دى قصة غيابنا يا الاحبه انا وام احمد

قصة غيابنا من المنبر انا ساكن مع سيد العماره فيها دورين انا سكنت فى الدور الفوق الكلام ده قبل ان تزيد الايجارات بدت العلاقة مع الرجل وجدت فيه بغيتى اخو اخوان تب كل الدايروا منو لقيتو نلت العضويه فى سودانيز اون لاين بعد ما سكنت فى البيت قدمت لىDS;قالو لى 4 شهور النقطه بعيده انتظر شوبه 15 يوم بتجاوز الحد الائتمانى 500 ريال ... صمدت سنتين .الشاهد. كنت امام خيارين. كنت منتظر لى فرصة من سيد البيت يزود على الايجار عشان امشى لى منطقه فيها العروض مجانا . نهاية العقد جانى ابو راكان . قالى يا ابو احمد انت عارف الايجارات زادت لكن انا ما بزيد عليك الايجار.
قال الكلام القالو لى . انا عارف فى فرق 5 الف ريال لو انا طلعت من البيت يكسبها ابوراكان . دى رساله انا ارسلها الى اخونا بكرى البتصل على باستمرار اخونا هشام هبانى اخونا خالد المنسى. سميه الحسن وشيقوق وبكرى ابوبكر. الرطانى ابوبكر سيد احمد. ود محجوب... هشام هبانى .. وانعام... وناذر... وغيركم كثر مابدونا العذر نصبر مع هذا الرجل شويه .. انا كتبت البوست ده بعد القون التانى فى منتخب السودان الذى اتجاوز الشوط الاول بكل جداره قت اطلع من الكوره واوصل الرسالة دى قبل ما اطلع من صديقى العندو لقيت فرصة فيما انا بصدده الان ... اتمنى ان يحالفنا الحظ فى الايام القادمة . عندى صاحبى محمد عبد الجليل بدينى تقرير مطبوع عن مايدور فى المنبر خاصة الكلام الما عاوزو ولكن هانت فى القريب العاجل انا معكم ايها الأعزاء زز شكرا بكري سامحوني واعذروني فانا منكم وإليكم وبحبكم وما كنت اريد ان ابتعد عنكم ولكن الواقع اقوى من الأماني .. تحياتى من هنا لعندكم .

فى انتظار يا اب احمد
ليك وحشة
جنى

جنى انت مجننى بى افكاركك ..................

الأخ أبوأحمد .. تحياتي

أخلق من التعب شوطاً وأدخل المنبر
وأتواصل مع الناس

حمد الله على السلامة يا سمح الرجال

حرم النت غيرك زى الملاح بلا ملح
وزي التمباك بلا عطرون
وزى الفول بلا زيت
وزى الناقة بلا .........
وزى الشاى السبارس سااااااااى ( ات عارف ده بسوى شنو للرعيان ؟ اتصل بكلمك

وزى اب احمد بلا ام احمد

مرحب بيك ومنتظرين تتم الفرحة بطلة ام احمد

مع تحياتي للوليدات والبنيات

ألف حمداً لله على سلامتك صديقي ود المحرب...

والجاتك في الدي اس ال سامحتك يا اخوي...

والحمد لله إطمأنينا عليك...

لك قواسيب مودتي...


أبو الحُسين...

الفاضل المحرب

فقدناكم في البوست

اهلا بك وبام احمد

وتحياتي لكل افراد الاسرة

قريبي ود المحرب
مسكاقمي
حسع نقول على الطلة لي شنو
جث نبط ولا متاوقة من خرم الباب
صدقني يا الارباب متاوقتك دي احسن من جلوس صديق الموج كل اليوم هنا
بس يا اخوي ما تتاخر لازم تجي في طهور دكين
جيب ساطورك وتعال

يا زول ما تمرق على الناس مالك عايز تبقى لينا زى الشيخ الطاهر ود الشيخ الامير دائما يتحكحك للصلاة بالناس ما بصلي بينا صلاة العيد الا العصر معديها تلفح في تيابو وتحكحك في دقنو وشنبو .

الدقن ال .............

امرق جاى

أخي خالد
والله فاقدنك
تسلم
أتمنى عودتكم قريبا
مودتي
مجاهدً

حباب الأرباب اللي ضيوفه قام تبه كـب ..
حباب الأرباب القدامي وراي في الراي سبب ..
حباب الأرباب البدي اليتيم من غير سبب ..
حباب الأرباب بحر الدميرة الهاج كرب ...
الشوق كيمان والود أطنان ..
السلام مطرز بالود لك ولأم أحمد وللأسرة الكريمة .

أخوك/ خالد سعيد

____________
مريتك قبل يومين في المحل وتركت ليك رسالة مع العامل ..

حبابك الزول السمح بالحَيل وحباب أم أحمد والضيفان

صحيح الفرق كبيرة ما بتسد بلاك ود المحرب وحرمه المصُون أم أحمد

وطلَتكم بلا النجوم في سمانا وقمر لقيانا في مساحة الحب والوُد سودانيزأون لاين

وسودانيز أون لاين بدونكم أوف لاين حللتم سهل القلوب وخضَرن يباباتن فرهدن

،،،،أبوقصى،،،،