Post: #2
Title: Re: هشام مجمر وسهام مجمر رعى الله ذلك الزمن الجميل!
Author: هشام المجمر
Date: 01-28-2008, 10:24 PM
Parent: #1
شكرا يا صديقى العزيز جنى
رغم اننى لم استطع الاستماع للغنية المهداة
نعم صدقت
رعى الله ذلك الزمن الجميل
كيفن يا جنى يجى زمن تانى
و نقعد فى بلدنا وعلى كيفنا
من غير غبن
من غير جور
من غير.....
انت عارفهم مافى داعى نجيب اسمهم فى هذا البوست الجميل
|
Post: #3
Title: Re: هشام مجمر وسهام مجمر رعى الله ذلك الزمن الجميل!
Author: Siham Elmugammar
Date: 01-29-2008, 07:27 AM
Parent: #2
جنى
الاغنيه شغاله و البعيو ارقص فنان سودانى مبتهج و انا غرقت فى خليط من المشاعر
ما بين الانبساط و الحزن ناديت مع البعيو يا سلام يا سلام
صحى الرقيص فن..عليك الله شفت الزول ده رقاص كيف؟؟
رجعت بالذاكره ل22 سنه ورا و اتذكرت الهجيج فى عرس همام
والله حتينا حت مبالغ فيه مع البعيو..لمن هو زاتو اتحير
طبعا يا جنى يا اخوى انت عارف ال المجمر ما اولاد طه بس يعنى
مدسترين من اولهم لااخرهم ما بقدرو يقعدو فى كرسى مع صوت اى دلوكه
غايتو الله يديك العافيه
عارف الذ حاجه فى البعيو ده انو مجهجه مصورى تلفزيزن الحكومه
ما بعرفو يوجهو الكاميرا متين عليه و متين يكونو حريفين و سريعين يزحوها لمن بحتو
وهو الحت ده مشكلتهم شنو معاهو؟؟ لعن الله اعداء الطرب
فعلا رعى الله ذلك الزمن الجميل
من شرح الرياضيات و الونسات الفى النص سياسه و غير سياسه و لمة الحريق حفلات بعد الكوره
و الاشعار الملحنه حار حار فى ساعتها عند انتصارات الهلال البطل من معاويه (اب ...) ما بتم اللقب عشان ما يزعل و جمال بروتين عازف الجردل و بهناك الحاج واقف يصفق فى ايدينه و يعاين لينا كمجانين .. بتذكر و قفته الشهيره ديك و الفرحه ناطه من عيونو بقرب اقول ليهو يا زول خلى قصة الابوه دى و تعال حتو معانا..الا انه منظره كان اسعد وهو يشاهد الجنون
جنى ياخ جننتنى جن هسه
بجيك
|
Post: #42
Title: Re: هشام مجمر وسهام مجمر رعى الله ذلك الزمن الجميل!
Author: Haitham Labib
Date: 02-05-2008, 09:52 AM
Parent: #3
Quote: طبعا يا جنى يا اخوى انت عارف ال المجمر ما اولاد طه بس يعنى
مدسترين من اولهم لااخرهم ما بقدرو يقعدو فى كرسى مع صوت اى دلوكه |
أها في دي أنا أشهد وأخرها مسعود فايز.. وبالمناسبة أذا ماجاك شريط الفيديو حقها ياهشام حقو تقوم الدنيا وماتقعده ( غايتو فتن شديدة ) بعد أذن جني حقو نسميه بوست آل المجمر وبالخصوص آل طه المجمر ( عليه رحمة الله ) تشرفت بمعرفتهم ومازلت أتشرف بها ... وفعلاً رعى الله ذلك الزمن الجميل( الحضرنا نحن أخرو )أنا وأخوي عزام ( على وزن أنا واخوي الكاشف ) وبالمناسبة الجيلي الشيخ ( عندما كان في قمته ) في فترة كده ماباقي ليه إلا كل يوم يدق الباب عليهم ويقول ليهم ماعندكم طرب الليلة جعل أيامهم كلها طرب وإحتفالات ...
|
Post: #8
Title: Re: هشام مجمر وسهام مجمر رعى الله ذلك الزمن الجميل!
Author: jini
Date: 01-30-2008, 08:20 AM
Parent: #2
صديقى وصديقى الزمن الجميل القادم ايضا
فكما يقول الاديب سعد الله ونوس (إننا محكومون بالأمل، وما يحدث اليوم لا يمكن أن يكون نهاية التاريخ)
لابد ان تكون الايام القادمة جميلة فنحن مجبولون على الامل لنا ولسوداننا الحبيب
حاول فتح الموقع انشاءالله بى مفتاح بيبسى او ساردين البعيو حاجة عجب!
جنى
|
Post: #4
Title: Re: هشام مجمر وسهام مجمر رعى الله ذلك الزمن الجميل!
Author: Omar Bob
Date: 01-29-2008, 08:45 AM
Parent: #1
سلامات يا جني:
وتحياتي لجارنا في الدوحه هشام المجمر
ولاصدقائنا في الزمن الجميل سهام المجمر ومجتبي محسي
اذكر في منتصف الثمنيات حضرنا حفله في بيت اصدقاءنا اولاد ابو عاقله (كان عرس اختهم ولا حاجه من هذا القبيل)
وكانت الحفله بالفنان البعيو وتلك كانت اجمل حفله احضرها في حياتي
________________________________________________
الحفله صادفت المباره النهائيه لامم اوربا بين الاتحاد السوفيتي وهولندا بقياده ثلاثيها الرهيب ولهذه المباره قصه طريفه ساردها لاحقا
|
Post: #5
Title: Re: هشام مجمر وسهام مجمر رعى الله ذلك الزمن الجميل!
Author: هشام المجمر
Date: 01-29-2008, 12:27 PM
Parent: #1
التحية لعمر بوب
المباراة التى ذكرتها كانت عام 1988 فى نهائى كاس الامم الاوربية وانهت بفوز هولندا 2/1 بهدف فان باستن الشهير فى مرمى الحارس الكبير ديساييف.
حقا كانت مباراة ممتعة فى زمن جميل.
اما البعيو فقصتو قصة.
كدى حسه خليها
لمن نتلاقى
|
Post: #6
Title: Re: هشام مجمر وسهام مجمر رعى الله ذلك الزمن الجميل!
Author: Siham Elmugammar
Date: 01-29-2008, 01:42 PM
Parent: #5
Quote: اما البعيو فقصتو قصة.
كدى حسه خليها
لمن نتلاقى |
ليه يعنى؟؟
انا و جنى ديل ما عاجبنك؟؟
ما تورينا قصة البعيو شنو؟؟
عمر بوب اذيك يا زول!!!
|
Post: #7
Title: Re: هشام مجمر وسهام مجمر رعى الله ذلك الزمن الجميل!
Author: هشام المجمر
Date: 01-30-2008, 07:05 AM
Parent: #1
Quote: ليه يعنى؟؟
انا و جنى ديل ما عاجبنك؟؟
ما تورينا قصة البعيو شنو؟؟
عمر بوب اذيك يا زول!!! |
سهام يا اختى
دقيقة
افهمى
دى قصة من الثمانينيات القرن الماضى
ما بتنفع تتحكى علنا فى القرن الجديد
|
Post: #9
Title: Re: هشام مجمر وسهام مجمر رعى الله ذلك الزمن الجميل!
Author: هشام المجمر
Date: 01-30-2008, 01:16 PM
Parent: #1
يا جنى
سلام
صاحبنا عبيدقال عن مطرة الامطار التى لم تهطل بالبركس و هطلت فى محيط كلية الآداب
قال ليهم ياناس الآداب انتو مطرتكم دى خبر ولا شنو؟
دحين انت مداخلتك دى خبر
|
Post: #10
Title: Re: هشام مجمر وسهام مجمر رعى الله ذلك الزمن الجميل!
Author: AnwarKing
Date: 01-30-2008, 03:05 PM
Parent: #1
Quote: سهام يا اختى
دقيقة
افهمى
دى قصة من الثمانينيات القرن الماضى
ما بتنفع تتحكى علنا فى القرن الجديد |
أحييي انا!
والله ضحكتني يا هشام
مودتي لكم جميعا
|
Post: #11
Title: Re: هشام مجمر وسهام مجمر رعى الله ذلك الزمن الجميل!
Author: Siham Elmugammar
Date: 01-31-2008, 09:44 AM
Parent: #10
هشام سلام الامريكان اسياد العالم قاعدين يفتو اسرارهم بعد فتره قدر دى
انت قول بس هو كلامن السودانيين ما بدوروهو فى العلن
انو كنج
لك الود مننا جميعا
جنى امبارح فاتك هجيج طن!!!
|
Post: #12
Title: Re: هشام مجمر وسهام مجمر رعى الله ذلك الزمن الجميل!
Author: Azzam Taha
Date: 01-31-2008, 10:21 AM
Parent: #1
حيدر
ياخ سلام شديد خالسسسسس
ياخ دا شوق شديييييييييييد
فعلاً كان الله يرعي ذلك الزمن الجميل
عزام
|
Post: #13
Title: Re: هشام مجمر وسهام مجمر رعى الله ذلك الزمن الجميل!
Author: jini
Date: 01-31-2008, 10:41 AM
Parent: #1
عزام (محمد طه المجمر)
اخوى الصغمبتوتى!
العيال كبرت
ليك مليون وحشة يا باشمهندس!
اصغر هلالابى عذاب!
دى بشهد ليك اذا يوم اترشحت لسكرتارية الهلال!
فعلا العيال كبرت وما شاءالله وجاهة المجمراب بى ذاتا وصفاتا
الله يحفظكم
بس ما تنقطع وتشرد ذى همام وهيام!
سهام مجمر وعمر بوب
بجيكم بس اخلص الفى يدى
جنى
جنى
|
Post: #14
Title: Re: هشام مجمر وسهام مجمر رعى الله ذلك الزمن الجميل!
Author: Siham Elmugammar
Date: 01-31-2008, 12:17 PM
Parent: #13
جنى ياخوى
بشوف الفى ايديك كتير خلاس!!
|
Post: #15
Title: Re: هشام مجمر وسهام مجمر رعى الله ذلك الزمن الجميل!
Author: Omar Bob
Date: 01-31-2008, 01:38 PM
Parent: #1
| Quote: عمر بوب اذيك يا زول!!! |
تقاذفتنا المنافي يا سهام من زنازين الوطن الضيقه الي بلاد
الله الواسعه غرباوالتي تتجمد من البر حيتانها كما قال الطيب صالح
ثم قذفتنا مره اخري للدوحه لنصبح انا واخوك هشام ده في الهم شرق
ذي ما بقولوا
|
Post: #16
Title: Re: هشام مجمر وسهام مجمر رعى الله ذلك الزمن الجميل!
Author: jini
Date: 01-31-2008, 07:11 PM
Parent: #15
اختنا سهام بت عمى طه الصغيرة
فعلا الفى يدى ما شوية زى ام العروس فاضية ومشغولة
غايتو ايام ما بتتعوض
طبعا همام اصغر عريس كان!
الزمن دا البعرسوا فى عمر همام يا اولاد اغنياء يا عرب رحل!
تحياتى لاختنا عزة مدنى وهمام الشراد!
طبعا البعيو فى رقيص الرجلين مايكل جاكسون عديييل عديل فى حركة الاقدام والفيديو فيهو فن و Fun لانه بمقياس 16:9 الشاشة العريضة على نمط السينما الحركى وطالع فيهو البعيو اكثر بعاوة يعنى animation وانا كنت داير هشام يستمتع ويتحير عشان دا شغل مهندسين eccentricities of 16:9 يعنى بتاع الكامكوردر دا يا مسطول يا مجنون زى وزى البعيو!
اما ناسنا ديل اللهيهديهم الى هذا الفن الجميل!
طبعا التيس لا يطرب!
كمية الفرح والطرب التى يبهلها البعيو فى الحفل استوك يكفى الفرد لمدة شهر لى قدام fun ration !
يعنى لا يرحموا لا يخلوا رحمة الله تنزل!
الله يجعل ايامكم كلها افراح يا آل المجمر لانكم اينما حللتم حل الفرح والحبور
جنى
|
Post: #17
Title: Re: هشام مجمر وسهام مجمر رعى الله ذلك الزمن الجميل!
Author: محسن خالد
Date: 02-01-2008, 03:26 AM
Parent: #16
يا جني أريتك بخير
التحيات للجميلين هشام وسهام، وباقي الأسرة المن دهب
شايفك خترت يا هشام علي الدوحة أريت المقام طاب ليك
يا عمر بوب أبقوا علي الزول دا عشرة
ولكم الحب أجمعين ولكل من هنا
|
Post: #18
Title: Re: هشام مجمر وسهام مجمر رعى الله ذلك الزمن الجميل!
Author: Farahat Sayed
Date: 02-01-2008, 04:55 AM
Parent: #17
يا اخوانا انتوا المنبر ده مالوا كلو بقي اولاد حاجه نعمات بنت امى عيشه بت باشاب
ازيكم كلكم
عزام مرحب بيك اول مره اشوفك حايم بي هنا
|
Post: #26
Title: Re: هشام مجمر وسهام مجمر رعى الله ذلك الزمن الجميل!
Author: jini
Date: 02-02-2008, 10:08 AM
Parent: #18
Quote: يا اخوانا انتوا المنبر ده مالوا كلو بقي اولاد حاجه نعمات بنت امى عيشه بت باشاب
ازيكم كلكم |
حاجة نعمات المربية الجليلة امد الله فى ايامها ومتعها بالعافية اهدت السودان ابناءا نجباء علما ووطنية ولكن يبدو ان السودان مالوش فى الطيب نصيب !
فاستاثرت انجلترا وكندا والامارات وقطر بهذا الرحيق
تحياتى يا ود الخالة
جنى
|
Post: #19
Title: Re: هشام مجمر وسهام مجمر رعى الله ذلك الزمن الجميل!
Author: هشام المجمر
Date: 02-01-2008, 05:37 AM
Parent: #1
مجسن خالد
يا زول يا جميل
و الله مشتاقين
الدوحة حلوة بى ناسها
و اتمنى ان نراك بى هنا حتى ولو لأيام
فرحات سيد
سلام
اها ده الكلام البجنن بوبى و بجيب العين
|
Post: #20
Title: Re: هشام مجمر وسهام مجمر رعى الله ذلك الزمن الجميل!
Author: jini
Date: 02-01-2008, 11:11 AM
Parent: #19
Quote: سلامات يا جني:
وتحياتي لجارنا في الدوحه هشام المجمر |
سلاما مربع يا بوبالجميل
تاخد خلو رجل فى شقتك وتختصر غربتك!
هشام دا جواره بالملايين
تعرف حاجات زمان كلها جميلة وطعمها حلو لو داير تسمع ابو اللمين او وردى اقرب عرس وهجيج البعيو هبطرش تتفرج عجب فى البعيو والمدسترين بتاعنو الغنا متعة والكورة متعة والصحبة متعة!
وهسة
نشرب مر فى مر
ويا الله زيدنا عمر!
عشان
نشرب حلومر!
يا بوب خلى ناس فان باستن وبلاتينى ومارادونا ناس روجيه ميلا ومكناكى كانوا هينين ولا لينين!
ناس كابتن لطيف ناس
يلم الكورة ويحاور وهوبا جوة القول (بالانجليزى)
وهو فى قول احسن من كدة (بالعربى)!
جنى
|
Post: #21
Title: Re: هشام مجمر وسهام مجمر رعى الله ذلك الزمن الجميل!
Author: هشام المجمر
Date: 02-01-2008, 04:01 PM
Parent: #1
شكرا ليك يا جنى يا اصيل
انت الصحبتك بالدنيا
ايام قاعد اتذكر فى فطور رمضان و الشوربة الزى زيت السمسم
اليوم كنا متغدين عن جمال بروتين
قال ليك
اها حصاد الغربة فضل فيها لستك؟
وجاييك راجع
لى زمنا جميل و عجيب
|
Post: #22
Title: Re: هشام مجمر وسهام مجمر رعى الله ذلك الزمن الجميل!
Author: Sabah Hussein
Date: 02-01-2008, 08:24 PM
Parent: #21
سهام المجمر
تحياتى..
شايفة الحكى عن الذكريات الاسرية الجميلة والزمانات الوريفة.
واللمة اسرية وكدا.
لكن ياختى شايقك داقة طناش.
رسلى قروش الصرفتين.
الدنيا اخر شهر.
|
Post: #23
Title: Re: هشام مجمر وسهام مجمر رعى الله ذلك الزمن الجميل!
Author: هشام المجمر
Date: 02-02-2008, 06:00 AM
Parent: #1
غايتو يا جنى فى ذكريات كده الا تدفع حتين ما احكيها
|
Post: #24
Title: Re: هشام مجمر وسهام مجمر رعى الله ذلك الزمن الجميل!
Author: Azzam Taha
Date: 02-02-2008, 09:38 AM
Parent: #1
فرح حات ات ات
و الله دي كارثة عديل كدا
ودي اختي ازيك
ـــــــــــــــــــــــــــــــــــــــــــ
خمسة وخميسة عين الحسود (دي بقت حافلة عديل كدا)
|
Post: #25
Title: Re: هشام مجمر وسهام مجمر رعى الله ذلك الزمن الجميل!
Author: Azzam Taha
Date: 02-02-2008, 10:05 AM
Parent: #1
لحدي ما حيدر يجي هاكم استمتعوا
|
Post: #27
Title: Re: هشام مجمر وسهام مجمر رعى الله ذلك الزمن الجميل!
Author: Azza Malik
Date: 02-02-2008, 10:00 PM
Parent: #25
جني ..
البوست حقك رجع لي ذكريات جميلة..
أنـا برضو كان عرسي بالبعيو زي عرس همــام المجمر..
متذكر ياجني هديتك لينا في العرس كانت شنو? كانت غسالة.. أجمل و أغلي و أفيد هديه جاتنا في عمرنا كلو..
محمــد طه ليك وحشة شديدة جدا.. بالمناسبة أنا لسة مكسرة فيك شديد .. تحياتي لسماح و الأولاد
|
Post: #28
Title: Re: هشام مجمر وسهام مجمر رعى الله ذلك الزمن الجميل!
Author: jini
Date: 02-02-2008, 10:37 PM
Parent: #27
Quote: جني ..
البوست حقك رجع لي ذكريات جميلة..
أنـا برضو كان عرسي بالبعيو زي عرس همــام المجمر.. |
لوووووووووووول
عزة مدنى!
ليك وحشة!
Good one
Same avenue and venue
انشاء الله تكونوا دفعتوا للبعيو مرتين!
تحياتى لشباب كندا !
جنى
|
Post: #29
Title: Re: هشام مجمر وسهام مجمر رعى الله ذلك الزمن الجميل!
Author: هشام المجمر
Date: 02-03-2008, 05:26 AM
Parent: #1
لكن يا جنى شديد شدة
نقشتها
انا ذاتى فى الاول اتغشيت
لكن ياها ذاتها
اها يا جنى
شكلك ما خايف
انا كمان ما بنزل
على فى واحدة حاراقانى
|
Post: #31
Title: Re: هشام مجمر وسهام مجمر رعى الله ذلك الزمن الجميل!
Author: Siham Elmugammar
Date: 02-03-2008, 08:38 AM
Parent: #29
محسن خالد مرحب بيك فى اللمه دى الف.. اهاشاركنا بازمانك الجميله
هشام انت و جنى بطلو حركات و فتو كلو..
عزه حلوووووووووووه
فرحات سلام مربع
عزام حتى انت بفيت تنزل الاغانى و تفضح متاوقاتى السريعه للمنبر
|
Post: #30
Title: Re: هشام مجمر وسهام مجمر رعى الله ذلك الزمن الجميل!
Author: هشام المجمر
Date: 02-03-2008, 07:29 AM
Parent: #1
جنى يا صديقى
اين انت؟
تعال ماتخاف
ما ح أحكى قصة Division II lower
لالا دى قصة تانية
|
Post: #32
Title: Re: هشام مجمر وسهام مجمر رعى الله ذلك الزمن الجميل!
Author: Azzam Taha
Date: 02-03-2008, 09:37 AM
Parent: #1
ياااااااااااااااااااااااا
عزاااااااااااااااااااااااااااااااااااااااا
مدنيييييييييييييييييييييييييييييييييييييييي
بالله انتي برضو عرسك كان بالبعيو؟؟
ــــــــــــــــــــــــــــــــــــــــــــــــــــــــــــــــ
يا هاش ما فتو ياخ و خلينا من كتلوك ولا
|
Post: #33
Title: Re: هشام مجمر وسهام مجمر رعى الله ذلك الزمن الجميل!
Author: هشام المجمر
Date: 02-04-2008, 05:33 AM
Parent: #1
يا سهام
يا محمد طه
البوست الظاهر بقى حقنا و معانا مرة اخونا
وصاحبنا حيدر
حقو نحولو لى بيت عمو ابراهيم فى شمبات الحلة
يا حليل القعدة فى ذاك الحوش المفروش بالرمل
و شجرة النبق المدلية من الجيران
كل يوم عزة تقش الحوش من الصفق المتساقط و تهرج
ونحن نلوك النبق
و نشرب الشاى عند المغربية
ولما يجينا عمو فتحى من اركويت يبقى الليل طفلا يحبو
|
Post: #34
Title: Re: هشام مجمر وسهام مجمر رعى الله ذلك الزمن الجميل!
Author: Siham Elmugammar
Date: 02-04-2008, 07:06 AM
Parent: #33
يا هشام حوش الرمله كان عندو غنية القش
حوش الوسيع انا قشيتو وكده كده قشيتو
جبتا المويه ديك و رشيتو كده كده رشيتو
و كان الكورال ناس بن و ايشو و نوسه يرددون و كده كده
فعلا رعى الله ذلك الزمن الجميل
|
Post: #35
Title: Re: هشام مجمر وسهام مجمر رعى الله ذلك الزمن الجميل!
Author: jini
Date: 02-04-2008, 08:33 AM
Parent: #34
والله يا هشام بقى اخير مننا البارودى
أبيت في غربة لا النفس راضية بها ولا الملتقى من شيعتي كثب
فلا رفيق تسر النفس طلعته ولا صديق يرى ما بي فيكتئب
!!
رميتونا فى جدة ام جداد دى وقعدتو!
هنا كان داير تتونس الا تكون حافظ صحيح البخارى ومسلم ومجود!
البتلاقى كله تلقاهو صايم الاتنين والخميس او ماشى يجيب عمره!
المواعيد هنا كلها تعال لى بعد صلاة الضهر ونتلاقى بعد صلاة العشا!!
عندى صاحبى بفتش ليهو فى بيت شرعى مشيت معاهو لى خمسة شقق كلها ما عجبتو لانها شقق ما شرعية!!نركب فوق راسها هلال ولا شنو!
قلت ليهو انتوا فى السودان بيتكم ما عندو باب!ساكن فى بيوت حى العرب القديمة الكلها اهل واحباب وبينهم نفاج!
وداير ليهو بيت شرعى صالون رجال منفصل فى اخر الدنيا معاهو حمام!
يوميا بسوقوا نسوانهم يودوهم مدارس التحفيظ والتجويد ! !
واحد اخوانا لا داعى لذكر الاسم قال لى ما تخلى المدام تمشى مع الجماعة التحفيظ! قلتا ليهو انا مرتى (زوجتى) بشترى ليها اورجون وبتحفظ فى النوتة موش مرة بتاعت ماكنية خياطة عشان اوديها...!
يموت من الضحك يقول لى يا مسخوت!
قال لى زول زيك حرام يمشى النار!
قلت ليهو خلاص يا عبدالرحمن بن عوف ! ضمنتها!
ناس بتقول الشيخ اسامة بن حفظه الله وبتبسطوا من العمليات الانتحارية يقولواليك استشهادى وهوبكتل ليهو 90 نفر بدم ابرد من الاسكريم ويتفرجوا فى الاشلاء ويضربوا فى التفاح والكيوى!!
يا حليلكم يا هشام وحليل الخوة السمحة!
مالك عاوز تفتق جروحا دايرة تبرا!
جنى
ياهشام كلنا مسلمين واولاد مسلمين وانشاءالله من اهل الجنة!لكن جنس الاسلام دا ما كان عندنا فى السودان!
غايتو السودانيين الهنا ديل لو رجعوا السودان يا ها الفازت طالبان فى السودان فى الانتخابات وفى الدلالات كمان!
واحد سودانى خده الايمن محروق ما بقوم فيهو شعر وبعد دا مربى دقن فى خده الايسر!شوف ليك جنس تزمت!
بروفايل ولا شنو!
صاحبى الباشمهندس محمد على بشير الافغانى السودانى (خلة الكسرةوبقى ياكل التميس الأفغانى) بقى ما بسمع اشرطة يركب معاى العربية يقول لى قفل الشريط!
يا محمد على دا ابو داؤود ما عمرو دياب!
تطلع من المسجد وتنتظروا بة نصف ساة قاعد يدعو ويتنفل!
صلاة العصر الصلاة الوحيدة البطلع فيها من المسجد بدرى ! لكن بكون زعلان زعل شديدة لانه ما فى صلاة بعد العصر!
اها محمد على بتاع سوق يا الناير والجبجبة خلاها وبقى يطالب بالخلافة الاسلامية!
فقلت له إن الشجى يبعث الشجى فدعني فهذا كله قبر مالك!
يا هشام ما تفتق الجروح!
انا قاعد اراقب ومستمتع بالمجادعة حقتكم دى!
جنى
|
Post: #36
Title: Re: هشام مجمر وسهام مجمر رعى الله ذلك الزمن الجميل!
Author: هشام المجمر
Date: 02-04-2008, 09:34 AM
Parent: #1
جنى
والله حالة تحزن
لكن ما تخاف
مافى تاريخ برجع لى ورا
الوعى قادم قادم لا محالة
خلينا من الكلام الببوظ الاعصاب و يجيب الهم ده
نحنا عازمنك معانا فى الدوحة
تعال خد ليك كم يوم
وفرج روحك من كربة السعودية دى
|
Post: #37
Title: Re: هشام مجمر وسهام مجمر رعى الله ذلك الزمن الجميل!
Author: jini
Date: 02-04-2008, 05:01 PM
Parent: #36
محسن
وانت بالف خير يا صاحب السهل الممتنع وممنوع وصعب!
هشام
تحياتى لحبيبنا جمال بروتين
الختامة جابة معاهو قطر ولا خلاها فى السودان!
هو فى الختامة ولا frequency! حقت الختم
Turbo عديييل كدة!
جنى
|
Post: #38
Title: Re: هشام مجمر وسهام مجمر رعى الله ذلك الزمن الجميل!
Author: Farahat Sayed
Date: 02-04-2008, 08:25 PM
Parent: #37
حاجه تحير في المنبر ده عرفت انو اهلي المبراب وناسين وظرفين بس من زمان عارف انو عندهم حنيه لو قسموها على كل العالمين تحوق وواضح حتي اصحابهم حلوين زيهم
ذى قالوا عزام وسهام عليكم الله ياجني وهشام فتهوه خلونا نستمتع معاكم بالزمن الجميل
انتو دحين عزه دي ما عروسه همام
|
Post: #39
Title: Re: هشام مجمر وسهام مجمر رعى الله ذلك الزمن الجميل!
Author: Farahat Sayed
Date: 02-04-2008, 08:25 PM
Parent: #37
حاجه تحير في المنبر ده عرفت انو اهلي المبراب وناسين وظرفين بس من زمان عارف انو عندهم حنيه لو قسموها على كل العالمين تحوق وواضح حتي اصحابهم حلوين زيهم
ذى قالوا عزام وسهام عليكم الله ياجني وهشام فتهوه خلونا نستمتع معاكم بالزمن الجميل
انتو دحين عزه دي ما عروسه همام
|
Post: #40
Title: Re: هشام مجمر وسهام مجمر رعى الله ذلك الزمن الجميل!
Author: jini
Date: 02-04-2008, 09:07 PM
Parent: #39
| Quote: محمــد طه ليك وحشة شديدة جدا.. بالمناسبة أنا لسة مكسرة فيك شديد .. تحياتي لسماح و الأولاد |
عزااااااام !
سماح دى التك والوليدات اليلنك!
كان كدة نحن ناهزنا الأربعين وماشين على التسعة وتلاتين!
والله ما شاء الله عينى باردة!
جنى
|
Post: #41
Title: Re: هشام مجمر وسهام مجمر رعى الله ذلك الزمن الجميل!
Author: هشام المجمر
Date: 02-05-2008, 08:26 AM
Parent: #1
الاخ العزيز جنى
جمال بروتين يغريك السلام
و يطمنك انو الختامةتمام والفريكونسى جيت مش تيربو
اها
بجى بحكى ليكم قصة جنى القبيل قلت ليكم عليها
انتظروا
|
Post: #43
Title: Re: هشام مجمر وسهام مجمر رعى الله ذلك الزمن الجميل!
Author: هشام المجمر
Date: 02-05-2008, 10:38 AM
Parent: #1
طبعا يا اخوانالما كنا فى الجامعة
جنى كاند زولا قيافة
وآخر قشرات
وطبعا الود من الامتداد
ولسانو حلو
و نضميهو مرتب
غايتو المكسرين فيهو كانو كتار
و زولكم كل يوم للداخلية موصل
الاخبار لو ما جاتنا برانا بنشوف بى عينا
اها يوم انا وصديقى ماجد ماشين جنب البيطرى القديم يعنى خلف الميدان الغربى
فجأة عينى تقع ليك فى الارانيك البنقدم ليها للجماعة كتيرة ومشتتة
طبعا كل اورنيك كان فيهو الصورة فوق
و لسوء حظ جنى صاحبنا
تانى اورنيك منى بس كان اورنيكو هو. تصدقو الصدفة الما سعيدة دى
شفنا الصورة
ضحكنا جنس ضحك.. الشعر المنفوش والوش المحنوف باقى الصور القديمة دى محنها كتيرة الله يقطعها
الصورة طبعا كانت ابدا ما بتشبه زولنا القيافة ود الامتداد
اها انحنا بس عاينا لى بعض
وبدون كلام ركبنا البوكس من شارع الجامعة
وعدل على الاستديو
اها يا بتاع الاستديو كبر لينا من الصورة اربعة صور ايه فور
و 12 اصغر شوية و اربعة وعشرين باسبورت
الراجل ما كضب و سلمنا ليه بكرة العصر بدرى
قمنا اشترينا بوستر واقلام شينى بتاعت خط كبير
اها انا طبعا خطاط بكتب يفط
قمنا لصقنا صورة جنى فوق فى البوستر وعملنا عليها خط اسود بالجنبة
و كتبنا عليها
صورة الشهيد فلان الفلانى( الاسم الثلاثى لجنى)
الذى استشهد فى الاحداث التى رافقت انقلاب حسن حسين
بمناسبة ذكراهو الكذا
وقمنا وزعناها بالسر و اتعلقت فى داخليات البنات كافة بالسنتر و الطب والتربية وشمبات
والصورة الصغيرة صغيرة وزعانها على كل معارفو من الجكس النضيف.
جنى كان مافى ولمن جه وعرف الحصل وشاف الصور
ظل يضحك تلاتة ايام
كل ما يلاقينا يقول عملتوها فينى
الحق يقال انو مكانتو ما تاثرت بالمقلب
بل بقى يوصل اكتر للداخلية
|
|