Post: #1
Title: نكتة قديمة لنج منذ ان كنت طفلا!!
Author: jini
Date: 01-17-2008, 07:25 PM
اتذكر هذه الطرفة كلما قرات او استمعت لديناصورا من المتشددين الذين يعيشون فى فريزرات القرن السابع الميلادى وآخرهم دكتور عبد الحى يوسف فى الفضائية السودانية بالامس!
النكتة تقول
ان احد المفلسين شكى لصديقه انه يكاد ان يموت من الجوع بسبب الفلس فنصحه صديقه بان ياخذ معه سحلية ويد خل المطعم ويطلب ملوخية وبعد ان ياكل ويشبع يلقى بالسحلية فى الصحن ويثير ضجة فيقوم صاحب المطعم باعفائه من المطعم خوفا على سمعة المطعم فتوكل اخونا على الله ودخل احد المطاعم وطلب ملوخية ولكن الجرسون فاجاه قائلا ما عندى ملوخية لكين عندنا بطاطس وفاصوليا فرد اخونا المفلس: طيب السحلية دى نختها وين!
اها اخوانا ناس عبدالحى من الزمن داك شايلين سحليتهم وحايمين يفتشوا على الملوخية!
جنى
|
Post: #2
Title: Re: نكتة قديمة لنج منذ ان كنت طفلا!!
Author: jini
Date: 01-18-2008, 01:24 PM
Parent: #1
| Quote: اها اخوانا ناس عبد الحى من الزمن داك شايلين سحليتهم وحايمين يفتشوا على الملوخية! |
والملوخية (شريفة)ما بلقوها الا الفضائيات البلدية لان الفضائيات الافرنجية دى سوشى وساتيه وبستيك مابتخارج مع ناس عبدالحى الداير ياكل ويلعق اصابعينو!
جنى
|
Post: #3
Title: Re: نكتة قديمة لنج منذ ان كنت طفلا!!
Author: حيدر حسن ميرغني
Date: 01-18-2008, 01:35 PM
Parent: #2
| Quote: شايلين سحليتهم وحايمين يفتشوا على الملوخية |
جني
لو ما لقوها
يسحلوا السحلية
بفتوى شرعية
|
Post: #4
Title: Re: نكتة قديمة لنج منذ ان كنت طفلا!!
Author: jini
Date: 01-18-2008, 05:53 PM
Parent: #3
Quote:
لو ما لقوها
يسحلوا السحلية
بفتوى شرعية |
أو
يسحلوا صاحب المطعم والزباين بدعاء شامل لا بيقى ولا يذر كدعا فضيلة الطقى على عادل عبد العاطى!
جنى
|
Post: #5
Title: Re: نكتة قديمة لنج منذ ان كنت طفلا!!
Author: رأفت ميلاد
Date: 01-18-2008, 06:02 PM
Parent: #3
| Quote: اتذكر هذه الطرفة كلما قرات او استمعت لديناصورا من المتشددين الذين يعيشون فى فريزرات القرن السابع الميلادى وآخرهم دكتور عبد الحى يوسف فى الفضائية السودانية بالامس! |
جنى سلام
مالك قبلت على الجماعة
ضحكتنى بنكنتك دفعت "أقين أبو كرعين"
زمان رغم الحال كان ممكن تبيره .. ذو الدخول الحدودة كانوا يعانون من الميزانية الشهرية وظبطها ..
قالوا عمك يقبط الـ ملطوش "جنيه" آخر الشهر ويذهب الى حديقة المقرن .. يطلب قزازة شرى .. ويقعد يوزع الماهية على الطربيزة .. 2 جنيه بتاع اللحمة 1.5 الخضار .. الإيجار .. الجاز وهلم جرا ..
يوم فضل ليه 35 قرش .. وقدر ما أعاد الحساب فضل ليه نفس الملغ .. قام طلب قزازة شرى تانية .. ومع آخر رشفة منها مخو رجع وقال " آآآه سيد اللبن" 
هسى بالله بتاع السحلية ده ما حضارة .. لامن سيد المطعم يخاف على سمعتو ويعفيك من الدفع عشان يسكتك .. والله هسه كان ما تدفع يبلعك السحلية
سلام
|
Post: #6
Title: Re: نكتة قديمة لنج منذ ان كنت طفلا!!
Author: jini
Date: 01-18-2008, 06:22 PM
Parent: #5
| Quote: هسى بالله بتاع السحلية ده ما حضارة .. لامن سيد المطعم يخاف على سمعتو ويعفيك من الدفع عشان يسكتك .. والله هسه كان ما تدفع يبلعك السحلية |
لوووووووول
| Quote: يوم فضل ليه 35 قرش .. وقدر ما أعاد الحساب فضل ليه نفس الملغ .. قام طلب قزازة شرى تانية .. ومع آخر رشفة منها مخو رجع وقال " آآآه سيد اللبن" |
قزازة بيرة والعهدة على الراوى
لمن الرغوة طلعت اخونا اذكر اللبن ودشر!
اها وبار بحرى حقتكم القلبوهو مغلق قالوا واحد اخونا سرحان قال لى بتاع المغلق:
بلاهى لف لى علبة بوهية وقزازة ثينر باااردة!
جنى
|
|