Post: #1
Title: أهواك عشق ليلة الخميس في 31/يناير صديق أحمد في جدة
Author: الرفاعي عبدالعاطي حجر
Date: 01-28-2008, 07:44 PM
Parent: #0
أهواك عشق
*********
ريدك بدايات الفرح
لًقياك حد عمر الشقى
حبك أمل لاح في الأفق
كان للتفاوت بارقة
****
بالله كيفن زي هناي في لحظة أقس أفارقا
كيفن أضوق طعم الحياة وهي بي هنكي مأرقا
****
إسمك جواب شايل الفرح
رايع حروفو منمقة
حلق بي في جو من هيام
بعد السلام ... بعد السلام أسرع تعال
الغربة سيبا وفارقا
خليتني وحدي بلا رفيق
باكية وحزينة مقلقة
****
ساعة الوداع ... ساعة الوداع
شلتك حضن
وفِضلت فيك متعلقة
وماخفت من كل العيون
الكان عليا مبحلقة
إيديا كانت في إيديك
ماكان رضيتا أفارقا
بي لهفة أطول في الوداع
مذهولة ماني مصدقة
****
ساعة خلاس حان الفراق
ولمحت دمعة مرقرقة
فجأة أنفجر بركان بُكاي ر... جا
البوادي وغرقا
****
بهواك عشق ... من نوع فريد
هتك القوانين خرقا
ولو قسموهو على الخلوق رااااحة كيف بيحوقا؟؟؟؟؟؟؟؟؟؟؟؟؟؟
****
إنت الفرح ... وإنت الأمل
وإنت الأمانب المطلقة..
وإنت الصدق في كون بقت أهدافو ماها محققه
****
دونك ثواني الليل طوال ومعاك تمر متلاحقة...
وليلن يضمنا مابنحس بى وقتو لما نشرقا
نشرب سلاف الريد كؤوس بيناتنا دايري مطبقة
ونسكر نغبي من الهيام خمرة غرامنا معتقة
****
مليت رصيف الانتظار ... في أفق ديمة محدقة
وراجاك تراني على جمر بي نار فراقنا محرقة
ملعون ... ملعون ... ملعون ...
ملعون ... ملعون ... ملعون ...
ملعون ... ملعون ... ملعون ...
ملعون ابو الغربة ان بقت تسبي السعادة وتسرقا
وعيشتا تنسيك لي أخير قبال دا يحصل طلقا..
ملعون ... ملعون ... ملعون ...
ملعون ... ملعون ... ملعون ...
ملعون ... ملعون ... ملعون ...
ملعون ابو الغربة ان بقت تسبي السعادة وتسرقا
وعيشتا تنسيك لي أخير قبال دا يحصل طلقا...
ملعون ... ملعون ... ملعون ...
ملعون ... ملعون ... ملعون ...
................................................................
موعد مع الحنين والعشق والجمال , لتكريم فنان الجمال والهيام والعشق النبيل
صديق أحمد ... الخميس 31/يناير/2008م.
القاعة البرونزية شرق الخط السريع بعد كبري القاعدة الجوية.
............................................................................حجر
|
Post: #2
Title: Re: أهواك عشق ليلة الخميس في 31/يناير صديق أحمد في جدة
Author: الرفاعي عبدالعاطي حجر
Date: 01-29-2008, 09:07 AM
ويظل الامل معقود فيكم حضورا بهيا
|
Post: #4
Title: Re: أهواك عشق ليلة الخميس في 31/يناير صديق أحمد في جدة
Author: الرفاعي عبدالعاطي حجر
Date: 01-29-2008, 03:17 PM
Parent: #3
صديق احمد هذا الشامخ الجميل .
صديق يازول ياركن ... يابلد ... جيل .
لك التحية وأنت تعطر سماوات الابداع بالعشق النبيل .
محبة بلا حدود.
.................................................................حجر.
|
|