Post: #1
Title: بخاف..... فيرجينيا 2008
Author: Tagelsir Elmelik
Date: 02-03-2008, 03:54 PM
Parent: #0
|
Post: #2
Title: Re: بخاف..... فيرجينيا 2008
Author: انعام عبد الحفيظ
Date: 02-03-2008, 04:04 PM
Parent: #1
....
في الإنتظار 
|
Post: #3
Title: Re: بخاف..... فيرجينيا 2008
Author: أحمد الشايقي
Date: 02-03-2008, 04:26 PM
Parent: #1
بخــأف ...
أسأل علييييييك الناس
وســر الريـدة بيييييييينــا يـذيــع ....
التحية لعركي وعشـأقــه ,
أحمــد
|
Post: #4
Title: Re: بخاف..... فيرجينيا 2008
Author: Tagelsir Elmelik
Date: 02-03-2008, 07:34 PM
Parent: #3
عن حبيبتى..انا..بحكى ليكم..
تحية لأنعام عبد الحفيظ
الشايقى..
وجميع اصدقاء عركى.
|
Post: #5
Title: Re: بخاف..... فيرجينيا 2008
Author: Tagelsir Elmelik
Date: 02-03-2008, 09:41 PM
Parent: #4
|
Post: #6
Title: Re: بخاف..... فيرجينيا 2008
Author: Mubarak kunna
Date: 02-03-2008, 09:54 PM
Parent: #5
والله كانت ابــــــــــــــداع
و حضور راقى
و فى انتطاركم بفيلادلفيـــــا
ياقلـــــب
مبارك كنه
فيلى
|
Post: #8
Title: Re: بخاف..... فيرجينيا 2008
Author: Gazaloat
Date: 02-03-2008, 09:58 PM
Parent: #6
|
Post: #69
Title: Re: بخاف..... فيرجينيا 2008
Author: Osman Musa
Date: 02-22-2008, 01:35 AM
Parent: #3
عركى يا عركى
يا سلام
|
Post: #7
Title: Re: بخاف..... فيرجينيا 2008
Author: Tagelsir Elmelik
Date: 02-03-2008, 09:58 PM
Parent: #1
The band
|
Post: #9
Title: Re: بخاف..... فيرجينيا 2008
Author: محمد سنى دفع الله
Date: 02-03-2008, 10:04 PM
Parent: #7
بخاف
لكم المحبة والمودة
تمتعوا فان النعمة لاتدوم
شوفت الحقد عليكم كيف ؟
قول للعازفين ديل اعزفزا كويس
وزبطو العنا خلوه احلق للسماء
مودتي
|
Post: #10
Title: Re: بخاف..... فيرجينيا 2008
Author: Osman Musa
Date: 02-03-2008, 11:59 PM
Parent: #9
بخاف
5 ساعات من التحليق
.. يا
5 ساعات
والعركى الهادر بالغناء
والمترع بالموسيقى يحلق
..
الشكر لكل من ساهم فى
أن تكون تلك الفرحه .
|
Post: #11
Title: Re: بخاف..... فيرجينيا 2008
Author: Dania Elmaki
Date: 02-04-2008, 05:07 AM
Parent: #1
روعه روعه,. يا ملك وين باقي الصور و وين الكليبات؟
|
Post: #12
Title: Re: بخاف..... فيرجينيا 2008
Author: Mubarak kunna
Date: 02-04-2008, 05:16 AM
Parent: #11
تاج السر
والله كانت ابدااااع
جيناكم تجونا
مبارك كنه
فيلى
|
Post: #13
Title: Re: بخاف..... فيرجينيا 2008
Author: Gazaloat
Date: 02-04-2008, 08:21 AM
Parent: #12
إفتتنا بأبى عركى، ولم نكن بعد الا فيما يمكن ادراجه فى قوافل الطفولة. هذا رغما عن ان ناس ابى ساندرا، وبقية عصابة الاربعة، ظلوا – ولايزالون - ينفون عنى تهمة اننى كنت طفلا فى ذات يوم!!
بحكم نشأتى الاولى فى جوار آل ابى العلاء فى امدرمان، فقد قادتنى قدماى الى دروب ( احمد المصطفى ) رغما عن ان اقرانى وقعوا تباعا فى هوى ( عثمان حسين )!! وكانت اغنيات مثل " يارائع" و "بنت النيل" و" الزاهى فى خدرو" وغيرها تشكل غباشة معارفنا الغرامية!! ولم نكن مستعدين - جسمانيا على الاقل - لتحمل مشاقها!!
معارفنا كانت ضبابية، وتجاربنا كانت هلامية، ولم تكن ذاكرتنا - وقتها - تختزن غير تفسيرات اقرب الى ( سوق العناقريب ) منها الى ( سوق الموية ) حيث قهوتها، التى تلم كافة قبائل الشعراء، وتردها قوافل المغنيين - فيما سمعنا - فجاءت عبارات مثل ( يتعبنى تعب شديد لو حلحله ) وهو يعنى ضفائرها السادلة ليترجمها عقلى الطفلى ب ( لوح الحلاة) وكانت الواح الحلوى فى ميدان المولد بالفعل تتعبنى تعبا شديدا!!
وكثيرا ما كانت تلكم العبارات الغامضة تغلفنى بمفاهيم اكثر غموضا ويسعى عقلى وراءها تفسيرا وتخريجا فى اغلب الاحوال هو اقرب الى تخريجات عمنا الصرماتى فى سوق الموردة حين نادى بائع الثلج ( يابائع الجليد!! )!!
وكنت التفت تلقائيا الى العبارات الفالتة عن السياق، وتسبينى - لسبب لا اعلمه حتى اليوم - جماليات الجملة المنتصبة كالمارد وحدها خارج اطار المألوف. ولهذا السبب بالذات تم التحول الاول فى حياتى الى عثمان الشفيع وود القرشى .........وجاءت ضربة بدايتهم مع ( الحالم سبانا)
بالله شوفو جمال هذه الجملة المكتملة النمو الوجدانى والمختزنة لكل تاريخ البُكاءات العاطفية!!
الحالم سبانا..... اورروروروروروووووك
وقد بدأ عقلى المراهق يتشكل قليلا قليلا وانا فى المدرسة الوسطى لاتقابل وجها لوجه مع ( الملامة و... لحن الحياة منَّك )و.... فيم الملامة.. وكلى هياما.. ويامن تعامى... سلاما سلاما
اللهم لا اعتراض على حكمك يارب
وبدأت اعى معانٍ دخيلة على مألوفات قاموسى. وصرت كلما دفق الليل بعضا من صوت الشفيع يشدو ب " البان جديد" و"اربابة الاربعة" و"يا اله فنى" و" القطار المرَّّ " و....غيرها.. وغيرها افزع من مرقدى واسعى بين بانت والموردة وحتى حى العمدة ... وكنت آخر الليل آكل علقة ساخنة من ابى فأنا لست وقتها الا ابن كم طاشر سنة!!
وقد ظبطتنى امى مرة وانا اكتب الشعر فى بنات الاشلاق!!! ولم يتبق لها الا ان تهيل الرماد على رأسها!! وقد خشيت على من مصير خالها (الامين برهان) والذى فى عرفها عاش صائعا ومات فقيرا!! وكان حوشنا الكبير المسمى ب (بيت السوق) لايخلو كما قيل لنا من حضور بهى ل (كرومة) و (سرور) و (العبادى) وكل اؤلائك الصُيـَّع الجميلين قدس الله سرهم اجمعين.
كنت مريضا ولعلها الملاريا - لا أذكر – وتغيبت يومها عن المدرسة الاميرية الوسطى فى امدرمان ورقدت فى ديوان بيت الاشلاق فى بانت وكان المذياع يهذى كعادته فى تلكم الساعات من النهار وكنت اصغى اليه بربع اذن لتتقدم بقية مسامعى لتدعم جيوش الخيال فى سماوات الهوى الواقع انا فيه وتخطر فى مخيلتى (مريم بنت الجيران) ذات الثلاثة عشر ربيعا ( اين هى الآن!!؟؟؟) وايقظنى فجأة صوت وقع حافر غناءه على حافر خيالى بشكل غريب!!! شدوه ليس كالشدو الذى نعرف ومخارج صوته ليست كمخارج اصوات المغنيين وكان غناؤه اقرب الى الترتيل منه الى الغناء ( وللترتيل فى حياتى اثر ربما احكيه يوما قبل ان اموت) ووجدتنى وانا بين عرق الحُّمى من جهات الملاريا، وعرق الحِمَى من قبائل المـَغـْنـَى.. فى ذلك النهار اردد معه ( بكرة بهديك دبلة الحب والخطوبة...)
ياولد!!!
وخرجت بفتوى جواز الجمع بين الفنانين!!!! وللتو وضعت عركى فى مقعد المفضلين بجوار الشفيع رضى الله عنه.
سألنى محمد المرتجى ابو عركى البخيت ونحن نتهاتف فى اليوم التالى لحفلة فرجينيا
- يابابا انت كنت فرحان كدة ليه امبارح فى الحفلة؟!
قلت له وعبارتى يلفها غموض مثل غموض صوت والده المغنى:
- عشان اتذكرت مريم بنت الجيران!!
لعل محمدا قد فهم الآن ..... وبين ( بوعدك ياذاتى ) و ( بستنشقك ) مرت مياه كثيرة تحت جسرى... و..آه ه ه ه .. سهرنا الليل وكملنا.
منعم الجزولى
تم التعديل مراعاةً لفروق الوقت!!
|
Post: #14
Title: Re: بخاف..... فيرجينيا 2008
Author: sama7
Date: 02-04-2008, 10:48 AM
Parent: #1
سمعنا قالوا حكاية رهيبة وولده كسر الجكس كله هناك ما يسحروه
يا تاج الصور خرافية
تسلم والتحية للملك ابو عركى
مودتى
سماح
|
Post: #15
Title: Re: بخاف..... فيرجينيا 2008
Author: Gazaloat
Date: 02-04-2008, 03:49 PM
Parent: #14
|
Post: #16
Title: Re: بخاف..... فيرجينيا 2008
Author: محمد أحمد محمود
Date: 02-04-2008, 04:24 PM
Parent: #15
سلام للجميع
في الصوره الاولى
يسألني الله هممت ان امد طرف كمي لامسح عرق الجباه الشم ياعركي ، كما لمن كنت بسمع في مسرح الجامعه الاهليه ساوا ليكم بأدينا شاي... اتشابى (خفيف ولفيف من يومي)
صور بديعه ونضم جميل ماقصرتو يديكم العافيه يا اهل الفن
|
Post: #17
Title: Re: بخاف..... فيرجينيا 2008
Author: Tagelsir Elmelik
Date: 02-04-2008, 09:26 PM
Parent: #16
الأعزاء ...دون ترتيب مقصود
دانيا المكى...ازدهت بك الصالة
سماح...خرافى الوجع السببو عركى
مبارك كنه..نحييكم و حنجيكم فى فيلى.
الثنى دفع الله..حسادتك دوافعها معلومة.
عثمان موسى...اشرق بك الحفل
محمد احمد محمود...لساك لفيف..و شكرا لك على الحضور الروحى فهو صنو الحضور المادى...و ابلغ.
|
Post: #18
Title: Re: بخاف..... فيرجينيا 2008
Author: Osman Musa
Date: 02-04-2008, 09:29 PM
Parent: #16
بخاف .. فرجينيا 2008
يا
صور الجماعه الفنانين والشعراء ديل
بتحكى ليكم عن الحفل
الله
يا سلام على الجمهور الباهر .
لقاء جميل .
نجاح كبير .
وموسيقى صاموتى
تخرم كلوسترول الوجع الذى تكون
من قرم الناس للوطن .
صوت العركى يطلع وينزل
غناء متل اللبن .
وهاك يا سمع
وهاك يا سفر
يا سلام على الفن لمان يطلع
من فنان انسان طيب .
التحيه للفنان الكبير عركى
و التحيه لكل من ساهم فى تنظيم الحفل
..
وفعلا يا محمد عمك عبدالمنعم الجزولى
كان طاير من الفرح .
اتمنا أن يكتب لنا الشاعر عبدالمنعم الجزولى
عن حجم الفرحه التى كانت فى تلك الليله الفرجينيه
التى سال فيها العرق والجليد على بعد امتار
..
|
Post: #19
Title: Re: بخاف..... فيرجينيا 2008
Author: Tagelsir Elmelik
Date: 02-04-2008, 11:22 PM
Parent: #18
|
Post: #20
Title: Re: بخاف..... فيرجينيا 2008
Author: خضر الطيب
Date: 02-05-2008, 01:42 AM
Parent: #1
الفنان المبدع
تاج الملك
لكم التحية
باخراجك الرائع لهذه الصور اجلستني في المقاعد الامامية لهذا الحفل البهيج
احسستها تتحرك وجآءني صوت عركي هذا المشتعل ثورة وحماسا طوقني من كل الجهات
فلك ولعركي ولكل القائمين على هذا الحفل عاطر مودتي
|
Post: #22
Title: Re: بخاف..... فيرجينيا 2008
Author: Tagelsir Elmelik
Date: 02-05-2008, 03:44 AM
Parent: #20
و هذه لك يا خضر..
|
Post: #23
Title: Re: بخاف..... فيرجينيا 2008
Author: نادر السوداني
Date: 02-05-2008, 04:33 AM
يا تاج السر حرام عليكم مش كفاية صاحبك عزب إضنينة وحنانة بالغنا إنت كمان جاي تعزب عينينة
الرحمة حلوة وقول للخردة صحبك بتاع الورد يرجع ساعتي الراهنة مع بياعة الورد القاعدة قدام مدخل الصالة .... ها ها ها
|
Post: #21
Title: Re: بخاف..... فيرجينيا 2008
Author: دبس
Date: 02-05-2008, 03:16 AM
Parent: #1
تاج الملك
سلامات
ما اذهي الحفله وجملها وجودك و المصوراتيه بتاعتك
ومزيدآ من الوصف
هاشم دبذ
|
Post: #24
Title: Re: بخاف..... فيرجينيا 2008
Author: Tagelsir Elmelik
Date: 02-05-2008, 04:37 AM
Parent: #21
البودى قارد الخاص بعركى....العملاق الفى النص هو هاشم دبز الشهير..
جابت ليها رطانة!!!
|
Post: #26
Title: Re: بخاف..... فيرجينيا 2008
Author: بكرى ابوبكر
Date: 02-05-2008, 05:07 AM
Parent: #24
ود حلتنا المبدع تاج السر شكرا للابداع والجمال
لكن يا تاج السر دبس ما بقى ود ناس و يشبه ممثلين السينما ما شاء الله ...... لكن هو اسمه بتكتب كيف دبس ولا دبذ و لا دبز
كداب ما بتعرف تلعب كورة تلقاك عاملها كلها خرخرة
|
Post: #25
Title: Re: بخاف..... فيرجينيا 2008
Author: Ashraf el-Halabi
Date: 02-05-2008, 04:55 AM
Parent: #1
جهجهتو حنانا!
نركز مع كاميرا الملك ولا ذاكرة جزالوت!!
تحية لتاج السر وضيوفه
وتحيات لوسيم القلب والقالب عركي
|
Post: #28
Title: Re: بخاف..... فيرجينيا 2008
Author: Gazaloat
Date: 02-05-2008, 11:27 AM
Parent: #25
كان الصراع داخل حلقة الجيل السابق لنا، محسوما بالفرز شبه الطبقى.
اولاد المدارس والافندية، وجهوا قناعاتهم العاطفية مع تجليات عثمان حسين. وناس السوق تراصوا خلف احمد المصفى. وراح كل يغنى على ليلاه. وكان الكاشف بالطبع يخيم على الجميع.
فى اول السبعينات انقسم اولااد جيلى الى قسمين آخرين.
نصفٌ بارى زيدان، و الآخر انحاز الى عركى. وكنت ولا ازال ارى ان المنتفشين عاطفيا والخائضين فى بحار الغرام جهارا ولايخشون فيه لومة لائم، غالبهم تابع زيدان. اما ناس " الريدة الدقاقة" والكاتمين الحب بالمعروف...ناس نحنا.. فلقد لجأنا الى عركى يعصمنا من مياه الهوى والتى وصلت مناسيبها الى تخوم افئدتنا الصغيرة.
اكفينا شر البوح..ياسيدنا نوح.....
هم كانوا ناس ( وسط الزهور متصور.. وجهو الصبوح ومنور...) عديل كدة!!!!
اما نحن فكنا ناس ( مرسال الشوق ...يالكلك زوق...)
استغفرتك يامالك روحى!!!
وكان قد شاع بين الناس جواز الجمع بين اكثر من فنان فى سلال الاعجاب. وفى تلكم الايام لمعت نجوم فى سماء الغناء، بعضهم تقدم من الصفوف الخلفية بعد ان تزود ببعض العلم الذى كان يبذله معهد الموسيقى والمسرح والفنون الشعبية ( هكذا كان اسمه!!) مثل ناس "محمد ميرغنى" و"خليل اسمعيل". وبعضٌ نبل هكذا فجأة مثل الشهاب فى سماوات الخرطوم...خاصة المدرسين الذين انتدبتهم وزارة التربية لتلقى العلم فيه... ناس "عبد القادر سالم" ..
كنت تلميذا فى مدرسة محمد حسين الثانوية. وكنا بصدد انشاء جمعية النهضة الادبية ( والتى كان لها شأن فى توجيهنا ادبيا وسياسيا ) وقد كان لى موقع تنظيمى فيها قادنى الى حضور اجتماع فى منزل احد الاصدقاء بحى الهاشماب ذات يوم. ووقفت اطرق الباب متوجسا.
وفتح الباب عركى!!
شوف. فى مسائل الحب هذه، انا رقم فردى لا أقبل القسمة على اثنين الا بالكسور والبواقى!! لهذا كان وقع المفاجأة على كفيلا ( لولا لطف الله ) لاذاعة اسمى فى نشرة الساعة ثمانية مع تحديد موعد الدفن ومكان العزاء!! وقد اصابنى شلل من هول المفاجأة عقد لسانى فصرت واقفا.. مذهولا.. مخبولا..مسطولا.. سمها كما تشاء. فها أنذا ولاول مرة اقف وجها لوجه امام الرجل بشحمه ولحمه!!
تلك المصادفة غيرت كثيرا جدا فى مسار حياتى فيما بعد. وقد جلسنا حول اكواب الشاى نتحادث، فذكرت له جانبا من النشاط الذى كنا موغلين فيه، وحدثته عن مسرحية "مسافر ليل" للشاعر المصرى "صلاح عبد الصبور" والتى كنا قد قدمناها على خشبة مسرح المدرسة،(مأمون الرشيد نايل ويحى عثمان عيسى وشخصى) فوجهنى بالذهاب لمقابلة المخرج "محمود يس" لاداء امتحان التمثيل الذى تجريه الاذاعة دوريا بغرض اجازة ممثلين جدد. ومن يومها وانا عالق فى شباك هذا الشئ المسمى بالفن!! ولا ازال متعلقا بأستار عركى ....لأجد نفسى فيما بعد اسيرا داخل جدران معهد الموسيقى والمسرح ... مع الرجل ... وفى عقر داره... ومع "عفاف الصادق حمد النيل" وفى نفس الفصل!!!
وتلك قصة اخرى
منعم الجزولى
|
Post: #27
Title: Re: بخاف..... فيرجينيا 2008
Author: منى على الحسن
Date: 02-05-2008, 11:03 AM
Parent: #1
الله الله عليك يا عركي
الله الله عليك يا ملوكي يا جميل
لكم جميعا رائعة محمد المكي ابراهيم ....
|
Post: #29
Title: Re: بخاف..... فيرجينيا 2008
Author: محمد أحمد محمود
Date: 02-05-2008, 03:03 PM
Parent: #27
سلام للجميع
كان جدي لامي -رحمه الله- انصاري على السكين واليقين في اواخر ايامو اصابه مايشبه تداخل المعلومات في رأسه (لعلها ارحم درجات الخرف ولم يكن خرفا).... المهم كان بعد الصلاه يقرا الراتب بايقاع ولحن فخيم وانا اكون متفجن بالقرب من فروتو لانو بكون خاتي جردل الربع الطلس ، فيهو مويه يقرا ويتفتف من ريقو الحلو فيها (بعزم لي فيها ) وده يستمر من بعد صلاة الظهر حتى موعد الغدا ودي الكوته بتاعت المويه لاصغر احفاده واللهو العبد لله ، يختم هذا كله قبل ذهابنا للاكل بدعاء وتضرع طويل وثابت، للجغرافيا فيه نصيب مقدر، اها كان يقول في جزء من تضرعه هذا اللهم انصر كوريا الشماليه وكوريا الجنوبيه – اقاطعه- ياجدي ناس كوريا الشماليه وكوريا الجنوبيه ديل ما مسلمين ، يعالجني بنهره اسكت يا مطموس ات شن عرفك ؟؟ صحي شن عرفني...، اللهم ادخل اهل فرجينيا الجنه بجاه عركي...
الشاهد انو جدي علي ودابوعبده كان يقول هو بسمع ابوداوود وعشه الفلاتيه ومن الاولاد الجداد ديل بسمع ابوعركي ويدعم هذا بقوله غناهم بنفرز ونمهم سمح
|
Post: #30
Title: Re: بخاف..... فيرجينيا 2008
Author: Osman Musa
Date: 02-06-2008, 02:27 AM
Parent: #29
...
|
Post: #31
Title: Re: بخاف..... فيرجينيا 2008
Author: dabeep
Date: 02-06-2008, 03:06 AM
Parent: #30
ياسلام ياتاج السر
حفلة جميلة والله
وابو عركى قامة
واكثر ما شدنى العلاقة الجميلة بين ابوعركى وابنه محمد فى الغنا
والشكر موصول لمن اهدانا هذه الاحتفالية
شفت التوب الما لاقاني اجمل منه
بس التوب..
سيد التوب يكون كيفنه!
|
Post: #32
Title: Re: بخاف..... فيرجينيا 2008
Author: Gazaloat
Date: 02-06-2008, 03:23 AM
Parent: #31
|
Post: #33
Title: Re: بخاف..... فيرجينيا 2008
Author: malamih
Date: 02-06-2008, 06:03 AM
Parent: #32
لقد ذيع سر الريدة .. للشابه الخضرة وزيتونة.. و القمر البضوي
في سنونة.. بعد أن تاب القلب من تعب السفر و من شراب موية المطر
لكنه قال بخاف إسأل عليك الناس و سر الريدة بينا يذيع و قال موعدك
يا ذاتي يا أجمل حقيقة ,, و شفت التوب و مالاقاني أجمل منه..
و شفت هادية و عماد الجزولى و تاج السر المليك ووو كثير من أولئك
الذين أشتاق إليهم هنا ولا أجدهم و لكني أقول كما قال محمد الواثق:
أريزونا أمطرتني نكدآ لا جادك المطر,,,
|
Post: #34
Title: Re: بخاف..... فيرجينيا 2008
Author: على عمر على
Date: 02-06-2008, 07:32 AM
Parent: #1
التحية لعركى
وتحية خاصة لعركى
دائما ولوقت قريب كنت اعتقد بان تاج السر الملك..دا
فنان تشكيلى ساى بتاع تصاوير..
لكن كل مرة ..بيجى زول اسمو منعم الجزولى ويفضحو
بانو قصاص كبييير ..
ونباش للوجدان..
ولقيمة المقام
التحية تانى لعركى
وتحية أخرى لعركى..
و.
|
Post: #35
Title: Re: بخاف..... فيرجينيا 2008
Author: Samer Osman
Date: 02-06-2008, 08:40 AM
Parent: #1
أما أنا
.
.
.
فقد أبكاني هذا الشيب الذي حل ضيفاً غير محتشم برأس أستاذي عركي
كم أحبك يا أستاذ جيلنا ونحتاجك
"كل الأفلاك
كانت يا ملاك
تنظر لعلاك
مشتاقة إليك"
وكنت تتصبب ألقاً
"يا المغري وفاتن إبداعك
رحت وما زال عندي شعاعك"
راقبت من يجلس تحت أورغ ماهر
كان المكان شاغراإلا من شوقي
سأظل أترقبك يوماً ما حين تغسل آذاننا بغناك المعطار
مودتي
|
Post: #36
Title: Re: بخاف..... فيرجينيا 2008
Author: Tagelsir Elmelik
Date: 02-06-2008, 05:42 PM
Parent: #35
شكرا ليك يا (منى) يا خلاسية انتى
نادر...يا ود يا Groovy
بكرى ود حلتنا..و عركى ود حلتنا
الحلبى الجهجهة حاصلة و ماشة على فيلادلفيا
دبيب...شفنا التوب و سيد التوب الا سيد الوجعه ما عارفين حكاياتو
على عمر على...يخرج من صمته ..نبش الوجدان لحقو
سامر عثمان الشيب ده snow ساكت
ملامح سر الريدة بعد ما ذاع..عرسنا و جبنا وليدات
محمد محمود..لقد اختصرت كل الموضوع فى حكاية جدك اللطيفة.
|
Post: #37
Title: Re: بخاف..... فيرجينيا 2008
Author: Gazaloat
Date: 02-06-2008, 06:14 PM
Parent: #36
جئنا صباحا بدرى، "عبد العزيز العميرى" وانا.
ركبنا ونزلنا. من بص الى بص. ومن طراحة الى طراحة، حتى وصلنا المعهد فى مبنى فندق كيشو فى الديوم الشرقية.
امام باب المبنى كان يقف "خطاب حسن احمد" و "محمد عبد الرحيم قرنى"...
خطاب كان مهندما هندمة معقولة. اما قرنى فحدث ولاحرج.
نظرنا اليه نظرة مستريبة!! وسأل عميرى
- الجابكم هنا شنو؟
رد خطاب باندهاش..
- ما...جينا للمعاينة..!!
سارع عميرى
- آى .. عارفك جيت للمعاينة لكين المصيبة المعاك دا شنو؟!!
رد قرنى ..
- ما.. انا برضو كمان جيت للمعاينة
فرد عميرى على الفور ..
- بى شكلك دة ما أظن يقبلوك........
عندها توقفت عربة تاكسى وترجلت منها سيدة محترمة فى ثوب ابيض ناصع... انيقة وجميلة ووقورة... باختصار كانت لاتشبهنا لامن قريب او من بعيد!!
عميرى تطوع بشرح امرها لنا:
- خلى بالك... دى الناظرة بتاعة المعهد!!
ولم نكن نملك الا ان نصدقه هذه المرة!!! فشكلها يوحى بهيبة لا تتفق وهيئتنا العامة.. رغما عن ان عميرى كان مسرِّح شعره على غير عادته.. ورغما عن اننى كنت ابدو انيقا جدا فى قميص كمال الجزولى !! وكمال كان ولايزال ينتقى البسته بعناية الدبلوماسيين. ولكن مقارنة بهندام تلك الناظرة المحترمة لم يكن هنالك اى فرق بيننا وبين قرنى!!!
تقدمت بخطوات مترددة بعض الشئ وسألتنا:
- مش دا المكان الحتتعمل فيهو المعاينات؟
رد عميرى نيابة عنا
- آى.. وانت من هيئة التدريس الجاية تعاينا؟
تردَّدَتْ الست الناظرة قليلا وتسائلت بريبة عميقة
- هو انتو جايين تعملوا معاينات برضو؟!
كان لسان حالها يقول بان عليها ان تغادر المكان فورا بل ولربما فكرت فى مغادرة العاصمة نفسها والعودة الى "رهيد البردى"!! هل - اذا لاقدر الله وتم قبولنا – ستجلس معنا فى فصل دراسى واحد ؟!! وكان كل منا يضع – بالطبع - سفةً، اصغرها تزن ربع رطل!!
حدثتنى "عفاف الصادق حمد النيل" بانها فى تلك اللحظة لم تكن واثقة من اننا سنكون افراد دفعة، بل على الارجح افراد عصابة!!
من نعم الله علينا ان جاءت "فادية جنيدابى" فى كامل زينتها الباريسية وتبعتها بثوان "ايمان عبد الغفور" برشاقتها وجمالها النوبى فهدأت وساوس الناظرةّ!!
خرج علينا "فتح الرحمن عبد العزيز" ودعانا الى الدخول حيث ستبدأ المعاينات. ودخلنا.
كنا نظن اننا الوحيدون فى المكان، ففوجئنا بيوم الحشر بالداخل!!
المتقدمون كانوا مية ستة وخمسين وامكانات المعهد وقتها لم تكن تسمح بأكثر من كم وعشرين!!!! واسقط فى يدنا!!
طبعا عميرى وانا كنا منذ البداية قد استبعدنا قبول قرنى لهيئته الرزية!! قال مسرح قال!!
تم استبعاد مئةٌ بالتمام والكمال!!! والمعهد بعد لم يكن مستعدا لقبول كل هؤلاء الناجحين!! فتقرر ادخالنا فى فترة تدريبية مدتها شهر نخضع بعدها لامتحانين، نظرى وعملى.
وفى اليوم الاول للفترة التدريبية جاءت عفاف الصادق تتأبط " دُقشةً " من الكتب الضخمة والمراجع، لا أعرف من اين جاءت بها ولا من الذى دلها عليها.
قرنى علق على الامر مباشرة وبصوت واضح وجلى:
- عفاف دى حـَتـَضِّيِعـْنـَا!!
ربما كان للامر بقية.
منعم الجزولى
تم التعديل خوفا من حضرة الناظرة!!
|
Post: #38
Title: Re: بخاف..... فيرجينيا 2008
Author: محمد أبوعاقلة الطريفي
Date: 02-06-2008, 07:02 PM
Parent: #37
روعة ... روعة ... روعة
يا برتقال ...
وكل الرحيق انتما ...
صورة جميلة ... جميلة ... جمييييييييلة وفيها حاجات كتيرة
|
Post: #39
Title: Re: بخاف..... فيرجينيا 2008
Author: bent-elassied
Date: 02-06-2008, 07:24 PM
Parent: #38
سلام لناس الدار
و الله بختكم
و فرحانيين معاك
شدييييييييييييييييييييد
|
Post: #40
Title: Re: بخاف..... فيرجينيا 2008
Author: محمد سنى دفع الله
Date: 02-06-2008, 09:28 PM
Parent: #39
تاج السر
مساءالخير
او
صباح الخير
ياخي تلفون عركي
ما بجي معاي خالص
بحاولو هسي وبكلمك
عايز منك حاجة مهمة
شــــــديـــد
الزول القلتو اسمودبز ده
الجنبو الزول الضحكتو بتاعة ناس مدني العظمة
ما هو الفاتح عبد الرحيم الأمين ؟؟
لو هو قول ليهو اخوك محمد السني
يقريك السلام والمحبة والمودة
والأحـــتـــرام
ما لاقين لاماسنجر ولانجيبكم بي هناك
هناك وين ..؟ما عارف
|
Post: #41
Title: Re: بخاف..... فيرجينيا 2008
Author: محمد سنى دفع الله
Date: 02-06-2008, 10:43 PM
Parent: #40
يادبز ولادبذولادبس
اختار البتنفع معاك
بس كلو في النهاية
ده بس
المعاك على اليمين والشمال منو
اوع اطلع لينا هشام عبد المنعم
اكون طالع شبهه عمو الفاتح وعبد العظيم
وياتاج التلفون بتاع عركي كان ناقص رقم
وتميتو واتكلمت معاه مشكور
على تلفوتك وبكره نتكلم معاك
تقبل سلام حسان
مودتي ليك وكل دبز حايم نص الليل
في امريكا
لكن البودي قارد ما عندكم
ما تخليهم انوموا شغلهم 24 ساعة
|
Post: #42
Title: Re: بخاف..... فيرجينيا 2008
Author: Tagelsir Elmelik
Date: 02-06-2008, 11:07 PM
Parent: #41
السنى
السلام
عينك نجيضة ياهو الفاتح عمو ذاتو
و اليمين اخونا مصعب ( اولاد عبد المنعم ما قدر ده)
دبز من نوع البودى قارد البفك البيرق قبال ما تسخن
سلامن للجميع
و قوليهم القروش الداسنها فى المرتبة وصلت
|
Post: #43
Title: Re: بخاف..... فيرجينيا 2008
Author: محمد سنى دفع الله
Date: 02-06-2008, 11:13 PM
Parent: #42
تاج
سلام
مصعب ودبز زالفاتح
سلام
بالله يا تاج
عنوان الفاتح
اخبار عبدو شنو مع خفلات عركي
ناس واشنطون
واصل لينا في الصور
لانو الواحد من اشوف صوركم
وبنضف بالدموع والبكا
ليك المحبة
|
Post: #44
Title: Re: بخاف..... فيرجينيا 2008
Author: نادر السوداني
Date: 02-06-2008, 11:14 PM
Parent: #36
| Quote: نادر ...يا ود يا GROOVY |
لا استطيع ان اوصف لك حالي وانا مجرد نغمة داخل بحر انغامة
هل تصدق يالتاج رقم معرفتي بعركي وانا برلوم بالمعهد
هذة اول مرة اقف معة علي خشبة المسرح لقد كان تعاملي
معة فقط داخل حجر المعهد او في حجر الاستوديوهات في فترة حصاد // القاهرة //
فيا لة من فنان اصابت سهام انغامة مكامن حبي لبلدي ومواجع غربتي
فكانت صوابع يدي تتحرك فوق اوتار جيتاري بعد ان فقدة عقلي التحكم بها
تماما وكانت احاسيس أنغامة هية قائدة الاوركسترا الوحيد اللزي تراة احاسيسي
|
Post: #45
Title: Re: بخاف..... فيرجينيا 2008
Author: محمد سنى دفع الله
Date: 02-06-2008, 11:28 PM
Parent: #44
نادر ياحبيب الروح
عارف انا بشوف في الصور والبكا نازل مطرة
ما عارف انتو استحملتوا كيف
لكن ما شاء الله العازفين فريق قومي
وانت مع البدلة السوداء والبوريه الأسود
والله لسه محافظ ولا اقوليك والي عديل عيني باردة
نادر سيد القيافة
بالله متعونا ونزلوا الصور طوالي بردو لينا قلبنا بي شوفتكم
ربنا افرحكم دايما وابدا
محبتي
|
Post: #46
Title: Re: بخاف..... فيرجينيا 2008
Author: Tagelsir Elmelik
Date: 02-06-2008, 11:49 PM
Parent: #45
برد يا حران...
|
Post: #47
Title: Re: بخاف..... فيرجينيا 2008
Author: Bakhaf
Date: 02-07-2008, 00:14 AM
Parent: #46
الكلام في حضرة الجمال حرام
|
Post: #48
Title: Re: بخاف..... فيرجينيا 2008
Author: Gazaloat
Date: 02-07-2008, 00:35 AM
Parent: #47
|
Post: #49
Title: Re: بخاف..... فيرجينيا 2008
Author: Osman Musa
Date: 02-07-2008, 03:02 AM
Parent: #48
.. و مرة تانية بنقول مرحب بعركي في بلاد ما وراء الاطلنطي
شتات ما وراء الاطلنطي اللي ما بنفعو التطمين و لا الفقراء البعرفو الدين
حسبما لاحظ و قال الراحل النعام آدم
.. عركي قيثارة الغنا الحديث في أصالتو السودانية
عركي حركة التجريب و التجديد و إرتياد الآفاق
عركي المتحول و المسافر علي جناح الكلمة الانيقة و الجملة اللحنية الفريدة ، ياهو عركي اللي بنرصدو في المسافة مابين :
" شيل من بالك قول العازل "
و حتي لحظة الانفجار العاطفي - الجمالي السبعيني من القرن الماضى و اللي عُرف ب :
" بخاف اسأل عليك الناس "
.. ثم في محطة جماليات التوزيع الموسيقي في اغنية واحشني علي يد الموصلي
.. و من قبل : مرورا بكلمات فضل الله محمد الحان محمد الامين الازيرق :
( بوعدك يا ذاتي يا اقرب قريبة )
في كل ذلك الخيط الممتد و المتجدد و الطارح الق التحولات و النهضة الفنية البديعة .. في كل ذلك بنلقى عركي و بنكتشفو !
وفي كل ذلك بنفهم اكتر خصائص و اسرار و قصص المسار التطوري لمدرسة الغناء الاوركسترالي السوداني التانية
مودتنا لعركي و للاديب منعم الجزولي ، صافية صفاء الدهب الداقينو دق حسن ود مسيك .. ودق الشريف علي ود نصر
و بالله يا عثمان أسأل صحبك عركي :
.. ليه لجنة النصوص كانت بتمتحن الفنانين الجُدد باغنية :
لو كنت ناكر للهوى زيك !
.. وذلك فيما بعد عهد الامتحان القديم اللي كان باغنية الحاج عبد الحميد يوسف :
أذكريني يا حمامة ! ؟
...
الكلام الفوق ده للدكتور أحمد طراوة
فى بوست تاريخ الغناء .
له وللفنان الكبير عركى التحيه
|
Post: #50
Title: Re: بخاف..... فيرجينيا 2008
Author: Osman Musa
Date: 02-07-2008, 04:55 AM
Parent: #49
الله
الله
الله
الله يا خلاسيه
...
عركى هنا ؟
نحن على مقربة من ينبوع الموسيقى الرحب .
له التحيه
|
Post: #51
Title: Re: بخاف..... فيرجينيا 2008
Author: Tagelsir Elmelik
Date: 02-07-2008, 05:04 AM
Parent: #49
فى تلك الليلة..
كان ( نادر بهلوان) ، يمشى فكأنما ينزلق على وسادة من الهواء !!
يهمهم بهدوء و ثقة و هو يتحسس ربطة عنقه الحمراء ، مثل شخصية نجيب محفوظية ،
..حلفنا نعيش لحاضرنا.
*********************************************
بين الفواصل ظل ( عركى) يغنى لعركى ، سلاما ووردا و تحايا ، و مراسيل شوق..
صاح....ياربنا
قلنا...يا قادر
صدح..واحشنى...فذهب الخلق مناسك شتى!!
هتف...بخاف
ذهبنا من ساعتنا نسأل الناس ، دون خوف او استحياء ، عن كل النساء اللواتى تدثرنا بعشقهن، عدنا بزهو الحب على اذرعتنا و بيننا الأطفال ابهى ما نكون جمالا و اشد ما نكون سطوعا
قلنا..
مافى الحقائق اكثر عارا من العشق الذى لا يورث الوجل ، و لا الشدو الذى لا يورث الملل، انصتنا بكلياتنا الى ألأغنية ..خضراء ، ما ذبلت و لا آلت الى حريق تقلب فيه الوطن بين بزة عسكرية و اخرى ، و بصدرينا –يقول صلاح- آمالنا و رغائبناو احلامنا المشتهاة ، و حبائل سرية مع الذين ولدوا فى اكناف الصدق ، و الذين وشموا بسمات انفاسنا و ملامح افراحنا التى تأخرت عن وعدها ، صفاءا يسمو فوق هزيم رعد غربتنا الممتدة ، هفونا الى بعض حمأ الهوى الذى اكتوينا بناره و لهيبه ، حتى تهاوينا
قطعة قطعة
قطرة قطرة
زفرة زفرة
*********************************************************************
بين الفواصل ..
يحمد السرى و السعى بين المقاعد المتراصة المتحفزة ، بينها و بين المساحة المحتقنة بفراغ شحيح ، و حتى ساعة اعتلاءه لفسحة ضيقة على المسرح، تمتد عبرها اسلاك و اشواق و الات موسيقية ووشم صينى على الحائط الخلفى و افواج الذين اتوا من اقاصى الأمكنة ليؤدوا فروض السمع و الطرب ، يقابلهم بأبتسامة مشعة ، مبتسرة متشربة بأرق و قلق و حزن و عاطفة و فطنة و شاعرية ، ثم لايلبث يبادلهم ، شوقا بشوق ، و اغنية بأغنية ..مسكون بصوقبة الأيقاع، قال ابنى يصف موسيقاه بأقصى ما تأتى له من مفردات خياله الغض
Damn..Thats groovy!!
فأستقام كتفا لكتف ، (آيك تيرنر) ( ستيفى ووندر) ، و ( موريس وايت) ، بيد ان شع فى خاطرى ، مداخلة ( الترومبيت) المحسوبة بمقدار فى أعماق ( نوبية) ، و تهويمات ( تشايكوفسكى) فى خضم سيل صداءات ( بستنشقك) الحالمة ، و تواتر نقاط التقابل فى اغنيات عذبة مثل ( فى عينيكى دنيا غريبة) ، و ( انتى نيل) ، و التأرجح الذى لا ينقطع عن نقاط ارتكازه فى ( التوب) ، و ( يوم رحيلك) ثم ( ياقلب).
ظل ( نادر بهلوان) سابحا فوق اثيره ، ووسائده الهوائية ، حتى ختام الأمسية ، عاد اصبى من صباه الذى تصرم خلال ثلاثين عاما قضاها ( فى شعب الصقيع) ، توهج و لازمته الأبتسامة و السماحة، فأقتصد فى جمع الحزن و كف يداه عن اللحاق به ، و بذل بسخاء فرحه على الذين من حوله ... (عركى) بلحمه و دمه يقف مغنيا على مبعدة ميل من شقته!! شقته التى امتلأت بتسجيلات عركى ، صور عركى ، و ازدانت بأستار الولاء لعركى
ما أسعد ( بهلوان) هذه الليلة!!!
تاج السر الملك
|
Post: #52
Title: Re: بخاف..... فيرجينيا 2008
Author: نادر السوداني
Date: 02-07-2008, 08:04 AM
Parent: #51
في تلك الليلة.كان (نادر بهلوان)............ ويالها من ليلة صوت ونغم وكلمة اقوي من اي طلقة رشاش ومدفع
وزوق فنان وتواضع لا استطيع وصفة هوة عركي وبس امد اللة في عمرة وحفظة لنا قامة
نتشرف بها وفكر نتعلم منة الكثير
...................
شكرا يالتاج ومنعم علي الصور
.......
السني الجميل كنت اتمني ان تكون معنا ويكتمل كل العقد الفريد يا فنان يا محترم
|
Post: #53
Title: Re: بخاف..... فيرجينيا 2008
Author: Tagelsir Elmelik
Date: 02-07-2008, 01:57 PM
Parent: #51
بهلوان...
|
Post: #54
Title: Re: بخاف..... فيرجينيا 2008
Author: Tagelsir Elmelik
Date: 02-07-2008, 02:18 PM
Parent: #53
[ [/u
كنا نرقص ( التشا تشا)
و يفجأنا النهار
بروف بطران...و هادية.
|
Post: #64
Title: Re: بخاف..... فيرجينيا 2008
Author: سعد الطيب
Date: 02-17-2008, 09:45 AM
Parent: #44
صديقى الفنان نادر لك مليون تحىه
|
Post: #55
Title: Re: بخاف..... فيرجينيا 2008
Author: Adil Osman
Date: 02-07-2008, 03:06 PM
Parent: #1
يا سلام على الكلام وعلى الصور. وعلى عركى طبعآ.
فى هذه الصورة كمالا بابكر النور مع عركى عام 2008
وفى الصورة التى تليها كمالا تغنى فى كورال الحزب الشيوعى عام 1986
21 عاما مضت. ونحنا بقينا ما نحنا. شكرآ تاج السر على مواهبك العديدة.
that's groovy man!
كمالا بابكر وعركى البخيت فى فيرجينيا عام 2008
كمالا بابكر فى كورال الحزب الشيوعى عام 1986
|
Post: #56
Title: Re: بخاف..... فيرجينيا 2008
Author: Osman Musa
Date: 02-07-2008, 03:39 PM
Parent: #55
كمالا ..
نعم هى .
بنت شيخ مشايخ الابطال .
نعم .
ليس بالحبر ياصاحبى يكتب التاريخ
هنا أستخدم البطل حروف من الدم الحار.
حروفا تقرأها فى النهار عصافير النيل
وفى المساء تشتعل مثل النجوم ..
يا ..
|
Post: #57
Title: Re: بخاف..... فيرجينيا 2008
Author: Osman Musa
Date: 02-08-2008, 05:41 PM
Parent: #56
بخاف
بخاف الأغنية الأنفجار
الذى حدث فى مهرجان
دمشق 1976
..
ارجو أن تحكى لنا يا سيد منعم
تلك القصه
|
Post: #58
Title: Re: بخاف..... فيرجينيا 2008
Author: Gazaloat
Date: 02-08-2008, 06:00 PM
Parent: #57
ياعثمان
هذا البريد بُنِىَ اساساً على الصور!!
ولما ضاعت الصور ضاع معها مزاج الكتابة نفسه!!
نلتقى فى بريد آخر ان مدَّ الله فى العمر.
منعم
|
Post: #59
Title: Re: بخاف..... فيرجينيا 2008
Author: Osman Musa
Date: 02-09-2008, 03:51 PM
Parent: #58
الله
الله
الله
...
الأخ بكرى أبوبكر
فى حفرك فى اليومين ديل
ما وقعن فى عينيك صور ؟
...
ونرجع للأغنية
الله
الله
الله
|
Post: #60
Title: Re: بخاف..... فيرجينيا 2008
Author: Osman Musa
Date: 02-11-2008, 02:46 AM
Parent: #59
Quote: عركي حركة التجريب و التجديد و إرتياد الآفاق
عركي المتحول و المسافر علي جناح الكلمة الانيقة و الجملة اللحنية الفريدة ، ياهو عركي اللي بنرصدو في المسافة مابين :
" شيل من بالك قول العازل "
و حتي لحظة الانفجار العاطفي - الجمالي السبعيني من القرن الماضى و اللي عُرف ب :
" بخاف اسأل عليك الناس "
دكتور طراااوة....
المقاام هنا مقاام الراائع ابو عركى...و يا بختكم ياا ناس امريكا بالزول دا..
ابو عركى المبدع الفناان الذى مر بمرااحل و حقب متعددة حتى وصل الى درجة الصقل و التجويد
اتج الكثير من الاعمال الجميلة والتى خلدت نفسها فى وجدان الجميع و فرضت نفسها بقوة فى خاارطة
الغناء السودانى...
من منا لايذكر و لا يحفظ لو كنت تبعد فى زحل و سهرنا الليل و كملنا لتى كتبها
و لحنها بنفسه و اغنية عن حبيبتى بقولكم التى كتبها له الشااعر سعد الدين ابرااهيم
و تيهى يااا حلوة التى كتبها له الشااعر نعمان على الله و اغنية دنيا التى كتبها الشااعر خليفة الصاادق و لحنها له على اكرت..
و ايضا كانت اغنية جبل مرة التى اشتهرت حال ظهورها و التى كتبها و لحنها له الفنان الكابلى..
من الاغنياات التى احدثت نقلة فى مسيرة ابو عركى اغنية بوعدك يا زاتى
و هى اغنية تلاااقى السحاب فلقد كتبها الشاعر فضل الله محمد و لحنها الاستاذ الموسيقار محمد الامين...
حقيقة كنت فى حيرة من امرى فى ان استصحب مع هذه المدااخلة اى من هذه الاغنياات الجميلة
و جدتى نفسى منحازا لاغنية بخااف و التى ارتبطت معى بالكثير من الذكريااااااااااااااات
وايضا لاحسااسى ان هذه الاغنية كانت النقلة الكبرى فى مسيرة ابو عركى الفنان...
اغنية بخااف كتبها الشااعر حسن السر..و طرزها الفنان ابو عركى باللحن البديع الذى استطااع
ان يحوى معاانى و دلالات النص الشعرى..فجاء اللحن و الحوار لموسيقى فى شكل خد و هات فى تباادل
و حوار انيق خالقا ديالوج منغم بالايقااع و الموسيقى....
جاء اللحن الغنائى فى ايقااع التم تم فى سرعة متوسطة و كان لا بد ان يكون كذلك و ذلك لطبيعة الكلماات و النص الشعرى...
بسااطة كلمات هذه الاغنية و سلااسة اللحن الذى صبغته لمحة سبااعية جعلته يخرج سهلا ممتنعا نفاذا لدواخل يملأها الشعور بالطرب الجميل...
الكلام الفوق ده
كلام الاستاذ محمد عثمان
لهم جميعا التحيه احباب الاستاذ عركى
...
|
Post: #61
Title: Re: بخاف..... فيرجينيا 2008
Author: Osman Musa
Date: 02-16-2008, 03:45 AM
Parent: #60
الله
الله
الله
....
|
Post: #62
Title: Re: بخاف..... فيرجينيا 2008
Author: Tagelsir Elmelik
Date: 02-16-2008, 07:04 PM
Parent: #61
|
Post: #63
Title: Re: بخاف..... فيرجينيا 2008
Author: Osman Musa
Date: 02-16-2008, 11:02 PM
Parent: #62
الجزولى
وين صورتى ياحبوب ؟
..
خلى التاج اليحكى ليك
حكاية الكشك ..والبوست القديم
..
جزولى ارجو أن تتابع
تلك الخواطر الجميلة
..
السيد نادر
صاحب التفانين الذى صنع من
الجيتار شربات .. شنو يازول ؟
..
لكم التحية
|
Post: #65
Title: Re: بخاف..... فيرجينيا 2008
Author: سعد الطيب
Date: 02-17-2008, 09:54 AM
Parent: #63
الف تتحيه استازنا عركى اغمض عينيك فى المسرح وسترانا خلفك ونحسك نحن رغم انف المسافه
|
Post: #66
Title: Re: بخاف..... فيرجينيا 2008
Author: Osman Musa
Date: 02-17-2008, 07:48 PM
Parent: #65
....
|
Post: #67
Title: Re: بخاف..... فيرجينيا 2008
Author: Osman Musa
Date: 02-21-2008, 01:10 AM
Parent: #66
التحية للأستاذ الفنان
تاج السر الملك
على كل ما يقوم به
من اعمال جليله تجمع
الناس ..
يا سلام .
|
Post: #68
Title: Re: بخاف..... فيرجينيا 2008
Author: asmhan hashim
Date: 02-21-2008, 10:27 AM
Parent: #67
يا سلام عليك يا عركي
يا الكلامك وصوتك بوجع من جوة ..
وشكرا ياتاج السر ياملك على نقل الابداع
وياريت يامنى على الحسن تنزلي اللنك بتاع الحفظ
|
|