شكراً بورداب الخرطوم

Post: #1
Title: شكراً بورداب الخرطوم
Author: محمد أبوالعزائم أبوالريش
Date: 01-20-2008, 07:58 AM
Parent: #0

الأخوة بورداب الخرطوم ..

شكراً للحفاوة .. شكراً لدفئ المشاعر .. شكراً لأنكم كنتم كما تمنيت وأكثر ..

- (الدينمو)إنعام حيمورة
- (الوريف) خالد ماسا.
- انعام عبد الحفيظ
- إشراقة حيمورة.
- تيسير النوراني
- السمؤال بدر الدين
- وليد محمد المبارك (الشفت)
- ناجي الملك
- دوت مجاك
- العوض المسلمي
- اسماعيل حميم
- عبد المنعم سليمان
- حاتم الياس
- عمرو كمال
- عبد المنعم عمران
- طلال عفيفي
- سمرية
- معتصم محمد صالح
- عصام عبد الحفيظ
- ازهري عوض الكريم
- معتز احمد
- شذي بلة
- حسين يوسف
- نجلاء الماحي
- الإبن صهيب
- نهلة عمر (التي التقيتها فقط عبر التلفون)

وكانت أيضاً فرصة للقاء بورداب أتوا في إجازاتهم، فكانت فرصة للقاء أبوبكر أبوالقاسم ود. ريل.

والشكر لكل من لم تسعفني الذاكرة لذكر اسمه .. فقد جعلتم للإجازة طعم خاص وذكرى لا تُنسى.

Post: #2
Title: Re: شكراً بورداب الخرطوم
Author: السمؤال بدرالدين
Date: 01-20-2008, 08:21 AM
Parent: #1

الرجل الهادي الرزين
نشكر الظروف السمحة التي جمعتنا بك ورفاقك
تسلم كتير

Post: #4
Title: Re: شكراً بورداب الخرطوم
Author: محمد أبوالعزائم أبوالريش
Date: 01-20-2008, 09:12 AM
Parent: #2

السمؤال ...

تسلم يا حبيب .. ودايماً متجمعين

Post: #3
Title: Re: شكراً بورداب الخرطوم
Author: انعام حيمورة
Date: 01-20-2008, 08:35 AM
Parent: #1

الف الف الف حمد لله على السلامة ...

وحقيقة سعدنا بيك جدا جدا جدا .. وكانت ايام حلوة رغم قصرها ..

نتمنى لك التوفيق في حياتك العملية ..

مع عودة اكيدة السنة الجاية

وياسيدي مافي داعى للشكر اقل من الواجب والله ..

تسلم

Post: #5
Title: Re: شكراً بورداب الخرطوم
Author: محمد أبوالعزائم أبوالريش
Date: 01-20-2008, 09:14 AM
Parent: #1

إنعام (1)

كده حتخلوا الواحد يدمن الإجازات ....

السلام أمانة للإبن صهيب

Post: #8
Title: Re: شكراً بورداب الخرطوم
Author: إسماعيل حميم
Date: 01-20-2008, 10:06 AM
Parent: #5

قريبي محمد أبوالريش

مليون حمداً لله على سلامة الوصول
إن شاء الله لقيت الزغاليل وامهم بخير وعافية

حميمية ولطف عطروا اللقاء .. لمستهم رغماً عن حضوري المتأخر
وفيه إلتقيت بأخ عزيز بعد قرابة العقد ونصف من الزمان ( ما تقولوا كبار .. سمح)
الأخ ازهري الطريفي - له التحية
وأيضاً موصولة للأخ أبوبكر أبوالقاسم

والتحية لكل الحضور (شتات ومحليين).

بالمناسبة قريبي الفوق دي ( كيتناً) في إشراقة.

في إنتظارك الإجازة القادمة

إسماعيل حميم

Post: #9
Title: Re: شكراً بورداب الخرطوم
Author: محمد أبوالعزائم أبوالريش
Date: 01-20-2008, 11:47 AM
Parent: #8

قريبي إسماعيل حميم (برضو كيتاً في إشراقة)

عشت جو حميم عطّر كل الإجازة .. ولقيت نفسي فجأة فرد في قبيلة تضم الإنسان بحميمية.

حنتلاقى أكتر لو في العمر بقية ..

مودتي

Post: #6
Title: Re: شكراً بورداب الخرطوم
Author: دوت مجاك
Date: 01-20-2008, 09:35 AM
Parent: #1

يا خال
حمدلله على السلامة
الناس بقولوا (الله لا جاب يوم شكرك) وانت قاعد تشكر فينا من هسع

كان لنا الشرف بمعرفتك من قرب
رغم قصر تلك الفترة الا انها كانت كفيلة بان نعرف اكثر

تحية خاصة وقوية للدينمو المحرك حقيقة (انعام حيمورة) واشراقة حيمورة

Post: #11
Title: Re: شكراً بورداب الخرطوم
Author: محمد أبوالعزائم أبوالريش
Date: 01-20-2008, 11:51 AM
Parent: #6

دوت يا حبيب

Quote: وانت قاعد تشكر فينا من هسع

يا زول إنتو لو الواحد قعد يشكر من هسع لي بكرة ما بيديكم حقكم ..

Quote: كان لنا الشرف بمعرفتك من قرب

أكيد الشرف كان لي أنا ..

حأنتظر الإجازة الجاية

Post: #7
Title: Re: شكراً بورداب الخرطوم
Author: محمد غلامابي
Date: 01-20-2008, 09:45 AM
Parent: #1

الاخ أبو الريش

كانت فرصة أنتظرها فعلاً لنلتقي في حضن الوطن

ولم يمنعني عن حضور الليلة الا رهق العمل اليومي

وقد إتصلت الاخت الكريمة إنعام بي، وكنت آمل بحق أن البي الجلسة

لكن يومها كنت منعطناً في العمل الصحفي حتي منتصف الليل

فعذراً علي الغياب لك ولكل البورداب..

..............

غلامابي

Post: #13
Title: Re: شكراً بورداب الخرطوم
Author: محمد أبوالعزائم أبوالريش
Date: 01-20-2008, 11:54 AM
Parent: #7

العزيز غلامابي

بالتأكيد العمل أولاً .. رغم إنو الواحد كان يتمنى اللقاء ..

الجايات أكتر إنشاء الله

دم بخير

Post: #10
Title: Re: شكراً بورداب الخرطوم
Author: العوض المسلمي
Date: 01-20-2008, 11:49 AM
Parent: #1

الاستاذ محمد ابو العزائم
لك ود خاص ومحبه من اول لقيا

بصراحه نحن من سعد بان كنا في حضرتك
فقد كان حضورك فرصه تلاقي فيها ناس الخرطوم مع بعضهم
كانت فرصه ان تلاقت فيها نجوم تحب العمل الاجتماعي كعيونها
وفرصه سعد فيها الضيف والمضيوف
ما احلاها من سويعات
كم كان المني ان تستمر
ولكن العشم بلقاءات قادمه علي اسير الحب
لقاء عبر القلوب وبه تتم السعاده والفرحه

واهلا بك معنا هنا في الخرطوم
ومرحبا بك هنا في الدوحه

ودي وتقديري للجميع

Post: #14
Title: Re: شكراً بورداب الخرطوم
Author: محمد أبوالعزائم أبوالريش
Date: 01-20-2008, 12:00 PM

الأخ العوض ..

لا زلت أعيش سحر تلك الليلة ..

شكراً لإتاحة وجودي بينكم

كل الود

Post: #12
Title: Re: شكراً بورداب الخرطوم
Author: انعام عبد الحفيظ
Date: 01-20-2008, 11:54 AM
Parent: #1

الغريبة كنت انعام (1) لكن بقدرة قادر بقيت رقم (2) حكمتو بالغة

شكراً ليك انت لأنك كنت حريص تلاقي الناس وتتعرف اليهم

اتمنى ان تسنح الفرصة قريباً حتى تمتد المعرفة وتتواصل

Post: #15
Title: Re: شكراً بورداب الخرطوم
Author: محمد أبوالعزائم أبوالريش
Date: 01-20-2008, 12:05 PM
Parent: #12

إنعام (2)

لو ناسية أذكرك إنو إنتي الوزعتي الأرقام بينك وبت حيمورة، وإخترتي تكوني إنعام (2) .... والا أنا غلطان، ويكون الزهايمر شغال؟

Quote: شكراً ليك انت لأنك كنت حريص تلاقي الناس وتتعرف اليهم

لو ما كنت لقيت الناس كانت إجازتي بدون معنى ... أو زي ما قال حميم أكون (ديك مسلمية).

خالص الود

Post: #17
Title: Re: شكراً بورداب الخرطوم
Author: إسماعيل حميم
Date: 01-20-2008, 01:08 PM
Parent: #15

Quote: لو ما كنت لقيت الناس كانت إجازتي بدون معنى ...
أو زي ما قال حميم أكون (ديك مسلمية).

تعرف يا محمد يا اخوي
يبدو أن الزهايمر شغال

ديك البطانة
ما المسلمية... سمح!!!!!

ديك المسلمية دا قصته تانية.

أرجع للبوست بتلقى ديوك كتار وقصص أكتر

مودتي

إسماعيل حميم

Post: #18
Title: Re: شكراً بورداب الخرطوم
Author: محمد أبوالعزائم أبوالريش
Date: 01-20-2008, 01:22 PM
Parent: #17

إسماعين ......

لقيت فرصتك .. مش؟

يا زول بطانة ومسلمية (الديوك على أشكالها تقع)

المهم الواحد ما طلع من البلد (ديك)

Post: #16
Title: Re: شكراً بورداب الخرطوم
Author: عبدالمنعم عمران
Date: 01-20-2008, 12:45 PM
Parent: #1

الرجل المهذب ابوالريش........تحياتى
رغم قصر الجلسه وضيق الزمن......عرفناك وسعدنا بذلك
واكيد حنتلاقى باذت الله....ربما فريبا فى دوحةالخير....رد الله غربتكم جميعافقد كنت هناك واعرف معنى الغربه جيدآ

عبدالمنعم عمران]

Post: #19
Title: Re: شكراً بورداب الخرطوم
Author: محمد أبوالعزائم أبوالريش
Date: 01-20-2008, 01:24 PM
Parent: #16

الأخ عبدالمنعم عمران ..

Quote: ربما فريبا فى دوحةالخير

يا ريت ... بس أدينا خبر ..

تحيات نواضر

Post: #22
Title: Re: شكراً بورداب الخرطوم
Author: إسماعيل حميم
Date: 01-20-2008, 02:36 PM
Parent: #19

العزيز محمد أبو الريش

إهـداء

بوست الديوك من الارشيف

أنـواع الديـوك ثـلاثة في زول بِعـرِف غيرهم

إسماعيل حميم

Post: #20
Title: Re: شكراً بورداب الخرطوم
Author: خالد ماسا
Date: 01-20-2008, 02:16 PM
Parent: #1

طـــق خاااااص

تشكر يا وريف ..

شكرا لك انت وانت تلون مساءآت الخرطوم ...

Post: #21
Title: Re: شكراً بورداب الخرطوم
Author: محمد أبوالعزائم أبوالريش
Date: 01-20-2008, 02:33 PM
Parent: #1

يا سعدي ...

ماسا يخصني ب (طق)

شكراً لكم وأنتم متحدين دائماً .... ومساءاتكم منيرة

خالص الود

Post: #23
Title: Re: شكراً بورداب الخرطوم
Author: محمد أبوالعزائم أبوالريش
Date: 01-21-2008, 05:43 AM
Parent: #1

حميم

بوست ظريف وخفيف .. بس مليان نتف ريش ..

تحياتي

Post: #24
Title: Re: شكراً بورداب الخرطوم
Author: نهلة عمر
Date: 01-21-2008, 10:12 AM
Parent: #1

الاخ العزيز محمد ابو الريش

ظروف حالت دون حضورى هذا اللقاء الحميم و لكن الجايات اكثر

شكرا لكل الاخوة و الاخوات المنظمين لهذا اليوم الجميل و دايما ملمومين فى السمح

تقبل تحياتى و اعتذارى مجددا

Post: #26
Title: Re: شكراً بورداب الخرطوم
Author: محمد أبوالعزائم أبوالريش
Date: 01-21-2008, 11:44 AM
Parent: #24

الأخت العزيزة نهلة

تمنيت لقاء كل من لم ألقاهم ... ولكني حسبتك ضمن من التقيتهم لحرصك على اللقاء حتى لو عبر التلفون.

لك خالص التحية ... ولا موجب للإعتذار

Post: #25
Title: Re: شكراً بورداب الخرطوم
Author: سمرية
Date: 01-21-2008, 11:03 AM
Parent: #1

التحية دائما لبلابل الاحتفالات واستقبال ضيوف الخرطوم .. ( اشراقة حيمورة / انعام حيمورة وانعام عبد الحفيظ )
والتحية لكل البورداب القادمين الحريصين على التواصل ..

وليك اخي محمد وانت تزداد ألقا بحرصك الدائم على الاهتمام بالاخرين ..

وانشاء الله نقابلك مرة تانية في ساعة سعيدة ..

Post: #27
Title: Re: شكراً بورداب الخرطوم
Author: محمد أبوالعزائم أبوالريش
Date: 01-21-2008, 11:51 AM
Parent: #25

الأخت سمرية ..

أكرر معك: التحية للحيموريتان وإنعام ... أو إن شئتِ الإنعامان وإشراقة.

خالص التحية

Post: #28
Title: Re: شكراً بورداب الخرطوم
Author: mayada kamal
Date: 01-22-2008, 08:42 AM
Parent: #27

الاخ ابو الريش
سلماااااااااااااات
كل سنة وانت طيب
اولا حمد الله على العودة للوطن ورجوعك برضوا الى مقر عملك

ثانيا بورداب الخرطوم ديل ما ادونا خبر
انا اتمني ان الاقي اي بوردابي في الموقع
بس بورداب الخرطوم ديل ما خاتيننا في حساباهتم
ياااااااااخي دي المرة الثالثة اعرف انو كان في لقاء بي منو ومنو ومنو عمله بورداب الخرطوم بس ما بدونا خبر
يمكن المشكلة فيني
لانهم ممكن يقولوا ما قريتي في البوست
ارجع واقول ليهم للاسف ما بلقى وقت اقرا اي شئ

************
عتاب خاااااااااص لانعام حيمورة والاخ خالد ماسا وطلال عفيفي
يااااااااهو ختونا معاكم في الصورة على الاقل

مودتي

Post: #32
Title: Re: شكراً بورداب الخرطوم
Author: عمرو كمال ابراهيم
Date: 01-22-2008, 02:09 PM
Parent: #28

Quote: عتاب خاااااااااص لانعام حيمورة والاخ خالد ماسا وطلال عفيفي
يااااااااهو ختونا معاكم في الصورة على الاقل

انتى ميادة كمال
وانا عمرو كمال...

الدخل الجماعة ديل شنو!!

Post: #33
Title: Re: شكراً بورداب الخرطوم
Author: عمرو كمال ابراهيم
Date: 01-22-2008, 02:10 PM
Parent: #28

Quote: عتاب خاااااااااص لانعام حيمورة والاخ خالد ماسا وطلال عفيفي
يااااااااهو ختونا معاكم في الصورة على الاقل

انتى ميادة كمال
وانا عمرو كمال...

الدخل الجماعة ديل شنو!!

Post: #34
Title: Re: شكراً بورداب الخرطوم
Author: عمرو كمال ابراهيم
Date: 01-22-2008, 02:11 PM
Parent: #28

Quote: عتاب خاااااااااص لانعام حيمورة والاخ خالد ماسا وطلال عفيفي
يااااااااهو ختونا معاكم في الصورة على الاقل

انتى ميادة كمال
وانا عمرو كمال...

الدخل الجماعة ديل شنو!!

Post: #35
Title: Re: شكراً بورداب الخرطوم
Author: عمرو كمال ابراهيم
Date: 01-22-2008, 02:12 PM
Parent: #28

Quote: عتاب خاااااااااص لانعام حيمورة والاخ خالد ماسا وطلال عفيفي
يااااااااهو ختونا معاكم في الصورة على الاقل

انتى ميادة كمال
وانا عمرو كمال...

الدخل الجماعة ديل شنو!!

Post: #36
Title: Re: شكراً بورداب الخرطوم
Author: عمرو كمال ابراهيم
Date: 01-22-2008, 02:13 PM
Parent: #28

Quote: عتاب خاااااااااص لانعام حيمورة والاخ خالد ماسا وطلال عفيفي
يااااااااهو ختونا معاكم في الصورة على الاقل

انتى ميادة كمال
وانا عمرو كمال...

الدخل الجماعة ديل شنو!!

Post: #37
Title: Re: شكراً بورداب الخرطوم
Author: mayada kamal
Date: 01-22-2008, 06:22 PM
Parent: #36

يا عمرو يااخوي
كيفنك

Quote: انتى ميادة كمال
وانا عمرو كمال...

الدخل الجماعة ديل شنو!!

مش كدا
عند حق
شكر ليك على المواساة
اختك

Post: #29
Title: Re: شكراً بورداب الخرطوم
Author: محمد أبوالعزائم أبوالريش
Date: 01-22-2008, 11:44 AM
Parent: #1

الأخت ميادة كمال ..

حسب ما عرفت إنو الحاجة إتقررت على عجل ..

لكن ولا يهمك ... الجايات أكتر إنشاء الله .. ويهمني ألاقي كل الأحباب.

عاطر التحايا

Post: #30
Title: Re: شكراً بورداب الخرطوم
Author: tayseer alnworani
Date: 01-22-2008, 01:30 PM
Parent: #29

الاستاذمحمد أبو العزائم
حمد الله على سلامة العودة لدوحة الخير
شرفتنا انت فى الخرطوم
وربنا يديم المعروف

Post: #31
Title: Re: شكراً بورداب الخرطوم
Author: عمرو كمال ابراهيم
Date: 01-22-2008, 02:08 PM
Parent: #30

محمد وجميع البورداب الذين قضوا اجازتهم

وتشرفنا بمعرفتهم

شكرا ليك ولكل من حرص على الإلتقاء ببورداب الخرطوم

وكنتو اسياد البيت

Post: #39
Title: Re: شكراً بورداب الخرطوم
Author: محمد أبوالعزائم أبوالريش
Date: 01-23-2008, 07:02 AM
Parent: #31

الأخ عمرو كمال ..

Quote: شكرا ليك ولكل من حرص على الإلتقاء ببورداب الخرطوم

كل من حرص على الإلتقاء ببورداب الخرطوم لم يندم .. بل كسب ناس في غاية الروعة والجمال

تخريمة:

إنت لما عملت مداخلتك مع ميادة .. جاتك رجفة وإنت بتعمل كليك؟ .... المداخلة إتنسخت 5 مرات

Post: #40
Title: Re: شكراً بورداب الخرطوم
Author: عمرو كمال ابراهيم
Date: 01-23-2008, 07:26 AM
Parent: #39

Quote: جاتك رجفة وإنت بتعمل كليك؟ ....

ما كليك... دى مارسيدس بنز

عديتم لى يا ابوالعزايم!!

على الطلاق ما أعدل المداخلات....

Post: #38
Title: Re: شكراً بورداب الخرطوم
Author: محمد أبوالعزائم أبوالريش
Date: 01-23-2008, 05:36 AM
Parent: #30

الأخت الفاضلة تيسير

شكري الجزيل أختي .. وشكري على ترحابكم غير المتكلَّف

سلامي للأمامير الصغيرات

Post: #41
Title: Re: شكراً بورداب الخرطوم
Author: أبوبكر أبوالقاسم
Date: 01-23-2008, 01:23 PM
Parent: #1

الأخ/ محمد أبوالعزائم تحية طيبة

لقد كفيت ووفيت إنابة عننا نحن الضيوف فهمو يستحقون أكثر من ذلك ، وطبعاً دا شُغل سناير ما عندنا ليهو شعر . لقد وثقت وبحق لتلك الإحتفائية الجميلة من وجهة نظر المحتفى بهم.

لم نحس بغربة معهم فقد شعرنا أننا نعرفهم من زمان وكما يقولون القلوب شواهد.

الأخت إنعام لك من الشكر أجزله وسلامى للوالد الظريف فقد سعدنا بلقياه والإستماع لحكاويه وعرفنا إنتى جبتى دا كلو من وين.

أخونا خالد ماسا ...... الكلام الحلو دا بتلقوه وين ويذكرى قصيدة هاشم صديق التى غناها المبدع مصطفى سيدأحمد ( حاجة فيك )؟

عمرو خالد حا ألاقيك فى البلنجة.

أبوبكر