Post: #1
Title: جنس سقطة الليلة...قيامة بس!!!
Author: حبيب نورة
Date: 01-23-2008, 05:18 PM
جنس برد الليلة .. وحاة الله نار موقدة!!
هسة الواحد لو عندو مزاج يصلي العشاء
علي اليمين الا كان يتوضأ بي جلسرين
قالوا واحد مات
الجماعة ودوهوا المقابر
الساعة اتنين بي توقيت الأسكيمو
اها الأمام قام يدعي ليه
اللهم تجاوز عن سيئاته
اللهم أدخله مدخل صدق
عند مليكٍ مقتدر
واللهم اللهم
اللهم أغسله بالماء والثلج والبرد
وفجأةً كدي
المرحوم قام من القبر
قال ليه عليك الله انت ما راجل حاقد
عليك الله تلج شنو في جنس السقطة دي
|
Post: #3
Title: Re: جنس سقطة الليلة...قيامة بس!!!
Author: معتصم محمد صالح
Date: 01-23-2008, 05:25 PM
Parent: #2
البلح البلح .. يا عمك
|
Post: #5
Title: Re: جنس سقطة الليلة...قيامة بس!!!
Author: حبيب نورة
Date: 01-23-2008, 05:39 PM
Parent: #3
آآآآآآآآآآآآآآآآآآآي ياخ
| Quote: البلح البلح .. يا عمك |
أجل يا صاحبي
صدق الله أجرك!
شكررن كتيررن!
|
Post: #30
Title: Re: جنس سقطة الليلة...قيامة بس!!!
Author: عمرو كمال ابراهيم
Date: 01-24-2008, 08:55 PM
Parent: #3
| Quote: البلح البلح .. يا عمك |
الشربوت الشربوت .. يا عمك
|
Post: #4
Title: Re: جنس سقطة الليلة...قيامة بس!!!
Author: Emad Abdulla
Date: 01-23-2008, 05:33 PM
Parent: #2
المسخوت ..
المشكلة ما بقت في الغسيل داك ..
المشكلة الليلة في الغسايل جُملة .
( تستجمرون ) أو تقطعون في حشاكمون .
....
أما ( تستجنبون ) داك ..
نهي .. نهي .
|
Post: #6
Title: Re: جنس سقطة الليلة...قيامة بس!!!
Author: حبيب نورة
Date: 01-23-2008, 05:49 PM
Parent: #4
والله يا عمدة
نحن ناس دقّة سريعة
رابطة جانا خلاس لي برودو
وكلو بي النية!!
شكرن كتيرن!
|
Post: #7
Title: Re: جنس سقطة الليلة...قيامة بس!!!
Author: Ishraga Mustafa
Date: 01-23-2008, 06:09 PM
Parent: #6
حبيب نورا حبيبتنا
والله نحنا برضو سقطنا ينشف الروح عديل كدى
امس بالمغرب على التعترنى مشيت بسرعة اتناول لى لبن
سقط لو هبشت اضانك تجى واقعة من التجميد
اها الليلة الصباح درجة الحرارة ارتفعت شوية بقت ماينص 2 ونصة نهار بقت 3 درجات شفت النعمة دى
ياخوى اتقطى كويس عوجة مابتجيك
|
Post: #8
Title: Re: جنس سقطة الليلة...قيامة بس!!!
Author: حبيب نورة
Date: 01-23-2008, 06:15 PM
Parent: #7
اشراقة
عليك النبي انا لو الشفع الليل كلو ما ينومو
بمرق في جنس سقطة زي دي
هسة ساهي كانت جاتك الحمي أم برد
اللبن داير يسويليك شنو
علي اليمين مش حلة كوكو واللا أمستردام
والله حليمة السعدية ما تعمل ليك حاجة
شكرن كتيرن!
|
Post: #10
Title: Re: جنس سقطة الليلة...قيامة بس!!!
Author: Ishraga Mustafa
Date: 01-23-2008, 06:28 PM
Parent: #8
| Quote: هسة ساهي كانت جاتك الحمي أم برد |
اتعودنا ياحبيب نورا
لدرجة انو الصيف بقى مالافق معاى خاصة لمن درجة الحرارة تحصل 35 {شفت الفلهمة}
مرة فى زياراتى للسودان والناس كلها فى بيتنا ترجف رجفة عدوك كنت نايمة فى الحوش، الجو كان ربيعى بالنسبة لى الجلد ماتخن/ 15 سنة يا اخوى وخلاص حصل التحول الذى ادى الى تحولات جزرية وهلمجرا { جابت ليها سياسة كمان}
لكن بينى وبينك مرافىء بتى لمن تصحا بالليل وتقول لى مسخنة وانا كرعى باردات التقول نخرة الكلب { هو بالجد نخرى الكلب باردة؟}، اقوم افتح الشباك وللصباح مافى نوم رغم الدفايات الشغاله..
عيال ماتفرح الا تشوف الجليد نازل
ونحنا مانفرح الا نشوف الشمس طالعة
شفت كيف؟
|
Post: #13
Title: Re: جنس سقطة الليلة...قيامة بس!!!
Author: حبيب نورة
Date: 01-23-2008, 06:44 PM
Parent: #10
والله؟؟؟
بالنسبة لي نخرة الكلب
| Quote: وانا كرعى باردات التقول نخرة الكلب { هو بالجد نخرى الكلب باردة؟}، |
انتوا طبعاً أدري
بأعتبارك اول حاجة متأثرة ودة حسب التغييرات الجزرية
جابت ليها سلطة وكدة
احتمال يكون عندك مراح كلاب في البيت
وكمية من القطط السيامي
لكن أكتر حاجة حيرتني
كلام الأستاذة تراجي
بنطلون لي سبعتاشر تحت الصفر
يعني نحن ناس سبعة وتلتين فوق الصفر
يعني لو عايزين لينا أندر وير
علي اليمين الا كان نمشي ( أم فكُّو ساكت)
|
Post: #32
Title: Re: جنس سقطة الليلة...قيامة بس!!!
Author: Tagelsir Elmelik
Date: 01-30-2008, 05:32 AM
Parent: #13
Quote: بأعتبارك اول حاجة متأثرة ودة حسب التغييرات الجزرية
جابت ليها سلطة وكدة |
و الله ملعون
شكرن جزيلن
|
Post: #9
Title: Re: جنس سقطة الليلة...قيامة بس!!!
Author: Tragie Mustafa
Date: 01-23-2008, 06:24 PM
Parent: #7
حبيب نورة
سلامات
قلت لي سقط
ومعتصم قال بلح قول له بلح في عيونك تعال شوف
جنس المحن دي العندنا عشان تجمد انت وبلحك ذاته
Quote:
حبيب نورا حبيبتنا
والله نحنا برضو سقطنا ينشف الروح عديل كدى
امس بالمغرب على التعترنى مشيت بسرعة اتناول لى لبن
سقط لو هبشت اضانك تجى واقعة من التجميد
اها الليلة الصباح درجة الحرارة ارتفعت شوية بقت ماينص 2 ونصة نهار بقت 3 درجات شفت النعمة دى
ياخوى اتقطى كويس عوجة مابتجيك |
يا شوشو يختي تعالي شوفي محنا نحنا
اليوم بقت - 16 ونحنا محتفلين باعتبارها الدنيا دفت
قبل ويمين كانت -23 لعنة ابو يوم اهلنا.
وناس اصحابنا ناس حامد عبد الله في شمال كندا
اظنهم بقوا ماقادرين يصلوا الكي بورد ذاته الله يعينهم.
ديل يا حبيب نورة
قالوا الشراء عندهم حسب درة الحرارة
فمثلا بتمشي للدكان قالوا بتقول له عايز لي شراب ل -45
او بنطلون ل -45 تخيل و السعر بيرتفع كل ماكانت درجة الحرارة بالناقص اكثر.
اما يا عماد عبد الله
انت قايل الاسيكمو لما هجروا النساء من ساكت
ماهو من عشان ناس تستجمرون وبعدين وصولوا لحد ولنسائكم تهجرون
|
Post: #11
Title: Re: جنس سقطة الليلة...قيامة بس!!!
Author: حبيب نورة
Date: 01-23-2008, 06:32 PM
Parent: #9
تراجي مصطفي
كيفنك
أظنها المرة الوحيدة البتجيني خاشة علي
بركة الجابك الدفو دة
عارفة نحن لما تكون درجة الحرارة حوالي عشرين درجة فوق الصفر
الحياة عندنا بتتوقف
ودة كلو من المصارين الفاضية
لكن انتي نظام التدفئة عندك
بضمن ليك تقعدي في البيت بي جلابية
وحاة الله لو ربنا وداك السودان
واشاء الله ما يسويها!!
وعشتي حياتنا دي ... والليلة وين تلقيها
علي اليمين الا كان تمسكك السحساحة وعدم الراحة
وشن جاب لي جاب
شكرن كتيرن!
|
Post: #12
Title: Re: جنس سقطة الليلة...قيامة بس!!!
Author: Ishraga Mustafa
Date: 01-23-2008, 06:42 PM
Parent: #11
| Quote: اليوم بقت - 16 ونحنا محتفلين باعتبارها الدنيا دفت |
بختكم ياتراجى بالله وصلت 16
بختكم لانو بتكونوا إتخلصتوا من الهدوم الكتيرة
مرة زارتنى اختى ابتهال فى فيينا وصادف الشتاء الماشديد داك فى اكتوبر
بعد شهر قالت راجعة السودان، قلت ليها ياختى حللى التزكرة شوية
واصرت والسبب كان انو لبس الهدوم الكتيرة عملت ليها عسم وقطايع
16 درحة دى براها احتفاء انو الزول يطلع البوت اللى لابساه بالله فى قطار الانفاق ماتعرفى دى كراع راجل ولامرة، كلهم لابسين بوت-
تقول لى سقط ياحبيب نورا
|
Post: #14
Title: Re: جنس سقطة الليلة...قيامة بس!!!
Author: حبيب نورة
Date: 01-23-2008, 06:48 PM
Parent: #12
لا حولا ولا قوة
كان كدي سكتة!!
|
Post: #16
Title: Re: جنس سقطة الليلة...قيامة بس!!!
Author: معتصم محمد صالح
Date: 01-23-2008, 06:58 PM
Parent: #14
معليش يا حبيب نورا ..
د. اشراقة وقت البرد جابك ..
منتظر منك رسالة في العنوان ده
[email protected]
عشان الموضوع داك ..
لانو بكري حرمنا من الخاص
حبيب نورا ..
شكرررن .. ومعليش تاني
وربنا يدفيك ...
|
Post: #20
Title: Re: جنس سقطة الليلة...قيامة بس!!!
Author: Ishraga Mustafa
Date: 01-23-2008, 07:22 PM
Parent: #16
Quote: منتظر منك رسالة في العنوان ده
[email protected]
عشان الموضوع داك ..
لانو بكري حرمنا من الخاص
|
حبيب نورا عنم اذنك يا اخوى- بيت اخوى بيتى ولاشنو؟!
سلامات يا معتصم!
بكرة مفروض احدد زمن نهائى عشان اعمل بيريسنتيشن عن زياراتى للقاهرة وللسودان وكان مفروض اعملو من بدرى لكن اختك انزنقت بجملة متغييرات حصلت، خلينا نتواصل لاجل مايفيد اهلنا
[email protected]
|
Post: #18
Title: Re: جنس سقطة الليلة...قيامة بس!!!
Author: اسامة جعفر
Date: 01-23-2008, 07:11 PM
Parent: #14
حبيب نورا سلام
انت عارف من الله خلقنى ، كرهتي فى الدنيا الحمـــام
بكرهو مــــوت،،
في الحته دي ربنا اكرمني وداني اوربا،،
لا حمـــام
لا إستهلاك مويه كتير
|
Post: #15
Title: Re: جنس سقطة الليلة...قيامة بس!!!
Author: Emad Abdulla
Date: 01-23-2008, 06:55 PM
Parent: #11
Quote: انت قايل الاسيكمو لما هجروا النساء من ساكت
ماهو من عشان ناس تستجمرون وبعدين وصولوا لحد ولنسائكم تهجرون |
تراجي ياخي إيسكيموكم ديل ( سجمانون ) ساكت .
نحنا الدفو ما بناباهو في السقطابة دي ..
مشكلتنا في ( فوائد ما بعد الخدمة ) .. 
( تهجرون ) بتاع مين ..
يا ( بردانون ) .
|
Post: #29
Title: Re: جنس سقطة الليلة...قيامة بس!!!
Author: عمرو كمال ابراهيم
Date: 01-24-2008, 08:47 PM
Parent: #2
| Quote: الخرطوم . . . تمطر شتاء ُ |
شكرا على اضافة الرابط
علبة الفازلين دقت 15 الف
وفى الطبالى بى 16
|
Post: #17
Title: Re: جنس سقطة الليلة...قيامة بس!!!
Author: الطاهر ساتي
Date: 01-23-2008, 07:06 PM
Parent: #1
| Quote: جنس سقطة الليلة...قيامة بس!!! |
مافى اى سقط ولاحاجة
جنس حركاتكم دى هى البتخلى بلدنا ماتنضم لمناخ دول الاتحاد الاوربي
ياخى اطلع من جو العالم الثالث الاستوائي ده وخليك مواكب
|
Post: #19
Title: Re: جنس سقطة الليلة...قيامة بس!!!
Author: Ishraga Mustafa
Date: 01-23-2008, 07:16 PM
Parent: #17
| Quote: جنس حركاتكم دى هى البتخلى بلدنا ماتنضم لمناخ دول الاتحاد الاوربي |
دى حلوة والله!!
|
Post: #21
Title: Re: جنس سقطة الليلة...قيامة بس!!!
Author: ismeil abbas
Date: 01-23-2008, 08:16 PM
Parent: #1
حبيب نورة
كيفك يا جميل يا بارد(دى تقدر تشتكينى فيها ولا تشاكلنى)
إتصلت بالبيت رفعت السماعة شذى قلت ليها إذيك يا أحمد..قالت لى دى أنا شذى يابابا
مالو صوتك كده؟
قالت لى برد شديد ويادوب داخلة البيت من الجامعة..
قلت ليها صوتك تخن أنا قايلك احمد معليش..
سألت أمهم قالت لى والله معاها مطرة كمان...
ألله يكون فى عونكم..تقلبات الجو بتعمل مشاكل..
تحياتى
إسماعيل محمد احمد عباس.......
|
Post: #22
Title: Re: جنس سقطة الليلة...قيامة بس!!!
Author: Tragie Mustafa
Date: 01-23-2008, 08:28 PM
Parent: #21
شوشو يا حبيبه 16 شنو بقول لك ناقص 16 تحت الصفر تقولي لي قلعتوا الابوات؟؟
Quote:
بختكم ياتراجى بالله وصلت 16
|
دي يا ستي نحن رجولنا جول البوت الما خمج ومدبلين الشرابات وسايقين عربات ومكنكشين
يعني الماشي بالبص الا يلبس اربعة شرابات تقولي لي شنو؟؟
يا حبيبه كندا دي بوت بينقعل في يناير مافي عارفه لما ينتهي الشتاء
لما تستغربي منظر رجلينك وهم حافين وده الحاله قال نحن ساكنين في حته بيسموها الكندين
شريط الموز قال من دفئها تقولي شنو وتقولي منو؟؟؟
يازولة انتو ناس اروبا ديل قالوا حلوين خلاص بالنسبة لينا.
عماد عبد الله شاحدة الله اشوفك في الاسيكمو وبعدين مستعدة اقبل اي كلام منك
بس اسبوع في الاسكيمو؟؟؟؟
كان اذتكرته اي حاجة غير الباطانيه ما ابقى انا تراجي مصطفى.
بس يال ابطانيه انت بوين.
وبرجع بحكي لك نكته عن رجال كندا ما يقوما يطقعوني هنا.
|
Post: #23
Title: Re: جنس سقطة الليلة...قيامة بس!!!
Author: Tragie Mustafa
Date: 01-23-2008, 09:01 PM
Parent: #22
اسامه جعفر
سجمنا وسجم رمادنا (الصقور علينا شنو؟؟؟)
قبلك وقبالك بتكره الحمام يازول مالك؟؟؟؟
نحن البيكره الحمام بنسميه صقر ما عارفه العلاقه شنو
لكن لقيت التسميه دي من قمته يقول لك فلانه ريحته زي الصقر!!
اها يا اخوي اوع تصدق انه ريحته البني آدم ما بتطلع لو مافي عرق
البني آدم ده اعفن مخلوق لولا النضافة.
ونحمد ربنا يا اخوي زي ما قال حبيب نورة الميزة هنا ان التدفئة
جيدة في الداخل و الناس ممكن تكون حايمه بالشورتات
وبالتالي سبب واحد يكسل من الحمام مافي
الا فعلا ثقافتنا كاهل مناطق حارة نعتقد متى ما لم نعرق اذن نحن نضاف
لكنها ليست كل الحقيقيه.
تحياتي لك وبهظر معاك زي ما انت بتهظر وادعيت انك بتكره الحمام
يازول اوع تهظر ساي بكلام زي ده الجكس بهرب منك.
|
Post: #24
Title: Re: جنس سقطة الليلة...قيامة بس!!!
Author: Tragie Mustafa
Date: 01-23-2008, 09:13 PM
Parent: #23
حبيب نورة سلام ثاني
Quote:
تراجي مصطفي
كيفنك
أظنها المرة الوحيدة البتجيني خاشة علي
بركة الجابك الدفو دة |
يا اخوي انت فاضي لينا من حب نورة؟؟؟
كل بوست لك القها اشواق ونضمي عجيب اقول النخيله في منجاته دي علها ترد نورة.
Quote:
عارفة نحن لما تكون درجة الحرارة حوالي عشرين درجة فوق الصفر
الحياة عندنا بتتوقف
ودة كلو من المصارين الفاضية
|
صح كلامك المصارين فاضيه وملابسنا الصيفيه يعني عايزين نلبس نفس ملابسنا
الصيفيه شتاء ونكون دفيانين ودي ما بتبقى.
Quote: لكن انتي نظام التدفئة عندك
بضمن ليك تقعدي في البيت بي جلابية
وحاة الله لو ربنا وداك السودان
واشاء الله ما يسويها!!
وعشتي حياتنا دي ... والليلة وين تلقيها
علي اليمين الا كان تمسكك السحساحة وعدم الراحة
|
ودي برضو كلامك صاح وانا عارفة فائدة التدفئة
وجربت الفرق بين برد مصر التي هي ادفأ وبرد كندا وجدت اني افضل
حالا في كندا رغم قساوة الطقس.لانها بلاد مستعدة للبرد فعلا.
فعلا يا حبيب شن جاب لجاب
لكن برضوا في مثل اردني بيقول( ربنا بيدي كل واحد برده قدر لحافه)
اها الكندين ديل ربنا اداهم لحاف واصل وحياتك عشانه هو عارف اداهم برد قدر شنو.
واللحاف مقصود بيه غطاء وليس لحاف بالسوداني.
شكرا لك على البوست الدافيء الخلانا نضحك رغم البرد.
|
Post: #25
Title: Re: جنس سقطة الليلة...قيامة بس!!!
Author: بكري الصايغ
Date: 01-23-2008, 11:50 PM
Parent: #1
البرد يعطل مطار عمان ويصل إلى السودان!!
________________________________________
آخــر تحديــــث 2008-01-24
عمان الخرطوم “الخليج”:
تسبب سوء الطقس بمطار عمان في تأخر إقلاع رحلتي مصر للطيران والخطوط الجوية الاردنية المتجهتين من القاهرة إلى العاصمة الاردنية مابين ساعتين وخمس ساعات.
وكانت السلطات الاردنية قد أرسلت برقية إلى مطار القاهرة تفيد بتراكم الثلوج على ممر الطائرات في مطار عمان. ووزعت شركتا الطيران المصرية والاردنية مشروبات على الركاب المنتظرين في مطار القاهرة حتى أقلعت الطائرتان.
على صعيد متصل نثرت بلدية العاصمة الأردنية عمان نحو 200 طن ملح للتخفيف من حدة التجمد اثر موجة الصقيع التي تجتاح الأردن، واعتبرت الاشد في تاريخ الاردن.
وساهمت طواقم من الدفاع المدني نشر الملح في اماكن مياه منسابة، وعلى الجسور ومداخل ومخارج الانفاق، في مسعى لانسيابية السير.
وفي مسعى لاخذ الحيطة والحذر، وزع المركز الوطني للارشاد الزراعي 49 جهاز انذار مبكر للصقيع مجاناً على عدد من المزارعين في مناطق الاغوار الوسطى والشمالية، تزرع في العادة بمحاصيل صيفية، كثيراً ما تكون حساسة للصقيع كالبندورة والفلفل والكوسا والباذنجان.
وتعمل الاجهزة على مبدأ اصدار انذار صوتي في حال انخفاض درجات الحرارة الى 3 درجات مئوية ما يحمل تحذيراً عن احتمال حدوث الصقيع، فضلاً عن ارساله رسائل قصيرة “SMS” للهواتف الخليوية للمزارعين.
ويعتبر حدوث الصقيع غير المتوقع احد المشكلات الرئيسية التي تواجه المزارعين في الاردن، لجهة خسائرها الكبيرة، وكانت المحاصيل الزراعية تأثرت خلال الموسم الحالي ما ادى الى ارتفاع اسعار المنتجات الزراعية على المستهلكين.
وفي تطور مناخي لافت واصلت موجة البرد امتدادها فوصلت إلى السودان حيث ضربت الولايات الشمالية وولاية الخرطوم وهطلت أمطار خفيفة ومتوسطة أمس في ظاهرة لم تحدث خلال فصل الشتاء لأكثر من ثلاثة عقود في الولاية الشمالية بينما شهدت مناطق متفرقة من أجزاء الخرطوم هطول أمطار طفيفة.
وقالت مديرة الإرصاد الجوي نجوى عبد الرحمن إن هذه الظاهرة نتاج لالتقاء الهواء البارد في شمال إفريقيا مع التيار الساخن في الجنوب وامتدت إلى شمال وأواسط السودان. وأضافت أن درجة الحرارة تدنت لتصل إلى 12 درجة.
|
Post: #26
Title: Re: جنس سقطة الليلة...قيامة بس!!!
Author: اسامة جعفر
Date: 01-24-2008, 00:37 AM
Parent: #25
تراجي سلامات،،
يا اختى ما لدرجة الصقور،،،
اي انا بكره الحمام وما بدورو
لكن الجبر،،
بعداك الجكس عندنا هنا بدوروك حتى اذا كنت ما بتحب الحمام
تحياتي
|
Post: #27
Title: Re: جنس سقطة الليلة...قيامة بس!!!
Author: Sabah Hussein
Date: 01-24-2008, 06:08 AM
Parent: #26
حبيب نورة
سلام..
ياخى بطلو الجرسة. برد يوم واحد قالبين عليهو الدنيا
رغم الحل عندكم ساهل جدا جدا.
عودين طلح .جوا البيت.
والنسوان يولعن الحفر.
نحن هنا ياكافى البلى محل تحفر فيهو حفرة مافى.
وتلقى الصندل والطلح معدوم هنا.
احكى ليك بى اظرف موقف حصل بمناسبة الدخان هنا
قالوا فى سودانيتين جوا جداد من السودان.
شايلين معاهم طلح. قاموا يوم جابو لهم بستلة وولعوا الطلح.وماعارفين حكاية جرس الانذار المعلق
فى الشقة. وبعد شوية الجرس يضرب وحبيباتى ماشغالات بيهو الشغلة. واحدة تقعد والتانية تقوم
لحدى ما جو ناس المطافىء وكسرو باب الشقة وخمو ليك المرتين وطفو البستلة وجرى على المستشفى
وعلى التعترن ما بعرفو انجليزى .المهم واحدة تفتيحا وقديمة شوية اتصلت على زوجها.
دا حصل حقيقة. فى مرة قابلت واحدة منهم وبيقيت كلما اعين ليها اموت من الضحك
|
Post: #28
Title: Re: جنس سقطة الليلة...قيامة بس!!!
Author: Tragie Mustafa
Date: 01-24-2008, 06:59 PM
Parent: #27
اسامه جعفر
يجازي محنك ....
Quote:
تراجي سلامات،،
يا اختى ما لدرجة الصقور،،،
اي انا بكره الحمام وما بدورو
لكن الجبر،،
بعداك الجكس عندنا هنا بدوروك حتى
اذا كنت ما بتحب الحمامتحياتي |
ده جكس مقمل اظنه ذاته
|
Post: #31
Title: Re: جنس سقطة الليلة...قيامة بس!!!
Author: عبد المنعم ابراهيم الحاج
Date: 01-24-2008, 09:41 PM
Parent: #28
يا مسخوت
سقط الحروف..وجع العبارات
المصنقرة في الجرايد
والكتب..
ماجاها صيف ?
ما عاودت سيف الجريد
جراية في ارض الغبش..
شوف ليك خروف يتسلفك
فروة وضلف..
أو سلفو الاحساس
غتا..
مطرة شتا
وخازوق بلا برق العشا
القبلاوي..صعلوك
رف للبت المشاطة
غزير كبا..
وين نورة محروسة الضمير
غلبك تجرجر ايدا
تمشيك في الطريق..
يا ود غريق ماسك
قشيشة تغرقك..
اتشابا شوف نبض الفصول
زي حس طبول في حضرتك..
والنوبة في الريح الصقيع
مرخية زي جفن المساطيل
المورم بالضحك..
اوعك تلف راس البنية
وتشربا..
خلي البلد تجتاز سواحل
مغربا..
|
Post: #33
Title: Re: جنس سقطة الليلة...قيامة بس!!!
Author: jini
Date: 01-30-2008, 08:48 AM
Parent: #31
Quote: حبيب نورا سلام
انت عارف من الله خلقنى ، كرهتي فى الدنيا الحمـــام
بكرهو مــــوت،،
في الحته دي ربنا اكرمني وداني اوربا،،
لا حمـــام
لا إستهلاك مويه كتير |
تكون هسة فى مرحلة الفسيخ وداخل على التركين!اها العيد كيف يا اللخوولا جانا لى برودو!
يلزكم خمسة الواح صابون حتى الفنيلة الداخلية يمكن رؤيتها بالعين المجردة!
اضحكتنا أضحك الله سنك
جنى
|
|