لاول مره في تاريخ الشاشه البلوريه حاجه دومه ( توجد صوره)

في اشياء غريبه وعجيبه جدا بتحصل تخليني ما اقدر افهم ناس البورد
منها ما كتبته الزميله صباح حسين طه

Quote: مع التقدير أكمله للأخت الدكتورة ناهد لكن للأسف نحن شعب لا يحترم العلم ونوزع الألقاب والصكوك والشهادات بلا مقابل وهذا للأسف لا يحدث فقط علي مستوي المجاملات الشخصيةفقط لكن أحياناً حتي علي مستوي المؤسسات الجامعية فكم من شهادة أستاذية منحت للمئات بغير حقها والذين يصبحوا مضحكة أو علي الأكثر مستمعين فقط عند مشاركتهم في المؤتمرات العلمية وهنا ليس لدي أي شئ شخصي ضد د.ناهد ولكن لا أظن أنها نفسها تقبل أن يكتب عنها الدكتورة الأديبة العالمة وهي قد كتبت بنفسها أنها خريجة الدفعة السادسة عشر من جامعة الجزيرة أي لم يمضي علي تخرجها من الجامعة إلا حوالي الثمان سنوات وأظن أنها عملت حضرت تخصصها في الطب النفسي (علي ما أعتقد) في مجلس التخصصات الطبية مثلها مثل المئات من الأطباء في السودان. نعم هي واحدة من الفتيات المثقفات والتي تحاول تسخير دراساتها وإطلاعاتها للمساهمة في التنوير والمشاركة إعلامياً بنشاط كبير وهذه الكتابات عن الشخصية السودانية هي مثال لذلك وإن لم يكن عملاً فريداً لذا لا أري أن الأخ محقاً في كتابته عنها العالمة وكان يمكنه الإكتفاء بوصفها بالأديبة وعندنا هنا في البوردأخوة من أطباء وكتاب مساهماتهم الفكرية تساوي أضعاف مضاعفة لإنتاج د.ناهد ولم نصف يوماً أحدهم بالعالم أو المفكر أرجو أن تؤخذ مداخلتي هذه في حدود التوجيه بالدقة في توزيع الألقاب لا سيما وانني شخصياً ليس لي مساهمات في أي صحيفة وهي قد إختاروها نائب رئيس لإتحاد الكتاب الجديد كما أظن ولها أولاً وأخيراً التقدير والثناء (عدل بواسطة صباح حسين طه on 18-01-2008, 06:02 ص)

Quote: ومن قراء الحروف الاولي في العربية (ا و ب) فهو عالم في مداره....... ....الدكتور ناهد بكتابتها العميقة والمتقنة والسابحة عميقا في الشان السوداني والشان الادبي اري انها تستحق ان نطلق عليها العالمة والموسوعية حضرت لها عدة جلسات للتفاكر وليلة للالقاء الشعري فمارس فينا اشياء عديدة اكثرها صوتا كان هو الانبهار... موسوعية وعميقة ومالكة لمنهج واضح وشفاف في كل القضايا التي تتناولها وبلاضافة الي ذلك تمتلك كارزيما العلماء والعارفين وموشحة بالتواضع الذي هو اكثر صفات العارفين وهجا وسطوع......... العلم لا يقاس بسنين الخروج علي كراسيه بل تفعيل المعرفة وامتصاص رحيقها والمثابرة والاجتهاد والتجارب ونحت الصخر هو يطلق مثل الاصوات المبهرة كالدكتورة ناهد.... لها كل الود والتحايا والتقدير ودوما الي الامام يا ناهد فانت فخر للمراءة السودانية

وانا برضو يا دوما استغربت شديد وحزنت بالجد

يعني لو كان شالت حكايه الثناءوالتقدير في اول كتابتها واخرها دي كان الموضوع ممن يتبلع .
شكرا لكتابتك دي يا كيكي

Quote: يعني لو كان شالت حكايه الثناءوالتقدير في اول كتابتها واخرها دي كان الموضوع ممن يتبلع . شكرا لكتابتك دي يا كيكي

الشي الغريب انو الاخت صباح
تركت الكلام الممكتوب والمرفق زي ديشليون مقال كده
ومشت طوالي للشان الرهيف والسطحي من الموضوع....

ناهد حسب علمي هي خريجة كلية الطب جامعة الجزيرة واتحدي اي شخص ان ياتي الينا باسم اخر
للطبيب او الطبيبة في السودان (غير دكتورة او دكتورة)...

اسمحي لي يا صباح حسين اقول ليك حتي صيغه حديثك عن دكتوره ناهد لا ينم عن اي تقدير لما انجزته ولا اي احتفاء بها كامراه سودانيه نا جحه

ماما دومة..
وينك يا زولة..
مشتاقين
لك و لكل من حولك تحياتى

ولكل من مر/ت من هنا محبتى

دومة وكيكي

سلامات

لا أعتقد أن الاخت صباح قد ذهبت الى الحد الذى تلغي فيه حق الاستاذة ناهد فى الالقاب الاكاديمية

Quote: لا أعتقد أن الاخت صباح قد ذهبت الى الحد الذى تلغي فيه حق الاستاذة ناهد فى الالقاب الاكاديمية

بغض النظرعن انها ذهبت الي اي حد
كلامها يفتقر الي اللباقه والذوق

Quote: أعتقد أن الاخت صباح قد ذهبت الى الحد الذى تلغي فيه حق الاستاذة ناهد فى الالقاب الاكاديمية

هلا يا حيدر
ونعم
ولكن ماذا كان ذنب (بلية) ياحيدر عندما اطلق عليه الاسطورة..

Quote: لشي الغريب انو الاخت صباح تركت الكلام الممكتوب والمرفق زي ديشليون مقال كده ومشت طوالي للشان الرهيف والسطحي من الموضوع..

لا يا كيكي هي ما خلت الكلام المكتوب هي عملت تقييم شامل كامل لانجازات دكتوره ناهد وقالت انها لا تستحق الراو المعمول ليها ودا المحزن في الموضوع . ولا يدخل في باب النقد والذي تتقبله دكتوره ناهد بكل سماح و طيب خاطر

عارف يا حيدر بس اقرا الفقره دي من كلام صباح وقل لي رائيك هل دا كان مجرد حرصها علي دقه توزيع الالقاب ؟؟؟؟!!!
نحن لو ما متنا يا ولدي شقينا المقابر

Quote: أي لم يمضي علي تخرجها من الجامعة إلا حوالي الثمان سنوات وأظن أنها عملت حضرت تخصصها في الطب النفسي (علي ما أعتقد) في مجلس التخصصات الطبية مثلها مثل المئات من الأطباء في السودان. نعم هي واحدة من الفتيات المثقفات والتي تحاول تسخير دراساتها وإطلاعاتها للمساهمة في التنوير والمشاركة إعلامياً بنشاط كبير وهذه الكتابات عن الشخصية السودانية هي مثال لذلك وإن لم يكن عملاً فريداً لذا لا أري أن الأخ محقاً في كتابته عنها العالمة وكان يمكنه الإكتفاء بوصفها بالأديبة وعندنا هنا في البوردأخوة من أطباء وكتاب مساهماتهم الفكرية تساوي أضعاف مضاعفة لإنتاج د.ناهد ولم نصف يوماً أحدهم بالعالم أو المفكر

Quote: ماما دومة.. وينك يا زولة.. مشتاقين لك و لكل من حولك تحياتى ولكل من مر/ت من هنا محبت

حبابك يا حاج ابو الزهور
والله قاعده في الدنيا
ام قدود دي كل يوم يطلع صباح نندهش

Quote: ( توجد صوره)

أول مرة وكمان معاها صورة ..
الليلة قلتا لنيستا زح غادي ..
بس نوبي ما يمر بهنا ..








____________
خالة دومة ازيك ...

Quote: أول مرة وكمان معاها صورة .. الليلة قلتا لنيستا زح غادي ..

لوووووووووول حبابك يا مجاهد بس يعني الاخالتك دومه المسكينه
قالوا البوستات الفيها صور بتجيب الشمشرجيه سمعت الكلام عند ود البشري
اسه منتظره الود تمبس يبقي شديد عشان يهندس لي الصور من زمن الصبا الي زمن الكهوله وننزلها
تخريمه
سيتم العرض قريبا فترقبوه

يا شباب بالله ادوه دفره البوست دا
لما القي ود القريش او تمبس ينزل صور مامه دومه
و هي في براءه الطفوله وعمر الزهور
ثم في خريف العمر كنا نتناجي ونغني

Quote: لاول مره في تاريخ الشاشه البلوريه حاجه دومه ( توجد صوره)

معقولة يا دومة سوق بوستاتك باير للدرجة دي؟؟؟!!!

إنتي ما عارفة موضة البوستات الساخنة اليومين ديل؟؟!!

Hint

نزلي بوست و سميهو ... آآ .. عمر الشريف ..... أو ... الفيس بريسلي ... صوفيا لورين ...
and it will be sold out
تجي تقولي لينا حاجة دومه ( توجد صورة ) !!!

( نسيت ... موضوع البوست ده ... شنو ؟؟!!)

Quote: نزلي بوست و سميهو ... آآ .. عمر الشريف ..... أو ... الفيس بريسلي ... صوفيا لورين ... and it will be sold out تجي تقولي لينا حاجة دومه ( توجد صورة ) !!!

لوووووووووول يقطع شياطنك يا محمد سليمان
انت بس خليك قريب لما تنزل الصور ح تكسر ركبه هنا
وتقيف وسط البلد وتهتف بريييييييييدك يا صباح عمري
يعدين يا اخوي الفيس برسلي وعمر الشريف وصوفيا لورين تدقش السايبر ده تلقي صورهم حبطرش لكين ماما دومه دي صورها بلقوها وين ؟؟؟
الا ذو حظ عظيم

العزيزة / دومة
صباح الخير
قلنا نديه دفره ...بالصورة دي......

Quote: يعدين يا اخوي الفيس برسلي وعمر الشريف وصوفيا لورين تدقش السايبر ده تلقي صورهم حبطرش لكين ماما دومه دي صورها بلقوها وين ؟؟؟

والله فتشت صورة خالة دومة ....حتي بالدولار مالقيته....الغالي بي غلاته .
يديكي العافية
هارون دياب

Quote: الا ذو حظ عظيم

صاااااااح.....

يا حماده يا حبيبي
روحي واجعاني الايام دي
لكين موعود بتلفون
بس وجع الروح دا يفكني شويه

هارون دياب حبابك
توشكر يا حبيب دي دفره باليرو الله

خالتوا دومة صباحكـ أطيب

Quote: يعدين يا اخوي الفيس برسلي وعمر الشريف وصوفيا لورين تدقش السايبر ده تلقي صورهم حبطرش لكين ماما دومه دي صورها بلقوها وين ؟؟؟ الا ذو حظ عظيم

...
زي انا كده

..
مش

اهلا يا ملك يا زول محظوظه انا الشفتك انت في خريف عمري
اسمعني بشاشا وصل امريكا ؟؟؟
غايتو لقيت محس خالد في بوست الليركس جيهو جيهه تمام
انا عافيه منو محسن دا عفويا يتقيهو ويوقيهو

الناس دى مابتخجل , شنو خالتى دومه الشابكنك بيها دى ,

لكن انا بعذرهم لانو ماشافوك ,, ياجماعه الزوله دى لوشفتوها امانه مابكون فى جنس

كسير ,, عشان كده اى زول بيستعمل كلمة خالتو دى احسن يسحبها لانو بعدين فى كلام تانى ,,,


لوم
ـــــ

اتلومتى والله ياصباح تعابيرك ماكانت موفقه ,, ولكننى اظنها( غيرة ) النساء ,,

ولايهمك دكتوره ناهد فانا اعلم ان مثل هذا الكلام لايزيدك الا علما .

Quote: ا لا ادري هل هو التحيز النوعي ام ان النساء في بلادي مبدعات مبدعات مبدعات لحد بعيد هل تتعطل حاستي النقدية عندما يكون العمل لكاتبة ام ان حاستي النقدية هي التى تدلني الى هذه الكتابات الرائعة.؟!!! فانا تبهرني كتابات اماني عبدالجليل النقدية وتضيعني تفاصيل سناء جعفر وتسحرني منى احمد بالذكاء والحرفنة في الكتابة..وتغمرني كتابات حليمة عبدالرحمن ومقدرتها في عرض الظاهرة وتحليلها بصورة بسيطة ممراحة.حتى اقول اني ا ا حتى اقول اني اغرق اغرق حتى دومة الغياظة التي نختلف فكريا اختلاف الليل والنهار والتي تدعي دائما انها ما كاتبة ولا شيتين الا انها تحفر في عقلي.. عشة بت فاطنة كانت ولازالت لسنين طويلة كاتبتي المفضلة ومعلمتي رغم انها دفعتي..سلمي الشيخ التي تكتب بقلم سائل لا يجف تبكيني تداعيات الذكريات التى تسيلها كتابة ومنى خوجلي المبهرة في جدها ولهوها..بحوث ام راشد المعلمة زودتي بمعلومات لا تتوفر لي في منفاي وكذلك تيسير النوراني ودكتورة اشراقة وكتابتها الاباداعية والنظرية ومنهجيتها العالية والكارثة تراجي..ممكونة المهمومة بالقضايا العامة ام سهى و عواطف ادريس سوميتا وعزاز شامي وميادة لنا مهدي رجاء العباسي مريم حسين نساء كثيرات مبهرات رائعات قرأت لهن في السابير..لا حصر لهن ولا يسعني ان اذكرهن فالينتظرن الى مارس... في داخلي احتفي بهن وكل عام في يوم المرأة اجمع ما اعجبت به وانشره تحت نساء مبدعات ولكن هذه المرة في رحلتي الجميلة الى الدوحة التقيت بمن لا استطيع ان انظرها الى مارس..وهي دكتورة ناهد محمد الحسن وكانت هدية هذه الرحلة بالحق وكنت محظوظة ان التقيت بها..حيث تواعدنا على التواصل :

هذا ما كتبته الدكتوره نجاه محمود الحاضره دوما معنا بحق الدكتوره ناهد محمد الحسن .

Quote: يا حماده يا حبيبي روحي واجعاني الايام دي لكين موعود بتلفون بس وجع الروح دا يفكني شويه

ياست الكل ياخ روحك خفيفه وفيك جاذبيه
تسلمي من الالم انا اللازمني تلفون سريع النهما كمان
هو الوجع ده مابعرف ناسو؟!! والله قصه

كمال علي
انت تتعلي ما تدلي وكت رفعت اسهم خالتك كدا لوووول
الجماعه معذورين يكونوا ما عارفين اني ست الاغنيه البتقول
انا شفتك وين

يا قمر دورين .
الي حين شفاء تمبس
نرجو من زوارنا الكرام
مراعاه فرق الزمن .

هلا يا دوما
واها بعدما القصة بردت ونفسي برد شوية
اتذكرت اهلنا (النوير) الواحد فيهم لو لقي (نويراوي*) عامل شكلة بخش فيها
وبعد الكبع ينتهي يسال (ياجماعة الحاصل شنو؟؟؟)

فدحين يا دومة


ويييييييين الصور
وياتو شاسة بلورية الظهرتي فيها اوع تكون بتاعة الجماعة اياهم؟؟؟(وش مكرمش وعاوز
يولع تاني)

الجميلة الحبيبة :دومة
قرأت هذا البوست بصحبة أبنوسة ونادوس(عشاقك المخلصين) الذين يعرفون نبلك وأصلك , أنت والاصدقاء أخجلتونى بإحاطتى بكل هذا الحب والايمان واليقين , عدا ان لقب دكتور منحه العرف الاجتماعى للاطباء منذ غابر التاريخ..لا اظن ان الالقاب العلمية يمكنها ان تنوب عن الابداع والفكر وشخصيا أعتبر لقب أديبة أكثر من محرد ثناء عابر..واكتفى به عن رؤية سوءات ما بعده ..ولك يادومة كل الود , انتظرينا انا وابنوسة العام القادم ننوى ان نخص اوروبا بجنون سودانى نسوى م نوع خاص ويابيان استعدى انت واشراقة مصطفى ...الى لقاء

الدكتورة ناهد
كيفنك
غايتو الليلة فقدنا (المحاربات) وانا شخصيا قلت للجنرال
عددك دا ما لازمني
اهابنشوفك متين..؟
معليش يا دوما الواحد من الشفقة نسى يسلم عليك
كيف حالك ياخ

شكرا لمرورك الجميل يا دكتوره ناهد
رجاءا خاصا ان يواصل ود الزين انزال كتاباتك لانهااضافه حقيقه وكتابه جديره بالقراءه . تحياتي للاحبه ابنوسه ونادوس والصغار وليك انت يا مشرقه

Quote: لا يا دوما واها بعدما القصة بردت ونفسي برد شوية اتذكرت اهلنا (النوير) الواحد فيهم لو لقي (نويراوي*) عامل شكلة بخش فيها وبعد الكبع ينتهي يسال (ياجماعة الحاصل شنو؟؟؟)

لووووووووووول يا كيكي كلنا نوير يا ولدي

Quote: ويييييييين الصور وياتو شاسة بلورية الظهرتي فيها اوع تكون بتاعة الجماعة اياهم؟؟؟(وش مكرمش وعاوز يولع تاني)

الصور بتجيك في الخاص
الصور العامه منتظرين عمليه تمبس تلتئم ويقعد يصلحها بالفوتوشوب كان ننافس بنوت الهامش .
بري وشك ما يتعفرت امك دومه البوديها الشاشه البلوريه شنو ؟؟؟
انا قاصده الشبكه العنكبوتيه الا من الزعل طلعت بلوريه

ياكيكى ماتدقس ,,, الزيكم ديل يدخلوا البوست كيف لو ماكتبوا ليهم عنوان زى ده ,,

Quote: وانا برضو يا دوما استغربت شديد وحزنت بالجد

Quote: ياكيكى ماتدقس ,,, الزيكم ديل يدخلوا البوست كيف لو ماكتبوا ليهم عنوان زى ده ,,

هلا يا ابوكمال
وياخي معقول
دومة دي لو (كحت) ساكت انا اول زول بجي جاري
وعشان اعمل توازن قوي وهامش وجلابة
تراجي برضها لو كحت بتلقاني جاي جاري

كرهونا الجري والمساككة يا بو كمال الناس ديل..

ما تقصر يا كيكي يا اخو الاخوان/ت .....هكذا عهدناك... .

كمال الدين بخيت شكرا لمواقفك والمتابعه هنا وهناك
دكتوره ناهد مفكره مش ر ص كلام والسلام وتستحق القراءه

تحية الى الدكتورة العالمة ناهد وهي تساهم مساهمة فاعلة في شتى قضايا الوطن الرئيسية.

شكرا لك يا دومة.



دينق.

دوما طبعا انا زي كيكي اخوي ده كان كحيتي انت برضو بجي جاريه.




اولا يا د.صباح حسين الصحفيه عارفه د.ناهد محمد الحسن دي لو ماكتبت
اي حاجة مقالها الوحيد عن ستسات الشاي يكفيها,يكفيها لنتوجها انسانه
ومخلصه لانسانيتها.اين انتم الصحفيات عن هموم ستات الشاي؟؟؟؟ومش ستات الشاي
عن هموم الوطن عموما؟؟؟ما كل واحده ضابه باس وردها وقاعده تتفرج
محل المقالات بقروش احتمال بتكتبوا لكن محل المجاننا ده الا تجوا تشاكلوا في ناس ناهد ديل.




ويا دوما عليك الله ختي لينا اللينك بتاع مداخلاتها
عشان نفتش ونقرأ هي صباح حسين دي قاعدة تكتب شنو.
اصلا في اكثر من صباح حسين هنا.




ويا كيكي كتلتني بالضحك:

Quote: دومة دي لو (كحت) ساكت انا اول زول بجي جاري وعشان اعمل توازن قوي وهامش وجلابة تراجي برضها لو كحت بتلقاني جاي جاري كرهونا الجري والمساككة يا بو كمال الناس ديل..

ربنا يديك العافيه وتجري كمان وكمان .

Quote: تحية الى الدكتورة العالمة ناهد وهي تساهم مساهمة فاعلة في شتى قضايا الوطن الرئيسية.

شكرا ابني العزيز دينق
كتابات ناهد مشاعل امل تضئ عتمه الطريق .

غايتو انت بشاشا ده موجعك بالحيل:

Quote: اهلا يا ملك يا زول محظوظه انا الشفتك انت في خريف عمري اسمعني بشاشا وصل امريكا ؟؟؟ غايتو لقيت محس خالد في بوست الليركس جيهو جيهه تمام انا عافيه منو محسن دا عفويا يتقيهو ويوقيهو

يازول محسن خالد يجيه شنو؟؟؟ولا منو؟؟؟؟
انتو فاقعكم بشاشا
ولا الباقر العفيف
ولاالباقر موسى
ولا عبد المنعم ابراهيم الحاج
ولا....الخ
القائمه قاعدة تطول
وشرفاء السودان ومستنيريه لن يسكتوا ابدا
آخير تصلحوا فهمك ده وتبطلوا البتعملوا فيه ده.


و الاستنارة المستترة زي حقتكم دي بقت ما بتأكل عيش.

اه كده كلمينا باقي المخابارت قالت شنو؟؟
اميرنا الوكشي في الطريق الينا ام لازال يواصل تعبئة
مهمشي الداخل؟؟؟

Quote: اه كده كلمينا باقي المخابارت قالت شنو؟؟ اميرنا الوكشي في الطريق الينا ام لازال يواصل تعبئة مهمشي الداخل؟

تراجي البوست دا ما بتاع شكل بنضحك بس في طهاره الكوشي ام قصبه
اقري كلام محسن عشان تعرفي انه محسن خالد متل اميركم الكوشي دا ببلعه ليكم جب

Quote: دوما طبعا انا زي كيكي اخوي ده كان كحيتي انت برضو بجي جاريه.

شكرا يا حكومه تراجي انت ما بتقصري والله
الاحتياطي المركزي برضو جاء .
يا اختي كيكي دا طول جافاني عديل كدا العيد بقي ما بجيبو لي والله لما اتعقدت وما عرفت السبب شنو ؟؟!!!!

......

.........

اها يا د. بيان الفيك اتعرفت
قلتي لي شايقيات وجعليات ساي و الباقي يركب الظلت :

Quote: ا لا ادري هل هو التحيز النوعي ام ان النساء في بلادي مبدعات مبدعات مبدعات لحد بعيد هل تتعطل حاستي النقدية عندما يكون العمل لكاتبة ام ان حاستي النقدية هي التى تدلني الى هذه الكتابات الرائعة.؟!!! فانا تبهرني كتابات اماني عبدالجليل النقدية وتضيعني تفاصيل سناء جعفر وتسحرني منى احمد بالذكاء والحرفنة في الكتابة..وتغمرني كتابات حليمة عبدالرحمن ومقدرتها في عرض الظاهرة وتحليلها بصورة بسيطة ممراحة.حتى اقول اني ا ا حتى اقول اني اغرق اغرق حتى دومة الغياظة التي نختلف فكريا اختلاف الليل والنهار والتي تدعي دائما انها ما كاتبة ولا شيتين الا انها تحفر في عقلي.. عشة بت فاطنة كانت ولازالت لسنين طويلة كاتبتي المفضلة ومعلمتي رغم انها دفعتي..سلمي الشيخ التي تكتب بقلم سائل لا يجف تبكيني تداعيات الذكريات التى تسيلها كتابة ومنى خوجلي المبهرة في جدها ولهوها..بحوث ام راشد المعلمة زودتي بمعلومات لا تتوفر لي في منفاي وكذلك تيسير النوراني ودكتورة اشراقة وكتابتها الاباداعية والنظرية ومنهجيتها العالية و الكارثة تراجي..ممكونة المهمومة بالقضايا العامة ام سهى و عواطف ادريس سوميتا وعزاز شامي وميادة لنا مهدي رجاء العباسي مريم حسين نساء كثيرات مبهرات رائعات قرأت لهن في السابير..لا حصر لهن ولا يسعني ان اذكرهن فالينتظرن الى مارس... في داخلي احتفي بهن وكل عام في يوم المرأة اجمع ما اعجبت به وانشره تحت نساء مبدعات ولكن هذه المرة في رحلتي الجميلة الى الدوحة التقيت بمن لا استطيع ان انظرها الى مارس..وهي دكتورة ناهد محمد الحسن وكانت هدية هذه الرحلة بالحق وكنت محظوظة ان التقيت بها..حيث تواعدنا على التواصل :

طبعا ناس الهامش لما يذكروا يذكر معهم البؤس!!وانهم (كوارث)!!
غايتو كثر خيرك الطعمتيها بام راشد الدنقلاويه


كدي امشي اقري بوست عسكوري الحج مروي...!! عشان تآمني!!

بنوت الهامش ديل يا عني منو؟؟؟

Quote: الصور العامه منتظرين عمليه تمبس تلتئم ويقعد يصلحها بالفوتوشوب كان ننافس بنوت الهامش .

وحياتك شوية حركات اتعلموها من بنات الجلابه ديل
يعني فلاحتك فيهم..وله ما شايفه عمايل الجلابيات؟؟؟تكثري بنملا لك البوست ده كله صور بنوت اهلك
ونخلي القارئ يتفرج ونشوف المشغول بالقضية الفارغه دي منو؟؟؟


وبرضو ما تقولي شكل ده كله في عالم ونستنا بتاعت 2008
وزي ما قلت لك اتقاعدنا و الحمد لله.

Quote: وحياتك شوية حركات اتعلموها من بنات الجلابه ديل يعني فلاحتك فيهم..وله ما شايفه عمايل الجلابيات؟؟؟تكثري بنملا لك البوست ده كله صور بنوت اهلك ونخلي القارئ يتفرج ونشوف المشغول بالقضية الفارغه دي منو؟؟؟ وبرضو ما تقولي شكل ده كله في عالم ونستنا بتاعت 2008 وزي ما قلت لك اتقاعدنا و الحمد لله.

تراجي انت نجاه كانت قالت عليك كارثه ما خاتيه
يا زوله تصدقي ابدا ما فكرت في الكلام بالصوره دي من حيث انه اهتمام فارغ انا زاتي بريد اتفرج في الصور وبالجد اعجبت بصورك جدا بحب بس اكاويك يا معبوده شباب بورسودان (والحلال المجاوره لزوم التهميش وكدا )

Quote: هي قد كتبت بنفسها أنها خريجة الدفعة السادسة عشر من جامعة الجزيرة أي لم يمضي علي تخرجها من الجامعة إلا حوالي الثمان سنوات

عالمة ام لواء فى الجيش!
الكسب العلمى للمتميزين يحسب بالعرض وليس بالطول (الأقدمية)
ثمانية سنوات ليست بالأمر الهين!
صديقنا الناشط فى مجال الانسان الدكتور مضوى ابراهيم آدم اكمل الدكتوراة فى الهتدسة الميكانيكة خلال عامين فقط اكرر فقط واضطر الى الانتظار لمدة سنة كاملة من اجل الحد الادنى الذىفى تخصص دقيق تحت اشراف بروفيسر ناندى!
دكتور مضوى ظل ناشطا وهو طالب فى الجامعة وبعده وظلت الانقاذ تلاحقه وتنقله من سجن الى سجن واشبعته تعذيبا يشيب له الولدان برغم مرضه وضالة بنياته ولم تطلقه الا بعد مناشدات حقوق الانسان ومنظمة العفو وعندما ارادت المنظمة العامة لحقوق الانسان تكريمه فى ايرلندا لكسبه الانسانى اعادته حكومتنا من المطار ولم تنسى ان تتهمه بالتجسس لصالح دولة اجنبية!
تخيلوا ان دكتور مضوى يعيش فى دولة تحترم فيها حقوق الانسان وهو الذى نال الدكتوراة فى سنتين فى تخصصمن انواع الحركة كانت تعالجها الناسا فى ذلك الوقت!
ماذا كان يمكن ان يكون لو تفرغ للكسب العلمى!
السودانيين تميزوا بالنشاط العلمى المميز فى كل انحاء العالم اثروا البحث العلمى فى انجلترا وامريكا وكانت انجلترا وامريكا تمنح السودان مئات المنح فى كافة التخصصات ح!
من الطريف ان صديقنا برسى ذهب الى انجلترا فى بعثة من ضمن كثيرين من انحاء العالم لنيل درجة الماجستير فى الهندسة المدنية على ان يتم منح الافضل اداءا منهم فرص تحضير درجة الكتوراة!
اخونا التابغة برسى اكمل الماجستير فى احدى عشرة شهرا باداء مشرف اذهل المشرفين الذين قرروا ان من العبث اهدار الوقت لانتظار نتيجة الاخرين فلن يحرزوا ما احرزها فضلا عن ان يتجاوزوه وتم منحه فرصة التحضير على الدكتوراة وزملاءه فى بعض الاقطار لا زالو يستفون عفشهم للحضور للماجستير!
هذا فى بريطانيا بلد البيروقراطية والتقاليد الراسخة يا صباح!
جنى

سلام دوما و د. ناهد و كيكي و تراجي


سنوات العمر لا تعكس و لا تقيس ابداع و مقدرات الانسان

و يملاني الفرح لم اسمع انسانه ذات شفافيه لا مست السحاب

و خاصه د. ناهد الدفعه 16 جامعه الجزيره

يكفي و ضوح و شفافيه الروح التي تدفعها بقوه لاعالي الجبال


(من الدفعه 14)
________________________________________
تخريمه
شنو يادوما عارفه الناس مكسريين عدييل

بكتباتك كمان عاوزه تجيبي الصوره؟

شكرا بت الاسيد بحضورك الباهي
واحتفاءك بناهد

انا غايتو عندي راي تاني

ما تزعلوا مني لكن صباح كلامها وقع لي

يعني الزول البقعد عمرو كلو من ماستر لي دكتوراه زيو وزي القرا خمسة ولا ستة سنين طب

نحن بيتنا كلو خريجين طب

لكن في الطب ذاتو في الماستر و الدكتوراه

و السودانيين عندهم حب الالقاب عشان نكون واضحين

يعني انا العفين ده زمان وانا طالب جامعه لمن اجي اقرا الشعر في جامعة تانية لطلبة زي و زيهم بقدرة قادر ببقى اسمي الاستاذ الفاضلابي

ناهد نثنق بيرسونال لكن الموضوع محتاج نقاش

يا فاضلابي انا موضوعي ابدا ما الدال القدام اسم ناهد من اليوم بشيلها برا لانها طبيبه موضوعي هو التقييم السلبي لانجازاتها يا جماعه يا انا ما بعرف اقرا ولا انتوا ما بتعرفوا تقروا لكين غالبا اكون انا

Quote: والتي تحاول تسخير دراساتها وإطلاعاتها للمساهمة في التنوير والمشاركة إعلامياً بنشاط كبير وهذه الكتابات عن الشخصية السودانية هي مثال لذلك وإن لم يكن عملاً فريداً لذا لا أري أن الأخ محقاً في كتابته عنها العالمة وكان يمكنه الإكتفاء بوصفها بالأديبة وعندنا هنا في البوردأخوة من أطباء وكتاب مساهماتهم الفكرية تساوي أضعاف مضاعفة لإنتاج د.ناهد ولم نصف يوماً أحدهم بالعالم أو المفكر

وكتاب مساهماتهم الفكرية تساوي أضعاف مضاعفة لإنتاج د.ناهد

دوما..حبابك يا صديقة
غايتو بالغتي عديل..
اخيرا المدرسة الهشامية الهبانية (ينفع اسم لطريقة مش؟) .. اتت اكلها و خريجاتتها كمان..

غايتو انا ما عارف الحاصل شنو.. لكن..!

من ما جيت المنتدى ده .. ما حصل قلت لصديقنا بكري ابوبكر (في موسم الأرشفة) ارشف موضوع لزول ولا زولة.. لكن القاعدة دي اتكسرت في موسم الأرشفة الأخير ..و طلبت منو أن يقوم بأرشفة موضوع لزولة..و الزولة دي كانت ناهد محمد الحسن.. اها قاموا بعض من اصحابي مروا بذلك الطلب..و بقت القصة مدورة.. كل واحد ولا واحدة يوصي التاني..و يقول ليهو اسمع في كتابة بتاعة زولة اسمها ناهد محمد الحسن خلي بالك منها.. لأنو عمك كبر طلب يأرشفوا ليها موضوع..شفتي جنس اللذاذة دي كيف؟..طبعا انا ذاتي اتكيفت من الحتة دي و استثمرتها غرورا..و كيف لا..و الواحد صبح مرجعية (طبعا على نطاق دايرة اصحابه و صاحباتو المحدودة جدا)..اها كن انا عندي حبة شوف في القراية.. قاعد اقرا لكثيرين و كثيرات..و احدثهم اضافة ناهد محمد الحسن دي..و فرحان بالحيل انو المنتدى التفت لكتابات ناهد..(الشكر لأخونا و صديقنا طارق الفزاري..ود زينب.. الذي جمع بعض من كتابابتها في بوست واحد..و سهل علينا كثير من الجري و الطيران)..

اها بالنسبة لموضوع الألقاب..مرة كنت بتناقش لي مع شباب هنا في كندا..و اشيل و ارزح.. ابكر ادم ..و ما ادريك ما ابكر ادم.. قام واحد فوينع كده قال لي : قصدك دكتور ابكر ادم؟..طبعا طنشت..و الراجل شالها معاي تقيلة..خلاص..و اعتبرني في عداد من يبخس الناس اشيائهم..
فكرة الألقاب .. تم نقاشها هنا (في سوالف ايام المنتدى)..و جابت مجابدات كتيرة..و اشهرها بوست صديقنا اسامة الخواض عن مفهوم المتأكدم..
و انا عندي معاها حساسية شخصية (ياخي بسببها لغاية الان ما باركت لصديقتي اشراقة مصطفى الدال بتاعتها.. شفت جنس الحقد ده كيف؟لأنو الفكرة عندي.. اشراقة دي ليها اجتهاداتها قبل الدال..و الدال في النهاية تمام خياطة بالحرير زي ما بيقولوا اهلنا)..
فكرة دال ناهد محمد الحسن..و قبلها دال اخونا ابكر ادم اسماعيل..و قبلهما دال صديقنا الشاعر معز عمر بخيت (عشان ما ينط لي واحد في حلقي ساكت.. انا بتكلم عن تجربتي لمن قريت السراب و الملتقى سنة 1985).. هي فكرة اساطير بيخلقها المجتمع..و هي بريئة في كثير من مقاصدها ..يعني أي خريج طب (بيطري.. اسنان.. صيدلة.. بشري) هو عندنا دكتور..و ده اللبس الأساسي في المسألة .. يعني نحن كده (كمجتمع ).. عندنا حول تجاه الحاجات.. المحامي استاذ..و استاذ التأريخ استاذ..و لاعب الكورة استاذ..و هكذا..و الأستاذية كأسطورة اجتماعية ..زيها و زي الدكترة.. ما عندها حدود معينة..
يبقى المعيار ليس في اللقب ..و انما في القدرة على انتاج المستفز (يعني كتابة سواءا كانت بحث او خواطر..بتستفزك بالأسئلة..و تدخلك في حيص بيص مع نفسك) هو المهم عندي..

الغريبة ليه صديقتنا صباح حسين ما انتبهت لأخونا دكتور بشار صقر؟



كبر

عفوا

Quote: سيتم العرض قريبا فترقبوه

تُرُقُبُت ....


يا أختنا ما اترقبنا لمن فترنا ...



عمو معتصم

أو نستا كما قال مجاهد ..

Quote: تُرُقُبُت ....

لول يا نستا تصوروت
يعني عشان ما تجي تقابلني داير تشوف الصوره في البورد لا لالا
لازم تشوف الحاجه دومه في الخرطوم وتجيب لي خاتم فضه من سوق الدهب .

يا كبر الكبر حصل ولا شنو؟؟؟
الزول اسمه ود الزين وليس ود زينب طارق الفزاري

Quote: wadalzain

Quote: ..(الشكر لأخونا و صديقنا طارق الفزاري..ود زينب.. الذي جمع بعض من كتابابتها في بوست واحد..و سهل علينا كثير من الجري و الطيران)..

بعدين يا اخوي صداقة
صداقة السجم حسه انت ما منتبه لانه طارق الفزاري غادر المنبر محتجا له فترة قرابة العام؟؟؟

بعدين انت حسه راجل كبير وما بتخجل تدخل في لغو الصبيه:
بعد ما قلت هذا:

Quote: و هي بريئة في كثير من مقاصدها ..يعني أي خريج طب (بيطري.. اسنان.. صيدلة.. بشري) هو عندنا دكتور..

البخليك تجيب سيرة البحر شنو ثاني:

Quote: الغريبة ليه صديقتنا صباح حسين ما انتبهت لأخونا دكتور بشار صقر؟

يعني عايز تقول شنو؟؟؟د.بشارة ولا واحد في ديل الفوق؟؟؟
يا راجل اختشي انا خجلت لك.

حبابك يا كبر تخيل انت فهمتني تماما ودا بالضبط ما حاولت صباح ان تنفيه عن كتابه ناهد بقولها االموضوع

Quote: أي لم يمضي علي تخرجها من الجامعة إلا حوالي الثمان سنوات وأظن أنها عملت حضرت تخصصها في الطب النفسي (علي ما أعتقد) في مجلس التخصصات الطبية مثلها مثل المئات من الأطباء في السودان. نعم هي واحدة من الفتيات المثقفات والتي تحاول تسخير دراساتها وإطلاعاتها للمساهمة في التنوير والمشاركة إعلامياً بنشاط كبير وهذه الكتابات عن الشخصية السودانية هي مثال لذلك وإن لم يكن عملاً فريداً لذا لا أري أن الأخ محقاً في كتابته عنها العالمة وكان يمكنه الإكتفاء بوصفها بالأديبة وعندنا هنا في البوردأخوة من أطباء وكتاب مساهماتهم الفكرية تساوي أضعاف مضاعفة لإنتاج د.ناهد ولم نصف يوماً أحدهم بالعالم أو المفكر

يبقي الموضوع ليس الدال التي يحملها كل من هب ودب وحتي لو حضر في كيفيه ارضاع الكبير .
الموضوع عندي ان كتابات ناهد ت محفزه للتفكير ونتاج فكر لا يركن للمسلمات والقوالب الجامده وهذا ما يضعها في مصاف المفكرين .
ولا مانع من ان نصفها بصفه المفكره او العالمه ولا نمنع صباح من ان تصفها بما تحب او ان تصفها بالاديبه فقط ولكن لا يحق لها فرض رؤيتها . للناس الحق في وصف ناهد بما يرونه مناسبا حسب رؤيتهم وتقديرهم الشخصي لكتاباتها .

ياحاجه دوما شحتفتي روحنا

ياخي رسلي لينا الصوره نحن بنزلها

Quote: والله فتشت صورة خالة دومة ....حتي بالدولار مالقيته....الغالي بي غلاته .

بسـيطة جـدا عزيزي دياب ..

ابحث عنهـا داخل قلوبنـا ..

حتمـا سـتجدهـا ..

Quote: بسـيطة جـدا عزيزي دياب .. ابحث عنهـا داخل قلوبنـا .. حتمـا سـتجدهـا ..

الابن الغالي حسين يوسف شكرا
ودا رهاني الكبير .
وانتم جميعا بقلبي ابهي مما تحسبون

كيفنك يا دومة
نعلك طيبة
عاش من شافك
وين أيامك

حجة دومة سلام

مستنين الصور .. بعد ما ملحتونا فى الشتاء التانى ومشيتى السودان

جايى أعاتبك فى حق صباح أحمد .. عنوان البوست خلا الموضوع زى النميمة وهى ما جايبة خبر .. ومافى مسنجر ..

أرجو محاولة الأخوان / ت لفت نظرها للدفاع عن نفسها ..

هذا لا يعنى أنى من وجهة نظرها .. فالتحية والأجلال للأديبة د. ناهد

محبتى

Quote: جايى أعاتبك فى حق صباح أحمد .. عنوان البوست خلا الموضوع زى النميمة وهى ما جايبة خبر ..

لووووووووول يا رآفت عتابك مقبول ا لا بالغت فوكا عنوان البوست بتاع الصور دا جاب محمد سليمان
يعني دا بوست ما في زول بنطه الاالراسخين في العلم .
وانتظر لما انزل الصور ما لاقيه زول يساعدني لانه حجمها كبير قلت انتظر ولدي تمبس لانه فنان في الحكايات دي
لانه انا وكوستاوي خوه فرتقت زممممان .
بعدين يا اخوي لما اعلنت في الصيف الفات عن مجئ لبلدكم وكتبت في البور دا طنشتني اها لفيت بلدكم السمحه دي ورجعت قواعدي سالمه .
والصيف دا لوربنا هون بنجئ
نحن لو ما زرنا جبال الالب دي ما بنرتاح في كل عام مره .دا برنامج شبه ثابت الا بس يمنعنا الشديد القوي ( الفلس)

حبيب نوره يا زول يا جميل
انا افي وتابعاك بين البت الحرام والبت المقدس
وبينعقد الكيبورد من الدهشه

Quote: ياحاجه دوما شحتفتي روحنا ياخي رسلي لينا الصوره نحن بنزلها

حبابك يا موصلي ما كان يعز عليك
الا الود تبلدينا قال لي يا مامه ما تفضحينا
دي صوره اسمها ترويع الامن العام

..
.

مكرر .. يا حاجة

..
.
حمدالله على تصليح الكمبيوتر
شايف صلحوهو .. وطوالى سخانات
مش قلت ليك المنبر يؤثر على حياة البض الشخصية ..


________________

طبعا الحشرنى ( توجد صورة )
ما بين مندهش ومصدق .. !!
قلت البرد شل تفكيركم

الزولة ديك وصلت !!

قطع شك لقيت ليك حاجة .. يا زول وين الحي بيك!!

Quote: طبعا الحشرنى ( توجد صورة ) ما بين مندهش ومصدق .. !! قلت البرد شل تفكيركم الزولة ديك وصلت !!

الصوره دي بتكون جابت ناس كتار الا انت ما اظن دا الجابك

-----------------
احتمال كبير تكون وصلت

Quote: انت بس خليك قريب لما تنزل الصور ح تكسر ركبه هنا وتقيف وسط البلد وتهتف بريييييييييدك يا صباح عمري يعدين يا اخوي الفيس برسلي وعمر الشريف وصوفيا لورين تدقش السايبر ده تلقي صورهم حبطرش لكين ماما دومه دي صورها بلقوها وين ؟؟؟ الا ذو حظ عظيم

عارفه يا دومة..أنا غايتو من غير ما أشوف صورتك..
ضبطتك متلبسة بالجمال ..فى بوست تراجى بتاع آلن ديلون السودانى ..
لأنك قلت على نفسك شينة..وطبعا الزول الشين أبدا ما بقول على نفسو شين..
يا حلوة انتى يا جلابية بيضا مكوية




والله بعد كلامكم ده الواحد يمشى يقرا ( للعلامة) ناهد محمد الحسن دى..
معليش يا د. ناهد ما سمعت بيك قبل كده ..وما قريت ليك ..
أنا اساسا بره الشبكة..فى حاجات كتيره.

Quote: والله بعد كلامكم ده الواحد يمشى يقرا ( للعلامة) ناهد محمد الحسن دى.. معليش يا د. ناهد ما سمعت بيك قبل كده ..وما قريت ليك ..

يا امونه كتابات ناهد تستحق القراءه كدي شوفيها وتعالي قولي لي رائيك فيها

Quote: بغض النظرعن انها ذهبت الي اي حد كلامها يفتقر الي اللباقه والذوق

سلامات يا doma، وكل عام جديد وأنت بخير.

قرأت ما نقلتيه عن زميلتنا صباح حسين طه. ورغم اختلافي مع بعضه "خاصة فيما
يتعلق بعدد السنوات التي تلت تخرج د. ناهد"، لكن من الواضح أن صباح ركزت فعلا
على مسألة "المبالغة" في إطلاق الألقاب، وهو "أي هذا الاحتفاء حق مشروع".
وقد عبرت عن رأيها هذا دون أن تتعرض بالسوء لدكتورة ناهد، بل أنصفت مساهماتها
بوضوح.

افتقار كلمات صباح للباقة والذوق - ولا أتفق معك هنا- لا يبرر تخصيص مقال يتناول
رأيها هذا. وإن كان لا بد، كان من الأفضل -كما أرى- أن تتضح فكرة مقالك هذا إذا
كنت ترومين مجادلة صباح، فما أسهل أن يتحول مقال كهذا للنيل من صباح بدلا عن
إنصاف دكتورة ناهد.

وعلى العموم: أتمنى إني أستمتع بpost يناقش ما كتبته صباح، لأنه مثير للجدل فعلا.

... وما أظني محتاج أقول ليك أو لدكتورة ناهد: nothing personal.
_____________________________

تحياتي -عبرك- لدكتورة بيان.

Quote: الغريبة ليه صديقتنا صباح حسين ما انتبهت لأخونا دكتور بشار صقر؟

الضرب على الميت حرام!
جنى

Quote: ياحاجه دوما شحتفتي روحنا ياخي رسلي لينا الصوره نحن بنزلها

دى الوجيبة المرقت من الزريبة!
دومة دى عملوها بى قالب وعفصو القالب يعنى ما فى حاجة نشبها ليك بيها!
غايتوا عاين لى البركل لو لقيتوا...!
بتشوف دومة
جنى

Quote: دى الوجيبة المرقت من الزريبة! دومة دى عملوها بى قالب وعفصو القالب يعنى ما فى حاجة نشبها ليك بيها! غايتوا عاين لى البركل لو لقيتوا...! بتشوف دومة جنى

لول جني
عين الرضا عن كل عيب كليلة .... و عين السخط تبدئ المساوي. او كما قال .
انت من زمن سماح دومه ؟؟؟
لا يصلح العطار ما افسده الدهر يا صديق .
البركه في وليداتي ووليداتهم

يا حباني معذره انطكم كلكم وارد علي كلام الابن احمد الريح

Quote: وقد عبرت عن رأيها هذا دون أن تتعرض بالسوء لدكتورة ناهد، بل أنصفت مساهماتها بوضوح.

ما عارفه انت من وين جبت حكايه انها او اني بفتكر انها تعرضت للدكتوره ناهد بسوء ؟؟؟؟!!!
ابدا دا ما رائي ولا فكرتي عما كتبته صباح كل ما ازعجني هو عدم الذوق والكلام بعدم لباقه في رائي انا ودا اختلاف تقدير ذوقي يا احمد بيني وبينك اي ما تراه انت جميلا ولبقا اراه انا غير لبق او جميل .
وليست فكرتي النيل من صباح في هذا البوست ولا في اي وقت من الاوقات .
انت تري انها انصفتها انا اري انها اجحفت في تقييم اسهامتها بل ذهبت الي التقليل من شأن منجزاتها وتستكثر عليها كون ان تصف بالعالمه .
وهل هناك جهه معينه تمنح الناس صفه العالم ؟؟
في رائي من كان عالما بفن الطبخ فهو عالم و ومن هو عالم بلعبه الكره فهو عالم والعالم بسنن الوضوء او غسل الجنازه فهو عالم .
كان يكون جميل لو اقتصرت صباح كلامها علي توزيع الالقاب دون الخوض في دراسه دكتوره ناهد ومجال تحضيرها والتي هي تعتقد او تظن وحتي استعمال كلمات مثل علي ما اعتقد او اظن التي جاءت في خضم كلام صباح وهي تتحدث بشان انسانه فيما يبدو معروفه لديها علي الاقل من ناحيه اعلاميه ومتابعه لنشاطتها من عدد السنوات بعد التخرج ومجال التحضير ومحاوله ناهد لتستخير الاعلام بيدي انطباعي سلبي عن كلام الكاتب .
كونها تقول لينا ان كتابه ناهد عن الشخصيه السودانيه ليس فريدا وما انجزته انجزه المئات مثلها يعني بالواضح ما تقدونا بي ناهد ولو هي كانت عايزه تنتقد حكايه الالقاب ما كان تفتح بوست لنقد توزيع الالقاب المجاني دا ؟؟؟
لماذا جاءت رسالتها الغير لبقه وخارجه عن الذوق في رائي انا يا احمد بخيط تنشر فيه كتابات ناهد ؟؟؟

Quote: والتي تحاول تسخير دراساتها وإطلاعاتها للمساهمة في التنوير والمشاركة إعلامياً بنشاط كبير وهذه الكتابات عن الشخصية السودانية هي مثال لذلك وإن لم يكن عملاً فريداً لذا لا أري أن الأخ محقاً في كتابته عنها العالمة وكان يمكنه الإكتفاء بوصفها بالأديبة وعندنا هنا في البوردأخوة من أطباء وكتاب مساهماتهم الفكرية تساوي أضعاف مضاعفة لإنتاج د.ناهد ولم نصف يوماً أحدهم بالعالم أو المفكر

اذا انت يا احمد الريح بتفتكر الفقره دي من كلام صباح منصف ل ناهد انا بفتكر انه مجحف وقمه التبخيس
. وبعدين دي رؤيتها هي ودي رؤيتي انا .
.والمفكر ما درجه علميه بتمنحها جامعه في زول بيعرف يشغل مخه وفي زول ما بعرف . هناك متعلمون ببغاويون وهناك متعلمون مفكرون وبالنسبه لي ناهد متعلمه مفكره ومحسن خالد مفكر ومحمد حسبو مفكر . والرسول الامي مفكر .
ما اي زول فينا عنده مواعيين تقديره انا بالنسبه لي هؤلاء الشباب مفكرون والاستاذ محمود محمدطه مفكر .

Quote: اتلومتى والله ياصباح تعابيرك ماكانت موفقه ,, ولكننى اظنها( غيرة ) النساء ,,

لفتتنى العبارة دى ( غيرة النساء)..
ليه دائما عندما تبدى أمراة رؤية نقدية لطرح امرأة أخرى يتم تفسير الأمر على انه غيرة؟؟؟
وأعتقد حتى الأخت صباح نقدها لم يكن للطرح بل لاستخدام الألقاب ..فكيف يكون الأمر غيرة؟

هذه الاتهام بالغيرة وجه كذا مرة عندما تختلف امرأتان..وعيب يا جماعة والله..

خلونا نختلف ونتفق وننتقد بعضنا البعض كنساء..بدون بان يسلط علينا اتهام الغيرة والحسد الخبيث هذا.

ولا تحرمونا حق النقد لبنات جنسنا.




.

لقيتك خطر يا جني
قلت لي عفصوا القالب

Quote: دى الوجيبة المرقت من الزريبة! دومة دى عملوها بى قالب وعفصو القالب يعنى ما فى حاجة نشبها ليك بيها! غايتوا عاين لى البركل لو لقيتوا...! بتشوف دومة جنى

ومن يشهد للعروسه مثل امها

اها يا دوما فتحنا خشومنا ومنتظرين القالب البعد صنعك اتعفص ده D

توعدنا وتبخل بالصوووورة!

أختنا دوما

ســــلام كتير شديد

صدقيني دخلت بـس علشان أسلم لا عايز أشوف صوره ولا أي شئ تاني و الحمدلله لقيت موضوع الصوره إشاعة

أو كذبة أبريل في يناير(( لكن بصراحة لو كنتي نزلتي الصورة زي ما بتقولي بوستك دا كان وصل

الأرشيف زماااااااااااااااااااااااااااااااااااااااااااااااااااااااااااااااااااااااااااان))

تحياتي

Quote: (( لكن بصراحة لو كنتي نزلتي الصورة زي ما بتقولي بوستك دا كان وصل الأرشيف زماااااااااااااااااااااااااااااااااااااااااااااااااااااااااااااااااااااااااااان))

حبابك يا ابو حسين ضحكتني في هذا الصباح الجميل باطلالتك

Quote: عبرت عن رأيها هذا دون أن تتعرض بالسوء لدكتورة ناهد، بل أنصفت مساهماتها بوضوح.

العزيزة دومة

تجديني اتفق هنا مع راى اخونا احمد الريح

وهذا ماكنت ارمى إليه فى مداخلتى الاولى اعلى البوست

ولا خلاف فى الباقي


__
وصية
لاتنشري صورتك ... شفنا المحروس ورسمناك عليه

العزيز حيدر حسن ميرغني
تصدق انا ابدا ما افترضت ان صباح تعرضت بسوء لناهد, لكين فرض رؤيتها في كتابات ناهد والمطالبه بعدم وصفها بالعالمه او المفكره لا يد خل في النقد العام لتوزيع الالقاب المجانيه من منطلق فهمي انا .

اهلا باشرف الحلبي عاش من شافك لو كنا عارفين كدا كان كل يوم ننزل صوره .
يا ولدي سمعت بالمثل اليقول اسمعك ولا اراك دي مامه دومه زاتها.
ما شايف تبلدينا قال لي شنو؟؟؟
وابو الحسين قال الصوره بتودي البوست دا الارشيف مع اني اظن انه يقصد الخور .
وكذلك طالبت بعدم انزالها ابنتي الحبيبه ناهد علي .
وحرصا منا علي عدم ترويع الآمنيين واستجا به لنداءات ابنائي وبناتي سامتنع عن تنزيل الصوره .

العزيزة /دومه
صباح الخير
لما قلته انوا الصورة مالقيته حتي بالدولار....!
اجابني الاخ الاخ حسن يوسف

Quote: بسـيطة جـدا عزيزي دياب .. ابحث عنهـا داخل قلوبنـا .. حتمـا سـتجدهـا ..

انا اكان لي.... اذا زول قال فوقي جنس الكلام ده.... وحاتك الااكان اقفل البوست عديييييييييييييييييل كده.....
شكرا ياحسن.
وداومي علي كده ....يادومتنا.
التحايا النواضر
هارون دياب

دوما الحبيبة
أنا يادوب جاي من الويك آند صباحا وأول ماوقعت عيني علي العنون (توجد صوره )

قلت ياولد أدخل وشوف الصوره بكل الأبعاد عشان في عروض قادمة من مثلث البعد الهرمي

ودي طبعا تمبس لمَايقوم بالسلامة حيديها بعد آخر والله الشوق مطر ليك ياعظيمة ودي ماينط لي

واحد يقول فيها شئ !

المهم ياغالية الدكتورة ناهد كاتبة كبيرةوعالمةنتشرف بيها وكل من علم من العلم شئ فهو عالم بأضابيرة.

أن نعطي من يعطوا أكثر من ذلك ولا نبخس جهد المجتهدين من نساء بلدي بكل أطرافها المترامية لكي ولناهد

كل الحب وماأن أصبح الصباح حتي أشرقت دوما ببوست جاب الغائب والضهبان لكم محبتي .

يااااااااااه من جمال الصوره طبعا الصوره أنطباااع وأنت طٌبعتتي علي قلوبنا بما وما ماأجملها من كلمة تعطي كل المحسوس

،،،،أبوقصى،،،،

يا سلام يا مجدي عبد الرحيم فضل ولدي انا لاقيه حبكم وين ؟؟؟
صدقني ما طالبه اكثر من انكم تحبوني واحبكم محبه صافيه لا تشوبها شائبه .
سلمت انت ومن تحب يا ابا قصي

العزيز هارون دياب صباحك نور يا ولدي
لحسين يوسف معزه خاصه والقلوب شواهد .
امنيتي اني الاقيه لو العمر فيه بقيه .
خلاص البوست قفلناه .
تسلم انت ويدوم بهاءك .

Quote: ما عارفه انت من وين جبت حكايه انها او اني بفتكر انها تعرضت للدكتوره ناهد بسوء ؟؟؟؟!!! ابدا دا ما رائي ولا فكرتي عما كتبته صباح كل ما ازعجني هو عدم الذوق والكلام بعدم لباقه في رائي انا ودا اختلاف تقدير ذوقي يا احمد بيني وبينك اي ما تراه انت جميلا ولبقا اراه انا غير لبق او جميل

سلامات مرة تانية، وشكرا على التعقيب.

أنا لم أقل أنك "تظنين أن صباح تعرضت بالسوء لدكتورة ناهد"، لكني قصدت إبراز تلك الفقرة
بالذات باللون الأحمر حتى يطلع عليها غيري فيعيد البصر كرتين فيما كتبته صباح قبل أن يكون
عنه فكرة سالبة من واقع "الشكل العام لفكرة الpost".

اعتبار كلام بعينه على أنه "عدم ذوق وكلام بعدم لباقة" أمر نسبي كما تفضلت، لكنه كان موجها
من زميلة "سـت بيت" إلى زميلة "سـت بيت"، ولم يكن موجها من زميلة إلى "ضـيفة" ، وأظن
يا زميلة هذا المنبر أن اللباقة وعدم الذوق -إن صحـا- لا يقارنان بالإساءات التي تلبس ثوب
إبداء الرأي.

خلاصة الأمر اختلاف آراء وأذواق، ابتدرتيه يا أستاذتي بوصفه بالغريب والعجيب ، وعندما قرأته
لم أجد فيه لا غرابة ولا عجبا، وتعين على إبداء رأيي هذا، خاصة أنه يختلف مع كل الآراء التي
سبقته إلا قليلا "حيدر+فاضلابي+نوعا ما رأفت".

باختصار: يهمني جدا أن "ياخد الواحد فينا راحتو" في التعبير عن قناعاتو دون أن يجد نفسه
مواجها بموجة من الاستنكار لأن البعض يرى أنه تحدث بعدم لباقة مع زميل آخر ، أو لأن
البعض الآخر يظن أن وراء قناعاته هذه دوافع شخصية "غيرة نساء/محاربة نجاح/تبخيس
ونحو ذلك".

شكرا ليك، ولى صباح التي عبرت عن رأيها، ولدكتورة ناهد على اجتهادها الذي حاز إعجاب
الكثيرين وثناءهم.

Quote: باختصار: يهمني جدا أن "ياخد الواحد فينا راحتو" في التعبير عن قناعاتو دون أن يجد نفسه مواجها بموجة من الاستنكار

وباختصار جدا يا احمد يهمني انه برضو الناس تاخد راحتها في التعبير عن ان فلان مفكرا او عالما دون ان يطالبها الا خر الذي يعتقد خلاف ذلك الا تفعل لانه لا يوافق رائيه الشخصي في كتابه فلان او علان . ولو لم تستنكر الزميله صباح هذا لما استنكرت عليها فرض رؤيتها .

Quote: اسه منتظره الود تمبس يبقي شديد عشان يهندس لي الصور من زمن الصبا الي زمن الكهوله وننزلها

كيفك يا خالة ..
أنا اليومين ديل شغال ممرض للزول دا وممكن ناخد توكيل منه بهندسة الصور دي يا خالة
تمبس كلمني إنك اتصلتي وقتها كنت خارج المستشفى شكلنا ما محظوظين بسماع صوتك ..
تحياتي للدكتورة ناهد ونتمنى نقرأ ليها الكثير ..

معتصم دفع الله يا زين الشباب حبابك
اي والله ما لقيتك واتونست مع ولدي تمبس ولقيتوا عال العال وحكي لي عن الدفاتر والكتبه بتاعين كشف الحال وفرجختهم واحد عن اليمين ووا حد عن الشمال وعجبتني كثير محنتكم ووقفتكم مع بعض يا اجمل ناس يا ابناء السودان وبناته . حقيقي انتم اناس منقطع بكم .
نمرتك عندي بس القي كرت بديك تلفون واسمع صوتك

ماما دوما
والله ليك وحشة وطلتك دي عندنا بالدنيا
صور شنو ياماماالانتي عائزة تنزليها نقوم نحرد المنبر دة ونطاير وله شنو والله لو بت حيمورة نزلت صورتك وانتي في المطار تاني مانلم فيك قريب...(احكي ليهم )

شكر لروعة حديثك.. شكر د.ناهد لجاذبيت ردودك وفهمك العالي فانتي تربية الاستاذ/عمر علي احمد ومنكم نتعلم شكل الحوار وجاذبية الرد وايضا شكر لكي صباح للتعبير عن رائك ولو ان به بعض الاجحاف .

Quote: لي خاتم فض

حررررررم يصلك محل ما قاعدة وذهب 21 كمان .. بس العنوان ؟

وكما قال ود بادي ما دله
عارفاك يا معتصم الاغلي من الدهب بتهديه
خاتمي خليه لي معاك لما الاقيك في الخرطوم .

[

Quote: ماما دوما والله ليك وحشة وطلتك دي عندنا بالدنيا صور شنو ياماماالانتي عائزة تنزليها نقوم نحرد المنبر دة ونطاير وله شنو والله لو بت حيمورة نزلت صورتك وانتي في المطار تاني مانلم فيك قريب...(احكي ليهم )

ناهد علي بتي الجميله وحبيبه

بت حيموره البت النخله تكون عملت خيانات ما رسلت لي صوره المطار دي اليوم ح ازرها ليك لوووووووول . شكرا يا انيقه للمرور وتحياتي لاهل البيت العامر بناتي الحبيبات اخواتك واخوانك واولادهم .

Quote: لووووووووول يا رآفت عتابك مقبول ا لا بالغت فوكا عنوان البوست بتاع الصور دا جاب محمد سليمان يعني دا بوست ما في زول بنطه الاالراسخين في العلم .

يختى البوست ده بجيبنى أنا ومحمد سليمان جرى .. خاصة ما بعد النميمة مع منى .. صباح شغلتا شنو مع الصور .. إلا تجى تجيب اللتا .. بس ما تجيبى لينا بتاعة قبال 12 سنة زى بتاعتى أنا والموصلى

Quote: بعدين يا اخوي لما اعلنت في الصيف الفات عن مجئ لبلدكم وكتبت في البور دا طنشتني اها لفيت بلدكم السمحه دي ورجعت قواعدي سالمه .

على باليمين ما شفتها .. قلتى ليها لى مرة فى بوست سلمى العسل .. ومنها صيف وراه شتا .. لا أتر لا خبر

Quote: نحن لو ما زرنا جبال الالب دي ما بنرتاح في كل عام مره .دا برنامج شبه ثابت الا بس يمنعنا الشديد القوي ( الفلس)

نعمل ليكم صندوق ونديك الصرفة الأولى ..

راجين والصيف قرب

Quote: وحرصا منا علي عدم ترويع الآمنيين واستجا به لنداءات ابنائي وبناتي سامتنع عن تنزيل الصوره .

بالله شوفوا الإستهبال ده ؟؟!!!


خلاس يا دومه رجعوا لينا لينا قروشنا و خلونا نتخارج !!!

( و معاي أخوي رأفت مبلاد .... و كمان معانا أحمد الريح العامل فيها موضوعي الآن .... و هو عااارف سبب دخولو للبوست ده شنو !! ) ..

Quote: خلاس يا دومه رجعوا لينا لينا قروشنا و خلونا نتخارج !!!

bad loans are generally written off

يبقي يا فرده الجاتكم في قريشاتكم سامحتكم بدلا عن الترويع بالآمينين

غايتوا يا رآفت يا اخوي مع توقعات
The mother of all depressions in 2008 visiting Switzerland might be a
far fetched dream.
لكين النيه في. وموضوع الصندوق مغري وبعد داك الزول يعمل زغبير

صورتك يادومة

مرسومة بي روحك الجميلة المداومة على التواصل..
كنت حضورا بيننا معظم الوقت ابان وجودي بالسودان
بعد غياب دام لسنوات..صورتك مثبتة بكل احترام
على جدارية ذاكرة الاهل..كنت معنا في معظم جلساتنا الصباحية
وفنجان البن سيد الموقف..اظنك تتفقي معي اذا ما قلت بينك
وتراجي شئ مشترك هو تلك الاصالة والنفوس النقية..لك التحية
وكل الاحترام.

يا سلام يا منعم تمنيت لو كان لقيت ليكم طريق
تمنيت لو امشي واقابل هويدا واضمها علي
تمنيت الكثير الكثير .
لكين في السودان ليس هناك شئ اسمه التمني
ظروفي كانت قاهره .
بتمني يجئ وقت واكون قادره اعمل كل البتمناه .
وتحضرني هنا الاغنيه التي يتغني بها بن الباديه البتقول عايز اكون انا عايز اكون .
انا بستمد الحياه من حبي للناس وبس . غير كدا لا امتلك شئ .
وسعيده جدا انه يكون في شئ مشترك بيني وبين تراجي وهي عزيزه لدي رغم كارثيتها
لوووووووول عشان اسه تجئ تديني علي راسي بريدها لان قلبها ابيض شديد .
اريتو لو ادوها حقيبه وزاريه مثلا الرعايه الاجتماعيه .
يكون الله فتحها علي مساكين السودان خاصه الاطفال وكبار السن.

قبل اسدال الستار اريد تثبيت حق للاخت صباح
لا اتفق مع مداخلة الاخ كمال علي بانها غيرة نساء:

Quote: اتلومتى والله ياصباح تعابيرك ماكانت موفقه ,, ولكننى اظنها( غيرة ) النساء ,,

اشيد بكتابات د.ناهد واقر بحق الاخت صباح في النقد وما كان تداخلي معها الا من حيث حق في نقدر ردها ايضا ولكن ارفض اعتبارها مجرد غيرة نسوان.


تحياتي للجميع.

الغالية جد جد دومة
عارفة يا ست الناس أنا المدعو طارق المكي يناديني البعض بالفنان طارق المكي نسبة لأني أمارس الغناء كورالياً في كورال أستاذي وأبي محمد آدم المنصوري وهو نار على علم ، حتى ان بوست الترحيب بي كان بهذا الإسم " الفنان طارق المكي " على الرغم من أنني لم أمارس الغناء منفرداً أمام أي من الذين ينعتونني بهذا الإسم ولا أخفيك سراً أنني أشعر بغبطة حينما أرى هذا الإسم متمنياً أن أكون عند حسن الظن أو كما قالوا مع أن إحتمال المجاملة أكبر من الإقتناع ولكن هل التقدير عيب وماذا تعني الألقاب ، ففي أورباهاك من يحملون لقب نبلاء وهم أبعد ما يكونون عن ذلك وأذكر أن لي صديقاً فارق عقلة بسبب ضرب كلاب الإنقاذ له في رأسة ناداني لأكثر من مرة بناجي وكنت في كل نداْ أصحح له المعلومة بأن إسمي طارق فقال لي:"الإسم إسم علا الكلام في نفرو "
فلنفرض أن ود الذين أطلق هذا الإسم بدافع تقدير للدكتورة ناهد هل في ذلك عيب أو هل لصباح شأن في ذلك ؟ لا أعتقد .
دعونا من السفاسف ولنكن واقعيين قضايانا أكبر من ان نتقارع في الألقاب .



المكي

حبابك يا الفنان جدا طارق المكي
انا راي من رائيك لكين في ناس رائهم غير كدا
وعلي قولك انها من سفاسف الامور

Quote: وباختصار جدا يا احمد يهمني انه برضو الناس تاخد راحتها في التعبير عن ان فلان مفكرا او عالما دون ان يطالبها الاخر الذي يعتقد خلاف ذلك الا تفعل لانه لا يوافق رائيه الشخصي في كتابه فلان او علان . ولو لم تستنكر الزميله صباح هذا لما استنكرت عليها فرض رؤيتها

سلامات "تالت"، وأرجو ألا مثقلا عليك في هذا الpost الذي ما عاد يحمل من مقاصده شيئا

بالنسبة لي: الدافع الأساسي هو أن يسلم الواحد فينا من حملات الاستنكار إذا خالف رأي
الأغلبية. أنا لا أعرف صباح، لكني أدافع عن حقها في الاختلاف مع "رأي الأغلبية هذا" و
حقها في التعبير طالما خلا من الإساءة لغيرها.

الشاهد في الموضوع هو أن صباح عندها point، والpoint دي فيها واقعية لحد كبير، لا
أقصد بخصوص د. ناهد، ولكن من واقع ما يحدث في السودان عموما. وممكن -بعد ده- تجي
صباح تسترسل أكثر في رأيها القائل بأن حالة د. ناهد تمثل هذا الواقع.

_______________________________________

... وطالما تواجد Mohamed Suleiman هنا؛ فإني أخشى أن يكون "هدوءه" حتى الآن
يسبق عاصفة تطيح بك وبدكتورة ناهد وبصباح... لذلك أنصح بتدعيم هذا الpost
بمصدات الرياح

Quote: بالنسبة لي: الدافع الأساسي هو أن يسلم الواحد فينا من حملات الاستنكار إذا خالف رأي الأغلبية. أنا لا أعرف صباح، لكني أدافع عن حقها في الاختلاف مع "رأي الأغلبية هذا" و حقها في التعبير طالما خلا من الإساءة لغيرها. الشاهد في الموضوع هو أن صباح عندها point، والpoint دي فيها واقعية لحد كبير، لا أقصد بخصوص د. ناهد، ولكن من واقع ما يحدث في السودان عموما. وممكن -بعد ده- تجي صباح تسترسل أكثر في رأيها القائل بأن حالة د. ناهد تمثل هذا الواقع.

تصدق يا احمد الهدف ابدا ما كان حمله استنكار بس انا ما حبيت ابشتن بوست مقالات ناهد عشان كدا افترعت البوست دا وبالجد كلامها ما ريحني مع عدم معرفتي التامه بناهد او بها وحقها مكفول في ابداء رائيها وبرضو حقي مكفول في الاعتراض علي رائيها .
انا لا اري ان الطبيبه ناهد محمد الحسن تمثل هذا الواقع بل اؤمن ان ما حازت عليه من القاب هي اهل له .
.
طرينا الشر لبعده
اليوم محمد سليمان في راحه محارب وعطله الويك اند
واتمني ان تمتد جسور الود بيننا هوي يا ود الريح ما تسحرو علي
وشكرا للمداخلات وحبابك في اي وقت تشاء . وحاشا لا احسبك مثقلا علي .
انت زول حقاني (وبتمرق الحد فوق الطنضبه او الطندبه )

العزيزة دوما

بصراحة أنا جابتني الصورة.. بس ما لقيت لا الصورة لا العفريتة..وحصل لي إحباط مؤقت.. بس قلت يا ولد لو دوما بخلت علينا بالصورة ما في الإتصال بصديق من أصدقاء زمان "بت الخليفة إدريس" "بت العمة بت كرار" ..أكان تلقى لينا صورة مدكنةعندهاتبل شوقنا الأسفيري.. أها قلتي شنو يا دوما..
ما قلنا بحري طراوة...
تحياتي

العزيزكمال ود الزينيين
انت بس توريني ايميلك وتصلك صوره العائله كلها وتحياتي لاقبال وصفيه وبسمه .
ما بنسي يوم امتحان الدين للثانوي العالي كنت في بيت بت الخليفه ادريس طلعت منهم صلاه الصبح مشيت بيتنا ولبست مشيت الامتحان وكنت ساقطه دين في امتحانات الفصل لكين سهره اليوم داك نفعت احرزت 80 في الميه . كنت الاربعتاشر علي الدفعه لكين بس نتيجه الدين غيرت ترتيبي من ال 14 لي الاولي علي مستوي الفصل ومدارس بحري تصدق ؟؟!!!
صفيه الزميله النابهه كانت الثانيه .
تحياتي ياكمال للاسره وكل الاهل

شكرا يا تراجي.. على التنبيه..و هو خطأ فاحش ..كن مقصود و كن غير مقصود في حق الأخ طارق الفزاري (ود الزين)..

و من هنا أعتذر للأخ ود الزين في كتابة اسمه مغلوط..و هي مسئوليتي في الخطأ و اتحملها..واتمنى أن يتفهم ذلك..



كبر

الجميل كبر تحياتي
انت عارف انا كنت فاكره طارق الفزاري كنيته (ود زينب )وليس (ود الزين )
انا غايتو بيكون من الالزهايمر .
تحياتي لسهام ووشهد وشروق

دوماالعزيزة...
تحياتي وتحيات بسمة، صفية وإقبال..
ماشاء الله عليك..بس دفعتكم كانت فعلا متميزة...
طبعا صفية..بعد الولادة والتربية.. عملت دكتوراة في الكميستري...على ما أعتقد.. وهسع استاذة ونائب عميد كلية العلوم في الإسلامية.. وهي مشروع "حبوبة".. وطالما ما أنت دفعة صفية لسع صغيرة يا دوما.. ربنا يديك الصحة والعافية..
أيميلاتي للتواصل:
[email protected]
أو
[email protected]
إن شاء الله تكوني قابلت واحدة فيهم في الإجازة

تحياتي لجميع أفراد العائلة الكريمة

Quote: بالله شوفوا الإستهبال ده ؟؟!!!

الما بتشوفو فى بيت ابوك بخلعك!
السماحة للما متعود عليها بتخلعو !
يعنى بتروعو!
جنى

العزيز كمال كرار
اها الرساله وصلت ام لا ؟؟

الحبيبة دوما

صورتك الخايف عليها

وأنت ما خايفة علينا

دي واحدة من الاماني

ما عشان شيء بس عشان

نتأكد حقيقي في انسانة

بهذة الروعة وتتجلى في

ابراز شخصيات مثل د/ناهد

Quote: بسـيطة جـدا عزيزي دياب .. ابحث عنهـا داخل قلوبنـا .. حتمـا سـتجدهـا

فعلا أنت في قلوبنا

ودي بعمق

مامادوما
صباحك ورد

عرفت هذه الحلقةمتاخرة للأسف حضرت جزء يسير من الحلقة ولكن فرحت كثيرا

لانها سودانية وامراة وعبرت عنا.

تحدثت عن المسكوت عنه فى مجتمعنا بوعى وادراك .

وهى مثلنا فى درب هذا الوطن نحفر فى صخر المعرفة

فلها منا التجلة و الاحترام .

ولك حبيبتنا أيها الرائعة و الجميلةدوام الصحة و العافية .

Quote: عرفت هذه الحلقةمتاخرة للأسف حضرت جزء يسير من الحلقة ولكن فرحت كثيرا لانها سودانية وامراة وعبرت عنا. تحدثت عن المسكوت عنه فى مجتمعنا بوعى وادراك . وهى مثلنا فى درب هذا الوطن نحفر فى صخر المعرفة فلها منا التجلة و الاحترام .

نورتي البوست يا تيسيير النوراني
من اسباب فرحي بيكن يا بنات السودان حفركن بالاظافر في صخر مجتمعنا الاسلامي السوداني علي وجه الخصوص . نعلم انها صخور ناريه صلده ولكن بالعزم والعلم سيتفتت عاصيها ولا تلتفن لمثبطي الهمم او متحجري الرؤي .

خالده البدوي يا وريفه شكرا علي الطله الحلوه
وفي سيره د. ناهد يحلو الحديث
فهي بحق علامه فارقه . وعي متقدم وفكر متوهج
لها مني كل الشكر والف الف تحيه وكل الاماني الخضراء .
كسره
صورتي لو لقيت ايملك برسلها ليك والله.
شكل عادي جدا لامراه سودانيه علي اعتاب الستين .
وشكرا مره اخري ولك مودتي التي لا املك سواها

أستاذة دومة
ازيك وشوق كتييييير
من قبيل دايرة اخش اسلم اصلوا موضوع البوست شعرا ما عندي ليه رقبة لا قريت لا شفت لا سمعت عن د. ناهد ، لكن كلامك والآخرين حيكون لينا دافع نمشي نفتش ونقرا ليها واثقين في تقييمك.

يا جماعة صور ماما دومة قاعدة عندي في موبايلي لو في زول رسل لي وصلة N73 طوالي بنزلها والملم الدولارات كدة ما اخير (تحت تحت نحن نتقسمهم رايك شنو يا أستاذة دومة).

Quote: حررررررم يصلك محل ما قاعدة وذهب 21 كمان .. بس العنوان ؟

بس عاد الحكاية ما دام بقى فيها هدايا دهب قلنا نخش ونقول ل معتصم عنوانا ساهل وانت عارفو رسل لينا عمولتنا ان شاء الله 5%.

صفية

Quote: يا جماعة صور ماما دومة قاعدة عندي في موبايلي لو في زول رسل لي وصلة N73 طوالي بنزلها والملم الدولارات كدة ما اخير (تحت تحت نحن نتقسمهم رايك شنو يا أستاذة دومة).

لووووول صفصف الظريفه دولارات شنو ؟؟؟!!
نحن بعد دا ما بنقبل الا بالدهب الدولارتدمر تماما اي دولار عندك فكيهو باسرع ما يكون مع الهواء عكس الهواء في اي اتجاه طوالي .
غايتو الصوره الفي نوكيا 73 دي ما تفرطي فيها ابدا ولا بالدهب

العزيزة دوما...
تحياتي .. معليش كنت في مهمة عمل خارجية لمدة 48 ساعة..
أطمنئك الرسالة وصلت ومشكورة جدا عليها.. وأرسلت ليك الرد بالبريد..
يديك العافية يا حاجة دومه.. بس يعني برضو حاجة حنكوشة يعني..ز
لوووووووووووووووووول
يبلغ سلامك لكل من سلمتي عليهم من العائلة.. بس أقرأي الرد ووريني
أقول ليهم بسلم عليكم منو؟؟؟؟

تحياتي للعائلة الكريمة