Post: #1
Title: سيد الهزائم التلاتة...شرفت سودان الشماتة
Author: abuguta
Date: 01-31-2008, 07:50 AM
سيد الهزائم التلاتة
شرفت بلدنا بشماتة
مازدا اصل الشلاتا
بدلتك الزرقاء ذاتها
فرجت فينا.... الشماتا
صحف , اذاعات و قنواتا
وطن واسع كتير لهجاته
وارثين الخلق والشفاتة
متابعين دنيا الرياضة
لا معترفين.....لا هواة
معقولة ياجنيات السباتا
تقول جزمهم من شركة Bata؟؟؟؟
كل من حاول فى الكرة شاتها
خارج القون... بانبساطة
فراعنة.... وفرق الفلاتة
متفقين يسجلو فيكم تلاتة
مكتوبلك ..ياسودان الحياة
الذل والهوان. قبل المماتا
ياناس الدنيا....وا حلاته
لما ناسك تكون ياها ذاتها
رئيس ,حكام.. و ولاة
الوزير بعرف ,,هفواته؟؟؟؟
يخلع... اتحاد ..... الوشاة
ابقوتة السودانى المغلوب
|
Post: #2
Title: Re: سيد الهزائم التلاتة...شرفت سودان الشماتة
Author: ابو جهينة
Date: 01-31-2008, 08:39 AM
Parent: #1
أبقوتة السوداني أيها المغلوب
دعك من ( الكورة ) و المستوى المنكوب
ماذا تقول في وطن منهوب؟
علينا يا أبقوتة( الغُلُب ) في الجبين مكتوب
الزمن أدانا قفاهو .. كل شي مقلوب
و هكذا ...
كيفك يا صديقي ؟
|
Post: #3
Title: Re: سيد الهزائم التلاتة...شرفت سودان الشماتة
Author: abuguta
Date: 01-31-2008, 02:43 PM
Parent: #2
الخال ابو جهينة
مازدا خال بثينة
قايل الشغلة هينة
مرييش وبين وبينا
ياصديقى انا كويس لكن مدرب يمغص قبل اللاعبين
عقب المبارة تكلم الرجل الانجليزية,على الطلاق كلامو زى ى تدريبو فى الفريق القومى
قال our team are qualify ,وقام نسى مع الغلب next time or next tournament
مكتوب علينا البكاء
تسلم
|
Post: #4
Title: Re: سيد الهزائم التلاتة...شرفت سودان الشماتة
Author: Solafa Alagib
Date: 01-31-2008, 03:06 PM
Parent: #1
من متين انحنا النسوان بنعرف للكورة!!!!!!!!
لكن شناة لعب امبارح كانت واضحةوالاوضح من ذلك انه ظهر جليا اعتماد لعيبتنا
علي الويكة كغذاء اساسي-واظنها كمان نية-:
|
|