رشيد المهدية يا أخوي .. انت عايز تبقى رئيس الإتحاد العام واللا شنو!!

والله يا الرشيد حيرتنا عديل كده

من يوم ما بديت تحلل في مباريات منتخبنا في (قانا) وانت خليت وظيفتك الزمان في الملعب (وسط مهاجم) وبقيت تلعب مدافع زي ناس سليمان ابوداوود وسيماوي

كل مباراة وانت تدافع عن الاتحاد العام والمدرب مازدا والاستراتيجية وكلام كبار كده

والغريبة زملاءك الاثنين المصريين ومعاهم مقدم البرنامج في كل مباراة يتحدثون عن اخفاقات المدرب وإفلاسه وضعف الاعداد وغبلاها من العيوب ونجد دورك في كل هذا هو الدفاع عن الاخطاء وتبرير لماذا حدثت وتبرير الخطة للاتحاد العام منذ زمن موزاريك

يا اخوي انت كنت لاعب ماك هين

وتملك الخبرة الكثيرة بتحليلك للدوريات الاوربية خلال تواجدك بالخليج

ارجو اليوم وفي مبااة الوداع مع الكاميرون أن تقول الحقيقة لنا نحن الشعوب السوداني المسكين الذي يتحرق بنار الهزيمة بعد كل مباراة


ويا اخوي لو عندك منصب في الاتحاد العام وربنا كتبوا ليك في رزقك بجيك بجيك لو قلت الحقيقة او دسيتها

عشانك يا الرشيد وعشان تاريخك حلل لينا مباراة اليوم الوداعية مع الكاميرون بخبرتك وحيويتك ودن مجاملات ودفاعات عن ديناصورات الكرة السودانية