Post: #1
Title: خبر عاجل : تحليق مقاتلات سودانية فوق سماء حلايب ..
Author: خالد الطيب أحمد
Date: 01-25-2008, 02:59 AM
بثت قناة العربية في أثناء برنامجها العادي قبل ساعة خبر عاجل باللون الأحمر مفاده هو : تحليق سرب من المقاتلات السودانية من طراز ميج فوق سماء حلايب , و قبل قليل تحدث وزير الدفاع السوداني مع العربية من داخل القيادة العامة وذكر أن حلايب وشلاتين أراضي سودانية, وأن ما يقوم به سلاح الطيران من طلعات جوية هي في داخل الأراضي السودانية, وليست المصرية!
وأوضح أيضا أن أوامر عليا قد صدرت , وعلي أثرها تحرك أيضا عدد 2 لواء مشاة وهم حاليا داخل المدينة..والأمر برمته في سبيل الحفاظ علي الأمن القومي السوداني والأراضي السودانية.
سأله المذيع : ماذا لو حدث إششتباك بينكم وبين القوات المصرية المتواجدة داخل المنطقة؟
أجاب الوزير: الهدف هو تمشيط أراضي سودانية, وإذا حدث ما ذكرت فالقوات المسلحة السودانية مستعدة لتلبية نداء الواجب والزود عن أراضيها..
قاطعه المذيع: يا سيادة الوزير ,هل أنتم مستعدون لخوض حرب مع مصر وفتح جبهة جديدة مع جبهاتكم الداخلية,خصوصا وأن مصر مسيطرة علي المنطقة؟
فأجاب: المنطقة سودانية ولدينا ما يؤكد ذلك , وإذا إضطر الأمر لخوض حرب فسنخوضها ونحن مجبرين عليها.لكن نتمني من مصر أن تستمع لصوت العقل فحلايب وشلاتين أراضي سودانية..
المذيع : شكرا يا....
وصحيت ...وأكملت العبارة يا سعادة الحلم
ــــــــــــــــــــــــــ
لعنة الله علي الطيران الحربي ..فهو طيران حربي متخصص في الأراضي والمواطنين السودانيين..الجنوب ودارفور وما معروف الدور الجاي علي منو؟؟؟
أسد علي وفي الحروب نعامة..!
|
Post: #2
Title: Re: خبر عاجل : تحليق مقاتلات سودانية فوق سماء حلايب ..
Author: Tragie Mustafa
Date: 01-25-2008, 03:22 AM
Parent: #1
Quote: أسد علي وفي الحروب نعامة..!
|
فعلا يا خالد.
Quote:
لعنة الله علي الطيران الحربي ..فهو طيران حربي متخصص في الأراضي والمواطنين السودانيين..الجنوب ودارفور وما معروف الدور الجاي علي منو؟؟؟
|
ويجبن من ان يحلق فوق اراضي سودانيه محتله!!
لم يبقى لنا سوى احلام اليقظة يا خالد.
|
Post: #3
Title: Re: خبر عاجل : تحليق مقاتلات سودانية فوق سماء حلايب ..
Author: خالد الطيب أحمد
Date: 01-25-2008, 03:54 AM
Parent: #2
تراجي ...سلام..
أحلامنا دي ذاتها يا تراجي لو عندهم إمكانية كانوا أعدموها زمان!
ولو المجرمين ديل عملوا الخطوة دي وحولوا طائرات محرقة دارفور وحلقوا بيها فوق السد العالي..المصريين ديل كان طلعوا جري من حلايب..
ياتراجي..
للأسف شاهدت آخر برنامج البيت الحزين) الليلة وكان فيه د.معاوية شداد من جمعية البيئة
ووزير البيئة..
وكان فيه موضوع مهم جدا عن تفريق شحنة باخرة كلها بقايا نفايات بشرية في ميناء بورتسودان جاية من اليونان وتم دفنها في طوكر..تخيلي!!
يا ريت لو عندك معلومة تديني ليها عن الموضوع..
والله ما لحقت أحضرو..
والوزير ناكر الموضوع تماما..
شوفي كوارث ناس طوكر كمان ..زيادة علي الهم فيهو ..زيادة خير!!!
|
Post: #4
Title: Re: خبر عاجل : تحليق مقاتلات سودانية فوق سماء حلايب ..
Author: خالد الطيب أحمد
Date: 01-25-2008, 04:57 AM
Parent: #3
لمزيد من الامل...
|
Post: #5
Title: Re: خبر عاجل : تحليق مقاتلات سودانية فوق سماء حلايب ..
Author: خالد الطيب أحمد
Date: 01-26-2008, 03:20 AM
Parent: #4
...
|
Post: #6
Title: Re: خبر عاجل : تحليق مقاتلات سودانية فوق سماء حلايب ..
Author: Abureesh
Date: 01-26-2008, 06:13 AM
Parent: #5
الحمـد لله أنى كملت قراية حلمتك دى، قبل ما أرسل برقيـة فى تأييـد الإنقاذ والإستعداد
للإنضمام للدفاع الشعبى!
|
Post: #7
Title: Re: خبر عاجل : تحليق مقاتلات سودانية فوق سماء حلايب ..
Author: gamal elsadig
Date: 01-26-2008, 06:39 AM
Parent: #6
.
خالد
لك السلام ...
الظاهر عليك اتعشيت تقيل ..
عشان ماتحلم مثل هذه الاحلام المزعجة والكوابيس لازم (تنام خفيف)
حلايب سودانية تحت إدارة مصريةالان؟؟ ...
شعبي البلدين الشقيقين لايمكن ان يسمحوا بقيام حرب بينهماحتى في الاحلام؟
عاشت وحدة وداي نيل وكفى ..
.
|
|