Post: #1
Title: بدل معسكر ملقا .. ما كان أحسن مدرب أجنبي يطبخ لينا مرقه
Author: جمال السنوسي
Date: 01-30-2008, 10:50 PM
فضايح بالجملة
ثلاثة وثلاثة وثلاثة
يعني كل مباراة يطلقونا بالثلاثة
ونحن زايدين في الغضب والزعل
وليه ما نزعل
اذا كان زول لسه في الابتدائي وعنه ذكاء خارق نقوم ندخلو الجامعة امتحانات طوالي وعايزينو ينجح
وما جبنا ليهو مدرس خصوصي أو أستاذ معروف
طبعا ماممكن ينجح
حيسقط من اول اختبار
وده الحصل
كل الناس البتعرف كورة وما بتجامل قالوا المدرب ليس في مستوى اللاعبين وهناك عناصر في الفريق لا تقل عن معظم نجوم الدورة
ولكن عندما يظل المدرب لا يعرف امكانياته ويعتقد أنه المنقذ بعد 32 سنة غياب فهذه هي المشكلة
نحن لسنا اصحاب بطولات وصولات وجولات منذ وقت بعيد
ولكن لدينا الخامات الجيدة التي تحتاج للتدريب واللياقة والخطط العلمية التي تقدم الكورة في البلد
ولكن في ظل البحث عن ملقا ومعسكرها الفاشل
في ظل عدم الاختيار الصحيح لمن يستحق أن يمثل الوطن
تبقى هذه الثلاثيات ارحم من الخماسيات والسداسيات
نحن كان يجب علينا وبعد نجاح الهلال والمريخ والمنتخب في عام 2007 ان نلم قروشنا الضيعناها دي في معسكر ملقا ونجيب لينا مدرب كبير مدرب منتخبات بيعرف يدرس اولادنا الكورة والخطط واللياقة عشان على الاقل لما ننهزم ننهزم بشرف
شكرا لمن تصبب عرقا دفاعا عن شعار الوطن
واخص بالشكر علاء الدين يوسف , الزومة وكرونقو المظلوم
|
Post: #2
Title: Re: بدل معسكر ملقا .. ما كان أحسن مدرب أجنبي يطبخ لينا مرقه
Author: جمال السنوسي
Date: 01-31-2008, 11:32 AM
Parent: #1
تصوموا وتفطروا على خير
|
|