طالبة ثانوى تسطو على المنازل ليلا!!!!!!!

الاستاذ حيدر ابراهيم قال لى مرة: احرص يا هشام على قراءة صفحة الجرائم فإنها مؤشر واضح على ما يصل له المجتمع من تدنى.

Quote: اخبار الجريمة: طالبة ثانوي تسطو على المنازل ليلاً إتهمت أسرة طالبة بالثانوي بارتكاب جرائم سرقات داخل منزلهم بالقفز من أعلى الحائط في الساعات الأولى من الصباح. ولجأ الشاكي لشرطة أم درمان أفاد في بلاغه بأنه سبق وأن تم القبض على الفتاة تبعثر محتويات غرفته موضحاً بأن زوجته استيقظت في الساعات الأولى من الصباح على صوت حركة غريبة وقامت بايقاظه وعند مداهمته للغرفة تفاجأ بأن اللص فتاة تقيم بالقرب منهم وأخلى سبيلها بعد ان توسلت اليه بألا يفضح أمرها إلا انها كررت المحاولة ثانية وسرقت جهاز موبايله ومبلغ مالي كان يحتفظ به في الدولاب. وتابعت إجراءات البلاغ حيث تم العثور على الموبايل بطرف زميلتها في المدرسة.

نقلا عن جريدة المشاهير.

بعد تفشى الفقر و الفاقة سمعنا عن المرأة تدخل مجالات عدة من الجريمة آخرها النصب والاحتيال و لكن أن تصبح فتاة ثانوى حرامية تنط الحيط ليلا هذا مل لم نكن نتصوره.

المرحوم مجذوب الخليفة اصدر قرارا ذات مرة بمنع المرأة من العمل بمحطات الوقود بحجة ان هذا النوع من العمل لا يتناسب مع طبيعة المرأة.

أها ضيق الحال اوصل المرأة للقفز فوق الاسوار ليلا.


اخيرا:

نصيحة:

لو بالليل صحتك حرامية شايلة مسدس ولا ساطور اديها العندك من سكات

مهندس هشام صباح الهير
غايتو عندك جنس محن بتجيب فيهايا ود المجمر

لكن برضو عندي تحفظ شوية على تحليلك ممكن يكون الفقر احد الابعاد لكن يا ما فقراء استطاعوا ان يعبروا فقرهم بمزيد من الاصرار والتزام الاخلاق ، يعني ممكن تكون في جوانب تحكم سلوك الواحد/ة وتبعده من الجريمة الفقر لوحدة ما مبرر قول واح
اتنين الحتة اللي ذكرتها بتاعت عدم المقدرة الجسدية للنساؤ هي فعلا جوهرية وما اوردته فيها صحيحز
جاياك تاني حسع مزنوقة في الشغل قلنا نمسي اقصد نصبح
سلام
صفية

صفية

سلام

اولا كنتو بدخلو يدكم فى جيب الراجل و تشيلوا الفيها النصيب

حسه الفصة وصلت لنطيط الحيط

احد اخونا فى المنبر سمع بقصة النطيط دى قال: ما دام جاب ليها نطيط حيط حقو ادونا حق اختيار الحراميات

Quote: احد اخونا فى المنبر سمع بقصة النطيط دى قال: ما دام جاب ليها نطيط حيط حقو ادونا حق اختيار الحراميات

غايتو ضحكتني ضحك يا هشام
اها شوف جنس الهراسمنت دة النسوان ديل بعد ما يبقن حرامية ما بتحلوا من قصة التحرش دي الله يكون في عوننا نسوي شنو يا اخوانا

صفية

الباشمهندس هشام

لك ولمن معك التحايا ، قلت لي الحكاية جابت ليها نطيط حيط ؟؟؟
ليييييه الزولة دي ما عندها أي ( مؤهلات ) تانية غير ( التلِيب ) ؟؟؟...
ما كلو حرام !!

واللا قالت أحسن تجيبها من عرق جبينها ؟؟

يعني بعد كده لازم يكون هنالك تخصصات في البيت ..
الحرامي يتصدى ليهو الراجل ..
والمره تتولى أمر الحرامية ..

مش قلتو مساواة ؟؟!!

Quote: ليييييه الزولة دي ما عندها أي ( مؤهلات ) تانية غير ( التلِيب ) ؟؟؟... ما كلو حرام !! واللا قالت أحسن تجيبها من عرق جبينها ؟؟

الأخ: عثمان دغيس ..سلام
وداك مافيهو عرق جبين؟


بشير

والله مشكلتهاتبقي مشكلة كبيرة لو " نطت "..... في " بيت عزابة " ؟؟؟؟؟

Quote: يعني بعد كده لازم يكون هنالك تخصصات في البيت .. الحرامي يتصدى ليهو الراجل .. والمره تتولى أمر الحرامية ..

عثمان دغيس

سلام

اها بالطريقة دى المرأة حتطالب بحقها فى إختيار الحرامى
(طبعا الرجال ما برضو الكلام ده)

عمر حميدة

سلام

Quote: والله مشكلتهاتبقي مشكلة كبيرة لو " نطت "..... في " بيت عزابة " ؟؟؟؟؟

دى بتكون ناطة لغرض غير

Quote: اها شوف جنس الهراسمنت دة النسوان ديل بعد ما يبقن حرامية ما بتحلوا من قصة التحرش دي الله يكون في عوننا نسوي شنو يا اخوانا

Quote: والله مشكلتهاتبقي مشكلة كبيرة لو " نطت "..... في " بيت عزابة " ؟؟؟؟؟

ليه عويرة ليك ??


تحياتي هشام بيك





صلاح واسبه

طب نحن عندنا كلب بوليسي
يعني نعمل كلبه بوليسيه

والله انا اعتقد ان الحرامي الراجل سهل التعامل معه
اما الشرسات ديل الله يكفينا شرهم


اما تحليل الموضوع من ناحيه اجتماعيه فلابد من عوده

يعني ساعود

..... سـألوا جـحـا، ايـه اللـي جـابك عـلي الـمـر قال.. ( الأمـر منـه!!).

فـي ديـسـمبـر عام 1989 دخـل الرائـد صـلاح كرار دار الـمرحوم مـحجوب مـحمد احـمـد وصـادر الاموال الـخاصـة الـموجـودة بـخزينةالعائلة، وقـتها ماتـجـرأت صـحـيفة وان تكـتب عن الـحادث الغريب والشاذ والبـعيـدعـن اخـلاقياتنا!!!.
والأن الصـحفييـن بكتبوا عـن فلانة سـرقت وعلانة لـطشـفت ولابكتبوا عـن اسـباب السـرقات ولاعـن الـجوع الكافر الذي اوصـلنا الـي وان ننـشـي
" دار الـمايقوما للـلقطاء )!!!
ولابكتبوا عـن حالة البلاد التي تسـتقبل كل عام نـحـو 7000 ألف لقـيط، ولاعـن الـدعارة التـي دخلت مـساكن وداخليات الطالبات!!!!

Quote: كشفت مصادر بنكية عن تقرير بشأن حجم الاعتداء على المال العام في الجهاز المصرفي أبانت فيه أن المخالفات بلغت نحو تريليون جنيه.
------------------------------------------
وذهب التقرير إلى أن بلاغات البنوك حول هذه الاعتداءات تضاعفت في العام المنصرم مقارنة بالعام الذي سبقه.
إلى ذلك أبانت المصادر أن الاجراءات القانونية تسير من أجل القبض على المعتدين بواسطة الجهات المختصة وتقديمهم للمحكمة، مشيرة إلى إن هذا النوع من جرائم البنوك عادة ما يقوم به أشخاص بطرق التزوير والاحتيال والاختلاس، ويتطلب من المنفذين للاعتداء خبرة بإجراءات البنوك، وكيفية اعطاء الانطباع بأن الاجراءات التي تمّت كانت بصورة عادية وفقاً لإجراءات البنوك.
(صحيفة الوطن).
---------------------------------
.... يسـرقوا بالتـريليونات يـطلعوهـم براءة لانـهم اعـضاء فـي الـمافيا الاسـلامية.... تـنط طالبة الـحـيط وتسـرق ليـها (موبايل) تقوم قيامه الدنيا وتبـقي حـديث الناس والانتـرنيت !!!

يعني يا هشام يا أخي .. تخيل تنط عليك حرامية شينة!!! تبقى عليك ميتة وخراب ديار...عشان كده أنا مع حق إختيار الحرامية.. ودي ما فيها تحرش ولا يحزنون.. هسع عليك الله البيتحرش البنط الحيطة.. ولا القاعد في نص بيتو..

البشمهندس هشام
تحياتي

ياخي الموضوع أكبر بكتير من طالبة ثانوي تسرق
يعني هو السرقة ما واحدة من الخمسة جرائم الحدية ( إسلامياً)
الأربعة التانيات من زمان بقت المرأة طرف في إرتكابها

بعدين في متغيرات كثيرة جداً في المجتمع ودا بحكم أكثر من عامل
خلينا نقول منها ( غير النظام والحالة الإقتصادية )

طريقة التفكير + متطلبات الحياة الحديثة + تطور البني آدم نفسة
بعدين التطور زي ما إنت عارف مش دائماً بكون للأحسن - ما عايز اشرح ليك كتير يا باشمهندس
يعني داخل في تعبير تطور الجريمة-
مثلاً : قبل كدة في أحد أعضاء المنبر آثار حكاية إن أول دولة حدثت فيها زواج مثلي بين راجل وراجل كان في السودان ( شرق السودان على ما أعتقد )
لكن الموضوع ما أخد إعلام كثير في الزمن داك - ولا إنطرح كقضية واقعية تعاج أو تقر
ودا الفرق بينا وبين الأمم اخرى ( زي أبرا اللي بتستضيف المثليين مع عائلاتهم
بإعتبار أن دا واقع التعامل معاه واجب الإعلام والسلطة - اما لعلاجة أو إقراره )


المهم المواضيع عندنا كل ما ليها ماشة تتعقد أكثر
والسبب كلنا عارفنو

جاي تاني

نورالين

استاذ بكري الصايغ

Quote: البلاد التي تسـتقبل كل عام نـحـو 7000 ألف لقـيط،

الرقم دا صحيح
ولا غلطة طباعية وكدا


________________________________

سلامات يا باشمهندس هشام

الاخوان

العوض المسلمى
بكرى الصايغ
كمال كرار
نور الدين بابكر بدرى
محمد البشرى الخضر


شكراعلى المساهمة فى البوست

سوف اعود للرد لاحقا