العقيد/ فيزاني ليس محسيا ولا سودانيا يا بشاشا .. السيرة الذاتية لقائد قوات المعارضة التشادية

فيزاني مهاجر يعقوب ..
من مواليد العام 1960 بقرية قيري التي تبعد بضع كيلومترات شرق مدينة أبشة بإقليم وداي بحمهورية تشاد..
درس الإبتدائية بمدينة أبشه .. المتوسطة والثانوية بمدينة مندو بجنوب تشاد.. ويحمل مؤهلا جامعيا في العلوم الإنسانية لم أتوصل بعد إلى الجامعة والدولة التي درس بهما..
يجيد فيزاني الفرنسية والعربية والإنجليزية بجانب إجادتة لعدد من اللهجات التشادية كالمابا والسارا بحكم قضاء جزء من حياته بالجنوب..
العقيد/ فيزاني متزوج منذ العام 1982م وأب لخمسة .. 3 أبناء وبنتان أكبرهن تبلغ من العمر 20 عاما وتدعى فاطمة، ولذا يكنى بأبو فاطمة..
إلتحق العقيد فيزاني في بواكير حياته قبل أن يبلغ الثامنة عشرة بقوات الجبهة الوطنية للتحرير(فرولينا) ، ومن حينها لم يغادر الرجل سلك العسكرية ..
أعلن العقيد/ فيزاني أول تمرد له في العام 2002م من داخل القيادة العامة للجيش التشادي (Camp de 27) ليلتحق بقوات المعارضة وقتها في شرق البلاد..
إنتقل العقيد/ فيزاني إلى السودان لأول مرة في حياته في العام 2005م ليلتحق بحركة الحركة المتحدة من أجل التغيير (FUC) بقيادة العقيد/ محمد نور عبدالكريم وقتها حيث أصبح المنسق العسكري للحركة..
في النصف الثاني من العام 2007 أصبح العقيد/ فيزاني سكرتيرا للدفاع بحركة الـ (UFDD) بقيادة الجنرال/ محمد نوري..
لم يكن العقيد/ مهاجر من المقربين للسلطات السودانية كما كان رئيسه وقتها العقيد/ محمد نور عبدالكريم .. ولم يكن إختياره كقائد عام لقوات المعارضة المتحالفة يصادف هوى لدى السلطات الأمنية والعسكرية والسياسية في السودان..
عرف الرجل وسط أقرانه من العسكرييين والسياسيين بالهدوء في الملمات وطول البال والتأني في حل المشكلات السياسية والتعقيدات العسكرية ..






















----------------
قلت لي سوداني محسي وجلابي كمان .. وأكيد طبعا كوز..

محمد نور فزاني شنو المحسي؟؟؟


نحن نتحدث عن قائد المخابرات السوداني
هنالك اكثر من 600 من عناصر المخابرات هؤلاء المسؤل الاول منهم محسي.


وانت مستعجل كده ليه؟؟؟
هو الاخ جلابي ولا حاجه!!

تراجي..
ماأظن بيكون في المنبر دا زول ملم بعمايل الجبهة الإسلامية في تشاد أكثر مني..
وإن كنتز يا نشطاء دارفور مكتويين بنار الجبهة فهم منكم وفيكم .. لكن وجعي أنا براه ..
لمن تتحكم حركة سياسية لدولة جارة في تقلبات الشأن السياسي في بلدك..
وتبقى هي الآمرة والناهية أفتكر في الحالة دي الجمرة فعلا بتحرق الواطيها..
لكن كمان الحق حق يا تراجي..
بشاشاعامل ليه بوست ليه ضل بيقول فيه إنه قائد حملة المعارضة على أنجمينا سوداني محسي جلابي ..
ومصدر معلوماته مداخلة لأحد الإخوة في بوست كتبته أنا..
جلابي، محسي، قائد للغزو الانقاذي لتشاد، تخيل!!
وإنتي جيتي البوست دا وقلتي الفيه النصيب ..
فلو عندكم قائد تاني للمعارضة بتعرفوه أنتو قولوا لينا إسمه وهو منو وشنو عشان نعرف رأسنا من كرعينا..
القائد العام لقوات الحركات المعارضة لنظام ديبي والتي تتقاتل في هذه الأثناء هو العقيد/ فيزاني مهاجر يعقوب..
وكلامي دا لا ينفي ضلوع السودان في هذه العملية..






























---------------
إنت قديمة كدا مالك ؟ هسع يادابك عرفتي إني جلابي؟
حكايتكم حكاية .. مرة مطلعني تاماوي .. ومرة أسلوبي بيشبه أسلوب محمد حامد جمعة.. ومرة جلابي ..
يعني بالعربي كدا ما أجيب سيرة الجماعة .. أقعد في المنبر لا أرى .. لا أسمع .. لا أتكلم .. غايتو..

Unti i get back

محمد نور
عارفك واقف لمبة مني لكن جاية ازيدك:

اولا يا محمد نور


نحن هنا كلنا قاعدين قدامك بجلاباتنا وغرابتنا وكيزان وشويعينا وهامشنا وصفواتنا
وكل مسميتنا...افرشين بضاعتنا السياسه قدامك.


وانت قاعد لينا براك ممثل لتشاد
فهل من المنطق انك صاح دائما؟؟؟؟
او هل تعتقد من ادنى مقومات السياسة ان اخذ كل كلامك وادعي بانه ماعندك اجندتك؟؟؟

Quote: إنت قديمة كدا مالك ؟ هسع يادابك عرفتي إني جلابي؟ حكايتكم حكاية .. مرة مطلعني تاماوي .. ومرة أسلوبي بيشبه أسلوب محمد حامد جمعة.. ومرة جلابي .. يعني بالعربي كدا ما أجيب سيرة الجماعة .. أقعد في المنبر لا أرى .. لا أسمع .. لا أتكلم .. غايتو..

الجماعه منو؟ظقصدك الزغاوة؟؟؟


طبعا ما مسموح تجيب سيرتهم بطريقتك دي
لانك بتبقى عنصري..يعني ممكن تقول ادريس دبي
وتنتقده زي ما عايز لكن لما تقول زغاوة او تشير اليهم بطريقة خفية طبعا
بننط لك في حلقك.

لانهم موجودين في معارضتك المأجورة هذه.
وموجدين كيسارين وموجودين كيمينيين يبقى كيف تقول لي نحن قلنا ما تجيب سيرة الزغاوة؟؟!!
جيب سيرتهم فكريا..انتقد مواقفهم السياسه لكن معقوله تشتغل عرقهم؟؟؟؟
اها هم كان جاملوك انا ما بجامل وجه ما عشنهم لو شاتغلت القرعان ايضا بطريقة عرقيه
حتلقاني قدامك.

تحية طيبة للجميع

كان راجى مستر بيشو يجى يقول ليك (اسف) كنت غلطان ، فـ حـ تستنى كتير ، ديل ما بيعرفوا الكلام ده و ارجى التبرير

و على العموم الرجل بفعله و ليس باصله ، و لكن من يفهم

محمد نور،
وين انا ذكرت انو فيزاني ده محسي؟
لو انت فاكر ده قائد الغزو الانغاذي لتشاد، فهذا شانك. كل واحد فينا عندو رايو.

Quote: ]محمد نور، وين انا ذكرت انو فيزاني ده محسي؟ لو انت فاكر ده قائد الغزو الانغاذي لتشاد، فهذا شانك. كل واحد فينا عندو رايو.

عنزة ولو طارت

الفاضل/ محمد نور

تحياتي
اولا اعتبر ما يحدث الان شانا تشاديا
لكن حكومتنا ابت الا ان تقحم نفسها في هذا الصراع
طبعا ليس من اجل سواد عيون المعارضة لكن لمحاصرة حركات دارفور
وقبل ذلك فعلتها مع دبي نفسه حيث اوصلته الى السلطة
وعندما تمرد عليها وساعد الحركات المسلحة في دارفور
ردت بمساعدة المعارضة التشادية
ونفس السناريو مع المعارضة اليوغندية (جيش الرب) حيث دعمته ردا
على دعم موسفيني للحركة الشعبيةوجيش الرب
الان بعد نيفاشا انتهت الحاجة اليه والعمل جاري لطرده
من السودان , وعلى ذات المنوال افورقي الذي دعم
حتى استولى على السلطة ثم انقلب
لقد كان افورقي ودبي درسا لكن من يتعظ
ثانيا/ لقد ذكرت ان قائد المعارضة رجل عسكري
لكن في هذا الهجوم افتقد الخبرة والقدرات العسكرية
لقد وقع العقيد في اخطاء عسكرية فادحة كيف يحدث ذلك من عسكري محترف
يندفع في هجوم تاركا ظهره مكشوفا دون ان يقيم نقاط تامين
دون ان يقيم خط امداد
في تقديري ان السناريو كان كالاتي
الرجل وقع في مصيدة خدعة محبوكة
وهي ان الوضع منهار وجاهز للسقوط اضافة الى ان عدد كبير
من قوات دبي ستنضم للمعارضة كماان جماهير العاصمة جاهزة للخروج
والترحيب بالثورة فاندفع الرجل ورجاله لا يالو على شيء
وفعلا لم يجدوا معارضة تذكر حتى دخولوا العاصمة
سيطروا على الاذاعة لكنهم بدلا من اذاعة البيان الاول انسحبوا منها
حاصروا القصر حيث وجدوا مقاومة قوية لم يتوقعوها فاسقط في ايديهم
يخيل انهم فقدوا القدرة على تقدير الموقف
حيث لم تكن لهم خطة بديلة
وهنا بدا العمل العسكري الحقيقي فاجبروا على الانسحاب من العاصمة
في نفس الوقت تم قطع اي طرق امداد اضافة الى احاطتهم من الخلف
ومنعهم من العودة الى قواعدهم داخل السودان

كتب الأخ الكريم/ بشاشا:
محمد نور،
وين انا ذكرت انو فيزاني ده محسي؟
لو انت فاكر ده قائد الغزو الانغاذي لتشاد، فهذا شانك. كل واحد فينا عندو رايو.



طيب يا بشاشا ما تتكرم تقول لينا هو منو يا بشاشا؟