شخصيتان محوريتين فى حكاية العملية فى النملية يا قور الخلا (شخصيتان) مرفوعة و(محوريتين) منصوبة منو ؟ وليه؟ وياتو عملية دى ؟ هوى ياقاسم قور ياكوز يا معفن
عليك الله متذكر لمن كنا فى المعهد؟ وبعد الشكلة ما تنتهى فى الركن والفول الفى الصحن من (بقه) الله يرحمه والشاى فى كا فتيريا المعهد والونسةفى (ضل سلمى ) وتبادل الكتب والمعارف والاكتشافات الجديدة فى عالم المسرح وما كان فى زول بعتبرها حركة (شو ) لانها حقيقية فيها احمد طه امفريب ، قاسم قور ، شمس الدين يونس ، سلمى الشيخ، السر السيد ، الفاضل كباشى عليك الله دى ما مسرحية عبثية ؟
01-19-2008, 04:27 PM
Abuelgassim Gor Abuelgassim Gor
تاريخ التسجيل: 10-28-2006
مجموع المشاركات: 4655
الشخصيات حسب الظهور حنان - زوجة على على - زوج حنان سكينة - أخت حنان الطيب- زوج سكينة السيد - عبد الغفار الدل مرابى كبير ، له علاقات سياسية ، يجيد عمل الحفلات وتجهيز القعدان ساميه - البنت الكبرى لعبد الغفار هيثم - الابن الوحيد لعبد الغفار عبد الله - سياسى فى حزب تقدمى لكنه انتهازى نفعى له علاقة مريبة مع عبد الغفار السيد - طبيب
01-19-2008, 04:39 PM
Abuelgassim Gor Abuelgassim Gor
تاريخ التسجيل: 10-28-2006
مجموع المشاركات: 4655
يا أستاذ السنى الشخصيات دى كيف ؟ طبعا انت مرجعنا فى بناء الشخصية يا سلمى ، يعنى ليه تذكرينا الايام الحلوة ، أيام الحب . والله يا سلمى مكسر فيك عديل ومقطعو فى مصارينى....عاد لما تشيلى شنيطتك الخدراء وتقولى لى والله يا قور غير ما شايفه زول ...... واصلى معنا فى بناء الشخصيات حتى تكتمل العملية فى النملية معفنك الكوز قور
01-19-2008, 05:44 PM
سلمى الشيخ سلامة سلمى الشيخ سلامة
تاريخ التسجيل: 12-14-2003
مجموع المشاركات: 10754
قاسم قور يا كوز يا معفن ازيك وكل سنه وانت طيب شخصياتك دى مالا تشبه خطوبة سهير ؟ امد الله فى ايام استاذنا ومعلمنا الفاضل حمدنا الله عبد القادر لكن ما ناقصة شخصبة ياربى ؟ كدى فتش وشوف الشخصيات دى تمام ؟
حاجةانصرافية هسى دى الفكرة حقت حبك دى ما مسرحية براها مش عليك الله؟ بالمناسبة يوم المسرح العالمى قرب بس الكويس ما حاكون فى السودان عشان ما يطردنى طارق البحر من (اذاعته ) والله الحاجة دى حارقانى حرقة خاصة لمن تجى من زميل دراسة وولد فصلى برضو سلامى ليهو
01-22-2008, 06:36 AM
Abuelgassim Gor Abuelgassim Gor
تاريخ التسجيل: 10-28-2006
مجموع المشاركات: 4655
يا سلمى أناعدلت الشخصيات يا أستاذ السنى يدكم معانا حبه أها يمكن الحكاية دى تنجح وأطلع كاتب مسرحى ..وبعدين يا المسرح القومى جاك بلا
العملِية فى النملِية فانتازيه موسيقة كوميدية تأليف الدكتور أبو القاسم قور
الشخصيات أسرة أبو علوة المقر فيلا ابو علوة أبوعلوة- مرابى ، انتهازى ، جشع سكينة - زوجة ابى علوة حنان- البنت الكبرى سلمى – البنت الوسطى سميه – البنت الصغرى سمير- الابن الوحيد (خدم ، وحشم ) أسرة النعيم : النعيم – قواد متخفى فى شخصية مثقف سارة – زوجة النعيم شيراز - الابنة الكبرى عبير- البنت الوسطى شادى – الابن الوحيد أسرة الوزير : منزل السيد الوزير عبد الدافع : وزير متمكن سياسيا . شاديه – زوجة الوزير حسن – صديق الوزير متملق عثمان- صديق الوزير سعدية – سكرتيرة الوزير وعشيقته الطيب- مدير مكتب السيد الوزير عشيق السكرتيره من طرف آخر ( بنات الوزير ، وأبنائه)
الفصل الاول : (موسيقى ، يفتح الستار ، فيلا ابو علوة ، حديقة واسعة بعد الباب الجراج ، تؤدى الى الدرج ، نافورة وسط الحديقة ، والميدان الفسيح ، مجموعة من الكورس ، والمغنيين ، والمطربين تبدأ الموسيقى والرقص الكورس: آه يازمان يوم أسود ويوم أبيض يوم بصل ويوم عسل ويوم مثل الدخان وقبال ما تبدأ القضية العملية تمت فى النملية ابو علوة طلع الاول والعالم كلو شرب موية آه يا زمان ناس تحسب مليون دكان ناس بتموت مثل الضبان أوع تطلع زول تلفان أبو علوه الخارق زول بنبان ( يظهر شخص فى صورة كرتونية كريكتورية ، يرتدى بدلة ، وبذة وبطن وكرش كبير ، يتحرك بطريقة كاريتورية ، بينما يواصل الكورس الغناء والموسيقى ، وتتغير الاضاءة ثم تدريجيا ينخفض الصوت وتنخفض الاضاءة تدريجيا حتى تتلاشى ويختفى الكورس بعد اظلام ، ثم اضاءة كاملة تظهر الفيلا كاملة الخدم يعدون المائدة لوليمة كبيرة ) خادم- عمك اليوم طالع فى الكفر خادم2 – كفر ووتر ( يضحكان ويعملان بخفة ونشاط) خادمه : تضحك براك تنفقع بطنك وينكسؤ فيك الورك والضراع خادم 1: هى يا أم ضراع خليك بعيد اليوم يوم الناس الحلوين . خادم 2 - اصلو الجمال والمال بقو سوى خادمه- ونحن بقينا سوى خادم2 – بقينا سوى يا مجنقره ، يا مقطعة يا ملقطة ، يا خادم3 – هُس بَس
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abuelgassim Gor
محمد سنى دفع الله
Omer Abdalla Omer
سلمى الشيخ سلامة
فيس بوك
تويتر
انستقرام
يوتيوب
بنتيريست