وهم دولة الزغاوة الكبرى؟
بريمة
|
Post: #22
Title: Re: ما هو موقف الاحزاب من غزوة انجمينا الكبرى ؟؟؟؟
Author: أبو الحسين
Date: 02-09-2008, 03:54 PM
Parent: #1
"تراجي + بريمة" = الحي الله والدايم الله بوستك راح في حق الله يا زول واحد
|
Post: #23
Title: Re: ما هو موقف الاحزاب من غزوة انجمينا الكبرى ؟؟؟؟
Author: Zoal Wahid
Date: 02-09-2008, 04:18 PM
Parent: #1
الاخ بريمة
في حاجة اسمها اخلاقيات ومباديء .
العالم الحديث تعارف على علاقات دولية لانهاء روح الغابة المعشش في عقول
البعض.
الاسلام ( من اسمك يبدو انك مسلم) كدين يرفض التعدي على الغير دون وجه حق.
الاسلام يوصي على الجار فمصر جارة و ارتريا جارة ويوغندا جارة وتشاد كذلك.
الرسول صلى الله عليه وسلم قال( لا يدخل الجنة من لا يامن جاره بوائقه)
فاختر لنفسك معصية الرسول او طاعته.
من ناحية اخلاقية البعض قد لا يرتضى ان يتقدم جيش دولة مجاورة لدك سلطان بلاده وهذا البعض
قد يرضى ان يدوس جيش بلاده الاخرين ... ان يفسد جيشه في الارض مقبول لديه
اما اذا انقلبت الاية فهو الوطني الغيور ...
(حب لاخيك ما تحب لنفسك) من وصايا الدين ان كانت تهمك في شيء.
| Quote: أبصم بالعشرة .. والمرة الجاية سوف يتكون لواء من جيمع ألوية الجيش السودانى، ليدخل أنجمينا ضحى، |
جماعتك ينكرون وانت تبشر تشاد بغزوة ثالثة .. اعط جماعتك ديل شوية
من شجاعتك دي.
البكا قطع قلوبهم.
| Quote: ثم يسلم الجيش السودانى الحكومة لأصدقاءنا فى المعارضة التشادية. |
ماذا اذا انقلب الحال وسلطهم الله عليكم؟ الا تفكر في مقدار الجرسة و الدمع
الذي ستذرفونه؟؟؟
هل امنتم مكر الله وانتم تمكرون بالاخرين.
| Quote: أنا أقترح أنتم الواقفين معى ديبى .. تقلبوا عدييل تعملوا جواز تشادى والسلام! |
هناك مساع لاقامة الولايات المتحدة الافريقية ويومها سيصبح الجواز لا قيمة له داخل افريقيا،
فبالبطاقة يمكنك ان تسافر الى كل الدول الافريقية اللهم الا اذا كنت تستحي
ان تقول انك افريقي.
ازيدك سطرا،
نحن مع حق دولة تشاد الا يعتدي عليها احد، ودبي يمثل السلطة القائمة فان مات او قتل ظلت تشاد لابنائها.
| Quote: يا أخوانا وجع الراس فى شنو؟ خلصونا !! |
لم توجه لك دعوة للدخول هنا.
انت جيت برجل كلب ( اسال اهل دارفور ليشرحوا لك معناها).
احنا بتكلم عن مواقف احزاب.... انت حزب؟
|
Post: #24
Title: Re: ما هو موقف الاحزاب من غزوة انجمينا الكبرى ؟؟؟؟
Author: Biraima M Adam
Date: 02-09-2008, 04:32 PM
Parent: #23
زول واحد
خلاص اليوم بقيت واعظ! من زمان الوعظ دا كان وين؟ هل هناك وجه حق أن تشترك حركات دارفور فى حروب إلى جانب دولة جاره ضد أبناء شعبها .. أنتم فتحتكم الباب واسع وعلى مصراعيه لأن تقحم الحكومة السودانية الحركات التشادية فى حربكم .. والبادئ أظلم!
الأخ الأستاذ محمد نور كتب أبلغ تعبير حينما قال: هل حركات دارفور بجانب جيش إدريس ديبى لكى تمسح أحزيتهم أم يطبخوا لهم!
لقد جنت فلانه على نفسها ..
Quote: احنا بتكلم عن مواقف احزاب.... انت حزب؟
|
نعم .. وفواضنى عشان أريك كيف ! أن الأحزاب السودانية كلها تدور حول أفراد.
وأنا كفرد .. إذن أنا حزب .. منطق
تباً لمرتزقة الحركات فى تشاد.
بريمة
|
Post: #25
Title: Re: ما هو موقف الاحزاب من غزوة انجمينا الكبرى ؟؟؟؟
Author: Biraima M Adam
Date: 02-09-2008, 04:39 PM
Parent: #24
أبوالحسين
| Quote: "تراجي + بريمة" = الحي الله والدايم الله بوستك راح في حق الله يا زول واحد |
المثل بقول: المن جبلك بعرف رطينك ..
الجماعة أنا عارف رطانتهم تب .. أنتظر، صحبك عايز دعم معنوى!! ومن أول مضب قلب واعظ .. ما قلتم نوبة.
بريمة
|
Post: #26
Title: Re: ما هو موقف الاحزاب من غزوة انجمينا الكبرى ؟؟؟؟
Author: Zoal Wahid
Date: 02-09-2008, 05:13 PM
Parent: #24
الاخ بريمة
| Quote: خلاص اليوم بقيت واعظ! من زمان الوعظ دا كان وين؟ |
يعني كلامي ما عجبك؟ احسن من كلام الله ورسوله مافي
Quote: هل هناك وجه حق أن تشترك حركات دارفور فى حروب إلى جانب دولة جاره ضد أبناء شعبها
.. أنتم فتحتكم الباب واسع وعلى مصراعيه لأن
تقحم الحكومة السودانية الحركات التشادية فى حربكم .. والبادئ أظلم |
هل اشتركت حركات دارفور الى جانب تشاد بعد غزو ولا اشتركوا في حرب طواحين هواء.
الغزو سابق ... يشرحوها كيف دي. يعني لو ما في غزو
ناس الحركات حيشاركوا في شنو؟
طيب لماذا الغزو من اساسه و الدول بينها مواثيق
(نجيب اية و حديث عن نقض المواثيق والخيانة ولا الكلام ما حيعجبك).
كدارفوري اعرف ان اول رئيس دولة زار البشير ووقف معاه ضد الحركات
المسلحة هو ادريس دبي. كما منع الكثير من ابناء دارفور من العبور عبر اراضي تشاد.
يضاف الى ذلك ان اجتماعات الصلح الاولى كلها تمت في ابشي و انجمينا
ولكن الحركات المسلحة باجمعها رفضت وساطة تشاد لانها كانت تقف مع
الخرطوم بل ذكر بعض الاخوان ان المخابرات التشادية كانت تتجسس حتى على مكالمتهم
واحاديثهم في الغرف لنقلها للخرطوم مما دفع بالمفاوضات الى خارج تشاد.
مرة من المرات رفض دبي لخليل ابراهيم ان ينزل من الطائرة التي هبطت
في انجمينا و ارغمه على الرجوع بنفس الطائرة.
اسأل ناسك لماذا خسروا نظاما كان معهم وضد اهل دارفور؟
من نحن؟
Quote: نعم .. وفواضنى عشان أريك كيف ! أن الأحزاب السودانية كلها تدور حول أفراد.
وأنا كفرد .. إذن أنا حزب .. منطق |
من هم الذين يدورون حولك يا فرد؟
وصفك كحزب "ناقص" حتى نجد التوابع و المريدين و ماسحي الجوخ.
|
Post: #27
Title: Re: ما هو موقف الاحزاب من غزوة انجمينا الكبرى ؟؟؟؟
Author: Biraima M Adam
Date: 02-09-2008, 05:26 PM
Parent: #26
الأخ زول واحد
| Quote: يعني كلامي ما عجبك؟ احسن من كلام الله ورسوله مافي |
قالوا الكلام لو غلبك أشبك فى الله الرسول! .. أنا كلام الله ما مابيه لكن هل بكلام الله تبرر لماذا أنتم مرتزقة؟
Quote: هل اشتركت حركات دارفور الى جانب تشاد بعد غزو ولا اشتركوا في حرب طواحين هواء.
الغزو سابق ... يشرحوها كيف دي. يعني لو ما في غزو
ناس الحركات حيشاركوا في شنو؟
طيب لماذا الغزو من اساسه و الدول بينها مواثيق
|
هل إذا خرقت حكومة الخرطوم كل المواثيق الدولية هل أنتم برضو يجب أن تخرقوا المواثيق! دا منطق الحركات المسلحة ولا شنو؟
ياأخى أنتم أحللتم دمكم للمعارضة التشادية .. ومن هنا الحشاش يملئ شبكتو .. أنتهيتوا مرتزقة ساكت!
أنتم اليوم هدف إستراتيجى للمعارضة التشادية .. وحكومة الخرطوم الأن نقلت الصراع من صراع أبناء دارفور فقط .. لإدخال المعارضة التشادية فى صفها بسبب سوء تقديركم ..
إدريس ديبى هو ربيب الأنقاذ .. لكن تحت الحمية القبلية تراجع وناصر عشيرته ..
أطلعوا يا مرتزقة دارفور من تشاد الشقيق .. كفى تطاول على أبناء الشعب التشادى.
بريمة
|
Post: #28
Title: Re: ما هو موقف الاحزاب من غزوة انجمينا الكبرى ؟؟؟؟
Author: Zoal Wahid
Date: 02-09-2008, 07:15 PM
Parent: #1
| Quote: الحي الله والدايم الله بوستك راح في حق الله يا زول واحد |
الاخ ابو الحسين
اول مرة في حياتي اتناقش مع بريمة
ويبدو اننى احاول التقاط اوراق مبعثرة في يوم عاصف
الراجل دا منو السلطو على البوست حقي ؟؟؟؟
الله يخلف لي ببوست ابرك من كدا
تشكر و تحياتي
|
Post: #29
Title: Re: ما هو موقف الاحزاب من غزوة انجمينا الكبرى ؟؟؟؟
Author: Tragie Mustafa
Date: 02-10-2008, 06:35 AM
Parent: #28
يا بريمه يا مطقطق
خالنا زول واحد ده عارفه من وين؟؟؟
هو من عرب دارفور المستنيرين لذا نعتز به جدا.
ومستنيرين لا تعني يسارين باي حال من الاحوال.
شوف الزول ده واقف وين وانت واقف وين؟؟؟؟
ومعين روحك ناطق رسمي باسم عرب دارفور!!
يازول خت الرحمن في قلبك وركز معانا.
يا بريمه تعلم من الاستاذ زول واحد
فهو مدرسة.
|
Post: #30
Title: Re: ما هو موقف الاحزاب من غزوة انجمينا الكبرى ؟؟؟؟
Author: Tragie Mustafa
Date: 02-10-2008, 08:32 PM
Parent: #29
فوق للاهميه.
|
Post: #31
Title: Re: ما هو موقف الاحزاب من غزوة انجمينا الكبرى ؟؟؟؟
Author: Tragie Mustafa
Date: 02-10-2008, 08:35 PM
Parent: #30
العزيز زول واحد وهذه ثاني ادانة اقرأها لحركة دارفوريه
لكن للاسف لم اجد نسخة بيان حركة العدل و المساواة:
Quote:
حركة / جيش تحرير السودان قيادة الوحدة تدين بشدة إستباحة الحكومة السودانية للأراضي التشادية و تطالب المجتمع الدولي بفتح تحقيق دولي عاجل و الإسراع في نشر القوات الدولية في إقليم دارفور بتزامن مع قوات اليونوفور.
ظلت حركة / جيش تحرير السودان – قيادة الوحدة الفصيل العسكري و الأساس و الأبرز في دارفور تراقب و ترصد تطورات الأحداث الجارية في جمهورية تشاد لحظة بلحظة عبر قياداتها العسكرية و السياسية المتواجدة على مساحات شاسعة في إقليم دارفور و على الحدود السودانية/ التشادية و ذلك لما للمنطقة من تتاخم جغرافي و تتأثر الأحداث مع بعضها بشكل كبير .... و عليه تعلن الحركة الأتي :-
1/ الحركة تعتبر ما حصل في دولة تشاد المجاورة هو تدخلا سودانيا سافرا ضد دول الجوار الإقليمي كما هو إنتهاكا واضحا للقانون الدولي و موقفا عدائيا من طرف الحكومة السودانية تجاه الشعب التشادي و حكومته، و الحركة تؤكد حرصها علي سلامة و سيادة كل الدول المجاورة بما في ذلك جمهورية تشاد.
2/ الحركة لها أدلة قاطعة و دامغة لتورط الحكومة السودانية في إحداث إنقلاب وحشي في تشاد و بالتالي تطالب مجلس الأمن الدولي بفتح تحقيق دولي عاجل ، و الحركة مستعدة لتقديم الأدلة و الوثائق التي بحوزتها و سوف تقوم بتسليمها للقيادة التشادية عما قريب.
3/ الحركة تؤكد أن جيشها في كل أرجاء الإقليم وضع في حالة التأهب القصوي تحسبا لأي عدوان يستهدف مواقعها المحررة من أي طرف .
4/ الحركة تناشد المجتمع الدولي بالإسراع في نشر القوات الدولية في الإقليم بتزامن مع نشر قوات اليونوفور في شرق تشاد لحماية اللاجئين و النازحين .
محجوب حسين
عضو هيئة القيادة العليا للحركة
الناطق الرسمي
حرر في لندن ، الموةافق10/02/2008
|
شكرا يا اخونا محجوب حسين.
|
Post: #32
Title: Re: ما هو موقف الاحزاب من غزوة انجمينا الكبرى ؟؟؟؟
Author: Tragie Mustafa
Date: 02-23-2008, 04:50 AM
Parent: #31
فوق لحين عودة.
|
|