Post: #1
Title: السودان يعمل بالمشاهرة .... مرحب بي
Author: Azzam Taha
Date: 01-25-2008, 06:15 PM
Parent: #0
أرجو ممن عنده صلة او معرفه او اي طريقة لتسجيل السودان في موسوعة غينس للارقام القياسية أن يسجل هذا البلد الامين (الامين دي جاينها ) في هذة الموسوعة لانه البلد الوحيد في العالم الذي تتجاوز اعمار كل من يؤثر علي أي من مفاصله عمر المعاش (60 سنة) و يلا نبدا التعداد :
الساسيون:
[الصادق المهدي
محمد ابراهيم نقد
فليب غبوش
الترابي
منصور خالد
محمد عثمان الميرغني
علي محمود حسنين
الشيخ أبوزيد (هسع يقولو ليك نحن ما معاهم)
الكورة: كمال شداد
الفنانين:
وردي
عثمان حسين
الاعلام:
علي شمو
محجوب محمد صالح
: الشعراء :
سيف الدسوقي
الفيتوري
مصطفي سند
الرواية:
الطيب صالح
تموا الباقي
اها نجي لي كلمة الامين
لمل الواحد يكون لاعب حريق ويتمسك بالاربعطاشر بقولو عليهو امين . اها نحنا الاربعطاشر ديل مقبوضين بيهم طوالي
يعني يا شباب حارقين حارقين
نسيت ما رحبت بي: مرحب بي
|
Post: #2
Title: Re: السودان يعمل بالمشاهرة .... مرحب بي
Author: امير عوض الجمري
Date: 01-25-2008, 06:36 PM
Parent: #1
حبابك الف يا عزام طه
وياخوي انت جاي قالب باكوورد عدييييل مش شايت ضفاري زي ما بقولوا
لكن منطقييييييييييييييي!!
زمان انا فتحت لي بوست سميتو : ليه نحن حاجاتنا كلها يا حليل زمان .
وطالبت فيهو يدو الشباب فرصة للابتكار والابداع بدل ما يحبطوهم ..
وفيهم من ايدني واكثرهم من قال : يـــــــــــــا حلــــــيل زمــــــــــــــــــان
مرحب بيك تاني
|
Post: #3
Title: Re: السودان يعمل بالمشاهرة .... مرحب بي
Author: Azzam Taha
Date: 01-25-2008, 06:55 PM
Parent: #1
الاخ أمير
والله انحنا ذاتو بقينا نقول يا حليل أيام زمان
|
Post: #4
Title: Re: السودان يعمل بالمشاهرة .... مرحب بي
Author: ناذر محمد الخليفة
Date: 01-25-2008, 09:04 PM
Parent: #1
عزام طه ..
بي بوستك الاول دا ..
إنت زولي عدييييييييييييييييييييييييييييييل كدة .!!
مرحب بيك كتير ,,,
صنفرة :
أخوك ناذر خليفة من جيل (ليس الفتى من يقول كان أبي ..) !!
|
Post: #5
Title: Re: السودان يعمل بالمشاهرة .... مرحب بي
Author: heba Elmahi
Date: 01-26-2008, 05:00 AM
Parent: #1
لكن لقيتك خطييير يا دفعة !!
بس والله كلامك صاح و في محلو بلد نايمة علي نجاحات ناس زمان ، الاستاذ في المدرسة يا كافي البلاء يكون درسك و درس والدك وعمك و خالك !! لكن يا جماعة الحاصل دا مننا نحنا و لامن ناس زمان ? و لا من البلد في حد زاااتها و ظروفها الصعبة الضاغطة الناس ? والله انا ما عارفة بالضبط لكن في شباب كتار شقوا طريقهم و نجحوا في مجالات مختلفة مثل الفن و السياسة و العلاقات الخارجية و الاقتصاد كمستثمرين و اصحاب شركات و هلم جرا بس بعضهم سلكوا لهذا النجاح طرق مشروعة و بعضهم أو اكثرهم سلكوا طرق غير مشروعة اخفها الواسطة !!
|
Post: #6
Title: Re: السودان يعمل بالمشاهرة .... مرحب بي
Author: hajhamad
Date: 01-26-2008, 06:27 AM
Parent: #5
مرحبا بك..ياخي انت لاعب خطير نازل مخمس و قافل يعني نمسك الخشب و نتوقع كاتب ما ساهل...
من الاسم أعتقد أنك شقيق الأخوان هشام و حسام المجمر ، و الله ما كده؟ تحياتي و مرحبا بك مرة أخرى.
|
Post: #7
Title: Re: السودان يعمل بالمشاهرة .... مرحب بي
Author: Azzam Taha
Date: 01-26-2008, 08:53 AM
Parent: #1
ألأحبه
ناذر
هبه
حاج حامد
ياخ مرحب بيكم انتو
ياهو انا ذاتي اخوهم
|
Post: #8
Title: Re: السودان يعمل بالمشاهرة .... مرحب بي
Author: Azzam Taha
Date: 01-26-2008, 08:16 PM
Parent: #1
ياخوانا الحاصل شنو قبال ما نجي شايفين عتالة يرفعو بي هنا و ينزلو بي هناك
شي الاخ
وشي الشفيف
وشي العالم
وشي الرهيف
و شي الوريف
و شي الدكتور
وشي يا هندسة
و شي يا شيخنا
و شي يا حبيبنا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يا كافي البلا اخواني ما عتلو قاعدين فوق راي ولا راجين الهداي
|
Post: #9
Title: Re: السودان يعمل بالمشاهرة .... مرحب بي
Author: Aymen Tabir
Date: 01-26-2008, 08:29 PM
Parent: #8
عزام طه المجمر ..شخصيا
اهلا بيك وسلامات يا دفعه
والله ليك وحشه
ويا (حليل ايام زمان)!!
اهلا بيك هنا مدد ويلا شمر وابقى داخل
ايمن السر
|
Post: #10
Title: Re: السودان يعمل بالمشاهرة .... مرحب بي
Author: Siham Elmugammar
Date: 01-27-2008, 07:45 AM
Parent: #9
الاخ
الشفيف
العالم
الرهيف
الوريف
الدكتور
يا هندسة
يا شيخنا
يا حبيبنا
محمد طه اها دى فتحة خشم ورفع للبوست خوه كده
لمن اجيك راجعه
باقى انت نازل بموضوعين حارين
|
Post: #11
Title: Re: السودان يعمل بالمشاهرة .... مرحب بي
Author: Azzam Taha
Date: 01-27-2008, 08:42 AM
Parent: #1
ألاحبه
ايمن السر
سهام
عسي نقدر نساهم
|
Post: #12
Title: Re: السودان يعمل بالمشاهرة .... مرحب بي
Author: Siham Elmugammar
Date: 01-27-2008, 09:44 AM
Parent: #11
"الكنكشه"
Quote:
20-05-2007, 10:01 ص
رئيس الجمهوريه السودانى قاعد فى الكرسى و ماعايز يتحتح منو شبر
الوزير السودانى قاعد فى الكرسى و ماعايز يتحتح منو شبر
المدير السودانى قاعد فى الكرسى و ماعايز يتحتح منو شبر
رئيس الحزب السودانى قاعد فى الكرسى و ماعايز يتحتح منو شبر
رئيس التحرير السودانى قاعد فى الكرسى و ماعايز يتحتح منو شبر
بواب المستشفى قاعد فى الكرسى و ماعايز يتحتح منو شبر
و القائمه تطول
قصة الكنكشه دى شنو؟؟؟
زمان قبل سنين طويله يعنى ذى قبل 22 سنه كده كان فى نقاش سياسى ما بين اخوى الكبير عصام و الوالد رحمة الله عليه و الوالده ..فى تص النقاش كده قام عصام قال ليهم: اقول ليكم حاجه البلد ما بتنفع و لا بتمشى لقدام لو ما الناس المشلخين ديل انقرضوا.... طبعا عصام هنا كان بيعنى الناس المكنكشين على مواقع صناعة القرار مشلخين او غير مشلخين... و نسى انو المناقشين الاتنين كانو مشلخين المهم القصه فى بيتنا اتحولت لنكته و مكاوه
لكن انا كل ما اشوف الحاصل فى بلدنا ده اقول عصام "قالها كلمه" فعلا انا اعتقد ان عصام كان من اوائل من لمسو عمق مأساتنا السياسيه والاجتماعيه فى السودان... الغريبه انو عمرو ما كان ناشط سياسى و عنده رأى فى القصه دى !!.... و اغرب حاجه تانيه انو لما يتناقش معاك فى حدث حديث بتحس انو رأيه غريب و طوالى تتخندق معارضه و تمر الايام لتكتشف كم كان على حق!!...
المهم ...
الجميع مكنكش
السودانى ما بيصدق يقعد ليهو فى كرسى
ما عارفة القصه دى شنو يمكن الجيل القديم ده قعد فى البنابر لما فتر وما صدق يلقى ليهو كرسى يسند فيهو ضهره
و بعدين يقوم يجيب اهله و عشيرته و اصحابه و ود خاله اخت مرته و ود جد ابو اهله عشان ينسندوا فى الكراسى الحوله...
و الكل يتحدث عن حرصه على نقل خبراتو للاجيال الصاعده
والتى بحكم الكنكشه كتب لها الا تصعد ابدا |
ترا كلامك ده يا محمد ما ياهو عن الكنكشه دى؟؟؟
بالله عليك الله ما ملاحظ انو القصه دى ممغسانا من كبيرنا لصغيرنا
|
Post: #13
Title: Re: السودان يعمل بالمشاهرة .... مرحب بي
Author: شهاب الفاتح عثمان
Date: 01-27-2008, 11:05 AM
Parent: #1
سلام يا غــالي ..
و اه لبلاد تسيــرمن متحف التاريخ..
د شهاب الفاتح .
مـاليزيا _ كـوالالمـبور
|
Post: #14
Title: Re: السودان يعمل بالمشاهرة .... مرحب بي
Author: Siham Elmugammar
Date: 01-28-2008, 07:29 AM
Parent: #13
يا ولد مشيت وين؟؟!!
|
Post: #15
Title: Re: السودان يعمل بالمشاهرة .... مرحب بي
Author: Azzam Taha
Date: 01-28-2008, 10:55 AM
Parent: #1
و الله انا ذاتي ما عارف مشيت وين مع شداد دا
ياخ دا ما خلانا نتم بوستينا
اتمني من الدكتور مصطفي محمود ان يضيف اسمو للدعاء بتاعو
د. شهاب الفاتح
سلام وتحايا
|
Post: #16
Title: Re: السودان يعمل بالمشاهرة .... مرحب بي
Author: اسعد الريفى
Date: 01-28-2008, 11:51 AM
Parent: #1
عزام .. الجميل
محمد كيفك
والله و الله منور
شداد و مذيعة و لا بطيخ
المهم مشتاقين
و انشالله كويسين و مالك زايغ من ناس فلان صغار و الا كدا ..
ما كلهم فى سن الراحة و (الاستلهام ) الاستلهام دى جديدة ..
لانو سنة 1989 كانو بين ال 45 و ال50 زيد عليه طاشر سنة يبقوا كم
و بالمختصر المفيد ..
ديل الخالدين زاتهم ..
و مش بنقول الزعيم الخالد .. القائد ..
و يا حليل ماو تسى تونغ و كيم ايل سونغ .. ماتوا صغار !!
|
Post: #17
Title: Re: السودان يعمل بالمشاهرة .... مرحب بي
Author: هشام المجمر
Date: 01-28-2008, 12:04 PM
Parent: #1
يا محمد طه
والله اهو الفضل
الجابك بى جاى شنو
كمان بدون اذن
والله مرقت من يدنا عديل
غايتو
نقول شنو
مرحب بيك معانا فى البورد
اها انا قلت كويس سجلت بعزام طه عشان ما يسحرونا
لكن ناس البورد ديل نقاشين جنس نقشى
اها يا بكرى بعد كده نحن عندنا الشير الاكبر فى البورد ده
عشان كده رئيس مجلس الادارة لازم يكون من إندينا
طلب عادل مش كده؟
|
Post: #19
Title: Re: السودان يعمل بالمشاهرة .... مرحب بي
Author: Siham Elmugammar
Date: 01-28-2008, 12:45 PM
Parent: #17
هشام مشتاقون والله
هو محمد ده مرق من اليد الليله و الا امبارح ؟؟ اسكت خليها ساكت هو عاد جنس استلام
Quote: اها انا قلت كويس سجلت بعزام طه عشان ما يسحرونا
لكن ناس البورد ديل نقاشين جنس نقشى |
بس الله كان كفانا عصام جبرالله ما دايرين شى!!!
اما قصة جلس الاداره افتكر انا اولى من اى مجمرابى فيكم لانى اول زول فا البورد ده!!
وما تعمل لى فيها انت الكبير
ياوريف..يا باشمهندس..يا دكتور..والى اخره
اها الوريف التانى اسعد
ياخوى اخوانك ديل ناكرينو تب
بامناسبه الوريف جنى وين لسه ماجا مرحب
|
Post: #18
Title: Re: السودان يعمل بالمشاهرة .... مرحب بي
Author: Azzam Taha
Date: 01-28-2008, 12:43 PM
Parent: #1
اسعد يا سلام
طبعاً كل يوم بشوفك (عمك علي بتاع الفول الخطير رحل في ناصية شارعكم)
يا هاش
دا اوف سايد الحكم ما شافو
|
|