عاجل استلاف سائل منوى من اجل السمعة السودانية

حوتنا دى شكلها ما ولادة والإ لماذا الفشل المستمر
سياسة فاشلة
تعليم فاشل
صحةمافى اصلا
وام الكبائر الرياضة ودى اكبر فشل سودانى
اها الكورة دى الحاجة الوحيدة يا جماعة المافيها تهميش
كل المهمشين حاضرين وبشكلو عضمها الاساسى
دارفور
الجنوب
جبال النوبة
البحر الاحمر
وشوية لعيبة من عطبرة وضواحيها
واحد يطلع هسة ويقول ماالهلال والمريخ هم المسيطرين وما مدين الجماعة فرصة معاهم
اها الهلال والمريخ ديل ذاتهم ياهم نفس التشكيلة اعلاة يعنى ما فرقت حاجة الا فى الادارة
الكلها من شندى وضواحيها
اها العيب وين ؟؟
كلنا بصمة خشمنا كدة طلعنا بيش من كل المنافسات
ولعبنا برة دة ما جاب لينا الإ الذلة والاهانة والكلام الفاضى
وكلنا عارفين اليومين ديل الناس البرة بتنهش فى سيرتنا كيف
افارقة وشوية فكة من العرب وart فاضحانا وشايلة حالنا والرشيد المهدية ماكلة وساكت الله يديهو العافية السودانى الوحيد الاتحملا يا جماعة نديهو وسام الصمود
اقتراح
عاوزين سائل منوى برازيلى
ورحم خصب يعرف العناية المركزة بالجنين فى مراحل التكوين الاولى
يعنى كميرونى / ساحل عاجى / سنغالى
على شرط ان تكون الحضانة فى جو سودانى عشان يكون عندنا حق فى المواليد
وتصعيدهم لفريق القومى
كدة بكون عندنا مستقبل فى الرياضة وشوية احترام وخشم نقعد نقاشر بيهو الاخرين
مع احترامى لكل ام واب سودانى بس والله ما عندكم اولاد ... ربك يسهل

تعرف يانسر بفكرتك دي تكون قدمت لنا حل لمعضلتنا الكروية فشل دكتاتور الكرة السودانية شداد الذي قدنا للمرمطة

يا ابو يسرا
المرمطة دى تخصص سودانى
بيجروا ليها جرى وبتطلع ليها ميزانية من جيب اجعص جعيص
همهم السفر ولا تخصهم حالات الوطن الاستثنائية
الغريبة لم نسمع فى حياتنا بان هناك لجنة تقصى
قامت بعملها اى كان نوع الحدث
عشان كدة ناس العجب وهيثم مصطفى برجعوا ومعهم 11 هدف وهم فى قمة الابتسامة
ويقولو ليك احنا قدمنا ما عندنا فقط هى الظروف التى لعبنا فيها وهى كانت السبب
والكلام دة بنعكس على كل الذى يحدث فى السودان من عدم مسئولية

من ينقذنا من انفسنا
ومن ينشلنا من السقوط الداوى
عذابات مطروحة تفترش كل الارض السودانية
غياب الفرحة والبهجة
وشعب يمشى من التعب الى التعب
قلبى على وطنى

النسر : يديك العافية

الرحم الخصب لنجوم الكرة السودانية تم استئصاله حين نسينا الناشئين وكرة الروابط والدافوري
حين فقدت الدورات المدرسية نكهتها حين أنشأت حكومة الهدم واللحس منشأت ومباني على الميادين
والساحات العامة ، حين أصبحت كرة القدم مصدر رزق لرجال الأعمال ....الخ

والأهم من هذا كله حين نست فروخ الجديان أنهم يلعبون باسم السودان

طلقانة بالتلاتة يا حدية ... أمم أفريقيا..صور بس

تعرف يا كبسيبة
انو من الملاحظ دائما
لعيبتنا دائما بجرجرو كرعينهن جرجير وبطء مبالغ فيهو
مع انو والله العظيم ماكلين اكل صاح ودخلهم اعلى دخل فى السودان
وهم زى السياسين بتعنايلوكو الكلام ويتعتو فيهو اليوم كلو وعندهم امل فى انو السودان يصلح وينعدل حالو وهم الخاربنو اصلا
تعرف مسالة المنهجية والاحترافية دى حاجة سمحة خلاص يا ريت نصل ليها
بعدها الامور كلها بتمشى صاح
تشكر على المرور

النسر تحياتي
وبوست بعنوان خرافي و موضوع (خرافي اكثر منه)
بجيك راجعه


لكن بسرعه كده
والله مش تستوردوا سائل منوي وحياتك لو اجرنا ارحام برزيليه برضوا مافي فائدة
وبرجع لك لاوضح ليه؟؟؟

سلام
خرجت من كرة القدم بكسر يدي اليمنى
مازالت اعاني آلامها حتى اليوم
هذا على المستوى الشخصي

أما على المستوى العام فالحديث عن انتقاد الرياضة يجعل بينك والآخر خط أحمر كبير
ويعيش معظم السودانيين في وهم كبير جداً بان مستوى الفرق جيد
رغم أنها تحتاج لصياغة كاملة وتدريب مكثف
والمشكلة التي تغظيني أنه لدينا أكثر من 20 صحيفة رياضية لاتوجد حتى في البرازيل
وعندما تقرا بعض الأعمدة الصحفية المتهالكة تجزم باننا سنحرز كأس العالم أمام المانيا وانجلترا
بل ان بعض اللاعبين يشعرون بالكثير من الغرور بعض قراءتهم لأخبار الصحف الرياضية

ذهبت مرة لإصلاح اطار سيارة بمدني الساعة الثالثة قبل العصر
كل المحلات كانت مغلقة
وعندما سألت قالوا لي اليوم الموردة والمريخ والهلال جميعهم سيلعبون مباريات باسم السودان
وفي المساء كانت الفرق الثلاثة مغلوبة

الفريق القومي حينما صعد لغانا ملأنا جميعاً الغرور بانه أفضل من غانا ونيجيريا
ولم نستعد الاستعداد الكافي لمواجة فرق عريقة جميع لاعبيها محترفون
الفريق الوحيد الذي ليس له محترفين هو الفريق القومي السوداني

أحد الأندية ذات مرة اصيب بهزيمة نكراء من { الأهلي } الليبي الفريق الذي لاتحمل سجلاته سوى القليل من الانتصارات
عندما سألوا اللعيبة ذكروا بانهم لم يستلموا مكافآتهم
طبعاً النتيجة كانت { 6/0 }

يجب علينا حينما نلعب
لا أن ننظر للجمهور الذي يجلس على المساطب والمقصورة
بل يجب علينا أن ننظر الى 35 مليون سوداني هم في انتظارنا
قبل السائل المنوي وبعده فنحن نحتاج لأكاديمية رياضية لاعداد جيل قادر على مواجهة الفرق العريقة

تراجى سلامات
سعدت بمرورك
لكن تعرفى الخرافى بجد هى منخبنا الوطنى لكرة القدم
قى كل مبارة مغلوب والفريق الوحيد اتلذى لم يحرز اى هدف حتى الان
الفكرة ما الرياضة بس الفكرة كلها مشمولة فى هذا الواقع المقرف جدا
من الفشل المتواصل قيادات رخيصة دون وعى او تفكير استراتيجى او تكتيكى
دولة كاملة بحجم السودان يغيب فيها التخطيط المركزى والدراسات المستقبلية
دولة تحكمها فئات معينة وتقصى كل الشعب فى ادارة نفسة
دولة تستسلم للهزيمة بروح انهزامية
دولة تربى النشئ على الفشل وعدم الاحساس بالوطنية والغرق فى الانانية
الرياضة واحدة من موسسات الدولة السودنية الحديثة الفاشلة
والاصلاح لايكون بالفوز بكاس افريقيا بقدر ما هو يكون بفتح مدارس كرة القدم
والاقرار التام من الدولة بان الرياضة جزء مهم واحدى الموسسات المهمة مثلها مثل
الحقائب الوزارية حيث لابد ان يتم الصرف عليها واشاعة الديمقراطية داخل موسسات الرياضة
نحن نعلم بانة لاتوجد اذن صاغية لمثل هذا الحديث ولكن املنا كبير بان تجد الرياضة الاهتمام الكامل والكافى وتنال حظها فى الصرف والاهتمام بها والاقرار على انها ضرورية
احترامى تراجى وفى انتظار مساهمتك القيمة جدا
دمتى بخير

يديك العافية يا النسر :

طبعا الحيطة المايلة بتاعتنا دائماً الحديث عن الإمكانيات المادية فقط

هل يا تري المنتخبات التي شاركت في أمم أفريقيا لها إمكانيات أحسن من منتخبنا؟؟؟

واعتقد أن تشكيلة المنتخب الوطني كانت يجب أن تتم وفق لدراسات ومعايير

الحكاية ما حرفنة والواحد يعرف يجبد شوية ولا بلعب في الهلال ولا المريخ

المفروض تكون هناك لجنة مكونة من خبراء عالميين ومحليين

ويفتح باب الفريق لكل سوداني يرى أنه يستطيع أن يمثل السودان

وتكون هناك اختبارات مثل التي تتم لدخول الكليات العسكرية

من ناحية بنية جسمانية و ذكاء وإجادة كرة القدم .........الخ

Quote: يجب علينا حينما نلعب لا أن ننظر للجمهور الذي يجلس على المساطب والمقصورة بل يجب علينا أن ننظر الى 35 مليون سوداني هم في انتظارنا Quote: ابوحراز هذة هى الانانية التى حصدناها لاتوجد موسسات متخصصة ليتم عن طريقها تصحيح الخطا المرجعية الوحيدة فى الفوز والخسارة هو د/ شداد ديناصور يتربع على عرش المؤسسة الرياضية السودانية المهترئة الكل يذهب من اجل الخروج والسفر نحتاج لأكاديمية رياضية لاعداد جيل قادر على مواجهة الفرق العريقة

هذا هو العلاج والمدخل الصحيح لعلاج ازمة ممرمطة الكورة السودانية
تشكر على المرور
قلبى على وطنى

احترامى

فكرة جيدة ولكن...
سيعلن الدكتور شداد تكوين لجنة عليا للإشراف على طفل الأنابيب البرازيلي..
اللجنة العليا ستنبثق منها لجان أخري تتفرع منها لجان طبية لمتابعة نمو النطفة في الانبوب..تعمل عبر لجنة وسيطة مع اللجنة الأمنية لمراقبة حركة أعضاء اللجان (الداخلين والمارقين) في معمل طفل الانابيب البرازيلي..
اللجنة الطبية تفرعت منها كائنات لجانية دقيقة متخصصة لاتري بعين دكتور شداد المجردة..
دخلت أحدي عضوات اللجنة الطبية وهي طبيبة نصف شهيرة لمعاينة الانبوب..ولمّا كانت الطبيبة قصيرة القامة والانبوب متحكر في منضدة عالية وفق توصية اللجنة الامنية، حاولت الدكتورة ان (تشب) في حلق الانبوب الذي لم يحتمل مكابستها فسقط ارضاً واندلق بعض محتوياته على صدر الطبيبة في الفراغ الممتد بين فتحة (زرار القميص الفوق) وملتقي نهديها..
حين فرغت اللجنة التي شكلها الدكتور شداد لتحديد المسؤول عن حادثة تحطيم الانبوب من عملها..كانت الطبيبة قد وضعت طفلاً جميلاً يشبه رونالدينو..!


المشكلة بقت في (........)!
أكمل وللا كده كفاية؟!

Quote: فكرة جيدة ولكن... سيعلن الدكتور شداد تكوين لجنة عليا للإشراف على طفل الأنابيب البرازيلي.. اللجنة العليا ستنبثق منها لجان أخري تتفرع منها لجان طبية لمتابعة نمو النطفة في الانبوب..تعمل عبر لجنة وسيطة مع اللجنة الأمنية لمراقبة حركة أعضاء اللجان (الداخلين والمارقين) في معمل طفل الانابيب البرازيلي.. اللجنة الطبية تفرعت منها كائنات لجانية دقيقة متخصصة لاتري بعين دكتور شداد المجردة.. دخلت أحدي عضوات اللجنة الطبية وهي طبيبة نصف شهيرة لمعاينة الانبوب..ولمّا كانت الطبيبة قصيرة القامة والانبوب متحكر في منضدة عالية وفق توصية اللجنة الامنية، حاولت الدكتورة ان (تشب) في حلق الانبوب الذي لم يحتمل مكابستها فسقط ارضاً واندلق بعض محتوياته على صدر الطبيبة في الفراغ الممتد بين فتحة (زرار القميص الفوق) وملتقي نهديها.. حين فرغت اللجنة التي شكلها الدكتور شداد لتحديد المسؤول عن حادثة تحطيم الانبوب من عملها..كانت الطبيبة قد وضعت طفلاً جميلاً يشبه رونالدينو..! المشكلة بقت في (........)! أكمل وللا كده كفاية؟!

يا وجدى
اصلو ما فى مشكلة مدام جابت (رونالدينو )
واحنا عاوزين اكتر من كدة شنو
بس عاوزين واحد يعضى لينا الديناصورات ديل من اضنينهم
عشان يطلعونا من دورى الدرجة العشرين الرازحين فيهو دة
تشكر يا ظريف مداخلة اكثر من لطيفة
ولطيفة دى ما الدكتورة لطيفة دى المشاركة
المشاركة ما بتاعت متخبنا فى غانا
غانا دى للاجيال المحسنة فقط
ما اطفال الانابيب

up

...






up



...

أها..
اذا افترضنا انو الدكتورة وضعت طفل ابوهو حيوان منوي برازيلي..
ومع الاخذ بالاعتبار الظرف الذي دخل فيه الحيوان غابة الدكتورة..
ماهو شكل الفتوى الذي يمكن تصوره؟
هل نعتبر الدكتورة زانية؟

فوووووووق

يا كردى انتا ما كنت ماشى كويس
مالك عاوز تطلعن لينا اولاد حرام....
احنا ما صدقنا انو السائل دخل المختبر
وتحت العانية المركزة
يديك العافية