أخونا بكري أبو بكر : أخونا د.أسامة عبدالحليم ينتظر اذنكم

الأخ بكري أبوبكر

تحياتي
ينتظر د.أسامة عبدالحليم -أخصائي المسالك البولية وأمراض الذكورة ، على بابك، فهلا آذنت له بالدخول..وهو في تقديري يملك الكثير الذي يمكن ان يضيفه بتواجده هنا.

نثني طلب نادوس


وبالتأكيد سوف يكون د اسامة اضافة لهذا المكان ..


وفي انتظارموافقة صاحب الحوش الكبير

أثني بشدة
فدكتور أسامة عبدالحليم الذي عرفته عن قرب ابان الحملة الإنتخابية
التي أسفرت نتيجتها النهائية بفوز القوى المهمومة بالوطن وإستقراره
وببني الوطن هنا وسط أخوانهم من أبناء دولة قطر المضيافة الكرماء
فتكشفت لي القدرات العالية للدكتور أسامة ، قدرات زانها الإنضباط
الصارم في إحترام المواعيد والحضور وفي تنفيذ التكاليف والمهام
التي كان بعضها من إقتراحاته الصائبة.
وهو برغم مشغولياته كطبيب اخصائي وإنكبابه المستمر على البحث
لم يتوانى ثانية في تلبة نداء الواجب وفي تقديم قدراته التنظيمية
والفكرية في نشاط يلتمس فيه فائدة الناس أجمعين وبالأخص إخوته في
الجالية السودانية بدولة قطر

نثني يا بكري
ولو تماحكت كعادتك
ح نشد ليك تلفون في الثالثة فجر اليوم
ونصحيك من النوم البتحبه يا هندسة

نثني يا بكري ما تتا خر علينا
نحن في انتظار دكتور اسامه عبد الحليم
وسلام يغشي الاحبه نادوس والابنوسه والوليدات

شكرا ابو عثمان على التثنية

والشكر للأخ أبو ساندرا

ويللا حنترك لك مهمة الاتصال ببكري، وتصحي كمان.

د.أسامة يتوسط الاصدقاء النعيم المهدي وكمال سالم.

بالأمس إستقبلنا الأستاذ محمد عثمان عضوآ
واليوم نثني دكتور أسامة

انت في توجيه يا جلة واللا شنو
عشان بكرة ننفذ ونقدم للمهندس نعيم المهدي كمان

وعندما يكون الحديث عن قامة ورجل بمقام الدكتور اسامة عبدالحليم
لابد ان نكون من الحاضرين والمثنين والباصمين وبالعشرة كمان...
ودكتور اسامة وكما قال بركات نموذج للانسان العالي الموهبة والانضباط والتهذيب
والجدية واحد الذين وبكل صدق اطرب لهم عندما يتحدثون في الشان العام...
الف مرحب بيك يا اسامة
واسرع لنا به يا بكري فهذا الرجل الجميل مكانه هو سودانيز اون لاين دون شك
.....

.....

دكتور اسامة عبد الحليم
شرف لسودانيز اون لاين
نثنى ......

عبد الجليل يا للفرحة وان شاء الله بكري يسرع باكمال عضوية دكتور اسامة

فهو صديق في الزمن الصعب والسهل وذو عقل متقد وفكر رصين له تجربة في العمل العام جيدة


منذ ان عرفته فهو ملتزم تجاه انتزاع حقوق الانسان والعمل علي سيادة الديمقراطية والعدالة والتطور نحو افاق ارحب

له مليون تثنية فهو معرفة طيبة من اسرة طيبة ويا ريت يجي داخل بذكريات كوستي والحركة الطلابية بالداخل والخارج والعمل السياسي

والمخارج من ورطتنا التي ادخلتنا فيها قوي الهوس الديني ؟؟

له ولعبد الجليل السلام عرفنا سماحة الطريق منك برغم مشقة العمل السياسي لكن الغنا والشعر والاصدقاء وضع لبنات لي عبد الجليل عبد الحليم من بعيد بفضل مساهمته

في نشر التنوير بين الجميع فاهلا باسامة واهلا بعبد الجليل

العزيز نادوس

اثنى

Quote: ينتظر د.أسامة عبدالحليم -أخصائي المسالك البولية وأمراض الذكورة

فهذا الرجل نحتاجه بشدة هنا ............

معقول ... دكتور اسامه عائز ليهو اذن عشان يدخل بيتو ؟؟

عزيزنا بكرى اظنك مامحتاج لمداخله اخرى , مع كل الحب ,,

كمال سالم

كسره
ـــــــــ

بكرى عليك الله خلى بالك من توقيعى ده ,,

up

اثنى وبشدة.... بدء من عبق كوستى ومرورا بكل المفيد الممكن يضيفه دكتور اسامة

وانتهاء بما قالته دينا العسل....

نبصم .

نؤيد وبقوة إنضمام الدكتور المثقف إلى ركب مبدعي المنبر

فهو منبر بحااااااااااااااااالو

رجل صادق وعميق التفكير وعميق الرؤية السياسية،،،

أخونا بكري صحيح أنا إسمي ما زال بقلم الرصاص لكن أطالب وبالفم المليان

تشريف البورد ومنتسبيه بالرائع كالنسمة الدكتور أسمامة عبد الحليم ،،

يا ريت يا بكري ..
فالرجل مكسب لهذا التجمع الكبير .

متزن في وقار العلماء , عميق و ودود ..
مسكون بالفكر الديمقراطي و يختطته منهاجاً حتى في الونسة .
د. أسامة مؤكد ينتمي لهذا المكان ..
فامنحنا يا بكري بعض أكسجين نقي صرنا أحوج ما نكون إليه ..

شكراً نادوس الجميل ..
دايماً مجايبك تفرح .

Quote: د.أسامة عبدالحليم -أخصائي المسالك البولية وأمراض الذكورة

و أظنه سيكون أول طبيب ينضم لبورداب الدوحة !

أثني
تحياتي عبد الجليل وأسامة

فوق

فوق

عاليا

كمقام د. اسامة عبد الحليم

Quote: وهو في تقديري يملك الكثير الذي يمكن ان يضيفه بتواجده هنا.

الكثير بل والمدهش ..

كيف لا، وشخصٌ تجبرك طلته على احترامه قبل أن يبوح ..

أما البوح، فبحجم العقل وطعم الفهم ..

عميق في فهمه ..

طليق في لسانه ..

دقيق في تفاصيله ..

حريص حتى في خطوه ..





نثني وبشدة أخي عبد الجليل ..

د. أسامة فخر للموقع، إنْ علم مالكه !!

ولكن !!!!!!!!!


بالمرة يا حبيب ، في بوست حايم

وينادي بمنح عضوية للأخ رحمي عباس

وهو رجل بمثل الروعة .. فقط (دخان)

أبعدته عنا ..

لا تنساه والبورداب من صالح الدفرات ..

علها تميط اللثام عن طناش الأخ ..

يا سلام عليك يانادوس
نبصم بالعشرة
ومرحب حبابو اسامه عبدالحليم
اخو صاحبنا سيف المسيخ

أهايا بكور ، شن سويت
أمس الله شافك فدفست انا ونمت بدري
ماقلنا ليك نثني
امامك جمعة بحالها
والله قال بي قولك لغاية بكرة

و ال 200 عافيهن ليك

Quote: أخصائي المسالك البولية وأمراض الذكورة

مرحب ... حبابو دكتور اسامة.... كم يتشرف البورد بك...

نثنى وبشدة
الدكتور انسان بمعنى الكلمة
وخير نموذج للسودانى الاصيل
ويحمل الكثير يا باشمهندس
وفوق يانادوس يارائع ويا بورداب
الدوحة التحية لكم

هذا الرائع يجب ن يكون عضوا هنا واتمنى كذلك ان يتبعه استاذنا النعيم عبدالرحيم

د . أسامة عبدج الحليم

من أفضل من عرفت
خلقاً وأخلاقاً وعلماً

أثني بشده
وبالسرعة الممكنة

هو إضافة مؤكدة

بالله زي دكتور أسامة ده ما يكون عضو هنا ؟؟
غايتو بعد الكلام ده كلو يا بكري ، مفروض تديه (عضويتين)
أعرف عبدالجليل ، ومعتصم أكثر ، وهو (مؤكد) لن يقل عنهم في شئ (إن لم يكن أزّيد)
إذن فهو مكسب كبير.
أثني بشدة

هلا ..هلا والف مرحب بالدكتور اسامه عبدالحليم ..
عضوا مع وقف التنفيذ منذ سنوات ومتابع مهتم
بمايدور فى هذا المكان ..الف مرحب دكتور اسامه
صوت قوى ورؤية واضحه وانحياز مطلق للصف
الوطنى الديمقراطى وايمان قوى بسودان متعدد
الاعراق والثقافات ..

فى انتظار اطلالته.. ولمثله تفتح الابواب والشرفت ...

يا جماعة اسامة ده لسع ما بين ولا شنو
ويا بكري الزول ده لو ما وصل لحدي باقي الليل ده
حنعمل جنون في البلد دي واحتمال كاسوري ذااااااتو

مرحبآ به، بالحــيل، يا نادوس
و له التحية
و شكرآ مقدما لبكري للاستجابة

اسع يا عبدالجليل لو بكرى ده عمل اليوزر والباسوورد ، ح يرسلهم كيف .... اس ام اس

ئميلك موجود علي البروفايل



نثني علي الاقل نبقي ثلاثه عشان نتنافس مع ال حموره


خضر سيف اخوي ما مسيخ ، بس انت ما عارف ساااي ، كدي اعرفوا علي حقيقتوا ح تلقي زول
















امسخ من مسيخ

سيف
سلامي ، وين انت ما ظاهر ؟

العزيز نادوس
لا شك أن الأخ أسامة اضافة نوعية فحضوره الذهنى
وسرده للأحداث يفلح فى نقل الأحداث السياسية
فى الجلسات الخاصة بسلالة تجذب الحضور .
فمرحبا به فى الحوش الكبير.
نزار يوسف

اثنى وبشده انضمام الاخ الدكتور اسامه عبدالحليم فالرجل مدهش وكل ما قيل عنه قليل من كثير ونتمنى ان لا يطول انتظاره.

عبد الجليل
صباح الخير

Quote: ينتظر د.أسامة عبدالحليم -أخصائي المسالك البولية وأمراض الذكورة ، على بابك، فهلا آذنت له بالدخول..وهو في تقديري يملك الكثير الذي يمكن ان يضيفه بتواجده هنا.

يلا ...يابكري ....ادي الراجل الباسوورد.... خلي يشوف لي موضوع الحصوة المجنني ده شنو.....؟
اثني وازكي وابصم بالعشرة .....ومرحبا مقدما بالدكتور اسامة ....
شكرا....نادوس .
هارون دياب

Quote: د. أسامة فخر للموقع، إنْ علم مالكه !!

حاولنا نعلم المالك ده
وإتصلنا به تلفونيآ أمس لكن أظن الوقت ماكان مناسب
حسب توقيت الولايات المتحدة

وعايز إستغل السانحة دي لأوجه النقد لحملة الموبايلات

فليس مطلوب منهم أن يردوا على الإتصال فورآ
فقد يكون المتصل به في إجتماع أو نائم أو في أي وضع لايسمح له بالرد
لكن يتوجب وأصر على يتوجب دي أن يبادر بالإتصال متى ما تسنى له ذلك
فلايعقل أبدآ ان تتصل بأحدهم ولا يرد عليك لغاية اليوم التالي
بل بعضهم لايرد أبدآ
وديل انا إتخذت قرار بعدم الإتصال بهم

د. اسامه اضافة حقيقية بلا ادنى شك

رجل عاقل، متزن، مثقف وكما قال لقمان تجبرك طلته على احترامه ناهيك عن حديثه ..


اثني وبشده ..
تحياتي لك د/ اسامة.

Quote: هذا الرائع يجب ن يكون عضوا هنا واتمنى كذلك ان يتبعه استاذنا النعيم عبدالرحيم

أثني ف النعيم عبدالرحيم المهدي
المعروف هنا ب نعيم المهدي
رجل مهمات صعبة
نحتاجه

الأصدقاء
الصديق كيكي
الصديق معاوية الطيب
رفيق الأيام الحلوة صبري الشريف
الصديقة دينا خالد: د.أسامة كما اوضحت وجوده يحتاجه هذا المنبر كاضافة مميزة، في مجال اختصاصه وفي مجال العمل العام..
الصديق كمال علي
الصديق اشراقة مصطفى
الصديق فيصل الزبير
الصديق عثمان دغيس
الصديق والاخ عماد عبدالله "رفيق الايام الجميلة"
الصديق والاخ الصغير صحافة 30
صديق الايام الخوالي واخي علي محجوب النضيف
الصديق مأمون احمد ابراهيم
قريبي وصديقي المناضل عمر ادريس
صديقي وزميلي لقمان همام ....
صديق شقيقي المسيخ م. سيف.
الاخ سيف جبريل
الاخ بابكر التوم

الاخ أحمد القرشي ...
حضورك هنا امتدادا لحضورك الدائم في حواراتنا مع د.اسامة وياسر ميرغني ونزار . . .
الاخ والصديق عادل التيجاني
الاخ والصديق صلاح عبدالله
الاخ والصديق محمد عبدالرحمن
الاخ والصديق الطيب بشير
الاخ أسامة الخولي
الاخ والصديق نزار يوسف...
الاخ والاخ هارون دياب
رندا حاتم

شكرا جميلا، لدعم وتثنية انضمام د.أسامة...

Quote: الأصدقاء الصديق كيكي الصديق معاوية الطيب رفيق الأيام الحلوة صبري الشريف الصديقة دينا خالد: د.أسامة كما اوضحت وجوده يحتاجه هذا المنبر كاضافة مميزة، في مجال اختصاصه وفي مجال العمل العام.. الصديق كمال علي الصديق اشراقة مصطفى الصديق فيصل الزبير الصديق عثمان دغيس الصديق والاخ عماد عبدالله "رفيق الايام الجميلة" الصديق والاخ الصغير صحافة 30 صديق الايام الخوالي واخي علي محجوب النضيف الصديق مأمون احمد ابراهيم قريبي وصديقي المناضل عمر ادريس صديقي وزميلي لقمان همام .... صديق شقيقي المسيخ م. سيف. الاخ سيف جبريل الاخ بابكر التوم الاخ أحمد القرشي ... حضورك هنا امتدادا لحضورك الدائم في حواراتنا مع د.اسامة وياسر ميرغني ونزار . . . الاخ والصديق عادل التيجاني الاخ والصديق صلاح عبدالله الاخ والصديق محمد عبدالرحمن الاخ والصديق الطيب بشير الاخ أسامة الخولي الاخ والصديق نزار يوسف... الاخ والاخ هارون دياب رندا حاتم شكرا جميلا، لدعم وتثنية انضمام د.أسامة...

كل هؤلاء من اجل دكتور اسامه نرجو من الباشمهندس بكرى ابوبكر الاستعجال بضم هذا الرجل النبيل.

الف مرحب بيك حباااااااابك

فوق



فوق



فوق

من اجل إنضمام الدكتور الشفيف أسامة عبد الحليم ،،،