الف مبروك ( مدير جوازات سفارتنا بالدوحه عمر الكارورى مترقيا لرتبة عقيد شرطه )

حملت الانباء اليوم من الخرطوم للاخ والصديق عمر عبد العزيز الكارورى مدير الجوازات

بسفارة السودان بدولة قطر نبأ ترقيته لرتبة العقيد شرطه .

وعمر الكارورى بحق وحقيقه رجل يستحق الاشاده والتقدير فهو يعمل فى صمت وبمثابره ومهنيه

عاليه, مادخل عليه احد من افراد الجاليه السودانيه الموجودين بدولة قطر الا وكان امـره

مقضى , مهما كانت مشكلته , يقابل الكل بابتسامه وروح من الدعابه والظرافه حتى ليخيل

اليك ان الذى امامك خريج كلية الفنون الجميله وليس كلية الشرطه,( لما فيها من صرامه).

قلت ان الرجل يعمل بمهنية عاليه لانه يقوم بستخراج الوثائق من جوازات وجنسيات وغيرها

بالاضافه للتجديدات والتأشيرات كل ذلك لوحده دون ان يكون معه معاون من رتبه أخرى من

من وزارة الداخليه , مما يستدعيه ان يكون متواجدا بالسفاره حتى ايام العطله الاسبوعيه.

ومن همته وحبه لخدمة الناس فقد اقترح علينا فى مكتب الجاليه بأن ننسق مع افراد

الجاليه الموجودين بدولة قطر خارج مدينة الدوحه, كمدن الشمال والخور ودخان والشحانيه,

بأن يذهب لهم فى اماكنهم فى ايام نحددها له حتى يقوم بقضاء معاملاتهم فى اماكنهم حتى

يخفف عليهم معاناة الحضور للعاصمه الدوحه .

رجل بكل هذا الشموخ وبكل هذه الهمه يجب ان نكرمه ونحتفى بوجوده بيننا ,,, الف الف

مبروك سعادة العقيد شرطه عمر الكارورى وعقبال فريق شرطه فأنت اهلا لها .

Quote: ومن همته وحبه لخدمة الناس فقد اقترح علينا فى مكتب الجاليه بأن ننسق مع افراد الجاليه الموجودين بدولة قطر خارج مدينة الدوحه, كمدن الشمال والخور ودخان والشحانيه, بأن يذهب لهم فى اماكنهم فى ايام نحددها له حتى يقوم بقضاء معاملاتهم فى اماكنهم حتى يخفف عليهم معاناة الحضور للعاصمه الدوحه .

شخص بهذه الشهـيه المفتوحه للعمل قل ان يوجد في هذا الزمن
فله كل الود والتقدير
والف مبروك للعقداء انضمام مثل هذا النموذج المثالي لرتبتهم
وهذا لفخر لهم



وقناطير مقنطره من الود للسيد كمال سالم

مبرووووووووووووووك
وألف مبروووووووووك
سيادة العقيــــــد


بس الخروف ضرووووووووووري

محمد الطيب الولد الوسيم ,, كيفنك ,,,


شهيه مفتوحه ساكت .... كدى امشى جرب جدد ليك جواز ,, لمن تأأأأمن .

تحياتى ,,

Quote: حملت الانباء اليوم من الخرطوم للاخ والصديق عمر عبد العزيز الكارورى مدير الجوازات بسفارة السودان بدولة قطر نبأ ترقيته لرتبة العقيد شرطه . وعمر الكارورى بحق وحقيقه رجل يستحق الاشاده والتقدير فهو يعمل فى صمت وبمثابره ومهنيه عاليه, مادخل عليه احد من افراد الجاليه السودانيه الموجودين بدولة قطر الا وكان امـره مقضى , مهما كانت مشكلته , يقابل الكل بابتسامه وروح من الدعابه والظرافه حتى ليخيل اليك ان الذى امامك خريج كلية الفنون الجميله وليس كلية الشرطه,( لما فيها من صرامه). قلت ان الرجل يعمل بمهنية عاليه لانه يقوم بستخراج الوثائق من جوازات وجنسيات وغيرها بالاضافه للتجديدات والتأشيرات كل ذلك لوحده دون ان يكون معه معاون من رتبه أخرى من من وزارة الداخليه , مما يستدعيه ان يكون متواجدا بالسفاره حتى ايام العطله الاسبوعيه. ومن همته وحبه لخدمة الناس فقد اقترح علينا فى مكتب الجاليه بأن ننسق مع افراد الجاليه الموجودين بدولة قطر خارج مدينة الدوحه, كمدن الشمال والخور ودخان والشحانيه, بأن يذهب لهم فى اماكنهم فى ايام نحددها له حتى يقوم بقضاء معاملاتهم فى اماكنهم حتى يخفف عليهم معاناة الحضور للعاصمه الدوحه . رجل بكل هذا الشموخ وبكل هذه الهمه يجب ان نكرمه ونحتفى بوجوده بيننا ,,, الف الف مبروك سعادة العقيد شرطه عمر الكارورى وعقبال فريق شرطه فأنت اهلا لها .

أنا زمان مش قلت ليكم طاقم سفارتنا دا ما جانا متله
بس كلام القصيّر ما بتسمع ...
.
.
مبروك يا عمر ومزيدا من التقدم والتوفيق
والله يسهل عليك محل ما تقبل زي ما بتسهل على الناس

الف مليون مبروك الاخ عمر الكاروري

وعقبال الترقية التانية وتصلك وانت في الدوحة

وفعلا ذي ما قال نور الدين الخروف لازم

ودالقريش ,,,,, الله يخليك للصور وكسير التلج ,,, قول امين .



تشكراتى ,,,

سعادة العقيد عمر الكاروري
ماعارف أهنيك بالرتبة
واللا أهنيء الرتبة بك

غايتو مبروكة عليك
ومبارك عليها

وزي ما قال رفيقنا كمال سالم فإن المهنية العالية ميزت ادائك
العقبى نبارك ليك الرتبة الرفيعة

تشكرات ياأبوساندرا , وبالفعل هل نهنى عمر بالرتبه أم نهنى الرتبه به ,,






كســــــــــره :
ـــــــــــــــ

(ماهجمتنى) الرفيق كمال سالم حته واحده كده !!!!!!!

الاخ نور الدين

الاخ محمد عثمان ( كمبوره )

اقتراح جميل بتاع الخروف ده ,,

انا جاهز لتوصيله , بس ورونى اجيكم وين .

الزعيم كمال
صباح الخير

لك التحية والتقدير وانت تقفز فوق صغائر الامور لتنقل لنا هذه الاخبار الطيبات عن الرجل القامة جنابو عمر الكاروري وكما قال الاخ معتز القريش واكررها دائما انه وبعد اكثر من 22 سنة غربة لم تصادفني بعثة دبلوماسية كالتي تتواجد بيننا هذه الايام .
سعادة العقيد عمر....
ارفع الطاقية تقدير واحتراما واجلالا....وانا اراك دائما تحاول تذليل الصعاب عن كاهل السودانيين جميعا بالدوحة ....دون النظر لاتجاهاتهم الفكرية او الحزبية او العقائدية ....شهادة اشهدها الله انها شهادة حق....والله خير الشاهدين .
سعادة العقيد عمر.....
الف ....الف مبروك الترقية ....وتستحق اكثر ....واكثر فقد كنت ومازلت سندا لكل من يدلف بباب هذه السفارة ليقضي حاجة من حوائج الدنيا....وقد كنت شاهدا علي كثيرا منها ......
لاخير فينا ان لم نقلها ......تستحقها ....تستحقها ....وبكل جدارة.
وفقك الله وسدد خطاك ....والي الامام دائما .

التحايا النواضر
هارون دياب

Quote: الاخ نور الدين الاخ محمد عثمان ( كمبوره ) اقتراح جميل بتاع الخروف ده ,, انا جاهز لتوصيله , بس ورونى اجيكم وين .

كدي فهمنا ليها دي

توصلم لمحل الخروف ولا توصل خرفانهم للسيد العقيد
مااااااااااااتودحو ياشباب

الف مبروووك
وتستاهل كل الترقيات
المجيدة والنجوووم
السامقة
تستاهل كل الخير
وياك السوداني ود البلد
والهلالابي جناخ النقر
وصاحب البسمة الوضوية
والترحاب البشوش
والخدمة النضيفة
والتمام الحاضر
والزبط زالربط
والمواعيد التمام
لك منا كل الأماني
وجميل المشاعر

كلامك كلو حلو ياالسنى بس خربتها ( بهلالابى جناح النقر ) الراجل بيشجع المنتخب يأخى ,,


كل الود

توضيح يامحمد حسن :
ـــــــــــــــــــــ

يعنى انت ورينى خروفك وين وأنا بجى اشيلو وأوصلو ,, فخمت ,,

هارون دياب ,,, ياحضورا بهيا فى كل الاماكن والازمنه ,,


ماترفع الطاقيه , بس جهز الخروف ,,,

منتظرين ,,,,

سعادة العقيد شرطة/ عمر الكارورى
لك تحية الإسلام و مبروك الترقية ...

وعقبال مدير الجوازات و الهجرة

و الشرطة فى خدمة الشعب



____
كمال يا دفعة ( مدرسة وبس)...

Quote: اقتراح جميل بتاع الخروف ده ,, .

الإقتراح فيه ضمير مستتر !!!
الجماعة ما فهموها؟؟؟

أنا أوصيكم بالسودانى

و سلم لى على العنب

ش

ابن الدفعه وكمان ود حلتنا ,, شكرى ماطوس


شكرا على المداخله ,, بعدين يأخى عايز تقرضنا بالحمى النزفيه ,,

شوف لينا سورى ,,, انا جاهز للتوصيل ,,,

تحياتى ,,

الف مبروك للاخ عمر الكاروري
و الرجل يستاهل كل خير فما قصده شخص في خدمه ورده مكسوفا
ويا ابو عمار الخروف ضروري زي ما قالوا الجماعه
لكن انا بقترح انو الخروف يكون علي صاحبك طارق ابوشوك
اصلو اخونا ده ما عمل ليه شي فيه فايده من جاء الدوحه

كما قال أخي الاستاذ عمر بوب

Quote: الف مبروك للاخ عمر الكاروري و الرجل يستاهل كل خير فما قصده شخص في خدمه ورده مكسوفا ويا ابو عمار الخروف ضروري زي ما قالوا الجماعه لكن انا بقترح انو الخروف يكون علي صاحبك طارق ابوشوك اصلو اخونا ده ما عمل ليه شي فيه فايده من جاء الدوحه

مع تحياتي لسعادة العقيد

دكتور احمد الحسين ,,, شكـــــــــرا على المرور ,,

باشمهندس بوب ,, الرجل الهمام ,, كيفنك ,,

شكرا على المرور ,, وانا اثنى اقتراحك بشده ,, طارق ابوشوك ,, اتحرك ,,

ويابوب الزول ده مختفى وين ,, ايام احتفالات الاشتقلال كلها ماشفناه ,,,



تحياتى ,,

الاخ كمال كيفك ، نقول مبروك مليون لسعادة العقيد ... جنابو راجل ولد بلد .... كريم وهميم ، ترقية صادفة اهلها.....اذكر تماما فى جلسة خاصة ان السفير السابق عمر حيدر ، قال تم اختيار الكارورى من مواصفات( خيار من خيار) التهنئة مكررة للسعادتو باسم كل اهل دخان .

العزيز هجو الاقرع ,, كيف احوالك واحوال اهلنا فى دخان ,,,


رأئك شنو نكلم سعادة العقيد يبدأ بيكم فى دخان ؟ يلا جهز لينا ناديكم الماخمج

داك ,, منها تجددوا جوازاتكم ومنها نحتفل بالترقيه ,,, قلت شــــنو ؟؟ ,,,

كوم من التحايا والود ,,,

الاخ كمال تحيتي ومحبتي
ممكن موبائل العقيد لأنو كان عندي وضيعتو وعائز أهاتفو مهنئيامع شكري

ود الكاروري بستاهل الخير بقدر ما يقدم من خدمات واحترام للمراجعين بمكتبه
ألف مبروك وعقبال (عميد)

لم أقابل سعادة العميد ولم أتعامل معه
ولكن اجماع الناس (ألوان الطيف) على كفاءته
وهمته العالية و (سودانيته) الأصيلة(ودي أهم من الترقية)
تستلزم تقديم التهاني والتحيات العسكرية والمدنية
الف مبروك لسعادة العقيد الترقية

صلاح عبدالله ,,, والله بالغت عديل كده ,, والله لما عقدتنا قلنا الزول ده ماخد مننا موقف

ولاشنو !!! ماممكن تكون قاعد فى الدوحه دى ومختفى بالصوره دى ,,, كيفنك وكيف البنيات وامهم .

وبعدين انت البنات ديل عملت ليهم اضافه كيف فى جواز امهم ,, ياربى يكون عندكم جوازات

قطربه ونحن ماعارفين ,, اتمنى انك تتعرف على الاخ عمر الكارورى ,, والله لوشفتو تقول من ديامتكم

الحلوين ديك ,,,

تحياتى ,, واظهر وبان عليك الامان ,,,

كمبوره ـ هارون دياب ,,,

شنو الحكايه عملتوا نايمين ؟ بكره الجمعه وأفتكر انو يوم مناسب للضبيحه .

يازعييييييييييييييييييم
صباح الخير

Quote: كمبوره ـ هارون دياب ,,, شنو الحكايه عملتوا نايمين ؟ بكره الجمعه وأفتكر انو يوم مناسب للضبيحه .

شفت الحظ السيارة..... الحمد لله ماراحت بعيد....برضو دكتور هاشم حبيبنا ويستاهل!
اها كده بقو خروفين.
اخوك جاهز موية وزيت ....بس انت قول عوووووووووك تلقاني جمبك.....
في انتظار تعليماتك يازعيم
مودتي
هارون دياب

اخي كمال
صديقي عمر

لنا جميعاًان نهنئ انفسنا بهذا الرجل ( ابن البلد )

فهو بحق الرجل المناسب في المكان المناسب

لك يا عمر كل الاماني والى الامام دوماً


مع مودتي

يازعييييييييييييييم
مساء الخير

يااخوي شايفك انت وجنابو عاملين حميل من حكاية الخروف.....والايام دول ماتاكلوا حقنا....والله بكره اخوكم يبقي سنير ...والله جداده مااضبح ليكم.


سعادة العقيد شرطة عمر الكاروري بعد الترقية

التحايا كيمان كيمان
هارون دياب

up