Post: #1
Title: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!!
Author: عبدالكريم الامين احمد
Date: 01-22-2008, 01:32 PM
كنت قد قنعت من حضور حلقة الاخت ناهد في برنامج الجزيرة هذا الصباح وطلعت ايضا من رؤية الاعادة
كيت ..الا ان الصديق الجميل معتصم دفع الله من الرياض قد مارس تالقه وترصده للاحداث الجميلة وعصر علي روحه
رغم انه هذه الايام اشهر ممارض في بلاد الخليج في وعكة صديقه وحبيبنا الشهير (تمبس) الذي نتمني له الشفاء العاجل..!!
فقام بتسجيل الحلقة كاملة وسيقوم بنشرها هنا علينا جميعا
ويلا يا الطيب شيقوق خليك قريب
وكمان يدكم معانا يا ناس تلفزيونات الشغل (البعيدة) خلف الكوارو دوار
وصاحبنا (حاكم)
وتعال نسونو ونتم الكلام هنا يا سري
ويا نجوان ناس التكنو لوجيا ما قصروا تب...
وبورداب الرياض ويييييييييييييي 
وبورداب الدوحة ناس معتز قريش وبكري الامين وصحافة 30 كدا
|
Post: #2
Title: Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!!
Author: صلاح الأحمر
Date: 01-22-2008, 02:19 PM
Parent: #1
الحبيب /كيكي الامريكي
سلام حدادي مدادي
وموده تغرقك وتفوت بي غادي.
بعدين الحاصل شنو شايفك الايام
دي آخر منجهه، اي بوست نفتحو
نلقى حقك ولا مشارك فيهو.والله
بغرنا منكم يانس الدوحه يا رايعين
ربنا يحفظكم ويديم محبتكم.
وبعدين انت كنت نايم ولاشنو؟
دكتور ناهد دي شفناها زمان ونزلنا ليكم
بوست عشان تشوفوها على الهوا، اظنو هسه وصل
الصفحه 20/ولك مني الود والتقدير.
اخوك ود اللحمر.
|
Post: #3
Title: Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!!
Author: عبدالكريم الامين احمد
Date: 01-22-2008, 03:29 PM
Parent: #2
مرحب بالاخ صلاح الاحمر
وكل الود
ووينك يا زول طولنا ما شفناك ومشتاقين والله
ومعليش يا ابوصلاح كثرنا عليكم الطلة
ولكن دكتورة ناهد هذه الايام هي ضيفتنا وتتواجد في الدوحة
وقد كلفت بامر التبشير بحلقتها في الجزيرة وكما تلاحظ الاخ ابو ساندرا ايضا في سودانيز اون لاين
حتي نسعد باطلالة وجه سوداني في هذه القناة الواسعة الانتشار والمثيرة للجدل
فكان هذا البوست....
بكرة الدكتورة ناهد محمد الحسن علي الجزيرة هذا الصباح مرة اخري... !!!!
ولتويثق تلكم الاطلالة ولمزيد من النقاش واتاحة الفرصة للاخوة هنا الذين لم يستطيعون حضور بثها
جات الينا بركات الاخ معتصم دفع الله من الرياض
الذي نسق معنا في نشر هذا التسجيل هنا
حتي تعم الفائدة ونعكس ايضا بعض من انشطة ابناء البورد في بعض المدارات
وكل التحية يا ابو صلاح
وتحياتي لكل اهل المغرب
|
Post: #4
Title: Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!!
Author: Yasir Elsharif
Date: 01-22-2008, 03:41 PM
Parent: #1
سلامات يا باشمهندس..
شكرا لك ولمعتصم دفع الله.. فقد شاهدت الحلقة وأتطلع لمشاهدتها هنا والمشاركة في التعقيب إن شاء الله..
أرجو أن تبلغ سلامي للأستاذ هاشم كرار..
ياسر
|
Post: #5
Title: Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!!
Author: جمال السنوسي
Date: 01-22-2008, 04:10 PM
Parent: #4
اخونا عبدالكريم
انا في راي الشخصى انه الصورة دي بتشبه الحلقة والموضوع والكلام الجميل الذي قيل
انا ما عارف ليه في فرق بين الاثنين ( صورة النت وصورةالتلفزيون)
تحياتي
|
Post: #9
Title: Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!!
Author: عبدالكريم الامين احمد
Date: 01-22-2008, 06:21 PM
Parent: #5
| Quote: انا ما عارف ليه في فرق بين الاثنين ( صورة النت وصورةالتلفزيون) |
مرحب اخي جمال
وفعلا الصورة الاسفيرية بها فرق شاسع ومدهش مع صورة الواقع
وقد لاحظت ذلك ايضا في صورة الاخ محسن خالد
طبعا فرق الليل والنهار ما بين صورته هنافي المنبر وشكله الحقيقي
واعتقد بان لذلك تفسير فيزيائي مربوط بشي ما
اتمني ان اجد له تفسيرا ذات يوم
وكل الود
|
Post: #15
Title: Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!!
Author: د.ناهد محمد الحسن
Date: 01-22-2008, 07:39 PM
Parent: #5
جمال السنوسى
أيها الاجمل
شكرا على هذاالاطراء الرقيق..وبهذا يكتمل النصاب المطلوب لتغيير صورة البروفايل..دمت
|
Post: #8
Title: Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!!
Author: عبدالكريم الامين احمد
Date: 01-22-2008, 06:16 PM
Parent: #4
Quote: شكرا لك ولمعتصم دفع الله.. فقد شاهدت الحلقة وأتطلع لمشاهدتها هنا والمشاركة في التعقيب إن شاء الله..
أرجو أن تبلغ سلامي للأستاذ هاشم كرار.. |
مرحب بالاخ ياسر
وكل التحية والود
وفي انتظارك دوما للتعقيب
وستصل تحاياك للاخ هاشم باذن الله
ودمت
|
Post: #6
Title: Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!!
Author: معتصم دفع الله
Date: 01-22-2008, 04:26 PM
Parent: #1
|
Post: #7
Title: Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!!
Author: معتصم دفع الله
Date: 01-22-2008, 05:02 PM
Parent: #1
كيكي سلاااااام ..
كانت فرصة طيبة وجميلة أن نستمع للحوار الشيق للدكتورة ناهد بقناة الجزيرة ..
فقد تطرقت لمسألة تعددية الزواج في مجتماعتنا وجوانب مهمه في هذا الجانب ..
ويمكنكم متابعة الحلقة بالضغط على اللنكات الموجوة أعلاه ..
شكراً يا كيكي لهذه الثقة وتحياتي عبرك للدكتورة ناهد ..
تحياتي دكتور ياسر الشريف ..
ونتمنى أن نسمع رأيك عن هذه الحلقة وما حوته من موضوع جاذب للحوار ..
تقديري ..
|
Post: #10
Title: Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!!
Author: عبدالكريم الامين احمد
Date: 01-22-2008, 06:45 PM
Parent: #7
Quote: كانت فرصة طيبة وجميلة أن نستمع للحوار الشيق للدكتورة ناهد بقناة الجزيرة ..
فقد تطرقت لمسألة تعددية الزواج في مجتماعتنا وجوانب مهمه في هذا الجانب ..
ويمكنكم متابعة الحلقة بالضغط على اللنكات الموجوة أعلاه |
شكرا
وكل التحية صديقي الجميل معتصم علي هذا الاهتمام العالي وهذا الشغل السمح النضيف
الذي (متشنغ الشغل) وعمل هارموني مع حديث الاخت ناهد العميق والمفيد
والتعدد يا معتصم فيهو اراء عديدة وكلامات من مدارس فكرية وثقافية متعددة
وايضا به مس من النزعات المربوطة بكل انسان حسب تكونيه ورغباته
واتمني وبعد ان شاهدنا الحلقة جميعا ان ياتي نقاشا يخلينا نستفيد
وكل الود يا معتصم
والف تحية علي هذا العمل المشترك الذي اتمني ان يتواصل ويدوم
وتحياتي(لتامبا)
|
Post: #11
Title: Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!!
Author: عبدالكريم الامين احمد
Date: 01-22-2008, 06:56 PM
Parent: #10
كانت الاخت ممكونة قد كتبت هنا
بكرة الدكتورة ناهد محمد الحسن علي الجزيرة هذا الصباح مرة اخري... !!!!
Quote: نقول تاني يا كيكي و ناس نجوان..
على الرغم من قِصَر الحلقة..لكنها كانت حافلة و زاخرة بكم هائل من المعلومات ....التاريخية..الطبية..الدينية..الميثولوجية..السايكلوجية....الأنثروبولوجية..
د. ناهد إمرأة مثقفة في غير تكلف...جميلة..مُريحة..محتشمة....واثقة و متمكنة من المعلومات التى تعرضها..و تستعرض هذه المعلومات بإسلوب شيٌق و جذٌاب.
تحدثت اليوم و عبر قناة الجزيرة عن مسيرة الإنسانية منذ بدء الخلق و مُشاعية العلاقات...حتى الوصول إلى ترتيب العلاقات من خلال المؤسسة الزوجية.
تحدثت عن المجتمعات الذكورية و سيطرتها على المجتمعات النسوية....
وأد النساء..تعددهن..الرق..العبودية..و كافة أشكال القهر التى إندثر بعضها..و تنبأت و تفاءلت الدكتورة بقرب زوال ما تبقى منها..
تحدثت عن سيطرة الإنسان على مراكز الغريزة داخله..
تحدثت عن ( زواج الرهط ) ..و هو تعدد الأزواج.....
أجابت - بكل دبلوماسية - على ما أسمته ( السؤال المأزقي )- وهو عن رأي الدين في التعدد..
حيث إستدلت - على ما أذكر - بنصوص من التوراة و الإنجيل و من سورة النساء ...تؤكد جميعها أن الأديان أتت لتنظم العلاقات الإنسانية .
إباحة التعدد وردت في كذا نص ديني...و لضرورات تحتمها ظروف معينة... لكن المجتمعات الذكورية و لخدمة مصالحها الذكورية ركزت على نصوص بعينها...دون غيرها.
كذلك أكدت الدكتورة ناهد أن التعدد معركة نسائية..
هناك من يقبلها..
و هناك من يرفضها.
سمعتَ كتير عن د. ناهد محمد الحسن..لكني لم أقرأ لها أو أشاهدها من قبل...
لكن بعد حلقة اليوم...ستكون - بالتأكيد - ممن أفتخر بهن و أطارد كتاباتهن |
واعتقد بان هذا اجمل وصف وتلخيص لهذه الحلقة
والف شكر يا ممكونة
وفي انتظارك فقد قيل ان التعدد هي معركة نسائية
|
Post: #12
Title: Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!!
Author: Ishraga Mustafa
Date: 01-22-2008, 06:56 PM
Parent: #7
شكرا ياكيكى ومعتصم انكم اتحتم لينا نحنا ناس الضهارى نشاهد الحلقة المميزة دى
كلام غزير وبتثير الكثير من الحوارات والاسئلة المحتاجة حفر ونحت ونكش- فى محاور شوف علوم السياسة ليها مختلف وياريت ناهد يتوفر ليها زى مالينا الزمن عشان نتحاور فى تشعبات المواضيع دى..
بعدين:
شكرا لانو اللقاء ده رجع لى ذاكرتى كاملة ومتألقة بحوارات بينى وبين ناهد، بديناها فى 2001 ولم تكتمل ويبدو انها لن تكتمل التقينا ورغم قصر المدة الا ان اللقاء كان حاشد وادهشتنى بثقافتها العالية وافقها الواسع وحلاوة انسانها
فتحنا يومها قضايا انزل الله لها من سلطان منذ الخليقة ولكنها ظلت مدفونة- ازيك ياناهد- بالجد ازيك
-----------------
ياختى ماكان تكلمينى من بدرى انك ماشة تخصص طب نفسى؟
|
Post: #13
Title: Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!!
Author: د.ناهد محمد الحسن
Date: 01-22-2008, 07:33 PM
Parent: #12
إشراقة مصطفى ..!! الشوق بحر إستعدى ساأأأأأأأأأأأكت انا وليلى سلاح نوينا عليك واوروبا فى إجازتنا القادمة والونسة كل ما اتطلع اليه بصحبتك الحميمة..أقعدى بالعافية والسلامة
|
Post: #14
Title: Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!!
Author: Abubaker Ahmed
Date: 01-22-2008, 07:34 PM
Parent: #12
اقول شنو يا د.ناهد بس!
ماشاء الله تبارك الله ربنا يحفظك بس !
كلام مليان!
|
Post: #16
Title: Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!!
Author: د.ناهد محمد الحسن
Date: 01-22-2008, 07:42 PM
Parent: #14
ابوبكر احمد..شكرا ايها الطائر الابيض النقى والجميل
|
Post: #17
Title: Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!!
Author: Ishraga Mustafa
Date: 01-22-2008, 08:04 PM
Parent: #16
| Quote: إستعدى ساأأأأأأأأأأأكت انا وليلى سلاح نوينا عليك واوروبا فى إجازتنا القادمة |
ياسلاااااااام الف مرحب بيكن
فيينا حاتنور بالجد وحاتفرهد فيها الحياة ناهد وليلى صلاح مرة واحدة كدى؟ مامشكلة لو حصلت لى حاجة معانا طبيبة نفسية...
متين الاجازة الجاية؟
رسلى لي ايميلك ياناهد عليك الله على الايميل التالى
[email protected]
|
Post: #18
Title: Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!!
Author: الجندرية
Date: 01-22-2008, 08:28 PM
Parent: #1
شكراً يا معتصم وكيكي
لكن لم اتمكن من مشاهدة الجزء الثالث من الحوار
هل المشكلة في الرابط ولا في جهازي التلفان دا ولا في اتصالنا نحن ناس العالم الثالث عشر.
وقطعاً شكراً لدكتورة ناهد التي قداعود لمحاورتها إن فتح الله علي بسماع الجزء الاخير من الحوار ، والوقت اداني فكة كمان.
على كل حال كلامها جدير بالنقاش.
محبتي
|
Post: #19
Title: Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!!
Author: عبدالكريم الامين احمد
Date: 01-22-2008, 08:34 PM
Parent: #18
Quote: لكن لم اتمكن من مشاهدة الجزء الثالث من الحوار
هل المشكلة في الرابط ولا في جهازي التلفان دا ولا في اتصالنا نحن ناس العالم الثالث عشر. |
هلا يا الجندرية وكل الود يا اشراقة
ويا الجندرية الروابط الثلاثة شغالة ويبدو ان هنالك اشكال في الشبكة بتاعتكم
ولكن بقليل من الانتظار يمكنك مشاهد كل هذه الملفات الثلاثة
وكل الود
ونتمني ان تعودي الي هنا سريعا للاثراء الحوار
|
Post: #20
Title: Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!!
Author: salma subhi
Date: 01-22-2008, 09:26 PM
Parent: #19
الدكتورة ناهد تألقت.....
عاطر التحايا
تقديري أخ عبد الكريم.....
|
Post: #21
Title: Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!!
Author: عبدالكريم الامين احمد
Date: 01-22-2008, 09:33 PM
Parent: #20
كل الود يا سلمي
والف شكرا وتحية
|
Post: #22
Title: Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!!
Author: زهير عثمان حمد
Date: 01-22-2008, 10:39 PM
Parent: #21
شكرا لكل الزملاء البورداب الذين تتداخلوا وصاحب البوست ها هي ناهد محمد الحسن كما عهدناها تتحدث وتكتب بعقلية أنسانية جديرة بالاحترام وراقية لها كل الحب والاجلال منا لقد كانت أنثي من أرض بلادي بالفعل والقول والحضور كنت في حالة من الافتخار ببنات السودان لهن التحية
|
Post: #23
Title: Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!!
Author: kamal ali
Date: 01-22-2008, 11:40 PM
Parent: #1
تخيلوا بالله معى تلفزيون السودان والخواء الذى يعشش به , ودكتوره ناهد تسكن على مرمى حجر منه ,
وناس معيطه وزعيطه ,, يلعلعوا فيهو اليوم كلو ,, عجبى !!!
برافـــــــــــــــــــــــــــــــــو ناهد ,,,,
|
Post: #24
Title: Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!!
Author: Sabri Elshareef
Date: 01-23-2008, 06:16 AM
Parent: #1
سلام ايتها الاديبة الطبيبة
والله ناس قناة الجزيرة اتضايروا/ن من ما جات علاقة الدين والتعدد اختصروا/ن المسافة عشان يمشوا يسوفوا محلات النيران وتشجيع الارهاب
لكن الشكر لمن يفج نفاج معرفي داخلها
كلامك كان سمح واذا لقيتي زمن كافي سوف يسمع السامع ويقرا القاري واخص هنا النساء والرجال لكن لذكورية اللغة اجمع الاتنين فترت اصابعي من نقر الكي بورد
اعد الان لقناة سوف تملك الجماهير كل المعلومات اصبري شوية
وانت من الان مديرة وطبيبة
تحياتي واشواقي
مزيد من المساحات
ناهد شاعرة وقاصة ومتعددة المواهب
بس هي عاملة بالمثل من تواضع لله رفعه
احي اصهاري بالخليج الذين جعلوا هذا ممكنا
|
Post: #25
Title: Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!!
Author: أحمد طه
Date: 01-23-2008, 11:36 AM
Parent: #1
كثيرا ماكنت اقول .. د.ناهد كاتبه سودانيه تجاوزت الحدود الجغرافيه الي اقليمية العام العربي .. فقط انتظروها وهي تدلف الي العالميه من خلال ماتكتب .. تابعوا رائعتها ( المحاربات ) من خلال السوداني الاسبوعي كتبت منها ثلاثه حلقات وستواصل اعتبارا من مطلع فبرايربقية الحلقات ..نحن سعداء ونفخر بأن د. ناهد واسطة عقد الاصدقاء الفريد الذي يقدم للقارئ السوداني صباح كل جمعه مجله في جريده .
|
Post: #26
Title: Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!!
Author: ناهد علي
Date: 01-23-2008, 02:00 PM
Parent: #1
الاخوان/عبد الكريم الامين- معتصم دفع الله
شكر لكما وانتم تحرصان علي ان تعم الفائدة
شكر د. ناهد حقا كان اللقاء قصير ولكن كانت متعته كبيرة ومفيدة لقد سمعته أكثر من خمس مرات سمعت وسعدت جدا.
بس بقول :-
قالوا الخبر يصل الريف علة عند صاحبة بقيف
أين تلفزيون السودان الا يعلم انه به كنوز؟
شكر صبري لمساعدتك فقد تمكنت من الاستمتاع والسماع .
محبتي
|
Post: #27
Title: Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!!
Author: عبدالكريم الامين احمد
Date: 01-23-2008, 07:02 PM
Parent: #26
الف شكر
وتحية للجميع
زهير عثمان حمد
kamal ali
Sabri Elshareef
أحمد طه
ناهد علي
ولكم كل الود علي الاهتمام بهذه المساحة
|
Post: #28
Title: Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!!
Author: دينا خالد
Date: 01-23-2008, 09:51 PM
Parent: #27
كريم زعلانة منكم شديييد يعنى لما ما جاكم ميسدكول
ولا جيتكم بى كورعى هنا ،،، ماكسرتو الشقة لييه؟؟
يا كريم والله تقول داعيتنى !!
على غير عوايدى قمت من النوم 8 ونص !!!
ولما اتمحركت وشربت الشاى البرنامج بدا
يعنى جد جد ما مشيت الشغل !!
اول حاجة الدكتورة دى هريتوها بالسهر ياناس الدوحة
عيونا ما قادرة تفتحهم !!!! دا شنو دا ياخ بس اصلو
ما تلمو ليكم فى زول حلو !!!
دا كلام مرتب وانيق ومسئوول يا د. ناهد
والتعدد دا معناها نص راجل ،،، واى زولة توافق انو يكون
عندها نص راجل بطريقتها ،، هى ذاتها بتكون شايفة نفسها نص !
ـــــــــــــــــــــ
عارف احلى تعبير عجبنى شنو ؟؟؟ قالت ::: انو المراة نفسها
بتستبطن الوعى الذكورى ،،، وبتفرزو !! الكلام دا وقع لى فى جرح عدييييييل
كدا يادكتورة !!!!! شكرا يا ستى شكرا كريم ونادوس وليلى ومعتصم شكرا
|
Post: #29
Title: Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!!
Author: عبدالكريم الامين احمد
Date: 01-23-2008, 10:36 PM
Parent: #28
Quote: كريم زعلانة منكم شديييد يعنى لما ما جاكم ميسدكول
ولا جيتكم بى كورعى هنا ،،، ماكسرتو الشقة لييه؟؟
يا كريم والله تقول داعيتنى !!
على غير عوايدى قمت من النوم 8 ونص !!!
ولما اتمحركت وشربت الشاى البرنامج بدا
يعنى جد جد ما مشيت الشغل !! |
هلا يا دينا
ووينك يا زولة انتي
ومشتاقين والله
ود البشري مكرهنا الصبر الببل الابري
وعامل فيها الود واقف علي اعصابو
والحمد الله الما مشيتي الشغل لاني بصراحة كنت خايف عليك من مسافة الكوار دوار
واذا رايتي عيون الدكتورة (وارمتا) فامسكوا ابنوسة ونادوس
يومي مساهرين بيها سهر يشيهيك السهر ذاتووو
ودايرين لسع يا دنيا كلامات عن الحلقة (باقي انتي كلامك بصراحة طاعم بالحيل)
|
Post: #30
Title: Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!!
Author: دينا خالد
Date: 01-23-2008, 11:13 PM
Parent: #29
يا كرم ممكن اشارك ؟؟؟؟؟
فيى حتة ميل غريزى وما غريزى دى !
انا شايفه انو حتى الغريزة عند البنى ادميين ميولها مختلفة
بين زول وتانى ،، بغض النظر عن انو مراة ولا راجل مجرد الميول نفسها
ما بتتشابه ,, يعنى فى ناس كتار جدا بحبو النوم والنوم غريزه وديل
ممكن يكونو رجال او نساء ،، وفى ناس بحبو الاكل وبشغل
جزء كبير من تفكيرهم واستمتاعهم ولو لقوه ما بتلفتو لى اى حاجة تانية وديل ممكن
يكونو رجال ممكن يكونو نساء،، وفى ناس بحبو الجنس وبياخد حيز كبير من تفكيرهم
وحياتهم ،،، برضو من الجنسين ،، يعنى حتى الميل الغريزى لمايختلف من زول لتانى
ما افتكر اختلاف الجنس عندو اثر ،، دا ذى ما شرحت د. ناهد
عندو علاقة بى حاجات تانية مكتسبه
هسه نوبى دا جنو نوم من امس نايم !!!!!! كل ما اضرب لى بقول لى هذا المشترك نايم !!
عندك عماد عبد الله دا سقد ما بنوم كلو كلو حتى لو سيد اللبن ذاتو جاء !!
عندك دكين ومحسن ديل بحبو حاجات تانية ( حتى لو بالفصاحة ساااى ما مشكلة المهم بحبوها وخلاس !!
نجى لى البشرى واولادو وبنات بوستات طبق اليوم ديل بحبو الاكل وسماااان ما مشكلة برضو بحبو !!
وهكذا دواليك
يعنى كلمة غريزى دى ما كفاية الغرايز خشم بيوت حسب توظيف اصحابها ليها ومزاجهم واستمتاعهم
بيها وتنميتها يعنى ممكن تكون شغاله عند زول وميتة عند زول تانى !!
واستغفر الله لى ولكم !!
|
Post: #31
Title: Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!!
Author: Ishraga Mustafa
Date: 01-23-2008, 11:30 PM
Parent: #30
| Quote: واستغفر الله لى ولكم !! |
سبحان الله!! آمنتى يادينا؟
انا ذاتى عندى ملاحظات اها رأيك شنو يادينا تجىء معانا فيينا لمن ناهد وليلى يجن
عشان تشوفى السهر الجد جد... شفتى ليلى دى مش خلت عيون صاحبتنا مغمضة من السهر،
فى فيينا قربت تطلب بوليس الاسعاف، العجب فى نهاية الاسبوع للصباح، الليل ده مافى الذ واحن منو، تراكى مصاقرهو بحنية
ويوم خلتنى مع نادوسها فى الدوحة لمن شافت النقة والونسة ودخلت نامت- ثقة شديدة!!
اها قلتى شنو يادينا عشان نحدد عدد عربات النجدة
بعدين ماقلتى لى الحصل، انا ذاتى كنت مستنية المس كول
ثم صورة الستينات شلتها وختيت ليك اللى بتفتشى فيها
ثم صورة الستينات دى هى صورة فى 2001 وفى الديم كمان
ثم تصبحى على خير
------------
البوست بوستينا ياكريم ونحنا حرين...
|
Post: #32
Title: Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!!
Author: Emad Abdulla
Date: 01-23-2008, 11:50 PM
Parent: #30
Quote: انا شايفه انو حتى الغريزة عند البنى ادميين ميولها مختلفة
بين زول وتانى ،، بغض النظر عن انو مراة ولا راجل مجرد الميول نفسها
ما بتتشابه ,, يعنى فى ناس كتار جدا بحبو النوم والنوم غريزه وديل
ممكن يكونو رجال او نساء ،، وفى ناس بحبو الاكل وبشغل
جزء كبير من تفكيرهم واستمتاعهم ولو لقوه ما بتلفتو لى اى حاجة تانية وديل ممكن
يكونو رجال ممكن يكونو نساء،، وفى ناس بحبو الجنس وبياخد حيز كبير من تفكيرهم
وحياتهم ،،، برضو من الجنسين ،، يعنى حتى الميل الغريزى لمايختلف من زول لتانى
ما افتكر اختلاف الجنس عندو اثر ،، دا ذى ما شرحت د. ناهد
عندو علاقة بى حاجات تانية مكتسبه
هسه نوبى دا جنو نوم من امس نايم !!!!!! كل ما اضرب لى بقول لى هذا المشترك نايم !!
عندك عماد عبد الله دا سقد ما بنوم كلو كلو حتى لو سيد اللبن ذاتو جاء !!
عندك دكين ومحسن ديل بحبو حاجات تانية ( حتى لو بالفصاحة ساااى ما مشكلة المهم بحبوها وخلاس !!
نجى لى البشرى واولادو وبنات بوستات طبق اليوم ديل بحبو الاكل وسماااان ما مشكلة برضو بحبو !!
وهكذا دواليك
يعنى كلمة غريزى دى ما كفاية الغرايز خشم بيوت حسب توظيف اصحابها ليها ومزاجهم واستمتاعهم
بيها وتنميتها يعنى ممكن تكون شغاله عند زول وميتة عند زول تانى !!
واستغفر الله لى ولكم !! |
فقرية لاكين .
....
طبعا عاملة فيها مودرة كده و كاتلة ضلك و ملخبطة الجد بالهزل ..
يا بت إنتي من أذكى الناس في المعطوبة دي .. و عارفة كويس بتشوتي وين و متين ..
و الذ و أكتر زول ممكن يفقعك بالضحك و هو مستبطن ليك نصيبة نايمة ..
يا قول ود الأمين : ورا البسمات كتمت شنو كده ..
راسك المدوقس ده ( و بيكون كده ) مليان بلاوي .
اللهم أحفظنا يا رب ..
و اجعل فوق رأسنا هالة من نورك يا رحمن , تقية و رقية و تميمة و تعويذة من جِنس المحن اللذيذة الزي دي ..
قادر يا كريم .
هذا , و كان الله يحب المحسنين .
ـــــ
ملحوظة : بقينا نشتري لبن بودرة .. اها .
|
Post: #34
Title: Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!!
Author: عبدالكريم الامين احمد
Date: 01-24-2008, 10:05 PM
Parent: #30
| Quote: عندك عماد عبد الله دا سقد ما بنوم كلو كلو حتى لو سيد اللبن ذاتو جاء !! |
هلا يا دينا
ونفسي اعرف سيد اللبن ده بجي ميتن عشان (اقطعوا فاول)
واحير ليك عمدة ده
|
Post: #33
Title: Re: ناهد محمد الحسن تتالق ومعتصم دفع الله بالمرصاد..!!(حلقة الجزيرة هذا الصباح)!!
Author: Khalid Kodi
Date: 01-24-2008, 00:54 AM
Parent: #1
الشكر والتقدير للدكتوره ناهد محمد الحسن على هذه المحاضره القيمه،
فبالاضافه الى المقدرة المعرفية الرصينه للموضوع فقد كان اللقاء ممتع والاجابات ساهله تجذب الانسان على المتابعه.
أثمن أيضا حضورك الواثق ولطرح آرائك بشكل محبب، يجبر من لديه موقف مختلف على الاستماع ولو "قام من دربه على بيت الزوجه الثانية...أو الرابعه".
أمنياتى بحوار مفيد.
|
|