من الحاج يوسف للكلاكلة بالمترو الدائري

Quote: من الحاج يوسف للكلاكلة بالمترو الدائري

متين الكلام ده

_______________________

سلام عادل امين وين الحى بيك

ما تروه اعلاه ليس علامة مرسيدس

في سنة 1993 عندما ذرت السودان..كنا نقيم في الحاج يوسف شارع واحد..قررت ذات صباح ان ازور خالتي المرحومة حليمة طيب الله ثراها..في الكلاكلة صنقعت..خرجت في الثامنة ومشيت لحد الظلط وهناك ما قدرت ابدا اركب البصات التي تاتي في اتجاه الخرطوم بحري..ومضت ساعات..وسالني احد ابناء جنوب السودان الذى يقفون بجواري
- انت ماشي وين
- الكلاكلة..
- اذا اركب الباص في الاتجاه المعاكس الي اخر محطة ثم اركب من جديد الباص الذى يقلك للخرطوم راسا..


ونفذت الفكرة ولكن ومض في خاطري تساؤل..لماذا لا يكون هناك خط دائري يقطع الانهار الثلاث والمدن الثلاث من الخارج..حتى يوفر للمواطنين زحمة الخطوط المستقيمة التي تكدسهم في المركز ثم يعاد توزيعهم على المدن الثلاث.. وكانت فكرتي طرق برية ان ذاك...ووصلت الكلاكلة الظهر يمكن 6 ساعات من باص لى باص..

ولكن بعد ان زرت القاهرة العام الماضي وشاهدت معجزة مترو الانفاق..عاودتني الفكرة مرة اخرى..ان يكون هناك خط دائري حديدي ذو اتجاهين بفارق نصف ساعة من مترو الي اخر..يعني في شكل دائرتين متراكزتين..كاطار خارجي للخرطوم وام در مان وبحري

وعندها ستكون فكرة ان المواطن يركب باص في الاتجاه المعاكس حتى يحصل محطة المترو ومنها ينتقل في الاتجاه الذى يريده دون ان يتجه نحو المركز والتكدس الشديد لمواطنين يريدون التنقل من مدينة الي اخرى باسرع وقت....
مثلا اذا كان يريد مثلي في الماضي ان يتحرك من الحاج يوسف/الخرطوم بحري للكلاكلة/الخرطوم يستطيع ان يركب المترو من محطة الحاج يوسف وفي الاتجاه مع عقارب الساعة ليجد نفسه عبر النيل الازرق ثم ليجد نفسه في محطة متروالكلاكلة
............
اذا التصميم اعلاه ليس له علاقةبالمرسيدس..ولكن يرمز للانهار الثلاث النيل والنيل الازرق والنيل والابيض
والدائرة الخارجية هي خط المترو المزدوج ذو الاتجاهين(تصميم عثمان عبدالرحمن محمدين)
.........
مرحبا بكم في مترو الخرطوم 2012

ولى رايكم شنو

Quote: متين الكلام ده

العزيز امير جابر
تحية طيبة
يسال منك الخير

الكلام ده ممكن يتحقق
لمن
يحكم السودان الناس المبدعين والمتجردين
وتاكد كل انجاز في هذه الدنيا هو بدا بفكرة
من قناة السويس
الي
تمثال الحرية
الى
اليورو ستار
..........
وسؤالي ليك
الجماعة وصلو انجامينا
بتين انتو تصلو الخرطوم
اعني الخرطوم وليس الخرطوم بحري
تحياتي..

Quote: ولى رايكم شنو

والله انا موافق
انته لو الحكومات بتسمع كلام المواطنين فى السودان وكل زول شغال فى مجالوا وفى تنمية ده كان حال البد يازول ..... ما كان بقينا ماليزيا



ما مشكلة العلامة ما بتاعت مراسدس

يا عادل ...
خضراء
و
لا
بيضاء
*
*
*
*
*
دي

العزيز عثمان محمدين
تحية طيبة

نشكر مرورك

ونهدي الزوار اغنية صالح الضي
عشان الواحد يتخيل نفسو راكب ليه مترو انفاق فخم من ام بدة الى الحلفايا


والذى اخر السودان يا اخي امير جابر 52 سنة.......
هو ميكانيزم

الرجل غير المناسب في المكان غير المناسب
وانعدام الابداع
والروح الفردية الخلاقة فى ثقافة السودان الجمعية
والتبخيس المخزي
والنتيجة سقوط في سبع مواد والمجموع

على الاقل شفنا مترو الانفاق في القاهرة لنعرف عظمة مصر التي تبعد عنا مئات السنوات الضوئية...واذا عايزين نبقى قدرا نبقى زيها مواكبين العصر...
..........
والشكر موصول للمصمم عثمان محمدين لاستمراره في تبسيط الفكرة وعرضها الكرتونيا
وفي انتظار الكثير من المبدعين....
لنرى ماذا سيضيفون...

عساك بخير يا عادل ..

بس حبيت اقول ليك إنو متابِعين ومُعجبين بي افكارك العملية
النيّرة عبر البورد - زي موضوع البوست دا مثلاً .. وبرضو بي
مساندتك المُستمرة للإتجاهات السياسية الثورية الداعية الى لإحداث
تغير جزري في انماط المُمارسة السياسية في بلادنا بُغية بِناء سودان
جديد على انقاض ما هو قديم ومُتهالِك ..

تحياتي يا رجُل وشُكراً ايضاً على الأغنية الظريفة ..

ونِحنا ما ناسك ..

الاخ العزيز ود الجيران
تحية طيبة

اصلو القصة واضحة ان (((الله لا يغير ما بقوم حتى يغيرو ما بانفسهم))

وده الجهاد الاكبر

واشكرك على تقدير ما نكتب..وارجو ان تتفاعل معنا وتصوب مانخطيء فيه وتدفع البلد الحارنة دي نحو الدولة المدنية الفدرالية الديموقراطية


والمؤسف السودانيين حتى لمن يطلعو من السودان ويشوفو حاجات جيدة بره لا يسعو لنقلها في بلادهم

يعني االفكرة الفوق دي اصلا فكرة الدائري موجودة هنا في صنعاء..عشان كده مافي ابدا ازمة مواصلات..الناس لا تحتاج تدخل مركز صنعاء(التحرير) عشان توزع من جديد على الاطراف..

وبعدين عززتها بالمترو بعد ما ذرت القاهرة السنة الفاتت وبهرني مترو الانفاق
وقمت دمجت الفكرتين بعد ان تذكرت زمان لمن كنت في الحاج يوسف كيف خطرت في بالي ونسيتا كل هذا الزمن..
والله يكتر من ناسنا
ونحن ما ناسك

تحياتي يا عادل أمين

أعجبت بالفكرة تماما و أتمنى أن تعجب حيكومتنا و بعد إعجابها أتمنى أيضا أن تحققها و لو بعد 100 سنة.. إنت عارف إنهم نفسهم بيعانو من المسألة دي ؟ يعني بيعانو من الإختناق المروري ( عربات شرطة المرور و الحوادث و العمليات و كذلك الإسعاف) شوف إذا كان في ضيف من الخارج و تسمع صفافير النجدة و هم واقفين من زحمة المرور و ضيق الشوارع ...

تحياتي لك مجددا و إلى كل من يحمل تلك الأفكار النيرة

مهندس/ وائل

Quote: تحياتي يا عادل أمين أعجبت بالفكرة تماما و أتمنى أن تعجب حيكومتنا و بعد إعجابها أتمنى أيضا أن تحققها و لو بعد 100 سنة.. إنت عارف إنهم نفسهم بيعانو من المسألة دي ؟ يعني بيعانو من الإختناق المروري ( عربات شرطة المرور و الحوادث و العمليات و كذلك الإسعاف) شوف إذا كان في ضيف من الخارج و تسمع صفافير النجدة و هم واقفين من زحمة المرور و ضيق الشوارع ... تحياتي لك مجددا و إلى كل من يحمل تلك الأفكار النيرة مهندس/ وائل

شكرا مهندس وائل
ونتمنى تحقيقها سنة 2012 فقط..قبل ما تتعقد الخرطوم وتزدحم وترفع التكلفة..عشان كده كلم حكومة الوحدة الوطنية...اذا كنت في الخرطوم.....
........
وطالما انت مهندس
عايزك تقدر لي نصف قطر الدئرة التي تمتد من المحطة الوسطي لحدت الدخينات(محطة الاقمار الصناعية عشان بعد داك نجيب محيط الدائرة عبر المدن الثلاث بالكيلومترات...ونحدد اماكن جسور المترو على الانهار الثلاث
يا حبذا لو جبت صورة قوقل ارث للخرطوم ورسمت الدائرتين...عشان الواحد يشوف الاحياء والساحات التي سيمر بها المترو( طبعا تحت الارض)
واتذكر كمان انو المحطات نفسها استثمار يمكن تفتح فيها دكاكين واسواق وبوفيات

وكنت اتمنى ان تتبني هذا المشروع هيئة السكة الحديد( كاستثمار تجاري يرفع من احوال اهلنا في مدينة عطبره بعد وفاة السكة حديد لرحمة مولاها) والحديث ذو شجون
ويا حبذا
لو تضيف اي ابتكار من عندك
نحن نحلم
ولكن احلام مشروعة في زمن great construcions برنامجي المفضل في الجزيرة دوكيومنت

اذا افترضنا دائرة نصف قطرها 35 كيلومتر
هذا يعني
ان محيطها سيكون
2×22/7×35=220 كيلو
واذا كان بعد كل 4 كيلو محطة
سنحصل على 220/4=55 محطة
ونقسمها على الثلاث مدن
55/3=18 محطة في كل مدينة تقريبا

ونواصل مع الاخوان بمزيد من الشرح

?subway or highway

Quote: ?subway or highway

Quote: يا حبذا لو جبت صورة قوقل ارث للخرطوم ورسمت الدائرتين...عشان الواحد يشوف الاحياء والساحات التي سيمر بها المترو( طبعا تحت الارض)

الاخ العزيز سيد
الاجابة موجودة فوق
والامر متروك لاهل الذكر وانا شفت معجزة مترو الانفاق في القاهرة وكيف انجزها الفرنسيون رغم تعقيدات البناء في القاهرة
والخرطوم لحدت هسه عنداطرافها بسيطة
وخير البر عاجله
نشكر مرورك

كيف يا عادل ..

Quote: والمؤسف السودانيين حتى لمن يطلعو من السودان ويشوفو حاجات جيدة بره لا يسعو لنقلها في بلادهم

دا كلام سليم بالمُناسبة .. عيب اساسي في عقليتنا السودانية إنها جامدة بقدر كبير وبتفتقِد المرونة المطلوبة للتفاعل مع كلُ ما هو
مفيد لنا ولبلادنا مما نراه ونتعلمه في المهاجِر ..

تحياتي ..

وبنحيي فيك وفينا الثبات علي المبادئ الثورية

عادل الجميل
أول فصلنا
تحياتي طيبات يا طيب سلااااام

إن شاء الله يجي اليوم الذي تتحقق فيه كل أمانينا
ونرى السودان فوق فوق



تخريمة سغنتوتا
بالله رسل لي
تلفونك وتلفون نجاة
على بريدي [email protected]

Quote: إن شاء الله يجي اليوم الذي تتحقق فيه كل أمانينا ونرى السودان فوق فوق

العزيز خالد
تحية طيبة
ونشوف كمان خط دائري في شندي كمان


رسلت ليك التلفونات بالبريد بتاعك

Quote: دا كلام سليم بالمُناسبة .. عيب اساسي في عقليتنا السودانية إنها جامدة بقدر كبير وبتفتقِد المرونة المطلوبة للتفاعل مع كلُ ما هو مفيد لنا ولبلادنا مما نراه ونتعلمه في المهاجِر ..

الاخ العزيز ود الجيران
تحية طيبة
ما عايز اخرج من اطار البوست
لكن الحديث ذو شجون
بعد الاستقلال وشعار السودان للسودانيين المازوم الكان بدون كتاب او وليا مرشدا
كان الرعيل الاول قد ارتكب السوء بجهالة وتاب من قريب..وخير دليل كتاب الديموقراطية في الميزان/للمحجوب ...ما سمعو كلام الجنوبيين وما احترموا مواثيقهم معهم.... وما كان عندهم اصلا تصور لحكم السودان بصورة رشيدة...
ثم جاء الجيل الثاني من المتعلمين المؤدلجين يمينا ويسارا بتاعين حنتوب وخور طقت ووادي سيدنا ولقوها عايرة وادوها سوط..وادخلو البلد في حلقة شريرة من الموت الرخيص والصراع العقيم من اجل السلطة في المركز واهملو الهامش وبثو فيه شرورهم(دارفور 1987-جبال النوبة 1988-1998 ودار فور 2003) وامتد الامر من 1964-2005 ما عدا سبعينات نميري الذهبية التي شهدت سلام حقيقي في السودان وتنمية ايضا..وهذه الفترة الوحيدة الما كان فيها الامام وصهره(الجبهة الوطنية) في مركز القرار..ثم جاء الجيل الثالث المغييب حاليا وهم اولادنا في الجامعات في عهد الانقاذ الغيهب وهؤلاء الذين اكتب من اجلهم وازودهم بالمشاريع الحقيقية والواقعية هنا..هؤلاء جيل الانترنت.. هم المسؤلين عن مستقبل السودان اذا انعتقو من ودا وسواعا ويغوثا ويعوقا ونسرا او رموز واحزاب السودان القديم ووعيه ايضا..وهذه الفترة ساؤرخ لها من مايو 2005 الي....ما بعد نيفاشا
عشان كده تابع معانا هنا واخبر كل معارفك دون 30 سنة بهذه البرنامج التي تراها الان وتجد صدى طيب في نفسك النقية ....

اما كلامك عن ظاهرة SUDANESE ODD MENTALITY دي دايرة ليها فاصل في علم النفس السياسي او ارجع لمكتبتي في هذا المنبر بوست(القدم بالقدم والامات خدم))

وشكرا على التواصل

الاخ العزيز عثمان محمدين
تحية طيبة
نعم لابد ان يكون هناك اتجاهين..تماما كما في القاهرة
ولكن الا ترى ان كثرة التعاريج في خط المترو تعقد الامر
ان التنقل في احياء مدينة واحد ممكن تكون بالبصات والركشات
كنت اريد ان تكون دائرة حقيقية تمر بهوامش المدن الثلاث وليس متعرجة كما حاولت تصورها

لانها حتما ستتقاطع مع كل الطرق الطولية التي تتشعع من المركز في المدن الثلاث وتوفر خدمة التنقل الافقي بين المدن وليس الراسي
عموما فكرتك جديدة

ويا حبذا لو كانت المحطات بهذا المستوى

Can we stress on the infrastructure issues when comparing the Egyptian infrastructure to the Sudanese one I think we are way way behind correct me if I am wrong please

The only good point we share with Egyptians when is comes to implementing the Subway system is the excellent Sudanese-French
established relationships