Post: #1
Title: مبروك لميرغني ود اللحمر بمناسبة حصوله على الدكتوراة
Author: maman
Date: 01-27-2008, 07:47 PM
Parent: #0
(تم بحمد الله مناقشة الرسالة واجازتها ومنح الدكتوراة)... هذا هو نص الرسالة التي وصلتني من أخينا الدكتور (من اليوم فصاعدا) ميرغني حسن عثمان . الرسالة وصلتني الساعة أربعة ونص مساء اليوم الأحد 27 يناير 2008م. ميرغني للمعلومية أحد خريجي كلية التربية الرياضية. (التابعة لجامعة السودان حاليا) عمل لفترة طويلة بالسعودية مدربا رياضيا بعدد من الجهات من بينها نادي الشباب السعودي بالرياض في مجال السباحة. وأشرف بالذات على تدريب الأشبال على السباحة. ولكنه واصل كفاحه واجتهاده العلمي حتى توج اليوم بحصوله على الدكتوراة.. موضوع الرسالة كان علاقة اللياقة البدنية بالصحة ، وعنوانها (أثر جهد بدني على نسبة كليسترول ودهنيات الدم لدى عينة مختارة ،شريحة عمرية من 35 - 50 سنة)... وأوجه الكلام لعجائز البورد من الجنسين: كل من يرغب في معرفة نتائج البحث التي توصل اليها الباحث ، فقط أرسل 5 دولار أو ما يعادلها ، يرسل لك ملف PDF
ألف مبروك لميرغني.. والتهاني للأهل بالعاصمة ومدني والقرير والبركل..
مامان
|
Post: #2
Title: Re: مبروك لميرغني ود اللحمر بمناسبة حصوله على الدكتوراة
Author: معتصم ود الجمام
Date: 01-27-2008, 10:12 PM
Parent: #1
مبروووووووووووووووووك
|
Post: #3
Title: Re: مبروك لميرغني ود اللحمر بمناسبة حصوله على الدكتوراة
Author: maman
Date: 01-28-2008, 06:49 AM
Parent: #1
معتصم
كيف حالك مع برد المدينة
وشكرا ياود اختي على المرور ومبروك لينا كلنا.. ميرغني من أبناء حي الشاطى ومن عائلة (ود اللحمر)
مامان
|
Post: #4
Title: Re: مبروك لميرغني ود اللحمر بمناسبة حصوله على الدكتوراة
Author: البحيراوي
Date: 01-28-2008, 08:22 AM
Parent: #1
مبروك لود اللحمر هذا الإنجاز والجهد وجعله الله إضافة لأبناء الوطن
بحيراوي
|
Post: #5
Title: Re: مبروك لميرغني ود اللحمر بمناسبة حصوله على الدكتوراة
Author: سلمى الشيخ سلامة
Date: 01-28-2008, 12:24 PM
Parent: #4
مبروك لود اللحمر الشهادة الكبيرة
اها جينا للكلام الجد
هسى الخمسة دولار دى يرسلوها كيف ؟
ما نحنا ناس خمسينات وكده
لكن يا يا مامان (اخوك حديد)
رياضة فى
مشى وجرى زاتو
سؤال طرفانى كدى
ود اللحمر دا عنده اى علاقة بالقطينة؟
كان بقى من القطينة ات يا مامان اخوى
شوفلك دبارة
وحات سيدى وسيدك ان بقى ودخالى اللحمر
البوست دا رقبتو بحولو عندى تب
يا زول عليك امان الله بهظر
لكن بالجد شوف لينا قصة اللحمر دى
وتانى مبروك
|
Post: #6
Title: Re: مبروك لميرغني ود اللحمر بمناسبة حصوله على الدكتوراة
Author: الزوول
Date: 01-29-2008, 05:49 AM
Parent: #1
السلام عليكم
التحية لأخونا الدكتور ميرغني على هذا الإنجاز
وليس غريباً على هذه الأسرة العريقة في مجال العلم والرياضة
وألف ألف مبروك
.....................
مامان سلامات
عارف قصة عمك أحمد عبدالقيوم (رحمة الله) مع ود اللحمر ؟
المهم نحكيها ليك يمكن تعفينا من حكاية الخمسة دولار دي
...............
عمك أحمد عبدالقيوم الله يرحمو حضر حفلة عرس كدي في حي الشاطى
وطبعاً عادة الرجال الكبار كانوا بيحضروا اول الحفلة وبعدين يشتتوا
واحد من اخوة مبرغني ديل ( ما بجيب اسمو بس ناس القرير بيكونوا عارفينه)
انطرب شديد .... ومن شدة الطرب بقى يقلب في الهوبة
وكأنوا كلاتشي النيجيري لما يجيب قون
عمك أحمد الظاهر الحكاية دي ما عجبتو
سأل الناس الجمبو بصوت عالي وبطريقتوا الساخرة ديك
( إنتو الجنا أب وشياً عريض ده ... هول منو ؟ )
قالوا له ده هول ود اللحمر
نان ود اللحمر الأنا بعرفو ... ما عندو جناياً بيقلب الهوبة زي الجنا دا
..............
طبعاً الناس عادة ما يصطادوا مثل هذه التعليقات الساخرة
وحظي أخونا بالتسمية ( الجنا أب وشياً عريض) ردحاً من الزمن
حتى جاءت احداث أخرى و تسمية أخرى حلت محلها فيما بعد
طبعاً متذكر يا مامان القصائد الكانت تخص أخونا (الكان بيقلب الهوبة؟)
يا ريت تجيبلنا منها شوية
...............
سلمى سلامات
...............
لفائدة القراء : العم أحمد عبد القيوم هو والد الشاعر المعروف على عبدا لقيوم (رحمهم الله جميعاُ)
...........
وما الناس إلا هالك وأبن هالك *** وذو نسب في الهالكين عريق
|
Post: #7
Title: Re: مبروك لميرغني ود اللحمر بمناسبة حصوله على الدكتوراة
Author: mahmed alhassan
Date: 01-29-2008, 11:49 PM
Parent: #6
مبــــــــــــــروك
للدكتور/ ميرغني وداللحمــر
مع التحية والشكـر مامأن 0
|
|