Post: #1
Title: *** رحبوا معى بالصحفية المناضلة والشاعرة الرقيقة منى ابو العزائم***
Author: soma
Date: 01-22-2008, 07:13 PM
الاخوة والاخوات الاعزاء
سلام من الله لكم جميعا وكل عام والجميع بالف خير
التحية والتقدير والشكر للاخ الباشمهندس بكرى ابو بكر
لاستجابته ومنحه العضوية للاخت الحبيبة الغالية الشاعرة الرقيقة
والصحفية النشطة المثابرة منى ابو العزائم
ابنة الاعلامى المعروف المخضرم الاستاذ محمود ابو العزائم
وشقيقة الاعلامى مصطفى ابو العزائم
رئيسة تحرير جريدة الحياة والناس
انسانه بشوشة كريمة ودودة بطبعها..
زرتها فى اجازتى الاخيرة
للسودان .. بمكتبها بمقر الجريدة ..
تستقبلك بابتسامتها الوديعه التى لا تفارقها ابدا
وبقلبها الكبير وحبها وحنانها الذى يفيض دفئا للجميع
تتعامل مع الجميع باريحية وتواضع باين فى ملامحها
شايلة هموم اهل بلدها كافة فى حدقات العيون.
وهموم المرأة بصورة خاصة ..
لها رأى محايد وقلم جرىء
حكت لى عن تجربتها الاخيرة المريرة التى اعتقلت بسببها
ومكثت بالمعتقل اربعه ايام متواصلة .. وكانت صامدة
ومتمسكة برأيها ..
لا اريد ان احكى لكم التجربة بالتفصيل .بل نترك المجال لها
لكى تثرينا بالنقاش الجاد الحر .. وتطربنا بنظمها الرقيق
فالنحييها واهلا بها فى هذا المنتدى العامر بكم جميعا
مره اخرى شكرا اخى الباشمهندس بكرى ابو بكر
شكرا بحجم الوطن
همسة **
الغالية الاخت الصديقة منى
سعيدة حد الفرح ان اقدمك للقراء
فى هذا اليوم المميز لى .. انه عيد ميلادى
ودعت عام بخيرة وشره واستقبلتك مع تباشير عام جديد
اهلا بك كاتبة وصحفية متميزة وصديقة مخلصة
اسماء الجنيد / مسقط
|
Post: #2
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: الجندرية
Date: 01-22-2008, 07:38 PM
Parent: #1
حبابها عشرة بلا كشرة يا سوما
|
Post: #3
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: Kamal Karrar
Date: 01-22-2008, 07:38 PM
Parent: #1
مرحبتين حبابك
مرة عشان خاطر سوما
ومرة عشان خاطر منى أبوالعزائم
وياسوما كل سنة وأنت طيبة بمناسبة عيد ميلادك
|
Post: #4
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: هاشم أحمد خلف الله
Date: 01-22-2008, 07:45 PM
Parent: #3
نرحب بالأخت الصحفية والشاعرة مني ابو العزائم
وكل من ياتي من طرفك يا سوما له مكان في قلوبنا
ونقول ليها طبتي يا مني وطاب بك المقام .
|
Post: #5
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: ismeil abbas
Date: 01-22-2008, 08:05 PM
Parent: #1
ألأخت/سوما
ألف حمدآ لله على سلامتك وكيف ناس الجنيد..
ومرحبآ بألأخت منى أبوالعزائم بيننا..شعرآ ونثرآ ونضال..وشكرآ للأخ/الباشمهندس لأنتقائه للناس الرائعين.
تحياتنا للأخ/الفاتح الجنيد..
تحياتى..
إسماعيل محمد احمد عباس..........
|
Post: #6
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: Deng
Date: 01-22-2008, 08:05 PM
Parent: #1
مرحبا بالصحفية منى أبو العزائم.
شكرا لك يا سومة.
دينق.
|
Post: #7
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: النذير حجازي
Date: 01-22-2008, 09:20 PM
Parent: #6
مرحب بيك إنت وصحبتك ياأجمل الحلوين
وكل سنة إنتِ وصحبتك وأسركم بألف خير
وعافية
|
Post: #8
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: سجيمان
Date: 01-22-2008, 09:23 PM
Parent: #1
اهلا بالاستاذة منى ابو العزائم
شكرا سوما
|
Post: #9
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: salma subhi
Date: 01-22-2008, 09:29 PM
Parent: #8
ألف مرحب بالشاعرة من أبو العزائم...
كيفك سوما
كل سنة وانت أجمل ......
|
Post: #10
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: أبو ساندرا
Date: 01-22-2008, 09:31 PM
Parent: #1
أهلآ بها
وزلة تقدميها أنت يا سومة لابد أن نرحب بها
|
Post: #11
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: العوض المسلمي
Date: 01-22-2008, 09:38 PM
Parent: #1
الاستاذه الكبيره
مني ابو العزائم بيننا
مرحبا بها
وما اسعدنا بها
والدار نورت يا راقيه
وتحياتي للجميع
ابوتسابيح
|
Post: #12
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: عمرو كمال ابراهيم
Date: 01-22-2008, 09:58 PM
Parent: #11
مرحب بالأستاذة منى ابو العزائم
ارجو ان يطيب لك المقام
تحياتى لمحمد ابوالعزائم
تزاملنا فى الجامعة لدراسة القانون1998 ودرسنا سويا طوال السنوات الأربع
... لكن هو عجوز
سلمى عليه شديد
|
Post: #13
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: صلاح شعيب
Date: 01-22-2008, 10:26 PM
Parent: #12
مرحبا بالزميلة منى ابوالعزائم إضافة جديدة للمنبر
|
Post: #14
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: ماجدة عوض خوجلى
Date: 01-22-2008, 10:43 PM
Parent: #1
ياهلا والـف مرحب بالاخت منى بيننا ...
تسلمى سـومه ,,,
|
Post: #15
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: Ahmed al Qurashi
Date: 01-22-2008, 11:09 PM
Parent: #14
الاخت العزيزة / اسماء الجنيد
نرحب معك بالاستاذة الصحفية منى ابوالعزائم
وكل سنة وانت طيبة وعقبال مائة عام والتحايا عبرك للعزيز الفاتح الجنيد
|
Post: #16
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: وجدي الكردي
Date: 01-22-2008, 11:45 PM
Parent: #15
الحبيب ابو ساندرا..استبدل النضارة وانت بتكتب.. ما تحرجنا مع ضيوفنا
استاذتي منى ابوالعزايم..مرحب بيكي في عيونا
|
Post: #17
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: Amiral
Date: 01-23-2008, 00:00 AM
Parent: #16
مرحبا بالأستاذة منى أبو العزائم.
وشكرا لك يا سومة
|
Post: #18
Title: *** رحبوا معى بالصحفية المناضلة والشاعرة الرقيقة منى ابو العزائم***
Author: Tragie Mustafa
Date: 01-23-2008, 00:06 AM
Parent: #17
مرحبا بالاخت منى ابو العزائم.....
|
Post: #19
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: البشير دفع الله
Date: 01-23-2008, 08:12 AM
Parent: #1
التحية والتقدير سوما
ومليار مراحب بالاستاذة منى ابو العزائم , وهي غنية عن التعريف
وعلم في دنيا الصحافة والأدب
أهلا ومرحبا
|
Post: #20
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: معتصم دفع الله
Date: 01-23-2008, 08:41 AM
Parent: #1
مرحبتين حباب الصحفية منى أبو العزائم ..
وانتي زاتك مرحبتين حبابك يا سوما بعد الغياب ..
|
Post: #21
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: انعام حيمورة
Date: 01-23-2008, 08:57 AM
Parent: #1
الف الف مرحب بيك استاذة منى ابو العزائم
سومة شكرا ليك كتير لهذه الاضافة الحقيقية ..
وكل سنة وانتي طيبة .. وربنا يحقق ليك كل الامنيات الحلوة يااارب
مودتي
|
Post: #22
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: الطيب شيقوق
Date: 01-23-2008, 09:26 AM
Parent: #21
بالتاكيد يا ام مؤيد ما بتجيبي الا الدرر واللآلي
الف مرحب بالمناضلة منى ونحن في انتظار الابداع
|
Post: #23
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: khalid abuahmed
Date: 01-23-2008, 12:12 PM
Parent: #1
الاخت سوما
أنا أكثر السعداء في هذا المنبر بوجود الاستاذة والاخت العزيزة منى أبوالعزائم كوني زاملتها في صحيفة واحدة ولم أعرف عنها إلا المثابرة والموضوعية والتميز الصحفي، منى إضافة حقيقية لهذا المنبر وقد حملت هموم المرأة السودانية في حلها وترحالهاوكان لي معها مناقشات كثيرة حول المسكوت عنه في المجتمع السوداني وأتذكر كتبت سلسلة مقالات عن الختان الفرعوني وشاركت معها في إثراء الحوار في مختلف القضايا، وأتذكر كذلك مرة اقترحت انشاء حزب للمرأة السودانية لا يتدخل في اجندته الرجال ويعالج جميع القضايا النسوية، وكان موضوعا جميلا استمتعنا فيه بالآراء المتعددة.
مرحب وحبابك عشرة منى ابوالعزائم
وسؤال (وين حياة عبدالله) ...؟؟؟
وشكرا اختنا سوما..
|
Post: #24
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: الفاتح الجنيد
Date: 01-23-2008, 12:59 PM
Parent: #23
ألفين مراحب بالاستاذة منى ابو العزائم
فالقلم هو ما نحتاجه فى هذا المنبر
عرفتى ياسوما تجيبى معاك حاجه عليها القيمة من السودان
الاحباء : اسماعيل عباس ، ود. احمد القرشى
تحاياكم وصلت ، ولفيتها بى ورق سلوفان وختيتها تحت مخدتى
تسلوا كتير ...
|
Post: #25
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: مدثر محمد ادم
Date: 01-23-2008, 02:52 PM
Parent: #24
سلامات شعارتنا سوما وعيد سعيد
والف مرحب بالاستاذة منى ابو العزائم
|
Post: #26
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: omergoda
Date: 01-23-2008, 05:20 PM
Parent: #1
الاخوه الاخوات الكرام
كلفتنى الاستاذة الكبيره منى ابوالعزائم ارد عليكم نيابه عنها وذلك لعدم الدخول يظهر عندها مشكله ب Nickname او Password والله اعلم ارجو من الاخ المهندس بكرى ابوبكر النظر بذلك
---------------------------------------------------------------------------
كلمة الاستاذه منى ابو العزائم رئيسة تحرير جريدة الحياة والناس
الاحباب اعضاء منتدى سودانيز أون لاين سعيده جدا ... جدا ... جدا وأنا ادخل فى نعيم هذا المناخ الابداعى الرائع النضر . وسعدت أكثر عندما ابلغتنى الشاعره الجميله معانى ومبانى (سوماالجنيد) .
اما المهندس بأنى الموقع (بكرى ابوبكر) أهديه باقه ريد وشكرى المعاها جزيل . والمهندسين ولادة الهنا.
اما صديقى وأخى العزيز جدا عمر جودة فهو من كان همزة الوصل بينى وبين الشاعره الجميله الرقيقه اسماء .
وشكر وأرحب بكل من ساهم وهنا وتواصل معى
هديه .. عربون محبه وتواصل
=========================
عمرى .. بيك انت .. ابتدأ
وفيك انتهى
ريدى اذدان واذدهى
وبلمسه حنانك
حاضرى اخضر .. زهى
وصبح شموسك
فان السها
وشوقى ليك ياحنين
أبرق .. أمطر .. سخا
ياكل حنان الدنيا فيك
ياروح الروح
يامشتهى
نجل العيون .. ترمحنى
باشتياق .. اجتياح
لون الدجه
الحسن فيها كامن كامل
هايم سجا ...
عشم حياتى .. ليك التجا
يامرتجى
دون خلايف الدنيا
قلبى اختارك فيك
عمرى ليك .. اجتبا
واختار نعاس .. عينيك
ملاز .. جواها .. اندسا
منى ابوالعزائم- الخرطوم
|
Post: #27
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: خالد علي محجوب المنسي
Date: 01-23-2008, 05:46 PM
Parent: #26
نرحب بالأخت الفاضلة
منى أبوالعزائم
ونتمنى أن تكون إضافة مفيدة للمنبر
وشكرا كتير يا سوما
|
Post: #28
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: حبيب نورة
Date: 01-23-2008, 06:01 PM
Parent: #27
مررررررررررررررحبتين حبااااااااااااااابك
|
Post: #29
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: soma
Date: 01-23-2008, 08:35 PM
Parent: #28
الاحبة الكرام
تحية واحترام
لكم الشكر ممزوج بالتقدير
للاهتمام والترحيب بضيفتنا الغالية
ارجو المعذرة لغيابى عنكم
سوف اعود اليكم مجددا ان شاء الله وارد عليكم فردا فردا
لكم التحايا النواضر
وشكرا أردب محنة
اسماء الجنيد / مسقط
|
Post: #30
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: د.محمد حسن
Date: 01-23-2008, 08:49 PM
Parent: #1
اولا :
شكري وعميق تقديري لكل آل الجنيد
وحقيقي الواحد يتمنى يرد واو قلييييل من ما غمرتم به به زواركم
تحايا خاصة للفاتح وفخري بك ايها الرجل
ثانيا
زي ما قال معتصم
واهلا بالاستاذة منى
|
Post: #31
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: أحمد الشايقي
Date: 01-23-2008, 08:57 PM
Parent: #1
مرحبا
ويطيب ليك المقام بيننا
أحمد الشايقي
|
Post: #32
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: omergoda
Date: 01-23-2008, 09:32 PM
Parent: #1
اعجبتني جدا قصيدة الشاعرة اسماء الجنيد التي تخاطب فيها جيلاني
شيخ البطاحين: الله يديك الفافيه عيد ميلاد سعيد ام رامى
يا جيلانى اقيف
خفف على اللوم
قدمت العذر
فى اليوم وراه اليوم
بتعرف الظروف
لمن تجيك بالكوم
لا تقدر تقيف
ولا تخبر دريب للنوم
خيتك الغبشه
من اهل البكرمو القوم
دارالبطاحين ...
وطه ود مريوم
لا شافو البنادر
ولا كهارب الخرتوم
اوتاد القبيله
وسيوف رقاب الشوم
بحور الدميره
ما فيها البعرف العوم
بنشق الفيافى
ضى دروبنا نجوم
بنقهر الظالم
ونسند المظلوم
جيلانى اخوى
قلل كفاك اللوم
معروف بالمحنه
حاشاك ما مليوم
من دار جعل
لى الدالى والمزموم
ما تخجل إخيتك
كل ما دخلت الروم
****
ات يا الكلس ...
بتعرفنى شديد بالحيل
بت شيخ الجنيد..
خلاويهو زاربه النيل
دروايش الذكر
للتوبه والتهليل
باللوح والدواية
فى جوف سواد الليل
بنكرم المارى
ونبقى ليه دليل
بنمطن الحارى
وللغريب قنديل
بنعرف الاصول
و ما بننكرو جميل
شن الشهرة هى
الجايبه لى الويل
مفرقه الخوة
وباعده منى خليل
***
ياخوى جدف
بى شراع الشوق
جدف و ما توقف
ارمى اللوم وما تحلف
وباعد بين دروبو الف
وناغم للمحنة ولف
تلقى الود براو يرجف
يقالد الموج ويراقص الضف
اصلو الزايله ما بتستاهل
غير نديها كمين كف
نلم الفضل عايش
ونغزل من حروفو جرف
اسماء الجنيد... مسقط
|
Post: #33
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: AnwarKing
Date: 01-23-2008, 11:45 PM
Parent: #1
مرحب بيك ومرحب بيها...
حبابك عشرة بلا كشرة
أنور
|
Post: #34
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: سميح جمال
Date: 01-24-2008, 07:19 AM
Parent: #33
اهلا باستاذتنا الفاضله منى ابو العزائم
وعبرها التحيه لكل صحافي بالحياة والناس والوان.
|
Post: #35
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: منى على الحسن
Date: 01-24-2008, 07:26 AM
Parent: #1
مرحب بالاستاذة منى ابو العزائم واضافة رائعة للمنبر
منى قلم لا يستهان به ..ومواقف مشرفة وصلبة
سوما كل سنة وانت جميلة وكل سنة وجايبة معاك وردة للمنبر
|
Post: #36
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: مدثر محمد احمد
Date: 01-24-2008, 07:51 AM
Parent: #1
مرحب بالاستاذة منى ابو العزائم
الصحفية والشاعرة
وصاحبة الكلمة المؤثرة والنكته الحاضرة والتعليقات الساخرة فى احلك المواقف
مربا بها مرة اخرى
وهى اضافة للمنبر
ويلا يا استاذة منى شدى حيلك معانا هنا
سلامى للجميع
مدثر محمد احمد
|
Post: #37
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: عواطف ادريس اسماعيل
Date: 01-24-2008, 09:02 AM
Parent: #36
سوما !!!
سلامات ,,,
مشتاقين ,,,
ألف مرحب بالشاعرة والصحفية الكبيرة منى أبو العزايم ,,,
منى لا زلت أذكر طلتك البهية في زهرة الخليج .. كم سعدنا بك وبوجودك ... نور المنبر ...
|
Post: #38
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: Sahar Yousif
Date: 01-24-2008, 09:21 AM
Parent: #1
الف مرحب بيك استاذة مني ابو العزائم حللت اهلاً
سوما يا رائعة ... كيفك تمام 
|
Post: #39
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: محمد أبوالعزائم أبوالريش
Date: 01-24-2008, 09:47 AM
Parent: #1
مرحب ((((بالأخت)))) منى أبوالعزائم
شكراً سوما
|
Post: #40
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: رأفت ميلاد
Date: 01-24-2008, 11:38 AM
Parent: #39
مرحب منى أبوالعزائم
صاحبة بيت
أهلآ وسهلآ
شكرأ سوما
|
Post: #41
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: soma
Date: 01-24-2008, 09:00 PM
Parent: #40
الاحبة الكرام للجميع شوق وسلام
آسفه للتأخير المابالخاطر.
العتبى لكم جميعا..
ولكم التحاياوالشكر اجزلة من الاخت الغالية منى ابو العزائم
التى تواجه الان صعوبة فى الدخول ..
ن شاء الله الاخ بكرى ما بقصر معانا وبشوف حل للمشكلة
وتواصل معنا الاخت منى المشوار باذنه تعالى
شكرامرة اخرى للجميع
***
الجندرية البنيه الفنجرية
حباك انت يا غالية
جد مشتاقين يا ست البنيات لى حدهن
تسلمى يا حبيبة
حبابك وحباب منى الشاعرة الانسانةالجميلة
****
اخى العزيز كمال كرار
سلامات ياخ وكل سنة وانت وكل الاهل بالف خير
تسلم ياالحنين من كل بلا ان شاء الله
شكرا قدر سماحة دواخلك يا ابيض على طلتك الحنينة
شكرا نيلين
****
الاخ الشفيف هاشم احمد خلف الله
حبابك يا ود الفريق والحلة
شكرا على الطلة يا ود القبائل
وحقيقى اختنا منى اضافة قيمه لمنتدى بكرى العامر بكم جميعا
شكرا مارقة من الجوف اخى هاشم
***
الاخ الكريم اسماعيل عباس
حبابك يا ود الاصول
تسلم يا الغالى .. ناس الجنيد كلهم طيبين الحمد لله
وقضيت اجازه ممتعه مع الاهل .. عقبالك ان شاء الله
اها شوف مشية البلد جابت معاها الخير المكشح فى السهلة
وانضمام اختنا منى ابو العزائم براه مكسب ما بعده مكسب
سلامك لى ود الجنيد وصل .. تسلم يا ود ملوك النيل
****
الاخ العزيز دينق سلامات بعد غيبه
كل سنة وانت طيب بكل المناسبات الجميلة الفاتت وما لاقيتك فيها
شم النسيم والكريسماس وراس السنة وعيد الاضحى
ربنا يجعل ايامك كلها اعياد يا رب
شكرا دينق .
***
اخى النذير سلامات وشوق
كل سنه وانت طيب
وشكرا ليك على الطلة الجميلة والتحية الاجمل
شكرا اخى العزيز ..شكرا لمة اهل
***
الاخ الدكتور سجيمان حبابك الف
شكرا على المرور والترحيب بالضيفة المميزة
تسلم كتير وكتر الف خيرك
|
Post: #42
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: Nasir Ahmed Elmustafa
Date: 01-24-2008, 09:15 PM
Parent: #41
مرحب حبابك عشرة
اضافة حقيقية لمناصرة الوطن
شكرا سوما
تخريمة يا استاذة مي مبروك لبتكم ريم وربنا يتم ليها على خير
|
Post: #43
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: شهاب الفاتح عثمان
Date: 01-24-2008, 09:56 PM
Parent: #1
]
حبـــاب طــله المنى
حبـــاب
|
Post: #44
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: soma
Date: 01-25-2008, 06:29 AM
Parent: #43
***
الغالية جدا سلمى صبحى
سلامات ومشتاقين والله
شكرا يا رقيقه على ترحبيبك بضيفتنا الشاعرة منى
شكرا على التهنئة يا ذوق
تسلمى كتير
***
العزيز ابو ساندرا
حبابك بعد غياب طال
اشتقت لى مداخلاتك والله
شكرا على طلتك الديمه سمحة
شكرا حجوات
***
الاخ العوض المسلمى
مرحب حبابك
كتر خيرك على الطلة والتحية بالاخت منى
شكرا ليك كتير ابو تسابيح
***
الاخ عمرو كمال سلامات
شكرا بالنيابة عن الاستاذة منى بالترحيب
شكرا باقة فل
***
الاخ صلاح شعيب مرحب بيك كتير
وشكرا للطلة الجميلة
ومرحب كتير بالاخت منى
شكرا جزيلا اخى صلاح
***
الحبيبه ماجدة خوجلى سلام يا غالية
مشتاقين لى طلتك ديمة
تسلمى يا حنينه على التحية والترحيب
شكرا ندى الحقول يا ماجدة
|
Post: #45
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: khalid abuahmed
Date: 01-26-2008, 11:54 AM
Parent: #1
الاخت سوما
انا مالي عملت شنو..؟؟؟
|
Post: #46
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: أسامة خلف الله مصطفى
Date: 01-26-2008, 12:17 PM
Parent: #45
ألأخت منى أبو العزائم
مرحب بيك وأتمنى لك إقامة طيبة ومشاركات مثمرة
شكرا لكى أختى سوما
|
Post: #47
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: soma
Date: 01-26-2008, 07:45 PM
Parent: #46
الدكتور الموسوعه احمد القرشى
طلتك براها عيديه
وترحيبك بالاخت الشاعره منى اسعدنى للغاية
واكيد اسعدها وهى متابعه معجبة لكتاباتك الشيقة
عن الاغنية السودانية
تسلم د/ احمد على التهنئة .. وكل سنة وانت طيب
لكل المناسبات الحصلت وما لاقيتك فيها
سلامك للجنيد وصل وببلغك الكثير من السلام
شكرا بعمق الخوة البينا
****
الاخ وجدى الكردى حبابك انت ايضا
وشيشك على ابو ساندرا .. اصلو بكون مستعجل لاحق الكورة
تسلم اخى وشكرا محنة
****
مرحب بيك انت يا آمريال
وشكرا لطلتك السمحة
***
شكرا تراجى مصطفى على المرور والترحيب
****
الاخ البشير دفع الله حبابك انت يا العشا
كتر الف خيرك على طلتك السمحة زى البنية الفى البروفايل
ما شاء الله وعينى بارده .. ربنا يحفظها ان شاء الله
شكرا اخى البشير مارقة من الجوف
****
معتصم دفع الله ود الفريق والحلة
حبابك ود امى وبركة الجيتنا مارى بى جاى
باقى طولنا منك بالحيل
شكرا يابا شكرا حنينة زيك
****
الحبيبة الغالية انعام حيمورة
حبابك يا غالية من بطن الاهل
تسلمى يا ستهن.. وكل سنة وانت طيبة
وعام سعيد جديد عليك بالخير الوفير ان شاء الله
صدقتى والله .. الاخت منى مكسب لينا كلنا
اهلا حبابها وان شاء الله قريب تشوفها بيناتكم
شكرا نعومة شكرا أردب محنة
***
ود شيقوق اهلين حبابك يا الحنين
العيد مبارك عليك .. ما اتلاقينا ياخوى
تسلم يا العشا على المتاوقة السمحة
شكرا يا ود الاهل شكرا تيراب محنة
تحياتى ولى عودة مع بقية الاخوة والاخوات المرحبين
|
Post: #48
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: soma
Date: 01-26-2008, 09:23 PM
Parent: #47
الاخ العزيز جداخالد ابو احمد
حبابك انت فى الاول وحباب طلتك الجابت الخريف باكرية
اسعدتنى مداخلتك جدا يعلم الله
عذرا اخى العزيز لتأخير الرد
شاهد الله مشغوليات ليس الا
وما عندى فرز فى زول فيكم
كنت مواصلة الردود بالترتيب حسب المداخلة
لكن برضو حقك على لانه مشغولياتى
اخرتنى من الرد عليكم سريع
والاخت منى شايفاها لسه ما دخلت
طبعا مشغولياتها هى اكتر لكن برضو متشوقه جدا
تنضم ليكم اكتر من شوقكم ليها
وفرحانه بى كل المداخلات دى
لك العتبى اخى العزيز حتى ترضى
آلمتنى جدا عبارتك وتساؤلك فى مداخلتك التانية
( يا سوما انامالى عملت شنو ؟؟ )
حاشاك ياالمهل يا سقف الاهل
انا الاتلومت فيك والله يا خوى
اعفا لى عليك الله وامسحا لى فى طرف توبى ده
عشان لسه قاعده استقبل فى الناس ..
فى طرف توبى ما بظهر شىء 
لك التحية اخى العزيز وكتر الف خيرك
على مرورك الاسعدنى والغالية منى
شكرا أردب محنة
ومطامير فرح
تحياتى/ اسماء الجنيد / مسقط
عذرا عدل لتصحيح الاخطاء الاملائية
|
Post: #49
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: سمية الحسن طلحة
Date: 01-26-2008, 10:26 PM
Parent: #48
مرحب بالشاعرة الأديبة منى أبو العزائم
عقبال تطفي الشمعة المية ياسوما سنة حلوة ياالفاتح
| Quote: مرحب ((((بالأخت)))) منى أبوالعزائم |
محمد أبو العزائم سلامات
مقوسا كدي يعني أختك ولا حايز الإسم ؟
|
Post: #50
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: محمد أبوالعزائم أبوالريش
Date: 01-27-2008, 09:32 AM
Parent: #1
بت الحسن كيفنك
| Quote: مقوسا كدي يعني أختك ولا حايز الإسم |
إنتي عندك شك؟ ما دام دخلت المنبر تبقى أختي ونص .... هسي إنتي عندك راي في خوَّتي؟ واللاّ شايفاني ما أخوك؟
بعدين الإسم ده لازم يكون عنده حق علينا.
مودتي
|
Post: #53
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: سمية الحسن طلحة
Date: 01-27-2008, 09:17 PM
Parent: #50
| Quote: ما دام دخلت المنبر تبقى أختي ونص |
ماعندي أي شك وهاك عربون خوة من ودفع الله العسافابي
أخوك يا أم روبة مابتيّن الجارات
أخوك يا أم ديس طبيق أسد الخلا القنّات
أخوك عند موجبي ماني الزئبقي الهورات
أخوك بلزم الحارة الشديدة إن جات
لكن عندي رأي
خفت من إنتحال الشخصية
وما أدراك ما ناس القانون
|
Post: #51
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: Alsa7afa_30
Date: 01-27-2008, 10:15 AM
Parent: #1
ألـ1000ـف مرحب ..
|
Post: #52
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: soma
Date: 01-27-2008, 08:36 PM
Parent: #51
ود الجنيد حبابك ..
نورت الدار وشتت الفرح فى الساحات بقدومك يا غالى
كان كترت بعد كده بهجموا على ..
الباقى خلى حمدو فى بطنو
***
الوريف الشفيف اخى مدثر محمد ادم
حبابك يا صاحب الحرف المنمق والاحساس العميق
شكرا على الطلة والترحيب الجميل
شكرا لمة اهل
****
الاخ عمر جودة شكرا جزيلا للتوضيح
واتمنى من الاخ بكرى ان يحل لينا المشكلة دى سريع
وشكرا محنة للغالية منى
****
الارباب اخوى خالد المنسى
سلام بقلدة محنة وشوق اهلنا
تسلم يا ود القبائل على الطلة
شكرا محنة حبوبات
***
حبيب نوره حبابك انت كمان معانا
شكرا جزيلا
***
د/ محمد حسن سلام كتير ليك وللاسرة الكريمه
لا شكر على واجب يا ود القبائل
وما بيناتنا يابا
التحية عبرك للاهل وشوقنا ليهم زايد يعلم الله
سلامك لود الجنيد وصل وبغريك كتير السلام والشوق
شكرا يا دوك شكرا لمة زى لمتنا فى الرياض
***
احمد الشايقى حبابك يا اصيل
وشكرا كتير على التحية والترحيب
شكرا بالنيابة عن الغالية منى
***
الاخ عمر جوده مره اخرى لك الشكر والتقدير
وكتر الف خيرك لانزالك القصيده
وشكرا على التهنئة شكرا محنة
***
العزيز انور كنق حبابك بعد غيبة طويلة
شكرا يا ود البلد على الطلة السمحة زيك
شكرا انور قدر معزتك عندنا
شكرا مارقة من الجوف
****
مرحب بيك سميح جمال
ولك تحية خاصة من العزيزة منى
شكرا جزيلا
***
العزيزة الغالية منى على الحسن
تسلمى انتى يا احلا وردة
شكرا على الطلة النديه
والاحساس الراقى زيك
شكرا منوية
شكرا باقة ياسمين
****
الاخ مدثر محمد احمد مرحب بيك انت ايضا
وشكرا على الاضافة القيمه للاخت منى
Quote: الصحفية والشاعرة
وصاحبة الكلمة المؤثرة والنكته الحاضرة
والتعليقات الساخرة فى احلك المواقف |
صدقت والله
شكرا اخى مدثر
لكم التحية جمبعا ولى عودة لبقية الاحبة الغاليين
|
Post: #54
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: Raja
Date: 01-27-2008, 09:34 PM
Parent: #52
مرحبا بالزميلة الصحفية والشاعرة منى أبو العزائم في المنبر..
تشكري اسماء
|
Post: #55
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: soma
Date: 01-28-2008, 09:02 PM
Parent: #54
عطووووووفة سلام يا حنينة
الشوق نيلين يعلم الله
مشتاقين يا غالية
تسلمى على الطلة والتحية المشرقة زيك
المنتدى منور بيك وحا يزدان اكثر بوجود منى الشاعرة الانيقة
شكرا عطوفة شكرا سمحة زيك
***
العزيزه سحر يوسف
سلام يا رقيقة
الحمد لله بخير يا سحر ..
كل ما تكونى انتى بخير انا بسعد اكثر
شكرا يا حبيبة شكرا قمر دورين
***
والف مرحب بيك انت اخى محمد ابو العزائم
وشكرا على الطلة
شكرا نيلين
****
حباب رأفت ميلاد
كيف حالك وازيك
تسلم يا رأفت وشكرا على الطلة يا اصيل
شكرا فرح قبيلة
تحياتى للجميع واعتذر بشدة لتأخير الرد
ولى عودة ان شاء الله
شكرا محنة
|
Post: #56
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: mohanad haimoura
Date: 01-28-2008, 10:01 PM
Parent: #55
الف مرحب بالاستاذه مني
انشاء الله يطيب لكي المقام
هي للليل مالا ما جات
كل الود
|
Post: #57
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: محمد أبوالعزائم أبوالريش
Date: 01-29-2008, 06:58 AM
Parent: #1
Quote: لكن عندي رأي
خفت من إنتحال الشخصية
وما أدراك ما ناس القانون |
يا زولة ما تخافي ....
مش ناس ود المرتضى .. وود شيقوق ديل؟ ---- في جيبي السغير ده.
|
Post: #58
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: essam&amal
Date: 01-29-2008, 07:25 AM
Parent: #1
اهلا بالملكة بت الملوك
بالمناضلة سليلة المناضلين
بالقلم الذى لا يخاف فى الحق لومة لائم
زرتها فى سجن ام درمان فرأيتها
هيبة ....... وعظمة ........ وشموخ
اهلا سومة الجميلة
والتقديم بشبهك
وانت اهل له
تقديم العظام للعظماء
لكما الود
ام وضاح
|
Post: #59
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: bent-elassied
Date: 01-29-2008, 07:33 AM
Parent: #58
سلام سوما
و مرحب بالاستاذه مني
|
Post: #60
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: صلاح كشة
Date: 01-29-2008, 07:31 PM
Parent: #59
الاستاذة الشاعرة أسماء الجنيد ..
تحايا الود والمعزات والتقدير ..
نرحب معك ياسوما بالاستاذة الراقية مني ابوالعزائم.. دي اسرة لها باع طويل في الصحافة..
وكل سنة وانت طيبةوعقبال مائة شمعة .. أرجو المداخلة في بوستي باسم ناهد بشير الطيب ..
ومنتظرين طلتك البهية في بوست القضارف وفي انتظار قصيدة ثالثة ورابعة وخامسة الي وزيرنا الهمام عبدالاله ابوسن الذي يعشق الشعر وفي انتظارك .. دمتي قامة نفتخر بها في القضارف ورفاعة ..
|
Post: #61
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: انعام عبد الحفيظ
Date: 01-29-2008, 07:41 PM
Parent: #1
اهلين منى
منوّرة المنبر
|
Post: #62
Title: Re: *** رحبوا معى بالصحفية المناضلة والشاعرة الرقيقة منى ابو العزائم***
Author: soma
Date: 01-29-2008, 08:47 PM
Parent: #61
سلام يا اهل
مرحبتين حبابكم
***
الاخ العزيز ناصر احمد المصطفى
حبابك معانا فى بوست بت العزائم
ام خيرا دائم
تسلم كتير وكتر خيرك على الطلة
****
د/ شهاب الفاتح يا هلا بى طلتك انت معانا
شكرا نيلين يا ود ملوك النيل
****
اخى اسامة خلف الله مصطفى
حبابك وسمح اليوم اللينا جابك
شكرا ليك على المرور يا جميل
***
الاخت الحبيبة سمية الحسن
حبابك يمه وحباب منى الشاعرة الرقيقة
كتر الف خيرك على التهنئة الحلوة
تسلمى يا بت شيوخ البطانة
شكرا قطوف وخدار جروف
***
حباب الصحافة
حباب الناس القيافة
تسلم على الطلة يا شفيف
شكرا نغم طروب من اختياراتك الراقية
***
رجوووووووية .. مشتاقين والله
واا حلاتك بابتسامتك وطلتك البتفرح القليب
حبابك وحباب زميلتكم وحبيبتكم منى الحنينة
شكرا رجوية قدر طلة شاعرتنا منى لينا فى المنبر
****
اخى محمد حيمورة
الف مرحب بيك انت اخى محمد
كتر خيرك على المرور والترحيب
تصدق يااااااااا الليلة ما جات
غايتو قلقلنا بكرى كان يغير ليها الباسوورد سريع
شكرا اخى محمد
شكرا بلا حدود
****
الحبيبة الغالية ام وضاح
حبابك يا ضى الصباح
طلتك بترد الروح
وتقرب المسافات بعد غياب
شكرا على احساسك العالى و صدق معانيك النبيلة
تسلمى يا حنينة على كل الجميل الجاى منكQuote:
اهلا بالملكة بت الملوك
بالمناضلة سليلة المناضلين
بالقلم الذى لا يخاف فى الحق لومة لائم
زرتها فى سجن ام درمان فرأيتها
هيبة ....... وعظمة ........ وشموخ |
صدقتى والله
واهلا حبابك انتى بوجودك البوست زاد جمال ورونق
شكرا قدر فرحى بى طلتك الحلوة
***
الاخت الحبيبة bent-elassied
اهلا بيك انتى يا غالية
وشكرا على الطلة السمحة
****
|
|