Post: #1
Title: *** العسكرى الفراق ... جريمة بشعه ضحيتها طالب برىء***
Author: soma
Date: 01-24-2008, 08:06 PM
Parent: #0
العسكرى الفراق
حادثة مؤسفه فى ركن آخر من بلادى الجريحة
مرتكبها احد عصابة النظام الدموى الظالم
من هؤلاء الجهلة الرعاع الذين يسمونهم رجال الامن ..
وهم فى الحقيقة رجال زعزعةالامن وزرع الخوف والرعب فى قلوب اهلنا البسطاء
ضحيتها طالب فى ريعان شبابة ..يبلغ من العمر ال 23 ربيعا
حصلت الحادثة المؤسفة فى محافظة القطينه
فى اليوم التاسع من شهر يناير 2008 فى الساعة التاسعه مساء..
سبب القتل مشاجرة بسيطة لا تدعى باى حال من الاحوال قتل شاب برىء
كما يقتل اى حيوان على قارعة الطريق...
العسكرى مرتكب الجريمة البشعه ظبط انه كان مخمورا ويدعى (الجاك)
روى الحضور ان خلافا دار بين المجنى عليه والقاتل العسكرى
وبعد فض النزاع توجه الطالب محمد فى سبيل حاله
بعد لحظات وسط دهشة الجميع
اقدم العسكرى بضربه رميا بالرصاص فى مؤخرة راسة
من الخلف توفى على اثرها فى الحال(( ياجماعة فى غدر اكتر من كده؟؟؟)
حجة مسؤوله المباشران القاتل كان مخمورا !!!!
عجبى ...لماذا تسمح السلطات المسؤولة لهولاء المجرمين بحمل سلاح
فى اى وقت واى مكان وهم ليس فى كامل وعيهم ..
يسرحون ويمرحون امام الملأ. ويدعون انهم يحفاظون على الامن
اى نظام دكتاتورى هذا ؟؟
الاخ الزميل هشام عوض حامد فى ولاية كالفورنيا هو عم الشاب الراحل
محمد صلاح عوض حامد
روى لى ما حدث قبل قليل بقلب معصور الم.
الشهيد محمد اكبر اخوتة ..
والده المرحوم صلاح عوض حامد
والدته واخوته كان املهم فى الله وفى تخريج محمد لمساعدة الاسرة المكلومة
درس الشهيد التدريب المهنى الفنى فى القطينه الفنية
كان ينوى مواصلة تعليمه العالى ..
خلص الخدمة الالزامية نهاية العام 2007
سوف اوافيكم بتفاصيل ادق بعد وصول الاخ هشام للسودان
ومعرفة ادق التفاصيل عن هذة الجريمة التى تقشعر لهاالابدان
اخوتى الاعزاء عدة اسئلة تدور فى خيال اى انسان
بعد قرآءة تلك الاحداث المحزنة..
*الى اين يقودنا هذا النظام التعسفى ؟؟
*ماهو مصير اهلنا الغلابة وسط عديمى الضمير والانسانية ؟
*من سيدفع ثمن هذه الجرائم التى كنا نسمع بها فى بلدان الغرب ؟؟
*مثل الشهيد محمد مئات بل الوف
لم نعرف او نسمع عنهم مع التعتيم الاعلامى وما خفى اعظم
الرحمه الواسعه للشاب محمد .. نسال الله ان يعوض شبابه الجنة
الصبر وحسن العزاء لاسرته المكلومة
القصاص القصاص القصاص من القاتل المجرم
تعازينا الحارة اخ هشام
انا لله وانا اليه راجعون
حسبى الله ونعم الوكيل
لك الله يا بلدى
اسماء الجنيد / مسقط
|
Post: #2
Title: Re: *** العسكرى الفراق ... جريمة بشعه ضحيتها طالب برىء***
Author: هاشم أحمد خلف الله
Date: 01-24-2008, 08:17 PM
حسبنا الله ونعم الوكيل معقول الكلام ده يا سوما ؟؟؟
معقول البيحصل ده في السودان ؟؟ عسكري وسكران
وقاتل ماجور بدون قلب وبدون إيمان ؟؟؟؟؟
نحنا ماشين وين ولا البلد ماشة بينا وين ؟؟؟
اللهم ارحمه واسكنه فسيح جناتك
لابد من محاكمة لهذا العسكري المتخلف ذهنياً.
والله غلبني الكلام عديل كده ؟؟
|
Post: #3
Title: Re: *** العسكرى الفراق ... جريمة بشعه ضحيتها طالب برىء***
Author: amir jabir
Date: 01-24-2008, 08:17 PM
Quote: تعازينا الحارة اخ هشام
انا لله وانا اليه راجعون
حسبى الله ونعم الوكيل
لك الله يا بلدى |
؟؟؟
عحبى
|
Post: #4
Title: Re: *** العسكرى الفراق ... جريمة بشعه ضحيتها طالب برىء***
Author: soma
Date: 01-24-2008, 08:35 PM
Parent: #3
الاخ هاشم لك التحية والتقدير
والله شىء جدا مؤسف
لكن ده الحصل وبحصل كل يوم
الناس المساكين الهناك ذنبهم شنو ؟
الخوف بعد الاعترافات دى كلها يخارجوا من القضية
زى الشعرة من العجين
وده الشىء المتوقع ..
والاهم وادهى من ده كلو انه غيره كتاااااااار
مالين البلد بى بره
يعنى لو قتلوه ولا حبسوه الحايمين غيره اكتر
ليهم الله اهلنا
حسبى الله ونعم الوكيل
شكرا اخى هاشم
***
مرحب الاخ امير جابر
وشكرا لمرورك
ربنا ينتقم من المجرمين
ويرحم الشهيد ويعوض شبابه الجنة
ويصبر اهله ان شاء الله
|
|