طلقانة بالتلاتة يا حدية ... أمم أفريقيا..صور بس

نأمل أن يجد المنتخب أي عذر للانسحاب من مبارة الغد قبل الفضيحة الكبيرة

3333333333333333333333333333333333333333333
دكتور شداد يا تمرجي....

كبسيبه يا أخوي تحية ملؤها الصحة والعافية
لا تحمل الأمور أكثر مما تحتمل ، صقور الجديان كان يمكن أن يكون لهم موطئ قدم وضربة رأس وضربة جزاء في الكان الأفريقي لولا أن الصقور أصابها داء أنفلونزا الطيور فتحولت من صقور جديان إلى جداد داجن ، يقوده ديك العدة الشهير بحكايته التي إنتهت إلى أن الموضوع بايظ بايظ نهرناه أو تركناهو.
أما المدرب مازدا فالموضوع كان أكبر من مقدراته ، صحيح قد يكون جزء من أسباب كثيرة أوصلتنا إلى نهاية أمم أفريقيا لكن مرحلة ما بعد التصفيات المؤهلة للنهائيات هي قطعاً أكبر من مقدراته وإمكانياته.
ليس عيب أن ننهزم لكن العيب كل العيب أن ننهزم وبهذه الطريقة التي كان عليها المنتخب في المباريات الثلاث والتي خسرها بالثلاثة فأصبحنا أصحاب الأقوان التلاته والهزائم التلاته بسبب غياب الخطة و الفكر في المباريات التلاته ، فلا جديد طلع مرق دخل سلك طلع بخيت دخل سعيد طلع العجب دخل رجب والموضوع تخبيط يا صابت يا خابت فكانت خيبة المشاركة بجلاجل وعن جداره.

almulaomar يديك العافية

Quote: فلا جديد طلع مرق دخل سلك طلع بخيت دخل سعيد طلع العجب دخل رجب والموضوع تخبيط يا صابت يا خابت فكانت خيبة المشاركة بجلاجل وعن جداره

نحن الله لينا من ناس خيار وفقوس ديل .. والمصيبة إنو لسة خاتين فيهم الأمل

شدّاد شدّانا و فى غانا رمانا ، كاراكاتير

كبسيبة
سلام
يا خوي خليها شتيمة الناس بالصور والرسومات لأنو دا لا بودي ولا بجيب ..
تعال ناقش بطريقة نقدية واكتب رأئك لو عندك رأى ..
الصور دي ما كل الناس بتفهما ليك قاصد بيها شنو لكن الكتابة واضحة 1+1 = 2 ..

أخونا : طلحة ..شكراً لوجهة نظرك

لكن هذه هي لغة العصر التي يفهمها الجميع ..فإذا ما كنت قادر تقراها ما تتحشر

ولا اعتقد أن هناك شتيمة لأي شخص ...

عصر منو مغرب شنو يا كبسيبة اخوي ..
يعني تقصد انو تصوير الناس بالجداد والسواسيو دي لغة عصر ..
ملعون أبو العصر دا ياخ ..
بعدين شايفك بتستعمل كلمات من النوع التقيل ياخ ..
خلي روحك رياضية شوية (تتشحر) لانك بتناقش في شان رياضي .

Quote: خلي روحك رياضية شوية (تتشحر) لانك بتناقش في شان رياضي .

شأن رياضي !!!! هيع ههه

هو إنتو خليتو فيها رياضة ما ياها السكوكية حقتم دي ...

أحسن حاجة تتطوروا كمبلت وتنشروها عالمياً في باقي عمركم الباقي

أسي أرد ليك اقول ليك شنو يا كبسيبة ..
غايتو بس ربنا يديك العافية يا زول ..
فتك بعافية ..

إنت يقرصوك بي هناك تجي تشطر علينا هنا
والله حالتك تحنن ...أتمنى أن يكون العائد مجزي من هذا التسويق
ظرف ولا منصب ولا أي حاجة كدة على الطائر ..إنشاءالله تذكرة طيارة

لو كنت تقصدني أنا بالكلام الفوق دا ياخوي فأقول ليك
منو هم القرصوني وقرصتهم ...؟
وأتشطر عليك في شنو وعصيدة منو ..؟
تداخلت معاك بالرد لأن الموضوع عام وما كنت عارف أن الرد عليك في بوستاتك هو تشطر والحاجات دي ..
وقلت ليك فتك بعافية لانو لقيت أنو الكلام أخد منحي تاني بعيد عن مضمون البوست وصراحة انا ما فاضي ليها ..
وبخصوص المنحة والتذكرة والتلميحات دي فبنفس مفهومك دا :
إنشالله يدوك منحة واللا قروش واللا يبنوا ليك بيت واللا منصب بتصويرك للناس بالدجاج والسواسيو ..
اها دي عايزا ليها تعب واللا درس عصر يا خوي ..
أرجو أن لا تحور الموضوع وتوجه بوصلته لإتجاهات شخصية يا زول .

أعصابك يا طلحة ...نحن ما في حاجة مودرانا غير العصبية دي
معليش القرصة حاااارة
وبالجد يا طلحة وبكل صراحة ..والله أنا خايف إنك تكون جادي
في مسالة دفاعك عن كورتنا الجلت وفكت .. وبقت زي الشــ .... تتـ في أي مكان
أظن إنك حصيف بما فيهو الكفاية عشان تكمل الحروف الباقية
وموضوع الصور ده ما فيهو حاجة ... فمثل ما وصفتهم في بوست آخر بالصقور
وما لقيت اعتراض منك أو من شخص تاني
اليوم رأيت إنهم لا يرقوا حتى لمستوى السواسيو ...يعني ناس بيض ساي
وأنا شبعت نقه ..نقه..نقه لي ستين سنة بننقنق ..جابت شنو النقة دي

فياخي ده فووورة ساي ... خلي وجعت التلاتات دي تروح وبعد داك بتلاقني في المدرجات
أهتف مع الجماهير

اخونا كبسيبة
لم أدافع عن الكورة السودانية بصفة معممة لكن ضد التعامل مع الامر بازدواجية معيبة المعايير ..
بالنظر للنتائج البارقة التى حققتها الكرة السودانية مؤخرا ممثلة في المريخ والهلال والمنتخبات الوطنية الاول والاولمبي فاري أن ذلك إنجاز يؤكد علي التطور والكبير والنهضة العظيمة للكرة السودانية التى كانت حتى وقت قريب تدمن الجلوس علي مقاعد المتفرجين بعد ان أصبحت معبرا سهلا للفرق والمنتخبات الأخري ..
كما انه ليس من المنطق ان يتحمل المسوؤلية كاملة شخصين فقط هما شداد ومازدا وإلا فليقبل الجميع إفتراضية أن كل الإنتصارات التى تحققت للكرة السودانية مؤخرا كانت بفضل الله أولا وشداد ومازدا ثانيا لاغيرهما .
هذا هو كله إعتراضي علي الأمر يا خوي ولا شىء آخر .