انا والمنبر والشيطان ثالثنا.

[B]محجوز[/B]

up

ناذر.

ياعريس اطلع من بوست الشيطان دا

انت لسع عريس فوقك الملايكة.

ما تطفش لينا الشيطان ياخى.

تحياتي يا صباح
الظاهر فائقه ورائقه

الليل شنو الحاصل
عنوان مميز
وكلمه واحده
يعني الكلام بالقطاره

في شنو ؟

العوض اخوى

دا بوست تكتيكى.

رسل قروش الصرفة يازول عشان مايجى زول تانى يحجزا

بسم الله الرحمن الرحيم وبه نستعين

صباح والله شكلك مفلسة وزهجانة وقرفانة
والمنبر ده بقي لينا زي إدمان المخدرات
يا لهووووووووووووووي يا خررررررررررررراشي
والله انا اكعب منك وشوفي هنا يا بت الناس
الصرفة الآولي نقسمها بالنص بلا غلبة معاك
وعنواني انا واضح في السعودية - الرياض
وزارة الخارجية اها شنو ليك مضمون ولا مامضمون
وكان غلبني اسدد حق الختة بديكم بدلها( فيز) زيارة
ورحلة عمرة .

صباح الظاهر عليك جنيتي وجننتينا معاك ظاتوووو

بالله موضوع الصرفة الأولي دي ما تنسيها

الاخ هاشم

تحياتى..

Quote: بسم الله الرحمن الرحيم وبه نستعين

اها بديت بى بسمالله. واناشاءالله بالرجل اليمين.

عالم جبانات .

تخافوا من الشيطان.

اتخيل مافى اى شيطان بس الشيطان معشش فى دماغنا العجيب دا

ياخوى الفلس حاصل والزهج بالكوم.

Quote: الصرفة الآولي نقسمها بالنص بلا غلبة معاك

ياجماعة انتو حاقدين كدا مالكم. يعنى اقنع خلاس من نص دينى.

Quote: وزارة الخارجية اها شنو ليك مضمون ولا مامضمون

مضمون تب . كمان فى السعودية. اى شنكبة عنكبة نرسل جواب لعمك عبدالله

يلقى الجواب من امريكا. يتراجف ويدفعوا لينا دبل.

اها ياجماعة ندخل فى الموضوع بتاع الشيطان.

قيل

مااجتمع رجل وامرأة الا وكان الشيطان ثالثهم.

ايه رايكم من خلال التجربة العملية فى الحياة اليومية.

Quote: مااجتمع رجل وامرأة الا وكان الشيطان ثالثهم. ايه رايكم من خلال التجربة العملية فى الحياة اليومية.

الكلام دا فشنق ياصباح والله فشنق......ياما إجتمعناإلا بس الشيطان دا تب ما شفنا. لكن الداير يسوى عمايل هو ذاتو ولا ذاتا يبقى الشيطان

الاخ العزيز بكرى عبدالله

سلامات..

Quote: الكلام دا فشنق ياصباح والله فشنق......ياما إجتمعناإلا بس الشيطان دا تب ما شفنا. لكن الداير يسوى عمايل هو ذاتو ولا ذاتا يبقى الشيطان

.


ارجا الراجيك الليل.


كيف يعنى مافى شيطان؟


ايها الكافر الاشر.

طبعا دا رأى الجماعة اياهم.

Quote: اها ياجماعة ندخل فى الموضوع بتاع الشيطان. قيل مااجتمع رجل وامرأة الا وكان الشيطان ثالثهم. ايه رايكم من خلال التجربة العملية فى الحياة اليومية.

الاخ عبد الرحمن الضو

سلام..

Quote: Quote: اها ياجماعة ندخل فى الموضوع بتاع الشيطان. قيل مااجتمع رجل وامرأة الا وكان الشيطان ثالثهم. ايه رايكم من خلال التجربة العملية فى الحياة اليومية.

وضعت خط تحت كلمة رجل.

وهذا يقودان لتفسيرات اخرى .

اذا ثبت ان الشيطان هو السلوك الجنسى.

بعدها يمكن ان نعمم المسألة.

ونقول رجل ورجل .

او امرأة وامرأة.

استاذة / صباح حسين
صباحك ابيض

Quote: اها ياجماعة ندخل فى الموضوع بتاع الشيطان. قيل مااجتمع رجل وامرأة الا وكان الشيطان ثالثهم. ايه رايكم من خلال التجربة العملية فى الحياة اليومية.

كما توقعت الموضوع.....مهم وحيوئ ويجب مناقشته بكل جدية .
ولكن السؤال الاول :
اذا كان هذا حديث نبوي صحيح ارجو من الاخوة المختصين ان يؤكدوه لنا.
بعد داك نبقي في الكلام الدخل الحوش .
عملتي لي في الصرفة الاولي شنو ....؟اصلوا نحنا المغتربين ديل علينا جنس فلس.....الله لايوريه لعدو ولا حبيب ....حتي اسألي هاشم خلف الله .
واصلي
هارون دياب

يا صباح الدين
التحايا و السلام

و الله موضوع الشيطان الذى يحضر اجتماع الرجل و المراة دا شوية كده ملخبط

لكن اقول ليك فكرتى بى بساطة فيهو و ان شاء الله ما تحصل مشاكل.

الشيطان بيحضر حسب اجندة الاجتماع، يعنى البنى ادم العاقل دا
بيكون عارف الاجتماع اجندتوا شنو من الاول، فهنالك اجتماعات تبداء
و تنتهى دون حضور الشيطان فيها على الاطلاق اما بعض الاجتماعات فتقدم
فيها دعوة للشيطان للحضور حتى يجمل و يكمل بهاء الاجتماع شفتى كيف؟
و عليه يعتبر حضور الشيطان للاجتماع نتيجة اختيار حر لاعضاء الجهة التى تعقد
الاجتماع و قرارت عضويتها العاقلة، و بالتالى يصبح حضوره لازم فائده لا اكثر

الاخ العزيز ابوبكر صالح

تحياتى العطرة.

Quote: يا صباح الدين

.

ذكرتنى بايام جميلة .ايام الجامعة وصباح الدين من احب الالقاب الى نفسى.

Quote: و الله موضوع الشيطان الذى يحضر اجتماع الرجل و المراة دا شوية كده ملخبط لكن اقول ليك فكرتى بى بساطة فيهو و ان شاء الله ما تحصل مشاكل. الشيطان بيحضر حسب اجندة الاجتماع، يعنى البنى ادم العاقل دا بيكون عارف الاجتماع اجندتوا شنو من الاول، فهنالك اجتماعات تبداء و تنتهى دون حضور الشيطان فيها على الاطلاق اما بعض الاجتماعات فتقدم فيها دعوة للشيطان للحضور حتى يجمل و يكمل بهاء الاجتماع شفتى كيف؟ و عليه يعتبر حضور الشيطان للاجتماع نتيجة اختيار حر لاعضاء الجهة التى تعقد الاجتماع و قرارت عضويتها العاقلة، و بالتالى يصبح حضوره لازم فائده لا اكثر

كلامك كلام عقل بس منو البقدر يقول البغلة فى الابريق.

مع ناس الهوس الجنسى. ولا الدينى ما عارفة والله تشابه علينا البقر.

هارون الرشيد

سلامات..

Quote: اذا كان هذا حديث نبوي صحيح ارجو من الاخوة المختصين ان يؤكدوه لنا. بعد داك نبقي في الكلام الدخل الحوش .

.

ياخى حرام عليك. مالك عايز تلم فينا ناس COPY AND PASTE.

يجيبوا لينا كلام مكتوب قبل 14 قرن.

انا عايزة رأى ناس معايشة الحالة بصورة يومية.

وعشان شبكتك دى مافى ليك غير الصرفة الاخيرة.

عشان عارف الدنيا اخر شهر وعاوزة اقولك سلفنا قرشين قدمت العذر.

صباح حسين
سلامات
وشغلك نضيف وبوستاتك في السلك.



ابوبكر صالح كلام جيد ومختصر وحقيقي:

Quote: الشيطان بيحضر حسب اجندة الاجتماع، يعنى البنى ادم العاقل دا بيكون عارف الاجتماع اجندتوا شنو من الاول، فهنالك اجتماعات تبداء و تنتهى دون حضور الشيطان فيها على الاطلاق اما بعض الاجتماعات فتقدم فيها دعوة للشيطان للحضور حتى يجمل و يكمل بهاء الاجتماع شفتى كيف؟ و عليه يعتبر حضور الشيطان للاجتماع نتيجة اختيار حر لاعضاء الجهة التى تعقد الاجتماع و قرارت عضويتها العاقلة، و بالتالى يصبح حضوره لازم فائده لا اكثر

ما حاتفلسف كثير واقول لك الموضوع له علاقة بالتنشئة الاجتماعيه
اذا اهلك علموك انه ما اي راجل ممكن يكون الشيطان ثالثكم حتقومي كده.
واذا علموك انه ممنوع الراجل وممنوع لقائه وممنوع الدراسة معاه و...و..الخ
فعلاحتكوني شايله الشيطان ده في شنتطك وتحضريه معاك اي اجتماع ولو في ركشة.


واكيد لو عودة.

Quote: انا والمنبر والشيطان ثالثنا.

صباح حسين..

لا يجووووووووووووز وحرام شرعا ..خصوصا وانك عزابية..

لذلك وجب عليكى الاتى ...

الصيام .. اربعة اشهر متتالية..

وعدم مصافحة المنبر بتاتا..

Quote: لذلك وجب عليكى الاتى ... الصيام .. اربعة اشهر متتالية.. وعدم مصافحة المنبر بتاتا..

الاخ العزيز الملك

تحياتى..

تشكر على المرور والضحك على اميرة الشيخ. بتاعة البلاوى دى.

بس ما قولت لى رايك فى حكاية الشيطان دى.

الاميرة ملكة العذابة.

تحياتى العواطر.

Quote: لا يجووووووووووووز وحرام شرعا ..خصوصا وانك عزابية..

.

اولا انا مجكسة.يعنى ماعذابية.

والتجكيس ربع الدين .

وبماانى امرأة عندى نص دين زائد ربع يعنى امتلك ثلاث ارباع

احسن منك وانتى حايمة بنص دين ونص عقل.

من ناحية العقل دى غايتو حتى النص ماعندى.

ربك يهون.

بعدين شنو حكاية صيام اربعة اشهر دى

غايتو نحن غايبين من البلد لينا زمن.

دى شريعة جديدة ولاشنو.

ياختى نحن رمضان فى تلتة كمان جابت لها اربعة شهور.

غايتو بعرف الحبس لما الزوج يموت .الزوجة بتتحبس اربعة شهور وعشرة يوم.

انا ما بحب حكاية الحبس دى. انشاءالله اموت قبلو عشان ماانحبس.

دى لو عرسنا. احلام زلوط

Quote: غايتو نحن غايبين من البلد لينا زمن. دى شريعة جديدة ولاشنو

شان تامنو زاتو وتانى ماتغيبو..............

تراجى مصطفى

تحياتى ..

Quote: ما حاتفلسف كثير واقول لك الموضوع له علاقة بالتنشئة الاجتماعيه اذا اهلك علموك انه ما اي راجل ممكن يكون الشيطان ثالثكم حتقومي كده. واذا علموك انه ممنوع الراجل وممنوع لقائه وممنوع الدراسة معاه و...و..الخ فعلاحتكوني شايله الشيطان ده في شنت\طك وتحضريه معاك اي اجتماع ولو في ركشة.

.

دا كلو وما ح تتفلسفى.

بالمناسبة الموضوع محتاج شوية فلسفة. رغم انى ارغب فى نتائج التجارب الشخصية .

عجبتنى حكاية الشيطان فى الرقشة.

وذكرتنى مرة لقيت كوزة وكوز فى حدائق ابريل وكان الشيطان ثالثهم.

وعشان خيالكم ما يشطح لبعيد. الكوز كان ماسك الكوزة من يدها بس.

والخلا الحكاية تركب فى راسى انهم اكتر تمسكا وتطبيقا للقران من غيرهم.

لو ما كانت محجبة وهو ماعندو دقينة ماكان ح انتبة ليهم.

المتداخلون .. سلامات ...

Quote: انا والمنبر والشيطان ثالثنا.

انت عارفة مرات الواحد بخش ليهو بوست مابلقي فيهو غير التالت ده متحكر براه ... علي كده الشيطان موجود ونحنا البنكون اضافة ليهو او نقوم نطلعوا ...


تخريمه : ماعارف موضوع الصرفة ده شنو ؟!! لكن لو القصة قروش وكده فانا زول جديد ومن (المؤلفة قلوبهم ) في المنبر واكتر زول محتاج للصرفة دي ...




فايزودالقاضي ..

الإسلام يصون المرأة
بقلم: المستشار حسن حسن منصور

من الأقوال الغريبة التى حملتها بعض التصريحات الصحفية ، التى أدلى بها أحد قادة الغرب ، عقب الإعلان عما أسموه الحرب على الإرهاب ، إن المرأة فى المجتمعات الإسلامية يجب أن تحصل على أكبر قدر من الحرية ولا يجب أن تظل محبوسة فى زى القديسات . وتصادف بعد صدور هذه التصريحات بأيام قلائل ، أن التقيت مع وفد قضائى من دولة أروبية، فكان محور الحديث الذى دار بيننا عن نظرة الإسلام للمرأة ، وكان السؤال المتداول بين أعضاء هذا الوفد : لماذا أمر الإسلام الرجل وحده بالنفقة على الزوجة دون مشاركة منها فيها ؟! ، على العكس من الوضع القائم هناك من مشاركتها مناصفة للزوج فى كل أعباء المعيشة خلال الحياة الزوجية ، وبعض انقضائها لا تأخذ منه شيئا .
كل هذا يعطى مؤشرا على مدى انشغال الغرب بمختلف الدول وقادته بقضية المرأة المسلمة ، ليس بالطبع حرصا عليها ، ولكن رغبة منه فى تقليص دورها الخلاق فى تربية النشئ المسلم على مبادئ وقيم ومثل الدين الحنيف ، كما كانت السالفات من نساء الإسلام اللاتي اخرجن لحماية هذا الدين القادة العظام أمثال خالد بن الوليد وصلاح الدين وق(.........) وبيبرس وغيرهم الكثيرين ، وإلا فالإسلام قد منح المرأة من الحرية والحقوق القدر الكبير ، الذى مازالت المرآة هناك تكافح من أجل الحصول على البعض منه .
عجبا لأمر من يتهمون الإسلام ، بانتقاص المرأة بعض حقوقها ولو عقلوا ما أضفاه عليها من أوصاف ، لما كان منهم حتى مجرد شبهة هذا الإتهام ويكفى أن نشير هنا إلى بعض هذه الأوصاف التى جاء بها هذا الدين لصاينة المرأة ومنها على سبيل المثال الأتى:
أولا : المرأة حصن منيع
من أوجه عظمة الإسلام فى نظرته للمرأة أن وصفها القرآن الكريم بأنها المحصنة فى أكثر من آية من أياته كما فى قول الحق : والمحصنات من النساء والإحصان كما ورد فى اللغة هو المنعة ، أى عدم إمكان الوصول إلى الشىء بسهولة ويسر ، والمرأة المحصنة هى العفيفة التى لا يمكن لغير زوجها أن يكشف سترها ، فهى كالحصن المنيع الذى لا يرام اقتحامه أو الوصول إليه .
وقد صان الإسلام المرآة حتى من الكلمة التى قد تسئ إلى سمعتها ، فقرر عقوبة مغلظة لمن تقع منه هذه الكلمة وجعلها أحد حدود الله المقدرة ، وهو حد القذف ، والذى أوضحه قول الحق :والذين يرمون المحصنات ثم لم يأتوا بأربعة شهداء فاجلدوهم ثمانين جلدة ولا تقبلوا لهم شهادة أبدا وأولئك هم الفاسقون (4 من النور) ، وعندما ذكر رسول الله الكبائر أورد منها هذه الجريمة فقد روى أبو داود والنسائى والبيهقى عن ابى هريرة، أن النبىقال:
(أجتنبوا الكبائر) وفى رواية : (أتقوا السبع الموبقات) .
(المهلكات) : (الشرك بالله ، وقتل النفس التى حرم الله إلا بالحق ، وأكل الربا، وأكل مال اليتيم إلا بالتى هى أحسن ، والسحر ، والتولى يوم الزحف ، وقذف المحصنات المؤمنات الغافلات) .
ولا يقف أمر هذه الجريمة عند هذا الحد من الخطر بل يتعداه إلى محق جميع أنواع الخير من أعمال مرتكبها ، وهو ما حظر منه سيدنا رسول الله بقوله ، فيما رواه الحاكم والبزار والطبرمى عن حزيفة بن اليمان: (إن قذف المحصنة ليهدم (يسقط ويحبط) عمل مائة سنة ! ، ومعنى هذا أن مرتكب هذه الجريمة يحتاج إلى عمر يزيد على المائة سنة ، بعد إضافة سن التكليف المقرر لكل إنسان وهو سن البلوغ حسب البيئة التى يعيش فيها ، وهيهات أن يتوافر لأى إنسان هذا العمر مع القدرة على العمل فى الطاعات طوال هذه المدة .
ومرتكب هذه الجريمة يستحق هذا العقاب الفظيع ، لأن الأثر السئ الناجم عن الوقوع فيها لايقل فظاعة عنه ، فهناك الخوض فى الأعراض بالباطل ، وما يترتب عليه من غرس بذور الشك بين الأزواج ، وهدم الأسر ، وضياع الذرية، وإشاعة الفوضى فى العلاقات الإجتماعية ولكل هذا خطره الداهم على الفرد والمجتمع ..
ثانيا : أدب دخول المسافر على زوجته
من مظاهر تكريم الاسلام للمرأة بصفة عامة والزوجة بصفة خاصة ما رسمه من ادب رفيع ، يجب على الزوج الإلتزام به فى تعامله معها ، ألا وهو أدب إعلامها بعودته من السفر قبل الوصول إليها بوقت كاف ، ولا يهجم على بيت الزوجية دون سابق علم محدد بذلك ، وهذا ما أفصحت عنه السنة النبوية المطهرة .
فقد روى البخارى عن جابر قالكنا فى غزوة فلما قفلنا (رجعنا) ذهبنا لندخل، فقال رسول الله : (أمهلوا حتى تدخلوا ليلا (أى فى العشاء) حتى تتمشط الشعثة وتستحد المغيبة. (والعلة من ذلك كما ذكر العلماء هى عدم مفاجأة الزوجات بالدخول عليهن ليلا فيفوت عليهن التأهب لحسن أستقبال الأزواج فالمرأة لها زينتها الخاصة بزوجها ، وفى غيابه عنها ما يجعلها تهمل فى القيام بها ، ومن الخير له إذا عاد إليها أن يجدها فى أحسن صورة ولا يكون ذلك بالمباغتة ، ولكن بالأستعداد التام لهذا ألامر الجميل .
وتروى كتب السيرة النبوية المطهرة أن رسول الله إذا كان فى غزوة وعاد إلى أهله كان وهوعلى مسيرة يوم قبل الوصول إليهم يرسل من يخبرهم بقدومه ومعه أصحابه ومن هنا أشترط العلماء فى السفر الذى يبادر هذا الإعلام أن يكون سفرا طويلا بحيث لا تعلم الزوجة بموعد الزوج فلا تستعد للقائه ، وليس مجرد الغياب عن البيت بعض الوقت ، فتكون الزوجة على علم بموعد عودة الزوج ومستعدة لذلك ، وهذا ما أوضحه قول الرسول الكريم الذى رواه الحاكم والدار قطنى عن جابر قال : (إذا أطال أحدكم الغيبة لا يطرق أهله ليلا) .
وهذا الأدب الاسلامى الرفيع يؤتى التأدب به أطيب الثمار ، لأن فيه تحقيق للترابط الأسرى بما يزيل المكدرات فى حياة الزوجين ، فما أسعد الزوج حين يرى زوجته فى أحسن صورة من حيث المظهر والجوهر ، وما أسعد الزوجة حين يقدرها زوجها ولا يقتحم عليها سكنها الزوجى ، بل يعلمها بموعد عودته إليها من سفرة ، وليعلم الزوج أن الحياة الزوجية تقوم على المودة والرحمة ، ولا مجال فيها لإبتغاء عثرات الزوج الآخر ولو بغير قصد ، والتزام هذا الأدب لم يعد يمثل مشقة بعد أن تيسرت وسائل الاتصال فى أيامنا المعاصرة ، حتى لا يقول قائل : وكيف أتمكن من إعلام أهلى بموعد عودتى من السفر ؟! فاصبح هناك الهاتف بانواعه المختلفة من الثابت والمحمول ، وهناك الرسائل المكتوبة والشفهية وغير ذلك .
ثالثا : حفظ المرأة فى غياب زوجها
قد تضطر ظروف الحياة الزوج ، إلى مغادرة منزل الزوجية ، سعيا لطلب الرزق فى داخل البلاد أو خارجها ، فإذا غاب زمنا معينا - طال أو قصر - وترك زوجته فإنها تسمى مغيبة وقد توصف بذلك كل امرأة غاب عنها من يكلفها كالبنت إذا غاب عنها والدها ، والأخت التى غاب عنها أخوها ، وغير ذلك ، بحيث تصبح المرأة عرضة للفتنة بعيدا عمن يصونها من حبائل الشيطان، إذا ما دخل عليها غير محارمها .. والأصل أن صلاح المرأة هو الذى يحفظها من كيد شيطان الجن والأنس ، وهو ما طلب الرسول الكريم توافره فى الزوجة ، فقال فيما رواه الحاكم عن أبن عباس : (ألا أخيركم بخير ما يكنز المرء ؟ المرأة الصالحة اذا نظر اليها سرته ن واذا أمرها أطاعته ، واذا غاب عنها حفظته فى ماله وعرضه). واذا لم تكن المرأة على هذه الدرجة من الصلاح ن ولم تراع حق زوجها عليها ، كانت من الهالكين فى الدنيا والآخرة فقد روى الطبرانى عن فضالة بن عبيد أن رسول الله قال :
(ثلاثةلا تسأل عنهم (أى لهلاكهم) : رجل فارق الجماعة وعصى إمامه ومات عاصيا وأمة أوعبد أبق من سيدة فمات ، وامرأة غاب عنها زوجها ، وقد كفاها مؤنة الدنيا ، فتبرجت بعده ، فلا تسأل عنهم (تكرار يفيد تأكيد العاقبة) ..
هذا من ناحية المرأة المغيبة، أما من ناحية من يتعاملون معها ، وهى على هذه الصفة ، فعليهم الامتثال للتوجيه النبوى الشريف ، الذى حظر على الرجل الدخول عليها منفردا ، ولكن يجب أن يكون معه آخر على الأقل ، فقد روى مسلم والإمام أحمد عن ابن عمر رضى الله عنهما ، أن رسول اللهقال لا يدخلن رجل بعج يومى هذا على مغيبة ، إلا معه رجل أو اثنان). حتى يامن كل منهم فتنة الشيطان ، لأنه كما أخبر المعصومما اجتمع رجل وامرأة إلا كان الشيطان ثالثهما) ، وما الشيطان إلا سفير الفاحشة ، فى مثل هذا الموقف وقد جاء التأكيد على هذا المعنى بقول الرسول الذى رواه الترمزى والإمام أحمد عن جابر بن عبد الله (لا تلجوا (لا تدخلوا) على المغيبات فإن الشيطان يجرى من أحدكم مجرى الدم ، ومنى ولكن أعاننى الله عليه فأسلم) وليس هناك البشر معصوم إلا الأنبياء ، ولكن الحفظ من الله لغيرهم ، والعاقل هو الذى ينأى بنفسه عن مواطن الشبهات ، فهذه حرمات لها حمى يجب احترامه ، بعدم الاقتراب منه ، بعدا عن الحرام وحتى لا يكون العقاب الأليم الذى أشار إليه رسول الله بقوله الذى رواه الإمام أحمد عن أبى قتادة : (من قعد على فراش مغيبة ، قيض الله له ثعبانا(ينهشه بسمه) يوم القيامة .

الاخ المحترم فايز ود القاضى

سلامات..

Quote: انت عارفة مرات الواحد بخش ليهو بوست مابلقي فيهو غير التالت ده متحكر براه ... علي كده الشيطان موجود ونحنا البنكون اضافة ليهو او نقوم نطلعوا ...

.

انا ما بقصد شيطان المنبر . انا قاصدة الشيطان البجى عندما يجتمع رجل وامرأة.

Quote: تخريمه : ماعارف موضوع الصرفة ده شنو ؟!! لكن لو القصة قروش وكده فانا زول جديد ومن (المؤلفة قلوبهم ) في المنبر واكتر زول محتاج للصرفة دي ...

.

والله ياخوى عندى صندوق زى صناديق حبوباتنا ديك. لو عاوز تدخل امشى سجل اسمك.

واشرح حالتك لو عاوز صرفة مستعجلة. بس ما الصرفة الاولى. لانو الصرفة الاولى والاخيرة

محجوزاتلى انا واخوى العوض المسلمى.

بسم الله والصلاة والسلام على رسول الله ، اولا تقول الاخت صباح انها لاتريد كلاما او دليلا من الف و اربعمائة سنه ، و لكننا نقول لها ، ان ما ترفضه هو قول خير البشر الذى لا ينطق عن الهوى . ثانيا ما رأى اختنا صباح فى القول الربانى ( و لايخضعن فى القول) وتواصل الايه الكريمة وتشرح وتقول حتى لا يطمع الذى فى قلب مرض .... و المعروف ان المرأة لا يمكن ان تخضع فى وجود محارمها او من تخشاهم ، بمعنى الخضوع فى حالة تواجد غريب ... لذلك جاء النص الشريف ... ثم قول المصطفى عليه الصلاة والسلام (الحمو الموت ) اى قريب الزوج او الزوجة و الله اعلم .... والسؤال هنا متى تملك الاخت صباح الشجاعة وتقول رايها فى السنة النبوية ، عشان نعرف نرد عليها .

الاخ المحترم هجو الاقرع.

سلامات..

ياخى سؤالى محدد هل اجمعت بامرأة وكان الشيطان ثالثكم.

من تجربتك الشخصية فقط. لم اطلب رأى دينى .

ولااحتاج لكل هذا الدش.

Quote: والسؤال هنا متى تملك الاخت صباح الشجاعة وتقول رايها فى السنة النبوية ، عشان نعرف نرد عليها .

.

شنو حكاية الشجاعة دى انا مادخله حرب معاك او مع غيرك.

كل ما فى الامر بطرح سؤال عادى جدا. ووضع بيحصل بشكل يومى .

بعدين ياخى ماعندى اى رأى لا فى قرأن ولا سنة.

دى مشكلتك. لازم يعنى اكون مع او ضد.

ردى زى ما يعجبك حسب فهمك.

بس ماتمارس علينااى ارهاب فكرى او دينى.

صباح,,
معليش أنا حأخش شمال طوالي ..
ماني زولا فكي ولا شيخ ..
مسلم بسيط عادي زيي وزي أي مسلم آخر في جاكرتا ولا طنجة ولا كيب تاون ..
بصلي وبصوم وبؤمن بالله والرسول وبعرف شوية قرآن وشوية أحاديث ..
المقدمة دي عشان ما تفتكري إني جاي أمارس عليك إرهاب فكري أو ديني زي ما بتقولي ..
كيف يستقيم إنك بتسألي من حاجة في الدين وما دايرا ليك زول يجيب ليك آبة ولا حديث ؟
تابعت ليك بوست قبل كده في موصوع مشابه ووقفت اتفرج لكن المرة دي ما قدرت أبلعها ..
إن كنت أنا بفهم صاح - طبعا مرات ما بفهم سريع أو صاح - إنت عايزة تثبتي خطأهذا الحديث ..
ثم ماذا خطأ الديانة التي تقول بهذا الحديث .. كدي صاخ ولا خطأ..
بس وضحي عشان الناس يعرفوا الزاوية الإنتي دايراهم يناقشوك منها .. ومفروش يناقشوك كيف؟


كدي نسهل الموضوع ..
أها أنا كل يومين بلقي نفسي في الموقف الآثم دا لضرورات تتعلق بالشغل.. والشيطان ما جا بقى تالتنا .. شن قولك..
بس دايرك تواصلي من بعد كلامي دا .. خرمجتي الفوق دي خليها ..


مساء الخير عليك..

الاخ محمد نور

سلامات...

انا برضو زيك كدا مسلمة بشوية قران وشوية احاديث.

بس بحب اسأل . والجماعة ديل شابين لى فى حلقى.

شجاعة وشنو ما عارفة.

يعنى السؤال كمان حرام.دا دين ربنا مادين زول واى زول حر فى الاسئلة البطرحها.

Quote: أها أنا كل يومين بلقي نفسي في الموقف الآثم دا لضرورات تتعلق بالشغل.. والشيطان ما جا بقى تالتنا .. شن قو

.

قولى بالنسبة لى شخصيا مافى شيطان فى الموضوع دا..

ورأى ان الشيطان هو الهوس الجنسى ورأيت البعض يمارسة فى زحمة المواصلات.

يعنى حكاية خلوة ذاتها مامتوفرة.

وحتى الان من التجارب الشخصية لم ياتى احد ويؤكد حكاية الشيطان دى.

لااشكك فى حديث بس بقارن.

صباح !!!!

طيب حكاية أنا والنجم والهوى دي يفسروها كيف ؟ اليشطان برضه بيكون موجود ؟

ولما أخلو إلى نفسي , الشيطان بيكون محاصرني برضه ولا كيف ؟

أما حكاية الصرفة دي فخليها سكات واحدة ماسكة لينا الصرفة من عشرين سنة اقنعتني أخد الأخيرة عشان

تصرف لي الأخيرة وقعدت إنتظر لغاية اتناشر شهر وبعدين صرفت الأخيرة أما الأولى فأخدها شخص مهم قالو

عشان عرس بته وآآآآآآآه يا زمن وعدتني بالحلق ووعدت أنا وداني ,,

الاخت عواطف سيد احمد

سلامات..

Quote: طيب حكاية أنا والنجم والهوى دي يفسروها كيف ؟ اليشطان برضه بيكون موجود ؟

انا والنجم والهوى حسب تفسير الشرامة الزينا غايتو بسموهو مرض حامد رغم انى ماعارفة حامد

دا كان مرضان بشنو؟ اما الفسير العلمى بالجد كدا ما بعرفو.

لكن حكاية الشيطان فى الحالة دى مؤكد انه موجود.

اعملى حسابك.

Quote: أما حكاية الصرفة دي فخليها سكات واحدة ماسكة لينا الصرفة من عشرين سنة اقنعتني أخد الأخيرة عشان تصرف لي الأخيرة وقعدت إنتظر لغاية اتناشر شهر وبعدين صرفت الأخيرة أما الأولى فأخدها شخص مهم قالو عشان عرس بته وآآآآآآآه يا زمن وعدتني بالحلق ووعدت أنا وداني ,,

.

بخصوص الصندوق كل المسجلين مفلسين ماعدا هاشم واحمد الشايقى بس

الباقين ما عليهم تكل.

وصية ماتقدى اضانك الى حين اشعار اخر.

معليش يا استاذة عواطف
اليوم بقيتي (الاخت عواطف سيد احمد)
يا حليل أبوك وجدك
الضيعم حامد

يقول بن سفيه الشرامي في تعريفه لمرض حامد أنه يفوق (الحنكلو) في الحاكوكة خصوصاً للجقاريت من الجنسين مع إختلاف أماكن الإصابة


الله يكفينا شرو
بنسي الزول أي حاجة
إلا متطلباتو

صباح
صباح الخير

Quote: ياخى سؤالى محدد هل اجمعت بامرأة وكان الشيطان ثالثكم.

أكان لي انا ....كل يوم بجتمع مع امراة وده بطبيعة عملي.... لكن ماحصل انوا الشيطان كان تالتنا.... ولا يمكن مااديناه الفرصة يبقي تالتنا.....!
راجع
هارون دياب

الاخ المحترم هارون

سلام..

اولا ياخى جبتا لينا الهوا البارد .

Quote: أكان لي انا ....كل يوم بجتمع مع امراة وده بطبيعة عملي.... لكن ماحصل انوا الشيطان كان تالتنا.... ولا يمكن مااديناه الفرصة يبقي تالتنا.....!

.

منتظرين اجابتك .الشيطان بيفرض نفسو ولا بتتقدم ليهو الدعوة.

العزيز / صباح

صباح الخير

Quote: الاخ المحترم هارون سلام.. اولا ياخى جبتا لينا الهوا البارد .

انا جبت ليكي الهواء ....لكن باين عليكي حتوديني الاخره باسئلتك دي ....!

Quote: منتظرين اجابتك .الشيطان بيفرض نفسو ولا بتتقدم ليهو الدعوة.

وبكل صراحة .....اعتقد اذا لم تقدم له الدعوة فانه لايفرض نفسه منعا للاحراج......وبعدين تقديم الدعوة بتتم بطرق عديدة ....!
وباذن الله علي يدك انا حاامشي الخور عديييييييييييييييييييييل كده .
خليها علي الله
هارون دياب

Quote: الاخ العزيز الملك تحياتى.. تشكر على المرور والضحك على اميرة الشيخ. بتاعة البلاوى دى. بس ما قولت لى رايك فى حكاية الشيطان دى.

شيطان,,,!!!

هو أصلاً,,,البورد ده الشيطان

الاخ المحترم الملك.

سلام

Quote: شيطان,,,!!! هو أصلاً,,,البورد ده الشيطان

.

ما تتزاوغ من الاجابة ولا بكلم ليك بكرى ابوبكر .

ولا قاصد حتى وجود المرأة فى البورد برضو خلوة. وبجيب الشيطان.

اها شيل شيلتك.

أنا غايتو في روحي دي في ناس مصنفني شيطان
أي زول.. مرة.. راجل.. كديسة ذاتو.. تجتمع بي الشيطان تانيهم طوالي

الاخ المحترم الفاضلبى.

سلامات..



أنا غايتو في روحي دي في ناس مصنفني شيطان

العارف عزو مستريح ياخى قول قولك وخليهيم يصنفو ذى ماعاوزين ولايهمك مادام انت راضى

عن نفسك.

أي زول.. مرة.. راجل.. كديسة ذاتو.. تجتمع بي الشيطان تانيهم طوالي.

دى زوقه من الاجابة.خلى حكاية انت الشيطان زاتو. وقول رايك.

الاخت صباح ، طالما بتفتحى مثل هذه المواضيع لابد من الرد عليك بهذه الطريقة ، وين الارهاب الفكرى وممارسة القمع ، اذكر نفسى و الجميع بقول المصطفى علية الصلاة والسلام( إن الرجل ليتكلم بالكلمة من سخط الله ماكان يظن أن تبلغ مابلغت يكتب الله تعالى له بها سخطه إلى يوم يلقاه) وايضا قوله كلمة لا يلقى لها بالا يهبط بها سبعون خريفا فى النار ، او كما قال الصادق المصدق . اختى الكريمة ليس بينا وبينك شىء بس الله يرضى عليك اتركى مثل هذه الامور .

Quote: انا ما بحب حكاية الحبس دى. انشاءالله اموت قبلو عشان ماانحبس.

وانت بتعدى القبر ايش يا امة الله

دا حبس انفرادى مع جرد شامل لكل الاعمال
عشان كدا الاستعداد واجب
ولا رايك شنو

يا صبوحة
انتى الشيطان مش امراة؟
كنت زعلانه من اسم الفيلم دا
وبسبب الاسم كجنت كل افلام فريد شوقى
تقومى تقولى المنبر والشيطان يعنى نمشى وين
والشيطان وين؟



بطلى شيطنة
وورينا اخبارك
تحياتى للبنية لولا

Quote: انتى الشيطان مش امراة؟

صح يا سلمى

وفى الحالة دى بكونو فى شيطانيين اتنين.


وكدا بتكون مافى مشكلة من اصلو...

صباح القصة دى خلصت وكدا...