Post: #1
Title: وشوشني العبير
Author: ثروت سوار الدهب
Date: 01-24-2008, 08:13 AM
Parent: #0
|
Post: #2
Title: Re: وشوشني العبير
Author: محمد عثمان
Date: 01-24-2008, 08:47 AM
Parent: #1
الاخ ثروت..
حبيبتى اغرودة العذارى
و رنة الافرااح اذ غنيت
حبيبتى انيقة العطاايا
تهمى هوى اذا انا هميت
اجمل منها ما احتوى فؤادى
فالعبق صاادح ما احتويت
يد الحرير ارتعشت بكفى بكيت
بكيت من رقتها...بكيت
لا تسالونى..!كيف كان الملتقى
و كيف فى دروبها مشيت..؟
يا سلاااااام
شكرا يا اخى و ان تلوّن لنا هذا الصبااح الشتوى
بهذا اللحن الجميل..
و شوشوشنى العبير فانتشيت
سااقنى الهوى فما ابيت..!!
و صبية العطر يشتيهيها
ام مذنب انا اذا اشتهيت..
المغفرة و الرحمة لابن الشرق الشاعر المتمرد الراحل ابو امنة حامد
و التحية للفنان صااحب الصوت الجميل صلاح ابن الباادية..
يديك العاافية...
|
Post: #3
Title: Re: وشوشني العبير
Author: Hussein Mallasi
Date: 01-24-2008, 08:51 AM
Parent: #2
يا سلام عليم يا ثروت ياخي .. يا سلام.
____
عاش صلاح ابن البادية.
|
Post: #4
Title: Re: وشوشني العبير
Author: ثروت سوار الدهب
Date: 01-24-2008, 08:40 PM
Parent: #3
الأخ محمد عثمان
أشكرك على الإضافة القيمة
و رحم الله شاعرنا ابو آمنة حامد.
كلمات بهذا الدفء لا يقولها إلا ابو آمنة.
واصل يا زول يا ذواق البوست بوستك.
|
Post: #5
Title: Re: وشوشني العبير
Author: ثروت سوار الدهب
Date: 01-24-2008, 08:51 PM
Parent: #4
حسين ملاسي
اتراك مكتول في ابن البادية.
دفق المشاعر يا زول
صلاح فنان لا يكرر في زمننا بسهولة
يا مراحب و شكرا على المرور
|
Post: #7
Title: Re: وشوشني العبير
Author: Emad Abdulla
Date: 01-24-2008, 09:03 PM
Parent: #5
الله عليك يا ثروت ..
الله على الكبير الكبير ابن البادية ..
و على شيخنا الكبير أبو آمنة رحمه الله .
و شكراً لك على مساء عدلت لي مزاجه .
|
Post: #6
Title: Re: وشوشني العبير
Author: HAYDER GASIM
Date: 01-24-2008, 09:00 PM
Parent: #4
لا بقى ... هنا فى رقة وعذوبة لا يشبهوك,
فالحاصل شنو يا ثروت ... والسياسة مالا؟
وإن شاء تجي دينا خالد تتم الباقي.
أخيرا ... قدرت تلم فى شعر يميني وفنان
يميني ومتداخل يميني { ملاسي ... عدييييل كده }
ده نكتها من وييين ... إنصر دينك, وكمان لو عقبت
لينا بي ليلة السبت تكون بالغت .
شكرا ... الأسد ... وعطر الله أزمانك.
... مودتي
|
Post: #8
Title: Re: وشوشني العبير
Author: ناذر محمد الخليفة
Date: 01-24-2008, 09:38 PM
Parent: #1
عليك يا ثروت ..
أطربتني والله في السقط دا !!
رايك شنو (بمناسبة الوشوشة) تسمع للزول دا (في السقط دا) :
متعة ما بعدها متعة ...
|
Post: #9
Title: Re: وشوشني العبير
Author: رأفت ميلاد
Date: 01-24-2008, 10:13 PM
Parent: #8
يسعد يومك يا ثروت
|
Post: #12
Title: Re: وشوشني العبير
Author: عبدالكريم الامين احمد
Date: 01-24-2008, 10:26 PM
Parent: #9
تااااني ثروت
يا رجل انت تمارس فينا الاحتراق في حضرة الوشوشة
وشوشة العبير
كل التحية والود
وشكرا علي هذا اللحن العجيب
|
Post: #10
Title: Re: وشوشني العبير
Author: ثروت سوار الدهب
Date: 01-24-2008, 10:17 PM
Parent: #8
Quote: الله عليك يا ثروت ..
الله على الكبير الكبير ابن البادية ..
و على شيخنا الكبير أبو آمنة رحمه الله .
و شكراً لك على مساء عدلت لي مزاجه . |
مرحب يا عماد
جعل الله امسياتك كلها رايقة و مزاجك معدول بنغم.
تعرف
على الطلاق اي زول يسمع صلاح بن البادية و ما ينطرب يمشى يكشف طوالى دا زول داير علاج.
{التعبير ماخوذ من احد الاخوان بالمنبر في بوست عن الراحل بادي}
تشكر
و صلاح كبير كبير فعلا.
|
Post: #11
Title: Re: وشوشني العبير
Author: ناذر محمد الخليفة
Date: 01-24-2008, 10:22 PM
Parent: #1
Quote: على الطلاق اي زول يسمع صلاح بن البادية و ما ينطرب يمشى يكشف طوالى دا زول داير علاج.
|
بس بدون حلف الطلاق !!
|
Post: #13
Title: Re: وشوشني العبير
Author: Tragie Mustafa
Date: 01-24-2008, 10:38 PM
Parent: #11
اها قمنا في كسر السياسين كمان؟؟؟ 
يا آمونه تعالي راجعه شوفي كسر ثروت؟؟؟
| Quote: على الطلاق اي زول يسمع صلاح بن البادية و ما ينطرب يمشى يكشف طوالى دا زول داير علاج. |
يازول انا ابن الباديه ده بس بحب ليه ليلة السبت اها شوف لي دكتور من حسه
يا جماعه آمونه حردانه بكري حذف ليها بوست
|
Post: #14
Title: Re: وشوشني العبير
Author: ثروت سوار الدهب
Date: 01-24-2008, 11:16 PM
Parent: #13
Quote: لا بقى ... هنا فى رقة وعذوبة لا يشبهوك,
فالحاصل شنو يا ثروت ... والسياسة مالا؟
وإن شاء تجي دينا خالد تتم الباقي.
أخيرا ... قدرت تلم فى شعر يميني وفنان
يميني ومتداخل يميني { ملاسي ... عدييييل كده }
ده نكتها من وييين ... إنصر دينك, وكمان لو عقبت
لينا بي ليلة السبت تكون بالغت . |
يا راجل انت فاضحني مالك محل ما تمش.
منو قال ليك ما رقيق و بتاع عذوبة؟
انت قاليني انا عادل عبد العاطي
في حقيقة افسدني عادل{طبعا دي قطيعة بيني و بينك ما يصلو الكلام دا}
اسمعني
مفكر اتصل بصلاح يترشح في الانتخابات. نسبة للاجماع الحاصل هنا حسين ملاسي، عماد عبدالله و عبد الكريم و من ناحية ناذر و تراجي. افتكر اجماع يؤشر بالنجاح السياسي.
رايك شنو؟
بالمناسبة
ليلة السبت تشمها قدحة.
عندي بدل تسجيل واحد تسجيلين.
بقيت كمان تحرش على الناس
جابت ليها دينا خالد.
و عارفك داير ليلة السبت ليه؟
عشان القصيدة سياسية.
انا الفضايح بعرف ليها كويس.
تسلم. استمع و استمتع و اقعد ارتاح من اوباما شوية. يطير في السما و هيلاري في كرعي.
|
Post: #15
Title: Re: وشوشني العبير
Author: ثروت سوار الدهب
Date: 01-24-2008, 11:24 PM
Parent: #14
Quote: عليك يا ثروت ..
أطربتني والله في السقط دا !!
رايك شنو (بمناسبة الوشوشة) تسمع للزول دا (في السقط دا) :
|
شكرا يا ناذر يا فنان
نحتاج الوشوشة في البرد و التلج المحاصرنا دا.
لكن الوشوشة عندك.
غنية تمام.ح استمتع بيها طوال الليل. لان الرياح هنا تزمجر و مافي اي وشوشة نسيم. و لا عبير. كتاحة جليد بس.
انشاالله منطرب و منبسط دايما.
|
Post: #16
Title: Re: وشوشني العبير
Author: ثروت سوار الدهب
Date: 01-24-2008, 11:40 PM
Parent: #15
ذو الابتسامة الجاكوندية
اسعد الله ايامك و لياليك
و وشوشك العبير كمان
سلامات يا جميل يا رافت
|
Post: #17
Title: Re: وشوشني العبير
Author: ثروت سوار الدهب
Date: 01-25-2008, 00:17 AM
Parent: #16
Quote: تااااني ثروت
يا رجل انت تمارس فينا الاحتراق في حضرة الوشوشة
وشوشة العبير
كل التحية والود
وشكرا علي هذا اللحن العجيب |
يا عبد الكريم يا اخوي يعني اتحرق براي؟
بالامس شرعت في التسلل من المنزل و في النية مقهى هادئ رواده من مختلف النحل و الثقافات.
ممنيا النفس بفنجان كبتشينو فاخر و لفافة سجريلو بالتبغ الكوبي الجيد.
اغراني دفء الجو النسبي {كانت درجة الحرارة ناقص 5 }
وعند باب الحديقة اكتشفت الكارثة. كانت الرياح شديدة و مزمجرة و لفحنى الجليد في وجهي و كانه يصفعني. و زادت نسبة البرودة طبعا عن الدرجة الحقيقية بفعل عامل الرياح، فاصبحت نقاص 15 او 20. و ثالثة الاسافي حطمت الباب الذي على ما يبدو ترك مفتوحا طوال النهار.
فعدت راجعا مكفهرا. و بفعل الزمجرة الجليدية تخالطت عندي وشوشة النسيم، فحنيت، فاشركتكم.
كدي قول لي عليك الله انا غلطان؟
تشكر يا حبيب على المرور
|
Post: #20
Title: Re: وشوشني العبير
Author: دينا خالد
Date: 01-25-2008, 01:14 AM
Parent: #17
السادة فى تحالف قوى الناخبين
من الخليج الى المحيط فى دائرة الشيخ ابو قرون !!
المرشح بتاعكم جايب لى نفسو الهوا !!!
اول حاجة بكااااااااااى ،، شبكنا بكيتو بكيتو ،،
يومداك هيلارى ساى عيونا رقرقو قامت الدنيا فى كندت ثروت
وحيدر وتراجى ولم تقعد !!
تانى حاجة بقول لا تسالونى كيف كان الملتقى ؟؟ وكيف فى دروبها مشيت؟
وكيف ........ولا ولا .الخ
دا كلام دا ؟ نسال ثروت الزهجان دا يعنى ؟ عشان يفلقنا؟
فى غموض فى برنامجو الانتخابى .. فى لولوه .. فى تعتيم
| Quote: حبيبتى انيقة العطاايا |
فى ناس بشتروها يا جدعان !!!!!!!
Quote: تهمى هوى اذا انا هميت
|
فى ميوعه ،، فى استلاب ،، فى مركز !
Quote: اجمل منها ما احتوى فؤادى
فالعبق صاادح ما احتويت |
ضعف فى المحتوى والمرجعية ،، وعدم منهج و وغياب ايديوليجى وااضح !
Quote: يد الحرير ارتعشت بكفى بكيت
بكيت من رقتها...بكيت
|
هاااااااا .. ياثروت ،، لقد انكسر الزميل ،، انكسر !
Quote: و شوشوشنى العبير فانتشيت
|
وكمان راسو خفيف ؟؟
Quote: سااقنى الهوى فما ابيت..!!
|
ودنى !!!
Quote: و صبية العطر يشتيهيها
ام مذنب انا اذا اشتهيت.. |
دا حنكو ؟؟ ما تبرير ليهو والله ..
غايتوالتحالف ما بحلكم ،، وهو تحالفكم دا ضد منو ؟؟ المؤتمر الوطنى
ذاتو فيهو 
ـــــــــــــــــ
ثروت وحيدر وملاسى تسمحوا لى اقول ليكم ذوقكم بلدى ؟؟؟ او كما قال ...
اخ خ خ خ خ ثروت ؟؟ شفت عمو دا بوظ غنية محمود عبد العزيز كييف ؟؟؟؟
حيدر قاسم ! ازيك ،،، لقيتك حراش والله .......
|
Post: #18
Title: Re: وشوشني العبير
Author: ثروت سوار الدهب
Date: 01-25-2008, 00:25 AM
Parent: #11
| Quote: بس بدون حلف الطلاق !! |
طيب خلاص ما تكلم لي المدام
|
Post: #19
Title: Re: وشوشني العبير
Author: ثروت سوار الدهب
Date: 01-25-2008, 00:40 AM
Parent: #18
Quote: اها قمنا في كسر السياسين كمان؟؟؟
يا آمونه تعالي راجعه شوفي كسر ثروت؟؟؟
Quote: على الطلاق اي زول يسمع صلاح بن البادية و ما ينطرب يمشى يكشف طوالى دا زول داير علاج.
يازول انا ابن الباديه ده بس بحب ليه ليلة السبت اها شوف لي دكتور من حسه
يا جماعه آمونه حردانه بكري حذف ليها بوست |
ايه حكاية التحريش الماشة في البلد دي
حيدر داير يفك فيني دينا خالد
و انت دايرة تجيبب لي امنة مختار. و كمان امنة مسحوب ليها بوست يعني مشوشة.
الحكاية شنو يا تراجي؟
انا ما معاكم؟
طيب ما احسن تحرشو لي بكري يطردني.
قلت ليلة سبت بس. كفاية طبعا.
لكن اعتبر نفسك في كورس العلاج الوشوشة دي الكورس الاول استعمليهو لغاية الاسبوع الجاي لو ما نفع نزيد ليك الجرعة
حكاية مسح البوستات دي يا ناس لمتين؟
كدي جيبو بكري دا هنا يسمع صلاح بن البادية دا. شوفو تاني كان مسح ليهو بوست زول. احتمال الهكر زاتو ما يمسح ليهو بوسته.
بالمناسبة
ليلة السبت مافي ليك.
لووووووووول
تسلمي
|
Post: #21
Title: Re: وشوشني العبير
Author: Tragie Mustafa
Date: 01-25-2008, 02:30 AM
Parent: #19
صباح الخير يا احلى دندونة؟؟انتو صحيتوا
يا اختي ولا بروضو ابو الكباس بسوقك للكمبيوتر؟؟
وتعال شوف دينا العسل دي يا ثروت انتهت منكم تماما بالضربة القاضيه:
Quote:
السادة فى تحالف قوى الناخبين
من الخليج الى المحيط فى دائرة الشيخ ابو قرون !!
المرشح بتاعكم جايب لى نفسو الهوا !!!
اول حاجة بكااااااااااى ،، شبكنا بكيتو بكيتو ،،
يومداك هيلارى ساى عيونا رقرقو قامت الدنيا فى كندت ثروت
وحيدر وتراجى ولم تقعد !!
تانى حاجة بقول لا تسالونى كيف كان الملتقى ؟؟ وكيف فى دروبها مشيت؟
وكيف ........ولا ولا .الخ
دا كلام دا ؟ نسال ثروت الزهجان دا يعنى ؟ عشان يفلقنا؟
فى غموض فى برنامجو الانتخابى .. فى لولوه .. فى تعتيم :
Quote: حبيبتى انيقة العطاايا
فى ناس بشتروها يا جدعان !!!!!!!D
Quote: تهمى هوى اذا انا هميت
فى ميوعه ،، فى استلاب ،، فى مركز !D
Quote: اجمل منها ما احتوى فؤادى
فالعبق صاادح ما احتويت
ضعف فى المحتوى والمرجعية ،، وعدم منهج و وغياب ايديوليجى وااضح !D
Quote: يد الحرير ارتعشت بكفى بكيت
بكيت من رقتها...بكيت
هاااااااا .. ياثروت ،، لقد انكسر الزميل ،، انكسر !D
Quote: و شوشوشنى العبير فانتشيت
وكمان راسو خفيف ؟؟ D
Quote: سااقنى الهوى فما ابيت..!!
ودنى !!!D
Quote: و صبية العطر يشتيهيها
ام مذنب انا اذا اشتهيت..
دا حنكو ؟؟ ما تبرير ليهو والله .. D
غايتوالتحالف ما بحلكم ،، وهو تحالفكم دا ضد منو ؟؟ المؤتمر الوطنى
ذاتو فيهو
ـــــــــــــــــ
ثروت وحيدر وملاسى تسمحوا لى اقول ليكم ذوقكم بلدى ؟؟؟D او كما قال ...
اخ خ خ خ خ ثروت ؟؟ شفت عمو دا بوظ غنية محمود عبد العزيز كييف ؟؟؟؟
حيدر قاسم ! ازيك ،،، لقيتك حراش والله .......
|
غيتو يا دينا انتهيتي منهم
قلنا لهم كوامر ما صدقونا.D
وانت اعسل زول بالمنبر ده يا دينا.
|
Post: #22
Title: Re: وشوشني العبير
Author: HAYDER GASIM
Date: 01-25-2008, 05:28 AM
Parent: #21
دندونة ... الما إعتيادية ... تسلمي,
وشوش العبير ... فحلت بيننا دينا ... فيا مرحا.
| Quote: ضعف فى المحتوى والمرجعية ،، وعدم منهج و وغياب ايديوليجى وااضح ! |
Wow ... ده كلام كبار وشعرا ما عندي ليهو رقبة ... لكن ظنيتو ثروت
بقدر على الحاجات ده إن لم يكن ليحبها فى واقع الأمر... أما أنا فيكفيني
{ وشوشني العبير } تعبيرا أفعل من كل قلائد الحب وأجزل من مجلدات في العشق.
عموما ... أراها أغنية بمحتوى عاطفي جيد وبمشاعر إجتماعية متقدمة.
ولا أزيد ... لأن التطريب إحساس أكثر من كونه منطق ... وما أزال أنتظر
ليلة السبت { العاطفية } ... وليس السياسية... قال سياسة قال.
مرحب دينا ... وبي صراحة ... مشتاقين ... وننتظر كل مظاريفك فى الظرافة.
ثروت ... بكرة الجمعة ... والتي يكون مساءها ليلة السبت , فدخل بالله يدك
فى بين الكلاوي وخلينا { نجمع } صاااح .
تحياتي ... للجميع
|
Post: #23
Title: Re: وشوشني العبير
Author: أحمد الشايقي
Date: 01-25-2008, 08:38 AM
Parent: #1
| Quote: وراقـنـي الهـوى فمـا أبيـت |
شكرا ثروت , كنت أبحث عن الرائعـة
أحمد الشايقي
|
Post: #24
Title: Re: وشوشني العبير
Author: هاشم أحمد خلف الله
Date: 01-25-2008, 08:50 AM
Parent: #23
شكراً ثروت لهذا الجمال
( يد الحرير إرتعشت )
المقطع ده بدون إضافة براهو حكاية .
|
Post: #25
Title: Re: وشوشني العبير
Author: ثروت سوار الدهب
Date: 01-25-2008, 09:46 PM
Parent: #24
| Quote: ضعف فى المحتوى والمرجعية ،، وعدم منهج و وغياب ايديوليجى وااضح ! |
الظريفة دينا
دا طرفنا من المرجعية و المنهج و الايدولوجية و كله
بس اقعدي معانا اضربي ليك وشوشة وشوشتين برواقة.
عندي ليك اغنية لصلاح ستنيل اعجابك انششاءالله.
الله يجازي الكان السبب
مروررك يسعدنا حتى و لو كان غارة
تحاياي
|
Post: #26
Title: Re: وشوشني العبير
Author: Raja
Date: 01-25-2008, 09:59 PM
Parent: #25
وااااو..
شكله أسبوع البوح لسة مستمر.. وبتنزيلات وصلت لـ 80% بدخول ثروت في الأسبوع.
ما ح أقول إتفاجأت من الرقة والإختيار يا ثروت..
ليقيني أن أكتر زول شكله تقيل هو اكتر زول بكًاي..
والدليل.....................................................ملاسي
ودي
|
Post: #27
Title: Re: وشوشني العبير
Author: HAYDER GASIM
Date: 01-25-2008, 10:33 PM
Parent: #26
Quote: ليقيني أن أكتر زول شكله تقيل هو اكتر زول بكًاي..
والدليل.....................................................ملاسي |
لكن يا رجوية ... بالغت,
فإنت كده مش أصبت كبد الحقيقة
وبس ...إنما فرتقتيها حتة حتة.
أضيفي عندك ... للقائمة أعلاه صاحب
هذا البوست ونفر من متداخليه ومتداخلاته,
{ وما تسأليني عن التفاصيل }
ما أزال أنتظر ... ليلة السبت ... روحي فيها.
|
Post: #28
Title: Re: وشوشني العبير
Author: ثروت سوار الدهب
Date: 01-26-2008, 06:59 PM
Parent: #27
يا حيدر الليلة السبت.
انشاالله ترضى علينا
جابية و جايك.
تسلم
|
Post: #29
Title: Re: وشوشني العبير
Author: ثروت سوار الدهب
Date: 01-26-2008, 07:03 PM
Parent: #28
الأستاذ أحمد الشايقي
و هاهي وجدتها وجدتها
بحثت عنها انا ايضا
لك خالص اللحن
تحاياي
|
Post: #30
Title: Re: وشوشني العبير
Author: الرفاعي عبدالعاطي حجر
Date: 01-26-2008, 07:05 PM
Parent: #1
شكرا ... قصيدة كاملة من حيث الكلمات اللحن التوزيع الأداء
ما أجملك في هذا الاختيار الذي صادف توقيته عندي (زمكان)
محبتي .
يد الحرير ارتعشت بكفي ... بكيت بكيت من رعشتها بكيت
أم مذنب إذا أنا اشتهيت ؟؟؟
بجد رائعة بكل معنى الكلمة
.............................................حجر
|
Post: #31
Title: Re: وشوشني العبير
Author: ثروت سوار الدهب
Date: 01-27-2008, 00:50 AM
Parent: #30
Quote: غيتو يا دينا انتهيتي منهم
قلنا لهم كوامر ما صدقونا.D |
برضو كوامر
و مال شيعة الن ديلون ديل يطلعو شنو؟
ليلة السبت بعد قليل في بوست منفصل
تحاياي يا تراجي
|
Post: #32
Title: Re: وشوشني العبير
Author: Rawia
Date: 01-27-2008, 01:20 AM
وشوشني العبير
|
Post: #33
Title: Re: وشوشني العبير
Author: سلمى الشيخ سلامة
Date: 01-27-2008, 01:32 AM
Parent: #32
اول حب
لك ودى لاننا نشترك فى حب هذه القامة الفنية
|
Post: #34
Title: Re: وشوشني العبير
Author: ثروت سوار الدهب
Date: 01-27-2008, 09:15 AM
Parent: #33
الأخ الكريم هاشم احمد خلف الله
Quote: شكراً ثروت لهذا الجمال
( يد الحرير إرتعشت )
المقطع ده بدون إضافة براهو حكاية |
و نحن ايضا أرتعشنا. و توشوشنا. و قد تختلف الاسباب و الحكايات
و لكل زاوية يتلقى بها الكلمات.
ولكن في هذه اللحظة المجمع عليه انها كلمات رائعة و الحان مميزة و صوت نادر.
اتحفتنا بالمرور و ليته الاول و ليس الاخير.
تحاياي
|
Post: #35
Title: Re: وشوشني العبير
Author: ثروت سوار الدهب
Date: 01-27-2008, 09:25 AM
Parent: #34
Quote: وااااو..
شكله أسبوع البوح لسة مستمر.. وبتنزيلات وصلت لـ 80% بدخول ثروت في الأسبوع.
ما ح أقول إتفاجأت من الرقة والإختيار يا ثروت..
ليقيني أن أكتر زول شكله تقيل هو اكتر زول بكًاي..
والدليل.....................................................ملاسي
ودي |
رجوية الملاك
و هل لراد لاحكامك؟
اسبوع البكا و النواح ماشي.
إستدلالك بملاسي اصبت فيه كبد الحقيقة و معدتها كمان. شيتا هزَ ملاسي ماهو ساهل.
لكن انا مامعاهم الناس ديل طبعا موش؟
تسلمي يا المليحة
|
Post: #36
Title: Re: وشوشني العبير
Author: نيازي مصطفى
Date: 01-27-2008, 09:37 AM
Parent: #35
استاذ ثروت تعكروا المزاج بي هناك وتروقوه بي جاي 
تحياتي..
|
Post: #37
Title: Re: وشوشني العبير
Author: sama7
Date: 01-27-2008, 09:52 AM
Parent: #1
صباح جميل لمن بهناك
سلام ثروت وكل الحضور الجميل
مودتى
سماح
|
Post: #38
Title: Re: وشوشني العبير
Author: ثروت سوار الدهب
Date: 01-29-2008, 05:18 PM
Parent: #37
الأخ الرفاعي حجر
Quote: شكرا ... قصيدة كاملة من حيث الكلمات اللحن التوزيع الأداء
ما أجملك في هذا الاختيار الذي صادف توقيته عندي (زمكان)
محبتي .
يد الحرير ارتعشت بكفي ... بكيت بكيت من رعشتها بكيت
أم مذنب إذا أنا اشتهيت ؟؟؟
بجد رائعة بكل معنى الكلمة
|
شكرا يا عزيزي
و انها حقا كما أدليت
Quote: من الروائع التي تغنى بها ابن البادية واطرب لها كثيرا اغنية وشوشنى العبير للشاعر المرهف ابو آمنة حامد
وشوشنى العبير فانتشيت وساقنى الهوى فما أبيت
يد الحرير ارتعشت بكفىّ بكيت من رعشتها بكيت
صبية ... العطر يشتهيها أمذنب أنا إذا اشتهيت؟
جدائل الليل على كتفيها تهدّلت حولى فما أهتديت
أجمل منها ما احتوى فؤادى فالعبق الصادح مااحتويت
حبيبتى أغرودة العذارى ورنة الأفراح إن غنيت
حبيبتى أنيقة العطايا تهمى هوى إذا أنا غنيت
لا تسألونى كيف كان الملتقى وكيف فى دروبها مشيت
وكيف طاف الثغر فى إبتهال وكيف فى محرابها صليت
سرّ عميق حبها بقلبى ما قلته للناس .. ما حكيت
فإن روى القيثار سرّ قلبىّ قولوا لها ما قلت .. ما رويت
لكنه حين بكى حنينا بكيت من رقته بكيت
|
مداخلة للاخ الطيب شيقوق
المصدر: اول حب
أسعدنا مرورك
|
Post: #39
Title: Re: وشوشني العبير
Author: ثروت سوار الدهب
Date: 01-29-2008, 05:54 PM
Parent: #38
الجميلة الراوية
دائما سباقة باللينكات
و دائما انت هكذا حضورك عن الجمال
و دائما.. لمشاركتك التذوق مذاق خاص.
|
Post: #40
Title: Re: وشوشني العبير
Author: ثروت سوار الدهب
Date: 01-29-2008, 06:51 PM
Parent: #39
الاستاذة سلمى
لي الفخر في مشاركتك حب صلاح بن البادية
و اهيك خاص
وشوشني العبير التسجيل الإذاعي
أرى بوستك مشروع كتاب توثيقي عن الفنان العظيم صلاح بن البادية
ساحاول اضع كل اسبوع او أسبوعان غنية.
خليك قريبة
تحاياي
|
Post: #41
Title: Re: وشوشني العبير
Author: ثروت سوار الدهب
Date: 01-30-2008, 00:00 AM
Parent: #40
الأخ نيازي
Quote: استاذ ثروت تعكروا المزاج بي هناك وتروقوه بي جاي
تحياتي.. |
انشالله نعرف نروق مزاجك هنا و بهناك.
تشكر يا حبيب
متعك الله بدوام المزاج الرايق
تحاياي
|
Post: #42
Title: Re: وشوشني العبير
Author: ثروت سوار الدهب
Date: 01-30-2008, 06:12 AM
Parent: #41
الأخت سماح
| Quote: صباح جميل لمن بهناك |
صار ليلك و صباحك على منوال
و اقول و وشوشة عبير
كوني بخير
|
|