Post: #1
Title: حزب عكليت
Author: أبو ساندرا
Date: 01-29-2008, 06:12 AM
الحاجة المفروض نقف عندها ونتأمل
أن هذا الحزب ، العكليت ، برغم الملاحقات
والإنقسامات وإنهيار المعسكر الشرقي
وعنف الجبهة الإسلامية الموجه ضده تحديدآ
وخروج الخاتم و وراق ومنو كده ماعارف
ونزيف الهجرة القسرية والغربة الكدرومية
وبرغم شبح الموت المخيم البيعرف كيف يشيل خيارنا
برغم ده كلوو
الحزب بينمو
ف للحزب الشيوعي السوداني
التحية والتجلة
|
Post: #2
Title: Re: حزب عكليت
Author: هند محمد
Date: 01-29-2008, 06:33 AM
Parent: #1
صباح كل شئ جميل استاذ ابوساندرا ..
يديك ألف عافية ..
|
Post: #3
Title: Re: حزب عكليت
Author: أبو ساندرا
Date: 01-29-2008, 06:36 AM
Parent: #1
هند محمد
يسعد صباحك بكل خير
وتمتلي حياتك بكل جميل
شكرآ جزيلآ
|
Post: #4
Title: Re: حزب عكليت
Author: أبو ساندرا
Date: 01-29-2008, 06:46 AM
Parent: #1
فروع الحزب في كل مكان
في السودان
أتوقف طويلآ كلما طالعت الميدان
عند رسائل الأقاليم
والأصقاع النائية
فأجد الحزب هناك
ينشط ويعمل
أدركت ان الحزب بينمو
|
Post: #5
Title: Re: حزب عكليت
Author: tarig almakki
Date: 01-29-2008, 07:04 AM
Parent: #1
Quote: والإنقسامات وإنهيار المعسكر الشرقي
وعنف الجبهة الإسلامية الموجه ضده تحديدآ
وخروج الخاتم و وراق ومنو كده ماعارف
ونزيف الهجرة القسرية والغربة الكدرومية
وبرغم شبح الموت المخيم البيعرف كيف يشيل خيارنا |
العبرة في الفكرة
|
Post: #10
Title: Re: حزب عكليت
Author: أبو ساندرا
Date: 01-29-2008, 10:29 AM
Parent: #5
أيوة يا طارق
ومع إن الفكرة ذاتها دخلت في مأزق تاريخي
إلا أن سودنتها ميزت الشيوعي السوداني
و إنسجام الحزب مع القيم النبيلة في شعبنا
ونضال الشيوعيين ونكرانهم لذواتهم أكسبهم إحترام الشعب
الشعب الذي كان يختارهم في النقابات حيث المصالح والقضايا المباشرة
من الحتة دي ، حتة إحترام الشعب لهم
إنعطف الشباب نحوهم
لفت نظري في زيارة للخرطوم ان مركز الحزب في الخرطوم 2 يعج بالشباب من الجنسين
كلهم من الجيل الذي نشأ وترعرع تحت سلطة الجبهة الإسلامية
وتلك ظروف لايتوقع معها نمو الحزب ، أي حزب
لكن حدث العكس برغم حالة الحصار والعنف غير المحدود ولا مسبوق
لذلك سألتهم ، من أين أتو وكنت أتوقع أن يكونوا من أسر شيوعيين
إندهشت لما علمت أن معظمهم ما كانت توجد علاقة سابقة بين أفراد من اسرته وبالحزب
بل وجدت زملاء من أسر ممكن تحسب من رصيد الجبهة الإسلامية
حينها تذكرت مقولة أحد قادتنا العظام وأظنه الشهيد عبدالخالق
عندما قال ان هذا الحزب لن يهزم من خارجه أبدآ
|
Post: #6
Title: Re: حزب عكليت
Author: Atif Makkawi
Date: 01-29-2008, 07:23 AM
Parent: #1
*يا أبو ساندرا حزبك ده يحير.................
وربنا دائما ما يمتحنه في الذين يصعب تكرارهم!!!!
*وصلتني معلومة عبر اتصال بتقول أعمامك مبسوطين
جدا اذ وجدوا من يسلمونهم الأمانة ليناموا قريرى العين
والذين استلموا الأمانة كانوا أطفالا أو لم يولدوا حين
استلام الأعمام للمهام الصعبة في الزمن الصعب......
شدوا حيلكم أعملوا ليهم زيارات لكل أركان الدنيا
لتكن (استجمامة) للمحاربين .....ماقصروا والتحية لهم.
*الغريب أن الكثيرين حاولوا تأليب الشباب عليهم ولكن
الشباب لم يستجيبوا للتأليب فأين السر اذن؟
|
Post: #13
Title: Re: حزب عكليت
Author: أبو ساندرا
Date: 01-29-2008, 10:51 AM
Parent: #6
| Quote: استلام الأعمام للمهام الصعبة في الزمن الصعب...... |
أهلآ بالزميل عاطف
بس شايفك ركزت على الأعمام ولم تشر للخالات
فالحزب يذخر بزميلات في كافة المستويات
تولن مهام جسام وفي ظروف صعبة جدآ
التحية لهن ، ناضلن من موقع متقدم في وسط محافظ
وكان عليهن ان يناضلن مع زملائهن ضد كل مثالب الخارج
وكذلك أن يناهضن زملائهن من ذوي العقلية الذكورية
ويعالجن حالة الفصام
|
Post: #16
Title: Re: حزب عكليت
Author: Atif Makkawi
Date: 01-29-2008, 05:20 PM
Parent: #13
يا أبوساندرا
واضح أن العكلتة ما عكلتة الحزب لوحده
كمان عكلتة أبوساندرا أيضا....فكما في البلاغة
يطلق الجزء ويراد الكل...أيضا في الخطاب السياسي
السوداني يطلق التذكير ويراد به التذكير والتأنيث
كما في قولك أدناه:
Quote: ومع إن الفكرة ذاتها دخلت في مأزق تاريخي
إلا أن سودنتها ميزت الشيوعي السوداني
و إنسجام الحزب مع القيم النبيلة في شعبنا
ونضال الشيوعيين ونكرانهم لذواتهم أكسبهم إحترام الشعب
الشعب الذي كان يختارهم في النقابات حيث المصالح والقضايا
المباشرة من الحتة دي ، حتة إحترام الشعب لهم
إنعطف الشباب نحوهم |
يا أبوساندرا راجع كل المداخلات في هذا البوست
ستجد أن قولي هذا صحيحا!!!!!!!!!!!!!!!!
ولا أبومكاوى براه(القندولو مفندر الريكة).
ثم أن محدثي قد التقي بالأعمام اتصل أنت بآخر أو بأخرى لتحدثنا
عن الخالات.....ولا كيف؟
|
Post: #20
Title: Re: حزب عكليت
Author: أبو ساندرا
Date: 01-29-2008, 07:09 PM
Parent: #16
يا أبومكاوي
كل الحصل ، إستفدت انا من { الأعمام } عشان أجيب سيرة { الخالات }
وما كان فايتة علينا إنهن كانن مضمرات في { الأعمام } زي ما انا
شملتهن في الصيغة الذكورية { هم }
|
Post: #7
Title: Re: حزب عكليت
Author: خالد العبيد
Date: 01-29-2008, 07:41 AM
Parent: #1
التحية والانحناءة لحزبنا الصامد
التحية والتجلة والانحناءة لكل الزملاء الذين تصدوا للعمل السري والعلني وفي اقسى الظروف والنحنيات التي لا يقدر عليها الا رجال من طراز خاص ، رجال مصفحين ضد الانتهازية والانقسامات الميتة .
منذ مذابح الشجرة تسلموا الامانة بشجاعة نادرة وسلموها للشباب الان بكل ثقة .
حزب عملاق
وماشين في السكة نمد
|
Post: #14
Title: Re: حزب عكليت
Author: أبو ساندرا
Date: 01-29-2008, 11:17 AM
Parent: #7
خالد العبيد
عطفآ على خبر بكري أبوبكر بشأن فشل 30% من السودانيين
في إختبارات الحصول على الجنسية الأسترالية
نقترح عليك ، خاصة لو كنت ضمن تلك النسبة العالية
أن تعجل بالعودة إلى البلد قبل مارس/إبريل القادم
حتى لايفوتك شرف حضور الخامس
ضمن مناديب مدينة البراري وإمتداد ناصر
وطبعآ ح تجد أن المدينة تلك قد تغيرت وصارت مدن
تستحق ترفيعها إلى مستوى { مديرية } حزبية
|
Post: #8
Title: Re: حزب عكليت
Author: Safia Mohamed
Date: 01-29-2008, 08:40 AM
Parent: #1
أستاذ ابو ساندرا سلام
لكن والله عندي سؤال
انت منزل البوست دة عشان تعرف عضوية الحزب في المنبر كم؟ ولا انتو منظمين شدييد وعارفين ناسكم
يا ربي دي اول خطوة في الدعاية الانتحابية؟
يا ربي نعتبر دة تعاون مع ناس الامن ولا شنو؟
يا ربي هو الحزب دة مالو عامل كدي ؟
عموما جاوب على الاسئلة وبجيك تاني عشان نوضح عامل كدة يعني شنو
|
Post: #9
Title: Re: حزب عكليت
Author: bent-elassied
Date: 01-29-2008, 09:11 AM
Parent: #8
سلام لجميع
الاستاذ ساندرا
عكليت بمعني "الاستمراريه في التغير مع متغيرات المرحله"
و لا تقصد عكليت "عدم التغير مع تغير الزمن و المرحله"
و لا "التغير بعد التاخير من اجل المواكبة المتغيرات المرحليه"
ماذا عن نظرية الديالكتيك و العكلته؟
في انتظار ردك لاخ عاطف و الاخت صفية
و هي اسئلة من اجل التوضيح ليس الا 
مبروك انعقاد مؤتمركم الخامس
مع خالص الشكر
|
Post: #39
Title: Re: حزب عكليت
Author: أبو ساندرا
Date: 01-31-2008, 05:18 PM
Parent: #9
كتبت بنت الأسيد:
Quote: ماذا عن نظرية الديالكتيك و العكلته؟
|
سؤالك ده يجب ماقبله من أسئلة
بقصد أسئلتك
ونحوله للولد الشقي عصام جبر الله برسم الإجابة
خاصة وهو ضالع في الفلسفة
وضليع في السندكالية الماركسية
وبه جينات إنقسام
وعكلتة
|
Post: #26
Title: Re: حزب عكليت
Author: أبو ساندرا
Date: 01-30-2008, 06:54 AM
Parent: #8
و سآلتنا دكتورة صفية سؤال الضهبان
ولمعزة الدكتورة ونجابتها نعتني بالإجابة
س1
Quote: انت منزل البوست دة عشان تعرف عضوية الحزب في المنبر كم؟
ولا انتو منظمين شدييد وعارفين ناسكم |
ج1
لا انا ماعايز أعرف عضوية الحزب في المنبر
ومافي فرع إسفيري
عشان كده مافي أي عمل منظم
كل الحاصل أن الناس بتكون عارفة الخط العام
الوجهة العامة وبتصوب نحوها
وطبعآ ماممكن أفوت المحمولات الذكية لسؤال دكتورة صفية
التي ترنو إلى المستقبل بأمل ، حيث يبدو إنها تتوقع أن
تستجيب الأحزاب لمكتسبات العصر وتقنن وجود كوادرها في المنتديات
وتؤسس فروع أسفيرية
إمكن.
|
Post: #28
Title: Re: حزب عكليت
Author: أبو ساندرا
Date: 01-30-2008, 07:44 AM
Parent: #26
س2
Quote: يا ربي دي اول خطوة في الدعاية الانتحابية؟
|
ج2
لو صارت كده فليس هذا هو القصد
لكن من سوء حظ هذا الحزب
أو من سوء ترتيباته
انه عندما كان عقد مؤتمره العام الخامس ملحآ عقب الإنتفاضة
كان منهمك في تداعيات التحول وواجبات المرحلة والإستعداد للإنتخابات
وفي الإعداد للإحتفال بمرور 40 سنة على قيامه { العيد الأربعين }
والآن عندما صار الإستعداد للإنتخابات العامة أمرآ ملحآ ومقدمآ
نراه منهمك في الإعداد لمؤتمره العام الخامس
في يناير 2007 كنت في الخرطوم
لاحظت ان لجان عديدة كونت لموضوع خوض الإنتخابات
وكذلك لجان عديدة شكلت في شأن عقد المؤتمر
يومها علقت بالمثل السائر بأن
صاحب بالين كضاب
هسع ناس العاصمة القومية { مديرية الخرطوم }
زي أجهضوا ذلك المثل القديم
|
Post: #29
Title: Re: حزب عكليت
Author: أبو ساندرا
Date: 01-31-2008, 06:16 AM
Parent: #28
صفية تسأل وأنا أجاوب :
س3
Quote: يا ربي نعتبر دة تعاون مع ناس الامن ولا شنو؟
|
ج3
{جيم ثري } حلوة دي مش ؟
ناس الأمن الإسفيريين ؟
مؤتمر العاصمة القومية { مديرية الخرطوم }
إنعقد نهارآ جهارآ ويوم الجمعة
وفي قلب العاصمة
وزي ماقال خطاب المؤتمر أن جهاز الأمن كان بيراقب دور الأحزاب
مراقبة لصيقة وبيتجسس على الموبايلات والتلفونات
وبرغم كده إنعقد المؤتمر
الشاهد ، أن الناس في الداخل عرفت كيف تعمل وتتعامل مع أجهزة أمن الجبهة الإسلامية
ويبدو ان الأعمام تخلصوا رويدآ رويدا من عقدة التأمين
التأمين الصاح صار أن تعمل جهارآ نهارآ
ويضايقوك تمشي المحكمة الدستورية طوالي
|
Post: #38
Title: Re: حزب عكليت
Author: أبو ساندرا
Date: 01-31-2008, 04:41 PM
Parent: #8
ونواصل مع دكتورة صفية
س4
Quote: يا ربي هو الحزب دة مالو عامل كدي ؟
|
ج4
مع إنو السؤال ما موجه لي أنا
لكن قادر أتخيل محاولة التوريط
بالسؤال المفخخ
أو المزنر
فلو انا جاوبت عن أي { كدا } مقدرآ إنه قصدك
أتوقع أن يطلع { قصدي وقصدك مشتاقين ما لقوا
قصدي بينسون ولع لي النحرقو }
أو كما قالت مغنية ذاك الزمان الأول
متوكلآ على ألله
أقدر أن القصد متعلق ب
الحزب صاحب البرنامج المقبول جماهيريآ
لماذا لم يتحول إلى حزب جماهيري ؟
أو كما دعى وتمنى عبدالخالق
لو ده قصدك يا دكتورة
نورينا بالإجابة الما خمج
خاصة وحضرتك تنطلق من { ما بعد الحداثة }
|
Post: #11
Title: Re: حزب عكليت
Author: wd al geran
Date: 01-29-2008, 10:35 AM
Parent: #1
Quote: برغم ده كلوو
الحزب بينمو |
لا عجب يا ابوساندرا ان ينمو ..
فالحِزب ظل طِوال تاريخو يُسجِّل مواقِف وطنية مُشرِّفة
تجاه كافة القضايا الحقيقية التي تُلامس هموم الجماهير ..
التحية ليك يا ابوساندرا
وللحِزِب برضو
|
Post: #50
Title: Re: حزب عكليت
Author: أبو ساندرا
Date: 02-01-2008, 09:08 AM
Parent: #11
Quote: لا عجب يا ابوساندرا ان ينمو ..
|
صدقت يا ودالجيران
برغم حركات عصام جبر الله
|
Post: #12
Title: Re: حزب عكليت
Author: Safia Mohamed
Date: 01-29-2008, 10:47 AM
Parent: #1
| Quote: تجاه كافة القضايا الحقيقية التي تُلامس هموم الجماهير .. |
يا جماعة احفظوا لي الكلام دة جاياه بعدين
صفية
|
Post: #15
Title: Re: حزب عكليت
Author: wd al geran
Date: 01-29-2008, 02:36 PM
Parent: #12
| Quote: يا جماعة احفظوا لي الكلام دة جاياه بعدين |
مفيش فايدة
.
.
غطيني يا صفية
ـــــــــــــــــــ
يعيش الحِزِب 
|
Post: #17
Title: Re: حزب عكليت
Author: Adam Mousa
Date: 01-29-2008, 06:05 PM
Parent: #15
Quote: برغم ده كلوو
الحزب بينمو
ف للحزب الشيوعي السوداني
التحية والتجلة |
والمجد والخلود للشهداء الذين أناروا بدماءهم الطريق....
وللماسكين جمر مسؤولية العمل فى ظل هذه الظروف القاسيه...
|
Post: #19
Title: Re: حزب عكليت
Author: فيصل محمد خليل
Date: 01-29-2008, 06:25 PM
Parent: #17
المنحنيات كانت كتيرة
برغمها اثبت اصالتو
الحصين الاصيلة تعرف في المنحنيات
|
Post: #68
Title: Re: حزب عكليت
Author: أبو ساندرا
Date: 02-06-2008, 05:06 PM
Parent: #19
| Quote: المنحنيات كانت كتيرة |
في منحنى الدرب الطويل
الحبة تفلت من جراب عابر سبيل
يا فيصل محمد خليل
أهو طلع إسمك موزون مع القافية
|
Post: #57
Title: Re: حزب عكليت
Author: أبو ساندرا
Date: 02-02-2008, 09:22 AM
Parent: #17
وهتف آدم موسى محييآ
Quote: والمجد والخلود للشهداء الذين أناروا بدماءهم الطريق....
وللماسكين جمر مسؤولية العمل فى ظل هذه الظروف القاسيه... |
بالضبط يا آدم ، هي هذه اللتي تستدعي الوقوف والتأمل ’ برغم الظروف القاسية
فاللذين مسكوا جمر المسؤولية في تلك الظروف الصعبة ومنهم من إستشهد وبعضهم من
كابد العذبات المريرة وإحتمل الجراح السخينة وجميعهم قاسوا من مرارة الملاحقات
والتشريد بإسم الصالح العام
وفي مقدمتهم الشهداء علي فضل وعبدالمنعم رحمة وابوبكر راسخ ، ولم تكن مصادفة
أن كان ثلاثتهم أعضاء في الحزب العكليت
وشهداء الحركة الطلابية بدءآ من محمد عبدالسلام وحتى أبوالعاص المجندل بالأمس
ولم تكن مصادفة أيضآ أن كانوا من الحزب العكليت والجبهة الديمقراطية
وهنا لاننتقص من نضال أحد فهناك شهداء ومناضلين ليس أعضاء في الحزب
ولكن سقت الأمثلة والنماذج لنبين إنهم كانوا في المقدمة دائمآ
كانت السلطة تتفاخر بأنها هزمت الحزب ولن تقزم له قائمة ،
تقول ذلك في ذات الوقت الذي تتوجه فيه كل آلتها وأدوات عنفها
وأجهزتها الأمنية وإعلام الدولة المختطف كلها كانت تركز على هزيمة الحزب الشيوعي
وكرست لها الأموال والميزانيات المفتوحة
وبرغم ذلك يفاجئهم الحزب بتماسكه وقوته ووجوده الفعال
الذي أرغم قمة السلطة للسعي للإجتماع به والإستماع لرأيه وهم كانوا قبل ايام
يحاولون محاصرة الحزب بإرغامه على التسجيل كأنه حزب جديد
إنه تاريخ مشرف وحاضر ناصع
ومستقبل حتمآ سيكون وضاء للبلد والشعب
قبل الحزب
أثمن غاليآ إحتفائك النبيل بالشهداء وبالمناضلين القابضين على جمر
النضال في ظروف جد قاسية ، يا آدم موسى
|
Post: #18
Title: Re: حزب عكليت
Author: Adam Mousa
Date: 01-29-2008, 06:14 PM
Parent: #15
Quote: برغم ده كلوو
الحزب بينمو
ف للحزب الشيوعي السوداني
التحية والتجلة |
والمجد والخلود للشهداء الذين أناروا بدماءهم سكة العمل..........
والانتخاباتت جاها بلى شباب مسلح بخبرة (معلمين)كبار......
|
Post: #22
Title: Re: حزب عكليت
Author: Emad Abdulla
Date: 01-29-2008, 07:36 PM
Parent: #18
مبروك يا صاحبنا الكبير ..
كده قديتو عين الشيطان ( باقي عين تانية كدة .. أنقر شنو ؟ ) .
تصعيد الكوادر الوسيطة ضربة معلم و خطوات في الإتجاه الصحيح .
غايتو ناس " إنتو " الشدر الكبار ديل زحوا بعيد شوية بدلاقينكم القديمة ..
أدو البنات و الأولاد الحيين ديل فرقة معاكم .. كرهتونا .
....
تنهدات أميرية :
و .. يا مارس تعال ..
سكت القوال ..Quote: عكليت بمعني "الاستمراريه في التغير مع متغيرات المرحله"
و لا تقصد عكليت "عدم التغير مع تغير الزمن و المرحله"
و لا "التغير بعد التاخير من اجل المواكبة المتغيرات المرحليه" |
هسع في عكلتة أكتر من شِبكة بت الإسيد دي ؟ ..
التحية للحزب .. و ليك .
|
Post: #52
Title: Re: حزب عكليت
Author: أبو ساندرا
Date: 02-01-2008, 11:19 AM
Parent: #15
كتب زغلول أفندي ، ودالجيران
أها صفية عملت شنو في الموضوع ده
غطت
وطفت النور
أم
هتفت
عاش الحزب
|
Post: #21
Title: Re: حزب عكليت
Author: wd al geran
Date: 01-29-2008, 07:14 PM
Parent: #1
مُهِم بالمُناسبة نذكُر هِنا إنو الحِزِب إستفاد كتير
مِن الموجهات الواردة في الوثيقة الشهيرة المُعنونة ب:
"إصلاح الخطأ في العمل بين الجماهير" و لم ينظُر - على
اساس هذه الموجِهات - للعمل الديمقراطي الجماهيري نظرة ازدراء
او احتقار .. ولم يعتبِره مِن ثم في مستوى ادنى مِن مستوى
العمل السياسي المُنظّم .. بل وقام ايضاً بخلق آليات اداء غير
تقليدية لتفعيل النشاط الحِزبي و غرس المبادئ الثورية وسط القِطاعات
الشعبية المُستهدفة.
وكُل هذا مِما ساعد كثيراً في تمدُد ونمو الحِزب.
التحية لكُل الثوار
|
Post: #54
Title: Re: حزب عكليت
Author: أبو ساندرا
Date: 02-01-2008, 02:29 PM
Parent: #21
Quote: وكُل هذا مِما ساعد كثيراً في تمدُد ونمو الحِزب.
|
ما سبق ذلك مداخلة رصينة يا ودالجيران
|
Post: #23
Title: Re: حزب عكليت
Author: esam gabralla
Date: 01-29-2008, 07:39 PM
Parent: #1
صحى البكا بحرروهو اهلو... و بما انك من "اهل البيت" شايفك سكاليبك شديده خلاسسسس ...
كدى اشرح لينا العكلتة القاصدا انت كيف؟ عشان نفرزا من عكلتتنا و خت في بالك اسئلة النبيهة بت الاسيد
قصة النمو و بتاع دى خليها لى قدام....
ود الجيران ... انت معانا و لا مع الخيانة
|
Post: #24
Title: Re: حزب عكليت
Author: wd al geran
Date: 01-29-2008, 07:54 PM
Parent: #23
| Quote: ود الجيران ... انت معانا و لا مع الخيانة |
الهم في ما يتعلق بالعمل العام دا هم مُشترك يا عِصام ..
والا كيف؟
|
Post: #25
Title: Re: حزب عكليت
Author: esam gabralla
Date: 01-29-2008, 11:03 PM
Parent: #24
Quote: الهم في ما يتعلق بالعمل العام دا هم مُشترك يا عِصام ..
والا كيف؟ |
خزلتنى يا ود الجيران، انت "حركاتك و ظرافتك" دى الا مع "النساء" و لا شنو؟ عصرت ضنبك سريع مالك؟ كنت عاوزك تجادعنى نقزقز بي "عمك" ابوساندرا ده شوية لكن طلعت زاتك "معسم" زيو كده، دى كانت عاوزة صاحبك كمال عشان يلاعبنى الون ـ تو ده
الفيك اتعرفت و طلعت كالوت مع الخيانة ناس ابوساندرا ...
و تحت تحت كده ... الهم مشترك ....
و على قولك: عاش الحزب... ديمقراطى ... منفتح ... منحاز للحق والعدالة ... وكل الاحزاب كمان... انحنا لاقين؟
|
Post: #56
Title: Re: حزب عكليت
Author: أبو ساندرا
Date: 02-01-2008, 07:05 PM
Parent: #23
| Quote: كدى اشرح لينا العكلتة القاصدا انت كيف؟ عشان نفرزا من عكلتتنا و خت في بالك اسئلة النبيهة بت الاسيد |
النبيهة بنت الأسيد عكليته من الدرجة الأولى يا عصام جبر الله
وانت محتفي بعكلتتها عشان بتشبه حالك
والحتة دي إنتبه ليها عماد عبدالله
حتة العكلتة
المعنى المباشر لعكليت في الثقافة السودانية = لايوق
غير ان المعنى المجازي القصدته هو :المقاوح ، الصامد ، الذي لاينهزم
انا بالبوست هدفت أن أشير إلى خاصية مهمة جدآ موجودة في الحزب الشيوعي
هي قدرته على الصمود وعلى الإستمرار ، وإستمرار هذه أشارت ليها بنت الأسيد
في أسئلتها الموحية ، فالحزب عصي على الهزيمة.
لايوجد حزب في السودان تعرض لما تعرض له الحزب الشيوعي من عنف تجاوز المدى
عنف لا محدود واجهه منذ نشأته الأولى أيام الإستعمار ، ولأجله سن قانون النشاط الهدام
وعبر كل العهود والأنظمة المسماة وطنية سواء كانت عسكرية شمولية أو مدنية ديمفراطية
- ملاحقات وإعتقالات أيام نظام عبود
- حل ومحاولة تصفية في ديمقراطية أزهري/ الصادق
- تشريد وإعتقالات وملاحقات وإعدام في عهد السفاح نميري
- إعتقال وتعذيب وقتل في بيوت الأشباح وفي الجامعات وفي الشارع العام تحت قبضة الجبهة الإسلامية
وخلال ذلك كله
- محاولة التصفية من الداخل بالإنقسامات
- محاولة خلخلته بدس الغواصات
والأثر المعنوي لإنهيار المعسكر الإشتراكي ودخول النظرية في مأزقها التاريخي
برغم كل ذلك
فإن الحزب لم يستسلم لعنف ولا أوهنته الضربات والإنقسامات
بل ظل عصيآ على الهزيمة والإستسلام
ليس الصمود والإستمرار فحسب
بل والنمو بإضطراد
دي مش حاجة تمخول يا عصام؟
مش حاجة تستحق التنويه والإحترام ؟
|
Post: #77
Title: Re: حزب عكليت
Author: أبو ساندرا
Date: 02-11-2008, 11:03 AM
Parent: #23
أهلآ يا عصام بك جبر الله
| Quote: صحى البكا بحرروهو اهلو |
شكلك كده ما عدت من بقية أهلو
وضح موقفك
حدد
أخشى عليك من جرثومة الإنقسام
يا ولد أمسك في موقف الحاجة قوي
فطريقها لك وجاء
ومخرج
|
Post: #27
Title: Re: حزب عكليت
Author: tarig almakki
Date: 01-30-2008, 06:57 AM
Parent: #1
| Quote: ومع إن الفكرة ذاتها دخلت في مأزق تاريخي |
أأكد على كلامك وأضيف أن الحزب أيضاً أدخل في مآزق تاريخية في صراع مرير مع البرجوازية الوطنية , أيضاً إجحاف بعض المنشقين الذين حاولوا ان يبرروا إنهزامهم وعدم مقدرتهم على الإستمرارية في وجه التيارات المعادية بسوء في الحزب ومع كل هذا وذاك إستمر الحزب يناضل من أجل الوطن ويصارع من أجل البقاء وما أقساه وأعظمه صراع .
وكتب الحزب عكليتا .
|
Post: #30
Title: Re: حزب عكليت
Author: haroon diyab
Date: 01-31-2008, 07:03 AM
Parent: #1
ابو نضارات
عل العينين صبحن بخير
تسجيل حضور ومتابعة
وزيادة جمجرة عاوز احفظ الكلام ده للاخت صفية
Quote: يا جماعة احفظوا لي الكلام دة جاياه بعدين
صفية |
وبعدين الليلة اعمل تسجيل حضور بدري...ولو خلص الفول انا مش مسئول
هارون دياب
|
Post: #31
Title: Re: حزب عكليت
Author: خالد العبيد
Date: 01-31-2008, 07:26 AM
Parent: #1
ابوساندرا
تحياتي
Quote: نقترح عليك ، خاصة لو كنت ضمن تلك النسبة العالية
أن تعجل بالعودة إلى البلد قبل مارس/إبريل القادم
حتى لايفوتك شرف حضور الخامس
ضمن مناديب مدينة البراري وإمتداد ناصر |
نجحت من قولة تيت!
بري ليها وحشة
انا مطمئن على الوضع هناك
في زيارتي الاخيرة لقيت شباب زي الورد
سادين وردية ليل ونهار
يا سلام عليهم يملوا العين يقين وثبات
|
Post: #32
Title: Re: حزب عكليت
Author: هجو الأقرع
Date: 01-31-2008, 07:43 AM
Parent: #31
الاخ خالد العبيد كيفك والاسرة الكريمة المعاك والبعاد منك ، غايتو قسمة ونصيب ، خسارة كبير ود شيخ عرب زيك يكون مع( خر ب) مو عارف الى الان كوعو من بوعو ... ويتعطف هذه الايام حنان ناس المؤتمر، ارقد بى عافيه و خليك بعيد و ابقى عشرة على وليداتك .
|
Post: #33
Title: Re: حزب عكليت
Author: خالد العبيد
Date: 01-31-2008, 11:44 AM
Parent: #1
الاخ هجو
تحياتي
| Quote: خسارة كبير ود شيخ عرب زيك يكون مع( خر ب) مو عارف الى الان كوعو من بوعو |
اول بالتبادي انا ما ود شيخ عرب!
ابوي رحمه الله عامل بسيط قدر حالو
يعني الشياخة ما شفناها
وعرب دي فيها قولان لانو لمن كنت في الخليج شفت العرب شوف العين
نحن ما عرب يا هجو ولا حاجة!
ثانيا الحزب الشيوعي حزب كبير غرس اقدامه عميقا في الساحة السياسية السودانية
ولا يمكن تجاوزه على الاطلاق في كل منحنيات الصراع السياسي الدائر الآن
حزب يمتلك برنامج ومنهج مدروس من واقعنا ما من اكتر!
وبالمناسبة انا مافي زول جندني للحزب الشيوعي مشيت بي كرعيني سلمت نفسي لي عباس وهبة
عن قناعة واقتناع راسخ .
خليتك بي عافية
|
Post: #34
Title: Re: حزب عكليت
Author: فدوى الشريف
Date: 01-31-2008, 12:09 PM
Parent: #1
نمو أميبي
|
Post: #35
Title: Re: حزب عكليت
Author: Emad Abdulla
Date: 01-31-2008, 01:29 PM
Parent: #34
تحيات يا خالد ليك و العايلة ..| Quote: مشيت بي كرعيني سلمت نفسي |
كدي صلّح دي شوية ..
الكلام ده فيهو شبهة طائفية و " تبعية " .
مودتي .
|
Post: #36
Title: Re: حزب عكليت
Author: esam gabralla
Date: 01-31-2008, 01:51 PM
Parent: #1
يا صاحب
| Quote: الكلام ده فيهو شبهة طائفية و " تبعية " . |
الوالد عليه الرحمة (انقسامى كبير) كان بيعاين لي بعض افراد اسرتنا الكبيرة (بعيد عنك اسرتنا موبوءة بداء الشيوعية و اليسار) و يقول: ديل طائفية الحزب الشيوعى..
و بغض النظر عن "حقد" الانقساميين و التحريفيين الجدد و القدامى و ناس حق والليبرالى و السي.اى.اى و عوض عبدالرازق زاتو الا تجد شبهة الطائفية دى حقيقية؟ في نوع كلامات و كتابات لما تشوفا او تسمعا تتاكد انو مصدرا زول "موحد" عديييل كده، لا ياتيه القلق لا من خلفه لا امامه و لا من جواهو.
خالد العبيد .... يا زميل عماد ده زول فتن بس
اما انا فتحريفي اصلاحى منشفيكى كولوخوزى و كوميسار اسفيري
وين الكبير و ودالجيران؟
|
Post: #37
Title: Re: حزب عكليت
Author: nadus2000
Date: 01-31-2008, 02:34 PM
Parent: #36
أبوساندرا
بقراءتي للبوست عنوانا، ومتن، مقروناً بقراءة مداخلات الأخت بت الأسيد والصديق عماد والأخ عصام، أتساءل:
= هل مجرد العكلتة تستحق كل هذا التكبير والتهليل!!!
أم أن هذا الأمر ينبيء عن انخفاض سطح الطموحات!!
تأمل معي يا صديقي :
على مشارف اليوبيل الماسي للحزب، لا يجد أبو ساندرا ما يحتفى به، سوى العكلتة...
وما أدراك ما العكلتة،
|
Post: #40
Title: Re: حزب عكليت
Author: Ishraga Mustafa
Date: 01-31-2008, 07:07 PM
Parent: #37
| Quote: وما أدراك ما العكلتة، |
ابدأ من حيث انتهى العزيز عبدالجليل
العكلتة...
ولية ماتكون عكلتة؟
الغريب شنو؟ ماسياسة السودان من يوم ولدوه عكلته..
بس قلت امر اعكلت السلام لحدى ما اجى بروقة كدى بعد مااتلفح عكلتة عقلى
يعنى الزول يلقاها هنا ولا فى عكلتة الكوتة!!
علا بالصح يا ابوساندرا رأيك شنو فى بيان نساء الاحزاب السياسية فى قانون الانتخابات؟
غايتو البيان ده فيهو اقلام من النوع ابوعضلات.. عشان كدى السياسة المصنوعة بقت/ من يومها تبش ساكت.. احىّ يامصارين روحى..
--------------
تاريخ ميلاد السودان متين.. اوعى يجى زول يقول لى عندة شهادة مؤرخة ب واحد واحد
بعدين ماتاخد بكلامى دى عكلتة منى ساكت!!
|
Post: #60
Title: Re: حزب عكليت
Author: أبو ساندرا
Date: 02-03-2008, 06:47 AM
Parent: #36
كتب الولد المناكف عصام جبر الله :
Quote: الوالد عليه الرحمة (انقسامى كبير) كان بيعاين لي بعض افراد اسرتنا الكبيرة
(بعيد عنك اسرتنا موبوءة بداء الشيوعية و اليسار) و يقول: ديل طائفية الحزب الشيوعى.. |
تعرف يا عصام في يناير 2007 كنت في الخرطوم
إهتميت بزيارة بعض رموز الحزب ، لذلك سجلت زيارة لمنزلكم
للسلام على المناضلة المجيدة السيدة والدتكم حفظها الله ومد في ايامها
ومتعها بالصحة والعافية
وجدتها أشد تمسكآ بالحزب وحكت لي عن إنقسام والدكم عليه رحمة الله
وإنتقدت فيما إنتقدت الزميلات اللاتي بارن أزواجهن الإنقساميين وإنقسمن
معاهن ، ورأت في ذلك تبعية مهينة ، كانت تفخر بأنها لم تتبع زوجها
وانه إحترم خيارها ولم يزين لها الإنقسام
أها المناضلة والدتكم واحدة من رموز الحزب العكاليت
وياريت يا عصام تكون طالع لأمك المناضلة
وماتكون جينات الإنقسام تسربت اليك
قال موبؤة قال.
|
Post: #41
Title: Re: حزب عكليت
Author: خالد العبيد
Date: 01-31-2008, 08:34 PM
Parent: #1
| Quote: مشيت بي كرعيني سلمت نفسي لي عباس وهبة |
الكلام ده يا عماد انا بأكد عليه تاني
مافيه شبهة ولا طائفة
الصديق والزميل الشيوعي عباس وهبة جاري في الحي كان اجمل الناس خلقا واخلاقا وتعامل
وللحديث بقية طويلة ليس هنا موضعها
تسلم
|
Post: #42
Title: Re: حزب عكليت
Author: Ishraga Mustafa
Date: 01-31-2008, 09:12 PM
Parent: #41
| Quote: وخروج الخاتم و وراق ومنو كده ماعارف |
Quote: بس شايفك ركزت على الأعمام ولم تشر للخالات
فالحزب يذخر بزميلات في كافة المستويات
تولن مهام جسام وفي ظروف صعبة جدآ
التحية لهن ، ناضلن من موقع متقدم في وسط محافظ
وكان عليهن ان يناضلن مع زملائهن ضد كل مثالب الخارج
وكذلك أن يناهضن زملائهن من ذوي العقلية الذكورية
ويعالجن حالة الفصام |
Quote: كل الحصل ، إستفدت انا من { الأعمام } عشان أجيب سيرة { الخالات }وما كان فايتة علينا إنهن كانن مضمرات في { الأعمام } زي ما انا
شملتهن في الصيغة الذكورية { هم } |
| Quote: ويبدو ان الأعمام تخلصوا رويدآ رويدا من عقدة التأمين |
| Quote: أأكد على كلامك وأضيف أن الحزب أيضاً أدخل في مآزق تاريخية في صراع مرير مع البرجوازية الوطنية , أيضاً إجحاف بعض المنشقين الذين حاولوا ان يبرروا إنهزامهم وعدم مقدرتهم على الإستمرارية في وجه التيارات المعادية بسوء في الحزب ومع كل هذا وذاك إستمر الحزب يناضل من أجل الوطن ويصارع من أجل البقاء وما أقساه وأعظمه صراع |
على سبيل العكلتة!!
|
Post: #43
Title: Re: حزب عكليت
Author: أبو ساندرا
Date: 01-31-2008, 09:15 PM
Parent: #1
نطيت كل الوسيمين أعلاه ، بعد إذنهم ، لكي إحتفي بالصديق العزيز عباس بك وهبى
فهو واحد من أنضر أبناء الحزب
نقابي عالي القدرات ومثقف ثوري ومناضل ملتزم
وأخو أخوان ، بار بأهله وأصدقائه الكثر وزملائه النجوم
واحد من عظام سودنو الماركسية بسلوكهم وبتبسيطهم لنظرياتها
|
Post: #44
Title: Re: حزب عكليت
Author: Emad Abdulla
Date: 01-31-2008, 09:44 PM
Parent: #43
مساء الخير يا خالد ..
شكلك زعلت ..
يا خالد , عباس وهبي ما عندو علاقة بالقلتو أنا ..
بس حكاية " التسليم " دي شينة خلاص .. فيها إنقيادية عميانة ..
زي الزول البيوقف مكنة راسو , و يتكلو على جنبه كده و يمد رقبتو ..
يا ضبحوهو يا خنقوهو .. يا كمان سعوهو ( من ضمن رؤوس القطيع ) .
....
إحتراماتي كلها للأخ عباس وهبي Quote: فهو واحد من أنضر أبناء الحزب
نقابي عالي القدرات ومثقف ثوري ومناضل ملتزم
وأخو أخوان ، بار بأهله وأصدقائه الكثر وزملائه النجوم
واحد من عظام سودنو الماركسية بسلوكهم وبتبسيطهم لنظرياتها |
و التحية للشيوعي السوداني ..
و ليك و أبو ساندرا ..
و للمنعول عصام جبرالله .
|
Post: #45
Title: Re: حزب عكليت
Author: kamal ali
Date: 01-31-2008, 11:03 PM
Parent: #1
غايتو ياأبوساندرا لوبقيتو حرفا وفى مؤتمركم المامعروف ينعقد بتين ده , غيرتوا
اسم الحزب حتكسبوا ناس كتار خلاص .
وبعدين ايها الرفيق الا تشعر بأن الوقت صار ضيق للحملات الاعلانيه العكليته دى ,,,
الانتخابات بعد اقل من سنه ,, ولا بعدين تبريراتكم حتكون جاهزه ,, الوقت ماأسعفنا ,,
وناس الامن ماأدونا فرصه ,ووووووو , واوات كتيره حتهرونا بيها ,,, هارون دياب برضو
احفظ معاك الكلام ده .
تحياتى ,,,
|
Post: #46
Title: Re: حزب عكليت
Author: bent-elassied
Date: 02-01-2008, 00:02 AM
Parent: #45
يا استاذنا العزيز ابو ساندرا
انا منتظراك وترد علي اسئلة الاخ عاطف و الاخت صفية
ورديت عليهم باستفاضه
لكن
اسئلتي ادناها
Quote:
عكليت بمعني "الاستمراريه في التغير مع متغيرات المرحله"
و لا تقصد عكليت "عدم التغير مع تغير الزمن و المرحله"
و لا "التغير بعد التاخير من اجل المواكبة المتغيرات المرحليه"
ماذا عن نظرية الديالكتيك و العكلته؟
|
لم ترد عليها الا بهذه الاجابة
Quote:
كتبت بنت الأسيد:
Quote: ماذا عن نظرية الديالكتيك و العكلته؟
سؤالك ده يجب ماقبله من أسئلة
بقصد أسئلتك
ونحوله للولد الشقي عصام جبر الله برسم الإجابة
خاصة وهو ضالع في الفلسفة
وضليع في السندكالية الماركسية
وبه جينات إنقسام
|
و هي اسئله من اجل التوضيح والشرح كما ذكرت سابقا
لكن برضو في انتظار شرح كلمة "عكليت" من عكلت يعكلت وهو متعكلت
وفي ثلاتة خيارات لمعني عكليت يمكن ان تختار منها
و تجاوب علي الاسئلة
او تتجاهل الرد عليها كجزء من العكلته
مع فايق الاحترام لك ولحزبك العكليت
دوما لك خالص التقدير
______________________
معليش للعكلته من اجل فهم كلمة عكليت
|
Post: #47
Title: Re: حزب عكليت
Author: Abdel Aati
Date: 02-01-2008, 00:07 AM
Parent: #1
ليس هو حزبا ديمقراطيا
ليس هو حزبا مؤسسيا
ليس هو حزبا جندريا
ليس هو حزبا لا مركزيا
ليس هو حزبا حديثا
ليس هو حزبا برامجيا
ليس هو حزبا شعبيا
ليس هو حزبا تنمويا
وانما حزب عكليت !!
همممممممممممممم
تحليل طريف ...
|
Post: #48
Title: Re: حزب عكليت
Author: نيازي مصطفى
Date: 02-01-2008, 00:22 AM
Parent: #1
Quote: حيث يبدو إنها تتوقع أن
تستجيب الأحزاب لمكتسبات العصر وتقنن وجود كوادرها في المنتديات
وتؤسس فروع أسفيرية
|
عكليت انت والله
|
Post: #49
Title: Re: حزب عكليت
Author: اسامة جعفر
Date: 02-01-2008, 01:25 AM
Parent: #48
لأنه هــو
حزب ديمقراطي
حزب مؤسسي
حزب جندري
حزب لا مركزي
حزب يعمل وفق برنامج
حزب شعبي
حزب تنموي
عشان كده هو حزب عكليت
|
Post: #51
Title: Re: حزب عكليت
Author: Abdel Aati
Date: 02-01-2008, 11:09 AM
Parent: #49
العزيز اسامة جعفر
يا زول نحن بنتكلم عن الحزب الشيوعي السوداني؛ اظن تشابه عليك البقر !!
بالنسبة للحزب الشيوعي
1/ هو غير ديمقراطي
لأن اخر مؤتمر له تم قبل 41 عاما والاعضاء لا دور لهم اطلاقا في قيادته
2/ هو غير مؤسسي
لأن قيادته المنتخبة قد استقال اغلبها او فصلت او ماتت وجل القيادة الحالية معينة
ومن انتخب منهم في اخر مؤتمر انتهت مدة تفويضهم قبل 39 عاما
3/ حزب غير جندري
لأن قيادته العليا - سكرتارية اللجنة المركزية او المكتب السياسي سابقا -
لا توجد فيها أمراة واحدة .
4/ حزب مركزي
لأنه يدار من قبل المركز ولأن قياداته من مركز السودان ويحكمه مبدا يسمى بالمركزية الديمقراطية
5/ لا يعمل وفق برنامج
لأن اخر برنامج له اجازه قبل 41 عاما وقد اكل عليه الدهر وشرب وفعل عليه اشياء اخرى
6/ حزب لا شعبي
لأن عضويته شرذمة اغلبها من وسط الطلبة والافندية (يعني برجوازية صغيرة)
7/ حزب غير تنموي
لأنه لا يطرح مشاريعا تنموية محددة ولم ينجز مشروعا تنمويا واحدا في السودان ..
لكنه مع ذلك حزب عكليت ؛ اي بمفهوم العكلتة التقليدي في سوق ام دفسو السياسي ..
مبروك ليكم
|
Post: #53
Title: Re: حزب عكليت
Author: دينا خالد
Date: 02-01-2008, 12:06 PM
Parent: #51
اها وما دام البوست ونسة فى ونسة
وعلى ذكرى الكلام عن العكلته قلنا نجيب ليكم عكلتة عثمان دى !
حديث المدينة
حزب سري (جدا)..!!
عثمان ميرغني
كُتب في: 2008-02-01
[email protected]
الحزب الشيوعي السوداني.. عقد مؤتمر (المديرية).. قبل حوالى أربعة أيام.. في يومي 25 و26 يناير 2008.. و(المديرية) مقصود بها ولاية الخرطوم على الاسم القديم لمديرية الخرطوم.. المؤتمر عقد بمنتهى (السرية!).. وانتخب فيه قيادة جديدة وأيضا بمنتهى (السرية!).
بالله، هل يمكن أن يحدث مثل هذا في غير هذا البلد المسمى السودان؟ حزب سياسي.. وافق على العمل السياسي المفتوح.. ولديه مقر مركزي في الخرطوم.. وعدة مقار فرعية في الخرطوم وخارجها.. ولديه أعضاء في البرلمان.. ولديه صحيفة مرخص لها رسميا.. وتباع في الهواء الطلق في كل المكتبات.. بعد كل هذا يعقد مؤتمرا (سريا).. وينتخب قيادة (سرية! حتى اشعار آخر)..
ليس هذا فحسب.. بل يصرح أحد قياداته بأن المؤتمر (السري!) ناقش قضايا التحول الديموقراطي!!.. كيف يكون (التحول الديموقراطي) بكل هذه السرية؟؟..
سؤال مباشر أرجو أن تجيب عليه قيادة الحزب الشيوعي.. هل هو حزب سياسي، أم منظمة سرية؟؟ وللمساعدة في وضع الإجابة أشرح لهم الفرق بين الحزب السياسي والمنظمة السرية.. الحزب السياسي هو منبر Platform للممارسة السياسية لا يحتاج من ينتمي اليه مراسم (تعميد).. وإجراءات خلع ديانة للدخول في ديانة أخرى.. ويباشر كل نشاطه في الهواء الطلق.. لأن نشاطه أصلا ملك عام للجمهور.. أما المنظمة السرية فهي التي تتكتم في نشاطها.. خاصة اعلان قياداتها ورموزها الأساسية.. ومن ينتمي اليها لا بد أن يمر على إجراءات فحص و(فيش وتشبيه).. ويتطلب شعائر أقرب لاعتناق دين جديد.. يتطهر من كل فكر الا (الفكر!) الجديد الذي سيتدين به..
الذي ينظر لنشاط الحزب الشيوعي الآن.. يحتار.. هل توقفت عقارب الساعة في دماغ هذا الحزب، هناك في الستينيات والسبعينيات من القرن الماضي.. عهود العمل السري التي كان يبرع فيها الحزب الشيوعي.. ولبس فيها (طاقية الإخفاء).. واحتكر قياداته (باطن الأرض)؟؟.. فالسرية التي يعمل بها الحزب الآن تبدو كما لو أنها ارث تاريخي يعز على قياداته أن تتخلص منه.. نوع من الذكرى والحنين والاعتزاز بالماضي وخبراته.. أكثر منه وضع عملي يتطلبه العمل السياسي الآن..
سيقول قائل من الحزب الشيوعي: السرية تفرضها ضرورات الرهبة من الحكام وبطشهم.. لكن الأوجب هنا أن نسأل نحن: وهل نفعت الحزب الشيوعي (السرية) في الماضي؟.. الضربات الموجعة التي تلقاها ألم تكن كلها في عهود سريته؟؟ بل وفي مجد السرية التي أوجبت أن يقوم بانقلاب عسكري وينجح في القبض على زمام السلطة لمدة ثلاثة أيام.. في عز هذه السرية فقد معظم قياداته الذين توزعوا بين حبال المشانق.. و(دروة) الإعدام بالرصاص.. وفريق ثالث اختفى تحت الأرض لأكثر من (14) عاما.
هذا الحزب في حاجة ماسة لعلاج نفسي يخرجه من حالة الماضي التي يكابدها الى حاضر اليوم وإطلالة المستقبل.. علاج يجعل تحدي الممارسة عند الحزب الشيوعي أن يحقق أهدافه في عز النهار.. وأمام الجميع.. حتى لو طال قياداته الاعتقال والتنكيل فهي ضريبة (عادية جدا) في العمل السياسي.. لا يجوز الوقاية منها بالاختفاء او السرية..
حزب المؤتمر الشعبي.. عقد مؤتمره العام في منتزه المقرن.. ودعا الصحافة والإعلام ليس لحضور مؤتمر صحفي لإعلان البيان الختامي.. بل لمراقبة كل جلساته ومداولاته.. وانتخب قيادته امام الصحافيين وكاميرا الفضائيات..
لو ثابر الحزب الشيوعي على هذا المنهج.. فسيختفي الحزب نفسه.. تحت الأرض!!.
ويا قول عماد التحية للحزب الشيوعى ،،،،
|
Post: #55
Title: Re: حزب عكليت
Author: wd al geran
Date: 02-01-2008, 02:43 PM
Parent: #53
| Quote: ما سبق ذلك مداخلة رصينة يا ودالجيران |
النفوس كان إتطايبت البلد دي بتشيلنا كُلنا يا عبدالرحمن
تحياتي وإحترامي ..
التعديل الاول لتصحيح خطأ إملائي
والتاني لتصحيح الاول .. وكِدة
|
Post: #58
Title: Re: حزب عكليت
Author: عبد الخالق عابد
Date: 02-02-2008, 07:24 PM
Parent: #55
الجميل ابو ساندارا
سلاماتى
وانا اتابع عن كسب مجريات مؤتمر مدينة الخرطوم
جاء فى خاطرى جمله من الزملاء العظام الذين رحلوا عنا
فى وقت تحتاجهم الحركه الجماهيريه وحزبنا الصغير
والذين تعنى تعنى الحرية بالنسبة لهم ان لا يتملكهم الخوف
وان لا يفكروامرتين وان لايترددوا لحظه واحده فى الدفاع عن اختيارهم
ومنهم عمنا المناضل الجزولى سعيد والنقابى الفذ على الماحى السخى
ودكتور على فضل ودكتور كدوده ودكتور القدال والسر الناطق
وقائمة الشرفاء تطول ....
التحيه لكل الذين يبذلون الجهد فى اتجاه الخامس
وعاش نضال الشعب السودانى
وعاش نضال الحزب الشيوعى السودانى
وماشين فى السكه نمد
عبدالخالق
|
Post: #59
Title: Re: حزب عكليت
Author: Aymen Tabir
Date: 02-03-2008, 02:21 AM
Parent: #58
العزيز ابوساندرا
يازميل من الزمن الجميل
الحزب الشيوعي السوداني
لو غيروا اسموا لو بدلوا ولو عدلوا مليون نظريه ونظريه برضو حيفضل الحزب الشيوعي السوداني بي دم شهداؤه وبنضال رجاله ونسوانه وشبابه وشاباته .. مش عشان العكلته لكن لانو حزب دخل جوه اللحم الحي لي شعبه آمن بيهو ةامنو بيهو .
مره زمان قلته اي واحد هنا الحزب الشيوعي السوداني ده زي عم السر الله يرحمه دمو في دمي واسمو مع اسمي ، في زول بقدر انكر ابوهو ؟
ليهو التحيه حزب شامخ ما هداهو الزمن ولا حولت دربو المحن
عاش الحزب الشيوعي
عاش الحزب الشيوعي السوداني
ودالسر!
| Quote: مبروك انعقاد مؤتمركم الخامس |
مي الإسيد ؟؟؟؟؟
|
Post: #61
Title: Re: حزب عكليت
Author: nadus2000
Date: 02-03-2008, 09:54 AM
Parent: #59
| Quote: المؤتمر عقد بمنتهى (السرية!).. وانتخب فيه قيادة جديدة وأيضا بمنتهى (السرية!) |
.
يا أبو ساندرا، هل بالفعل عقد هذا المؤتمر بسرية، كما ورد بمقال عثمان ميرغني،
والشكر للأخت دينا خالد
|
Post: #62
Title: Re: حزب عكليت
Author: حسن البشاري
Date: 02-03-2008, 12:53 PM
Parent: #61
الاخ العزيز
ابوساندرا
تحياتي
اولا مبروك انعقاد مؤتمر العاصمة، وعقبال المؤتمر العام الخامس..
اعتقد ان المؤتمر كان خطوة جيدة جدا، على رغم ما يثار
من تحفظات بشأن السرية. وآمل ان يكون كذلك خطوة
أخرى في اصلاح مسار العمل المعارض بشكل عام.
اعتقد فيما ارى وانا مجرد صحفي مراقب، ان الحزب
"العكليت" كما اسميته يسير في اتجاه الانفتاح اكثر فاكثر، خصوصا
في ظل وجود تيار شبابي مؤمن بالانفتاح وممارسة الديمقراطية
في كل اجهزة الحزب .. واظن انه لن يمر وقت طويل حتى نرى ذلك.
وفي بوست آخر للاخ معاوية كرفس رأيت اشارات اكثر وضوحا على ذلك.
لك وللحزب الشيوعي
كل الاحترام
|
Post: #64
Title: Re: حزب عكليت
Author: أبو ساندرا
Date: 02-04-2008, 11:31 AM
Parent: #61
سال نادوس
مستندآ على مداخلة دينا خالد
المنقولة من إنزعاج عثمان ميرغني
في عموده المقرؤ :
Quote: يا أبو ساندرا، هل بالفعل عقد هذا المؤتمر بسرية، كما ورد بمقال عثمان ميرغني،
والشكر للأخت دينا خالد |
أهلآ يا عبدالجليل
وقبل ما أجاوب على سؤالك ، وأعلق على ماجلبته دينا خالد
عايز أحيطك علمآ ، وأعرف بأنك تعلم بعضه ، ببعض الأجواء التي يعمل فيها الحزب
- قبل شهور تم إعتقال زميل من عطبرة لقيامه بتوزيع بيان رسمي للحزب
الحزب الذي يعمل بشكل رسمي ووفقآ للدستور ، وقدم ذلك الزميل للمحاكمة
- المركز العام ، شأنه شأن دور الأحزاب يتعرض لمراقبة لصيقة على مدار الساعة
- ذكر في المؤتمر الصحفي الذي تم فيه الإعلان عن إنعقاد مؤتمر الخرطوم أن جهاز الأمن
بيراقب حتى تلفونات الزملاء
نعم ، إنعقد المؤتمر بشكل سري
وكان صدمة كبيرة لأجهزة الأمن ، التي تراقب مراقبة لصيقة
لم يعرف جهاز الأمن بالمؤتمر إلا بعد أن أعلن عنه في المؤتمر الصحفي
الحضور كان 300 مندوب معظمهم غير معروف لأجهزة الأمن
+ كادر التأمين+ بعض أعضاء اللجنة المركزية
يعني العدد الذي حضر لايقل عن 325 عضو
فتخيل صدمة جهاز الأمن عندما يعجز عن إكتشاف حركة 325 شخص
تلك الصدمة التي عبرت عنها غضبة أو غيظة عثمان ميرغني
مايتحدث عنه عثمان ميرغني كان بيكون مقبول لو هناك سلطة تحترم الدستور الإنتقالي
ومانص عليه بشأن التعددية والحق في تكوين الأحزاب وإبداء الرأي
علمآ بأن السيد عثمان ميرغني يعلم تمام العلم بفاشية السلطة عند تجربته معها
ابان قيامه بإعداد موكب سلمي لمجموعته
وعمومآ الحزب لم يرفع السرية
بيعمل بنصف السرية ونصف العلنية
وذلك لتقديره بأن النظام مازال هو نفس نظام يدار
بعقلية أجهزة الأمن وعنف ادوات القمع
نظام لم يوفر حتى دار الحركة الشعبية ، شريكه في الحكم ، ففتشها
ولم يحترم دار شريكه الآخر ، مناوي ، فقصفها وقصف أرواح من كانوا فيها
والحركة الشعبية وحركة مناوي شركا في الحكم وبينهم وبين حزب أجهزة الأمن إتفاقيات
لم يرعها ولم يراعيهم
فما بالك بحزبنا المسكين
السؤال ، هل سنعقد المؤتمر العام الخامس بذات الطريقة؟
ونواصل
|
Post: #63
Title: خزي الحفاظ على جسد الحزب
Author: محمد حسبو
Date: 02-04-2008, 09:53 AM
Parent: #1
الرفيق بركات
نحنا لما نقول ليكم يا خال أنّكم مساكين ياهو بنقصد مثل هذا الانشراح لاكتشافكم المتأخر أن الحزب حي و ينمو كمان، يا بركات هذه المؤسسة تمتلك أفضل الفرص النوعيّة للتفوق و دفع السياسة السودانية الركيكة و البلهاء دي لأفق جديد، يا داب شفتو تحت الرماد و ميض النار؟ يا راجل هذا الحزب لو قيادته المكنكشة دي قبلت بالاحتكام للديموقراطية و تركت الهلاويس و التأمين و السيناريوهات الوهمية و الاستلطاف و تصعيد و تربية الدواجن و الـ yes men و المتخلّفين ذهنيّا و الذكاء المُصطنع و التكتيكات التكتيكية و تاني شنو؟ ياخ و تركت الجمل بما حمل و قعدت تكتب في تأريخ الحزب دا قبل ما يعدم الشاهد –و دا تنبيه جاد عشان ما بعدين ينتبهوا بعد فوات الأوان-، و الله لتجدُنّ خلَفا ساطعي العقول، اختبروا تفوّقهم في ظرف حالك ليس له مثيل، و صقلتهم تجربة لا أعادها الله على عزيز لديكم، جيل معتد بنفسه غير هياب المنايا، و دا كلام التي هي أحسن.
الكلام التاني هو أنّ صبرنا على المماطلة قد ينفذ، لأننا لن ننتظر سن اليأس و انقطاع المروّة لكي نعيش في مناخ صحيح و يحترم طوعية الانتماء فينا، و نحنا شواطين يا زول، و لا نعدم الحيلة، و دقستكم أنتم كجيل وسيط سهى أربعين عاما يستمع لحكاوى شهريار (أريتا كان شهرزاد) فصرتم سلبيين كـ جسر، دي نحنا ما بنكررها، أها نحنا ما حنبقى ترقيع و امتداد لهذا الجسر، و لسنا راضين بالقليل الذي يفرحكم، أو ما يسمى بالحفاظ على جسد الحزب، هذه بلاهة، و لئن يتقطّع جسد الحزب في مواجهة شريفة و شجاعة، خير لنا من أن يعيش مع الناس أبد الدهر على الهوان، الناس ستعترف بالأبطال لا بالمعمّرين على أي حال، حزب حي و عكليت ليس طموحنا، نحن مع حزب مهموم بالجماهير لا بعناصر الأمن، مؤسّسي و ديموقراطي لا حزب يرفع بنود اللائحة و يقبل التعيين، ينهزم و يتفرّق أيدي سبأ في معركة قضاياه لا يقعد و ينطوي على ذاته كسلحفاة.
يا خال و الله هذه التسويفات جريمة و الله في حق هذا الشعب قدرما تؤجّل فعاليته و نهوضه و تمدّد آلامه و شتاته. خلونا من مهرجان العكلتة دا.
لعن الله التكتيك و التأمين و نظرية المؤامرة و السيناريوهات المُحتملة و الاستهداف و دس الوثائق و العباطة و المساومات محل ما بتّقن، غايتو أول شيء سنكشفه للناس أن هؤلاء الأعمام ما كان عندهم أي شي خطير محافظين عليهو، الغموض دا مآب الماعندهم ما يعرضون.
|
Post: #65
Title: Re: خزي الحفاظ على جسد الحزب
Author: نورالدين بابكر بدري
Date: 02-04-2008, 03:34 PM
Parent: #63
فإن الحزب لم يستسلم لعنف ولا أوهنته الضربات والإنقسامات
بل ظل عصيآ على الهزيمة والإستسلام
ليس الصمود والإستمرار فحسب
بل والنمو بإضطراد
( دا إقتباس من أحد المتداخلين )
التحية للأستاذ أبو ساندرا وضيوفة الكرام
أنا بقي برضو عكليت عكلته عجيبة ياأبو ساندرا
حاجاتي العندك إما توريني وديتا وين أو ترجعا لي
كلام عديـــــــــــــــــــــــــل
تحياتي مرة أخرى
نور
|
Post: #66
Title: Re: خزي الحفاظ على جسد الحزب
Author: bent-elassied
Date: 02-04-2008, 04:46 PM
Parent: #65
Quote: الناس ستعترف بالأبطال لا بالمعمّرين على أي حال، حزب حي و عكليت ليس طموحنا، نحن مع حزب مهموم بالجماهير لا بعناصر الأمن، مؤسّسي و ديموقراطي لا حزب يرفع بنود اللائحة و يقبل التعيين، ينهزم و يتفرّق أيدي سبأ في معركة قضاياه لا يقعد و ينطوي على ذاته كسلحفاة.
يا خال و الله هذه التسويفات جريمة و الله في حق هذا الشعب قدرما تؤجّل فعاليته و نهوضه و تمدّد آلامه و شتاته. خلونا من مهرجان العكلتة دا. |
ما حازيد عن كلام الاخ محمد حسبو
لانو دي كلام العاوزه اوصلو من خلال الاسئله
وشكرا استاذنا ابو ساندرا و الاخ محمد حسبو
|
Post: #67
Title: Re: حزب عكليت
Author: أبو ساندرا
Date: 02-05-2008, 05:35 AM
Parent: #1
Quote: تصعيد الكوادر الوسيطة ضربة معلم و خطوات في الإتجاه الصحيح .
غايتو ناس " إنتو " الشدر الكبار ديل زحوا بعيد شوية بدلاقينكم القديمة ..
أدو البنات و الأولاد الحيين ديل فرقة معاكم .. كرهتونا |
أهلآ بالأصلي عماد عبدالله
نعم ، يسيرون خطوات في الإتجاه الصحيح
برغم البطء والعثرات والمطبات
لكن الخطوات التي بدأت لابد أن تصل لغاياتها
نحو حزب جماهيري من أجل وحدة وتقدم ورفاه الشعب السوداني
ومثل ما قلت يا عماد في الحزب شباب ، بنات وأولاد
عمدتهم التجارب وصقلتهم المواجهة الضارية مع نظام الجبهة الإسلامية
فتوفرت لهم خبرات وقدرات نضالية تراكمت عبر سنوات مقاومة الفاشيست الجدد
هم الآن مؤهلين تمامآ لقيادة الحزب
وسوف يتقدموا نحو القيادة بإصرار
|
Post: #69
Title: Re: حزب عكليت
Author: wd al geran
Date: 02-06-2008, 05:57 PM
Parent: #67
Quote: نعم ، يسيرون خطوات في الإتجاه الصحيح
برغم البطء والعثرات والمطبات
لكن الخطوات التي بدأت لابد أن تصل لغاياتها |
نعم يا عبدالرحمن .. لابد ان تصل لغاياتِها ..
وقالوا طريق الالف ميل ببدأ بخطوة ..
امنياتِنا لكم بالتوفيق
|
Post: #70
Title: Re: حزب عكليت
Author: أبو ساندرا
Date: 02-08-2008, 11:32 PM
Parent: #1
قال عبدالجليل :
Quote: على مشارف اليوبيل الماسي للحزب، لا يجد أبو ساندرا ما يحتفى به، سوى العكلتة...
|
لو قلبنا في دفاتر هذا الحزب سوف نجد مايدعو للفخر
عندما سألوا عبدالخالق محجوب في تلك المحاكمة المهزلة
عما قدمه للشعب السوداني
قال الشهيد الهمام : الوعي
تأملت قائلة الشهيد فيما بعد وانا بتأمل في سيرة
الحركة النقابية السودانية
تلك الحركة الشاهقة والتي بفضلها أنجز الوطن إنتفاضتين مجيدتين
عرفت ماذا قصد الشهيد
وعندما رأيت قوافل الإبداع في البلاد حداتها الشيوعيين
شعراء وفنانين وكتاب تقدميين وتشكيليين ومسرحين
ونقاد جياد
عرفت ماذا عنى الشهيد
الليل أيلل يا صديقي فدعني أنام قليلآ ونعاود الإرسال
|
Post: #71
Title: Re: حزب عكليت
Author: Ishraga Mustafa
Date: 02-09-2008, 00:37 AM
Parent: #70
بركات رشيدة
كيف اخبار العكلتة؟
|
Post: #72
Title: Re: حزب عكليت
Author: Adil Isaac
Date: 02-09-2008, 00:59 AM
Parent: #70
| Quote: و لسنا راضين بالقليل الذي يفرحكم، أو ما يسمى بالحفاظ على جسد الحزب، هذه بلاهة، و لئن يتقطّع جسد الحزب في مواجهة شريفة و شجاعة، خير لنا من أن يعيش مع الناس أبد الدهر على الهوان، الناس ستعترف بالأبطال لا بالمعمّرين على أي حال، حزب حي و عكليت ليس طموحنا، نحن مع حزب مهموم بالجماهير لا بعناصر الأمن، مؤسّسي و ديموقراطي لا حزب يرفع بنود اللائحة و يقبل التعيين، ينهزم و يتفرّق أيدي سبأ في معركة قضاياه لا يقعد و ينطوي على ذاته كسلحفاة. |
محمد حسبو,
تحياتى, ماقلته أعلاه أجبرنى للدخول هنا مع تثبيت حقيقة أن الحوار هنا يعنى عضوية الحزب الشيوعى بصفة خاصة.
ماخطت يداك درر جديرة بأن تؤخز بكل جدية من قبل من يعنيهم الأمر.
التعامل المحافظ مع إرث أى حزب والإنشغال بما يسمى جسد الحزب على حساب ثوريته و قهر العضوية بخزعبلات التأمين , حتى أصبح حسن الترابى أكثر جراءة فى معاداة نظامه رغم كل القيود المفروضة عليه, تجعل تسائلك عن غياب المواجهة الشريفة أكثر من مشروع . ويطرح أسئلة فرعية ومهمة تتعلق بغياب الطاقة للمواجهة وإهدار طاقات من يودون التخلص من فوبيا الأمن......ألخ!!
للخبرة و التجربة فوائد, ولكن للجراءة والفكر الوقاد دور أهم فى قيادة الأحزاب الثورية ولا مكان هنا للبيوقراطية ونظام الطاعة الصارمة الذى يفرز موظفين حزبين وليس قادة يمكن التعويل عليهم.
فى تقديرى ما كتبته أعلاه مشروع ورقة هامة لمؤتمركم الخامس, ولكن صهينة العم أبوساندرا هنا لا تبشر بإمكانية نقاش هكذا ورقة هناك .
مع خالص الود والأمنيات لك و للحزب الشيوعى السودانى.
عادل
|
Post: #73
Title: Re: حزب عكليت
Author: Amjed
Date: 02-09-2008, 01:39 AM
Parent: #1
عادل كالعادة يدفعك غبنك غير المبرر الي اجترار الحديث الي ما ليس فيه و اعتماد الغوغائيه وسيلة للجوطة الموضوع ثم هووووووب كرسي في الكلوب والدنيا تجوط و العارف يشك و الما عارف يصدق
قلت:
1/ هو غير ديمقراطي
لأن اخر مؤتمر له تم قبل 41 عاما والاعضاء لا دور لهم اطلاقا في قيادته
ياخي ؟؟بلاي عليك ؟؟؟ نحنا ما فاعدين في بولندا و الحزب مابي يعمل موتمرو قلة ادب سااي مش انت سيد العارفين بانو كان في ظرف موضوعي او غير موضوعي فرض عدم قيام الموتمر اقلاهو حكم الجبه الحالي دا و لو عايز راي انا زاتو حسع دي والحزب بيحضر للموتمر شابف انو دي ما الاولوية في ظل الحكم الشمولي النحنا عايشينو في البلد دي شفتك ليك زول قالعين منو بيتو و هو قاعد يفتش في عفش جديد للصالون و عموما كلها 3 شهور و النقة دي تخلص لكن اظل مصراً على انو الفائدة الاكبر من قيام الموامر حتكون اخراص نغمة الموتمر ما قام ليه و هو تجديد شنو الماشين نفتش ليو و نحنا القديم ذاتو يا الله و ياميين قادرين نلم فيو
كسرة بالجنبة انت يا عادل لمن جيت داخل الحزب دا ما كان الموتمر برضو ما قام و لمن طلعت منو ما قلت كالع عشان الموتمر ما قام مالك يا ود ابوي اكتشفت الحكاية دي جديد
2/ هو غير مؤسسي
لأن قيادته المنتخبة قد استقال اغلبها او فصلت او ماتت وجل القيادة الحالية معينة
ومن انتخب منهم في اخر مؤتمر انتهت مدة تفويضهم قبل 39 عاما
طيب ديك ماتو و ديل استقالو و قلنا الموثمر ما قام مش في لائحة بتقول صعدو يبقى عدم الموسسية وين بالضبط
3/ حزب غير جندري
لأن قيادته العليا - سكرتارية اللجنة المركزية او المكتب السياسي سابقا -
لا توجد فيها أمراة واحدة .
اول حاجو قيادته العليا دي شنو بالضيط غايتو انا قيادتي المباشرة امرأة و هي ذاتها قيادتها امرأة و حجيوة ام ضبيبنة دي مافيشها في حزبنا و بالمناسبة انت سعاد دي ما عاديها ولا شنو
4/ حزب مركزي
لأنه يدار من قبل المركز ولأن قياداته من مركز السودان ويحكمه مبدا يسمى بالمركزية الديمقراطية
مركز السودان دا وين بالضبط ياخي الحزب ما بقسم عضويتو بماصولهم العرقية بالمناسبة و صدقني يا عادل ما حيجي يوم الحزب يقشر بي زول من الهامش في القيادة لانو بس من الهامش لكن في كل القطاعات الحزبية بتلقى زملاء من كل اطراق السودان متميزين فكرياً و تنظيمياً و قاعدين في القيادة ( حتى بين شهداءنا)
5/ لا يعمل وفق برنامج
لأن اخر برنامج له اجازه قبل 41 عاما وقد اكل عليه الدهر وشرب وفعل عليه اشياء اخرى
اها و بعداك ...اجازه قبل 41 سنة و حكمة الله لو جيت الليلة ختيتو قدامك بتلفاهو برنامج عمل متقدم جداً و بيحلل الواقع السوداني بدقة بتصلح لحل اشكالته
6/ حزب لا شعبي
لأن عضويته شرذمة اغلبها من وسط الطلبة والافندية (يعني برجوازية صغيرة)
الطلبة و الاقندية = شرزمة = برجوازية صغيرة = اغلبية عضوية الحزب . عليك الله يا عادل رسل لي الاحصائية بتاعتك دي مغروووض فوثهاا شديد
الحزب يا عادل يتكون من اللوحة الخماسية دبك زانها لي يوم الليلة على الاقل وما في زول عادي منو اكتر من منو لكن نموه وسط القطاعات المتحركة سياسياً (الطلبة و الافندية ) عالي حسب شهادتك
خمسة و خميسة
7/ حزب غير تنموي
لأنه لا يطرح مشاريعا تنموية محددة ولم ينجز مشروعا تنمويا واحدا في السودان ..
كيف الكلام دا الغريبة انو برناكج الحزب القبل 41 سنة بيطرح مفاهيم التنمية المتوازنة (انت شكلو الماركسية و قضايا الثورة السودانية دا رايح منك ) و ينجز من متين يعني في ال35 سنة كان حاكمنو ديل ولا قصدك ال3 يوم
لكنه مع ذلك حزب عكليت ؛ اي بمفهوم العكلتة التقليدي في سوق ام دفسو السياسي ..
مبروك ليكم
الله يبارك فيك عقبال تتعلمو زي العكلتة دي
|
Post: #74
Title: Re: حزب عكليت
Author: أبو ساندرا
Date: 02-09-2008, 09:13 AM
Parent: #1
Quote: ولكن صهينة العم أبوساندرا هنا لا تبشر بإمكانية نقاش هكذا ورقة هناك .
|
والله يا عادل العم أبو ساندرا أبدآ ما مصهين
وما خط هذا البوست إلا من أجل مثل ذلك النقاش
ومشاركة محمد حسبو هذه كانت في البدء عبر ماسينجر خاص بيننا
وانا الذي ناشده لطرح رؤيته على الجميع هنا
وإفادة الناس برأيه الوسيم
وأبشرك بأن محمد حسبو وعد أن يكتب بإنتظام هنا
في ما إفترعه من رأي
هو مشغول
وانا موزع بين الواجبات
والمشاغبات
فأبق معنا
|
Post: #75
Title: Re: حزب عكليت
Author: Shazaly Magzoub
Date: 02-09-2008, 12:38 PM
Parent: #1
العزيز ابوساندرا
لك الود كله
الغريب انو الواحد جديد في حوشكم دا وكان رغبتو انو يكتب حاجه في العكلته دي
لكن قبل كدا في كلام عن الندوه بتاعت د.فاروق بمركز الخاتم عدلان للاستناره لانو اطرحت فيها اشياء
لديها علاقه بموضوع البوست دا بشكل او آخر واستباقا للمؤتمر الخامس المنتظرللحزب الشيوعي "بعد الاحترام الشديد للاساتذه المتحدثين الاساسين ولدورهم في النضال السياسي المبذول"
وهم :
1)د فاروق محمد ابراهيم 2)كبج 3) طه جربوع
تم طرح :_
1_ تكوين حزب اشتراكي ديمقراطي بعد تصفية الحزب الشيوعي بدعوى ان هنالك سابقه فيما يعرف بالمؤتمر التداولي لكن تراجع اعضاء اللجنه المركزيه فيمابعد عن قرار المؤتمر اجهض الفكره وان الظرف اليوم احوج
للنهوض بمشروع الحزب الاشتراكي بعد اربعون عاما جرت مياه كثيره تحت الجسر ولايقف الطرح عند
هذا بل يطالب المؤتمر الخامس بادانة هذا التراجع عن قرار المؤتمر التداولي "والمعروف بمؤتمر الجريف " ممثلا في ادانة اعضاء اللجنه المركزيه الذين كسروا قرار مؤتمر الجريف الاحياء منهم والاموات. الغريب في
دا انوا المؤتمر هذا لم يكن مؤتمر تداولي بل كان مؤتمر كادر تحول الى تداولي بحجة ان السكرتير
العام ذهب الى موسكو وجاء نقد حاملا حقيبته وهو الآخر ذاهبا لحضور مؤتمر في اسيا هذا ماقاله المتحدث د فاروق والعهده عليه حتى انه ذهب ساخرا الى انه كيف يغيب السكرتير العام عن هذا المؤتمر ليذهب لمؤتمر في موسكو بل وعندما يعود يقوم بتغير والغاء قرار التداولي ليتبعه الاخرون
وكأن شيئا لم يكن .
هذه واحده اراد المتحدث عن قصد او دونه تصفية الحزب الشيوعي ولتسهيل هذه المهمه على الخامس و
لسان حاله يقول" ماهذه المسأله تمت قبل كدا مالكم خايفين" ..اماصحة الحدوث من عدمه هذا امر اخر رغما عن نشره لقرار اللجنه المركزيه والذي فحواه تمسك الاغلبيه الساحقه بوجود الحزب الشيوعي والمنشورفي مجلة الشيوعي العدد127
واعتقد انه لم يكتب اوينشر في وثائق الحزب الداخليه او الجماهيريه مايفيد هذا حسب علمي اي بمعنى هل تمت تصفيه للحزب الشيوعي من قبل ام لا . بالرغم بان الدعوه للحزب الاشتراكي الديمقرطي تلاقي من السند وسط كثيرين من الناس ولكن ليست بدعاوي الابتعاد عن تهم الالحاد والافكار المستورده
كما جاء في حديث الدكتور وهو يدعم حجته قبل اربعون عاما واليوم ولانستطيع ان نقول انها دعوة حق اريد بها باطل .
وحتى لانطيل ونحن جدد في هذا المنبر سنعود للنقاط الاخرى التي اثارها المتحدثين وهم يتحدثون
عن الانقلابات العسكريه وعلاقة الحزب بها وسقوط المشروع الوطني الديمقراطي ..ومحاولة تشكيل راي داخل عضوية الحزب الشيوعي والتحسر على زمن كان يمكن ان يكون غير.
|
Post: #76
Title: Re: حزب عكليت
Author: أبو ساندرا
Date: 02-10-2008, 09:24 AM
Parent: #1
زودتنا دينا خالد بمقال عثمان ميرغني
Quote: حديث المدينة
حزب سري (جدا)..!!
عثمان ميرغني
كُتب في: 2008-02-01 |
وقالت كلمة الميدان الصادرة يوم 5/2 /2008
Quote: كلمة الميدان
مؤتمر الحزب الشيوعى بالعاصمة و"السرية"
من حق أعضاء وأصدقاء الحزب الشيوعي التعبير عن سعادتهم لانجازهم واحداً من واجباتهم
متمثلة في عقد مؤتمر الحزب الشيوعي بالعاصمة القومية
وانتخاب قيادة جديدة تتحمل مسئولية مواصلة النضال في سبيل تعزيز الديمقراطية
في الحزب واﻟﻤﺠتمع.
وقد جاء هذا المؤتمر كخطوة متقدمة في طريق عقد المؤتمر الخامس للحزب الشيوعي
الذي أصبح أمر انعقاده قاب قوسين أو أدنى وقد استكملت كافة
المطلوبات الأساسية لعقده وتبقى أمامنا بعض الترتيبات الضرورية لضمان عقد مؤتمر ناجح.
ونحن سعداء إن عقد مؤتمر الحزب بالعاصمة القومية قد وجد اهتماماً محلياً وعالمياً
وأخذ حيزاً مقدراً من النقاش الدائر في اﻟﻤﺠتمع السوداني حول دور
الحزب في الدفاع عن مصالح الشعب والوطن، ودوره وبرنامجه ومهامه واسهاماته
وتضحياته في التحول الديمقراطي الذي ينشده شعبنا.
ومن المسائل التي وجدت حظاً وافراً في الجدل الذي انعكس في الصحف،
مسألة عقد المؤتمر بنجاح وفي سرية تامة بعيداً عن أعين السلطة وأجهزة أمنها
القمعية التي ما زالت تدعي أنها تسمع دبيب النمل،
السرية أمر قدره وثمنه البعض فيما حاول البعض والتندر منها،
وهي عند « السرية » الآخر تبخيس فكرة الشيوعيين وسيلة وليست غاية في حد ذاتها،
وسيلة تفرضها ظروف. وهي إحدى فنون النضال الصعبة التي عرفها الشيوعيون
وخبروها في دروب ومسيرة نضالهم الطويلة نحو تحقيق مجتمع الكفاية والعدل
واحترام حقوق الإنسان.
ومن حقنا أن نسأل الذين يتندرون من فكرة قيام المؤتمر وفق ظروف السرية.
هل أنجز التحول الديمقراطي تماماً حتى يتخلى الشيوعيون وغيرهم
من بعض أساليب عمل النضال ضد الأنظمة الشمولية والديكتاتورية أم أن التندر هذا
مصدره تبخيس انجازات الآخرين والتشكك في مقدراتهم وكفى؟!
السرية والعلنية أساليب عمل وفنون نتمسك بحقنا في التوسل بأي منها – وفق الظروف المتاحة –
لتحقيق غايات وأهداف شعبنا في الديمقراطية والسلام.
وللذين ينظرون – دوماً وأبداً- لأنشطة الحزب الشيوعي بعين السخط نقول:
ما كان للحزب الشيوعي ولا غيره من القوى الديمقراطية أن يفضل العمل السري
بكل ما يحمل من معاناة ومخاطر لو كانت الديمقراطية متاحة امامه ولكن هيهات؟ |
|
|