Post: #1 Title: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: الطيب شيقوق Date: 02-02-2008, 06:26 AM Parent: #0
بسم الله الرحمن الرحيم وبه نستعين . تعال اول حاجة احكي لي شنو الحلّ بلة ؟
Post: #2 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: abubakr Date: 02-02-2008, 06:31 AM Parent: #1
اها العرريب بقيت بتاع تابلويدز؟؟ العالم بتحل مشاكل نووية وانت في الحل بلة ؟؟ بلة منو ؟؟؟قوول حاجة تانية ياحتات ...
Post: #3 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: الطيب شيقوق Date: 02-02-2008, 06:58 AM Parent: #2
Quote: اها العرريب بقيت بتاع تابلويدز؟؟ العالم بتحل مشاكل نووية وانت في الحل بلة ؟؟ بلة منو ؟؟؟قوول حاجة تانية ياحتات ...
الله يمسخك ضحكتني شديييييييييييييييد لكن كدى انقر شنو الحلّ بلة؟
اكان ما عرفت الحلّ بلة عندك ثلاث خيارات :
اولا : الاتصال بالجمهور ما عدا ود المنسي وسمية بت طلحة وود المحرب وابو حريرة وود النعيم وسوما . ثانيا: يمكنك الاتصال باي صديق باستثناء الواردة اسماؤهم اعلاه . ثالثا : اذا غلبت ام غلاب نديك ثلاثة اجوبة اختار الصاح منها .
وفي حال فشلك حنرجعك لصف الترفك جام في نهايتو عشان تبدأ تزحف يوم كامل لحدى وقودك يكمل وتفتش لناس يلزوا ليك سيارتك خارج الطريق العام .
هيييييييييييييع خارج نفسك
Post: #4 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: الطيب شيقوق Date: 02-02-2008, 07:08 AM Parent: #3
دى الليلة زى بيضة طيرة ام كيكي الحكي لي عنها فضيلي جماع .
ام كيكي دى طيرة يا الرطاني ( والعهدة للراوي - فضيلي) عادة بتبيّض في القش والشقى عينو تقع فيها . قالوا اهلك ناس كردفان البشوف بيضة ام كيكي وما رفعها امو بتموت طوالي واكان رفعها ابوهو بموت .
الليلة يحلك الحلّ بلة من بيضة ام كيكي .
هيييييييييييع زمنك فات وغنايك مات يا الرطاني .
Post: #5 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: abubakr Date: 02-02-2008, 08:21 AM Parent: #3
Quote: اولا : الاتصال بالجمهور ما عدا ود المنسي وسمية بت طلحة وود المحرب وابو حريرة وود النعيم وسوما .
خايف من اهلي دييل وقت احسن تعمل ليهم اكسكلوشن ؟؟ ياهم البنشفو ريقك وفنجرتك بنضم العراريب بيخلوها تطير من راسك ؟ انت خليك بس في هييييع وعييييك ؟؟
Post: #6 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: abubakr Date: 02-02-2008, 08:23 AM Parent: #1
Quote: الليلة يحلك الحلّ بلة من بيضة ام كيكي .
اكان بلة اتحلا ما كان ناس بلة مبلوليين لليوم دة ؟؟ اها ممكن تقوللي سموها ام كيكي ليه ؟؟
Post: #7 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: abubakr Date: 02-02-2008, 08:52 AM Parent: #1
حاشية : نشير هنا الي خبث العرريب فالذين ارادهم الا ياتو هنا اليوم يعرف جيدا انهم ينشطون في نهاية الاسبوع والعرريب اتي بالتابلويد هذا صباح السبت (التقول يهودي ) ....
Post: #10 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: الطيب شيقوق Date: 02-02-2008, 10:12 AM Parent: #7
اها ممكن تقوللي سموها ام كيكي ليه ؟؟
ربما يكون الاسم مشتق من الكنداكة . والكنداكة ذاتها سموها الكنداكة ليه .
طبعا يوم السبت اخوك بتهندم وبحوم على مكاتب المحامين قهوة هنا وشاى هناك -
وعيييييييييك
Post: #8 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: sama7 Date: 02-02-2008, 09:44 AM Parent: #1
شيقا وسيدنا والله مشتاقين
خلاص يا سيدنا خلى اليهود فى حالهم بجيك أنا..... كيف معاك يا شيقا؟
وبعد دا امشى شوف الحل بلة خليه يحلك
Post: #9 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: abubakr Date: 02-02-2008, 10:05 AM Parent: #1
Quote: شيقا وسيدنا والله مشتاقين
ياسماح يابتي ياكي السما السابع ذاتو .. اها ظهرتي يوم وغبتي اسابيع ؟؟ شقا قرب ينشق نصيين لما نسي حالتو والكبر وقعد يرقص برييك في حفلة واها اليوميين دييل بتعكز ساااي وبفتش الحل بلة يمكن يحاو من العكاكيز ....خلك من العرريب وامورو واتلمي علي حولية "سيدنا" قبلما باب التسجيل يتقفل ...ما الحوليات اليوميين دييل بالتسجييل (زي القيد الصحفي )....
Post: #11 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: محمد الأمين موسى Date: 02-02-2008, 10:21 AM Parent: #9
يا أخوي أبوبكر أنا بغششك بس الإكرامية فيلا في المرابع العربية! أولا بلة.. التاء حرف تأنيث وبلة دي كانت حامل وحلتها الداية!
Post: #12 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: abubakr Date: 02-02-2008, 10:27 AM Parent: #1
Quote: يا أخوي أبوبكر أنا بغششك بس الإكرامية فيلا في المرابع العربية!
انت وكت الفيلا هناك بخمسماية الف ما طلبتها دحين والاسبوع الفايت فيلا واحدة اتباعت بسبعيين مليون داير فيلا ؟؟
Quote: أولا بلة.. التاء حرف تأنيث وبلة دي كانت حامل وحلتها الداية!
والعرريب ذاتوووو ما عارف انها انثي ؟؟ اها اليحل العرريب الحلا بلة .... قول اااامين
Post: #13 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: الطيب شيقوق Date: 02-02-2008, 10:43 AM Parent: #12
الرطاني
يا بختنا سماح جاتنا والبوست حيبقى لذيذ شديد بس ما تطفرها مننا بحركاتك وهجومك الغير المؤسس لغويا والمفتقر للمنهجية سياسيا .
سماح
Quote: ياسماح يابتي ياكي السما السابع ذاتو .. اها ظهرتي يوم وغبتي اسابيع ؟؟
شفتى يا سماح زولك ما تفهميهو اقادحا هو ام مادحا وانا برجح الاخيرة
Quote: شقا قرب ينشق نصيين لما نسي حالتو والكبر وقعد يرقص برييك في حفلة واها اليوميين دييل بتعكز ساااي وبفتش الحل بلة يمكن يحاو من العكاكيز ....خلك من العرريب وامورو واتلمي علي حولية "سيدنا" قبلما باب التسجيل يتقفل ...ما الحوليات اليوميين دييل بالتسجييل (زي القيد الصحفي )....
ده بتاع تلاتات ساااااااااى يا سموحي احسن تجيني بهنا بس
Post: #14 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: الطيب شيقوق Date: 02-02-2008, 10:44 AM Parent: #12
الرطاني
يا بختنا سماح جاتنا والبوست حيبقى لذيذ شديد بس ما تطفرها مننا بحركاتك وهجومك الغير المؤسس لغويا والمفتقر للمنهجية سياسيا .
سماح
Quote: ياسماح يابتي ياكي السما السابع ذاتو .. اها ظهرتي يوم وغبتي اسابيع ؟؟
شفتى يا سماح زولك ما تفهميهو اقادحا هو ام مادحا وانا برجح الاخيرة
Quote: شقا قرب ينشق نصيين لما نسي حالتو والكبر وقعد يرقص برييك في حفلة واها اليوميين دييل بتعكز ساااي وبفتش الحل بلة يمكن يحاو من العكاكيز ....خلك من العرريب وامورو واتلمي علي حولية "سيدنا" قبلما باب التسجيل يتقفل ...ما الحوليات اليوميين دييل بالتسجييل (زي القيد الصحفي )....
ده بتاع تلاتات ساااااااااى يا سموحي احسن تجيني بهنا بس
الاخ محمد الامين موسى
عليك ربك تدخل وحل زولك ده من الورطة دى
Post: #15 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: الطيب شيقوق Date: 02-02-2008, 10:44 AM Parent: #12
الرطاني
يا بختنا سماح جاتنا والبوست حيبقى لذيذ شديد بس ما تطفرها مننا بحركاتك وهجومك الغير المؤسس لغويا والمفتقر للمنهجية سياسيا .
سماح
Quote: ياسماح يابتي ياكي السما السابع ذاتو .. اها ظهرتي يوم وغبتي اسابيع ؟؟
شفتى يا سماح زولك ما تفهميهو اقادحا هو ام مادحا وانا برجح الاخيرة
Quote: شقا قرب ينشق نصيين لما نسي حالتو والكبر وقعد يرقص برييك في حفلة واها اليوميين دييل بتعكز ساااي وبفتش الحل بلة يمكن يحاو من العكاكيز ....خلك من العرريب وامورو واتلمي علي حولية "سيدنا" قبلما باب التسجيل يتقفل ...ما الحوليات اليوميين دييل بالتسجييل (زي القيد الصحفي )....
ده بتاع تلاتات ساااااااااى يا سموحي احسن تجيني بهنا بس
الاخ محمد الامين موسى
عليك ربك تدخل وحل زولك ده من الورطة دى
Post: #16 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: sama7 Date: 02-02-2008, 10:52 AM Parent: #1
Quote: بحركاتك وهجومك الغير المؤسس لغويا والمفتقر للمنهجية سياسيا
والله يا جدو شايفة ناس .......... أثروا فيك هاهاهاهاهاها
أنا معاك أهو لكن سيدنا ما بخليه أصلنا تيم واحد أنا وهو وبعدين هو واسطتى فى الجامعة بهناك شفت كيف
أها انت لية فى ال tricks بتاعتك دى داير تعرف بلة اتحل كيف عشان تفكفك عكاكيزك ديل
لكن بلة المرحلة دى زاتا ما وصلها... لكن كان داير مساعدتنا نحن بنوريك انت تتحل كيف
Post: #17 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: محمد المرتضى حامد Date: 02-02-2008, 10:57 AM Parent: #16
ياود المرتضي زولك متورط اها قال سشوفني الرطاني يمكن اساعدو ولكن حلم ابليس في الجنة ؟ اها شفت ليك بورصة بتشتغل السبت ؟؟ الزول دة بيدوهو ماهية السبت ليه ؟؟؟
Post: #18 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: almulaomar Date: 02-02-2008, 11:05 AM Parent: #1
ود شيقوق وأبوبكر والمتداخلين حالة كونهم في وضع نصب والمتداخلون حالة كون الوضع يسمو على النصب رفعاً بعيداً عن موضوع البوست فإن بله هذا هو جنكيز لم تتم مراعاة حالته الصحية فطاله التهميش وبدلاً من أن يتم أخذه إلى مصح عقلي أو مستشفي مجانين زي ما بنقول ناهيك عن مايو كلينك ربطوهو والحمد لله أنهم لم يربطو معاهو واحد تاني كما أخبرنا بذلك المطرب محمد منير حينما حبسوه وحبسو حبيبو فأصبح الحبس تعسفي ولم يعد حبساً إنفرادياً. بله كما ذكر عضو البورد الغائب منذ زمان طويل "أهل العوض" – أحييه في هذه العجالة زي ما بقولوا ناس التلفزيون - هذا حلاهو الموت بعد أن كان مقيداً إلى شعبة في خلوة من خلاوي أحد الشيوخ الذين يدعون تطبيب المجانين فكان يتناول طعامه وهو مربوط ويقضي حاجته وهو مربوط وينام وهو مربوط ويمارس كل أموره وشئونه الحياتية في حدود المسافة التي يتيحها له الجنيز الذي يفصل بينه وبين الشعبة ، فكان الموت هو الحل الوحيد لبله من شيئين أولها القيد والثاني الذلة وبالتالي مات شهيداً في سبيل خلاصه من هذا الضيم. أتمنى أن تكون الإجابة صحيحة يا ودشيقوق بالرغم من أن أبوبكر لم يستعن بي على هذا السؤال لكنها الشلاقة والدخول في الشبكات فلتعذرني إن شئت وليعذرني أبوبكر لدخولي بإفتراض أنني أبو العريف بن أبي العارف المستنير سليل عائلة ويبستر ديكشنري البريطانية == خرمجه خارج السرب: إنت يا ود شيقوق يا أخوي الحاجات أدناه دي أو ما يعرف بإعلانات القوقل لقيتها هنا ولا إنت العملتها أم هي القوقلة واليهيهة (من ياهو) مجرد سعال:
هسع بلة ذكر ام انثي ؟؟؟ غايتو احنا الرطانة ما فارقة معانا اصلو حكاية تاء التانيث من زمانك خليناها هي الشائعة ؟؟
Post: #23 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: محمد على طه الملك Date: 02-02-2008, 01:05 PM Parent: #22
ودشيقوق وابوبكر .. كيفكم .. برضو علي كيفكم وكت سويتوها غلوتيات وتشمرات .. أها يا ود شيقوق .. قلت الحله بله.. اوع يكون دا الفضلنا بعد نقزاتنا ديك .. كمان جايبالها موت إن طلعنا واللا نزلنا .. إن كده ياني كاسرها في محلتها ..
دي أنا متأكدة منها 100% ...ولا اتفق معك في انو هجوم غير مؤسس بل مؤسس ومدرووووووس..... تكفينا ذكريات شركة بتاعتنا...البدت (ياسلمى يا بتّنا) بعدين بقت...شركة بتاعتنا....ثم بتاعتنا وجامعتنا....ثم OUT لحين إشعار آخر.... ده كلو كوم والإعلانات المدفوعة الأجر،السووني بآخد حقها!!... وبرضو بنقول.... لأستاذ أبوبكر التحية والتقدير والإحترام....وهو يعي ذلك تماماً....
Quote: يا ريت بعد ده كلو تنشروا انها وصلتكم.... ما يكون فيها باقي ما مدفوع....
متاكدة؟؟؟ رسلتي الي العنوان الصحيح بتاع مجموعة بتاعتنا جامعتنا - قرية عمكة - 20 كلم جنوب وادي حلفا (الزمااان) - البيت الفي اخر الحلة فوق شرق كلي كومبو - عمق 100 متر تحت الماء ....... اها بعدين تبقي زي فلوس التعويضات الما وصلتنا من ستة 1964 .... دي حالة دي لا تعويضات ولا فلوس الكابشينو ....
Quote: " إنوالطيب متفرغ ليك يا أبابكر لأنو اليوم يوم إجازته الإسبوعية......
ياسمي (بالضمة علي السين بشان العرريب بتاع الدبايب دة ما يحولا سم ) العزيز ..هو حتي في يوم اجازتو ما قادر اها مرة "انا ماري علي المحاميين اشرب قهوة" ومرة " معاي ضيوف " التقول سمسار ....
Post: #32 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: محمد على طه الملك Date: 02-02-2008, 04:17 PM Parent: #30
Quote: ود شيقوق وأبوبكر والمتداخلين حالة كونهم في وضع نصب والمتداخلون حالة كون الوضع يسمو على النصب رفعاً
المؤسف حقا معنا مجموعة تنسب للناطقين بغيرها . هم محتاجون لعربي خاص بدون تصريفات وتشكيلات .
Quote: عن موضوع البوست فإن بله هذا هو جنكيز لم تتم مراعاة حالته الصحية فطاله التهميش وبدلاً من أن يتم أخذه إلى مصح عقلي أو مستشفي مجانين زي ما بنقول ناهيك عن مايو كلينك ربطوهو والحمد لله أنهم لم يربطو معاهو واحد تاني كما أخبرنا بذلك المطرب محمد منير حينما حبسوه وحبسو حبيبو فأصبح الحبس تعسفي ولم يعد حبساً إنفرادياً. بله كما ذكر عضو البورد الغائب منذ زمان طويل "أهل العوض" – أحييه في هذه العجالة زي ما بقولوا ناس التلفزيون - هذا حلاهو الموت بعد أن كان مقيداً إلى شعبة في خلوة من خلاوي أحد الشيوخ الذين يدعون تطبيب المجانين فكان يتناول طعامه وهو مربوط ويقضي حاجته وهو مربوط وينام وهو مربوط ويمارس كل أموره وشئونه الحياتية في حدود المسافة التي يتيحها له الجنيز الذي يفصل بينه وبين الشعبة ، فكان الموت هو الحل الوحيد لبله من شيئين أولها القيد والثاني الذلة وبالتالي مات شهيداً في سبيل خلاصه من هذا الضيم. أتمنى أن تكون الإجابة صحيحة يا ودشيقوق بالرغم من أن أبوبكر لم يستعن بي على هذا السؤال لكنها الشلاقة والدخول في الشبكات فلتعذرني إن شئت وليعذرني أبوبكر لدخولي بإفتراض أنني أبو العريف بن أبي العارف المستنير سليل عائلة ويبستر ديكشنري البريطانية ==
الاجابة دى وكأن الاصل منها باللغة الانجليزية وترجمتيها بالمسبار . ومهما يكن من امر فهي تمثل اجتهاد مقدر ولكنه للاسف لا لا لا
Quote: خرمجه خارج السرب: إنت يا ود شيقوق يا أخوي الحاجات أدناه دي أو ما يعرف بإعلانات القوقل لقيتها هنا ولا إنت العملتها أم هي القوقلة واليهيهة (من ياهو) مجرد سعال:
سعالك حلو دى بس - اخي / اختي بتكف العين من الرطّانة
انا اولا من الناطقيين بغيرها يعني مباراة زي واحد بلعب بلي مع تايغر وود ..العربي لغة اتعلمتها سوا سوا مع الانجليزي وانت طلعت من بطن امك تبرطم عربي ومع كدة انت طلعت عرريب كيشة عديييييييل .. بلة دة واللا دي ؟؟؟؟
Quote: برضو علي كيفكم وكت سويتوها غلوتيات وتشمرات .. أها يا ود شيقوق .. قلت الحله بله.. اوع يكون دا الفضلنا بعد نقزاتنا ديك .. كمان جايبالها موت إن طلعنا واللا نزلنا .. إن كده ياني كاسرها في محلتها ..
انتو مالكم بتنطوا الجزء الاخر من سؤال البوست ؟ ما تخافو تقولوا حاجة شينة البلاقيك متشمر تلاقيهو ميطي .
الرطاني جاييك رد بالتفصيل براااااااااااااك خليني ارد على السدنة بتاعين جامعتكم دى
سلمى بت صبحي
Quote: دي أنا متأكدة منها 100% ...ولا اتفق معك في انو هجوم غير مؤسس بل مؤسس ومدرووووووس..... تكفينا ذكريات شركة بتاعتنا...البدت (ياسلمى يا بتّنا) بعدين بقت...شركة بتاعتنا....ثم بتاعتنا وجامعتنا....ثم OUT لحين إشعار آخر....
Quote: ياسمي (بالضمة علي السين بشان العرريب بتاع الدبايب دة ما يحولا سم ) العزيز ..هو حتي في يوم اجازتو ما قادر اها مرة "انا ماري علي المحاميين اشرب قهوة" ومرة " معاي ضيوف " التقول سمسار ....
وكمان مرة ................ ما بكلمك
ود الملك جرّ الخمسييييييييييييييييييييييييييييييين اوع يكون كمان ...............
Quote: ( والله تب بقت علي بيضة أم كيكي ووقعت عينو فيها )
اها تاني زولك بفرفر هو ما عارف العرب بجيبوا خبرو بالنفس الطويل
Quote: الرطاني قول الروووووووووب بلحقك بي الحلَّ بلة .. ووريني هبشتا وين يا الشقي عشان نشوف لو نقدر نساعدك آ المطموس .
يا زول اوع تلحقو الزول ده من قبيل كايس الفزع من سماح وبت صبحي قول لو حليلك يا النائم على حيلك اكان ديل فذعك ياكا الغاطس لاضنيك .
Post: #49 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: محمد الأمين موسى Date: 02-02-2008, 07:04 PM Parent: #47
Quote: انت وكت الفيلا هناك بخمسماية الف ما طلبتها دحين والاسبوع الفايت فيلا واحدة اتباعت بسبعيين مليون داير فيلا ؟؟
طالما إنو الأمر كدا.. سجل يا ود شيقوق: أولا التاء الموجودة في بلة ما تاء تأنيث وأنا اضطريت يا سعادتك أقول الكلام دا تحت وطء التغذيب العمراني (سعر الأسمنت وكده)! وأنا ما حأقول أي كلام تاني إلا في حضور الأستاذ محمد المرتضى!
Post: #48 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-02-2008, 07:00 PM Parent: #46
اولا انا عندي lactose intolerance يعني ما ممكن اقول الرووب واي من مشتقات الالبان ثانيا ممكن تشرح الاتي : قالت بنت موسي ود جلي للكبابيش : يوم كتلو موسي بله كيف حالهم ؟ وقال الكباشي الاخر : بله يا زعم طاشو عرب جوقان ---- اها كلكم عراريب حلوها بيناتكم ... قل بله قال ....
الله يصرف الكمبيوتر دا من داكي الليلة مابي يقتبس ( الله يقبسو الجن اللفرطقو ) طيب يا الرطاني قول ( ألحقني ) بوريك الحلَّ بلة بله : هي تخسيم اي استحلفك بالله وهي المعضلة في كل ماقلت
هسي قول ألحقني
بجيك والله بحبك وبحب العريبي وخلوتني مشلهت بيناتكم أدي الدلوكا نقرا وأدي النقارة عصا اي مرة معاك ومرة معاهو ....
اسرع قولها والله حرقتني شديد حقارة العريبي ليك
Post: #51 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-02-2008, 07:29 PM Parent: #48
انتو بخلا كدة ليه يا عرريب .. مو دي لغتكم؟؟ .. بطففو في ميزان الكلمات مالكم .. كل كلمة يا شايليين منها حرف او حرفيين او بالعنها او كاتلنها من العطش ... اها "بالله" شايلين منها حرفيين تسوو بيهن شنو ... دي لغة شنو الاهلها مستكثرنها علي روحم ....؟؟
Quote: طالما إنو الأمر كدا.. سجل يا ود شيقوق: أولا التاء الموجودة في بلة ما تاء تأنيث وأنا اضطريت يا سعادتك أقول الكلام دا تحت وطء التغذيب العمراني (سعر الأسمنت وكده)! وأنا ما حأقول أي كلام تاني إلا في حضور الأستاذ محمد المرتضى!
الجات منك كفاية بس اوع تتراجع تاني وما تقول كلام تاني الا بحضور مرتضى وكمان ود الملك
Post: #55 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-02-2008, 07:40 PM Parent: #52
انتو بخلا كدة ليه يا عرريب
حزف الحروف يا باشمهندس بلاغة في اللغة إت ماسمع بــ ( الشم ) أي أنتَ ما سمعت بــ ( الشم ) وهو تفخيم للشمس .. شفتا بلاغة العرب كيف
وقال الحردلو الشم خوخت وبردن ليالي الحرا والبراق برق من منّا جاب القرّا
Quote: عليك الله يا ود المنسي امش تاني ارخي اضانك للمجرية خليها تدينا حاجة ( نكاية بالرطاني !!!!!!!!!!!!!!!!!!!!!!!!!!!!!!!!!!!!)
اها حظك العاثر .. المجراب دييل عندهم علاقات دم ونسب مع الرطانة ....اها شفت ليك جنس اوروبي عندو علاقةنسب ودم مع العرريب ؟؟ براكم وحدكم ما في جنسا في الدنيا دايركم ....
Quote: طالما إنو الأمر كدا.. سجل يا ود شيقوق: أولا التاء الموجودة في بلة ما تاء تأنيث وأنا اضطريت يا سعادتك أقول الكلام دا تحت وطء التغذيب العمراني (سعر الأسمنت وكده)! وأنا ما حأقول أي كلام تاني إلا في حضور الأستاذ محمد المرتضى!
اهو ده حالكم يالعرريب .. ما الحطيئة يوم ما يلقي مرادو كان بيهجو نفسو ...
Post: #58 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: أحمد الشايقي Date: 02-02-2008, 07:47 PM Parent: #1
الاحبة
استاذنا شيقوق ومهندسنا أبو بكـر
سلام واحترام وتحيات
Quote: اولا : الاتصال بالجمهور ما عدا ود المنسي وسمية بت طلحة وود المحرب وابو حريرة وود النعيم وسوما .
طالما انه اسمي ليس من اسماء القائمة, فقد استقبلت (هاتف) من المهندس ابوبكر ,
المهم باقي المقولة (يحلك الحـلّ بلة ..... من القيـد والذلـة )
Post: #65 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-02-2008, 09:28 PM Parent: #64
انت فاكرو شنو يعني ؟
والله كان كدا نسكت نقول الخلا ولع والرهيفا التنقد
ها جنى ها إتقونن شوية وخلي البتسوي في دا الشي دا بسويلك اليابوسا في بطنك ... ابقى داب القراصة 6 لينيا بي الدمعة التقيلة يقدل فيها السوسّيو بي عبايتو وتشربكو مكتوف
Quote: ابقى داب القراصة 6 لينيا وبالدمعة يقدل فيها السوسيو
وبالدمعة يقدل فيها الرطاني - طبعا زولك هسع مبسووووط قائل قادلو في عز هيييييييييييييع
Post: #67 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-02-2008, 10:13 PM Parent: #66
وبالدمعة يقدل فيها الرطاني - طبعا زولك هسع مبسووووط قائل قادلو في عز هيييييييييييييع
ههاهاهاهاهاهاههاهاهاهاهاها الزول بكون نام وإتكامل العنقريب ولا كمان خلا رقاد العنقريب .. مو بقى فنجري
أرقد عافية باشمهندس
ولك التحية بكرة عاد يومنا أسود شي عربي وشي رطانة
هلا هلا
Post: #68 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: الطيب شيقوق Date: 02-03-2008, 06:45 AM Parent: #67
المنسي
Quote: الزول بكون نام وإتكامل العنقريب ولا كمان خلا رقاد العنقريب .. مو بقى فنجري
ها زول شن الفنجرة زولك صار زى الخليجيين يسند راسو بمخدة ويجدّع ليك في الواطة ساااااااااااااى وام اولادو الفنجرية تسوى ليهو القهوة ويقرطع سااااااااى وبيكون بفكر في بوستاتو ما شات كيف !!!!!!!!!!!!
امانة يا المنبر العام ما خربت بيوت .
ملاحظة خطيرة :
انت يا الرطاني شنو الدعايات الفرشوها لينا جوة البوست ده . انا خايف تكون ده انت وقت غلبتك ام غلاب فكيت فينا الهكرز .
Post: #69 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: abubakr Date: 02-03-2008, 08:00 AM Parent: #1
ها يالعرريب انت جايب معاك ربعك والمطارزية بتاعنك في نزال انفرادي ... انتو لسه بتخافو الرطانة من زمن جيش بن سعد ؟؟؟
______ حاشية : بخصوص الاعلانات : تكاليف ادارة منبر عام نشط كهذا المنبر في ازدياد والاستفادة من الاننتشار الواسع للمنبر لاستقطاب اعلانات امر مهم اما لمقابلة بعض التكاليف او للحصول علي خصومات من المزود الاصلي (هذه وجهة نظر شخصية فقط من واقع تجربة )
Post: #70 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: الطيب شيقوق Date: 02-03-2008, 09:45 AM Parent: #69
Quote: ها يالعرريب انت جايب معاك ربعك والمطارزية بتاعنك في نزال انفرادي ... انتو لسه بتخافو الرطانة من زمن جيش بن سعد ؟؟؟
Quote: بخصوص الاعلانات : تكاليف ادارة منبر عام نشط كهذا المنبر في ازدياد والاستفادة من الاننتشار الواسع للمنبر لاستقطاب اعلانات امر مهم اما لمقابلة بعض التكاليف او للحصول علي خصومات من المزود الاصلي (هذه وجهة نظر شخصية فقط من واقع تجربة )
كتر خيرك بس كنت فاكر من عمايلك
Post: #71 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: الطيب شيقوق Date: 02-03-2008, 09:48 AM Parent: #70
دحين هسع اكان جيناكم بتدونا مرة ولا الشغلانية فيها تحكك رسين . اصلا نحن ما بنديكم وانتو ما بدونا وما بنمشى لناس ما بيجونا وفي المنبر صاروا يعذبونا .
Post: #81 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: الطيب شيقوق Date: 02-03-2008, 11:44 AM Parent: #79
سموحة
Quote: يا سيدنا ما يتآمرو عليك سموحة معاك
حظك يا الرطاني فكيك كارب سموحة باعتنا وبقت معاك - طيب شوف فكيك ده خليهو يفك ليك الحل بلة .
Quote: بس أوعى تديه التفكفك عكاكيزو
يفك عنقرتك انت يا الحاسدة
Quote: هى فقرة جدو لسة بتستحمل الضرب؟؟؟؟؟؟؟؟؟؟؟؟؟
انت قايلة مياكل بركاوى وعجوة هيييييييييييع نحن ناس الضرع والزرع مدوعلين يعني ( الرطاني تعرف المدوعل؟) طيب بتعرف عبد الجليل؟
الرطاني الحاسد ما بكلمنى بقول لي سموحة جات وكتبت هنا .
Post: #82 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: abubakr Date: 02-03-2008, 11:45 AM Parent: #79
Quote: دحين هسع اكان جيناكم بتدونا مرة ولا الشغلانية فيها تحكك رسين . اصلا نحن ما بنديكم وانتو ما بدونا وما بنمشى لناس ما بيجونا وفي المنبر صاروا يعذبونا
اها العرريب بقيت تنوي تناسب الرطانة .. اولا بناتنا هن البختارن .. تانيا الشرط المهم انك تجي جاهز بترتطن .. غير كدة حك راسك كان بقي فيهو شعر ...
Post: #84 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: الطيب شيقوق Date: 02-03-2008, 11:52 AM Parent: #82
Quote: قلتو كدي يا باشمهندس اها انا بعدلّكم رأس عقيد الدندر وأبسطو بالكلام الحلو وبعدها والله يهب فيكم زي عصار المفازة يعدمكم نُفاخ النار
اركزوا وابقو دابو جاكم حجر الصاعقة المخوي وهو حقيقة قادر وبسوي
هلا هلا الخلا ولع والرهيفة التنقد
هيييييييييييييع عفيت منك دنيا واخرة - والله يا ود المنسي ات ما عارف الاغنية دي بتسوى لاخيك شنو؟ والله انا في المكتب سمعتها وطوالى قفلت ليك الابواب والشبابيك وهاك يا الاسلو دانسنج بس فاقد .................. هيييييييييييع
Quote: هيييييييييييييع عفيت منك دنيا واخرة - والله يا ود المنسي ات ما عارف الاغنية دي بتسوى لاخيك شنو؟ والله انا في المكتب سمعتها وطوالى قفلت ليك الابواب والشبابيك وهاك يا الاسلو دانسنج بس فاقد .................. هيييييييييييع
قت شنو ؟ اسلو دانسنج ؟؟ دبيب ساااااي ...
Post: #83 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: sama7 Date: 02-03-2008, 11:48 AM Parent: #1
ود المنسى
دا كلام فى الصميم
Quote: نحن نِزال الحريم في شرعنا محرم بنديهن حلو الكلام نرفع لي قدرهن شامخات المقام في عقولنا .. هن أماتنا .. هن أخواتنا .. هن زوجاتنا .. هن جاراتنا في فريقنا وفي فريق قدام.
انت ما سمعتي قول طه لي ريا
قال ليها ياالخدرا المفرهدا وفوق جروفا نديا علي الواقع وراك أنا كيف أشيل أيديا حتى إن كتلني عافي ليهو الديا دمي مالي إيدك وأقبليهو هدية
الزول عنيد تب ما داير إقول لي تعال يا المنسي أبقى معاي .. وأنا قاطع الشك هو براهو علي العريبي ما بقدر . عاد شن أسوو معاهو
كدي أنتِ حدثي في أضانو مايبقى عدو نفسو
لكن دخلت نفسك فى حتة ضيقة
عشان العروب أسياد الكلام دا هيييييييييييييع ما بستنو الواحد يترجاهم والواحد تلقاه حمى التانى قبل ما التانى يشتكى وللا حتى يعرف إنه فى مأزق والله كان ليهم زمن
أها حسى أنا مدام من ال(حريم وللا الحروم) حسب منطقتكم طلبت منك طلب شهامة كده بتقوم بيه؟؟؟؟؟
أها الليلة سيدنا وشيقا خليهم يتفرجو دا بينى وبينك كدا؟؟؟؟؟؟؟؟؟؟
سماح.......السماء السابعة
Post: #85 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-03-2008, 11:53 AM
أها حسى أنا مدام من ال(حريم وللا الحروم) حسب منطقتكم طلبت منك طلب شهامة كده بتقوم بيه؟؟؟؟؟
هلا هلا يحردن إنتن الدرر الثمان مكنونة نداريكن من العين والمتعدي والفايت الدرب ضهبان
Quote: نحن نِزال الحريم في شرعنا محرم بنديهن حلو الكلام نرفع لي قدرهن شامخات المقام في عقولنا .. هن أماتنا .. هن أخواتنا .. هن زوجاتنا .. هن جاراتنا في فريقنا وفي فريق قدام.
وقال
Quote: هلا هلا يحردن إنتن الدرر الثمان مكنونة نداريكن من العين والمتعدي والفايت الدرب ضهبان
دمانا فداك يا سماح
وشيقا قال
Quote: يفك عنقرتك انت يا الحاسدة
وسيدنا قال
Quote: اها حظك العاثر .. المجراب دييل عندهم علاقات دم ونسب مع الرطانة ....اها شفت ليك جنس اوروبي عندو علاقةنسب ودم مع العرريب ؟؟ براكم وحدكم ما في جنسا في الدنيا دايركم ....
عارف يا سيدنا شكلو كدا ود المنسى دا فيه من دمنا... يمكن أدته ليه بنتنا المجرية
تسلم يا ود المنسى والله أخجلت تواضعنا
حسى طلبى زاتو نسيته بعد الكلام الحلو دا ... بس طلب صغير كدا فكفك لينا سيدنا
سموحة
Post: #89 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-03-2008, 12:24 PM Parent: #86
حسى طلبى زاتو نسيته بعد الكلام الحلو دا ... بس طلب صغير كدا فكفك لينا سيدنا
قسماً بالله ثلاثة ما برفض لأمات وجن زاهيات طلب أبشري بالخير يا سماح الباشنهندس أتحلا زي ما إنحلا بلة
برجع ليك وطلب فوق رؤوسنا وشاح ومابننسى بجيك صادي .. شيقوق طاير في السما قصاد طلبك وأحل الله البيع وحرم الربا
ولا ترجمة ولا يحزنون والعرريب العايز يعرف يتعلم رطانة ما شبكتونا اتكلم عربي ولليوم ما عارف ليه لا فايدة في الشغل ولا حاجات تانية يا عرريب ....لغة كلها اشارات مرور ودسديس ( قال تورية فال) .....
Post: #93 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: ismeil abbas Date: 02-03-2008, 01:31 PM Parent: #1
أخوى ود شيقوق
أنا لما أجد ليك بوست بدخل من غير ما أعرف الحاصل شنو ..زول فزعة..
...قلت: ام كيكي دى طيرة يا الرطاني ( والعهدة للراوي - فضيلي) عادة بتبيّض في القش والشقى عينو تقع فيها . قالوا اهلك ناس كردفان البشوف بيضة ام كيكي وما رفعها امو بتموت طوالي واكان رفعها ابوهو بموت . ............يعنى زى الراجل قال لى مرتو كان قعدتى طلقانة وكان مشيتى طلقانة..
قالت ليه أها دى رقدة..
مودتى متابع بوستك بى مزاج..
سلمت..
إسماعيل محمد احمد عباس..........
Post: #94 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: محمد على طه الملك Date: 02-03-2008, 01:40 PM Parent: #93
قمرنا .. يازول ودشيقوق دا بدارق الأسود ماك شايفه مالص وسادي الدرب علينا..
Quote: قسماً بالله ثلاثة ما برفض لأمات وجن زاهيات طلب أبشري بالخير يا سماح الباشنهندس أتحلا زي ما إنحلا بلة
برجع ليك وطلب فوق رؤوسنا وشاح ومابننسى بجيك صادي .. شيقوق طاير في السما قصاد طلبك وأحل الله البيع وحرم الربا
هلا هلا الخلا ولع والرهيفة التنقد
الله يخيبك يا اب رويسا خفيف خيبت ظننا والبنية جابت خبرك طاااااااااااب اوع فتح عينك ما يلعبن عليك بنات البندر ديل زمان في الجامعة ببهدلن فينا بكلاماتن الحلوة وتقوم تلحس جيبك كلووووووو وتمشى يا خالي بلة تقدل تقول هييييييييييييع حبتني خلاص .
Post: #120 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: الطيب شيقوق Date: 02-04-2008, 06:15 AM Parent: #93
اخي اسماعيل محمد احمد عباس
Quote: أنا لما أجد ليك بوست بدخل من غير ما أعرف الحاصل شنو ..زول فزعة..
الله يخليك ويطول عمرك و...... يديك العافية
...قلت: ام كيكي دى طيرة يا الرطاني ( والعهدة للراوي - فضيلي) عادة بتبيّض في القش والشقى عينو تقع فيها . قالوا اهلك ناس كردفان البشوف بيضة ام كيكي وما رفعها امو بتموت طوالي واكان رفعها ابوهو بموت .
Quote: ............يعنى زى الراجل قال لى مرتو كان قعدتى طلقانة وكان مشيتى طلقانة..
الله يجازي محنك يا سماعين
Quote: مودتى متابع بوستك بى مزاج..
خليك معانا واقرا ما وراء الكلمات يا سمعة
سلمت..
Post: #121 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: الطيب شيقوق Date: 02-04-2008, 06:27 AM Parent: #120
سموحة
Quote: يفنقلك الفنقل بلة يا شيقا
ويفنقلك انت يا السموحة الفنقل امنا حواء وابينا ادم من الجنة
Quote: الفنقلة راجياك مع ال dancing ( فى مثل بقولوه هنا فى المنبر كتير دا ......... ما عندك ليه رقبة نسيته) لكن انت فاهمنى صاح
Don`t worry I am so smart
انا عارف كلامك حتى لو مشاتر ود المنسي بقدسو الله يغطسو السجم
وعين الرضا عن كل عيب كليلة ولكن عين السخط تبدي المساويا
هيييييييييييييع زولي اتلحس
Post: #122 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: الطيب شيقوق Date: 02-04-2008, 06:51 AM Parent: #120
GAMAR BOBA
بوست جميل يا ودشيقوق... ابوبكر...ارابا كدتا تري... لغير الناطقين بها ....العرريب فنه بحجر
شكرا يا الحبيب جابت ليها تحاريش
لكن هذا يرقى الى التحريض الذى يكون مرتكبه مساءلا جنائيا بمقدار مسئولية الفاعل !!!!!!!!
Post: #126 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: mohmmed said ahmed Date: 02-04-2008, 08:54 AM Parent: #120
تاللى كدى كيلا
ادى فى حنانو الاراب
Post: #98 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: أبي بكر سيد احمد Date: 02-03-2008, 03:47 PM Parent: #1
Quote: اوع فتح عينك ما يلعبن عليك بنات البندر ديل زمان في الجامعة ببهدلن فينا بكلاماتن الحلوة وتقوم تلحس جيبك كلووووووو وتمشى يا خالي بلة تقدل تقول هييييييييييييع حبتني خلاص .
ات من الاولية لحد الجامعة والبنوت لاحسين جيبك ومن زمن قروانة الطحنية في دكان عمك الكنت بتوزعها علي بنوت الحلة ..انتت فاكر قميصك الاسود - التقول حكم كورة - بتخلي البنوت يصوتن ليك ..؟
الغالي / أبي بكر سيدأحمد لك التحية الطيبة سلاااااام
تعرف يا أبي بكر هذه تسمى شلة الأنس والجمال البديع في الزمن الأغبر ( شيقوق العرريب .. أبوبكر الرطاني .. وسماح السماء السابعة وسلمى صبحي حمامة السلااام ) وما تخاف عليهم وما نسحرهم بنقول ما شاءالله عليهم وربنا يحفظ قلوبهم كتلة واحدة ولا يعطي للشيطان فرقا بينهم نحن الضايعين بينهم ..... لك مني أجمل التحايا معطرة زي منديل يوم عرس وليداتو
Post: #105 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-03-2008, 05:42 PM Parent: #104
كل ما سمع الرماش وربوع هُندا وديار عابدا بسخن ود شيقوق زي تيمس عمو ولسانو يأكلكم الرطانة الحنان
Post: #106 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-03-2008, 05:50 PM Parent: #105
الله يخيبك يا اب رويسا خفيف خيبت ظننا والبنية جابت خبرك طاااااااااااب اوع فتح عينك ما يلعبن عليك بنات البندر ديل زمان في الجامعة ببهدلن فينا بكلاماتن الحلوة وتقوم تلحس جيبك كلووووووو وتمشى يا خالي بلة تقدل تقول هييييييييييييع حبتني خلاص .
ود شيقوق عقيدنا وعقيد الدندر ماني العبوب يأكلو رأسي لكن مابعرف أرفض طلب للدرر المكنونة هنًّ رحمة لنا ( كان حبوبة.. وإن كان أم رؤوم.. إن كان أخت ..إن زوجة .. إن كان خالة أو عمة.. إن كان جارة .. إن كان سمحة مارا وجابها الدرب )
فلا تلومني فيما لا أملك يا شيقوق
إن بقى الحديث مع الرطاني كان لينا رأي حرم ..... خلي اللفهم النقط دي أنا عارفك أنت فاه.
Post: #107 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-03-2008, 05:59 PM Parent: #106
اها يالعرريب ال delegates بتاعينك انسحبو امام الزحف الرطاني وقبل يوم الثلاثاء العظيم ..خلي "اوباما" يحلك
الأخت سماح أها بالله عليك شوفي جنس النضمي المسيخ دا بلا بول البقر شن شبهو دحين الزووول دا كت خاتي علي لما قلتا لي قول ألحقني يا المنسي بجيك ... بس أن أديتك كلمة وبقسم كمان وماني متراجع
الزول أن وعد شين كان ميعادو يخلفو وفي ربط اللسان يتخابو دمو يتلفو وعدي لي سماح زولين فيهو مابختلفو ضروري أوريها الحديث علي وعد بي حلفو
Post: #109 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: sanaa gaffer Date: 02-03-2008, 06:27 PM Parent: #1
ابوبكر ... ازيك ياخ ...
معقولة بس الواحد لو عاوز يسلم عليك الا يلاقيك في سودانيز اون لاين ؟؟
يعني احنا مع البوادي والمرافي والبساتين ما لاقيين اي فرقة فيك ؟؟
قلنا بس ندحرج التماسي ... وكمان لكل الناس الهنا ...
تحيات طيبات زاكيات ...
Post: #110 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: أبي بكر سيد احمد Date: 02-03-2008, 06:27 PM Parent: #1
اللهم إنا نسألك باسمك الأعظم ... الذي إذا دُعِيت به أجبت .. وإذا سُئِلت به أعطيت...
ان تُديم على هذه الزمره ...المحبه... وان تزيد من تآلف قلوبهم ,, ونفوسهم ... وان تكفهم
شر العين ... والحسد ... وأن تجعلهم (قدوه) للكثير من اهل هذا البورد
( ناس زعيط ومعيط المابعرفو حاجه عن أدب الكتابه ... واحترام الآخر )
Quote: إن بقى الحديث مع الرطاني كان لينا رأي حرم ..... خلي اللفهم النقط دي أنا عارفك أنت فاه.
اخوك لمّاح بيعرف الجواك حتى بدون نقاط لكن الرطاني يحلو الحل بلة .
Post: #116 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: الطيب شيقوق Date: 02-04-2008, 05:21 AM Parent: #115
Quote: وبالذات المجراااااااااب الحلوين أهلنا
اكيد تكون قريت للمجرية الجملة دى بس - لكن (الدرر المكنونة ولا تلمنى فيما تملك ولا املك ) العبارات دى بتجى فيها للمجرية دايس ابنص سايرين .
دحين يا ود المنسي ممكن نسعلك؟ زولتك دي مي وارثة ليها مال من اهلها ؟
Post: #117 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: الطيب شيقوق Date: 02-04-2008, 05:31 AM Parent: #116
الرطاني
Quote: ات من الاولية لحد الجامعة والبنوت لاحسين جيبك ومن زمن قروانة الطحنية في دكان عمك الكنت بتوزعها علي بنوت الحلة ..انتت فاكر قميصك الاسود - التقول حكم كورة - بتخلي البنوت يصوتن ليك ..؟
بنوت الحلة ريدتهن اتجاه وااااااااااااااااااااااااااحد اما بنوت البندر هييييييييييييييع - عايز اقول لكن بخاف الشر يعم .
ات عارف يا الرطاني بنوت الحلال بعد وصلن الجامعات في السنين الاخيرة دى اخدن جرعات من ابداعات وفنون بنات البندر وكمان قالن لبنات البندر انت يا بنات البندر ماشات ويييييييييييييييييييييييييين؟؟؟؟؟؟؟؟؟؟؟؟؟؟؟ .
Post: #118 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: الطيب شيقوق Date: 02-04-2008, 05:35 AM Parent: #117
سموحييييييييي
Quote: وعدي لي سماح زولين فيهو مابختلفو ضروري أوريها الحديث علي وعد بي حلفو
Post: #119 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: الطيب شيقوق Date: 02-04-2008, 05:44 AM Parent: #118
الاخت سناء جعفر
كتر خيرك على زيارتك وياريت لو جيتينا اكرمتينا بشئي من دررك ولآليك .
لكن بيني وبينك ما عندنا صبر نقرأ اكتر من سطرين وبس .
الاخ ابو بكر سيد احمد (ات رطاني ؟)
Quote: اللهم إنا نسألك باسمك الأعظم ... الذي إذا دُعِيت به أجبت .. وإذا سُئِلت به أعطيت...
ان تُديم على هذه الزمره ...المحبه... وان تزيد من تآلف قلوبهم ,, ونفوسهم ... وان تكفهم
شر العين ... والحسد ... وأن تجعلهم (قدوه) للكثير من اهل هذا البورد
( ناس زعيط ومعيط المابعرفو حاجه عن أدب الكتابه ... واحترام الآخر )
إنك وليُّ ذلك والقادر عليه ... آمييييييين
الله يخليك ويطوّل عمرك - يا اخي نحن نعاني من الام الغربة( الرطاني قريبك مدمن الغربة وما فارق معاهو يقعد لحدى يتصندق - الله يحفظه) ولا نجد ثمة شيئي يريح انفسنا خلاف هذه السجالات .
محبتي
( البجاور السعيد ...بسعد)
Post: #123 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: ود محجوب Date: 02-04-2008, 07:58 AM Parent: #119
ود شيقوق قرأت فى بعض البوستات المجاورة انو قائد الحركة المسلحة ضد ادريس دبى ((محسى عديل كدا))
يعنى من (( إندهم))
ما ترقد امان من ابو بكر دا لو ود عمو دا مسك الحكم فى تشاد يعينو وزير((أد الدنيا)) واتخيلت بعد داك سكرتيرتو لاطعاك فى الاستقبال وتكوس فى الواسطة التدخلك عليهو ما تلقاها.
Post: #124 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: الطيب شيقوق Date: 02-04-2008, 08:21 AM Parent: #123
ود محجوب
الليلة طليتنا قطع شك جايانا مطرة
Quote: ود شيقوق قرأت فى بعض البوستات المجاورة انو قائد الحركة المسلحة ضد ادريس دبى ((محسى عديل كدا))
يعنى من (( إندهم))
انت الناس ديل اكان كده ما بتعرفهم كويس الناس ديل فيهم الكرّة والدرّة يعني حارين ومنهم خير . هيييييييييييع اخوك بعد ده برقد لنسيبنا الرطاني يمكن كلامك يكون صاح لكن اكان الخبر طلع شيح في ريح بوريهو ليك شدر القضارف في الضلام .
Quote: ما ترقد امان من ابو بكر دا لو ود عمو دا مسك الحكم فى تشاد يعينو وزير((أد الدنيا)) واتخيلت بعد داك سكرتيرتو لاطعاك فى الاستقبال وتكوس فى الواسطة التدخلك عليهو ما تلقاها.
اها وكان عصرت ليها حاجة ؟
Post: #131 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: abubakr Date: 02-04-2008, 11:27 AM Parent: #123
Quote: ود شيقوق قرأت فى بعض البوستات المجاورة انو قائد الحركة المسلحة ضد ادريس دبى ((محسى عديل كدا))
يعنى من (( إندهم))
وانا اقول ليه مافي اخبار عن تشاد في الجرايد بتاعة العرريب ؟ اتاري البيانات كلتها رطانة .... _____ يا ودمحجوب : انت بقيت ارهابي!!! شنو السيوف دي ... هسع نخن ما بنهزر ساااااي
Post: #125 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: sama7 Date: 02-04-2008, 08:30 AM Parent: #1
هييييييييييى ازيكم وحشتونى والله
خلونى أقرا الكلام الكتييييييييير الفاتنى دا وأرد عليكم
سموحة
Post: #127 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: sama7 Date: 02-04-2008, 09:07 AM Parent: #1
شيقا
Quote: الله يخيبك يا اب رويسا خفيف خيبت ظننا والبنية جابت خبرك طاااااااااااب اوع فتح عينك ما يلعبن عليك بنات البندر ديل زمان في الجامعة ببهدلن فينا بكلاماتن الحلوة وتقوم تلحس جيبك كلووووووو وتمشى يا خالي بلة تقدل تقول هييييييييييييع حبتني خلاص .
لا جبت خبره لا حاجة بس الراجل كله زوق ونحن حنعينه من اندينا برضو. وتسلم تانى يا ود المنسى
Quote: ويفنقلك انت يا السموحة الفنقل امنا حواء وابينا ادم من الجنة
انا حاتوسط ليك عند ود المنسى يديك من كلامه حتة حتة بس من حلاوة كلامه دا كفاية عليك اكتر من كدا بتدخلنا فى مشاكل هاهاهاها
Quote: انا عارف كلامك حتى لو مشاتر ود المنسي بقدسو الله يغطسو السجم
وعين الرضا عن كل عيب كليلة ولكن عين السخط تبدي المساويا
هيييييييييييييع زولي اتلحس
ما اتلحس نحن فاهمين بعض انت امرق منها ود المنسى دا ود بلد طب
سيدنا
Quote: ات من الاولية لحد الجامعة والبنوت لاحسين جيبك ومن زمن قروانة الطحنية في دكان عمك الكنت بتوزعها علي بنوت الحلة
اتاريه ما منه من العليه لوووووووووووووووووووول يا شيقا انت من الزمن داك على كدا
Quote: تلحقني وين وفي رطاني بيلحقو انت روح الحق "عقيدك"
عقيده بقى يتراقص براه خلوه يروق شوية لمن تعدى ذكريات بنات الحلة وبنات البندر بعدين ما قلنا انا الحاتلحق ممكن نتوسط لود المنسى عند سعادتك يا سيدنا ترضى عنه وتضمه لينا؟
Quote: الله يحلكم من لغتكم الكلها امثال دي ؟؟ انا بس اخدت المفيد من نضم العرريب والباقي ما دايرو ؟؟
جيب اضانك دا كلام سر (أمثال بس ؟ديل فايتين الرطانة بهناك بس هنا حالتو عاملين فيها اولاد بندر وبحاولو يتكلمو عربى. بس امشى جنوب الخرطوم 90 كيلو واللا تشيل معاك dictionary) لوووووووووووووووووول هيى دا كان كلام سر ما سمعه غير سيدنا تمام كدا؟
ود المنسى يا زولنا والله انت سكتنا طب بس ما دايؤين نتكبكب قدام شيقا عشان ما يقوم يقلب عليك مرة واحدة
Quote: لكن مابعرف أرفض طلب للدرر المكنونة
انت سيد الدرر
Quote: أها بالله عليك شوفي جنس النضمي المسيخ دا بلا بول البقر شن شبهو دحين الزووول دا كت خاتي علي لما قلتا لي قول ألحقني يا المنسي بجيك ... بس أن أديتك كلمة وبقسم كمان وماني متراجع
الزول أن وعد شين كان ميعادو يخلفو وفي ربط اللسان يتخابو دمو يتلفو وعدي لي سماح زولين فيهو مابختلفو ضروري أوريها الحديث علي وعد بي حلفو
فى الحالة دى حاقول ليك اقرأ ما بين السطور عشان سيدنا لا يمكن يكون كلامه مسيخ
لكن فى كلامك دا ننادى المجرية تديك شبال هاهاها
Quote: بتقول جنس نضمك دا بعد ما تأكدت أني وعدت سماح أني أوريها الحلا بلة شنو؟؟ ونحن عند كلمتنا وما بنعرف ننط بس تظهر سماح وبقول ليها الحلا بلة شنو
وعدى دا بينى وبينك يللا انا جيت ورينى شنو؟ ما يجى يبوظها شيقا ويقول البت جابت راسك اصلو نواياهو ما كويسة
ابى بكر سيد احمد
Quote: اللهم إنا نسألك باسمك الأعظم ... الذي إذا دُعِيت به أجبت .. وإذا سُئِلت به أعطيت...
ان تُديم على هذه الزمره ...المحبه... وان تزيد من تآلف قلوبهم ,, ونفوسهم ... وان تكفهم
شر العين ... والحسد ... وأن تجعلهم (قدوه) للكثير من اهل هذا البورد
( ناس زعيط ومعيط المابعرفو حاجه عن أدب الكتابه ... واحترام الآخر )
إنك وليُّ ذلك والقادر عليه ... آمييييييين
آآآآآآآآآآآآآآآمين ويحفظك يا رب
Quote: ( البجاور السعيد ...بسعد)
ونحن دايرين نجاورك وتجاورنا وتدينا من الحاجات الحلوة العندك كمان شفت كيف جابت ليها طلبات من الأول
بجيكم تانى انا افوت منكم وين
سماح\ السماء السابعة
Post: #128 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: الطيب شيقوق Date: 02-04-2008, 09:28 AM Parent: #127
سموحة
Quote: ونحن دايرين نجاورك وتجاورنا وتدينا من الحاجات الحلوة العندك كمان شفت كيف جابت ليها طلبات من الأول
يا ريت لو لقيتك في حملتي الانتخابية اكان هييييييييييييييع كست الاصوات كلهم
يعني ود المنسي ختيتيهو في جيبك وقبلت على ضيفنا ده
Post: #129 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: sama7 Date: 02-04-2008, 09:38 AM Parent: #1
ضيفنا البينى وبينه عامرة من day 1 زول ما ساهل بعدين ما كلنا كسبانين عاوزين نحلى البوست
Post: #130 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: الطيب شيقوق Date: 02-04-2008, 09:46 AM Parent: #129
Quote: بعدين ما كلنا كسبانين عاوزين نحلى البوست
يحلك الحل بلة يا سموحي
Post: #132 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: abubakr Date: 02-04-2008, 11:50 AM Parent: #1
عمناابوبكر (ابننقا) وصلت وين مع العراريب؟؟؟ نحن بالصلاة علي النبي حسب بوستات مضروبة في البورداحتمال نحكم تشاد كمحس.. يعني كمهام اضافية...ود شيقوق ده لو غالبك قول ليه يجينا.. بنلقاله وزارتن مفصلاله تفصيل. هو الآراب ده مقاس كم؟؟؟.. (مقاس كم = ميقاس كام)
اها اخينا ده لقيته ناطي في بوست اسمه نادى العزابة الاسفيرى ....... لا ومرشح نفسه رئيس مجلس ادارة... اخوك متربي في حتة باردة يعني عنده حبة زكاوة.... دردقته وده الكوبي بيست بتاعه
Quote: هوي ود شيقوق... الرطاني طلعك عزابي وله شنو
04-02-2008, 02:58 م
الطيب شيقوق
.
تاريخ التسجيل: 31-01-2005 مجموع المشاركات: 5727 Re: نادى العزابة الاسفيرى ....... (Re: GamarBoBa)
القمر بوبا
Quote: هوي ود شيقوق... الرطاني طلعك عزابي وله شنو
مالك عايز تشبكو فيني انا هسع جاى بهنا اغطى راسي منو - وعارفو ما عندو فراسة تجيبو يكتب هنا .
انتو عارفين البوست ده غير راجل متزوج فارس ما بعتب عليهو حد الا انا وود الملك لانو امات اولادنا ما بتاوقن لكتابة رجالهن في المنبر.
هيييييييييييع اها شنقت ودقيت كراعي الرجال يجي هنا .
تخريمة :
دحين يا القمر بوبا ما في عشم الواحد يلقى ليهو طبقة من عذبات هنا انشاء الله حقت شهيد ؟
04-02-2008, 03:17 م
GamarBoBa
.
تاريخ التسجيل: 07-03-2002 مجموع المشاركات: 403 Re: نادى العزابة الاسفيرى ....... (Re: الطيب شيقوق)
مساك سعيد يا ودشيقوق
Quote: وعارفو ما عندو فراسة تجيبو يكتب هنا .
انا بمش بهناك بكلمه
رأيك شنو في الغنيمة دي.... يله شوف شغلك معاه ومع الملك
Quote: اها اخينا ده لقيته ناطي في بوست اسمه نادى العزابة الاسفيرى ....... لا ومرشح نفسه رئيس مجلس ادارة... اخوك متربي في حتة باردة يعني عنده حبة زكاوة.... دردقته وده الكوبي بيست بتاعه
ده الكلام البطلع .......... ذاتو نحن طلعنا من السودان بسبب التغول على الحقوق الاساسية والحريات العامة تاااااااااااااااانى يا الرطاني جبت امنك وجواسيسك ومخابراتك بهنا.
انت بديت تستعمل الاساليب ال ........... وبالتالي ساقرر عدم التعامل معك الا من خلال مراقبة دولية .
القمر بوبا ده انا حاسي متابعني من بعيييييييييييييييييييييييييد لازم في حاجة .
Post: #144 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-04-2008, 09:12 PM Parent: #143
لا جبت خبره لا حاجة بس الراجل كله زوق ونحن حنعينه من اندينا برضو. وتسلم تانى يا ود المنسى ـــــــــــــــــــــــ
سماح قمر سبعتين سلااام وشكراً كتتتتير على كل كلمة طيبة خطها كي بوردك في شخصي الأضعف من شيقوق يشرفني أن أكون من إندكم بس الرطاني يكون بره ... معظم صحابي من إندكم ( زملاء الدراسة في المجر ) أبناء المجراب كلهم ومحمد سيد دهب وجلال دهب وعارف خليفة .. كانوا نعم الأخوة.
ما نسيتك برجع ليك لي الحلا بلة
Post: #145 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-04-2008, 09:24 PM Parent: #144
العزيزة سماح قمر سبعتين
أولاً بقول ليك قصة قريبة من قصة بلا
قيل أنه كانت هناك امرأة مات عنها زوجها. ترك لها أولاد ربتهم وزوجتهم كلهم ثم إلتفتت لنفسها.. فوجدت أنه قد فاتها الكثير ومن يومها كثر مرضها وكل يوم عند الدكتور وما خلو طبيب في الداخل ولا الخارج وكل يوم مرضها زائد .. مرة في زيارة أحد الأطباء وكان رجل حصيف بعد أن كشف عليها قال لها :أخرجي ونادي لي أولادك فدخلوا عليه أولاد وبنات فقال لهم : أمكم ليس مريضة .. أمكم تريد الزواج لكن حال دون ذلك الحياء منكم فأرجو أن تسمحوا لها أن تتزوج ... وعندما رجعوا دخل عليها أبنها الكبير وسالأها أمي هل تريدي أن تتزوجي .. فقالت له : إن بقى الدكتور قال كدا عاد شن أسوي وهم ناس العلم .. فزوجوها .. مرت سنين فمات عنها زوجها الثاني .. وبدأ مشوار المرض مرة آخرى فقال لها أبنها الكبير : يما يلا نوديك الدكتور .. فردت عليه مافي لزوم ( الروشيتا عندك جيب الدواء وبس )
أفتكر ممكن هذه القصة تقرب لك الحلا بلة شنو ؟؟؟
هسي عاد بعد القصة الظريفة دي تاني دايرا تعرفي الحلا بلة شنو ؟؟؟ ما تخلي أبوبكر دا مطوطح ... مولع فيهو شديد الحلا بلة شنو .. بقى زي صاحب الحمار وملاح الروب ( بحكيها ليك )
Post: #148 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: abubakr Date: 02-05-2008, 07:00 AM Parent: #145
Post: #147 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: abubakr Date: 02-05-2008, 06:55 AM Parent: #1
Quote: اها اخينا ده لقيته ناطي في بوست اسمه نادى العزابة الاسفيرى ....... لا ومرشح نفسه رئيس مجلس ادارة...
اولا نحي في قمرنا اليقظة النوبية ومراقبته اللصيقة للعرريب ولقد نالنا ما نالنا في زمان بعيد عندما نامت اعيننا عن العررايب فمرحو وسرحو في بلاد الرطان ..
اما انت ياشايب شن بيودييك بيوت العزابة؟؟ ...جنيات جنياتك دحين في المدارس وام عبدالله منتظراك في امبدة وانت ورا النقيز والحت في نادي العزابة ...منو القدرك هناك ز.ات فاكر قميصك الاول حيعملك ديسكاونت في عمرك...؟
Post: #151 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: Ahmed Yousif Abu Harira Date: 02-05-2008, 08:14 AM Parent: #147
"شوف عيني دي ، اخوي كان يصارع لوحده فلول الرطانة كالأسد المربعن فما احتاج لمؤازرة ولا سند" هكذا قالت السمحة نوارة فريق شيقوق ولكعت ثوبها وانصرفت.
Quote: العرب اصلهم ما بكسروا ليهم خاطر بنية وبكايييييييييييييييييييين زى ود المنسي الرقد سلطة .
ثم سمع احدهم هذا الحديث من "الاسد المربعن" وعاد من حيث اتى !
ــــــــــــ وسلالالالالالام مربع لشيخنا/ابوبكر سيد احمد
Post: #152 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: الطيب شيقوق Date: 02-05-2008, 08:38 AM Parent: #151
سماح منسي
Quote: قيل أنه كانت هناك امرأة مات عنها زوجها. ترك لها أولاد ربتهم وزوجتهم كلهم ثم إلتفتت لنفسها.. فوجدت أنه قد فاتها الكثير ومن يومها كثر مرضها وكل يوم عند الدكتور وما خلو طبيب في الداخل ولا الخارج وكل يوم مرضها زائد .. مرة في زيارة أحد الأطباء وكان رجل حصيف بعد أن كشف عليها قال لها :أخرجي ونادي لي أولادك فدخلوا عليه أولاد وبنات فقال لهم : أمكم ليس مريضة .. أمكم تريد الزواج لكن حال دون ذلك الحياء منكم فأرجو أن تسمحوا لها أن تتزوج ... وعندما رجعوا دخل عليها أبنها الكبير وسالأها أمي هل تريدي أن تتزوجي .. فقالت له : إن بقى الدكتور قال كدا عاد شن أسوي وهم ناس العلم .. فزوجوها .. مرت سنين فمات عنها زوجها الثاني .. وبدأ مشوار المرض مرة آخرى فقال لها أبنها الكبير : يما يلا نوديك الدكتور .. فردت عليه مافي لزوم ( الروشيتا عندك جيب الدواء وبس )
أفتكر ممكن هذه القصة تقرب لك الحلا بلة شنو ؟؟؟
هسي عاد بعد القصة الظريفة دي تاني دايرا تعرفي الحلا بلة شنو ؟؟؟ ما تخلي أبوبكر دا مطوطح ... مولع فيهو شديد الحلا بلة شنو .. بقى زي صاحب الحمار وملاح الروب ( بحكيها ليك )
بنات الزمن ده الكلام الحلو والسمح بيمشى في راسن سريييييييييييييع الواحدة مما يبلفوها بكلمتين حلوات تكتي راسها للزيادة وبعد شوية تكون منتظرة كلمة ............. هييييييييييع
اها ايش رايك يا سماح اكان ده العند زولك اوصيك تشوفي ليك زول حق طين وتقلمي رقبتو طوالي . زولك كلامو طلع شيح في ريح
Post: #153 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: abubakr Date: 02-05-2008, 08:43 AM Parent: #151
Quote: "شوف عيني دي ، اخوي كان يصارع لوحده فلول الرطانة كالأسد المربعن
هم الرطانة كم بشان يكون عندهم فلول؟؟ .. ياني براي مع الكديسة قال اسد قال ...
Post: #154 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: abubakr Date: 02-05-2008, 08:46 AM Parent: #1
Quote: بنات الزمن ده الكلام الحلو والسمح بيمشى في راسن سريييييييييييييع الواحدة مما يبلفوها بكلمتين حلوات تكتي راسها للزيادة وبعد شوية تكون منتظرة كلمة ............. هييييييييييع
تهيؤات عجائز ساااااي ... دة زمن البايونك وومن ؟؟؟؟
Post: #155 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: GamarBoBa Date: 02-05-2008, 09:04 AM Parent: #154
صباحكم زين... رطانة وعراريب.... انا مستغرب في ودشيقوق ده...يجي للزول في حتته ويقول ليك الرطاني قاطرني.... وبعدين اسلوب الابتزاز ما جميل...داير تطلعني بتغول علي الحقوق... راكز ليك ...بس انت اركز لعمنا كبير الرطانة
المنسي وسماح مداخلتكم جميلة...ما لاقي معاكم فرقة..متخصص في اخينا ده انا والبوست جميل ياخوانا واصلوا فيه...
Quote: هسي عاد بعد القصة الظريفة دي تاني دايرا تعرفي الحلا بلة شنو ؟؟؟ ما تخلي أبوبكر دا مطوطح ... مولع فيهو شديد الحلا بلة شنو .. بقى زي صاحب الحمار وملاح الروب ( بحكيها ليك )
قصتك صحى ظريفة وانت الأظرف كمان لكن القصة دى عارف بتحل منو؟؟؟ دى حنعتبرها هدية لشيقوق بعد دا نحن علينا مساعدته فى الاختيار مدام قالوا عامل فيها عزابى وكدا.... بس إن شاء الله يتحلحل بعد دا
وشايفاه غلب بالطريقة الاولى يخرب بيناتنا قال يجرب التانية:
Quote: بنات الزمن ده الكلام الحلو والسمح بيمشى في راسن سريييييييييييييع الواحدة مما يبلفوها بكلمتين حلوات تكتي راسها للزيادة وبعد شوية تكون منتظرة كلمة ............. هييييييييييع
اها ايش رايك يا سماح اكان ده العند زولك اوصيك تشوفي ليك زول حق طين وتقلمي رقبتو طوالي . زولك كلامو طلع شيح في ريح
زولنا عاجبنا كدا وانت تحت تحت عارفاااااااااااااااك منبهر بالقصة بتاعته دى لشئ فى نفس يعقوب
جاياكم
السماء السابعة
Post: #158 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: الطيب شيقوق Date: 02-05-2008, 09:26 AM Parent: #156
ابو حريرة
Quote: "شوف عيني دي ، اخوي كان يصارع لوحده فلول الرطانة كالأسد المربعن فما احتاج لمؤازرة ولا سند" هكذا قالت السمحة نوارة فريق شيقوق ولكعت ثوبها وانصرفت
ارقدوا ساى الموقف لحدى هسع مطمئن لو زاد عدد فلول الرطانة والرطانيات بنقول ليكم غاو .
ناسك محاصرون في كترة بيّن ( كترة بيّن دى يا الرطاني غابة كلها شوك الواحد ما يقدر يشقها الا حبيان بالواطة وكان برضو حبى بتسلّخ ضهرة ) ناسك يا حريرة يحلهم الحل بلة .
هييييييييييييع قول الاسد المربعن وجد المسكة في الناطقين بغيرها .
Post: #159 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: الطيب شيقوق Date: 02-05-2008, 09:30 AM Parent: #156
القمر بوبا
Quote: صباحكم زين... رطانة وعراريب.... انا مستغرب في ودشيقوق ده...يجي للزول في حتته ويقول ليك الرطاني قاطرني.... وبعدين اسلوب الابتزاز ما جميل...داير تطلعني بتغول علي الحقوق... راكز ليك ...بس انت اركز لعمنا كبير الرطانة
المنسي وسماح مداخلتكم جميلة...ما لاقي معاكم فرقة..متخصص في اخينا ده انا والبوست جميل ياخوانا واصلوا فيه...
Post: #157 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: sama7 Date: 02-05-2008, 09:23 AM Parent: #1
Quote: المنسي وسماح مداخلتكم جميلة...ما لاقي معاكم فرقة..متخصص في اخينا ده انا والبوست جميل ياخوانا واصلوا فيه...
قمرنا نور والله لكن اخوك دا مفتح ما بتقبض أنا غايتو جاياه بالبارد حسى بجيب آخره
مش كدا يا شيقا؟؟؟؟؟؟؟؟
Post: #160 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: الطيب شيقوق Date: 02-05-2008, 09:35 AM Parent: #157
الرطاني
Quote: اما انت ياشايب شن بيودييك بيوت العزابة؟؟ ...جنيات جنياتك دحين في المدارس وام عبدالله منتظراك في امبدة وانت ورا النقيز والحت في نادي العزابة ...منو القدرك هناك ز.ات فاكر قميصك الاول حيعملك ديسكاونت في عمرك...؟
والله زى الثعلب كلما الواحد يقبل عليك بالشينة تخليهو يضحك ويعاين ليك ويحن عليك وكمان يبوس ايدك .
بوس سيدنا يا ............مش بتاع البندر دااااااااااااااااااااااااك
Post: #161 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: الطيب شيقوق Date: 02-05-2008, 09:39 AM Parent: #160
سمااااااااااااااااااااااااااااااااااااح
Quote: (قولتلك) شايقية؟؟؟
سريييييييييييييع لقيتيني كيف؟
Post: #163 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: الطيب شيقوق Date: 02-05-2008, 10:05 AM Parent: #161
سماح
Quote: قصتك صحى ظريفة وانت الأظرف كمان لكن القصة دى عارف بتحل منو؟؟؟ دى حنعتبرها هدية لشيقوق بعد دا نحن علينا مساعدته فى الاختيار مدام قالوا عامل فيها عزابى وكدا.... بس إن شاء الله يتحلحل بعد دا
ممكن نتصاحب ونبيع الجماعة كلهم ؟ يعنى نلعب لعبات سياسية يعني تكونى اولمرت واكون ابو مازن.
Post: #167 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: محمد على طه الملك Date: 02-05-2008, 10:44 AM Parent: #161
قمرنا.. إن كده يانا الساقطين .. ما في حاجة عزبتني غير إملتهم المرة يجبو فيها التاء مطلوقة ومرة مربوطة بلا سبب.. لكن الفرس والترك أدبوهم .. طلقوا ليهم التاءات كلها وريحو نفسهم .
ود شيقوق ياخي إنت ما عندك سر .. مالك فاضحني وسط العزابة .. أيوه الواحد بمر عليهم فوق طرف صبعينه بالليل بعد ينومو و(بوسطيهم) بكون ما فيه زول حايم ..
ودشيقوق... طبعا في مسألة الخوف من الرعد والبرق عندك حق... في الجامعة ناس الاقاليم التانية كلما يجي البتاع يضرب كنت بعمل ليهم مؤتمر صحفي عديل من الخوف....يعني بلم الناس وبهرطق زي الصحاف والقوات الامريكية
Post: #165 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: الطيب شيقوق Date: 02-05-2008, 10:17 AM Parent: #162
بوبا
Quote: طبعا في مسألة الخوف من الرعد والبرق عندك حق...
يلا ما تتابع اخوك في البوستات التانية يعنى ممكن تقرا وتتابع لكن هسسسسسسسسسسسسسس اوع تكلم فلان .
اقول ليك كلام يا اخي كلمو هو هسع في ورطة يحلو الحل بلة .
Post: #164 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: sama7 Date: 02-05-2008, 10:13 AM Parent: #1
سيدنا
Quote: هم الرطانة كم بشان يكون عندهم فلول؟؟ .. ياني براي مع الكديسة قال اسد قال ...
ما الرطانى الواحد ب1000 عرريب لووووووووووووووول
Quote: تهيؤات عجائز ساااااي ... دة زمن البايونك وومن ؟؟؟؟
والله ضحكتنى لما دايرة أقع... يالعرريب أكان الكلام السمح بجيب راسى كان جبته انت بس انا ما دايرة افتنك مع الجماعة هنا ساى واوريهم فشل محاولاتك
هيييييييييع يا ريت لو لقيت (حررررررررم) بتاعتك دى عملتها نغمة لموبايلي ايمين ساعة ترن اقطع ليها الصلاة عديل وارخي ليها اضاني وما برد للمتصل الا بعد اشبع منها.
تلقي فيك شنو وات بقيت زي شارع مدني زمااانك(بتاع السبعينات) بعدما اتهلك من ال WEAR AND TEAR.. اها لقتك صالح للتاهيل المهني علي طول ( كما قال عادل امام )...
Quote: اها لقتك صالح للتاهيل المهني علي طول ( كما قال عادل امام )...
الأمن مستتب مع شيقا والخطة ماشة كويس
Post: #177 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: أبي بكر سيد احمد Date: 02-05-2008, 01:20 PM Parent: #1
تسلمي ياراقيه وكلك زوق ...
Quote: ونحن دايرين نجاورك وتجاورنا وتدينا من الحاجات الحلوة العندك كمان شفت كيف جابت ليها طلبات من الأول
عموماً انا لسه ماسك خرطوش المطافي وموجهه تجاه البورد ...
وبالحاله دي ... في الشايفو انا ... بعد الصفحه التالته ... اخوي بكري ابو بكر ... احسن يعتزر
لجميع البورداب ..عن السخانه الشديييده في البورد .. وينصح جميع الأعضاء بالمغادره قبل
Quote: وعلى فكرة .. يا شيقا انا ما رطاني ... انا من عيال شايق ... يعني .. انا ... مع......
ابوبكر سيد احمد كيفنك.... خليك معانا لسببين جارك القريب ولا ودامك القريب... الشي التاني بقناعتي...يا انتو نوبيين بتتكلموا عربي أو نحن شوايقة بنرطن.... ماهو ما ممكن الثقافة تكون هي هي بس اختلاف لغة مع تشابه مفردات...
كتلتنى بالضحك لما قلت {تلقي فيك شنو وات بقيت زي شارع مدني زمااانك(بتاع السبعينات) بعدما اتهلك من ال WEAR AND TEAR.. اها لقتك صالح للتاهيل المهني علي طول ( كما قال عادل امام )...
أظنك ما عارف الهاى ووى ( High Way بتاع " البردانة وكيف بقطعوه سررررررريع بالجمل موديل 2008 وهاك يا طُلوع بالإسكيب بتاع الترعة
بعد التاهيل حنشغلو" منادي ركشات " بشان يبطل البصبصة وما يمشي نوادي العزابة.... الخلبوص دة ....
Post: #185 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-05-2008, 06:07 PM Parent: #183
قصتك صحى ظريفة وانت الأظرف كمان لكن القصة دى عارف بتحل منو؟؟؟ دى حنعتبرها هدية لشيقوق بعد دا نحن علينا مساعدته فى الاختيار مدام قالوا عامل فيها عزابى وكدا.... بس إن شاء الله يتحلحل بعد دا وشايفاه غلب بالطريقة الاولى يخرب بيناتنا قال يجرب التانية: ـــــــــــــــــــــــــــــــ
سماح قمر سبعتين سلااااام بتحل منو عليك الله ؟؟؟؟ كان الفكرتا فيها سجم خشم الرُجال الخلوها ... طيب تلك أعتبرتيها هدية لودشيقوق أها دي لي منو
عربي مرق من بيتو بدري ومافكا الريق ( اي ما فطر ) وركب حمارو وختر ( مشى ) شايل السوق ( ماشي السوق ) .. أها مرَّ بي جماعة قاعدين يفطروا تحت شدرا في شارع الله وريحة ملاح النعيمية بالسمنة البلدية كانت دايرا ترمي من حمارو .. أها وقف عندهم وقال ليهم : السلااام عليكم يا جماعة .. ماردوا ... السلااام عليكم آناس ..ما ردوا ... السلاااام يا خلق الله .. الناس تلقم ساكت وتأكل وما بردوا .. في النهاية ضرب حمارو بالعكاز كان داير يشق رأسو وقال لي الحمار :
عرررر ملاح الرووب اللقطع نفسك
علها ترضيك يا سماح
Post: #186 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-05-2008, 06:20 PM Parent: #185
المنسي وسماح مداخلتكم جميلة...ما لاقي معاكم فرقة..متخصص في اخينا ده انا والبوست جميل ياخوانا واصلوا فيه... ــــــــــــــــــــــــــــ
بوبا عليك تقيل يا قمر بوبا سلااااام وعلك طيبة يا طيب يا أخوي الزووول دا أشتري ودّو دا أهلوا ورهطو متكافين شرو شركو متشعب زي اللبن درّو بضوّقو نوم الكوع في صغرو وما بنفك كان ماجاب خبرو
دحين أبقى زينا زح بعيد أبعد من الشر وغنيّلو وزازي بي بعيد وهاوشو ولم يقلب عينو أضحكّلو
تحياتي القمر بوبا وزي ما قلتا بوست ظريف وليت الناس تكبر كومو يستشفو من جمال خُلق أصحابو الثلاثي الجميل ( شيقوق ... أبوبكر ... وسماح )
بتي السما السابعة ياسلااااام عليكي كنداكة صحي خليتي العراريب كلهم واقفيين زي اجدادم الزماااان الكانو بيقفو علي باب السلطان وهات يا شعر وثناء وقصص ...وهات يا غلام يا غلام امنحهم كيسا من الدنانير الدمشقية !! جاتكم اوااا ما تجو الا كدة .....
Post: #188 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-05-2008, 09:42 PM Parent: #187
بتي السما السابعة ياسلااااام عليكي كنداكة صحي خليتي العراريب كلهم واقفيين زي اجدادم الزماااان الكانو بيقفو علي باب السلطان وهات يا شعر وثناء وقصص ...وهات يا غلام يا غلام امنحهم كيسا من الدنانير الدمشقية !! جاتكم اوااا ما تجو الا كدة ..... ــــــــــــــــــــــــــــــ
كان أجدادنا يقفون على باب السلاطين مدحاً وشعرا ولا غضاضة في ذلك وحتى إن كان مدحهم وشعرهم ذاك صدقا أو كذبا في الممدوح ... لست كل أجدادنا شعراء. فكانت شريحة وهذا مصدر رزقها. لكن الفرق كان في مدحنا السلطان ومدح المرأة وهنا مربط الفرس يا الحبيب عندما نمدح المرأة نمدحها صدقا ومن قلوبنا وقولنا فيها سمحا دوما ونُكنا بها أسماً ونتنبر ( اي نفتخر ) بها ونقول أنا أخوك يا السمحة ... أنا أبوك يافاطمة .. أنا أخو البنيات . وكمان نقول يحردّن ونستزيد من وقفتها خلنا شجاعة تضاهي العتات صولا كان زحينا يوم الحارّا قرنك جزّي (( أي أحلقي شعرك ) وبنّاديها في سُتر بيتنا والحِيْشان ( تعالي يا المبروكة ) وشعرنا كلو فوقها وفوق أرضنا ( عندك قولا تاني ) يا باشمهندس لسانا لا يعطها ألا حسنى فهنًّ الحِسان والجنة تحت أقدامها طال الزمن أقصر ( أم وليدات ) فكيف لا نقول لها حسنى
وبنقول ليها أخوك يا سماح أخوك ساعة السيوف إدبكن أخوك يا السمحة أخوك وكت الرِماح إشبكّن أخوك جبل الثبات وكت القواسي إحبكن كم بكيت وكم قشيت دِموع الببكن
كلمات الشاعر العبادي
تحياتي ابوبكر
Post: #189 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-05-2008, 11:10 PM Parent: #188
سماح .. شايف ود المنسي بعد دق سدره ووعد جره واطى.. الظاهر صرفتك نهبا منو ود شيقوق .. ـــــــــــــــــــــــــــ الحبيب محمد علي طه الملك تحية طيبة سلاااام
مابنط حتى إن كان السيوف في رُقابنا بنواسي الكلام يلم البكري في عقابنا كل الدروب خُدناها من نمولي لي زيدابنا يا ود طه الملك إتماهل وإتوالابنا
روق وأحلى وبنجيك كلامنا فوق نار هبوت
تحياتي ومودتي محمد علي
Post: #190 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-05-2008, 11:23 PM Parent: #189
وعلى فكرة .. يا شيقا انا ما رطاني ... انا من عيال شايق ... يعني .. انا ... مع...... ــــــــــــــــــــــــــــــــ أبي بكر سيدأحمد معاك الكلام يحلا صاحب الصوت الجميل عمق ورزانة وهيبة.. شايقي حلفاوي دنقلاوي محسي و.... دينكاوي شلكاوي زاندي.... نوباوي وفوراوي هدندوي وزبيدي .. عرريب دندر وطباء رماش.. كنوز وحسانة .. بقارة وابالا. بندور نتخذهم رمزا للجمال الروحي ومعهم نسمو قفزاً بالزانة( الثلاثي المرح السمح .. شيقوق .. سماح .. أبوبكر .. مناقرا وصفاء قلوب ). عليك الله ماببقى طعم الدنيا عسل ونستلذ بها ونعيشها عرض وطول.
تحياتي ابي بكر سيداحمد
Post: #191 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: محمد على طه الملك Date: 02-05-2008, 11:58 PM Parent: #190
Quote: كل الدروب خُدناها من نمولي لي زيدابنا
ود المنسي .. ماتقول لي إنت من الزيداب ؟ ياخي عندي إتنين صحابي موت منشفين ريقي بي جاي برفسور فوزي بابكر وقريبه راشد.. قالوا من الزيداب .. تسعدني معرفتك يا أصيل.
Post: #192 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: abubakr Date: 02-06-2008, 03:29 AM Parent: #188
Quote: أخوك يا سماح أخوك ساعة السيوف إدبكن
انتو شغل الحدادين دة ما بتخلوه .. ماسمعتو بزولكم البرادعي والنيوكلر ويبن ... سيوف شنو مع الاكشن ؟؟؟؟
Post: #193 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: الطيب شيقوق Date: 02-06-2008, 05:17 AM Parent: #192
سموحي
الرطاني
Quote: بتي السما السابعة ياسلااااام عليكي كنداكة صحي خليتي العراريب كلهم واقفيين زي اجدادم الزماااان الكانو بيقفو علي باب السلطان وهات يا شعر وثناء وقصص ...وهات يا غلام يا غلام امنحهم كيسا من الدنانير الدمشقية !! جاتكم اوااا ما تجو الا كدة .....
ونشرب ان اردنا الماء صفوا ويشرب بربرينا كدرا وطينا
سماح حصلت شوكشت ليك حد او العكس ؟
Post: #194 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: الطيب شيقوق Date: 02-06-2008, 05:33 AM Parent: #193
محمد على طه الملك (الناظر)
Quote: ود المنسي .. ماتقول لي إنت من الزيداب ؟ ياخي عندي إتنين صحابي موت منشفين ريقي بي جاي برفسور فوزي بابكر وقريبه راشد.. قالوا من الزيداب .. تسعدني معرفتك يا أصيل
يجازي محنك ناس الزيداب مالك كايس ليهم ؟ واااااااااااااااااااااحد معانا منشف ريقنا خارت يدو طاب من المجرية ومتلحنا بجاى .
يا اخوى اسحب سؤالك ولا تسألوا عن أشياء ............
خليني انا برضى اسعلو من واحد لزوم العلم ساى -
دحين يا ود المنسي بتعرف صاحبي عبد الماجد محمد الحسن عباس الدغور (ود الريس)؟
وبتعرف عثمان سعيد؟
آخر سعال وشخصى جدا مافي حد يرخي اضانو.
دحين يا منسي وارد وليدك اللذيذ ده يكون لينا زى اوباما؟ يعنى يكسح ليك الدوائر الامريكية ويجي يزور جدتو في الزيداب ويرقص متواضع مع اهلو كده زى صاحبي اوباما.
ات عارف اوباما جدتو زهره حسن وانا امي زهره موسى مش في تقارب ؟
حبوبة اوباما ساكنة في بيت مربوطة في اطرافه البقرات ومقطعة في حوشو الويكة عشان تنشف ومعلقه في حيطتو الناموسية وجنبهم تيمس قديم بربطوا فيهو الغنم .
الرطاني يقول ليك التيمس والنهر الجاف ياخي دى البيئات البتصنع الرجال زى اوباما ود خالتي ده .
Post: #195 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: حيدر حسن ميرغني Date: 02-06-2008, 06:19 AM Parent: #194
Post: #196 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: Ahmed Yousif Abu Harira Date: 02-06-2008, 06:30 AM Parent: #194
ما عندك عوجه يا شيخ عرب الدندر
يالليل تعامت في التلوب وتراصع
ـــــــــــ متابعين
Post: #197 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: sama7 Date: 02-06-2008, 06:59 AM Parent: #1
أهلنا الحلوين
غايتو الكتب الخاتاها قدامى دى حتشتكينى يوم القيامة كل بريكاتى معاكم مافى طريقة للقراية يعنى شغل شوية ومناقرة شوية لوووووووووووووول لكن والله ملعون ابو القراية معاكم...
سيدنا
Quote: بتي السما السابعة ياسلااااام عليكي كنداكة صحي خليتي العراريب كلهم واقفيين زي اجدادم الزماااان الكانو بيقفو علي باب السلطان وهات يا شعر وثناء وقصص ...وهات يا غلام يا غلام امنحهم كيسا من الدنانير الدمشقية !! جاتكم اوااا ما تجو الا كدة .....
جيب ودانك تانى (الخطة ماشة حسب تعليماتك سعادتك)
Quote: انتو شغل الحدادين دة ما بتخلوه .. ماسمعتو بزولكم البرادعي والنيوكلر ويبن ... سيوف شنو مع الاكشن ؟؟؟؟
قرقرقرقرقرقرقرقرقر والله بالغت عديييييييييل كدا.. عشان كدا زمان كانو بوفرو الاسلحة وبهاجموهم بالسلاح الابيض
Post: #215 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-06-2008, 09:50 AM Parent: #200
ود المنسي .. ماتقول لي إنت من الزيداب ؟ ياخي عندي إتنين صحابي موت منشفين ريقي بي جاي برفسور فوزي بابكر وقريبه راشد.. قالوا من الزيداب .. تسعدني معرفتك يا أصيل. ــــــــــــــــــــــــــــــــ
منطقة الزيداب وغيرها هي مناطقنا لكن أنا من مدينة شندي من شندي فوق ناس الزيداب ناس حلوين وحلالين شبك وأخوان بنات
محمد علي طه الملك .. انت جبتا الأسم دا من وين ناس الملك ديل هم الدناقلة ناس الزبير الملك عندي منهم أصدقاء درسوا معي في المجر عارف خليفة وأيمن الزبير الملك
ونشكر شيقوق اللمانا فيك
Post: #216 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-06-2008, 09:56 AM Parent: #200
انتو شغل الحدادين دة ما بتخلوه .. ماسمعتو بزولكم البرادعي والنيوكلر ويبن ... سيوف شنو مع الاكشن ؟؟؟؟ ـــــــــــــــــــــــــــ
كيف تنسوا يا أهلنا هو دا بتنسي شغلة الحِدادة ماهي مهنتكم برادين خراتين في السكة حديد عطبرة ونحن ناس الرعي والزراعة كنتم تصنعوا لنا السيوف ونحن نحملها هسي ما قلنا شي أصنعوا لنا الكلاشنكوف وغير نحن جاهزين
نحن شيفات وامن خاص ودايري فارمز ....حديد شنو وصقيع شنو ...هسع في ذمتك شفت ليك رطاني شيال سيف ؟؟نحن شغلنا كلو بالرمووت كونترول ...رعي شنو وغنم شنو انتو ما كفاكم السوت فيكم الغنم من زمن داحس والغبرا الي الحمي النزفية ....
Post: #217 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-06-2008, 10:01 AM Parent: #200
سماح حصلت شوكشت ليك حد او العكس ؟ ــــــــــــــــــــــــــــــــ
سؤال وجيه ومن زول عزيز اضنيننا إتمطت لكي تلتقط الخبر بس بنختو بين رويشات القليب مازي ناس الباشمهندس نختفو وننقح بي طار
جاوبي
Post: #218 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-06-2008, 10:12 AM Parent: #200
يجازي محنك ناس الزيداب مالك كايس ليهم ؟ واااااااااااااااااااااحد معانا منشف ريقنا خارت يدو طاب من المجرية ومتلحنا بجاى ـــــــــــــــــــــــــــــ
يا ودشيقوق إت مهود ولا شنو قبل كدي ما سعلتني إت من وين ووريتك أني من شندي وسألتني من القاضي عبدالحافظ الفضل وقلت لك نعم بعرفه وقريبي
أنت يا أخوي الرأسك لحسنو ..... والأروراق المالية والأسهم
خلهم ناس الزيداب ابقى لي داب الرطاني دا وختو في علبو
Post: #202 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: abubakr Date: 02-06-2008, 07:38 AM Parent: #1
Quote: ات عارف اوباما جدتو زهره حسن وانا امي زهره موسى مش في تقارب ؟
حبوبة اوباما ساكنة في بيت مربوطة في اطرافه البقرات ومقطعة في حوشو الويكة عشان تنشف ومعلقه في حيطتو الناموسية وجنبهم تيمس قديم بربطوا فيهو الغنم .
ما هو باين ...هو "اوباما" وانت "وووب انا"
Post: #203 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: sama7 Date: 02-06-2008, 07:52 AM Parent: #1
شيقا
Quote: تعال اتفرج في الرطانة والشوايقة مقدمين ليهم انتاية تبربح ليهم في الشوك عشان يمشوا - اصلوا دى حالهم وده تاريخهم من زمن الكنداكة ما بقدموا الا الحريم .
اههههههههههه يا لهوى هيا حصلت يا شيءا على العموم أنا هينة لكن انتاية دى بتجيب ليك الهوا فى البورد دا حسى بنادى ليك ناس ........ و....... و......... يجو يدوك درس فى نظرتك للمرأة والجندرة والعصور الحجرية وبعد داك يحلك الحل بلة كان حلاله يقدر غايتو حيدر كان خاتى ليك حور البورد ينقذوك وقت الزنقة لكن طفشتهم بغلطة صغيييييييييرة كدا خلاص نحن كدا ضمنا انو ما عندك وجيع شارفت الحرب على نهايتها هاهاهاهاهاها
وبعدين أنا راضية مش ابربح ليهم الشوك بس بفديهم بأى شئ كمان يا "ووووووووب انا"
لووووووووووووول
مودتى
سماح
Post: #204 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: حيدر حسن ميرغني Date: 02-06-2008, 08:04 AM Parent: #203
الطيب
تصدق بالله أنا اتعاملت مع العنوان اكثر من محتوى البوست
برضو مافى عوجة طالما انا منطلق من مفهوم دفاعي عن قريبي الرطاني
اما العزيزة سماح ... بالتأكيد نيرانها ستكون (نيران صديقة) ومرحب بيها كثير
Quote: والله ياعرريب انا كت قايلاه كلام نكات ساااااااااااى اتاريه طلع حقيقة
حقيقة شنو مع العرريب الشايب دة انشاء الله يقفلو في حقة صعوط ...
Post: #208 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: أبي بكر سيد احمد Date: 02-06-2008, 08:43 AM Parent: #1
ود شيقوق :
Quote: تعال اتفرج في الرطانة والشوايقة مقدمين ليهم انتاية تبربح ليهم في الشوك عشان يمشوا - اصلوا دى حالهم وده تاريخهم من زمن الكنداكة ما بقدموا الا الحريم .
Quote: أول مرة أعرف يا شيقا إنه الرطاني ود خالة أوباما !!
ود عمو ....عدييييل ......
Post: #210 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: أبي بكر سيد احمد Date: 02-06-2008, 09:07 AM Parent: #1
توضيح لابد منه لجميع العرريب والعناقريب
انا قصدت بالشافعه (شافعه عمر سنه ونص ... اياهو دا القدر فهمك )
سموحه تاج راسنا ...
انا خابر العررييب بقلب الكلام ..
الحتات داير يفرتكنا ... لكن بُعدو
ياهو عمارو ...
Post: #212 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: الطيب شيقوق Date: 02-06-2008, 09:15 AM Parent: #210
عطوفي
بمرورك بيتنا نور
Quote: أول مرة أعرف يا شيقا إنه الرطاني ود خالة أوباما !!
بس اوباما يا اميرة بتقدم الحريم بعكازو وبزح ليهن الشوق من دربهن اما ده هيييييييييييييييييييييع بطن الام بطرانة .
Post: #213 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: الطيب شيقوق Date: 02-06-2008, 09:26 AM Parent: #212
السنجك
Quote: سموحه تاج راسنا ...
بوشكم تيجانكم حريم
Quote: انا خابر العررييب بقلب الكلام ..
وعارفك لماح عشان كده
Quote: الحتات داير يفرتكنا ... لكن بُعدو
ويعدمكم طافي النار صبرة بس
Quote: ياهو عمارو ...
زي عماركم التابعين ليكم حرمة عاملنها تاج وقار يتلألأ في هاماتكم على حساب تيجان بناها اجدادكم واجداد الرطاني الذين تغنينا لهم وحتحتنا على انغامهم :
حين خطّ المجد في الأرض دروبا عزم ترهاقا و إيمان العروبة عربا نحن حملناها و نوبا نحن في الشدة بأس يتجلى و على الود نلم الشمل أهلا ليس في شرعتنا عبد و مولى
هييييييييييييييع لقيتني كيف يا سنجك؟
Post: #214 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-06-2008, 09:41 AM Parent: #213
Post: #224 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: محمد على طه الملك Date: 02-06-2008, 11:07 AM Parent: #214
بختك يا ود شيقوق جبت سيرة قريبي اهو البوست عمر بما لذ وطاب .. ود المنسي .. وصلت طب .. أيمن رجع السودان لكن أهله لسع في الخليج .. عندي جاري من اولاد شندي إسمه عوض الزبير كان شغال في بنك الخرطوم شندي.. بس أليومين ديل في السودان .
Post: #219 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: sama7 Date: 02-06-2008, 10:14 AM Parent: #1
والله سكت لينا العنقريب طاب من السكسكة برجلينه المتهالكات ديل سمعت بعنقريب برقص يا فنان؟ البوست دا فيه عجب
سلو شنو العليك يا شيقا خليك فى العرضة بتاعتكم (1-2 فوق-تحت) لا ياخ حتى دى أشتر فيها
هم يا أبى بكر ما عارفين قيمة رجالنا ونحن كيف ما بنقدر نفرط فيهم عشان هم خليهم لى ابوك يا فاطمة وخالك يا عزيزة (كان حرب موت عديل كدا مافى خسائر ) ما زينا
هاهاهاهاهاهاها
تبرا يا شيقا من كل شر
Post: #220 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: sama7 Date: 02-06-2008, 10:18 AM Parent: #1
ود المنسى
خفستك دى ما مريحانا وينك؟؟؟؟؟؟؟؟؟؟؟؟؟؟؟
Post: #221 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: عبده عبدا لحميد جاد الله Date: 02-06-2008, 10:42 AM Parent: #220
ود شيقوق وضيوفه الكرام تحية طيبة التحية عبرك للباشمهندس ابوبكر بوستك دا لمحته مرة وتاني طشا مني ما شاء الله فيه كوكبة غاية في الرقي متابعين ..
Post: #225 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: الطيب شيقوق Date: 02-06-2008, 11:27 AM Parent: #223
عبدو ود جاد الله
Quote: وياريت تشاركنا بس أول تورينا رطانى وللا لا؟؟؟؟؟؟؟؟؟
(بحاول أقوم بواجب الضيافة فى بيت شيقا نظام بتدرب من حسى)
لا لا لا لا البنية دى اختاها شغالة استقطاب سااااااااااى - صحيح عندها امكانيات لكن برضو عندها اجنده خفية حاسب؟
Post: #226 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: sama7 Date: 02-06-2008, 11:46 AM Parent: #1
ود المنسى المابتنسى
Quote: كيف تنسوا يا أهلنا هو دا بتنسي شغلة الحِدادة ماهي مهنتكم برادين خراتين في السكة حديد عطبرة ونحن ناس الرعي والزراعة كنتم تصنعوا لنا السيوف ونحن نحملها هسي ما قلنا شي أصنعوا لنا الكلاشنكوف وغير نحن جاهزين
تحياتي ابوبكر ومودتي
تقتل القتيل وتمشى فى جنازته...
Quote: سماح حصلت شوكشت ليك حد او العكس ؟ ــــــــــــــــــــــــــــــــ
سؤال وجيه ومن زول عزيز اضنيننا إتمطت لكي تلتقط الخبر
أبدأ من وين من بداية البوست ولا من نهايتو ولا من نصو _ المتداخلين كترو سموحي !!!!!!!!!
الناس ديل !! لا بد من مواجهتهم بالصورايخ العابرة للقارات كونوا !! مستعدين انصبوا المضادات الارضية لمواجهة العدو !! بالباتريوت .
Post: #241 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: محمد أحمد محمود Date: 02-06-2008, 02:05 PM Parent: #236
ياسماح أمحمد ود احمد ودمحمود وانت السادءا بخصوص العضويه ياشيقا انا عضو لجنة التحكيم من موريشص الصديقه كان قلتو لا بنقع في حوا المك نمر اصلا هو شيال تقيله ومتلقي حجج اثنيه تحت تحت برطن وبصلح سراير حدييييد
Quote: تعال اتفرج في الرطانة والشوايقة مقدمين ليهم انتاية تبربح ليهم في الشوك عشان يمشوا - اصلوا دى حالهم وده تاريخهم من زمن الكنداكة ما بقدموا الا الحريم
اولا بنقول عليها "الانثي" "الكنداكة" "المراة" وانت قاكرها من غنمكم تقول "انتاية "؟؟ ودة كان حالكم لو الكنداكات اتقدمتكن .. ما بتقدمن الزماااان دااك باقي النفس الفيكم دة ... في ذمتكم انتو شفتو حضارة والا راحة بال بعد زمن الكنداكات ....يا بعاعيت
Quote: اولا بنقول عليها "الانثي" "الكنداكة" "المراة" وانت قاكرها من غنمكم تقول "انتاية "؟؟ ودة كان حالكم لو الكنداكات اتقدمتكن .. ما بتقدمن الزماااان دااك باقي النفس الفيكم دة ... في ذمتكم انتو شفتو حضارة والا راحة بال بعد زمن الكنداكات ....يا بعاعيت
الله يطلع زيتك ياخي انت مسلط على الطلاق اضحك زى المجنون الجن اليطقطقك
نحن عبد الله جماع وعمارة دنقس ونحن بادي ابو شلوخ ونحن السلطنة الزرقاء يا بربري
Quote: ياسماح أمحمد ود احمد ودمحمود وانت السادءا بخصوص العضويه ياشيقا انا عضو لجنة التحكيم من موريشص الصديقه كان قلتو لا بنقع في حوا المك نمر اصلا هو شيال تقيله ومتلقي حجج اثنيه تحت تحت برطن وبصلح سراير حدييييد
حبابك عشرة لكن حقو من هسع تحدد ناسك
Post: #244 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: محمد أحمد محمود Date: 02-06-2008, 02:55 PM Parent: #243
أخوك ياريا اخوك وقت الخيول ادبكن أخوك ياريا اخوك جبل الثبات وقت القواسي يحبكن كم بكيت وكم قشيت دموع الببكن ريا قالت: وراك اسود علي مانمت هسع طيب قال ليها: قول بسم الله اخوك طيب وحاضر قلبو ماهو مغيب علا الشفتو في النوم من هوايلو يشيب الزول في الصحي مخدوم عليهو شقاهو وان غمض شويه تجي الهموم لاحقاهو الصف اب لبوس انا ما بخاف لقياهو ياريت الحلم في صحاي كان بلقاهو*
Quote: أخوك ياريا اخوك وقت الخيول ادبكن أخوك ياريا اخوك جبل الثبات وقت القواسي يحبكن كم بكيت وكم قشيت دموع الببكن ريا قالت: وراك اسود علي مانمت هسع طيب قال ليها: قول بسم الله اخوك طيب وحاضر قلبو ماهو مغيب علا الشفتو في النوم من هوايلو يشيب الزول في الصحي مخدوم عليهو شقاهو وان غمض شويه تجي الهموم لاحقاهو الصف اب لبوس انا ما بخاف لقياهو ياريت الحلم في صحاي كان بلقاهو*
هييييييييييييع يا الرطاني اليوم حد شكرك وقف والليلة اجلك تم
عافي منك ود اعمي طاااااااااااااب بس اختا البنية سموحي هسع بتجيك ناطة ياغراءاتها وكان جعلي او شكري تقلبك هسع سكوتي بس ارجل لان الصراع في ظاهره صراع حضارات وفي باطنه محاولات رخيصة للابتزاز العاطفي
حليل زمن سريد الحديد هم العرريب خلو حديد ما سوو سيف ....
Post: #249 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: أبي بكر سيد احمد Date: 02-06-2008, 03:34 PM Parent: #1
Quote: خليني امشى آخد لي تكية على السرير واضرب خماسي في سداسي
عاد ده كلام ده ؟؟؟؟
دي ما ياها الجرسه ذاتا....
عاد نبقى في الزي دا
..... ما عامل لينا فيها (حتات)... والناس حتتو معاك و(الحتات يملا شبكتو...)
شيقا انت اديت فرصة يبتزوك ...انت رقد سلطة طوالي...قاموا اتعاملو معاك زي الزين في عرس الزين...
Post: #251 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: محمد أحمد محمود Date: 02-06-2008, 04:38 PM Parent: #249
بعد التفكير لقيت المداخله تجافي روح البوست وعسمتو ، لكن ممكن نستفيد من روح الدراسه في حرابتنا معاكم ... ابشرووو
Post: #252 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-06-2008, 05:34 PM Parent: #251
ود المنسي .. وصلت طب .. أيمن رجع السودان لكن أهله لسع في الخليج .. عندي جاري من اولاد شندي إسمه عوض الزبير كان شغال في بنك الخرطوم شندي.. بس أليومين ديل في السودان . ـــــــــــــــــــــــــــــ
يا سلاااام يا محمد الملك أنتو أهلنا بالصداقة القديمة ( قريبك حمد الزبير الملك كان صديق خالي ودفعته في الجيش ). ومستمرة العلاقة حتى الآن مع أسرة الخال بعد وفاته. ثم كانت علاقتي مع الجميل وأعز أصدقائي عارف خليفة ( درسنا في مدينة مشكولتس في المجر 7 سنوات مع بعض في الحلوة والمرة ) فكان نعم الأخ والصديق وعن طريقة تعرفت بأيمن الملك كان يدرس في العاصمة بودابست ...أنا على إتصال مستمر مع عارف ( في السويد ) أظن نتحدث في الشهر مرتين أو ثلاثة.
عوض الزبير نعم بعرفه لو ما تكون خانتني الذاكرة أسأله عندما يعود ( هل هو من الصبيراب ) ؟؟ وانت بلدك وين ؟؟؟ ماتقول لي أنت قريب عارف الفي هولندا ( لأنو حدثني عنك كثير وقال لي تعرف به وهو عضو في سودانيزونلاين )
تحياتي محمد وابقى قريب
Post: #253 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-06-2008, 05:41 PM Parent: #252
عشان هم خليهم لى ابوك يا فاطمة وخالك يا عزيزة ــــــــــــــــــــــــــــــــ
سماح قمر سبعتين ( دي طبعاً بتكوي شيقوق في فشفاشو... قمر سبعتين ) لكن نحن يا سماح عشان بنعزهن فهنَّ مفخرتنا وظل تباهينا وما نفتأ نتنبر بهنَّ
Post: #254 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-06-2008, 05:47 PM Parent: #253
ود المنسى خفستك دى ما مريحانا وينك؟؟؟؟؟؟؟؟؟؟؟؟؟؟؟ ــــــــــــــــــــــــ
قمر سبعتين سماح والله ما خفسّا لكن أصلي شغال راعي معوز( غنم ) أها بمرق من مرقة من الصبح برجع أربعة مساء.
زمان كنت أدخل فقط في المساء للمنبر الأيام والله جاتني مرضة جديدة .. بقيت أدخل الصباح قبل موعد الشغل .. أمس مشيت المستشفى فحصت قالوا لي عندك مرض عضال ( إسمو شيقوق وما أكتشف له علاج بعد ) أها غايتو بقيت شغال في العلاج البلدي شي محريب وشي جردقا وشي سنامكة. أرقدي عافية يا الطيبة وزينة
Post: #255 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-06-2008, 05:56 PM Parent: #254
سموحي اول بالتبادي ود المنسي مالو وكتب وشطب اوع يكون متحسس ـــــــــــــــــــــ
أولاً بي التبادي كُت بدور أنزلي أعنية في شانك لكن رفض الموقع اليوم التحميل بطريقة صحيحة في مشاكل الأيام دي في الموقع
والله قدر ما أقول أقيف معاك ألقاك تتملص مني زي المصارعين الأتراك البتمسحو بي الزيت وكت الصراع .. والله كان قبلتَ عليك .. والله انا زي جنى العفريت المكوي في راسو وكت إدور أمو مابعرفها
Post: #257 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-06-2008, 06:15 PM Parent: #255
* ود المنسى المابتنسى تقتل القتيل وتمشى فى جنازته... ــــــــــــــــــــ أفو أفو أنا البمشي في جنازة الكتيل وأنا الكاتلو .. يحردن يا سماح لكن أمانة ما إتلومتي فيني لوماً شين يا سماح .. لكن رغم ذلك تظلي فوق فوق جنب القمر وما زحيتي شبر. وأنا بغالط نفسي في إصار وأقول أظني نسيت قراية العربي والزمن طال بي مع الإفرنج وفهمتا كلام سماح دا غلط
* اوراق مالية واسهم شنو أسعلنى أنا من اللاحس راسو ــــــــــــــــــــــــــــــ عارف يا سماح بس مرات بهادن الزووول مسلط لازم نكفى شرو
* يا منسى انت عارفنى ما برضى فى سيدنا... تعال نعمل deal كيف معاك!!!!!!!!!! ـــــــــــــــــــــــــــــــــــــ الـ deal معاك حبابو عشرة ومع محمد طه الملك حبابو عشرة ... لكن معا .... مرات بي الكربونات وجقمة موية مابنزل
Post: #259 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-06-2008, 06:28 PM Parent: #257
خلاااااااااس بقيتو علي الشي داك .... ما كت قايلك كدي بقيتي علي حت إنتي وبعد إنكرابتك لنتي إتفشيت أنا ...... إحفحفتا وإزينتّا علي حس النضم الحلو رهنتا وإدينتّا
Post: #260 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-06-2008, 06:37 PM Parent: #259
ود المنسي انت زول جميل... ـــــــــــــــــــــــ
قمر بوبا جمال روحك السمحة مرءاتك العاكسة لذا ترى الناس من وجهة نظرك الجميلة
لك الشكر على هذا الإطراء وانت أهل له قبلي يا جميل
Post: #261 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-06-2008, 06:44 PM Parent: #260
اولا بنقول عليها "الانثي" "الكنداكة" "المراة" ــــــــــــــــــــــــــــــــــ
إنشاءالله كنداكة سفاية رقيطا تكندك رويسك يا الباشمهندس في بت بقولوا ليها كنداكة
.... تعرف هنا الألبان في كوسوفا بالذات الناس الكُبار بقولوا لزواجتهم شنو عندما ينده لها ..
( أوو نيري ) يعني يا السكن السجم ( أوو دريتج ) يعني يا الشيطان ( أوو لأنت ) اي ( مأخوذة من كلمة لعنة ) يعني يا الملعونة
Post: #263 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: محمد على طه الملك Date: 02-06-2008, 07:18 PM Parent: #257
Quote: لكن معا .... مرات بي الكربونات وجقمة موية مابنزل
ود المنسي .. مرحبتين.. دا إسنافيك .. ما بمرقك من صاحبي غير تنزل ليه غنية عرضة عديل.. واللا كمان ارجا الراجيك ..
Post: #266 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-06-2008, 07:56 PM Parent: #262
دييل قرايبكم يا ناس "المؤوودة ـــــــــــــــــــــــــ
نحن قاتلناهم .. وقتلنا أبنهم المدلل ( إسماعيل باشا ) مالكم كيف تحكمون ؟؟ برضو نكون منهم وفيهم فهم منك يا من سميت البنت والمرأة كنداكة
Post: #267 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-06-2008, 08:00 PM Parent: #266
ود المنسي .. مرحبتين.. دا إسنافيك .. ما بمرقك من صاحبي غير تنزل ليه غنية عرضة عديل.. واللا كمان ارجا الراجيك .. ــــــــــــــــــــــــــ
ود الملك أنتَ بتقصد منو ؟؟؟ زولي ؟ ولا زول سماح ؟ أنا بقصد ..... لكن زول العرضة تب ما قاصدو ... أرجع لمداخلة سماح وطلبها مني ثم أقرأ كلامي بتعرف المقصود
Post: #268 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-06-2008, 08:06 PM Parent: #267
الي الحجر الصحي طوالي .... ـــــــــــــــــــــــ
والله أظنك تحتاج لقاموس .... مرض مثل هذا المرض يحتاج لحجر صحي ؟ دا المرض الذي يتمناه اي زووول يا زووول مرض حلو تعرف معنى كلمة حلو .. إستعين بسماح .. يا أبو بكر الما بتلحقو جدعو أسكت جدع نادي فيسل هليل يفلق معاك
تحياتي الباشمهندس الجميل
Post: #269 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-06-2008, 08:43 PM Parent: #268
أخوك ياريا اخوك وقت الخيول ادبكن أخوك ياريا اخوك جبل الثبات وقت القواسي يحبكن كم بكيت وكم قشيت دموع الببكن ريا قالت: وراك اسود علي مانمت هسع طيب قال ليها: قول بسم الله اخوك طيب وحاضر قلبو ماهو مغيب علا الشفتو في النوم من هوايلو يشيب الزول في الصحي مخدوم عليهو شقاهو وان غمض شويه تجي الهموم لاحقاهو الصف اب لبوس انا ما بخاف لقياهو ياريت الحلم في صحاي كان بلقاهو*
ياريت ياريت الى اخر الاغنيه ـــــــــــــــــــــــــــــــــ
الزووووول قال ليكم أنا بطحاني بس عاوز أكون حكم أعمل حسابك من سماح غشتني ولوت كراعي ... وعقدت حديثها مع عقيد الدندر .. وأنا أكلته نيم هسي بمسكو فيني الحبان ( اصدقائي في كوسوفا ) عشان ما أقع البحر دي نصيحة بقولها ليك لانو البحر عندنا هنا مو غريق شديد أمكن ما أموت ينقذوني لكن كان أكلت رأسك أنت أمكن تغرق وبحركم يكون غريق ( حاسب يا البطحاني ) ودا الصُح قلتو ليك أنا لا بخاف لا مكري
Post: #270 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-06-2008, 08:49 PM Parent: #269
Post: #279 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: أبي بكر سيد احمد Date: 02-07-2008, 09:16 AM Parent: #1
حبينا ود المنسي :
Quote: أمس مشيت المستشفى فحصت قالوا لي عندك مرض عضال ( إسمو شيقوق وما أكتشف له علاج بعد ) أها غايتو بقيت شغال في العلاج البلدي شي محريب وشي جردقا وشي سنامكة.
إن شاء الله مرض دايم ... وعمرك ماتشفا منو ...
ياخي دا (داء ) حلات الدنيا عليهو ...
وجه تاني : يا عرييب اوعاك تصدق الكلام دا ... انا لسه شايل القرض ... وراجيييييييك
Post: #280 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-07-2008, 09:45 AM Parent: #279
وجه تاني : يا عرييب اوعاك تصدق الكلام دا ... انا لسه شايل القرض ... وراجيييييييك ــــــــــــــــــــــــــــ
أبي بكر سيدأحمد لا لا لا يا زول أبقى واعي أشتري محبتك مع العقيد والله دا زي الحوت ( أوركا ) مابخلي حقو بلحقك حتى في فنك بخربو ليك الزول زولي وبعرفو زي الدابي كان رصد لي الزول يعيقو وكمان مأمون علي بنات فريقو هادنو وسايسو قلبو طيب بس قلبة عينك هو زي فر بطير وبكفتك بجيب خبرك
تحياتي
Post: #282 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: الطيب شيقوق Date: 02-07-2008, 10:14 AM Parent: #280
الرطاني
منسي
تقطعوا سااااااااااااى فيني
انا اليوم مشغول برتب لاحتفال في نادي الجالية السودانية وبوزع في تذاكر اكرامية لوجهاء المدينة الفنان اسمو مهند
يعني الخميس صفقة ورقيص وحت ذاتو
Post: #283 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: أبي بكر سيد احمد Date: 02-07-2008, 10:40 AM Parent: #1
الحبيب ود المنسي :
Quote: أشتري محبتك مع العقيد
المحبه ... يا صديقي هي الدافع .. والمحرك ..
ومؤكد سيدنا العقيد .....عقيدتنا فيه (كااااااربه)
وربنا يديهو. ويديك الصحه والعافيه ... والجميع
Post: #284 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: الطيب شيقوق Date: 02-07-2008, 10:48 AM Parent: #283
ابوبكر السنجك
Quote: وجه تاني : يا عرييب اوعاك تصدق الكلام دا ... انا لسه شايل القرض ... وراجيييييييك
Quote: اها شايفين الفرق يا خلق الله العرريب بيحلم بايه وبيل غيتس وسير رتشارد برانسون بايه ؟؟؟ عنقريب هبابي ياعرريب وما تقول ايرباص 380 ؟؟؟
عايز اقول لكن لكل مقام مقال - خلي ضيفنا يجي ونترك ليك مهمة تحديد مسار الونسة با ارباب .
Post: #319 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-09-2008, 09:39 PM Parent: #305
الأخوة والأخوات الأفاضل أأسف شديد سويتو بي إيدي وغلب أجاودي
ممكن فقط نتحاشى المشكلة بعمل مداخلة جديدة من ( رد ) من المداخلة الأولى في الصفحة
تحياتي ومودتي
Post: #321 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-09-2008, 10:07 PM Parent: #305
Quote: يا اخوانا شايفين حتى هاشم خلف الله عاد و نور البوست بس ما قادرين ندخل علي مداخلتو - ايش المشكلة الفنية ؟ ود المنسي الحقنا قلع الاغاني سجمت البوست مرة واحدة
ود شيقوق اسوي شنو والله ماقادر إتعسمت زي العمل الرضي مابيا تزح
ماعندي حل وإحلني الحلا بلة
وكان بقى ماك رضيان كلامي دا جيب ليك طوريا وتعال كسر لي رأسي
Post: #325 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-09-2008, 10:47 PM Parent: #305
Quote: يا خالد
احذف الفيلم تماما ......او استعملو فايرفوكس
أبوبكر سلاام ياباشمهندس والله غلبني تب أحكي ليك القصة أنا حاولت أنزل أغنية وعندما أخدت اللينك كان ناقص وألصقته والآن مافي تحت المداخلة ( عدل ) حتى أقوم بالازم أسعفني يا أبوبكر العرريب نقح طاري في البوستات المنسي خرب لي بوستي المنسي خرب لي بوستي حاني منو إحلني الحلا بلة وأنا تاني معاك من يوم الليلة ما أتكلم عربي بس رطانة الرهيفة التنقد
ود شيقوق ما تزنق قريبى شديد.. الزول ده برشك بى خرصانة ويفلقك بطوب اسمنتى... اوع بعدين بلة خليهو مربط ...عنو ما اتحل.. ده لو بلة راجل... ولو مرة... يشيل شيلتو... بس ما يبقى لينا زى الحلفاوى سألوهو: الثعلب يلد ام يبيض فاجاب: والله الثعلب ده ما مضمون... اصلوا مكار وممكن يغير رآيو فى أخر لحظة... وبيضة ام كيكى دى بصفار ومح وللا زى بيضة الديك؟؟؟؟؟
يا قريبى خلى ود شيقوق ده ينتظر على شاطئ النهر الجاف لحدى ما يجيهو الحل بلة...
نورالدين منان
Post: #302 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-08-2008, 10:16 PM Parent: #301
Post: #303 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-08-2008, 10:18 PM Parent: #301
.
Post: #304 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: خالد علي محجوب المنسي Date: 02-08-2008, 10:19 PM Parent: #301
............
Post: #306 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: abubakr Date: 02-09-2008, 05:50 AM Parent: #301
Quote: ما تزنق قريبى شديد.. الزول ده برشك بى خرصانة ويفلقك بطوب اسمنتى... اوع
يا قريبي عمرنا كلو مزنوقيين في كورنر نطلع من واحد نقع في غيرو وتخصصنا مرواغة وخصوصا من العرريب مما جونا زماااان ضهبانيين مفتشيين ليهم علي ضليلة والعطش كاتلم اها اكرمناهم ضلعو لينا بحلا بله وبلة اتحلا ...ما لنا والاعراب والمبتدء والخبر ما رطانتنا كانت كفاية ....ما عليك اها ليهو يوميين هربان عدييييييل ....
Post: #307 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: الطيب شيقوق Date: 02-09-2008, 10:11 AM Parent: #301
Quote: ما تزنق قريبى شديد.. الزول ده برشك بى خرصانة ويفلقك بطوب اسمنتى... اوع بعدين بلة خليهو مربط ...عنو ما اتحل.. ده لو بلة راجل... ولو مرة... يشيل شيلتو... بس ما يبقى لينا زى الحلفاوى سألوهو: الثعلب يلد ام يبيض فاجاب: والله الثعلب ده ما مضمون... اصلوا مكار وممكن يغير رآيو فى أخر لحظة... وبيضة ام كيكى دى بصفار ومح وللا زى بيضة الديك؟؟؟؟؟
يا قريبى خلى ود شيقوق ده ينتظر على شاطئ النهر الجاف لحدى ما يجيهو الحل بلة...
هييييييييييييييع ود المنان
والله قريبك يا نور الدين اخوى هو مكار اكتر من ثعلبك لكن اخوك كاجي ليك شرك ام كيكي خليتو يفرفر زى الحوته القبضتها السنارة
هييييييييييع عولك متابعين يا الرطاني
تخريمة
على الطلاق بكري جعل البوست ده زى البلاد القائمة فيها البودة والموليتة والسعد فاكي لينا جنس دعايات .
والله حتى دعايات ال Hotbird
هييييييييييييع
Post: #309 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: GamarBoBa Date: 02-09-2008, 11:12 AM Parent: #301
يا ابوبكر العراريب ديل رجعوا لحركاتهم بتاعة الفكيه والشيوخ... من الصباح البوست ده بفرنب لي تحت الفيديو بتاع المنسي التحت ده...وما بدلي باي اقوال يا شيقا الخميس كانت الحفله بمهند كيف؟ ووين سماح؟؟؟؟؟؟؟؟ غايتو جاك نوبي برتبة سفير....
Quote: من الصباح البوست ده بفرنب لي تحت الفيديو بتاع المنسي التحت ده...وما بدلي باي اقوال
ودالمنسي لنا قريبو العرريب ما قدر يقوم من تحت البطانية بعد حت الليلة الفاتت واتاخر علي البوست اهو غرز البوست دة زي تيمس عم العرريب.. ودالمنسي حرك الفيديو بتاعك دة ....
Post: #318 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: هاشم أحمد خلف الله Date: 02-09-2008, 09:34 PM Parent: #301
السلام عليكم ورحمة الله وبركاته يعني الواحد يغيب منكم إتناشر يوم يلقاكم في الصحفة الرابعة يعني هسع اكتب اقول شنو ؟؟؟؟؟؟؟؟؟؟؟؟؟؟؟
Quote: وياريت تشاركنا بس أول تورينا رطانى وللا لا؟؟؟؟؟؟؟؟؟
(بحاول أقوم بواجب الضيافة فى بيت شيقا نظام بتدرب من حسى)
بمثابة حلم لم يتحقق ولكن في حياتنا البدوية والحضرية تقاسمنامع قبيلة الميدوب الفلاة والمشرع* بالرغم من البعد الجغرافي (شمال شرق دارفور) ولكن ترجع اصول هذه القبيلة الى النوبيين من حيث الملامح واللهجة المشتركة بينهم والدناقلة ،وبحكم الاختلاط الواحد حفظ بعض الكلمات ،يا سموحه في انتظار درس العصر الرابط ادناه بحث قيم جداً: مفردات مشتركة بين الدناقلة والميدوب * الفلاة : مكان الرعي المشرع : مكان الماء (ترعة ،حفير،دونكي ..) عشان ود شيقوق ما يمتحنكم لكن دي ما نخليها تقع ليه في جرح
تحياتي يا احباب
Post: #308 Title: Re: أبو بكر (الرطاني) الليلة يحلّك الحلّ بلة - إت خابر البلاقيك متشمّر تلاقي كيف؟ هييييييييييع Author: abubakr Date: 02-09-2008, 10:52 AM Parent: #1
Quote: هييييييييييع عولك متابعين يا الرطاني
العرريب .... اها جيت ؟؟؟ وين اراضيك تلات ايام ...؟؟ انت غير هيييييع دي ما في شي مغطس حجرك ؟؟ هييييع من تحت البطانية ؟؟ حت ليلة واحدة خلاك زي جداد Doux في الفريزر .... قووووم