Post: #1
Title: أخيراً...........باركولي الباسوورد ...!
Author: عثمان دغيس
Date: 01-15-2008, 06:18 AM
Parent: #0
أخيراً يا إخوتي حصلت على كلمة المرور وبالتالي شرف الإنضمام لتلك الكوكبة الرائعة من أخواني / تي من مبدعي بلادي المنتشرين حباً وسلاماً وألقاً في أرجاء الفسيحة ...
أها يا أخواني من أصحاب الخبرة والدراية ب ( جخانين المنبر ) إن كانت له ، دلوني الزول بسوي شنو أول ما يدوهو الباسوورد ؟؟؟!!
معليش أخوكم برلوم... أوعكم تبرلموني !!!
|
Post: #2
Title: Re: أخيراً...........باركولي الباسوورد ...!
Author: عثمان دغيس
Date: 01-15-2008, 06:26 AM
Parent: #1
أشكر عظيم الشكر سيد الحوش المهندس بكري أبو بكر وكل من إختط حرفاً أو ساهم بكلمة في حقي تذكية ومناشدة لراعي المنبر بمنحي شرف الإنضمام إليكم ...
وأخص بالشكر حبيبنا وأستاذنا الأستاذ عبد الرحمن بركات ( أبو ساندرا ) وكذلك الأستاذ الفنان شكلا وموضوعاً عادل التجاني وأخونا هرون دياب وطارق المكي وعبد الكريم كيكي وود القريش وعصام حسين الذي أمدني ببريد بكري الإلكتروني السليم والذي مازال يسألني عن العضوية وما صار فيها و و و و و و و و و القائمة تطول ، فعذراً لمن لم أورد إسمه هنا ...
أتمني أن أوفق في مشاركاتي معكم وأن أكون مستحقاً لهذا الشرف .. شرف الإنتساب إليكم ....
|
Post: #4
Title: Re: أخيراً...........باركولي الباسوورد ...!
Author: محمد سنى دفع الله
Date: 01-15-2008, 06:32 AM
Parent: #2
الف مرحب العازف الكبير
الفنان الرايع
والقانوني الضليع
لك المودة وزمرحب بيك
|
Post: #3
Title: Re: أخيراً...........باركولي الباسوورد ...!
Author: مجاهد عبد الرحمن
Date: 01-15-2008, 06:32 AM
Parent: #1
أولاً حبابك في الهمبريبة دي ؟؟؟
صنقر بي راحتك
وأعزف على أوتار الأمل
في فضاءت الوطن الذي ينتظر أنغامكم المهاجرة
لتدوزن إيقاع الحياة في وطن الجمال ...
لتهب الحياة لأناس يفترشون الأرض ويلتحفون السماء
لأجلهم جميعاً نغني بعيداً عن ساس يسوس ...
نتعاطى حبهم قوت يوم ...
وصدقهم قوت عام ...
لأننا بهم لا فقراء ولا مساكين
وبالله المسرة
أخي عثمان ...
لا توجد جخانين آمنه للبروفة والمغنا غير جخنون الفضيلة والصدق والحب والفن والجمال وانت زولو ... عش للحب والجمال هنا تسلم ...
لأننا نحتاجكم نغمة مدوزنة في زمن النشاز ...
سعال تعسفي :
ياخي في زول كان في مدني لمن كان طالب في قانون الخرطوم وبيعزف أكورديون مع مجموعة من مغنيي ودمدني منهم ياسر عبد الوهاب ... هل هو انت ؟؟؟
تحياتي لك وأتمنى لك إقامة طيبة ...
|
Post: #9
Title: Re: أخيراً...........باركولي الباسوورد ...!
Author: عثمان دغيس
Date: 01-15-2008, 06:42 AM
Parent: #3
أخوي مجاهد
تشكر على الترحيب ،،
لكن الجخانين دي ما ياها زي الكلام الكبار الإنت كتبتو ده وما ح أقدر أجاريهو !!!!
أشكر لك ترحابك الحار مجدداً
وعن سؤالك التعسفي !! ياني أنا زااااااااتي الكنت بإتحاد فناني الجزيرة وكنت فترة طويلة ( بشتغل ) مع ياسر عبد الوهاب ( سيد خليفة ) ومن قبله كبار الفطاحلة من فناني واد مدني ومن بعده كبار فطاحلة فناني مركز الخرطوم جنوب ....
تسلم يا الحبيب ...
|
Post: #5
Title: Re: أخيراً...........باركولي الباسوورد ...!
Author: ماجدة عوض خوجلى
Date: 01-15-2008, 06:35 AM
Parent: #1
مبروووك وانشالله يتربى فى عزك
غايتو انا بعرف لى جخنون واحد اسمو الخور
ده الوصف بتاعو كالاتى تطلع بره المنتدى العام وتمشى الى الايقونات
بتلقى الارشيف والمكتبات ادخل هناك اها بعد كده خليك ماشى لنهايه الصفحة بتلقى
منتدى خاص للاعضاء ادخل تكون وصلت الخور قصرت معاك
والف مرحب بيك تانى
|
Post: #10
Title: Re: أخيراً...........باركولي الباسوورد ...!
Author: عثمان دغيس
Date: 01-15-2008, 06:46 AM
Parent: #5
آلاف التشكرات ماجدة
وتب ما قصرتي معاي
بس خليني آخد نفسي من إستقبال المهنئين وبعدين أتبع توصياتك .. وبدقة
تشكري تاني
|
Post: #6
Title: Re: أخيراً...........باركولي الباسوورد ...!
Author: tarig almakki
Date: 01-15-2008, 06:35 AM
Parent: #1
مبروك يا عثمان
جد فرحت لمن لقيت البوست ده
يتسحب منك بي مشاكل العافيه
Quote: دلوني الزول بسوي شنو أول ما يدوهو الباسوورد ؟؟؟!!
|
بعمل حسابو من ناس كده
وبصاحب ناس كده
ومابمشي لي ناس ما بجوهو
غايتو !!!!!
|
Post: #12
Title: Re: أخيراً...........باركولي الباسوورد ...!
Author: عثمان دغيس
Date: 01-15-2008, 06:51 AM
Parent: #6
ود المكي
يا فنان
تعرف يا طارق وماك طالبني حليفة ( ولا طالبني ) إنت من القلائل اللي كان وجودهم بالمنبر وكتاباتهم الواضحة مما شجعني على السعي الحثيث للحصول على العضوية...
تشكر يا رائع
بس يا ديجانقو أفرز منو النوع الأول ومنو من النوع التاني ؟؟
واللا ده بجيب هواء ؟؟!!
|
Post: #7
Title: Re: أخيراً...........باركولي الباسوورد ...!
Author: عثمان دغيس
Date: 01-15-2008, 06:37 AM
Parent: #1
محمد السني يا فنان ويا إنسان
تشكر على الترحيب الحاااااار
بالله يا أخوانا ده ما الهنا زاتو
من الصباح يرحب بيك نجوم بالمستوى الرفيع ده
تشكر يا راجل يا حلو
|
Post: #8
Title: Re: أخيراً...........باركولي الباسوورد ...!
Author: العوض المسلمي
Date: 01-15-2008, 06:41 AM
Parent: #1
الاخ عثمان دغيس
تهلا بك في بيت السودان الكبير
وكان ما شالك الصالون في عيون كثيره تشيلك علي رموش عينيها
والمنبر ده يا اخوي سياسي اجتماعي ولكن
داير ليه زول باله طويل وعنده قوة تحمل لانه فيه نوعين صعبين ونوع ثالث لاعنده في التور ولا الطحين
النوعين الاولين ناس سياسه وتصنيف
يمكن يشوف اسمك وبدون سابق معرفه او انذار يحدد هويتك السياسيه
من دون اي معرفه ومن دون ان يكون ما وضعه عنك من فكره صحيحا
ويظل يعاملك علي هذا الاساس
والنوع الثالث ديل ناس راقين جدا ومسالمين جدا
ديل باب السياسه ولا بقربوا ليه
ناس اجتماعيات واعمال بر وخير
وناس فن وموسيقي وشعر واداب
يازول مرحبا بك
وانشاء الله تجد من الناس الطيبين والحلوين باصفاتهم واخلاقهم الكثير
ومرحبتين حبابك بين اهلك واسرتك
ودمت بخير
ابوتسابيح
|
Post: #14
Title: Re: أخيراً...........باركولي الباسوورد ...!
Author: عثمان دغيس
Date: 01-15-2008, 07:06 AM
Parent: #8
أخوي العوض المسلمي
أولاً أشكرك غاية الشكر على ترحيبك وعلى تبيانك الضافي وتلخيصك لل ( حكاية )
أما بخصوص النوع الأول ده والله ( أجليهو ) ليك زي الما حصل شي !!وأجيب ليهو من نوع لغة الفنانين ديك مما يجعله يوم يشوف عثمان دغيس النوم يطير من عيونو كمان جاي يلعب مع ( أولاد الليل ) وناس العدادات ..!!؟
ومن هذا الموقع أعلنها دااااااااوية لهذا النوع ولغيره
أنا ماني زول سياسة آآآآآآآآآآآناس هوي
أنا زول مزازيك ساااااااااكت !!!
بس ما بيمنع أن لي رأيي فيما يجري وكان غلبني أمسكوا بفكُو ليكم ...
أحبابي طبعا هم من النوع التاني ناس الأدب والفن والموسيقى والبر والمساعدات و و و و وكل الإجتماعيات...
تشكر يا المسلمي على النصائح الغالية ..
|
Post: #11
Title: Re: أخيراً...........باركولي الباسوورد ...!
Author: أبو ساندرا
Date: 01-15-2008, 06:47 AM
Parent: #1
أهلآ بيك يا زول يا راقي يا زين
العزيز عثمان صادق { دغيس } من الذين حباني الرحمن بمعرفتهم
فهيأ لي أفضل صديق أرتاح لوجوده الجميل
هو زميل في مهنة القانون يعمل مستشارآ قانونيآ لوزارة البلدية والزراعة هنا في قطر
وكذلك هو موسيقي متمكن يعزف على الأكورديون بإتقان منذ عهد الطلب ومازال عضو فاعل وفعال
ضمن كوكبة الموسيقيين الرائعين في الدوحة ، ومبادر معها وضمنها في كل الفعاليات والنشاطات
التي تقام هنا
سعى عثمان دغيس قبل شهور للحصول على العضوية عن طريقي وكاتبت الزعيم بكور مرارآ وتكرارآ
ولكنه أبى حتى داهمناه سويآ بتلفون مساء الأمس ولم يملك بكري سوى أن يزعن
أقول بفم مليان ان عثمان كما هو من إضافات ايام وليالي الدوحة العميقة
فهو إضافة ضخمة جدآ هنا
مرحبتين حبابك
|
Post: #15
Title: Re: أخيراً...........باركولي الباسوورد ...!
Author: tayseer alnworani
Date: 01-15-2008, 07:11 AM
Parent: #11
Quote: أهلآ بيك يا زول يا راقي يا زين
العزيز عثمان صادق { دغيس } من الذين حباني الرحمن بمعرفتهم
فهيأ لي أفضل صديق أرتاح لوجوده الجميل
|
الاخ عثمان لاننا نتلاقى فى معرفتناعبر ابو ساندرا
مرحبتين حبابك و اليوم السعيد الليلة جابك .
Quote: هو زميل في مهنة القانون يعمل مستشارآ قانونيآ لوزارة البلدية والزراعة هنا في قطر
وكذلك هو موسيقي متمكن يعزف على الأكورديون بإتقان منذ عهد الطلب ومازال عضو فاعل وفعال
ضمن كوكبة الموسيقيين الرائعين في الدوحة ، ومبادر معها وضمنها في كل الفعاليات والنشاطات
التي تقام هنا
|
و مااروع ان تكون ايها الموهوب بيننا.
تانى الف مرحب بيك
|
Post: #18
Title: Re: أخيراً...........باركولي الباسوورد ...!
Author: عثمان دغيس
Date: 01-15-2008, 07:21 AM
Parent: #15
أشكرك يا النوراني
وأتمنى أن أكون بقامتكم السامقة
وأن أكون إضافة إيجابية للمنبر
وأن أكون خفيف الظل عليكم...
|
Post: #17
Title: Re: أخيراً...........باركولي الباسوورد ...!
Author: عثمان دغيس
Date: 01-15-2008, 07:17 AM
Parent: #11
أبو ساندرا
يا راجل يا لذيذ !!
ياخي ما أخجلت تواضعنا زاتو ...
ده شنو الكلام الأكبر مننا ده...
وصدقني يا بركة أنا من تشرف بصداقتك إنت وأسرتك الرايعةالتي تصلح ان تكون أنموذجاً فريداً من نوعه في فن التوادد وصداقة كل أفرادها بعضهم ببعض ...
أشكر لك مجهوداتك الجبارة وقتالك الضاري من أجلي ومن أجل الحصول على الباسوورد
وما تشوف شر زي مابيقولوا أهل الخيج .
|
Post: #13
Title: Re: أخيراً...........باركولي الباسوورد ...!
Author: Hatim Salih
Date: 01-15-2008, 07:03 AM
Parent: #1
مرحبا بعثمان دغيس
أولا المفروض أنك تخش الأرشيف تذاكر كويس وبعدين اللوايح دي ما تشتغل بيها الشغلة
المهم يكون عندك شلة وكلوا بعد داك سهل 
الجندر دا أعمل حسابك منو  في دي شايفك مقطعة | Quote: من أخواني / تي من مبدعي |
وأخيرا ما تنسى ترفع بوستات أخوك دا مقابل النصايح القيمة دي
|
Post: #16
Title: Re: أخيراً...........باركولي الباسوورد ...!
Author: مجدي عبدالرحيم فضل
Date: 01-15-2008, 07:13 AM
Parent: #13
الأخ العزيز عثمان صادق دغيس
ألف أهلا بيك قلما نستزيد به معرفة في هذا العالم الأسفيري الرحيب نزلت سهلا وحللت أهلا.
،،،،أبوقصى،،،،
|
Post: #20
Title: Re: أخيراً...........باركولي الباسوورد ...!
Author: عثمان دغيس
Date: 01-15-2008, 07:32 AM
Parent: #16
أبو قصي
شكراً على الترحيب
أفادني الله وإياكم بما نعلم به بعضنا البعض
وبما نتبادله من تجارب وخبرات ..
وأن نفيد بها بعضنا البعض
تشكر يا الغالي
|
Post: #19
Title: Re: أخيراً...........باركولي الباسوورد ...!
Author: عثمان دغيس
Date: 01-15-2008, 07:27 AM
Parent: #13
تشكر يا حاتم صالح
ودي نصيحة غالية
بس حكاية أمشي الإرشيف وأذاكر وأجي دي ما فهمتهت !!
الإرشيف فيهو شنو من معلومات وغير موجود هنا في المنبر!!
ما عندك مشكلة تب .. وزي ما بيقول المثل ( البرفع ليك بوستك أرفعلو بوستيهو !!)
|
Post: #21
Title: Re: أخيراً...........باركولي الباسوورد ...!
Author: عادل التجانى
Date: 01-15-2008, 08:24 AM
Parent: #19
دغيس .. دغيس
يا جماعه دغيس
وأخيراً وضعت عصا الترحال في هذا المنبر
بعد جري وعك
مرحب بيك يا راقي
|
Post: #22
Title: Re: أخيراً...........باركولي الباسوورد ...!
Author: عثمان دغيس
Date: 01-15-2008, 08:29 AM
Parent: #21
ود التجاني
يا ركيزتنا في الدوحة
تسلم على الترحاب والتهنئة
|
Post: #23
Title: Re: أخيراً...........باركولي الباسوورد ...!
Author: البشير دفع الله
Date: 01-15-2008, 08:30 AM
Parent: #1
العزيز الفنان الجميل عثمان دغيس
التحية والود
ومبروك الباسوورد , ومبروك الدبورة التالته كمان وعقبالنا وتتربى في عزك ان شاء الله .
ما عندي نصيحة أقدمها ليك , لأني لسع برلوم , لكن المنبر ده زي ( لحم الراس ).
أي حاجه دايرها بتلقاها هنا .
سعيد جدا باطلالتك عبر هذه النافذة , وننتظر منك الكثير , خاصة الحديث حول الدليب والمزيكا .
|
Post: #28
Title: Re: أخيراً...........باركولي الباسوورد ...!
Author: عثمان دغيس
Date: 01-15-2008, 09:05 AM
Parent: #23
أخوي البشير
تشكر يا الغالي على التهنئة وعلى الدبورة التالتة
ربنا يديك الفي مرادك
تحياتي للمدام ولكل من معك
|
Post: #24
Title: Re: أخيراً...........باركولي الباسوورد ...!
Author: الطاهر عثمان
Date: 01-15-2008, 08:53 AM
Parent: #1
الحبيب ود الدغيس (يااخينا)
ياحليلك وياحليل ايام الامتداد والزمن الجميل
والله دي فرحة كبيرة ان الواحد يشوفك هنا
ومعليش جات متاخرة... انشغلته شوية اليومين الفاتهم مع (محمد)
===
في انتظار ان تمحو اميتنا الموسيقية بحديث وافي عن الموسيقى
وعرج لنا علي اهمية الاكورديون في الفرقة الموسيقية
|
Post: #29
Title: Re: أخيراً...........باركولي الباسوورد ...!
Author: عثمان دغيس
Date: 01-15-2008, 09:18 AM
Parent: #24
تشكر يا الطاهر يا خوي
كنت أول من رحب بي وأنا عريس بداركم العامرة بكريمة .. ليلة عرسي وأكرمتموني أيما كرم
تحياتي للفارسة آسيا محمد عثمان ، إمرأة بمائة راجل !!
وأشكرك مجدداً وأنت تستقبلني وتبارك لي في دخولى المنبر الذهبي !!
وعلي سند كان عضواً لكنه فقد كلمة مروره وطنش الموضوع !!!
|
Post: #25
Title: Re: أخيراً...........باركولي الباسوورد ...!
Author: عصام الدين حسين حسن
Date: 01-15-2008, 08:57 AM
Parent: #1
عثمان دغيس مرحب بوجودك في هذا الإطار الحر ،،
بعدين ياخي إنت تبرلم بلد ،، فلا تتواضع وأنطلق ..
مع حبي وتقديري وإحترامي ،،
|
Post: #32
Title: Re: أخيراً...........باركولي الباسوورد ...!
Author: عثمان دغيس
Date: 01-15-2008, 10:20 AM
Parent: #25
عصام حسين
يا أستاذنا الراقي
ويا راعينا عند نعومة أظافرنا وإيام الزمن الجميل ومدني الأجمل
تشكر يا الحبيب على الترحاب
اللهم أجعلني خير مما يظنون ...
|
Post: #26
Title: Re: أخيراً...........باركولي الباسوورد ...!
Author: الطاهر عثمان
Date: 01-15-2008, 08:59 AM
Parent: #1
دغيس باقيلك كان حنسنا بكري ما بيرضى يدي علي سند الجميل باسورد
|
Post: #27
Title: Re: أخيراً...........باركولي الباسوورد ...!
Author: خالد محمد سليمان
Date: 01-15-2008, 09:03 AM
Parent: #1
الف مرحبتين حبابك اليوم السعيد الليلة جابك
نرحب بالقانونى الضليع و الفنان القدير عثمان
وهو بحق اضافة الى المنبر و الى بورداب الدوحة
بعدين تمشى للظلامى ود القريش يظبط ليك صوره للبروفايل
|
Post: #33
Title: Re: أخيراً...........باركولي الباسوورد ...!
Author: عثمان دغيس
Date: 01-15-2008, 10:22 AM
Parent: #27
أبو الزمل خالد سليمان
زميل القانون
وصديقنا من برة
الآن بقينا أصدقاء جوه وبره !!
تشكر يا الغالي ...
|
Post: #30
Title: Re: أخيراً...........باركولي الباسوورد ...!
Author: haroon diyab
Date: 01-15-2008, 09:57 AM
Parent: #1
عثمان دغيس
مساء الخير
التحايا
هارون دياب
|
Post: #35
Title: Re: أخيراً...........باركولي الباسوورد ...!
Author: عثمان دغيس
Date: 01-15-2008, 11:01 AM
Parent: #30
Quote: ÚËãÇä ÏÛíÓ
ãÓÇÁ ÇáÎíÑ
ÇáÊÍÇíÇ
åÇÑæä ÏíÇÈ
|
أخوي هرون دياب
تشكر على الترحاب
وأتمنى أن أكون عند حسن ظنكم
صديقاً حقيقياً وفعالاً لبورداب الدوحة ... كل البورداب
|
Post: #31
Title: Re: أخيراً...........باركولي الباسوورد ...!
Author: Saber Abdelhadi
Date: 01-15-2008, 10:13 AM
Parent: #1
قلنا نجرب فيك الكي بورد الجديد ..
نشوف كان بيعرف يشيل الشوق ويوديهو ..
لقيتو ما بيعرف ..
والله ما بيعرف ..
|
Post: #36
Title: Re: أخيراً...........باركولي الباسوورد ...!
Author: عثمان دغيس
Date: 01-15-2008, 11:09 AM
Parent: #31
الفنان الحبيب الغالي
صابر عبد الهادي
كيفنك وإن شاء الله طيب ووليداتك طيبين
والله يا صابر مشتاق ليك ولي غناك بالعود ولي أغنية يا مطر عز الحريق تحديداً بصوتك بشكل وا تتصورو
أخبارك شنو ياخي
ويا ريت تفكر تزورنا بالدوحة أو على الأقل صل رحمك إنت ناسي عندك بت خال هنا ؟ وكمان خال وهلمجرا
تحياتي لكل من معك يا راجل يا رقيق ..
وشوقك واصل قبل الكي بورد الجديد
بالمناسبة هو كي بورد (أورغن ) يعني ولا كي بورد بتاع كمبيوتر ؟؟؟!!
|
Post: #34
Title: Re: أخيراً...........باركولي الباسوورد ...!
Author: Moawia Mohammed
Date: 01-15-2008, 10:39 AM
Parent: #1
أخونا العزيز
القانوني الضليع
و الاوكورديونست الماهر
عثمان دغيس
1000 مرحب بيك و نورت المنبر
نتمني أن تكون أضافة حقيقية لسودانيزأونلاين
وننتظر منك الكثير و المفيد
تخريمة :
ما أظنك بتتذكرني لكنني عشت معكم أجمل و أزهي الأيام بمدينة ودمدني عندما كنت مرافقا كالظل
لصديقي العزيز و زميلي بجامعة الجزيرة الفنان سعدالدين عبدالله محمد عمر البنا ( سعد البنا )
كنا نخرج سويا مساء كل يوم الي دار الفنانين نلعب الدومينو و نشرب شاي بي لبن و سعد يبحث عن العدادات وطبعا مشيت معاكم حفلات كتيرة وأذكر من العازفين عمك بدر أنجلو وياسر جنكيز وكسلا أخوان
وصابر و صلاح ...... وكثيرين من مبدعي ودمدني.
|
Post: #37
Title: Re: أخيراً...........باركولي الباسوورد ...!
Author: رأفت ميلاد
Date: 01-15-2008, 11:12 AM
Parent: #34
Quote: الف مرحب العازف الكبير
الفنان الرايع
والقانوني الضليع
لك المودة وزمرحب بيك |
وليك تحيات السنى الجميل .. وألف مرحب بيك
|
Post: #52
Title: Re: أخيراً...........باركولي الباسوورد ...!
Author: عثمان دغيس
Date: 01-16-2008, 07:31 AM
Parent: #37
تشكر يا أخوي رأفت على الترحيب
الله يقدرني وأكون قدر عظمة ترحيبكم الحار...
|
Post: #42
Title: Re: أخيراً...........باركولي الباسوورد ...!
Author: عثمان دغيس
Date: 01-16-2008, 06:34 AM
Parent: #34
الأخ معاوية
ما ح تصدق لو قلت ليك متذكركم تماماً
كنا بنسميكم بعامات سعد البنا
البعام عند الفنانين هو من ( يباري ) الفنانين في الحفلات
لكنكم لم تكونوا كغيركم من البعامات
كنتم بعامات جامعيين
وكنا نفاخر بكم بقية الفنانين والفرق بأنه (حتى ) بعاماتنا مستوى عالي ....!
كم أفتقد تلكم الأيام الغوالي
لم أكن أعلم بأنها بهذه الطلاوة والنداوة
يا الله يا معاوية ....
ذكرتني أيام عزيزة علي وأناس أحبهم حباً صادقاً
تلك المجموعة:
صلاح عبد الله - بتاع البيز
سيف أبو القاسم بتاع الإيقاع - ثم بتاع البيز لاحقاً .
صابر خميس - جيتار
سعيد طرمبة
ود آدم - ساكس
عبد الرحمن عبد الباقي - أورغ
عباس النقر - كمان
وكمان بدر أنجلو ( عليةه رحمة الله ) برضو كمان
عمنا مغنى - كمان
يا سلااااااااااااااام
الله يطراهم بالخير
إن كان لك إتصال بسعد البنا ارجو تبليغه تحياتي وأشواقي ،،،
|
Post: #38
Title: Re: أخيراً...........باركولي الباسوورد ...!
Author: محمد عثمان
Date: 01-15-2008, 11:24 AM
Parent: #1
الاخ عثماان...
الف مرحب فى الحوش العاامر
و نورت الداار يا زول يا جميل...
يديك العاافية..
|
Post: #39
Title: Re: أخيراً...........باركولي الباسوورد ...!
Author: wadalzain
Date: 01-15-2008, 11:57 AM
Parent: #38
ياخى والله بخيت وسعيد عليك الباس جيتار اقصد الباس وورد
وانشاء الله تحول لينا مادة القانون لآلة قانون عشان نشاركك
بالتأكيد انت اضافه نوعيه للمنبر تزيد من وسامته وبدلا من ان يكون شكله كالحا يكون شكله فرايحيا
من لم يطربه العود واوتاره
وعثمان دغيس وغيثاره
فاسد المزاج صعب العلاج
|
Post: #45
Title: Re: أخيراً...........باركولي الباسوورد ...!
Author: عثمان دغيس
Date: 01-16-2008, 06:44 AM
Parent: #39
ود الزين
الزول الزين
مشكور يا اخي على الترحاب
وربنا يقدرنا أن نساهم في رسم مجرد إبتسامة في هذا الزمن الكالح العابس الملامح
كم نحتاج الإبتسام وكم نحتاج لروح الإبداع وتعضيد مضامين الفرح المعافى
يللا مع بعض نكون فرقة الفرح الأبدي...
|
Post: #44
Title: Re: أخيراً...........باركولي الباسوورد ...!
Author: عثمان دغيس
Date: 01-16-2008, 06:40 AM
Parent: #38
الأخ محمد عثمان
لك كل شكر على الترحيب والمباركة
جعلني الله خير صديق وخير إضافة للقائمة
كل إمتناني
|
Post: #40
Title: Re: أخيراً...........باركولي الباسوورد ...!
Author: Alsa7afa_30
Date: 01-15-2008, 01:23 PM
Parent: #1
يا سلاااااام ..
حقيقة كنت مستغرب من عدم منحك الباسوور كل هذه المدة !
مرحباً بك عضواً جديداً و اضافة لبورداب الدوحة ( و بورداب معيذر )
.
.
.
يا اخوانا هنالك اقتراح من الأخ هارون دياب بتكوين رابطة بورداب (معيذر) ، فما قولكم ؟
.
.
ألف مرحب ..
|
Post: #47
Title: Re: أخيراً...........باركولي الباسوورد ...!
Author: عثمان دغيس
Date: 01-16-2008, 06:47 AM
Parent: #40
صحافة يا حبيبنا
ويا جارنا
ويا ابو الزمل
يا بتاع الأورغن
تشكر على المرور والتهنئة
نبارك إقامة رابطة بورداب معيذر
بس حتى الآن نحن ثلاثة فقط
أنا وإنت وهرون دياب ...
ربنا يزيد ويبارك..
|
Post: #41
Title: Re: أخيراً...........باركولي الباسوورد ...!
Author: haroon diyab
Date: 01-15-2008, 01:31 PM
Parent: #1
ودي بطاقة عشان المولودة
تتربي في عزكم
التحايا كيمان...كيمان
هارون دياب
|
Post: #43
Title: Re: أخيراً...........باركولي الباسوورد ...!
Author: salma subhi
Date: 01-16-2008, 06:37 AM
Parent: #41
مبروك
اقامة طيبة على أرض المنبر
|
Post: #46
Title: Re: أخيراً...........باركولي الباسوورد ...!
Author: doma
Date: 01-16-2008, 06:47 AM
Parent: #43
الف مرحب بيك يا عثمان دغيس
بين اهلك وحبانك ماك غريب تب
|
Post: #49
Title: Re: أخيراً...........باركولي الباسوورد ...!
Author: عثمان دغيس
Date: 01-16-2008, 06:50 AM
Parent: #46
تشكراتي يا دومة
ياها المحرية فيكم...
|
Post: #48
Title: Re: أخيراً...........باركولي الباسوورد ...!
Author: عثمان دغيس
Date: 01-16-2008, 06:49 AM
Parent: #43
تشكري يا سلمى على المرور والتهنئة
ومعاً نحو منبر نقي معافي
|
Post: #50
Title: Re: أخيراً...........باركولي الباسوورد ...!
Author: Randa Hatim
Date: 01-16-2008, 07:10 AM
Parent: #48
الف مرحب بيك يا عثمان اضافه لبورداب الدوحة وعضو نشط وفعال ...
مبروووك الباسوورد ..
وربنا يديك خيرو ويكفيك شرو ...
كرم ليهو ... ان شاء بي اوكورديون .. اتصرف عشان تكف العين ...
| Quote: ومعاً نحو منبر نقي معافي |
داخل بي نمره خمسة عديل ...
برلوم سينير لكن ...
سمح مالك تنقل في "الاقتباس" بالهيروغليفي
|
Post: #51
Title: Re: أخيراً...........باركولي الباسوورد ...!
Author: عثمان دغيس
Date: 01-16-2008, 07:29 AM
Parent: #50
الأستاذة رندا
تشكري على المرور والتهنئة
والكرامة جاية إن شاء الله بي خروف جكيييييييييين
بس خليني آخد نفسي من خروفي كرامة ولادة بتي الجديدة وسمايتها
خروفين في شهر واحد
لكن خروف الباسوورد جايي
بس خليكي قريبة
حكاية الإقتباس الحراري دي والله حيرتني عديل كده
قدر ما حاولتها تجي بالعربي أبت تب !!!
أسوي شنو إذا كان بكري أبو بكر مديني باسوورد أظنو كان ساحبو من عضو صيني !!!!!!!!
|
Post: #53
Title: Re: أخيراً...........باركولي الباسوورد ...!
Author: ضحيه ابراهيم
Date: 01-16-2008, 09:42 AM
Parent: #51
الاستاذ / الفنان
عثمان دغيس
مليووووووووون مراحب ومبرووووووووووك الانضمام لبورداب الدوحه وانت زول ماك ساهل وبس اوع تسجل مع بورداب معيذر لانو فى فك تسجيلات واحسن ليك تتجه شمالا حيث الزعيم ابو ساندرا والعبد لله.
| Quote: دغيس باقيلك كان حنسنا بكري ما بيرضى يدي علي سند الجميل باسورد |
يبدو لى ان الاخ والاستاذ/ على سند عضوا قديما بهذا المنبر الا انه مضيع الباس وورد
|
Post: #54
Title: Re: أخيراً...........باركولي الباسوورد ...!
Author: عثمان دغيس
Date: 01-16-2008, 11:44 AM
Parent: #53
أخوي ضحية
مليون شكر وعرفان على الترحاب
وأخوك جريف ما تخاف عليهو ح اكون معاكم ومع ناس معيذر
ودي بنلاقي ليها إخراج !!..
تشكر مجدداً
|
Post: #55
Title: Re: أخيراً...........باركولي الباسوورد ...!
Author: سجيمان
Date: 01-16-2008, 12:06 PM
Parent: #1
حبابك الف
باريني بس..ما بتجيك عوجة
|
Post: #64
Title: Re: أخيراً...........باركولي الباسوورد ...!
Author: عثمان دغيس
Date: 01-17-2008, 06:01 AM
Parent: #55
سجيمان
أنا من دربي ده وفي ضنبك !!!
الله يحلكم مني ساااااااااكت !!
تشكر يا الحبيب
|
Post: #56
Title: Re: أخيراً...........باركولي الباسوورد ...!
Author: معاوية الطيب
Date: 01-16-2008, 12:36 PM
Parent: #1
الف مرحب الاخ عثمان
وجودك معنا اضافة كبيرة لبورداب الدوحة
|
Post: #57
Title: Re: أخيراً...........باركولي الباسوورد ...!
Author: سلمى الشيخ سلامة
Date: 01-16-2008, 12:41 PM
Parent: #56
عثمان دغيس
حبابك الف يالمبروك
وعامر بيت بكرى بوجودك
بيتا بجيب همبريب الحبان
|
Post: #66
Title: Re: أخيراً...........باركولي الباسوورد ...!
Author: عثمان دغيس
Date: 01-17-2008, 06:05 AM
Parent: #57
سلمى يا سااالاامة !!
سلمى الحنينة
يشرفني التواصل مع من يطرب لغناء وصوت محمد جبارة الحنين
إنت إمرأة خاصة جداً
وحنينة لمن غلط
تسلمي يا سلمى
|
Post: #65
Title: Re: أخيراً...........باركولي الباسوورد ...!
Author: عثمان دغيس
Date: 01-17-2008, 06:03 AM
Parent: #56
الأخ معاوية الطيب
سعدت والله بترحيبكم الحار
اللهم أجعلني في حسن ظنكم،،،
|
Post: #58
Title: Re: أخيراً...........باركولي الباسوورد ...!
Author: أبو الحسين
Date: 01-16-2008, 12:56 PM
Parent: #1
صاحبي الفنان عثمان دغيش شخصياً...
دا شنو الهناء والنور والسعادة الجاتنا دي...
يا هلا بيك صديقي عثمان وشرفت الديار من جم...
وعشانك نهديك إنقاااااااااايي زهور وورود...
وندعوك لزيارة حوش الشايقية بسودانيز أُون لاين...
الشايقية... ماضيهم المُشرق.. حاضرهم الأخضر ومستقبلهم ال...د... الجزء الثالث...
مع قواسيب مودتي...
جمال أبريــــدة...
|
Post: #67
Title: Re: أخيراً...........باركولي الباسوورد ...!
Author: عثمان دغيس
Date: 01-17-2008, 06:08 AM
Parent: #58
أوووووووووووووو
أخونا البي هناك أبو الحسين
لك الحب كل الحب
والود كل الود
تشكر يا الحبيب على الترحيب
ومن هني علي ناس القراريص
بس ما تفوتوني بالقراصة الحارة في السقط ده
والجابني يجيب نائبي سلفاكير أقصد صلاح عب النبي
ونبدأ في كلامنا عن الدليب وما أدراك ما الدليب ،،،
|
Post: #59
Title: Re: أخيراً...........باركولي الباسوورد ...!
Author: Alsa7afa_30
Date: 01-16-2008, 10:30 PM
Parent: #1
Quote: نبارك إقامة رابطة بورداب معيذر
بس حتى الآن نحن ثلاثة فقط
أنا وإنت وهرون دياب ... |
طيب خد عندك ..
Quote: المهندس / معتصم الطاهر
الظلامي / معتز القريش
الاستاذة / رنده حاتم
حسام الدين ( صحافة 30)
محمد الطيب
عواطف الطيب
محمد ميرغني
عبد الرحمن الطقي
هارون دياب
واخيرا وليس اخرا ....المبدع /عثمان دغيس |
و في مشروع صندوق كمان
أها معانا ولا مع الخيانة ؟ ؟
|
Post: #70
Title: Re: أخيراً...........باركولي الباسوورد ...!
Author: عثمان دغيس
Date: 01-17-2008, 06:24 AM
Parent: #59
أخوي حسام
معاكم تب
والخاين الله يخونه ،،،،
لكني مصر على أن الصرفة الأولى للمؤلفة قلوبهم
يعني الجديدين ناس عثمان دغيييييييس وكده ،،،
رأيك شنو؟؟
|
Post: #60
Title: Re: أخيراً...........باركولي الباسوورد ...!
Author: Alsa7afa_30
Date: 01-16-2008, 10:59 PM
Parent: #1
| Quote: بس خليني آخد نفسي من خروفي كرامة ولادة بتي الجديدة وسمايتها |
ألف مبروك .. ان شاء الله تتربى في عزك ..
|
Post: #61
Title: Re: أخيراً...........باركولي الباسوورد ...!
Author: بابكر التوم
Date: 01-16-2008, 11:20 PM
Parent: #60
الاستاذ والفنان
عثمان دغيس
مرحب بيك فى الحوش ماتنسى تجيب
أكورديونك وتطربنا لتقينا من برد الدوحة دا
Quote: Quote: بس خليني آخد نفسي من خروفي كرامة ولادة بتي الجديدة وسمايتها
|
وتتربى فى عزك
|
Post: #73
Title: Re: أخيراً...........باركولي الباسوورد ...!
Author: عثمان دغيس
Date: 01-17-2008, 06:33 AM
Parent: #61
الأخ بابكر التوم
تشكر على الترحاب وعلى التهنئة بالمولودة
وجايب ليكم أكورديوني وجاييكم
إلا أكورديوني ده معاي ليهو أكتر من عشرين سنة وما حصل دفاني من البرد
لكن ما تخاف بجيب ليكم معاه دفايات
ما متعود أقطع عشم عاشم فيني
|
Post: #62
Title: Re: أخيراً...........باركولي الباسوورد ...!
Author: kamal ali
Date: 01-16-2008, 11:21 PM
Parent: #1
عثمان دغيس ,, ياهلا وهلا بيك يافنان ياوسيم ,,
كنا زمان بنمشى رحل كل جمعه للغابه نشد الحلل ونغنى ونبتهج , وكان فنانا شين شنا
شديده لكن معانا واحد وسيم وحليوه كده , فكان الفنان يغنى والناس تبشر فى الحليوه ( مرتضى )
ازكرت الكلام ده وانا بشوف ناس هارون دياب وودالقريش يبشروا فيك يوم حفلة عيد الاستقلال وانت بتعزف
وما وصلوا الفنان ,, الف مرحب بيك ..
|
Post: #63
Title: Re: أخيراً...........باركولي الباسوورد ...!
Author: Muna Khugali
Date: 01-17-2008, 00:25 AM
Parent: #62
مرحب بك معنا...
|
Post: #68
Title: Re: أخيراً...........باركولي الباسوورد ...!
Author: Randa Hatim
Date: 01-17-2008, 06:11 AM
Parent: #63
| Quote: بس خليني آخد نفسي من خروفي كرامة ولادة بتي الجديدة وسمايتها |
تتربى في عزك ان شاء الله ويعمر بيها دارك يارب..
يازول ما عندك اي مشكله اخد نفسك ..
لكن احنا نفسنا سلبه يعني ما بننسى ...
مرحب بيك تاني ..
وحبابك ...
|
Post: #74
Title: Re: أخيراً...........باركولي الباسوورد ...!
Author: عثمان دغيس
Date: 01-17-2008, 06:36 AM
Parent: #63
الأخت مني خوجلي
تشكري على المرور والترحاب
بس في سؤال من قبل ما آخد الباسوورد طوالي يرد في خاطري
إنت من عندينا ولا لأ ؟؟؟
لأنو إسمك وملامحك يخيل غلي إنها على علاقة بي كريمة ولا البركل ما عارف ،،،
|
Post: #71
Title: Re: أخيراً...........باركولي الباسوورد ...!
Author: عثمان دغيس
Date: 01-17-2008, 06:28 AM
Parent: #62
الأخ كمال
لك التحية
ولك الشكر على الترحاب الحار
وعلى كلماتك الطيبة واللذيذة في حقنا
ود القريش يبشر فوقي لأنو بتاع أكورديون وبيعرف أنا بسوي في شنو
وهرون دياب يبشر فوقي لأنو ود جيراني
لكن برضو ....
الله يديني خير ود القريش ود دياب !!!
|
Post: #69
Title: Re: أخيراً...........باركولي الباسوورد ...!
Author: منى على الحسن
Date: 01-17-2008, 06:12 AM
Parent: #1
مرحب بيك اخي عثمان
نورت ....المنبر
ان شاء الله طيب ليك المقام هنا
|
Post: #72
Title: Re: أخيراً...........باركولي الباسوورد ...!
Author: أسامة خلف الله مصطفى
Date: 01-17-2008, 06:29 AM
Parent: #69
ألفين حبابك ..سلامات
|
Post: #78
Title: Re: أخيراً...........باركولي الباسوورد ...!
Author: عثمان دغيس
Date: 01-17-2008, 09:16 AM
Parent: #72
أسامة خلف الله
تشكر على الترحيب
ومن إسمك يبدو عليك هيئة ( دبلوماسيي )
وياود خلف الله آ خوي إنت ياتو بورداب ؟؟
من الدوحاب واللا البلجيكاب ؟؟؟!!
|
Post: #75
Title: Re: أخيراً...........باركولي الباسوورد ...!
Author: لقمان حسن همام
Date: 01-17-2008, 06:39 AM
Parent: #69
يا ألف أهلا وسهلا بالمبدع الجميل عثمان
المكان نوّر والله ..
تصدق أول مرة أشوف البوست !!
أخوك مع معمعة الشغل، أصبح قليل الطلة على المنبر ..
عموما، أرجو أن يطيب ليك المقام
وبالمرة في بوست لافي دعما لأخونا رحمي عباس للالتحاق بالركب
أديهو ومعاك بورداب الدوحة دفرتين ثلاثة ..
|
Post: #76
Title: Re: أخيراً...........باركولي الباسوورد ...!
Author: مامون أحمد إبراهيم
Date: 01-17-2008, 06:55 AM
Parent: #75
مرحب بالعزيز عثمان دغيس .
|
Post: #90
Title: Re: أخيراً...........باركولي الباسوورد ...!
Author: عثمان دغيس
Date: 01-24-2008, 10:26 PM
Parent: #76
الغالي الأستاذ مأمون
لك الشكر ولإمتنان على الترحيب
آسف على التأخير في التعليق ....لعدم الإنتباه للترحيب...
|
Post: #79
Title: Re: أخيراً...........باركولي الباسوورد ...!
Author: عثمان دغيس
Date: 01-17-2008, 09:33 AM
Parent: #75
النجم اللامع
والفنان الراقي الجميل أنيق المظهر والعبارة ونقي الصوت وصاحب الحضور الدائم وزميل الثانوي بمدرسة السني
أشكر لك ترحابك الحار
وهو مما يزيدني فخراً وشرفا ويزيد عنقي طولاً ويملؤني شرفاً
بإنتمائي لهذا النفر الكريم الرائع والذين أنت منهم وهم منك ...
تشكر تاني وتالت ومتلًت !.!.!.!
|
Post: #82
Title: Re: أخيراً...........باركولي الباسوورد ...!
Author: عثمان دغيس
Date: 01-20-2008, 07:44 AM
Parent: #69
تسلمى يا منى
وتشكري على المرور والتهنئة والترحيب
وإن شاء الله نكون خفاف عليكم،،،
|
Post: #77
Title: Re: أخيراً...........باركولي الباسوورد ...!
Author: محمد أبوالعزائم أبوالريش
Date: 01-17-2008, 08:32 AM
Parent: #1
عثمان دغيس يا فنان ..
مبروك
ومبروك لينا ولكل بورداب الدوحة وفنانيننها
ومنتظرين مساهماتك
|
Post: #84
Title: Re: أخيراً...........باركولي الباسوورد ...!
Author: عثمان دغيس
Date: 01-20-2008, 11:22 AM
Parent: #77
الراقي
صاحب الحضور الدائم والملتزم أبو الريش
تشكر يا رائع على الترحيب ،،،
|
Post: #80
Title: Re: أخيراً...........باركولي الباسوورد ...!
Author: ismeil abbas
Date: 01-17-2008, 09:40 AM
Parent: #1
ألأخ/عثمان دغيس.........
: عثمان دغيس
أخيراً يا إخوتي حصلت على كلمة المرور وبالتالي شرف الإنضمام لتلك الكوكبة الرائعة من أخواني / تي من مبدعي بلادي المنتشرين حباً وسلاماً وألقاً في أرجاء الفسيحة ...
أها يا أخواني من أصحاب الخبرة والدراية ب ( جخانين المنبر ) إن كانت له ، دلوني الزول بسوي شنو أول ما يدوهو الباسوورد ؟؟؟!!
معليش أخوكم برلوم... أوعكم تبرلموني !!!
هذا شرف لنا أولآ..وباسورد سودانيز أون لاين ما ساهل..أيضآ أعتز به..مافى برلمة ولاحاجة..
والواعى مابوصو....فى إنتظار البديع من عندك..خالص مودتى..بس يا دغيس ما تدغس..
إسماعيل محمد احمد عباس.........
|
Post: #81
Title: Re: أخيراً...........باركولي الباسوورد ...!
Author: ود الباوقة
Date: 01-17-2008, 10:12 AM
Parent: #80
مرحب مرحب بالاخ دغيس .
ادخل لي جوة ...
ود الباوقة
|
Post: #83
Title: Re: أخيراً...........باركولي الباسوورد ...!
Author: عبد الرحمن الطقي
Date: 01-20-2008, 09:53 AM
Parent: #81
مرحبا ً بعثمان دغيس !
و فرصة سعيدة عرفنا إنك ( معيذرابي ) كمان
يللا ندعم فكرة هارون دياب بتاعة الصندوق ،
و يمكن تطويرها لرابطة كمان تضاهي بورداب الدوحة !!
فلنتواصل بدءاً من معيذر !
|
Post: #86
Title: Re: أخيراً...........باركولي الباسوورد ...!
Author: عثمان دغيس
Date: 01-22-2008, 08:29 AM
Parent: #83
الأستاذ الطقي
لك التحية والشكر الجزيل على الترحاب
ومعك في ضرورة التواصل بين بورداب معيذر ..
بس - وإنت راجل مولانا - المؤلفة قلوبهم مش بيرغبوهم بال ( كنجالات ) أقصد القروش ؟؟؟
يعني المفروض الصرفة الأولى لي ..
عايزين فتوى عاجلة قبل هرون ما يخمش الصرفة الأولى ..
|
Post: #85
Title: Re: أخيراً...........باركولي الباسوورد ...!
Author: عثمان دغيس
Date: 01-21-2008, 08:51 AM
Parent: #80
الأخ إسماعيل عباس
التحايا والشكر العميق على الإستقبال والنصائح الغالية
ما تخاف على ما بدقس !!!
الدقسة فيها اللحسة يا مؤلِم !!!!
|
Post: #87
Title: Re: أخيراً...........باركولي الباسوورد ...!
Author: انعام حيمورة
Date: 01-22-2008, 11:46 AM
Parent: #1
الف الف الف مبروووووك والله
انشاء الله تتهنى بيه ..
|
Post: #88
Title: Re: أخيراً...........باركولي الباسوورد ...!
Author: بدري الياس
Date: 01-22-2008, 01:21 PM
Parent: #87
سعادة الكمندان،
يباركو ياتو اسع ويخلو ياتو؟
مبروك الدبورة الجديدة، ولمن قريـت: "خلوني اشيل نفسي من خروفي..." اتذكرت كلام الشغالة "تبعكم" في الضحية الفاتت لمن نادت وقالت ليك بإنجليزية صميمة تمت سودنتها لتكون: "الراجل الحايكتل الخروف وصل.."
وإصرارك إنك تفهما إنو "ياخي الحكاية دي اسمها ضبح ما كتل"
،
البنية تتربى في عزك، والباسويرد تنساهو بي مشاغل العافي...
،
التحايا للأسرة الكريمة.
وأكيد حا اسمع صوتك قريب..
،
أقعد عافية وما تسمع وصية أي زول، فقط "استفت قلبك.."
،
،
|
Post: #92
Title: Re: أخيراً...........باركولي الباسوورد ...!
Author: عثمان دغيس
Date: 01-24-2008, 11:02 PM
Parent: #88
كيكي اللذيذ ( كية في ود القريش)
تشكر على الترحيب الحار
ومع بعض خلونا نفرح ونبعد عن ساس يسوس وعن فلان شايقي وعلان بقاري وداك شلكاوي
وخلونا سودانيين من النوع الفرايحي الطروب واللي بيفهم وينتج النكتة ويخلق من مآسيه منبتات ومفجرات إبداع ...
تشكر يا الحبيب وخليك قريب ..
|
Post: #89
Title: Re: أخيراً...........باركولي الباسوورد ...!
Author: عثمان دغيس
Date: 01-24-2008, 10:23 AM
Parent: #87
الأستاذة إنعام حيمورة
الإنسانة الإنسانة
تشكري يا أستاذة على الترحيب الذي أراه شرفاً يطوق عنقي ..
ربنا يجعلنا على قدر مسئولية الباسوورد في هذا المنبر العملاق ...
|
Post: #91
Title: Re: أخيراً...........باركولي الباسوورد ...!
Author: عبدالكريم الامين احمد
Date: 01-24-2008, 10:30 PM
Parent: #89
هلا وغلا
واشرقت الانوار
ومرحب بالانامل والزوق الرهيف والمزيكة
وعذرا يا عثمان علي التاخير في هذا الكرنفال المفرح
والف مرحب بيك يا دفعة في هذا الفضاء الاسفيري
وفي انتظار تحليقاتك عن الموسيقي لحن الدليب بالاخص
وذكريات الزمن الجميل
وكل الود
|
|
