الأمسية الشعرية للشاعر الكبير أزهري محمد علي .. مركز أصدقاء البيئة ـ الدوحة (صور)

الشاعر الكبير أزهري محمد على
والشاعر المهندس معتصم الطاهر
والشاعر والمسرحي الكبير هاشم صديق

بداية الحضور

السينمائي القدير عبد الرحمن نجدي
الأستاذ والزميل الأديب بدر الدين الأمير
الأستاذة والزميلة المترجمة الفورية سارة أبو شقرا



الاستاذة الإعلامية ليلى صلاح (أبنوسة)
الدكتورة والأديبة (نائب رئيس اتحاد الكتاب السودانيين ) ناهد محمد حسن
الممثل والسيناريست والمخرج الفنان الضخم محمد السني دفع الله

كانت أمسية محتشدة بحضور جميل وشعر راقي
وشعراء وسيمين
كانت إمتداد وتواصل لإحتفالات الجالية السودانية بذكرى الإستقلال المجيد

ومضت الفلاشات من القريش ومحمد الطيب ونجدي وآخرين لتسجل بالصورة
المشهودة نجاح الأمسية
نجاح صنعه الشعراء بدءآ من التقديم الضافي للشاعر المسرحي المرموق هاشم صديق الملك
وصنعه الشاعر الوسيم أزهري محمد علي بإنتخابه لأمهات قصائده
وبتداخلات عادل التيجاني الذكية
نجاح ساهم فيه الحضور الجميل الأنيق
الذي زانته:
- ليلى صلاح { أبنوسة } الإعلامية المتميزة بحضور وإصغاء
- دكتورة منال زوجة زميلنا المهندس عمر بوب ، بإنسجامها الكامل
وحضورها الطاغي برغم سهرتنا عندها مساء الثلاثاء
على أطباق شهية أعدتها بمهارة الطبيب الجراح
- دكتورة رحاب زوجة صديقنا صالح والتي تعتبر من أميز الناشطات
والمشاركات في الليالي الثقافية خاصة في المركز
حيث يعمل زوجها الوسيم
- أمل محمد الحسن : الصحفية اللامعة التي تعرف قوة حضورها فحمت الناس
من الإنبهار بجلوسها في آخر القاعة فكانت كما الضوء
في نهاية النفق
- استاذة هند ،، التي ضمدت بعض جرح أزهري محمد علي السخينة فكانت خير خلف لسلف عزيز
فمازال في صديقي شيء من حزن كظيم عبرت عنه قصيدة الرحيل
- عواطف حسين ،، صاحبة الحضور الأطغى ، الذي طغى على حضور نجدي ، تراها في المكان كنحلة
لا يناوبنا منه سوى الشهد بلطافتها المعهودة

- ماهيتاب بركات : بعد عودتها من إجازة أسبوعين قضتها في الخرطوم ، عادت
وعاد ت معها المؤامرات في بيتنا

وأخرين قد أعود لهم

شكرا ابوساندرا لهذا السرد والوصف الوافي

واسمح لي باقتباس بعضه لحوشنا بهناك

شعر
نقه
انبهار
رسالة
فن
كلو وزيادة في هذه الليلة التي حضرها وبرغم الجو البارد جداً أكثر من 120 شخص زينوا القاعة بحضورهم الأنيق .
وكان دفئها اشعار (أزهري) ومداخلات (هاشم) والتقديم الخفيف والراقي من (معتصم)

وقد كان هنالك بورداب الدوحة المتميزين كل في مجاله
وشخصيات الدوحة المذهلة

يعني يا أبو ساندرا (ركز معانا شويه)

ماهيتاب الطيبة أنارت القاعة بحضورها
أحبابي

من ضمن الاسئلة التي قدمت لأزهري سؤال حول استعانته ببعض آيات الذكر الحكيم في الشعر فماذا قال في ذلك (ذكروني) يا متابعين .. وهذا رد لأشخاص كنت أحب أن يكونوا معنا ولكنهم اعتذروا لي لنفس السبب ويهمني جداً أن يعرفوا وجهة نظر الرجل .
والمنتدى يكفل للجميع وبكل حياد (المعرفة) والمشاركة .
لأن إجابته كانت جميله
فقد قال بالحرف الواحد سمعت أن بعض الأشخاص قاطعوا هذه الأمسية لأن لهم رأياً في استخدامي ل (آي الذكر الحكيم) في قصائدي ، ولماذا لا استخدمها (هل الشعر رجس من عمل الشيطان ؟) وقال : لماذا لم يأتوا ليسالوني رأيي فيقنعوني أو يقتنعوا لأنني لا أسيئ للقرآن الكريم ولا أحور معانيه وقديماً تم تناول معاني آيات القرآن في أغاني الحقيبة فلماذا لم يعترض الناس على ذلك ؟؟
وللرجل وجهة نظر مريحة جداً في هذا الشأن وأبدى استعداده لمناقشة هذا مع الراغبين وقال( نحن أكثر إيماناً)

كل المحبة

الاخ عادل
اولا اقدم اعتذاري لعدم التمكن من حضور هذه الليلة الجميلة
للشديد القوي ..
وايضا قد تكون تخمة الجمال والخوف من الانفجار علي حافة الشعر الطاعم السمح
الذي هطل كما الامطار الاستوائية علي سماء الدوحة ولياليها...
حاسدكم
وولكن العزاء بانكم قد استمتعوا وحلقتوا ايما تحليق
وكل الود يا عادل يا سمح يا زين

معتز القريش
شكرا على التغطية الجميلة
كاميرا محترفة جد..اخبار صورة البروفايل حقى شنو؟

Quote: معتز القريش شكرا على التغطية الجميلة كاميرا محترفة جد..اخبار صورة البروفايل حقى شنو؟

الجمال كان في حضوركم يا دكتورة

بالنسبة لصورة البروفايل ....

أيواااا ... ايوااااا

أنا في الحقيقة كنت عايز ابيعا ليك
لكن معليش اعتبريها هديتي ليك
.
.
ح تجيك في الايميل
ولا انشرا هنا ؟؟؟

كانت ليله ولا كل الليالى , كالحلم !

الناس دى أكيد ما من هنا ! أظنهم من حتات تانيه , وأمكنه تانيه , وعوالم تانيه !

الكلام ذاتو ما كلام نصاح ! وده ممكن يخلي الزول يتهور ويقول أنو الشعر بالفصحى فى
السودان ده مافى ليو أى داعى ! ... ياخى كلامنا العادى ده أتاريو سمح سماحه ,
وماأظن بكون فى لغه أثرى وأجمل وأرقى وأعمق من كده ! لا وكمان أكتر من كده ,
أظنها دى قمة المعانى الوصلت لى كوكب الأرض على الإطلاق !ّ لاتقول لي إمرؤ القيس ,
ولا عنتره بن شداد ولا حتى المتنبى ذاتو !

غايتو الحمدلله أنو زى ناس أزهرى وهاشم ديل مننا ! وده بيؤكد عندنا حقيقة
أنو الإنسان المبدع ده ماهوإلا تتويج لى ناس .. لى بلد.. لى أمه ..
فى الزمان والمكان المعين ! وأنو الموروث والتاريخ وكل جماليات هذه الأمه
وإبداعاتا وثقافاتا, بتتمثل فى زول زى هاشم ده ,أوزى أزهرى ! ....
غايتو الحمدلله .شكراً أزهرى محمد على .. شكراً هاشم صديق ...
شكراً جالية قطر .. شكراً منتدى حروف النور . شكراً عادل ..
وجميع الحضور , وكل الناس الطلع من وسطهم أزهرى وهاشم صديق .

شكراً معتز .

Quote: شكرا ابوساندرا لهذا السرد والوصف الوافي واسمح لي باقتباس بعضه لحوشنا بهناك

شيلو كلو يا معتز
ولو عايز زيادة هناك برضو حاضرين

وهذا عشان خاطر ناس عزاز بالحيل زي
- استاذي عمر الخير
- إستاذتي سليمى السباعي
- آل قطان
- آل هباني
- علاء الدين عبدالرحمن السيد
- واللاتي لايخلفن وعدآ
- كريشنقا
فهم جميعآ من رموز الدويم وأركانها

Quote: معتز القريش شكرا على التغطية الجميلة

اتمنى يكون فى توثيق صوتى كمان
ان وجد طلب شخصى يا ود القريش
ونحنا ما بعاد لكن تقول شنو تمر
الفكى الشايفة وشايلة ومشتهى
مع مودتى

الاخ ود القريش السلام عليك

كانت امسية رائعة جدا

وذلك خلال احتفالات الجالية بذكرى الاستقلال

نرجو انزال بقية الصور

محمد عثمان
مساء الخير

Quote: الاخ ود القريش السلام عليك كانت امسية رائعة جدا وذلك خلال احتفالات الجالية بذكرى الاستقلال نرجو انزال بقية الصور

قول بسم الله ياراجل...بقية صور شنو...؟ تلقاها عند الغافل او منتدي الدويم دوت كوم .
قال صور ...قال....دي كانت شحتفت روح.....
والروح تروح مامشكلة ***وتزيد جروح علي جروح مامشكلة
التحايا
هارون دياب

Quote: معتز القريش شكرا على التغطية الجميلة كاميرا محترفة جد..اخبار صورة البروفايل حقى شنو؟

يا دكتورة خدي صورة البروفايل أهي



ولمشاهدة باقي الصور اضغطي (هـنــــــا) وشكرا على زيارتك مقدما

وكدا جاهزة لوضعها في البروفايل
ولو ما عرفتي اتصلي علي 5337025

كي كي العزيز

تحياتي

كانت ليلة ما أحلاها

الجايات أكتر بس أدينا من وقتك يا باشمهندس

وين باقي الصور يا معلم

اوعة تكون نمت بيها في موقعك

اخونا معتز سلامات

وين توثيقك لفعالية المسرح والحركة الوطنية