جلابي، محسي، قائد للغزو الانقاذي لتشاد، تخيل!!

المصدر:

Quote: وذكرت المصادر نفسها ان قائد عمليات المعارضة عميد سوداني من ابناء المحس وربما تم اسره مع عدد اخر من الضباط السوانيين

راجع:
Re: المعارضة التشادية على أبواب أنجمينا من جديد ..]

وأن التخطيط والتنفيذ للإطاحه بهبرى كان بأيد سودانيه كذلك وأن من وزراء دبى زملاء لبعض الإخوة فى الجامعات السودانيه وأن من أحسنوا الطبخه كانوا أعضاء فى المجلس القومى للصداقه العالمى وأن دبى قام به العيش ورأى الجمل كديسه فبعثت له كتائب المهام الصعبه....بعدين إنت ناس نافع اللاقيتهم ديل ما كلموك والله بتبيع المويه عند الفوله وحمدا لك بالسلامه



منصور

العزيز بشاشا وينك يا راجل والله مشتاقين...

Quote: جلابي، محسي، قائد للغزو الانقاذي لتشاد، تخيل!!

عشان كدة طلع فشنك. غزوة بقيادة جلابي؟! ياخي ده انتحار عديل.

منصور يامراحب،

حقيقة طريقة تفكير هؤلاء الكيزان تموخل!

يعني هم بي بساطة كده متخيلين، بي اسقاط نظام ديبي، حيخلصو من الثورة في دارفور، وقبلها يقطعو الطريق امام القوات الاممية!

جذع النظام من هذه القوات، هو المحرك الاساسي، لكل العابو البهلوانية، الصبيانية، الطائشة، ثم بدرجة اقل، الانتخابات!

هذه الخطوة، في غاية الغباء، لو يعلمون!

ولكن عندما نتذكر، كيف امثال ابو بزاغ، هم القادة العسكريين، المسؤولين من التخطيط الاستراتيجي، فبسرعة نفهم، سر هذه التصرفات الغبية، الحمقاء!

ماعارف، ليه من دون خلق الله، امثال، اب بزاغ، زينكو، رامبو، ابو القاسم، نميري، البشير، هم المتصدين لزعامة السودان؟ ومن الاقدار، حقيقة ما يضحك!

Quote: عشان كدة طلع فشنك. غزوة بقيادة جلابي؟! ياخي ده انتحار عديل.

تاج الدين، والله مشتاقين،

الجلابي بعد ما ولاعا، في اركانة الاربعة، اخدتو العزة بالفشل الذريع، ليذهب مبشرا بذلك في انجمينا!

من الاشياء الكانت بتسبب لي دوار او دوشة، في زيارتي الاخيرة للسودان، كلام البسطاء، عن انجازات النظام!

كلام يخلي الدم يغلي في العروق، ولكن، الة البطش، القهر، الابادة، علي مدي الكم طاشر سنة، كفيلة بمثل هذا الغسيل للامخاخ!

انسان الداخل البسيط، يعيش داخل سياج محكم، احكام فولاذي، بواسطة الة هذا النظام، الدعائية، الضخمة، المهولة، بحق اوحقيقة!

لما اقول ليهم ديل حرامية، يقولو ليك، "ويا للعجب"، ايوة، حرامية!

ثم يضيف محاوري:

لكنهم، بعد ما شبعو بنو البلد!

بنو البلد؟

طيب الولعا او شلعا في اركانة الاربعة منو لو الحرامي اصلا ببني؟

طبعا جاز "البروبقاندا" بيقطع هنا!

دبي...يستعيد السيطرة على عاصمته وانضمام كثير من المعارضة لصفوفه!!
يا بشاشا سلامات
الجماعه ديل من غبائهم بيورطوا اولا الناس في حاجات غريبه وامكنه اعجب
بالله حسه المحسي ده شن عرفه بتشاد ودروبها؟؟؟؟
سنتابع ونرى ماذا يحدث.
تحياتي وتقديري.

الحبيب بشاشا سلامات ولينا طولة

عندما إدعت عصابة مجرمي المؤتمر الوطني بأن هجوماً تشادياً قد وقع على الجنينة، قبل حوالي شهر تقريباً، قال بيان الجيش السوداني والوسيلة السماني بأنهم يحتفظون بحق الرد؟!!

الأسبوع قبل الماضي قال الحرامي اللص السارق والقاتل عبد الرحيم محمد حسين بأنكم ستسمعون أخباراً سعيدة قريباً

لكن معركة القصر لم تحسم بعد.. والأخبار تنقل التوصل إلى اتفاق لوقف إطلاق النار


مرتضى جعفر

يقول حافظ الفيل
الرائد معاش بالقوات المسلحة السودانيةالباسلة- النقيب بسلاح الهجانة..

يقول: كنا اذا اشد البأس وحمي وطيس الدانات والدوشكا ..
لانرى من الرجال الواقفين على قاماتهم متحركين باتجاه الخوارج سوى المحس والمسيرية..
ليس تقليلا من شان بقية الرجال يا عزيز ..
ولكن حرم ارجل من المحسي في احتفال الرصاص مافي..
الواحد تلقاهو زارد القمشة بي سنونه وماسورة الكلاشنكوف حمراء ملتهبة من كمال الرصاص ورصاص الخوارج يمرق من بين كتافينو..
واذا ماقدر الله لك وشفتا مسيري راكب حصان فاعلم ان النصر في ركاب سرج المسيري..ولو كان ذا صوت عنج ساي..
الواحد فيهم الدانة تقع جنبو وتلقاهو بوزن في النشنكة لايطرف له جفن يرصد شيئا غير مرئي بين دغل السنط..


ذلك مقتطف من ونسات سعادتو حافظ بعد غياب دام اعواما عديدات في شرق الاستوائية ..
شعهادة لم دافعة فيها اي غرض سوى ان يشعل فتيل ذكريات تلك الايام التي مضى فيها رفقاء دفعة..

دكين...

Quote: زارد القمشة

غايتو ما ظنيت غيري فهم الكلام ده مافي....


ثم قال من ...قال جلابي محسي قال.

اخي بشاشة
مسكاقمي
يعني في الهلما الحاصلة دي كلها ما لقيت غير محسي
يا اخي اعتبره حالة شاذة ولا مرتزقة
يمكن انت ما تقصد ولكن شوف في ناس اساءت لي قبيلة كاملة
الله يصلح الحال

Quote: يعني في الهلما الحاصلة دي كلها ما لقيت غير محسي يا اخي اعتبره حالة شاذة ولا مرتزقة

أخي حمزاوي للأسف

أراك تصدق بشاشا ومن هو العميد المحسي
فقط وجد معلومة ولا يدري مدي صحتها وقام بفتح بوست كامل ليشمت علي قبيلة كاملة
وإنني أدري تماما من يقصد أخي أخي حمزاوي أسأل أبناء عبري والسكوت عن من هو العميد
شمس الدين فسوف تجد الإجابة وهو قائد منطقة الجنينة الأن علي ما أظن لانني قابلته 2005
عندما كنت في زيارة للولاية والرجل ابن بلد وأسآل وستعرف من هو
وهل هو بهذه السذاجة

الاخ الجسور بشاشا سلامات
كتب الاخ دكين

Quote: يقول حافظ الفيل الرائد معاش بالقوات المسلحة السودانيةالباسلة- النقيب بسلاح الهجانة.. يقول: كنا اذا اشد البأس وحمي وطيس الدانات والدوشكا .. لانرى من الرجال الواقفين على قاماتهم متحركين باتجاه الخوارج سوى المحس والمسيرية.. ليس تقليلا من شان بقية الرجال يا عزيز .. ولكن حرم ارجل من المحسي في احتفال الرصاص مافي.. الواحد تلقاهو زارد القمشة بي سنونه وماسورة الكلاشنكوف حمراء ملتهبة من كمال الرصاص ورصاص الخوارج يمرق من بين كتافينو.. واذا ماقدر الله لك وشفتا مسيري راكب حصان فاعلم ان النصر في ركاب سرج المسيري..ولو كان ذا صوت عنج ساي.. الواحد فيهم الدانة تقع جنبو وتلقاهو بوزن في النشنكة لايطرف له جفن يرصد شيئا غير مرئي بين دغل السنط.. ذلك مقتطف من ونسات سعادتو حافظ بعد غياب دام اعواما عديدات في شرق الاستوائية .. عهادة لم دافعة فيها اي غرض سوى ان يشعل فتيل ذكريات تلك الايام التي مضى فيها رفقاء دفعة

لماذا كانت الحرب من الاساس.... أليست عنصرية من قبل حكام السودان؟؟!!!!

الاخ العزيز/ كمال بشاشا
لك التحايا العطرة
حقا شئ موسف جدا ما يحدث في تشاد عموما ومع اننا من حيث المبدا ضد اي دكتاتور او نظام دكتاتوري وكل المجموعات الانقلابية، الا اننا في هذه اللحظات التاريخية التي يمر بها شعبنا، من لاجئ دار فور الذين شردتهم نظام الابادة الجماعية في الخرطوم والذي يحاول جاهدا الان تغير الاوضاع في تشاد، ليس من اجل التغير الحقيقى لصالح الشعب التشادي الشقيق، وانما لايجاد طريق لمحاصرة شعبنا هناك، باقامة حكومة ظل لهذا النظام الفاشي في الخرطوم لتنفيذ المزيد من مخططاته الاجرامية وخلق فوضي عامة في المنطقة وبمقتضاه يتمكن من الافلات من العقاب . لان كل المنطقة ستنفجر وبالتالي تنهار كل الخطط لمحاصرته ، بل وقطع الطريق امام القوات الاوربية المفترض نشرها في تشاد لحماية معسكرات اللاجئيين الدارفوريون هناك. عليه نحن ندين بدون تحفظ ما يجري هناك حيث انه لايجوز لفاقد الشرعية مرتكب الابادة الجماعية بان يفرض الشرعية في اي مكان ، مع احتفاظنا للشعب التشادي الشقيق بحقه الكامل في التغير وفقا لارادتهم الحرة دون المشاركة من اية قوة دون تفويض قانوني دولي.
اما مشاركة الضباط السودانيون وخاصة الضابط المذكور اعلاه فشئ يدعوا للالم والحسرة لدرجة الغثيان؟!
يا اخى لدي مشكلة مع الكي بورت وصلت لدرجة تعطل الكمبيوتر وتخريب البرنامج ونحن نخطو خطواتنا الاولية نحو( التعريب) الكامل من جديد مما شق علينا كثيرا وكانت او ما زالت كالولادة القيصرية.
مع فائق شكري.

Quote: الجماعه ديل من غبائهم بيورطوا اولا الناس في حاجات غريبه وامكنه اعجب بالله حسه المحسي ده شن عرفه بتشاد ودروبها؟؟؟؟

العزيزة تراجي،

المحسي، عبيط زي قائدو اب ريالة الاهبل الحرامي. كندا مليانة بالجنود حتي والضباط امريكان الرفضو اطاعة الاوامر للقتال في حروب لايجدون لها مبرر اخلاقي. هؤلاء فرو بضمائرم الي كندا، فلماذا يقبل هؤلاء القتال لصالح مجرمي النظام حتي في الدول المجاورة.

الحبيب مرتضي،

عصابة مجرمي الحرب، الان انتقلت بمسرح العمليات الي داخل تشاد، لحسم الصراع لصالحا، هناك.

من قولة تيت او من دون مانعرف اي شئ، قنا ده غزو انقاذي ولاغير.

لامعارضة تشادية ولابطيخ.

كالعادة، او ذي كل مرة، سينقلب هذا علي النظام وبالا، ساحقا، وماحقا، او حتذكرو كلامي ده.

النظام مسير، بي منطوق الحتمية التاريخية، انو في كل حركة، فقط يوسع قبرو، ولايملك غير ذلك!

الطريف النظام منتشي، او شايف روحو حارق تش!

عشان كده، يندفع اكثر واكثر في حماقات ستقتلعو من الجذور!

النتيجة المباشرة لهذا الطيش، انو حينهي تشرذم ثوار دارفور، او علي الاقل، مشوار الالف ميل، هنا، حيبدا!

ايضا هذه الخطوة الحمقاء، ستسقطب تشاد اكثر، لصالح الثورة، وستدفع بها اكثر في احضان القوات الاممية.

ده كلو ما كان موجود قبل المحاولة الهوجاء هذه، والمجتمع الدولي سيستخدم كل هذا ويستثمرو ضد النظام!

الجلابي الدنقلاوي بشاشا
زعيم المهمشين
مشتاقين
انت وكت جيت السودان ما تدينا خبر
كان على الأقل طلعنا منك بي حق مشوارين تلاتة
دا في حالة ما تكون أجرت ليموزين يعني..

ولّا خايفنا نكلم ليك الجماعة..!!؟


بالنسبة لموضووع المحسي دا، أنا ح اكلمو يخلي ماهيتكم ماشة انت وترا G
بشرط تكلموا الجماعة يواصلوا في الطناش..
Deal ؟

Quote: ولكن حرم ارجل من المحسي في احتفال الرصاص مافي..

دكين "حاف" كده، مرحب بيك.

ده كلام ناس عنقل ساكت. الشجاعة ولا الجبن ولا الكرم ولا البخل، ماصفة خاصة بي مجموعة بعينها.

هذا تنميط، سلبا، ام ايجابا. فبطل كلام الروشة ده، او بلاش قبلية.

قمر بوبا مرحب، او شكرا لرفع البوست.

بشاشا حمدلات وحبابك باك..

إنت يا بشاشا وكت متصالح مع منهجك بي الجد بي الجد وفيرfair كلام لايوق وإستيبوت زي ده

Quote: غزوة بقيادة جلابي؟! ياخي ده انتحار عديل.

(ما لقطت إسمو) . بتمشيهوا باريحية كدة خبارك؟
رغم انو الكلام ده من ناحية مرجعية اللفظ(جلابة) من الناحيتين ما واقعي. بفهم الجلابي هو التاجر الفاجر الهجم مواقع جغرافية وقبلية غير مواقعوا : إذن الجلابي لديه مقدرة الغزو . صاح؟! ومن الناحية المرجعية التانية إنو الجلابي هو الشمالي علي الاطلاق، فالتاريخ وحركات الهامش الآن تنادي بفك قبضة الجلابي من القيادة. صاح؟!
ده شرح - طبعا- بعد النزول لأرضية أخينا القال الكلام ده. لكن يا بش بش دي مو الحكاية، الحكاية في إنك لديك المقدرة التفكيكية العالية في تفكيك المداخلات الجلابية فالهارموني المنهجي بفترض تفكيك عكسي. ودي مو الحكاية too ، الحكاية إنو العور المنهجي بينمي عنصرية مضادة ممنهجة. فالجلابي حتي اللحظة يمارس ديكتاتورية غبيانة ، شان كدي تلقاهو مستغرب من ثورات الهامش وإصرارو بإن السودان بلد التسامح المطلق نابع من غبينـة السيطرة دي.
المهم يازول في شان خاطر نضالكم . أفتح عينك غبا أخونا الفوق ده. شان ما تبقى حاميها حراميها

Quote: مسكاقمي يعني في الهلما الحاصلة دي كلها ما لقيت غير محسي يا اخي اعتبره حالة شاذة ولا مرتزقة يمكن انت ما تقصد ولكن شوف في ناس اساءت لي قبيلة كاملة الله يصلح الحال

حمزاوي يا مراحب،

والله مسالة القبيلة، والاساءة للقبيلة، its in the eyes of the beholder زي مابتقول المقولة التوراتية!

انا لا اري قبائل، قط!

البنطلقو من وعي قبلي هم العندهم الحساسية دي.

من جانبي، انا جبت خبر كماهو.

فماممكن اعدل في الصياغة فقط لانو في ناس حيسيؤ لي قبيلة المحس!

ياخي وحياتك، لاوجود للمحس، كقبيلة، في وعيي علي الاطلاق، عشان ما افكر كده!

لذلك اذا في زول مسح بالدناقلة الارض، فهذا لايحرك فيني ساكن، لانو الدناقلة، كقبيلة، من زمان، تبخرت، من وعينا، او بالتالي، لاتوجد حساسية قط.

او بعد ده، وين او منو اساء للمحس كقبيلة؟

هل الحديث عن فرد، صادف او كان محسي، يسئ للمحس كلهم او قبيلتم؟

يعني بناءا عليه، مانتكلم عن وزير دفاع، مجرمي الحرب، لانو محسي، مثلا، ولا علي عثمان، لانو شايقي؟

ماهذا؟

عاجل: مجلس الأمن الدولي في طريقه لأجازة تدخل عسكري في تشاد!!! ]

المدعو كمال بشاشا : اين كتب الأديب محسن خالد هذا عن سلفاكير؟

يا جماعة أنا بس براجع في بوستات معينة فاتتني أيام المعمعة .....

و بعدين ما داير ناس معينين ..... يرتاحو ...

( سهر الجداد و لا نومو ) ..

Quote: . ( سهر الجداد و لا نومو ) ..

عليك الرصول يا محمد سليمان تشرح لي المقوله دي