الرطانة مقصودبيهاهنا الناس الجايه من أقصى شمال السودان الناس ديل دواخلم نضييييييييفــــــــــه بصوره متميزه يتفوقون فى ذلك على كل قبايل السودان لا ادرى سببا لذلك لك ثبت لى بمعاملتى فى شتى بقاع الارض مع معظمهم فوق كل ذلك يحفظون الجميل بصوره فوق الخيال فى هذا البوست حاحكى عن كل ذلك وعن حلم عمرى بالزواج من رطانيه بين قوسين لم يتحقق بعد وماكان ذلك الحلم الا ليدخل بعض هذا العنصر الجميل لاسرتى .............وأواصل
معليش اا مدحت والله العظيم انا عديت الحاله واحده مع انها اكتر من واحده لكن برضو لك العتبى حتى ترضى اخى الكريم والله يامدحت من سنة اتنين وتسعين بدت علاقتى بأهلكم فى بحرى الحكوميه وللان ما فى زول زعلتواالكلمه بل بالعكس كانو بضحكو لكن حقك على وتقبل اعتزارى الصادق
نحن نبدأ معاك من التحايا والسلامات عشان ما تتلوم مع أهلنا ديل ويشيلوا حالك
مسكا فيجوا بفتح الميم وتسكين السين معناها صباح الخير أما مساءالخير دي أنا ذاتي ماعارفاها... خلينا أستعين بحبوبة أقصد بصديق
كوريقون أنجا نلي معناها كل سنة وانت طيب وبالترجمة الحرفية كل عيد وانت طيب
لمن تحفظ ديل وريني عشان أديك الباقي
Post: #17 Title: Re: الرطانة وجمال الدواخل وحسن المعشر Author: mohmmed said ahmed Date: 01-20-2008, 05:48 AM Parent: #16
البوست فيهو حسن نية وروح طيبة
لكن انا برضو ما ريحتنى كلمة الرطانة والرطانة تعنى عند الاعراب الكلام غير المفهوم يعنى الخارم بارم وطبعا اللغة لاى شخص لا يفهمها هى رطانة يعنى العربى بالنسبة للنوبى رطانة
اتفق معك اخى انو الناس ما بتزعل من كلمة رطانة لكن دا برضو نوع من التسامح الما بيفيد
وقد اصبحت الان مكتوبة.....واذكر ان احد الاخوان الاعزاء وفي فاعلية من فعاليات منتدي الحروف بالدوحة ....قدم اكثر من قصيدة باللغة النوبية قراءة وكتابة ....ولما قام بترجمتها ارتجت القاعة بالتصفيق ..... طبعا ياود الجعلي انا خال الجعليين عديييييييييييل كده ...يعني انت عم اولادنا...من هنا عندك باسوورد للدخول الي عالم اللغة والحياة النوبية ...بس لازم تجيب لينا معاك الاستاذة انعام حيمورة وذلك لفض اي اشتباك قد يحدث . ودي مني ليك : واحد من اولادنا الاستاذ ساله بالرطانه: ( مين كرم كافرين سيدنا ابراهيم ايقج اركوكري.....؟) وترجمتها ( لماذا رمي الكفار سيدنا ابراهيم في الناااااااار ) فرد عليه : ( اي انمروا...) يعني انا ماعارف الاستاذ اداه ليك سوط حااااار صاحبنا كورك باعلي صوت..... ( ادور خراب وير كاوكري ) ومعناها: (يمكن عمل ليه خراب) ********** هذا العهدة علي الراوئ . التحايا للجميع هارون دياب
الاستاذ محمد سيداحمد لك دوما تحياتى والتقدير والله عمرى ماكنت أعتبر هذه الكلمه مشينه وكل ما أقابل زول/ة من اندكم بحاول اتعلم كم كلمه امشى أقشربها تفتكر يامحمد ممكن الزول يقشرلو بحاجه كعبه لكن برضو طالما ما ريحتك لك اعتزارى ويبقى الود بيننا
اخى الكريم هارون والله قصه روعه كيفتنى شديد خصوصا لمن تتخيل الشافع مزرزر عويناتو ويبلع فى ريقو خايف من السوط التانى يشرفى ويزيدنى فخرا ان اكون عما لابناء أختكم الكريمه بس ماتنسى انى من هنا ولى قدام خالم برضو لك حبى الاكيد
ياود الجعلي ... بس ما تجوعل وتزعل .. الاستاذ يوسف فضل وهو اكثر المؤرخين السودانيين ثراء في تاريخ العرب في السودان يصنف الجعليين علي انهم نوبة مستعربة arabized nubian وهناك غيره من مؤرخين وعلماء اثار من العالم يشاركونه نفس الراي .. وعموما اثر الدم النوبي موجود في كل الشمال الجغرافي وفي دارفور يوجد نوبيو الجبال ( هؤلاء غير نوبة الجبال).. يعني بالفصيح الرطانة بكان ما تمشي ...وعكس ما يشاع فلقد تزاوجت اثنيات سودانية ومن خارجها مع النوبيين وكان للعرب نصيب كبير بعد الاسلام الا ان اصرار النوبيين علي ان يكون مهر بناتهم وشرط الزواج منهن تعلم النوبية في زمان قديم كان له الاثر الاكبر في بقاء اللغة النوبية في المنطقة النوبية رغم هذ التمازج ...وحتي من تزوج بالنوبيات بعد الاسلام واثناء وبعد دخول الاتراك من اصل بوسني وصربي والباني وتركي ومجري تعلم النوبية ولم يتحدث غيرها بعد ذلك .. وفي زمن ولاية حسن وحسين كاشف كارة امر النوبيين احدهما في الدر شمالا والاخر في دنقلا وهما من سلالة تركية ( كما يقول اهلي واجدادي ) فانهما لم يكن يعرفا غير الرطانة وفي كتاب الرحالة النمساوي ديكاهاردت ما يفيد بذلك ....
اها عرفناك بكل حاجة وما خلينا شي ...ويالف مرحب بيك بس ترطن .لمنفعتك وصالحك عشان بعدين ما تقول بيقطعو فيك وبالمناسبة وللعلم وحتي ما تقول ما قالو لي البنات النوبيات راس براس الابناء سوا سوا وما عندنا حكاية "الجماعة " و "الاولاد" واها الحجل بالرجل ... واوع العرريب الحتات جدو ودشيقوق يجي بجاي بعدين نخليهو يدودر سااااي وينسي نضم العرب
Post: #22 Title: Re: الرطانة وجمال الدواخل وحسن المعشر Author: هاشم أحمد خلف الله Date: 01-20-2008, 07:32 PM Parent: #20
ود الجعلي ياخي والله انا جعلي زيك لكن مكسر في النوبة ديل تكسير رهيب ومعظم اصدقائي منهم وواحدين مصاحبهم وما كنتا عارف انهم رطانة علي قولك . اجدت الوصف في هؤلاء القوم والقومة ليهم والله رافعين راسنا فوق , ربنا يحفظهم ويسهل طريقهم آمين يارب العالمين .
أستاذنا الرجل القامه ابوبكر والله يزيد الجعليين شرفا وعزا ان يكون ذوى صلة بقامات مثلكم أيوه انا بتعلم الرطانه واتعلم ابوها زاتو لكن تدونى وعدا نجيض انو تعرسولى رطانيه والله انا جادى لك محبتى وكل التقدير أخى الكريم
Quote: أستاذنا الرجل القامه ابوبكر والله يزيد الجعليين شرفا وعزا ان يكون ذوى صلة بقامات مثلكم
الله يكرمكم ياخي لا تعطيني اكثر مما استحق وانا وكلنا هالك بن هالك ..
Quote: أيوه انا بتعلم الرطانه واتعلم ابوها زاتو لكن تدونى وعدا نجيض انو تعرسولى رطانيه والله انا جادى لك محبتى وكل التقدير أخى الكريم
حتي في بيتي هنالك من تزوجن جعلي وشايقي وغيره من اجناس السودان ولي اصدقاء جعليين تزوجو نوبيات وفي محصلة الامر كلنا سودانيون وكلنا بشر ..البنات النوبيات صاحبات قرار في امور حياتهن منذ زمن بعيد وليس هنالك من يفرض عليهن قرارا شخصيا ولا اظن ان ارادت اية بنت نوبية الزواج من غير نوبي او اراد غير نوبي الزواج من نوبية ان يقف احد معترضا ... مرحب بك جعلياسودانيا انسانا كريما ولا اظن ان اية اسرة نوبية تقدر تقول فيك حاجة انت بس دبر امورك مع الشريكة المرتقبة وبعد داك القرار لكما وكلنا نبارك ...