Quote: الله يرزقك بعصيدة دخن كردفانية بوخها كارب.. قول آمين!
الأخ محمـد الأمين، تحيات طيبات،
قراية دعوتك دى براها بتفطـر الصايم فى رمضان! والله دقيق الدخن الجبتو معاى خلص قبل أسـابيع فقط من هـذه الزيفـة. عارف الدخن دا من الأكلات المشتركـة بين غرب الســودان وشـرقه.. ما عارف نط الجزيرة كيف.. نحن فى الشـرق الفتريتة دى إلا للبهائم.. او فى حالات الضرورة! أكلنا دائما الدخن.. عصيدة خضـرا دخانهـا يلوى! فى 1973 نزلت فى بابنوسـة لعـدة أيام، وكنا نمشى السـوق نشترى عصيـدة من النسـوان البيبيعوهن، ونأكلها جنبهـم، وكلما خلص الملاح، تجى بنفسهـا كأننا ضيوفهـا، وتسـألنـا: أديك جرح روب؟ كلمة "جرح" دى فى الشمال والشـرق تقابلها كلمـة "وصلـة". يقال ان الشيخ فرح ود تكتوك اتعشى بعصيـدة دخن فطيـرة (الفطيرة أقوى من الخميرة) فقال قولته المشهـورة: دخن الدخدخانى أكلته يومـا أصبحت زانى والله بعـد اليوم ما يدخل مصرانى
02-06-2008, 03:05 PM
doma doma
تاريخ التسجيل: 02-04-2002
مجموع المشاركات: 15970
الف حمد الله على السلامـة، وإن شـاء الله لقيتى الناس كلها بخير، خاصـة الأهل والأقرباء. أضرب فى التلفونات دى سـاكت، ومافى رد.. بس كنتى لابدة لدى؟
انا جيت بكين مرتين وعرفت انك فى السـودان.. عشـان كدا قلت أدى المسـاكين العندنا هنا. بكرة مسافر الخارج فى إجازة، وسأتصل من بو دونق، إن شـاء الله الخط يلقط.. والمرة الجاية حاجيب معايا أردب دخن إن شـاء الله.
02-06-2008, 04:46 PM
Abureesh Abureesh
تاريخ التسجيل: 09-22-2003
مجموع المشاركات: 30182
Quote: لكن صورك دي نزلت في جريدة آخر لحظة أمس ولا أول أمس ما عارف بالكربون
الأخ فيصل، شكــرا جزيلا على المعلومـة..
الفضل لبكرى أبوبكـر اللى وفر مادة جاهـزة للصحافـة الســودانية.. شى مقالات شى صور. انا ما عندى مانع ينشـروها، بس كان يعملوا مس كول عشـان لما أرد عليهم يستأذنوا بطريقـة تديهم إعتبار.. ولو ذكروا اسمى فيهـا برضو كان دا يكون وجه. لكن ينسخوا ويلصقوا دى والله ما ظريفـة بالحيل. المهم.. الـ high resolution عندى، وما فى زول يقدر يدعى ملكيتها. قول ليهم حلال عليهم، بس المـرة الجاية يذكروا إسـم صاحب الحق.. حق أدبى فقط ما عايزين منهم قروش، إن شـاء الله تنفعهم.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abureesh
ابراهيم محمود الحاج احمد
Mohamed Elbashir
نيازي عبدالله مرحوم احمد
محمد الأمين موسى
doma
فيس بوك
تويتر
انستقرام
يوتيوب
بنتيريست