Post: #1
Title: حاتم سر الختم يمنع أغنية يا شعبا لهبك ثوريتك بحجة أنها شيوعية !! ويرشح نفسه لجالية منطقة مكة!!!
Author: محمد حسن العمدة
Date: 01-26-2008, 06:56 PM
ياشعبا لهبك ثوريتك
كلمات شاعر الشعب :محجوب شريف
غناء فنان افريقيا محمد وردي
************************
على اجنحة الفجر ترفرف
فوق أعلامك
ومن بينات اكمامك
تطلع شمس أعراسك
يا شعباً لهبك ثوريتك
إنت تلقى مرادك والفى نيتك
وعمق احساسك بى حريتك
يبقى ملامح فى ذريتك
ماكَ هوين سهل قيادك
سّيد نفسك مين أسيادك؟
ديل أولادك
وديل أمجادك
ونيلك هيلك جري قدامك
تحت اقدامك
رجع صداك وسجع نحاسك
وانت نسيج الفدا هندامك
وانت نشيد الصبح كلامك
وعطر أنفاسك
أرفع صوتك هيبه وجبره
خلى نشيدك عالي النبره
خلى جراح أولادك تبرا
كبروا مكان الضحكه العبره
إلاّ يقينهم فيك اتماسك
يا الإصرارك
سطراً سطراً مَلا كراسك
|
Post: #2
Title: Re: حاتم سر الختم يمنع أغنية يا شعبا لهبك ثوريتك بحجة أنها شيوعية !! ويرشح نفسه لجالية منطقة مك
Author: محمد حسن العمدة
Date: 01-26-2008, 07:04 PM
Parent: #1
| Quote: خلى جراح أولادك تبرا |
ومتى تبرا جراح اولادك يا وطن
طالما كانت فيها مثل هذه العقول
التي لا تفهم ولا تقدر معنى الفن
الفن هو اللغة الوحيدة المشتركة
بين كل شعوب بني الانسان
ولكن ياهو ده السودان
وااااااااه من لكن هذه
|
Post: #3
Title: Re: حاتم سر الختم يمنع أغنية يا شعبا لهبك ثوريتك بحجة أنها شيوعية !! ويرشح نفسه لجالية منطقة مك
Author: محمد حسن العمدة
Date: 01-29-2008, 07:57 PM
Parent: #2
طبعا لزوم الاستذكار والناس الما عارفه فضيحت الزول ده
اقامت القنصلية السودانية بجدة حفل بعيد الاستقلال
حاتم تاج السر الناقد الفني العظيم كان رئيس لجنة التحضير تقريبا
في البرنامج عرض - بضم العين - ان تغنى اغنية الشعب
في فلته من فلتات الدهر اعترض الناقد الكبير حاتم سر الختم ورفض ان تغنى هذه الاغنية
اها ...
الوطنيين قاموا سالوا
ليه ؟؟
قال عشان دي اغنية شيوعيين ؟!!!!!!!!!!!!!!!!!!!!!!!!!!
|
|