Post: #1
Title: ما بحِلها ..إلا الغُنا .. والرقيييص
Author: أبي بكر سيد احمد
Date: 01-25-2008, 06:22 PM
Parent: #0
د. عبد الرحيم بلال ... رجلٌ مدنيٌ ناشط ومهمومٌ بالعمل الإنساني ... لدرجة أنه اصبح (شبه ممثل رسمي ) لمؤسسات المجتمع المدني في كافة المحاولات (السياسو-مدنية)-إن صح التعبير - لرتق الشتات ... ولكنهُ يتميز عن الساسه بصفاءِ المهمومين المدنيين وخلوهم من التدنيس والغش والمتاجره (حتى في احلام الناس ).
قابلني الرجُل ذات نهارٍ سودانيٍٍ لافح ... وقال لي ( نحنا اكتشفنا بعد محاولات كتييييرة ... إنوا الإتفاقيات ... والمؤتمرات ... واللجان... ومحاولات الصلح ... ومنابر الخطابه ... والوساطات ..و...والخ .. كلها مابتحل مشاكل السودان ... المشاكل دي ما بحلها ..إلا الشعر .. والغنا ... والرقيص).
حدثني حدسي باني قد فهمت قصده ... إلا أني اردتُ التأكدَ.....( كيف يا دكتور ...؟) سألتُهُ
... فأجاب ..( القضية .. قضية إعتراف بالآخر ... والإعتراف ده ما بجي إلا بالتعرف على الآخر ... والتعرف ما بيتم إلا بالتعايش الثقافي .... والناس مدخلهم لثقافة الغير هو الغُنا .. والرقيص ..)
إطمأن قلبي .. وأدركتُ باني قد استوعبتُ الرجُلَ العالِم على الوجهِ الصحيحِ ... ووجدتُ نفسيَ استدعِي من أقاصي اركانَ ذاكرتِي .... رقصة التوية... والكمبلا .. و..وشبال قبائِل الوسط.. وطمبرة الغرابة ... والوازا... ورقصة الحصاد ... و الصقرية ... و...
وسرحتُ ملءَ خيالِي ......
|
Post: #2
Title: Re: ما بحِلها ..إلا الغُنا .. والرقيييص
Author: Adil Osman
Date: 01-25-2008, 08:26 PM
Parent: #1
كتابة جميلة وفكرة مدهشة.
ولكن من يملك السلاح والسلطة قادر على فرتقة الحفلات والاختلاط.
شكرآ ابى بكر سيد احمد.
|
Post: #3
Title: Re: ما بحِلها ..إلا الغُنا .. والرقيييص
Author: ناذر محمد الخليفة
Date: 01-25-2008, 08:59 PM
Parent: #1
عزيزي أبو بكر ..
كما قال لك عبد الرحيم :
| Quote: القضية .. قضية إعتراف بالآخر ... والإعتراف ده ما بجي إلا بالتعرف على الآخر ... والتعرف ما بيتم إلا بالتعايش الثقافي .... والناس مدخلهم لثقافة الغير هو الغُنا .. والرقيص ..) |
تحياتي وأأسف لعدم حضوري منتدى جنوب يوم الثلاثاء لأسباب قاهرة رغم اني هيأت نفسي للذهاب إلى هنالك ..
|
Post: #4
Title: Re: ما بحِلها ..إلا الغُنا .. والرقيييص
Author: دينا خالد
Date: 01-25-2008, 10:07 PM
يا ابوبكر !
بالله المشروع دا اول ما تجو تنفذوهو
ادونى خبر ،،،، انا مخنوقه ودايره لى حته اتكفك فيها !
ويحلها الشربكا !
ـــــــــــــــ
ياااااااااكريم عد الى خطك ،، الكتابة بالحيمور دى حقت عماد ،
|
Post: #5
Title: Re: ما بحِلها ..إلا الغُنا .. والرقيييص
Author: HAYDER GASIM
Date: 01-25-2008, 10:23 PM
Parent: #4
... ومالو ... لكن الناس إرقصوا كيف
وبينهم من يعتقد أن الرقص خلاعة وإبتذال,
... اللهم إلا من ... وراء حجاب.
يعني الزار ... شغال.
|
Post: #6
Title: Re: ما بحِلها ..إلا الغُنا .. والرقيييص
Author: جمال السنوسي
Date: 01-26-2008, 09:57 AM
Parent: #5
ابوبكر الفنان
تحياتي
انا زمان كتبت نفس اموضوع ده هنا في بوست عن معتصم الجعيلي وقناة هارموني وما تقدمه من فن سوداني اصيل ومعبر عن كل السحنات
كان العنوان للبوست : هذا الرجل سيكون سببا في وحدة السودان
وكتبت في الموضوع كلمتين فقط هما : معتصم الجعيلي
وكان الفهم ان التمازج الثقافي بين كل قبائل السودان هو السبب الرئيسي للوحدة فنحن نملك الكثير من الثروات التي تدعو للوحدة والتقدم واولها الغناء والفنون الشعبية
مودتي
|
Post: #8
Title: Re: ما بحِلها ..إلا الغُنا .. والرقيييص
Author: هاشم أحمد خلف الله
Date: 01-26-2008, 10:28 AM
Parent: #6
ابوبكر يا نقي الدواخل والله اصدق تعبير
الثقافة بكافة الوانها هي الحل الوحيد
لمشاكل السودان الكتيرة ومسيخة دي .
يلا كون ليك حزب ثقافة ونحنا معاك علي
طول الخط .
|
Post: #7
Title: Re: ما بحِلها ..إلا الغُنا .. والرقيييص
Author: أبي بكر سيد احمد
Date: 01-26-2008, 10:25 AM
Parent: #1
اخي عادل عثمان ...
بعضهم يقول : الفنون مقياس تحضر الشعوب (مرآة الأمم).. وبعضهم يقول ان الفنون وحدهاهي القادرة
على إسقاط الشموليات ..
وكلتا المقولتين تؤكد ..أن الفنون .. والحراك الثقافي من اهم ميكانيزمات التغيير
والتأثير..وإعادة إنتاج المجتمعات ...
وأقول يا يا اخي عادل بأن السلطة ( القابضة) - التي ظللنا نرزح تحت وطأتها 19 عاماً - إذا ما
أدركت ان خلاصهامن مشكلة دارفور ..وجنوب السودان ..والشرق ... و.... لا يتأتى إلا بالغنا
والرقيص.. فبدلاً من استخدام السلاح لفض الحفلات .... ثق يا عزيزي بانها ستفرض ضرائب
باهظه ... ,,وعقوبات رادعة...على كل من لا يستطيع الغنا والرقيييص .
إنه عنق الزجاجة يا صديقي
|
Post: #9
Title: Re: ما بحِلها ..إلا الغُنا .. والرقيييص
Author: أبي بكر سيد احمد
Date: 01-26-2008, 11:01 AM
Parent: #1
العزيز ...ناذر
تسلم يا عزيزي على تأكيد الفكرة
مافي داعي للأسف ..والإعتزار ... وبنتلاقى قريب ..... إن شاء الله
|
Post: #10
Title: Re: ما بحِلها ..إلا الغُنا .. والرقيييص
Author: أبي بكر سيد احمد
Date: 01-26-2008, 01:20 PM
Parent: #1
العزيزه دينا خالد
نتمنى يجي اليوم ال(تتفكفك ) فيه البلد من همومها .. وحصارات اهلها ..وارضها
...... ونتفكفك فية كلنا .... بالبهجه والأفراح .. وبالأحلام ..
في فضا فالك يا أنسان نسمه تقولك بالإمكان ...ابدع واحسن مما كان
شكراً.... دينا....
|
Post: #11
Title: Re: ما بحِلها ..إلا الغُنا .. والرقيييص
Author: مجدي عبدالرحيم فضل
Date: 01-26-2008, 01:33 PM
Parent: #10
أخي الحبيب أبوبكر سيد أحمد
| Quote: ما بحِلها ..إلا الغُنا .. والرقيييص |
هذة حقيقة واقعه وتدخل فيها الأنصهار يعني التزاوج بين الثقافات دي بتخلق الفرح والغناء والرقص علي ثقافات الآخرين
وتمازجها تعطي السَحنه الزنجية الجميلة بالون الأبنوس ورقة البا باي دمت ياأخي الحبيب .
،،،،أبوقصى،،،،
|
Post: #12
Title: Re: ما بحِلها ..إلا الغُنا .. والرقيييص
Author: mohanad haimoura
Date: 01-26-2008, 01:50 PM
Parent: #11
هاهاهاهاهاهاهاهاها
| Quote: ياااااااااكريم عد الى خطك ،، الكتابة بالحيمور دى حقت عماد ، |
حلوهيا دينا
|
Post: #13
Title: Re: ما بحِلها ..إلا الغُنا .. والرقيييص
Author: Tumadir
Date: 01-26-2008, 02:02 PM
Parent: #1
قلنا ليكم لكن كلام القصير ما بتسمع ...
ان شا الله كلام الطويل برضو يتسمع 
أقروا القصة المتوسطة دى ...
وقد ذكرت هذا البوست فى ردى على استاذة الاجيال سعاد ابراهيم أحمد
قصة متوسطة ...
|
Post: #14
Title: Re: ما بحِلها ..إلا الغُنا .. والرقيييص
Author: أبي بكر سيد احمد
Date: 01-26-2008, 02:37 PM
Parent: #1
عزيزي المنطقي جداً حيدر قاسم :
صدقت يا اخي ... في الوقت اللي بيتبارى فيه كبار منتجي الفنون لنيل الجوائز العالمية ....
الأوسكار& كان& المايك الذهبي& قرطاج &..... وعيييييك
لسة المفكرين عندنا بيتسائلوا.... هل الفن حلال ام حرام..؟؟؟؟ .....
عموماً المجهود التوعوي المفروض ..كبييير ...
وربنا ياخد بيد الفنانين بمختلف ضروب الإبداع
تسلم كتيير..
|
Post: #15
Title: Re: ما بحِلها ..إلا الغُنا .. والرقيييص
Author: أبي بكر سيد احمد
Date: 01-26-2008, 04:36 PM
Parent: #1
ودا رأينا برضو يا جمال السنوسي .. يا صديقي
عتبة: مالك حارمنا مسيجاتك عبر الماسينجر
تسلم يا عزيز
|
Post: #16
Title: Re: ما بحِلها ..إلا الغُنا .. والرقيييص
Author: أبي بكر سيد احمد
Date: 01-27-2008, 10:58 AM
Parent: #1
صديقي الودود هاشم ..
سلامات شديد ..
من المؤكد ان تداول السلطة الإجتماعية بواسطة الفنانين حتكون نتيجتة مختلفة .. ومدهشة
ويا ريت انت التتبنى المؤسسة المجتمعية الأقترحتها ... ونحنا وقلوبنا ... حنكون واقفين معاك (الف احمر )
تسلم ... وتسلم ايامك
::: صورة بروفايلك الجديدة ..خطييره
|
Post: #17
Title: Re: ما بحِلها ..إلا الغُنا .. والرقيييص
Author: أبي بكر سيد احمد
Date: 01-27-2008, 01:29 PM
Parent: #1
العزيز مجدي ..
مؤكد .... ان الأمة التي تحترم فنونها ... بالضروره ..تحترم وجودها ..
والتمازج الذي ذكرته ...لن يتاتي إلا بعد ان تلعب الفنون دورها الكامل في ترقية الوعي الشعبي
شكراً يا سيدي على الإثراء ...
ودمت
|
Post: #18
Title: Re: ما بحِلها ..إلا الغُنا .. والرقيييص
Author: أبي بكر سيد احمد
Date: 01-27-2008, 01:31 PM
Parent: #1
الرائعة تماضر ...
مليون سلام يا مبدعة ..
وكتيييير قُبالِك . وقُبالِي ...قالوا الكلام ده ... ما في حل للمشكل بمعزل عن الثقافة
لكن هو البفهم منو....؟؟؟؟
شكراً جميلاً على مرورك
|
Post: #19
Title: Re: ما بحِلها ..إلا الغُنا .. والرقيييص
Author: أبي بكر سيد احمد
Date: 01-28-2008, 09:47 AM
Parent: #1
قصة قصيرة جداً وحقيقية جداً:-
في عهد الرئيس جعفر محمد نميري ... وبعد المحاولة الإنقلابية لهاشم العطا ...
تم إعتقال الموسيقار محمد وردي ... فطلب وردي من العسس السماح له باستجلاب آلته الموسيقية
(العود) ليؤنس بها وحدته داخل الحبس ... فأخبر رئيس الحرس قائده والذي اخبر- بدوره -الريس
نميري ... فقال لهم النميري : (انتو مجانين ... تجيبو لوردي السلاح البيحاربني بيهو .... ؟؟؟)
شفت كيف.........
|
Post: #20
Title: Re: ما بحِلها ..إلا الغُنا .. والرقيييص
Author: معتصم دفع الله
Date: 01-28-2008, 10:28 AM
Parent: #1
إنسجام الشعوب يأتي من فنونها ..
تحياتي أخي أبوبكر ..
فعلاُ تبادل الفنون والثقافات مدخل للتعايش والسلام والسودان محتاج لنشر ثقافاته لتحقيق ذلك وهذا دور الباحثين والفنانين والوطنيين كذلك ..
تقديري ..
|
Post: #21
Title: Re: ما بحِلها ..إلا الغُنا .. والرقيييص
Author: sama7
Date: 01-28-2008, 10:37 AM
Parent: #1
سلام للجميع
أبوبكر:
مرة زمان قلنا الكلام ده وكان فى تمويل ضخم يدعم المشروع دا (مشروع السلام بحلة جديدة) ونظرة شبابية بحتة
ضحكوا علينا وكان ردهم (انتو جنيتو وللا شنو* دايرين تجيبو لينا الهوا, منو أصلا حيسمع وللا يهتم)
ليه ما نستفيد من تجربة Bob Marley????
مودتى
سماح
|
Post: #22
Title: Re: ما بحِلها ..إلا الغُنا .. والرقيييص
Author: أبي بكر سيد احمد
Date: 01-28-2008, 03:25 PM
Parent: #1
العزيزة سماح ...
كل المشاريع المقترحة لم ... ولن... تجد حقها من التنفيذ من قبل المؤسسات الرسمية
محتاجين لمؤسسات مدنية .. وإلا (فالرماد كال حماد )....
وحتي الباقي من منظومتنا القيمية حا يروح ساكت....
تسلمي ...
|
Post: #23
Title: Re: ما بحِلها ..إلا الغُنا .. والرقيييص
Author: أبي بكر سيد احمد
Date: 01-29-2008, 01:01 PM
Parent: #1
العزيز معتصم دفع الله :
لك التحايا العطرات ..
ما بتتخيل معاي ... انو نحنا محتاجين لمزج وصهر الثقافات السودانية مع بعضهاالبعض أولاً...قبال ما نسعى لنشر الثقافات السودانية خارجيا ...؟؟
تسلم... يا صديق
|
|