Post: #1
Title: آنا البـريـدك
Author: منى على الحسن
Date: 01-20-2008, 08:51 AM
Parent: #0
مرقت خطاي متوشحا
الشوق الندي
متحسسا الوهج البشع
فوق دروباً
وكتين تمر
فوق المسافة الفاصلة
بين الشوق
والخوف ما أشوفك
قوم يا حنين
لملم أطراف المسافة
اطويها طي
ومد بساط اللقيا
قبال ينتهي الزمن المسافر
للسفر ما بتلحق
رحماك يا زول
ذكرتك نبض الوريد
ولحظة ...لحظة
تنتر تذكرني أنا كم بريدك
إلا بس خايفه الزمن يبخل علي
والقليب الساسق في سيرتك
عمرو كلو
وما اكتفى
وحياتك أناديك لو في آخر الدنيا
يوصلك صوتاً حنين
بشوق يجيك
يملأ السمع لآمن يكفي
وأنت عاد ماب تتلحق
قوم شيل منو وزع
لي بكم حلوين
يمدوا في إلا شارات
لي عيوناً تفهمن
ما الإشارة بتوصل الحس
الحنين الما غبي
قول لي شن بسوي وراك
لما تغيب !!!!
والشمس تابا تمرق
ويجي الليل المضلم
من غير نجومو
والقمرا غايبه
ويا حليلك
كيفن احس
والنبض سافر للبعيد
واتشتت الشوق
زي رمال شايلها ريح
لي مكان ما عندو إلفة
يشيل عناها
وسر رحيلها الما بقيف
غني ليا....ويا حنين
وغني ليا ولا تقيف
ما زمان الانتظار
لحظاتو مرة
وغني ليا
وشوش اللحظات نغم
يرحل يجيني
ومهما طول السكا طال
صدقني بوصل
وينتر يذكرني
انو جايا النسمة
حلوة فوق هجيري
أنو راح نتلاقى تاني
زي زمان كان
في الحلم
وانو راح نتلاقى تاني
وكان الامل ؟؟
لكن حرق !!
وزي سراب عمري الودر!!
|
Post: #2
Title: Re: آنا البـريـدك
Author: فضيلي جماع
Date: 01-20-2008, 09:26 AM
Parent: #1
أختي منى على الحسن..
سعدت بقراءة هذه القصيدة. في قصيدتك اكثر من صورة شعرية نابضة. جميل أن تقولي مثلا:
Quote: كيفن احس
والنبض سافر للبعيد
واتشتت الشوق
زي رمال شايلها ريح
لي مكان ما عندو إلفة |
لو كنت مكانك لمكثت أكثر في تنقيح القصيدة قبل نشرها، وهنا تبرز الصنعة في كتابة الشعر، وتنتفي مقولة وارتجل قصيدة عصماء)!! لابد من مراجعة النص مراجعة دقيقة حيث تكون هناك بعض الإضافات والإسقاطات).
وردت في قصيدتك بعض العبارات التي تحتاج منك إلى إعادة نظر..ففي قولك مثلا:
Quote: والشمس تابا تمرق
ويجي الليل المضلم
من غير نجومو |
هذا القول لا يخلو من الركاكة ومظهر الونسة الدارجة (ويجي الليل المضلم من غير نجومو)!!! أين ذهبت وسامة الكلمة وجمال التعبير مثلما في قولك:
Quote: قوم يا حنين
لملم أطراف المسافة
اطويها طي
ومد بساط اللقيا
قبال ينتهي الزمن المسافر |
هذا شيء في غاية الروعة أن يلملم المحبوب أطراف المسافة ويمد بساط اللقيا! اختزال لفكرة طويلة وعريضة في وصف البراح ومرارة الشوق في كلمات.
واصلي الكتابة..أكتبي كثيرا واقرئي أكثر. وفقك الله.
|
Post: #3
Title: Re: آنا البـريـدك
Author: معتصم الطاهر
Date: 01-20-2008, 10:22 AM
Parent: #1
Quote: والشمس تابا تمرق
ويجي الليل المضلم
من غير نجومو
والقمرا غايبه
ويا حليلك
كيفن احس
والنبض سافر للبعيد
واتشتت الشوق
زي رمال شايلها ريح
لي مكان ما عندو إلفة
يشيل عناها
وسر رحيلها الما بقيف |
الأخت منى
تحية
قصيدة جميلة ..
بلا شك ..
جئت لأقول .. رأيي فى بعض هناتها و سبقنى أستاذى ..
ولكني أتابع ..و لأكون مفيدا..
أرجو أن نشير الى مواقع التى تحتاج لجهد أكثر واعادةصياغة
و نرجو أن يكون الأستاذ فضيلي فى مقدمتنا ..
لنخرج بعمل جميل
يعنى ( ورشة ) لهذه القصيدة .. وأنادى كل العارفين ..
|
Post: #4
Title: Re: آنا البـريـدك
Author: منى على الحسن
Date: 01-20-2008, 10:54 AM
Parent: #1
اولا كما فرحي كبير ان يكون استاذي
الكبير الذي اعشق حرفه هنا بين حروفي
وشكرا لكل سناء ونقد سوف اجعلة امام نصب عيني
كانت خاطرة حقيقة في لحظتها ونزلت كما نزفت دواخلي
ولكني ساعمل بي نصايحك وسوف تكون معي في كل حرف اكتبه في حياتي
واخيرا لك فائق امتناني وتقديري وودي لحضورك الانيق هنا
|
Post: #5
Title: Re: آنا البـريـدك
Author: خالدة البدوي
Date: 01-20-2008, 11:05 AM
Parent: #1
ما أجملك منى
وأنت تتجملين بوجدان نابض
جذب لنا الجميلين ،،
لك التحية والمحبة
|
Post: #6
Title: Re: آنا البـريـدك
Author: مجدي عبدالرحيم فضل
Date: 01-20-2008, 11:32 AM
Parent: #5
العزيزة مني علي الحسَــــن
القصيــــــــــــدة عنوان (أنـــا البريــــدك)
وفكرة ومضمون والعمل أكثر من رائع ودليل صدقي هو قامتان للشعر سبقونا إلي دوحتك وأثنوا عليها ونقحوها في ظل ورشة عمل هندسي هرمي عال
وهكذا يكون النبض الوجداني بكامل شفافيته وتخرج الحروف تعجٌ طربا وتتمايل مع فرع البنيان حتي يأتي الريد ويسكن خميلته بوردية جاذبه الفراشات
لتلعق الرحيق.
سلمت الأنامل مني عالية الحسنْ
،،،،أبوقصى،،،،
|
Post: #7
Title: Re: آنا البـريـدك
Author: عبد الغفار عبد الله المهدى
Date: 01-20-2008, 01:10 PM
Parent: #1
Quote: مرقت خطاي متوشحا
الشوق الندي
متحسسا الوهج البشع
فوق دروباً
وكتين تمر
فوق المسافة الفاصلة
بين الشوق
والخوف ما أشوفك
قوم يا حنين
لملم أطراف المسافة
اطويها طي
ومد بساط اللقيا
قبال ينتهي الزمن المسافر
للسفر ما بتلحق
رحماك يا زول
ذكرتك نبض الوريد
ولحظة ...لحظة
تنتر تذكرني أنا كم بريدك
إلا بس خايفه الزمن يبخل علي
والقليب الساسق في سيرتك
عمرو كلو
وما اكتفى
وحياتك أناديك لو في آخر الدنيا
يوصلك صوتاً حنين
بشوق يجيك
يملأ السمع لآمن يكفي
وأنت عاد ماب تتلحق
قوم شيل منو وزع
لي بكم حلوين
يمدوا في إلا شارات
لي عيوناً تفهمن
ما الإشارة بتوصل الحس
الحنين الما غبي
قول لي شن بسوي وراك
لما تغيب !!!!
والشمس تابا تمرق
ويجي الليل المضلم
من غير نجومو
والقمرا غايبه
ويا حليلك
كيفن احس
والنبض سافر للبعيد
واتشتت الشوق
زي رمال شايلها ريح
لي مكان ما عندو إلفة
يشيل عناها
وسر رحيلها الما بقيف
غني ليا....ويا حنين
وغني ليا ولا تقيف
ما زمان الانتظار
لحظاتو مرة
وغني ليا
وشوش اللحظات نغم
يرحل يجيني
ومهما طول السكا طال
صدقني بوصل
وينتر يذكرني
انو جايا النسمة
حلوة فوق هجيري
أنو راح نتلاقى تاني
زي زمان كان
في الحلم
وانو راح نتلاقى تاني
وكان الامل ؟؟
لكن حرق !!
وزي سراب عمري الودر!! |
مستمتع وبث
|
Post: #8
Title: Re: آنا البـريـدك
Author: sanaa gaffer
Date: 01-20-2008, 01:28 PM
Parent: #1
Quote: كيفن احس
والنبض سافر للبعيد
واتشتت الشوق
زي رمال شايلها ريح
لي مكان ما عندو إلفة |
صديقتي الفراشة منى ...
شهادتي فيك مجروحة ..لذا لا يسعني الا الصمت خيفة الحكم بتهمة التحيز ...
احس بالفرح كوني تحسست مولودك وهو ما زال جنينا يتكون في رحم خيالك البحر ...
سعيدة بك يا صديقتي .. واراهن عليك بنبض الحروف وحلو المعاني وهمس الدواخل ...
|
Post: #9
Title: Re: آنا البـريـدك
Author: Muna Khugali
Date: 01-20-2008, 02:49 PM
Parent: #8
Quote: صديقتي الفراشة منى ...
شهادتي فيك مجروحة ..لذا لا يسعني الا الصمت خيفة الحكم بتهمة التحيز ...
احس بالفرح كوني تحسست مولودك وهو ما زال جنينا يتكون في رحم خيالك البحر ...
سعيدة بك يا صديقتي .. واراهن عليك بنبض الحروف وحلو المعاني وهمس الدواخل ... |
وقطعا المستقبل الجميل ينتظرك...
وفخورين بكل امراه جميله.زتنتج وتسعي لتجويد انتاجها..
|
Post: #10
Title: Re: آنا البـريـدك
Author: Tagelsir Elmelik
Date: 01-20-2008, 02:54 PM
Parent: #1
Quote: فوق المسافة الفاصلة
بين الشوق
والخوف ما أشوفك
|
أها دى المنطقة الصعبة
هذا القصيد حميم
فيه و خلاله و حوله نقرشات طمبور سنين
مشدود الأوتار ..و لديك القريحة ..فاشعلى التمر.
|
Post: #11
Title: Re: آنا البـريـدك
Author: إسماعيل حميم
Date: 01-20-2008, 03:37 PM
Parent: #10
الأخت منى
شكراً للبوح الصادق
أمنيات بالمداومة مع الإجادة
معك أسجل صوت شكراً للأستاذ الكريم
فضيلي
والاخ معتصم
فهذا دور من الأدوار الهامة جداً التي يمكن أن تقدم
من خلال المنتديات وهنا أقصد عدة نقاط
* تعريف من لا يعلمون بحجم إمكانياتهم.
* إتاحة الفرصة للنشر دون الرهبة الإعلامية.
* توفر النقد البناء حتى تصقل التجارب الشبابية برعاية
ذوي الخبرات.
أمنياتي بالتوفيق
مودتي
إسماعيل حميم
|
Post: #12
Title: Re: آنا البـريـدك
Author: محمد عثمان
Date: 01-20-2008, 03:49 PM
Parent: #1
منى...
فى حضور شيوخ الكلمة الكبار هنا
لا نملك الا ان نسجل حضور هنا لنتنسم
عبير كلماات الانيقة..
شكرا للالق الجميل..
مودتى...
|
Post: #13
Title: Re: آنا البـريـدك
Author: wd al geran
Date: 01-20-2008, 04:31 PM
Parent: #1
Quote: قول لي شن بسوي وراك
لما تغيب !!!!
والشمس تابا تمرق
ويجي الليل المضلم
من غير نجومو
والقمرا غايبه
ويا حليلك |
سجم خشمو كان ما جمع بعد دا 
|
Post: #14
Title: Re: آنا البـريـدك
Author: Ishraga Mustafa
Date: 01-20-2008, 06:56 PM
Parent: #13
Quote: هذا القصيد حميم
فيه و خلاله و حوله نقرشات طمبور سنين
مشدود الأوتار ..و لديك القريحة ..فاشعلى التمر. |
قرأتك هنا وهناك يامنى
وفعلا قريحتك الشعرية عالية ومفرداتك حميمة
فاكتبى يا منى فالكتابة شفاء للروح!!
|
Post: #15
Title: Re: آنا البـريـدك
Author: منى على الحسن
Date: 01-20-2008, 08:03 PM
Parent: #1
الاخ العزيز معتصم الطاهر
سلام
شكرا على نقدك الايجابي والبناء
لي الشرف ان تكون حروفي مشروع نص جميل يتم بكم
وحقيقي اسعدني رايك وحضورك الجميل هنا بين حروفي المتواضعة
وتقبل مني ووافر الاحترام والتقدير
مع مودتي
|
Post: #16
Title: Re: آنا البـريـدك
Author: منى على الحسن
Date: 01-20-2008, 08:18 PM
Parent: #1
الجميلة خالدة بدوي سلامات
الجمال وجودك هنا
والله انا الفرحانة بيكم ومالني الفرح
حد النشوى
الحروف المتواضعة الجابتكم دي
سوف تظل في في ركن قصي في ذاكرتي معطرة بحضوركم
سلمتي يا اختاه لك من التقدير اجزله لوجودك هنا
|
Post: #17
Title: Re: آنا البـريـدك
Author: منى على الحسن
Date: 01-20-2008, 08:26 PM
Parent: #1
الاخ ابو قصي سلامات
لك كل التقدير وانت دايما تزين حروفي
بكلمات الرائعة....
بكم يتملكني الايمان بان لحروفي معني
مع مودتي وشكري
|
Post: #18
Title: Re: آنا البـريـدك
Author: منى على الحسن
Date: 01-20-2008, 08:39 PM
Parent: #1
الاخ عبد الغفار سلام
يا زول استمتع انا جد سعيدة لان حروفي
البسيطة دي خلتك مستمع
لك مودتي لمرورك الرائع
|
Post: #19
Title: Re: آنا البـريـدك
Author: محمد عثمان
Date: 01-20-2008, 08:57 PM
Parent: #1
منى..
بوست يستحق التزيين بهذه الغنيوة..
|
Post: #20
Title: Re: آنا البـريـدك
Author: منى على الحسن
Date: 01-21-2008, 04:44 AM
Parent: #1
توام روحي ...وشريكة الخطى
في سكة الزمن المتعب ...كنتي ولا زلتي
مكان اختبي به كلما هبت الرياح
قولي ما شئت فانت صديقة جرح وفرح
يكفي اننا هنا وفي ما كان من الدنيا
وكل ما التفت اجدك ... هلة فرح وسند لي
|
Post: #21
Title: Re: آنا البـريـدك
Author: منى على الحسن
Date: 01-21-2008, 04:50 AM
Parent: #1
العزيزة منى خوجلي
ما اجملك وانت تزيني المنبر بابتسامتك المشرقة
تشرح الصدر من الصباح
عارفة كل اشوف صورة البروفايل حقتك دي
بتذكر اغنية المرحوم احمد ربشة رحمة الله عليه
يا فرايحي اللون ....
لك يا عزيزتي تقديري ومودتي لثقة فيني
اتمنى ان اكون بقدر حورفكم ومودتكم
|
Post: #22
Title: Re: آنا البـريـدك
Author: Tragie Mustafa
Date: 01-21-2008, 05:03 AM
Parent: #21
العزيزة منى
منورة المنبر
منذ حضورك وانت تنثري الدفء و الجمال فيه.
لم اتردد بالدخول لمجرد ان لمحت اسمك.
وفجئني جمال حرفك ودفء معانيك وجرأة التصوير.
اطلقي العنان يا عزيزتي لعواطفك
فانا اثق ان الصدق لا باب بينه وبني قلوب المتلقيين.
وشكرا للاستاذنا فضيلي جماع ما قصر تب معاك.
موفقه باذن الله.
|
Post: #23
Title: Re: آنا البـريـدك
Author: المسافر
Date: 01-21-2008, 05:13 AM
Parent: #22
Quote: لملم أطراف المسافة
اطويها طي
ومد بساط اللقيا
قبال ينتهي الزمن المسافر
للسفر ما بتلحق
. |
ما بين اللقيا وأطراف المسافة مكتوب السفر
وما أنتهي الزمن اللحاق..
المسافر
|
Post: #24
Title: Re: آنا البـريـدك
Author: هاشم أحمد خلف الله
Date: 01-21-2008, 05:20 AM
Parent: #22
مني الشاعرة والكاتبة الجميلة أهنئك من صميم قلبي
علي النجاح الباهر الذي حققته قصيدتك العصماء ( انا البريدك )
فطالما كان هناك نقد فمعني ذلك هناك جوانب كثيرة في القصيدة
جيدة وجاذبة للقراءة وهذه نقطة مهمة جداً ان تكتبي مرة ومرتين
وكلما شعرتي برغبة في الكتابة لان الكتابة وليدة المخاط هي اصدق
وانبل تعبير .
قبلك وفي نفس المكان والزمان كتبت قصيدة ( أقبلت ) وفي راي
الشخصي وراي الكثيرين ايضاً كانت تجربة جديدة لي في الكتابة
بلغة الحوار وقد اثني عليها الكثيرين ولكن كانت هناك عيون
راصدة تراقب فحوي القصيدة عن كثب وكان لنقدهم كبير الأثر
في نفسي لانه نقد بناء وليس نقد هدام .
شكراً جميلاً اختي الشاعرة المرهفة مني علي هذه المساحة الحرة
والتي اسعدتني في مجملها وإلي الأمام معتدل مارش واحد اثنين
واحد اثنين ..........
|
Post: #25
Title: Re: آنا البـريـدك
Author: د.محمد حسن
Date: 01-21-2008, 07:26 AM
Parent: #1
منى الحسن
يا زاهية
الجميع في حضرة جلالك
وهنا
يقف الكلام
صمتا واحترام
|
Post: #26
Title: Re: آنا البـريـدك
Author: منى على الحسن
Date: 01-21-2008, 10:13 AM
Parent: #1
Quote: أها دى المنطقة الصعبة
هذا القصيد حميم
فيه و خلاله و حوله نقرشات طمبور سنين
مشدود الأوتار ..و لديك القريحة ..فاشعلى التمر |
ود ملوك النيل ...تاج الجمال
اهلا بيك فرح ...ونغم طمبور
يا زول يا جميل انتو التمر كلو
ونحنا يكفينا منو البوقع مع الهبوب
وهكذا حروفنا خرباشات في جدار حروفكم الانيقة
|
Post: #27
Title: Re: آنا البـريـدك
Author: منى على الحسن
Date: 01-21-2008, 10:26 AM
Parent: #1
Quote: الأخت منى
شكراً للبوح الصادق
أمنيات بالمداومة مع الإجادة
معك أسجل صوت شكراً للأستاذ الكريم
فضيلي
والاخ معتصم
فهذا دور من الأدوار الهامة جداً التي يمكن أن تقدم
من خلال المنتديات وهنا أقصد عدة نقاط
* تعريف من لا يعلمون بحجم إمكانياتهم.
* إتاحة الفرصة للنشر دون الرهبة الإعلامية.
* توفر النقد البناء حتى تصقل التجارب الشبابية برعاية
ذوي الخبرات.
أمنياتي بالتوفيق
مودتي |
الاخ اسماعيل سلامات
اسعدتني جدا مداخلتك واشادتك لي والروح
الجميلةبين حروفك والتشجيع منكم للارتقاء بما نكتب
صدقني انا اكتب لحظة المخاض وبعدها لا اعرف
ان يذهب ما كتبت ... يضيع زي اشياء كتيرة بتروح
لكن بكميكون للحرف معنى وللاحاسيس قيمة كنت اجهلها
وجميل ان تجد انسان يقراك وينتقد ما تكتب نقد بناء
يدفعك لان تكتب تاني....فيا اخي حميم لك عظيم امتناني وفائق تقديري
لحضورك هنا ولحروفك بين حرفي البسيطة
|
Post: #28
Title: Re: آنا البـريـدك
Author: عبدالله داش
Date: 01-21-2008, 10:58 AM
Parent: #1
تقاطعات بها من الدلاله ما ُيبشّــر بأن معظمنا بدائيون جداً
وما يُثار على الحلم خيفةً .. لمسةً من ظنون ليتها فى أوجه الشك
أن تبقى جنون لا إنفعالات تتبعها الدموع ..
البارحه لا تشبه الأمس والظل لا يعرف الضوء
إذن أنت فى أوج العتمه
وللحزن مسارب إنتباهته المخيفه
أنا أردد فى بكائى بألف صوت وصوت .
تلبسـّنى بأقصى ما يملك من مس
إنه الحزن .. إنه اللاشئ
تركته وشأنه يتسلى بالمراجيح
ليرتطم من أعلى إلى قلب الفرح
كما فرحى وأشيائي
والخصوبة عند مفترق الموات
منى الوريفه
Quote:
واتشتت الشوق
زي رمال شايلاها ريح
|
|
Post: #29
Title: Re: آنا البـريـدك
Author: منى على الحسن
Date: 01-21-2008, 12:39 PM
Parent: #1
Quote: منى...
فى حضور شيوخ الكلمة الكبار هنا
لا نملك الا ان نسجل حضور هنا لنتنسم
عبير كلماات الانيقة..
شكرا للالق الجميل..
مودتى... |
الاخ محمد عثمان ...سلامات
صاحب المغني الجميل
حضورك هنا هو العبير والرحيق
وشكرا عنيقا بيك هنا وبي حروفك الرائعة
|
Post: #30
Title: Re: آنا البـريـدك
Author: ماجدة عوض خوجلى
Date: 01-21-2008, 06:00 PM
Parent: #1
Quote: والقليب الساسق في سيرتك
عمرو كلو
وما اكتفى
وحياتك أناديك لو في آخر الدنيا
يوصلك صوتاً حنين
بشوق يجيك
يملأ السمع لآمن يكفي |
حلات النضمى السمح ده عارفه منى ، قعدت افكر بعد ماقريت كلامك الملان حنيه ....
عن عمر الانسان بيتقاس كيف وياربى كلنا بنقيسو بنفس المقياس بتاع شهادات الميلاد .....
لقيت انو البيقيس بشهادة عمرو بالميلاد بيكون قصير خلاص وحتى لو بقى طويل بيكون كانو قصير برضو ......
والبيقسو بذى المساسقه الفوق دى ده البقولو عليه عمرا مديد وسعيد، جد الكلام الحلو وحنيين ......
بيطول العمر، ويزيل الكرب ،ويمنع الهموم، ربنا يديكى العافيه حبيبه كتير ، والبساسقو ليهو العمر كلو
يستحق تمشى ليهو عديل بالدرب الى اخر الدنيا مش تنادى بس ...
تسلمى كتير يارب
|
Post: #31
Title: Re: آنا البـريـدك
Author: مدثر محمد ادم
Date: 01-21-2008, 06:59 PM
Parent: #30
الرائعة منى قصيدة اكثر من رائعة
وجميلة
ويسلم احساسك
|
Post: #32
Title: Re: آنا البـريـدك
Author: معتصم الطاهر
Date: 01-21-2008, 07:06 PM
Parent: #1
الأخوة و الاخوات
لا أعرف كيف تضعونني فى مقام .. مع أستاذي فضيلي ..
هي محاولات تعلمناها منه ..
و أمرنا بنشرها ..
ولا أعرف هل أنشر بعض المحاولات فى هذه الورشة الفرضية .هنا ( للعام ) أم أرسلها للأخت منى قبل النشر
على كل فلنسمع رأيها و بريدى e_tasim فى الهوتميل ..
|
Post: #33
Title: Re: آنا البـريـدك
Author: abubakr
Date: 01-22-2008, 11:09 AM
Parent: #1
| Quote: صديقتي الفراشة منى ... |
اها كان قلنا كلام غير دة بعدين سنوية تصحي وتشاكلنا ..اها فراشتيين ...
|
Post: #34
Title: Re: آنا البـريـدك
Author: منى على الحسن
Date: 01-22-2008, 12:26 PM
Parent: #1
| Quote: سجم خشمو كان ما جمع بعد دا |
ود الجيران سلامات
بيني وبينك ما جا وكمان حرن حرنا
بطريقتو ضاعت فرصتو
يا زول يا جميل مشكور على مروك الرائع
|
Post: #35
Title: Re: آنا البـريـدك
Author: منى على الحسن
Date: 01-22-2008, 07:11 PM
Parent: #1
Quote: قرأتك هنا وهناك يامنى
وفعلا قريحتك الشعرية عالية ومفرداتك حميمة
فاكتبى يا منى فالكتابة شفاء للروح!! |
الدكتورة اشراقة التحاياالزاكيات
قرأتك هنا وهناك يامنى
وفعلا قريحتك الشعرية عالية ومفرداتك حميمة
فاكتبى يا منى فالكتابة شفاء للروح!!
يا جميلة جيتك هنا وحات الله شفاء للروح اكتر
من حروفي المتواضعة دي
لك مودتي وتقديري للتشجيعك لي
واحيك على هذا العطاء الروحي الغير محدود للجميع
|
Post: #36
Title: Re: آنا البـريـدك
Author: منى على الحسن
Date: 01-22-2008, 07:23 PM
Parent: #1
صحيح القصة لو عارفه انا الزول
الصحيّّ البريدك
اااالله عليك يا اخ محمد عثمان على اختيارك
المقيم خوجلي عثمان له في نفوسنا دفء
والم بفقده الماعارفين ليه سبب
حسبنا ونعم الوكيل
يا رب ارحم عبدك خوجي عثمان
شكرا ليك يا محمد عثمان على هذه اللفته المفرحة
وين ما تكون انت يكون المغني الجميل سلم ذوقك يا ذوق
|
Post: #46
Title: Re: آنا البـريـدك
Author: محمد عثمان
Date: 01-24-2008, 08:33 AM
Parent: #36
Quote: المقيم خوجلي عثمان له في نفوسنا دفء
والم بفقده الماعارفين ليه سبب
حسبنا ونعم الوكيل
يا رب ارحم عبدك خوجي عثمان |
منى...
تحياات و سلاااام بنسماات هذا الجو الجميل..
المغفرة و الرحمة للراحل المقيم خوجلى عثمان
و التحية لابن ام درمان الجميل الشااعر تاج السر عباس
الذى كتب هذه الكلماات المعبرة و هو الذى له القدر الاكبر
من اغنياات الراحل خوجلى ابتاء من حبة حبة زيد غرورك و ابقى
زينا زول محبة..و حتى اغنية الشوق معاى عدى السنة التى يقتلنى فيها هذا المقطع:
البسمة تحرق في الحشا
والخطوة نسمه
موشوشه كونك جميله ومدهشه
الشوق معاي عدا السنة..
و الكلاام الجميل ايضا الذى تغنى به الراحل خليل اسمااعيل
قبل ميعادنا بساعتين..ابيت انا و ابانى الليل
اغالط نفسى فى اصرار و اقول يمكن انا الما جيت..
عليك الله فى اجمل من كدا..؟؟؟
معليش منى..!! شكلنا سرحنا شوية..و كلمات الاغنية:
كتير بتناسى ايديا..
و اسيبها عنية فوق ايدك
و أدى عيونك أحلى كلام..
تعيد بيهو يوم عيدك
و كل القصة لو عارفة
أنا الزول الصحي بريدك
بريـــــدك
حكاية الريدة بيناتنا..
حنينة يجيبها ليكى غناااااى
ذى ما قالوا ليك رياااااد..
حكايتى بتغلب الهدااااى
وحاتك انت و انتى بجنبى..
بحسك انت فى جواى..
جمال ماخد شموخ بلدى..
و سحاب ليهو الزرع رجاى
و يوم بالصدفة نتقابل..
و يبادرك من عيونى سؤال
تعملى انتى ذى ناسية..
و يداعب خاااااطرى حسن الفال
تمد إيديها يارب لى..
تفوت تنسااااانى لا لا..محال
تهمس لى كلام للريد..
غناااااوى تفرح الاطفال
أنا..بريـــــدك
|
Post: #37
Title: Re: آنا البـريـدك
Author: تماضر الخنساء حمزه
Date: 01-22-2008, 07:28 PM
Parent: #1
Quote: ما الإشارة بتوصل الحس
الحنين الما غبي
قول لي شن بسوي وراك
لما تغيب !!!! |
وصوتك أصدق من اشارات الزمن
انتي يابت من حنين
|
Post: #38
Title: Re: آنا البـريـدك
Author: إيمان أحمد
Date: 01-22-2008, 11:43 PM
Parent: #37
العزيزة منى الحسن
شكرا على مشاركة النص وروحك الحلوة المفتوحة لنقد الأساتذة فضيلي وأهل المعرفة.
بفرح لما ألاقي بنات زي الورد بتكتب وترسم وتعبر عن روحا.
أكتبي يا عزيزتي فبالكتابة نقول الكثير.
محبة
إيمان
|
Post: #39
Title: Re: آنا البـريـدك
Author: منى على الحسن
Date: 01-23-2008, 08:07 AM
Parent: #1
Quote: العزيزة منى
منورة المنبر
منذ حضورك وانت تنثري الدفء و الجمال فيه.
لم اتردد بالدخول لمجرد ان لمحت اسمك.
وفجئني جمال حرفك ودفء معانيك وجرأة التصوير.
اطلقي العنان يا عزيزتي لعواطفك
فانا اثق ان الصدق لا باب بينه وبني قلوب المتلقيين.
وشكرا للاستاذنا فضيلي جماع ما قصر تب معاك.
موفقه باذن الله. |
العزيزة تراجي ...انت المنوره دايما
ومزينة المنبر بي مشاركاتك ودعمك لينا ربنا يديك العافية
انا يا استاذة تراجي ما بكون جميلة الا بيكم وفي عيونك
وحقيقي شكرا لاستاذي الفاضل فضيلي على دعمو البناء لي وعلى تشجيعو
للاقلام الجديدة رغم الزمن بقى متعب والجري في حياة بقى كتير
ولكن لم يبخل لينا بي مجهود ربنا يديهو الصحة والعافية
وبجد يا اختي تراجي وجودك هنا اسعدني جد بين حروفي المتواضعة
وربنا يقدرني واكون عند حسن ظنكم بي
لك جزيل شكري وعظيم مودتي وتقديري
|
Post: #40
Title: Re: آنا البـريـدك
Author: منى على الحسن
Date: 01-23-2008, 08:17 AM
Parent: #1
Quote: ما بين اللقيا وأطراف المسافة مكتوب السفر
وما أنتهي الزمن اللحاق..
المسافر |
الاخ المسافر حبابك
والله يا المسافر نحنا سفرنا
في غربتنا دي ينقاس بالسنة الضوئية
ما عندو حد والمسافة مدود على كل اطراف الدنيا
بس نقول ربك كريم يعدل الحال
مشكور على جيتك في محطات سفرنا ده
|
Post: #41
Title: Re: آنا البـريـدك
Author: منى على الحسن
Date: 01-23-2008, 08:39 AM
Parent: #1
Quote: مني الشاعرة والكاتبة الجميلة أهنئك من صميم قلبي
علي النجاح الباهر الذي حققته قصيدتك العصماء ( انا البريدك )
فطالما كان هناك نقد فمعني ذلك هناك جوانب كثيرة في القصيدة
جيدة وجاذبة للقراءة وهذه نقطة مهمة جداً ان تكتبي مرة ومرتين
وكلما شعرتي برغبة في الكتابة لان الكتابة وليدة المخاط هي اصدق
وانبل تعبير .
قبلك وفي نفس المكان والزمان كتبت قصيدة ( أقبلت ) وفي راي
الشخصي وراي الكثيرين ايضاً كانت تجربة جديدة لي في الكتابة
بلغة الحوار وقد اثني عليها الكثيرين ولكن كانت هناك عيون
راصدة تراقب فحوي القصيدة عن كثب وكان لنقدهم كبير الأثر
في نفسي لانه نقد بناء وليس نقد هدام .
شكراً جميلاً اختي الشاعرة المرهفة مني علي هذه المساحة الحرة
والتي اسعدتني في مجملها وإلي الأمام معتدل مارش واحد اثنين
واحد اثنين .......... |
الشاعر الجميل هاشم
اولا ليك عظيم امتناني على دعمك منذ دعوتي
للمنبر والى مشاركتي وكتابة حروفي ...احيك من صميم
قلبي على موقفك من الشخص الجديد لانو جد بحتاج للدعم
من الاخوان والاخوات القديمين بالمنبر
وحقيقي يسعدني جدا حضوركم وحضور كل الاستاذ ولهم بكل سعادة حق
النقد بين حروفي لانها جد خربشات مني على جدار الشعر
احساس ينتابني واعبر عنه بالحروفي البسيطة دي
سلمت يا اخي هاشم على حضورك الراقي وضرب مثلك بشخصكم
الكريم رغم علمي انك شاعر لا يشق لك غبار
هكذا يكون التواضع المرادف للابداع .
ودمتم يا اخي على حضورك الراقي والحروفك الجميلة
|
Post: #42
Title: Re: آنا البـريـدك
Author: salma subhi
Date: 01-23-2008, 09:43 AM
Parent: #41
الى الأمام منى....
حضور ومتابعة
تقديري
|
Post: #43
Title: Re: آنا البـريـدك
Author: منى على الحسن
Date: 01-23-2008, 09:52 AM
Parent: #1
Quote: تقاطعات بها من الدلاله ما ُيبشّــر بأن معظمنا بدائيون جداً
وما يُثار على الحلم خيفةً .. لمسةً من ظنون ليتها فى أوجه الشك
أن تبقى جنون لا إنفعالات تتبعها الدموع ..
البارحه لا تشبه الأمس والظل لا يعرف الضوء
إذن أنت فى أوج العتمه
وللحزن مسارب إنتباهته المخيفه
أنا أردد فى بكائى بألف صوت وصوت .
تلبسـّنى بأقصى ما يملك من مس
إنه الحزن .. إنه اللاشئ
تركته وشأنه يتسلى بالمراجيح
ليرتطم من أعلى إلى قلب الفرح
كما فرحى وأشيائي
والخصوبة عند مفترق الموات |
يا صديقي الجميل داش
حزني يفتح مساربه من حزن إلى اخر
وكل حزن جواي يبكي على ليلاه ...
لم يترك للحلم لحظة لو مخيفة
حتى ادعها جنون تحمل عبء لحظات العقل
اختفي الخيط بين جنوني وتعقلي ...
لذلك تركت هذا الحزن يسكنني
رغم صدقي معه باني امقته ولكني مازلت احمل بين حزني اماني للاصدقاء
فلك يا رفيق في الحزن كل الوان الفرح امنية
تغني بان القادم جميل ...ففتح للفرح منفذ للدخول وتأكد لن يخذلك
|
Post: #44
Title: Re: آنا البـريـدك
Author: منى على الحسن
Date: 01-24-2008, 07:38 AM
Parent: #1
Quote: منى الحسن
يا زاهية
الجميع في حضرة جلالك
وهنا
يقف الكلام
صمتا واحترام |
العزيز دكتور محمد
حضورك انيق هنا زي حروفك
لك مودتي وتقديري لوجودك بين حروفك دايما
اينما كتب ....
|
Post: #45
Title: Re: آنا البـريـدك
Author: منى على الحسن
Date: 01-24-2008, 08:10 AM
Parent: #1
Quote: حلات النضمى السمح ده عارفه منى ، قعدت افكر بعد ماقريت كلامك الملان حنيه ....
عن عمر الانسان بيتقاس كيف وياربى كلنا بنقيسو بنفس المقياس بتاع شهادات الميلاد .....
لقيت انو البيقيس بشهادة عمرو بالميلاد بيكون قصير خلاص وحتى لو بقى طويل بيكون كانو قصير برضو ......
والبيقسو بذى المساسقه الفوق دى ده البقولو عليه عمرا مديد وسعيد، جد الكلام الحلو وحنيين ......
بيطول العمر، ويزيل الكرب ،ويمنع الهموم، ربنا يديكى العافيه حبيبه كتير ، والبساسقو ليهو العمر كلو
يستحق تمشى ليهو عديل بالدرب الى اخر الدنيا مش تنادى بس ...
تسلمى كتير يارب |
صاحبة المناجاة والحروف الدافئة
والله انتي المعرفتك ومناجاتك البتطول العمر
وجد فرحانة بي كلامك عني بس يا اختي ماجدة ان شاء الله اكون كظنكم بي
ونصيحتك لي امشي ليهو الزول ده ما خلاص حقي راح ...يا ماجدة زمني بقى صعب
اكتب بس والباقي اقطعوا في حشاي
|
Post: #47
Title: Re: آنا البـريـدك
Author: منى على الحسن
Date: 01-24-2008, 10:23 AM
Parent: #1
Quote: الرائعة منى قصيدة اكثر من رائعة
وجميلة
ويسلم احساسك |
الاخ الجميل مدثر تسلم على ثنائك على حروفي
ومشكور على مرورك المفرح هنا يا ذوق
|
Post: #48
Title: Re: آنا البـريـدك
Author: منى على الحسن
Date: 01-24-2008, 10:32 AM
Parent: #1
| Quote: اها كان قلنا كلام غير دة بعدين سنوية تصحي وتشاكلنا ..اها فراشتيين ... |
الصديق ابو بكر سلامات
وينك يا صديقي انتظرت رايك
لكن الحمدلله ما دام اهديتني فراشة زي سنوية
يبقى جيت زي في الفي الخاطر
وسلمت يا رائع لكتابة هنا
|
Post: #49
Title: Re: آنا البـريـدك
Author: انعام عبد الحفيظ
Date: 01-24-2008, 11:29 AM
Parent: #1
Quote: أنو راح نتلاقى تاني
زي زمان كان
في الحلم
وانو راح نتلاقى تاني
|
منى
كلماتك حلوة وإحساسك عالي جداً
يا ريت تواصلي الكتابة
تخريمة
كثيراً ما أدلف هنا وأستمتع بكلماتك
واللحن الموجود بالبوست
|
Post: #50
Title: Re: آنا البـريـدك
Author: ماجدة عوض خوجلى
Date: 01-24-2008, 12:29 PM
Parent: #1
Quote: صاحبة المناجاة والحروف الدافئة
والله انتي المعرفتك ومناجاتك البتطول العمر
وجد فرحانة بي كلامك عني بس يا اختي ماجدة ان شاء الله اكون كظنكم بي
ونصيحتك لي امشي ليهو الزول ده ما خلاص حقي راح ...يا ماجدة زمني بقى صعب
اكتب بس والباقي اقطعوا في حشاي |
صباحك انت اجمل
ياحبيبه انتى عند حسن ظن الجميع ومتاكدة انك هتفوتى حسن الظن بغادى كمان
حبيبتى مافى حاجة فى الدنيا سمها حقى راح كل شى فى الدنيا ملحوق وممكن والزمن احنـا
البنحدد مدى صعبيتو او سهولتو الزمن الحاجه الوحيدة والاكيدة الفى يد الانسان فى حـاجات بالتاكيد
مافى يدنا يتحكم فيها خالق النفوس سبحانه وتعالى ، لكن حبيبتى الزمن ده تحديدا حقنـا وفى يدنا نسهـلو احنا
وبرضو نصعبو احنا ذى ماعايزين ...
اسالينى انا من الزمن ، تسلمى حبيبه كتير ...
|
Post: #51
Title: Re: آنا البـريـدك
Author: منى على الحسن
Date: 01-25-2008, 05:05 PM
Parent: #1
Quote: وصوتك أصدق من اشارات الزمن
انتي يابت من حنين |
الشاعرة الرقيقة الخنساء
من غير ترتيب تملئ المكان غناء زي عصافير الكناري
|
Post: #52
Title: Re: آنا البـريـدك
Author: منى على الحسن
Date: 01-25-2008, 05:20 PM
Parent: #1
Quote: منى...
تحياات و سلاااام بنسماات هذا الجو الجميل..
المغفرة و الرحمة للراحل المقيم خوجلى عثمان
و التحية لابن ام درمان الجميل الشااعر تاج السر عباس
الذى كتب هذه الكلماات المعبرة و هو الذى له القدر الاكبر
من اغنياات الراحل خوجلى ابتاء من حبة حبة زيد غرورك و ابقى
زينا زول محبة..و حتى اغنية الشوق معاى عدى السنة التى يقتلنى فيها هذا المقطع:
البسمة تحرق في الحشا
والخطوة نسمه
موشوشه كونك جميله ومدهشه
الشوق معاي عدا السنة..
و الكلاام الجميل ايضا الذى تغنى به الراحل خليل اسمااعيل
قبل ميعادنا بساعتين..ابيت انا و ابانى الليل
اغالط نفسى فى اصرار و اقول يمكن انا الما جيت..
عليك الله فى اجمل من كدا..؟؟؟
معليش منى..!! شكلنا سرحنا شوية..و كلمات الاغنية:
كتير بتناسى ايديا..
و اسيبها عنية فوق ايدك
و أدى عيونك أحلى كلام..
تعيد بيهو يوم عيدك
و كل القصة لو عارفة
أنا الزول الصحي بريدك
بريـــــدك
حكاية الريدة بيناتنا..
حنينة يجيبها ليكى غناااااى
ذى ما قالوا ليك رياااااد..
حكايتى بتغلب الهدااااى
وحاتك انت و انتى بجنبى..
بحسك انت فى جواى..
جمال ماخد شموخ بلدى..
و سحاب ليهو الزرع رجاى
و يوم بالصدفة نتقابل..
و يبادرك من عيونى سؤال
تعملى انتى ذى ناسية..
و يداعب خاااااطرى حسن الفال
تمد إيديها يارب لى..
تفوت تنسااااانى لا لا..محال
تهمس لى كلام للريد..
غناااااوى تفرح الاطفال
أنا..بريـــــدك |
كلام خارج النص:
الاخ العزيز محمد عثمان التحايا الزاكيات
اللهم ارحم عبدك خوجلي عثمان
تعرف يا اخي محمد اتذكر لما عرفت الفنان خوجلي مات اصبت
اصبت بحالة قنوط وكنت اتسال كيف يستطيع بشر قتل هذا الانسان
الذي يشبه عصافير الكناري ...لكن نقول قدر الله ما شاء فعل
ولا حولة ولا قوة إلا بالله
شكرا اخي لكتابة اسم الشاعر تاج السر عباس لاني ما كنت عارفة
هذا الشاعر المرهف....
لو امكن كاختياراتك الرائعة تنزل لينا ما بنختلف وريني بس
قانون هواك بحفظ حروفو حرف حرف
سلمت يا اخي على هذه الاختيارات الرائعة والمرور الجميل
|
Post: #56
Title: Re: آنا البـريـدك
Author: محمد عثمان
Date: 01-26-2008, 09:28 AM
Parent: #52
Quote: لو امكن كاختياراتك الرائعة تنزل لينا ما بنختلف وريني بس
قانون هواك بحفظ حروفو حرف حرف
سلمت يا اخي على هذه الاختيارات الرائعة والمرور الجميل |
منى...
سلاااام
و برضو خارج النص..ما بنختلف
الشاعر الراحل حسن الزبير
ما بنختلف درسني بس قانون هواك
بحفظ حروفو حرف حرف
أول بشيل الضمة ديك
وابري السكون حرف الوقف
واكسر عيوني أمام عينيك
وأحفظ ملامحك بالوصف
أنا ببقي زي قيس زي جميل
ابكي واجن اشكي واعف
ونرجع الريد الزمان
القالو عند الناس خرف
شفاف وفي شوفتك شفا
وزعلك يشفق ويعترف
في سري في الغيب من سنين
ما قايل الغيب بنكشف
سامحني مرة اذا نسيت
ما تبقي صارف ومنصرف
لو حتى حق الريدة هان
انا لي عليك حق الولف
انا عندي ليك سر من زمان
داير اقولو ومنكسف
كل ما اقول قربت ليك
تلقاني بادي من الالف
|
Post: #53
Title: Re: آنا البـريـدك
Author: منى على الحسن
Date: 01-25-2008, 05:44 PM
Parent: #1
Quote: العزيزة منى الحسن
شكرا على مشاركة النص وروحك الحلوة المفتوحة لنقد الأساتذة فضيلي وأهل المعرفة.
بفرح لما ألاقي بنات زي الورد بتكتب وترسم وتعبر عن روحا.
أكتبي يا عزيزتي فبالكتابة نقول الكثير.
محبة
إيمان |
الكاتبة إيمان أحمد
سلامات يا زولة بعمق المحيط
يا إيمان اختى ديل استاذة كبار حفرو الصخرة بحروفهم
انا وين وديل وين ... دي خربشة وهترشة حروف ودواخل على جدار الكتابة
وكونهم هنا هذا كرم والمثل يقول الماعندو كبير يشتري ليهو كبير
ونحن الحمدلله كبارنا يعطوا كما النيل ...
شكرا يا امراة كرحيق البرتقال على التشجيع والدعم
ونحنا يا ايمان ما عندنا غير الحروف و ما في كائن كان يسلبنا ليها
تسلمي على الطلة الحلوة هنا وابقي عشرة على الكتاب دون اذن !!!!
|
Post: #54
Title: Re: آنا البـريـدك
Author: منى على الحسن
Date: 01-25-2008, 05:52 PM
Parent: #1
Quote: الى الأمام منى....
حضور ومتابعة
تقديري |
الكاتبة الجميلة سلمى
سلام وتحايا
مرورك اسعدني زي حروفك واختياراتك ( يلاك يا عصفور كدا )
لك مودتي وتقديري
|
Post: #55
Title: Re: آنا البـريـدك
Author: منى على الحسن
Date: 01-25-2008, 06:05 PM
Parent: #1
Quote: منى
كلماتك حلوة وإحساسك عالي جداً
يا ريت تواصلي الكتابة
تخريمة
كثيراً ما أدلف هنا وأستمتع بكلماتك
واللحن الموجود بالبوست |
العزيزة انعام سلامات
والله الجميل والمفرح ان تكوني هنا بين حروفي
البسيطة ....
وحاضر يا عزيزة احاول اخربش في جدار زمني الموجع
لانو الحروف متنفسي الوحيد الذي امتلكة بكل قواي العقلية
ويا انعام فرحي بيك بيكون كبير كل ما مريتي هنا ..
لك جميل امتناني لمرورك الراقي والرائع الذي يحكي عن انسانة رائعة الدواخل
|
Post: #57
Title: Re: آنا البـريـدك
Author: ماجدة عوض خوجلى
Date: 02-05-2008, 12:46 PM
Parent: #1
منو حبيبه وين انتى
والبوست ده البينزلو تحت شنـو
تسـلمى يـارب
|
Post: #58
Title: Re: آنا البـريـدك
Author: منى على الحسن
Date: 02-06-2008, 10:14 AM
Parent: #1
Quote: منو حبيبه وين انتى
والبوست ده البينزلو تحت شنـو
تسـلمى يـارب |
الغالية صديقة الحرف وصاحبة المناجاة
لك في عمق الخاطر محبة
انا هنا لكن مرات الشتاء ليهو احساس البيات واحساس الغيم
الغير ماطر واحساس الكآبة البتدخل في الاوكسجين البتنفسو
لكن معاكم نفلتر هوانا برحيقكم ونرجع تاني نغني
انا هنا بينكم فرحة وسعيدة ....لك يا صاحبة القلب الكبير
مودة ......من الزومة ومروي والخرطوم ومرورا بي عين شمس الشرقية:D :D :D
شفتي يا مجودة الدنيا ضيقة كيف ؟؟؟؟؟
|
Post: #59
Title: Re: آنا البـريـدك
Author: أبوذر بابكر
Date: 02-06-2008, 10:48 AM
Parent: #1
شوية ضبط للإيقاع وشوية وزن للموسيقى الجوانية زى ما قال ليك الأساتذة
وده كله أكيد حيكون متاح بكترة قراية النصوص، من كل نوع
أما الصور والأخيلة والمعانى فهى فى كامل الألق والسماحة
مبروك علينا إنتى يا منى
ويا ريت تنشرى هنا كل يوم نص ومؤكد كل واحد حيكون أجمل من القبله
سعدنا بحضورك الجميل
|
Post: #60
Title: Re: آنا البـريـدك
Author: منى على الحسن
Date: 02-06-2008, 12:13 PM
Parent: #1
الاخ ابو ذر الشاعر الجميل
سعدت بي حضورك هنا ...كما الاستاذة وانت استاذ
ومقام شعر رائع
لك في دواخلي طرب من زمن كنت من منازلهم او في الحقيقة
من اول يوم فتحت المنبر قريت وعلقت للناس كتار
انا عندي احساس انو اي زول اسمو ابو ذر كتاب ومرهف ...وضمن ابو ذرات الكتار اخوي
شقيقي وصديقي ...زول صاحب مغنى وحرف
وشكرا ليك كتير يا ابي ذر على النصيحة والكلمات الجميلة في حروفي البسيطة
لكن يا ابي ذر النص مكتوب باللهجة الشايقية الدارجة يعني سمعو ما زي قرايتو
وكمان انا ما شكلتو ..
مرورك جد اسعدني كتير وليك عظيم مودتي وامتناني
|
Post: #61
Title: Re: آنا البـريـدك
Author: انعام عبد الحفيظ
Date: 02-10-2008, 07:34 PM
Parent: #1
+++
|
Post: #62
Title: Re: آنا البـريـدك
Author: مازن الجمّال
Date: 02-10-2008, 07:59 PM
Parent: #1
Quote: واتشتت الشوق
زي رمال شايلها ريح
لي مكان ما عندو إلفة
|
الصديقة منى
وصف قمة في الروعة
عميق تحياتي
|
|